Surya Geetaa in Bengali:
॥ সূর্য গীতা ॥
॥ শ্রী গণেশায় নমঃ ॥
॥ অথ সূর্যগীতা প্রারভ্যতে ॥
ব্রহ্মা উবাচ –
প্রপঞ্চসৃষ্টিকর্মেদং মম শ্রীগুরুনায়ক ।
অহার্যং দ্বিপরার্ধান্তমাধিকারিকতাবশাৎ ॥ ১ ॥
ইতি ৎবদ্বদনাম্ভোজাৎসম্যগ্বিদিতবানহম্ ।
তথাপ্যত্র ন মে চিন্তা জায়তে ৎবৎকৃপাবলাৎ ॥ ২ ॥
ৎবয়ি প্রসন্নে ময়্যেবং বোধানন্দঃ স্বরূপতঃ ।
পুনর্জন্মভয়াভাবাদ্ধীর এবাস্মি বৃত্তিষু ॥ ৩ ॥
তথাঽপি কর্মভাগেষু শ্রোতব্যমবশিষ্যতে ।
তৎসর্বং চ বিদিৎবৈব সর্বজ্ঞঃ স্যামহং প্রভো ॥ ৪ ॥
জগজ্জীবেশ্বরাদীনাং প্রাগুৎপত্তের্নিরংজনম্ ।
নির্বিশেষমকর্মৈকং ব্রহ্মৈবাসীত্তদদ্বয়ম্ ॥ ৫ ॥
তস্য জীবেশ স্রষ্টৃৎবং প্রোচ্যতে বেদবাদিভিঃ ।
অকর্মণঃ কথং সৃষ্টিকর্মকর্তৃৎবমুচ্যতে ॥ ৬ ॥
সকর্মা সেন্দ্রিয়ো লোকে দৃশ্যতে ন নিরিন্দ্রিয়ঃ ।
ব্রহ্মণোঽতীন্দ্রিয়ৎবং চ সর্বশাস্ত্রেষু ঘুষ্যতে ॥ ৭ ॥
নশ্যমানতয়োৎপত্তিমৎবাদাদ্যস্য কর্মণঃ ।
ন মুখ্যমবকল্পেতাপ্যনাদিৎবোপবর্ণনম্ ॥ ৮ ॥
ব্রহ্ম চেৎকর্মকুর্বীত যনেকেনাপি হেতুনা ।
তথা চ সংসৃতিস্তস্য প্রসজ্যেত তু নাত্মনঃ ॥ ৯ ॥
তস্মাদাদ্যস্য পুণ্যস্য পাপস্য চ দয়ানিধে ।
কর্মণো ব্রূহি মে স্পষ্টমুপপত্তিং গুরূত্তম ॥ ১০ ॥
ইত্যুক্তো বিধিনা দেবো দক্ষিণামূর্তিরীশ্বরঃ ।
বিচিত্রপ্রশ্নসন্তুষ্ট ইদং বচনমব্রবীৎ ॥ ১১ ॥
শ্রীগুরুমূর্তিরুবাচ –
ব্রহ্মন্সাধুরয়ং প্রশ্নস্তব প্রশ্নবিদাং বর ।
শৃণুষ্ব সাবধানেন চেতসাঽস্যোত্তরং মম ॥ ১২ ॥
প্রাগুৎপত্তেরকর্মৈকমকর্তৃ চ নিরিন্দ্রিয়ম্ ।
নির্বিশেষং পরং ব্রহ্মৈবাসীন্নাত্রাস্তি সংশয়ঃ ॥ ১৩ ॥
তথাঽপি তস্য চিচ্ছক্তিসংয়ুতৎবেন হেতুনা ।
প্রতিচ্ছায়াত্মিকে শক্তী মায়াবিদ্যে বভূবতুঃ ॥ ১৪ ॥
অদ্বিতীয়মপি ব্রহ্ম তয়োর্যৎপ্রতিবিম্বিতম্ ।
তেন দ্বৈবিধ্যমাসাদ্য জীব ঈশ্বর ইত্যপি ॥ ১৫ ॥
পুণ্যপাপাদিকর্তৃৎবং জগৎসৃষ্ট্যাদিকর্তৃতাম্ ।
অভজৎসেন্দ্রিয়ৎবং চ সকর্মৎবং বিশেষতঃ ॥ ১৬ ॥
