Sri Subramanya Bhujanga Stotram 4 in Bengali:
|| শ্রীসুব্রহ্মণ্যভুজঙ্গস্তোত্রম্ ৪ ||
সুব্রহ্মণ্য সুধাময়ূখসুষমাহঙ্কার হুঙ্কারকৃ-
দ্বক্ত্রাম্ভোরুহ পাদপঙ্কজনতালীষ্টার্থ দানব্রত ।
ব্রহ্মণ্যং কুরু সন্ততং করুণয়া নির্ব্যাজয়া মাং বিভো
শৈলাধীশসুতাশিবাননসরোজার্কায়িতাস্যাম্বুজ || ১ ||
সমুদ্রং য়থা সংশ্রয়ন্তে তটিন্যঃ বিহীনাভিধাস্ত্যক্ত রূপাস্তথা মাম্ ।
প্রবিজ্ঞায় লোকা ইতীবাভিধিত্সুঃ সমুদ্রাঙ্কগশ্শম্ভুসূনুর্দয়াব্ধিঃ || ২ ||
য়থা সৈন্ধবং চক্ষুরগ্রাহ্যমপ্সু স্থিতং জিহ্বয়া গৃহ্যতেঽহং তথাস্মিন্ ।
প্রপঞ্চে ধিয়া সূক্ষ্ময়াতীন্দ্রিয়োঽপি প্রবিজ্ঞেয় এবং গুহোঽয়ং ব্যনক্তি || ৩ ||
করোত্যক্ষমালাং করে য়ো মনুষ্যো ভবেদূরুদঘ্নো ভবাম্ভোধিরস্য ।
ইতীবাভিধাতুং করং সাক্ষমালং করং চোরুগং শম্ভুসূনুর্বিভর্তি || ৪ ||
মুধায়াসমালক্ষ্য গন্ধস্রগাদৌ বিধায়াশু কামাদি ষড্বৈরিনাশম্ ।
ক্রুধাদ্যাঢ্য লভ্যেতরাত্মস্বরূপং বুধাস্সম্ভজধ্বং মুদা কার্তিকেয়ম্ || ৫ ||
সমুদ্রাত্তরঙ্গা য়থাবির্ভবন্তো ন ভিন্নাস্সমুদ্রাত্তথায়ং প্রপঞ্চঃ ।
মদুত্থো ন মদ্ভিন্ন ইত্যেতমর্থং গুহোঽম্ভোনিধেস্তীরগোঽভিব্যনক্তি || ৬ ||
রত্নাকরেণ সংয়োগো রামসেতৌ নিরীক্ষিতঃ ।
মহোদধেরিহৈবৈক্ষি মহোদধি সমাগমঃ || ৭ ||
সাগর দ্বয় সাঙ্গত্যং রামসেতাবিবাত্র চ ।
করুণাম্বুধিনা য়স্মাত্সঙ্গতোঽয়ং মহোদধিঃ || ৮ ||
ইতি শ্রীচন্দ্রশেখরভারতীমহাস্বামিনঃ বিরচিতং
শ্রীসুব্রহ্মণ্যভুজঙ্গস্তোত্রং সম্পূর্ণম্ ।
Also Read:
Sri Subramanya Bhujanga Stotram 4 Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil
