Ashtaka Vishnu Stotram

Sri Satyanarayana Ashtakam Lyrics in Gujarati | Sri Vishnu Slokam

Sree Sathyanarayana Ashtakam Lyrics in Gujarati:

સત્યનારાયણાષ્ટકમ્
આદિદેવં જગત્કારણં શ્રીધરં લોકનાથં વિભું વ્યાપકં શઙ્કરમ્ ।
સર્વભક્તેષ્ટદં મુક્તિદં માધવં સત્યનારાયણં વિષ્ણુમીશં ભજે || ૧ ||

સર્વદા લોક-કલ્યાણ-પારાયણં દેવ-ગો-વિપ્ર-રક્ષાર્થ-સદ્વિગ્રહમ્ ।
દીન-હીનાત્મ-ભક્તાશ્રયં સુન્દરં સત્યનારાયણં વિષ્ણુમીશં ભજે || ૨ ||

દક્ષિણે યસ્ય ગઙ્ગા શુભા શોભતે રાજતે સા રમા યસ્ય વામે સદા ।
યઃ પ્રસન્નાનનો ભાતિ ભવ્યશ્ચ તં સત્યનારાયણં વિષ્ણુમીશં ભજે || ૩ ||

સઙ્કટે સઙ્ગરે યં જનઃ સર્વદા સ્વાત્મભીનાશનાય સ્મરેત્ પીડિતઃ ।
પૂર્ણકૃત્યો ભવેદ્ યત્પ્રસાદાચ્ચ તં સત્યનારાયણં વિષ્ણુમીશં ભજે || ૪ ||

વાઞ્છિતં દુર્લભં યો દદાતિ પ્રભુઃ સાધવે સ્વાત્મભક્તાય ભક્તિપ્રિયઃ ।
સર્વભૂતાશ્રયં તં હિ વિશ્વમ્ભરં સત્યનારાયણં વિષ્ણુમીશં ભજે || ૫ ||

બ્રાહ્મણઃ સાધુ-વૈશ્યશ્ચ તુઙ્ગધ્વજો યેઽભવન્ વિશ્રુતા યસ્ય ભક્ત્યાઽમરા ।
લીલયા યસ્ય વિશ્વં તતં તં વિભું સત્યનારાયણં વિષ્ણુમીશં ભજે || ૬ ||

યેન ચાબ્રહ્મબાલતૃણં ધાર્યતે સૃજ્યતે પાલ્યતે સર્વમેતજ્જગત્ ।
ભક્તભાવપ્રિયં શ્રીદયાસાગરં સત્યનારાયણં વિષ્ણુમીશં ભજે || ૭ ||

સર્વકામપ્રદં સર્વદા સત્પ્રિયં વન્દિતં દેવવૃન્દૈર્મુનીન્દ્રાર્ચિતમ્ ।
પુત્ર-પૌત્રાદિ-સર્વેષ્ટદં શાશ્વતં સત્યનારાયણં વિષ્ણુમીશં ભજે || ૮ ||

અષ્ટકં સત્યદેવસ્ય ભક્ત્યા નરઃ ભાવયુક્તો મુદા યસ્ત્રિસન્ધ્યં પઠેત્ ।
તસ્ય નશ્યન્તિ પાપાનિ તેનાઽગ્નિના ઇન્ધનાનીવ શુષ્કાણિ સર્વાણિ વૈ || ૯ ||

ઇતિ સત્યનારાયણાષ્ટકં સમ્પૂર્ણમ્ ।

Add Comment

Click here to post a comment