যঃ স্বশক্ত্যা সমুল্লাস উদভূৎপরমাত্মনঃ ।
স্ববন্ধজনকং সূক্ষ্মং তদাদ্যং কর্ম কথ্যতে ॥ ১৭ ॥
ন তেন নির্বিশেষৎবং হীয়তে তস্য কিংচন ।
ন চ সংসারবন্ধশ্চ কশ্চিদ্ব্রহ্মন্প্রসজ্যতে ॥ ১৮ ॥
পারমার্থিকসংসারী জীবঃ পুণ্যাদিকর্মবান্ ।
প্রাতিভাসিকসংসারী ৎবীশঃ সৃষ্ট্যাদিকর্মবান্ ॥ ১৯ ॥
অসংসারি পরং ব্রহ্ম জীবেশোভয়কারণম্ ।
ততোঽপ্যতীতং নীরূপং অবাঙ্মনসগোচরম্ ॥ ২০ ॥
কর্মবন্তৌ পরিত্যজ্য জীবেশৌ যে মহাধিয়ঃ ।
অকর্মবৎপরং ব্রহ্ম প্রয়ান্ত্যত্র সমাধিভিঃ ॥ ২১ ॥
তে বিদেহবিমুক্তা বা জীবন্মুক্তা নরোত্তমাঃ ।
কর্মাকর্মোভয়াতীতাস্তদ্ব্রহ্মারূপমাপ্নুয়ুঃ ॥ ২২ ॥
কর্মণা সংসৃতৌ বদ্ধা মুচ্যন্তে তে হ্যকর্মণা ।
বন্ধমোক্ষোভয়াতীতাঃ কর্মিণো নাপ্যকর্মিণঃ ॥ ২৩ ॥
জীবস্য কর্মণা বন্ধস্তস্য মোক্ষশ্চ কর্মণা ।
তস্মাদ্ধেয়ং চ কর্ম স্যাদুপাদেয়ং চ কর্ম হি ॥ ২৪ ॥
ত্যক্তে কর্মণি জীবৎবমাত্মনো গচ্ছতি স্বয়ম্ ।
গৃহীতে কর্মণি ক্ষিপ্রং ব্রহ্মৎবং চ প্রসিধ্যতি ॥ ২৫ ॥
আবিদ্যকমশুদ্ধং যৎকর্ম দুঃখায় তন্নৃণাম্ ।
বিদ্যাসম্বন্ধি শুদ্ধং যৎ তৎসুখায় চ কথ্যতে ॥ ২৬ ॥
বিদ্যাকর্মক্ষুরাত্তীক্ষ্ণাৎ ছিনত্তি পুরুষোত্তমঃ ।
অবিদ্যাকর্মপাশাংশ্চেৎস মুক্তো নাত্র সংশয়ঃ ॥ ২৭ ॥
সর্বস্য ব্যবহারস্য বিধে কর্মৈব কারণম্ ।
ইতি নিশ্চয়সিদ্ধ্যৈ তে সূর্যগীতাং বদাম্যহম্ ॥ ২৮ ॥
কর্মসাক্ষিণমাদিত্যং সহস্রকিরণং প্রভুম্ ।
সপ্তাশ্বং সর্বধর্মজ্ঞমপৃচ্ছদরুণঃ পুরা ॥ ২৯ ॥
অরুণ উবাচ –
ভগবন্ কেন সংসারে প্রাণিনঃ সংভ্রমন্ত্যমী ।
কেনৈতেষাং নিবৃত্তিশ্চ সংসারাদ্বদ সদ্গুরো ॥ ৩০ ॥
ইতি পৃষ্টঃ স সর্বজ্ঞঃ সহস্রকিরণোজ্বলঃ ।
সূর্যোঽব্রবীদিদং শিষ্যমরুণং নিজসারথিম্ ॥ ৩১ ॥
সূর্য উবাচ –
অরুণ ৎবং ভবস্যদ্য মম প্রিয়তমঃ খলু ।
যতঃ পৃচ্ছসি সংসারভ্রমকারণমাদরাৎ ॥ ৩২ ॥
ভ্রমন্তি কেবলং সর্বে সংসারে প্রাণিনোঽনিশম্ ।
ন তু তৎকারণং কেনাপ্যহো কিংচিদ্বিচার্যতে ॥ ৩৩ ।
