Sri Lalitha Arya Kavacham in English:
॥ śrī lalitāryā kavaca stōtram ॥
agastya uvāca –
hayagrīva mahāprājña mama jñānapradāyaka |
lalitā kavacaṁ brūhi karuṇāmayi cēttava || 1 ||
hayagrīva uvāca-
nidānaṁ śrēyasāmētallalitāvarmasañjñitaṁ |
paṭhatāṁ sarvasiddhissyāttadidaṁ bhaktitaśśr̥ṇu || 2 ||
lalitā pātu śirō mē lalāṭamambā madhumatīrūpā |
bhrūyugmaṁ ca bhavānī puṣpaśarā pātu lōcanadvandvam || 3 ||
pāyānnāsāṁ bālā subhagādantāmśca sundarījihvāṁ |
adharōṣṭhamādi śaktiścakrēśī pātu mē sadā cubukam || 4 ||
kāmēśvaryavatu karṇau kāmākṣī pātu mē gaṇḍayōryugmaṁ |
śr̥ṅgāranāyikākhyā vaktraṁ siṁhāsanēśvaryavatu galaṁ || 5 ||
skandaprasūśca pātu skandhau bāhū ca pāṭalāṅgī mē |
pāṇī ca padmanilayā pāyādaniśaṁ nakhāvaliṁ vijayā || 6 ||
kōdaṇḍinī ca vakṣaḥ kukṣiṁ pāyātkulācalāttabhavā |
kalyāṇītvavatu lagnaṁ kaṭiṁ ca pāyātkalādharaśikhaṇḍā || 7 ||
ūrudvayaṁ ca pāyādumā mr̥ḍānī ca jānunī rakṣēt |
jaṅghē ca ṣōḍaśī mē pāyātpādau ca pāśasr̥ṇihastā || 8 ||
prātaḥ pātu parāmāṁ madhyāhnē pātu māṁ maṇigr̥hāntasthā |
śarvāṇyavatu ca sāyaṁ pāyādrātrau ca bhairavī satatam || 9 ||
bhāryāṁ rakṣatu gaurī pāyātputrāmśca bindugrahapīṭhā |
śrīvidyā ca yaśō mē śīlaṁ cāvyācciraṁ mahārājñī || 10 ||
pavanamayi pāvakamayi kṣōṇīmayi vyōmamayi kr̥pīṭamayi |
śrīmayi śaśimayi ravimayi samayamayi prāṇamayi śivamayītyādi || 11 ||
kālī kapālinī śūlinī bhairavī māntagī pañcamī tripurē |
vāgdēvī vindhyavāsinī bālē bhuvanēśi pālaya ciraṁ mām || 12 ||
abhinavasindūrābhāmamba tvāṁ cintayanti yē hr̥dayē |
upari nipatanti tēṣāmutpalanayanā kaṭākṣakallōlāḥ || 13 ||
vargāṣṭapaṅktikābhirvaśinī-mukhābhiradhikr̥tāṁ bhavatīṁ |
cintayatāṁ pītavarṇāṁ pāpōniryātya yatnatō vadanāt || 14 ||
kanakalatāvadgaurīṁ karṇa vyālōla kuṇḍala dvitayāṁ |
prahasitamukhīṁ ca bhavatīṁ dhyāyaṁ tōyē bhavanti mūrdhanyāḥ || 15 ||
śīrṣāṁbhōruhamadhyē śītalapīyūṣavarṣiṇīṁ bhavatīṁ |
anudinamanucintayatā-māyuṣyaṁ bhavati puṣkalamavanyām || 16 ||
madhurasmitāṁ madāruṇanayanāṁ mātaṅga kuṁbhavakṣōjām |
candrāvataṁsinīṁ tvāṁ satataṁ paśyanti sukr̥tinaḥ kēcit || 17 ||
lalitāyāsstavaratnaṁ lalitapadābhiḥ praṇītamāryābhiḥ |
anudinamanucintayatāṁ phalānivaktuṁ pragalbhatē na śivaḥ || 18 ||
pūjā hōmastarpaṇaṁ syānmantraśaktiprabhāvataḥ |
puṣpājya tōyābhāvēpi japamātrēṇa siddhyati || 19 ||
iti śrīlalitāryā kavacastōtraratnam |
Also Read:
Sri Lalitha Arya Kavacham Lyrics in English | Hindi | Kannada | Telugu | Tamil