Sri Rahu Kavacham in Telugu:
॥ శ్రీ రాహు కవచం ॥
అస్య శ్రీరాహుకవచస్తోత్ర మహామన్త్రస్య చంద్రఋషిః అనుష్టుప్ఛన్దః రాహుర్దేవతా నీం బీజమ్ హ్రీం శక్తిః కాం కీలకమ్ మమ రాహుగ్రహప్రసాదసిద్ధ్యర్థే జపే వినియోగః |
ధ్యానమ్-
రాహుం చతుర్భుజం చర్మశూలఖడ్గవరాంగినమ్
కృష్ణామ్బరధరం నీలం కృష్ణగన్ధానులేపనమ్ |
గోమేధికవిభూషం చ విచిత్రమకుటం ఫణిమ్
కృష్ణసింహరథారూఢం మేరుం చైవాప్రదక్షిణమ్ ||
ప్రణమామి సదా రాహుం సర్పాకారం కిరీటినమ్ |
సైంహికేయం కరాలాస్యం భక్తానామభయప్రదమ్ || ౧ ||
కవచమ్ –
నీలామ్బరః శిరః పాతు లలాటం లోకవన్దితః |
చక్షుషీ పాతు మే రాహుః శ్రోత్రే మేఽర్ధశరీరవాన్ || ౨ ||
నాసికాం మే కరాళాస్యః శూలపాణిర్ముఖం మమ |
జిహ్వాం మే సింహికాసూనుః కణ్ఠం మే కష్టనాశనః || ౩ ||
భుజఙ్గేశో భుజౌ పాతు నీలమాల్యః కరౌ మమ |
పాతు వక్షౌ తమోమూర్తిః పాతు నాభిం విధున్తుదః || ౪ ||
కటిం మే వికటః పాతు ఊరూ మేఽసురపూజితః |
స్వర్భానుర్జానునీ పాతు జఙ్ఘే మే పాతు చఽవ్యయః || ౫ ||
గుల్ఫౌ గ్రహాధిపః పాతు నీలచన్దనభూషితః |
పాదౌ నీలామ్బరః పాతు సర్వాఙ్గం సింహికాసుతః || ౬ ||
రాహోరిదం కవచమీప్సితవస్తుదం యో
భక్త్యా పఠత్యనుదినం నియతశ్శుచిస్సన్ |
ప్రాప్నోతి కీర్తిమతులాం చ శ్రియం సమృద్ధి-
మారోగ్యమాయుర్విజయావసిత ప్రసాదాత్ || ౭ ||
ఇతి పద్మే మహాపురాణే రాహుకవచః |
Also Read:
Sri Rahu Kavacham Lyrics in English | Hindi | Kannada | Telugu | Tamil