তজ্জিজ্ঞাসুতয়া ৎবং তু শ্লাঘ্যোঽসি বিবুধোত্তমৈঃ ।
শৃণুশ্বারুণ বক্ষ্যামি তব সংসারকারণম্ ॥ ৩৪ ॥
পুণ্যপাপাত্মকং কর্ম যৎসর্বপ্রাণিসংচিতম্ ।
অনাদিসুখদুঃখানাং জনকং চাভিধীয়তে ॥ ৩৫ ॥
শাস্ত্রৈঃ সর্বৈশ্চ বিহিতং প্রতিষিদ্ধং চ সাদরম্ ।
কামাদিজনিতং তত্ত্বং বিদ্ধি সংসারকারণম্ ॥ ৩৬ ॥
পশ্বাদীনামভাবেঽপি তয়োর্বিধিনিষেধয়োঃ ।
সংসারস্য ন লোপোঽস্তি পূর্বকর্মানুসারতঃ ॥ ৩৭ ॥
পূর্বং মনুষ্যভূতানাং পাপকর্মাবশাদিহ ।
শ্বখরোষ্ট্রাদিজন্মানি নিকৃষ্টানি ভবন্ত্যহো ॥ ৩৮ ॥
পাপকর্মসু ভোগেন প্রক্ষীণেষু পুনশ্চ তে ।
প্রাপ্নুবন্তি মনুষ্যৎবং পুনশ্চ শ্বাদিজন্মিতাম্ ॥ ৩৯ ॥
জননৈর্মরণৈরেবং পৌনঃপুন্যেন সংসৃতৌ ।
ভ্রমন্ত্যব্ধিতরংগস্থদারুবদ্ধীমতাং বর ॥ ৪০ ॥
অরুণ উবাচ –
প্রক্ষীণপাপকর্মাণঃ প্রাপ্তবন্তো মনুষ্যতাম্ ।
পুনশ্চ শ্বাদিজন্মানি কেন গচ্ছন্তি হেতুনা ॥ ৪১ ॥
ন হি দুর্জন্মহেতুৎবং পুণ্যানাং যুক্তমীরিতুম্ ।
ন চ পুণ্যবতাং ভূয়ঃ পাপকর্মোপপদ্যতে ॥ ৪২ ॥
পুণ্যৈর্বিশুদ্ধচিত্তানাং জ্ঞানয়োগাদিসাধনৈঃ ।
সংসারমোক্ষসংসিদ্ধ্যা পাপকর্মাপ্রসক্তিতঃ ॥ ৪৩ ॥
জীবেষু পৌনঃপুন্যং চেদুত্তমাধমজন্মনাম্ ।
নিয়মেনাভিধীয়েত যেন কেনাপি হেতুনা ॥ ৪৪ ॥
মোক্ষশাস্ত্রস্য বৈয়র্থ্যমাপতত্যেব সর্বথা ।
তস্মাদপাপিনাং জন্ম পুনশ্চেতি ন যুজ্যতে ॥ ৪৫ ॥
ইত্যুক্তো ভগবানাহ সর্বজ্ঞঃ করুণানিধিঃ ।
রবিঃ সংশয়বিচ্ছেদনিপুণোঽরুণমাদরাৎ ॥ ৪৬ ॥
রবিরুবাচ –
প্রক্ষীণেষ্বপি ভোগেন পাপকর্মসু দেহিনঃ ।
পুনশ্চ পাপকর্মাণি কুর্বন্তো যান্তি দুর্গতিম্ ॥ ৪৭ ॥
তানি দুর্জন্মবীজানি কামাৎপাপানি দেহিনাম্ ।
পুনরপ্যুপপদ্যন্তে পূর্বপুণ্যবতামপি ॥ ৪৮ ॥
সকামানাং চ পুণ্যানাং ভোগহেতুতয়া নৃণাম্ ।
ন চিত্তশুদ্ধিহেতুৎবং ক্বচিদ্ভবিতুমর্হতি ॥ ৪৯ ॥
কুতশ্চাশুদ্ধচিত্তানাং জ্ঞানয়োগাদিসংভবঃ ।
জ্ঞানয়োগাদিহীনানাং কুতো মোক্ষশ্চ সংসৃতেঃ ॥ ৫০ ॥
কামেন হেতুনা সৎস্বপ্যুত্তমাধমজন্মসু ।
