Home / Subrhamanya Stotras,Ashtaka / Sri Subrahmanya Bhujanga Stotram 4 Lyrics in Telugu

Sri Subrahmanya Bhujanga Stotram 4 Lyrics in Telugu

Sri Subramanya Bhujanga Stotram 4 Lyrics in Telugu:

శ్రీసుబ్రహ్మణ్యభుజఙ్గస్తోత్రమ్ ౪
సుబ్రహ్మణ్య సుధామయూఖసుషమాహఙ్కార హుఙ్కారకృ-
ద్వక్త్రామ్భోరుహ పాదపఙ్కజనతాలీష్టార్థ దానవ్రత ।
బ్రహ్మణ్యం కురు సన్తతం కరుణయా నిర్వ్యాజయా మాం విభో
శైలాధీశసుతాశివాననసరోజార్కాయితాస్యామ్బుజ || ౧ ||

సముద్రం యథా సంశ్రయన్తే తటిన్యః విహీనాభిధాస్త్యక్త రూపాస్తథా మామ్ ।
ప్రవిజ్ఞాయ లోకా ఇతీవాభిధిత్సుః సముద్రాఙ్కగశ్శమ్భుసూనుర్దయాబ్ధిః || ౨ ||

యథా సైన్ధవం చక్షురగ్రాహ్యమప్సు స్థితం జిహ్వయా గృహ్యతేఽహం తథాస్మిన్ ।
ప్రపఞ్చే ధియా సూక్ష్మయాతీన్ద్రియోఽపి ప్రవిజ్ఞేయ ఏవం గుహోఽయం వ్యనక్తి || ౩ ||

కరోత్యక్షమాలాం కరే యో మనుష్యో భవేదూరుదఘ్నో భవామ్భోధిరస్య ।
ఇతీవాభిధాతుం కరం సాక్షమాలం కరం చోరుగం శమ్భుసూనుర్బిభర్తి || ౪ ||

ముధాయాసమాలక్ష్య గన్ధస్రగాదౌ విధాయాశు కామాది షడ్వైరినాశమ్ ।
క్రుధాద్యాఢ్య లభ్యేతరాత్మస్వరూపం బుధాస్సమ్భజధ్వం ముదా కార్తికేయమ్ || ౫ ||

సముద్రాత్తరఙ్గా యథావిర్భవన్తో న భిన్నాస్సముద్రాత్తథాయం ప్రపఞ్చః ।
మదుత్థో న మద్భిన్న ఇత్యేతమర్థం గుహోఽమ్భోనిధేస్తీరగోఽభివ్యనక్తి || ౬ ||

రత్నాకరేణ సంయోగో రామసేతౌ నిరీక్షితః ।
మహోదధేరిహైవైక్షి మహోదధి సమాగమః || ౭ ||

సాగర ద్వయ సాఙ్గత్యం రామసేతావివాత్ర చ ।
కరుణామ్బుధినా యస్మాత్సఙ్గతోఽయం మహోదధిః || ౮ ||

ఇతి శ్రీచన్ద్రశేఖరభారతీమహాస్వామినః విరచితం
శ్రీసుబ్రహ్మణ్యభుజఙ్గస్తోత్రం సమ్పూర్ణమ్ ।

Add Comment

Click here to post a comment

Related Posts