Sri Kamala Ashtottara Shatanamavali in Kannada:
॥ ಶ್ರೀ ಕಮಲಾ ಅಷ್ಟೋತ್ತರಶತನಾಮ ಸ್ತೋತ್ರಂ ॥
ಶ್ರೀ ಶಿವ ಉವಾಚ –
ಶತಮಷ್ಟೋತ್ತರಂ ನಾಮ್ನಾಂ ಕಮಲಾಯಾ ವರಾನನೇ |
ಪ್ರವಕ್ಷ್ಯಾಮ್ಯತಿಗುಹ್ಯಂ ಹಿ ನ ಕದಾಪಿ ಪ್ರಕಾಶಯೇತ್ || ೧ ||
ಓಂ ಮಹಾಮಾಯಾ ಮಹಾಲಕ್ಷ್ಮೀರ್ಮಹಾವಾಣೀ ಮಹೇಶ್ವರೀ |
ಮಹಾದೇವೀ ಮಹಾರಾತ್ರಿ-ರ್ಮಹಿಷಾಸುರಮರ್ದಿನೀ || ೨ ||
ಕಾಲರಾತ್ರಿಃ ಕುಹೂಃ ಪೂರ್ಣಾನಂದಾದ್ಯಾ ಭದ್ರಿಕಾ ನಿಶಾ |
ಜಯಾ ರಿಕ್ತಾ ಮಹಾಶಕ್ತಿರ್ದೇವಮಾತಾ ಕೃಶೋದರೀ || ೩ ||
ಶಚೀಂದ್ರಾಣೀ ಶಕ್ರನುತಾ ಶಂಕರಪ್ರಿಯವಲ್ಲಭಾ |
ಮಹಾವರಾಹಜನನೀ ಮದನೋನ್ಮಥಿನೀ ಮಹೀ || ೪ ||
ವೈಕುಂಠನಾಥರಮಣೀ ವಿಷ್ಣುವಕ್ಷಃಸ್ಥಲಸ್ಥಿತಾ |
ವಿಶ್ವೇಶ್ವರೀ ವಿಶ್ವಮಾತಾ ವರದಾಽಭಯದಾ ಶಿವಾ || ೫ ||
ಶೂಲಿನೀ ಚಕ್ರಿಣೀ ಮಾ ಚ ಪಾಶಿನೀ ಶಂಖಧಾರಿಣೀ |
ಗದಿನೀ ಮುಂಡಮಾಲಾ ಚ ಕಮಲಾ ಕರುಣಾಲಯಾ || ೬ ||
ಪದ್ಮಾಕ್ಷಧಾರಿಣೀ ಹ್ಯಂಬಾ ಮಹಾವಿಷ್ಣುಪ್ರಿಯಂಕರೀ |
ಗೋಲೋಕನಾಥರಮಣೀ ಗೋಲೋಕೇಶ್ವರಪೂಜಿತಾ || ೭ ||
ಗಯಾ ಗಂಗಾ ಚ ಯಮುನಾ ಗೋಮತೀ ಗರುಡಾಸನಾ |
ಗಂಡಕೀ ಸರಯೂಸ್ತಾಪೀ ರೇವಾ ಚೈವ ಪಯಸ್ವಿನೀ || ೮ ||
ನರ್ಮದಾ ಚೈವ ಕಾವೇರೀ ಕೇದಾರಸ್ಥಲವಾಸಿನೀ |
ಕಿಶೋರೀ ಕೇಶವನುತಾ ಮಹೇಂದ್ರಪರಿವಂದಿತಾ || ೯ ||
ಬ್ರಹ್ಮಾದಿದೇವನಿರ್ಮಾಣಕಾರಿಣೀ ವೇದಪೂಜಿತಾ |
ಕೋಟಿಬ್ರಹ್ಮಾಂಡಮಧ್ಯಸ್ಥಾ ಕೋಟಿಬ್ರಹ್ಮಾಂಡಕಾರಿಣೀ || ೧೦ ||
ಶ್ರುತಿರೂಪಾ ಶ್ರುತಿಕರೀ ಶ್ರುತಿಸ್ಮೃತಿಪರಾಯಣಾ |
ಇಂದಿರಾ ಸಿಂಧುತನಯಾ ಮಾತಂಗೀ ಲೋಕಮಾತೃಕಾ || ೧೧ ||
ತ್ರಿಲೋಕಜನನೀ ತಂತ್ರಾ ತಂತ್ರಮಂತ್ರಸ್ವರೂಪಿಣೀ |
ತರುಣೀ ಚ ತಮೋಹಂತ್ರೀ ಮಂಗಳಾ ಮಂಗಳಾಯನಾ || ೧೨ ||
ಮಧುಕೈಟಭಮಥನೀ ಶುಂಭಾಸುರವಿನಾಶಿನೀ |
ನಿಶುಂಭಾದಿಹರಾ ಮಾತಾ ಹರಿಶಂಕರಪೂಜಿತಾ || ೧೩ ||
ಸರ್ವದೇವಮಯೀ ಸರ್ವಾ ಶರಣಾಗತಪಾಲಿನೀ |
ಶರಣ್ಯಾ ಶಂಭುವನಿತಾ ಸಿಂಧುತೀರನಿವಾಸಿನೀ || ೧೪ ||
ಗಂಧರ್ವಗಾನರಸಿಕಾ ಗೀತಾ ಗೋವಿಂದವಲ್ಲಭಾ |
ತ್ರೈಲೋಕ್ಯಪಾಲಿನೀ ತತ್ತ್ವರೂಪಾ ತಾರುಣ್ಯಪೂರಿತಾ || ೧೫ ||
ಚಂದ್ರಾವಲೀ ಚಂದ್ರಮುಖೀ ಚಂದ್ರಿಕಾ ಚಂದ್ರಪೂಜಿತಾ |
ಚಂದ್ರಾ ಶಶಾಂಕಭಗಿನೀ ಗೀತವಾದ್ಯಪರಾಯಣಾ || ೧೬ ||
ಸೃಷ್ಟಿರೂಪಾ ಸೃಷ್ಟಿಕರೀ ಸೃಷ್ಟಿಸಂಹಾರಕಾರಿಣೀ |
ಇತಿ ತೇ ಕಥಿತಂ ದೇವಿ ರಮಾನಾಮಶತಾಷ್ಟಕಮ್ || ೧೭ ||
ತ್ರಿಸಂಧ್ಯಂ ಪ್ರಯತೋ ಭೂತ್ವಾ ಪಠೇದೇತತ್ಸಮಾಹಿತಃ |
ಯಂ ಯಂ ಕಾಮಯತೇ ಕಾಮಂ ತಂ ತಂ ಪ್ರಾಪ್ನೋತ್ಯಸಂಶಯಮ್ || ೧೮ ||
ಇಮಂ ಸ್ತವಂ ಯಃ ಪಠತೀಹ ಮರ್ತ್ಯೋ
ವೈಕುಂಠಪತ್ನ್ಯಾಃ ಪರಸಾದರೇಣ |
ಧನಾಧಿಪಾದ್ಯೈಃ ಪರಿವಂದಿತಃ ಸ್ಯಾತ್
ಪ್ರಯಾಸ್ಯತಿ ಶ್ರೀಪದಮಂತಕಾಲೇ || ೧೯ ||
ಇತಿ ಶ್ರೀ ಕಮಲಾಷ್ಟೋತ್ತರಶತನಾಮಸ್ತೋತ್ರಮ್ |
Also Read:
Sri Kamala Ashtottarshat Naamavali Lyrics in Hindi | English | Kannada | Telugu | Tamil