মোক্ষশাস্ত্রস্য সার্থক্যং নৈষ্কাম্যোদয়হেতুকম্ ॥ ৫১ ॥
সুখদুঃখোপভোগেন যদা নির্বেদমাগতঃ ।
নিষ্কামৎবমবাপ্নোতি স্ববিবেকপুরস্সরম্ ॥ ৫২ ॥
ততঃপ্রভৃতি কৈশ্চিৎস্যাজ্জন্মভির্জ্ঞানয়োগবান্ ।
শ্রবণাদিপ্রয়ত্নৈর্হি মুক্তিঃ স্বাত্মন্যবস্থিতিঃ ॥ ৫৩ ॥
কর্মাধ্যক্ষং পরাত্মানং সর্বকর্মৈকসাক্ষিণম্ ।
সর্বকর্মবিদূরন্তং কর্মবান্কথমাপ্নুয়াৎ ॥ ৫৪ ॥
পুণ্যেষ্বপি চ পাপেষু পৌর্বিকেষু তু ভোগতঃ ।
ক্ষপিতেষু পরাত্মা স স্বয়মাবির্ভবিষ্যতি ॥ ৫৫ ॥
কর্তৃভির্ভুজ্যতে জীবৈঃ সর্বকর্মফলং ন তু ।
সাক্ষিণা নির্বিকল্পেন নির্লেপেন পরাত্মনা ॥ ৫৬ ॥
জীবানাং তদনন্যৎবৎভোগস্যাবসরঃ কুতঃ ।
ইতি কেচন শংকন্তে বেদান্তাপাতদর্শিনঃ ॥ ৫৭ ॥
পরমার্থদশায়াং হি তদনন্যৎবমিষ্যতে ।
ব্যবহারদশায়াং নানুপপত্তিশ্চ কাচন ॥ ৫৮ ॥
পরমার্থদশারূঢে জীবন্মুক্তেঽপি কর্মণাম্ ।
ভোগোঽঙ্গীক্রিয়তে সম্যক্ দৃশ্যতে চ তথা সতি ॥ ৫৯ ॥
অজ্ঞানাং ব্যবহারৈকনিষ্ঠানাং তদনন্যতা ।
অভোক্তৃতা চ কেনৈব বক্তুং শক্যা মনীষিণা ॥ ৬০ ॥
জ্ঞানিনঃ কর্মকর্তৃৎবং দৃশ্যমানমপি স্ফুটম্ ।
উৎপাদয়েৎফলং নেতি মন্যন্তে স্বপ্নকর্মবৎ ॥ ৬১ ॥
তদয়ুক্তং ন হি স্বপ্নে পাপকর্তুঃ স্বতন্ত্রতা ।
জাগ্রতি প্রাণিনঃ কর্ম স্বাতন্ত্র্যং বর্ততে খলু ॥ ৬২ ॥
তিরশ্চাং জাগরাবস্থা যথা ভোগৈককারণম্ ।
তথা স্বপ্নদশা নৄণাং ফলভোগৈককারণম্ ॥ ৬৩ ॥
নৃণাং চ জাগরাবস্থা বালানাং স্যাত্তথা ন তু ।
যূনাং বৃদ্ধতমানাং বা কিমুত স্বাত্মবেদিনাম্ ॥ ৬৪ ॥
ভাবিভোগার্থকং কর্ম জাগ্রত্যেব নৃণাং ভবেৎ ।
ফলং তু কর্মণঃ স্বপ্নে জাগ্রত্যপি চ যুজ্যতে ॥ ৬৫ ॥
কর্মণ্যধ্যস্য ভোগং যে ভোগেঽধ্যস্যাথ কর্ম চ ।
কর্ম তদ্ভোগয়োর্ভেদমজ্ঞাৎবাহুর্যথেপ্সিতম্ ॥ ৬৬ ॥
তেষাং মন্দধিয়াং জ্ঞানবাদিনাং পাপকারিণাম্ ।
কথং কৃতার্থতাং ব্রূয়ামধ্যাসক্ষয়সংভবাম্ ॥ ৬৭ ॥
কর্মণ্যকর্মধীর্যেষামকর্মণি চ কর্মধীঃ ।
তে চাধ্যাসবশা মন্দা জ্ঞানিনঃ স্বৈরচারিণঃ ॥ ৬৮ ॥
