Sri Narasimha Dwadasa Nama Stotram in Telugu:
॥ శ్రీ నృసింహ ద్వాదశనామ స్తోత్రం ॥
అస్య శ్రీనృసింహ ద్వాదశనామస్తోత్ర మహామంత్రస్య వేదవ్యాసో భగవాన్ ఋషిః అనుష్టుప్ఛందః లక్ష్మీనృసింహో దేవతా శ్రీనృసింహ ప్రీత్యర్థే వినియోగః |
ధ్యానం |
స్వభక్త పక్షపాతేన తద్విపక్ష విదారణమ్ |
నృసింహమద్భుతం వందే పరమానంద విగ్రహమ్ ||
స్తోత్రం |
ప్రథమం తు మహాజ్వాలో ద్వితీయం తూగ్రకేసరీ |
తృతీయం వజ్రదంష్ట్రశ్చ చతుర్థం తు విశారదః || ౧ ||
పంచమం నారసింహశ్చ షష్ఠః కశ్యపమర్దనః |
సప్తమో యాతుహంతా చ అష్టమో దేవవల్లభః || ౨ ||
నవ ప్రహ్లాదవరదో దశమోఽనంతహస్తకః |
ఏకాదశో మహారుద్రో ద్వాదశో దారుణస్తథా || ౩ ||
ద్వాదశైతాని నామాని నృసింహస్య మహాత్మనః |
మంత్రరాజేతి విఖ్యాతం సర్వపాపవినాశనమ్ || ౪ ||
క్షయాపస్మారకుష్ఠాది తాపజ్వరనివారణమ్ |
రాజద్వారే మహాఘోరే సంగ్రామే చ జలాంతరే || ౫ ||
గిరిగహ్వార ఆరణ్యే వ్యాఘ్రచోరామయాదిషు |
రణే చ మరణే చైవ శమదం పరమం శుభమ్ || ౬ ||
శతమావర్తయేద్యస్తు ముచ్యతే వ్యాధిబంధనాత్ |
ఆవర్తయేత్సహస్రం తు లభతే వాంఛితం ఫలమ్ || ౭ ||
ఇతి శ్రీ నృసింహ ద్వాదశనామ స్తోత్రం |
Also Read:
Sri Narasimha Dwadasa Nama Stotram Lyrics in English | Hindi | Kannada | Telugu | Tamil
