Sri Runa Mukti Ganesha Stotram (Shukracharya Kritam) in English:
॥ śrī r̥ṇamukti gaṇēśa stōtram (śukrācārya kr̥tam) ॥
asya śrī r̥ṇamōcana mahāgaṇapati stōtramantrasya, bhagavān śukrācārya r̥ṣiḥ, r̥ṇamōcana mahāgaṇapatirdēvatā, mama r̥ṇamōcanārtē japē viniyōgaḥ |
r̥ṣyādinyāsaḥ –
bhagavān śukrācārya r̥ṣayē namaḥ śirasi,
r̥ṇamōcanagaṇapati dēvatāyai namaḥ hr̥di,
mama r̥ṇamōcanārthē japē viniyōgāya namaḥ añjalau |
stōtraṁ –
ōṁ smarāmi dēvadēvēśaṁ vakratuṇḍaṁ mahābalam |
ṣaḍakṣaraṁ kr̥pāsindhuṁ namāmi r̥ṇamuktayē || 1 ||
mahāgaṇapatiṁ dēvaṁ mahāsattvaṁ mahābalam |
mahāvighnaharaṁ saumyaṁ namāmi r̥ṇamuktayē || 2 ||
ēkākṣaraṁ ēkadantaṁ ēkabrahma sanātanam |
ēkamēvādvitīyaṁ ca namāmi r̥ṇamuktayē || 3 ||
śuklāmbaraṁ śuklavarṇaṁ śuklagandhānulēpanam |
sarvaśuklamayaṁ dēvaṁ namāmi r̥ṇamuktayē || 4 ||
raktāmbaraṁ raktavarṇaṁ raktagandhānulēpanam |
raktapuṣpaiḥ pūjyamānaṁ namāmi r̥ṇamuktayē || 5 ||
kr̥ṣṇāmbaraṁ kr̥ṣṇavarṇaṁ kr̥ṣṇagandhānulēpanam |
kr̥ṣṇapuṣpaiḥ pūjyamānaṁ namāmi r̥ṇamuktayē || 6 ||
pītāmbaraṁ pītavarṇaṁ pītagandhānulēpanam |
pītapuṣpaiḥ pūjyamānaṁ namāmi r̥ṇamuktayē || 7 ||
nīlāmbaraṁ nīlavarṇaṁ nīlagandhānulēpanam |
nīlapuṣpaiḥ pūjyamānaṁ namāmi r̥ṇamuktayē || 8 ||
dhūmrāmbaraṁ dhūmravarṇaṁ dhūmragandhānulēpanam |
dhūmrapuṣpaiḥ pūjyamānaṁ namāmi r̥ṇamuktayē || 9 ||
sarvāmbaraṁ sarvavarṇaṁ sarvagandhānulēpanam |
sarvapuṣpaiḥ pūjyamānaṁ namāmi r̥ṇamuktayē || 10 ||
bhadrajātaṁ ca rūpaṁ ca pāśāṅkuśadharaṁ śubham |
sarvavighnaharaṁ dēvaṁ namāmi r̥ṇamuktayē || 11 ||
phalaśrutiḥ –
yaḥ paṭhēt r̥ṇaharaṁ stōtraṁ prātaḥ kālē sudhī naraḥ |
ṣaṇmāsābhyantarē caiva r̥ṇacchēdō bhaviṣyati || 12 ||
Also Read:
Sri Runa Mukti Ganesha Stotram (Shukracharya Kritam) Lyrics in English | Sanskrit | Kannada | Telugu | Tamil