বর্ণাশ্রমাদিধর্মাণামদ্বৈতং কর্মণৈব যে ।
অনুতিষ্ঠন্তি তে মূঢাঃ কর্মাকর্মোভয়চ্যুতাঃ ॥ ৬৯ ॥
স্বানুভূতিং বরিষ্ঠাং তাং সর্বানুষ্ঠানবর্জিতাম্ ।
সর্বানুষ্ঠানবন্তোঽপি সিদ্ধামাহুর্বতাত্মনাম্ ॥ ৭০ ॥
অভেদধ্যানসাধ্যাং তাং স্বানুভূতিং মহত্তমাম্ ।
বিচারসাধ্যাং মন্যন্তে তে মহাপাপকর্মিণঃ ॥ ৭১ ॥
নিদিধ্যাসনমপ্যাত্মা ভেদাভিধ্যানলক্ষণম্ ।
উপেক্ষন্তে বৃথাদ্বৈতজ্ঞানবাদৈকমোহতঃ ॥ ৭২ ॥
আশ্রিত্যৈব বিচারং যে বাক্যার্থমননাত্মকম্ ।
মন্যন্তে কৃতকৃত্যৎবমাত্মনাং তে হি মোহিতাঃ ॥ ৭৩ ॥
আদ্যজ্ঞানোদয়ে কাম্যকর্মত্যাগ উদীর্যতে ।
দ্বিতীয়সম্যগ্জ্ঞানে তু নৈমিত্তিকনিরাকৃতিঃ ॥ ৭৪ ॥
তৃতীয়পূর্ণজ্ঞানে চ নিত্যকর্মনিরাকৃতিঃ ।
চতুর্থাদ্বৈতবোধে তু সোঽতিবর্ণাশ্রমী ভবেৎ ॥ ৭৫ ॥
নিত্যনৈমিত্তিকোপেতজ্ঞানান্মুক্তিঃ ক্রমাদ্ভবেৎ ।
সম্যগ্জ্ঞানাত্তু সা জীবন্মুক্তির্নিত্যৈকসংয়ুতাৎ ॥ ৭৬ ॥
পূর্ণজ্ঞানাদ্বিদেহাখ্যা শাশ্বতী মুক্তিরিষ্যতে ।
যথা নৈষ্কর্ম্যসংসিদ্ধির্জীবন্মুক্তে নিরংকুশা ॥ ৭৭ ॥
অত্রৈবং সতি নৈষ্কর্ম্যং জ্ঞানকর্মসমুচ্চয়াৎ ।
সিধ্যেৎক্রমেণ সদ্যো বা নান্যথা কল্পকোটিভিঃ ॥ ৭৮ ॥
যাবদ্বিদেহমুক্তিঃ সা ন সিধ্যতি শরীরিণঃ ।
তাবৎসমুচ্চয়ঃ সিদ্ধো জ্ঞানোপাসনকর্মণাম্ ॥ ৭৯ ॥
তস্মাদ্ জ্ঞাৎবা পরাত্মানং ধ্যাননিষ্ঠো মহামতিঃ ।
ভূয়ান্নিজাশ্রমাচারনিরতঃ শ্রেয়সে সদা ॥ ৮০ ॥
জ্ঞানোপাস্তী কর্মসাপেক্ষকে তে
কর্মোপাস্তী জ্ঞানসাপেক্ষকে চ ।
কর্মজ্ঞানে চান্যসাপেক্ষকে তন্-
মুক্ত্যৈ প্রোক্তং সাহচর্যং ত্রয়াণাম্ ॥ ৮১ ॥
জ্ঞানোপাস্তী স্বীয়কর্মস্বপাস্যাপেকং
মুক্তির্নৈব কস্যাপি সিধ্যেৎ ।
তস্মাদ্ধীমানাশ্রয়েদপ্রমত্তস্ত্রী-
ণ্যুক্তানি শ্রদ্ধয়াঽঽদেহপাতাৎ ॥ ৮২ ॥
॥ ইতি সূর্যগীতায়াং প্রথমোঽধ্যায়ঃ ॥
॥ অথ দ্বিতীয়োঽধ্যায়ঃ ॥
সূর্য উবাচ –
অথাতঃ সম্প্রবক্ষ্যামি কর্মণাং পংচভূমিকাঃ ।
উত্তরোত্তরমুৎকর্ষাদ্বিদ্ধি সোপানপংক্তিবৎ ॥ ১ ॥
প্রথামা তাংত্রিকী প্রোক্তা পরা পৌরাণিকী মতা ।
স্মার্তা তৃতীয়া তুর্যা তু শ্রৌতা সংকীর্তিতা বুধৈঃ ॥ ২ ॥
পংচমী ৎবৌপনিষদা বিবুধোত্তমসংমতা ।
যস্যাঃ পরং ন কিংচিৎস্যাদ্বাচ্যং জ্ঞেয়ং চ সত্তম ॥ ৩ ॥
স্বেচ্ছং কর্মাণি কুর্বন্যঃ প্রমাণাশ্রয়ণং বিনা ।
তন্ত্রোক্তানি করোত্যেষ কর্মী প্রাথমিকো মতঃ ॥ ৪ ॥
তানি তন্ত্রোক্তকর্মাণি ত্যক্ত্বা পৌরাণিকানি যঃ ।
করোতি তন্ত্রসম্বন্ধীন্যযং কর্মী দ্বিতীয়কঃ ॥ ৫ ॥
ত্যক্ত্বা তান্যপি যঃ স্মার্তান্যনুতিষ্ঠতি সর্বদা ।
শ্রুতিসম্বন্ধবন্ত্যেষ তৃতীয়ঃ কর্ম্যুদীর্যতে ॥ ৬ ॥
যশ্চ তান্যপি সন্ত্যজ্য শ্রৌতান্যেবাচরত্যযম্ ।
কর্মী ধর্মার্থকামানাং স্থানং তুর্যোঽভিধীয়তে ॥ ৭ ॥
শ্রৌতান্যপি চ যস্ত্যক্ত্বা সদৌপনিষদানি বৈ ।
করোতি শ্রদ্ধয়া কর্মাণ্যযং মোক্ষী তু পংচমঃ ॥ ৮ ॥
যান্যৌপনিষদানাং স্যুরবিরোধীনি কর্মণাম্ ।
শ্রৌতাদীনি সুসংগ্রাহ্যান্যমলানি মুমুক্ষুভিঃ ॥ ৯ ॥
কর্মাণ্যুপনিষৎসু স্যুর্ব্রহ্মৈকার্থাসু বৈ কথম্ ।
ইতি শংক্যন্নকুর্বন্ হি বিধিরস্তি জিজীবিষেৎ ॥ ১০ ॥
ঈশাবাস্যাদিবেদান্তপ্রোক্তান্যামরণাদপি ।
কুর্বন্নেব বিমুচ্যেত ব্রহ্মবিৎপ্রবরোঽস্তু বা ॥ ১১ ॥
যতয়স্ত্যক্তগার্হস্থ্যা অপি স্বোচিতকর্মভিঃ ।
আশ্রমং পালয়ন্তঃ স্বং কৈবল্যং প্রাপ্নুয়ুঃ পরম্ ॥ ১২ ॥
কর্ম প্রজাধনানাং যস্ত্যাগঃ সমভিধীয়তে ।
কামৈকবিষয়ৎবেন স যতের্ন বিরুধ্যতে ॥ ১৩ ॥
সংন্যাসিনো হি কর্মাণি নিত্যানি বিমলানি চ ।
শ্রেয়োর্থানি বিধীয়ন্তে পরিব্রাজেব্জজন্মনা ॥ ১৪ ॥
অপেতকাম্যকর্মাণো যতয়োঽন্যেঽপি বা জনাঃ ।
সদ্যঃ ক্রমেণ বা মুক্তিমাপ্নুয়ুর্নাত্র সংশয়ঃ ॥ ১৫ ॥
পংচমীং ভূমিমারূঢঃ জ্ঞানোপাসনকর্মভিঃ ।
শোকমোহাদিনির্মুক্তঃ সর্বদৈব বিরাজতে ॥ ১৬ ॥
ন জ্ঞানেন বিনোপাস্তির্নোপাস্ত্যা ন বিনেতরৎ ।
কর্মাপি তেন হেতুৎবং পূর্বপূর্বস্য কথ্যতে ॥ ১৭ ॥
যদ্বা যাবন্ন হি জ্ঞানং তাবন্নোপাসনং মতম্ ।
যাবন্নোপাসনং তাবন্ন জ্ঞানং চ কথংচন ॥ ১৮ ॥
জ্ঞানং যাবন্ন কর্মাপি ন তাবন্মুখ্যমীর্যতে ।
যাবন্ন কর্ম তাবচ্চ ন জ্ঞানং সাধুসংমতম্ ॥ ১৯ ॥
যাবন্নোপাসনং তাবন্ন কর্মাপি প্রশস্যতে ।
যাবন্ন কর্মোপাস্তিশ্চ ন তাবৎসাত্ত্বিকী মতা ॥ ২০ ॥
জ্ঞানোপাসনকর্মাণি সাপেক্ষাণি পরস্পরম্ ।
প্রয়চ্ছন্তি পরাং মুক্তিং নান্যথেত্যুক্তমেব তে ॥ ২১ ॥
এতেষু সাধনেষ্বেকং ত্রিষু যৎকিংচিদত্র যঃ ।
ত্যজেদসদ্গুরূক্ত্যা স নাশ্নুবীত পরামৃতম্ ॥ ২২ ॥
নানাবিধানি জ্ঞানানি নানারূপা উপাস্তয়ঃ ।
নানাবিধানি কর্মাণি শ্রুত্যন্তাদিষু সংবিদুঃ ॥ ২৩ ॥
সম্বন্ধস্তু ত্রয়াণাং স্যাদুচিতঃ শিষ্টবর্ত্মনা ।
নিপুণৈশ্চ সুবিজ্ঞেয়মনুবন্ধচতুষ্টয়ম্ ॥ ২৪ ॥
অনুবন্ধবিরোধেন ত্রয়াণাং চেৎসমুচ্চয়ঃ ।
কৃতঃ স সদ্যঃ প্রাপ্নোতি তৃপ্তিং মানবপুংগবঃ ॥ ২৫ ॥
অনুবন্ধপরিজ্ঞানং বিনা মুক্ত্যৈ প্রয়ত্নবান্ ।
ন মুক্তিং বিন্দতে কোঽপি সাধকাদিবিপর্যযাৎ ॥ ২৬ ॥
ভোগাধিকারী মোক্ষং চেৎফলমিচ্ছেৎকদাচন ।
অনুবন্ধস্য বিজ্ঞানং কথং নু স্যাৎসমংজসম্ ॥ ২৭ ॥
অধিকারানুগুণ্যেন সম্বন্ধঃ পরিকীর্তিতঃ ।
তৎসম্বন্ধানুগুণ্যেন বিষয়শ্চ প্রকীর্তিতঃ ॥ ২৮ ॥
বিষয়ানুগুণং প্রোক্তং প্রয়োজনমতো বুধৈঃ ।
অনুবন্ধাঃ সুবিজ্ঞেয়া জ্ঞানোপাসনকর্মসু ॥ ২৯ ॥
বর্ণাশ্রমাণাং সর্বেষামনুষ্ঠেয়েষু কর্মসু ।
অবিদ্বান্ সংশয়াত্মা চেদনুবর্তেত পূর্বকান্ ॥ ৩০ ॥
বিদ্বান্ চেৎসংশয়াত্মাভূচ্ছাস্ত্রে স্বমতিনিশ্চিতম্ ।
আচরেত্তু ন শিষ্টস্যপ্যবুধস্য পিতুর্মতম্ ॥ ৩১ ॥
স্বকূটস্থবুধাচারঃ সাধুসংবিদিতো যদি ।
বিদ্বানপি ত্যজেৎস্বীয়ং তদ্বিরুদ্ধমসংমতম্ ॥ ৩২ ॥
পূর্বাচারানুসরণং কর্মমাত্রে নিয়ম্যতে ।
জ্ঞানোপাস্ত্যোস্ত্ববাহ্যৎবাদন্যথাঽপি চ যুজ্যতে ॥ ৩৩ ॥
পূর্বকেষ্বপি সাংখ্যেষু স্বস্য যুজ্যেত যোগিতা ।
অন্যথাঽপি চ নৈতেন প্রত্যবায়ঃ কিয়ানপি ॥ ৩৪ ॥
যদি পূর্ববিরোধেন কুর্যাৎকর্মাণি মানবঃ ।
স মূর্খো ভবতি ক্ষিপ্রং প্রত্যবায়ী ন সংশয়ঃ ॥ ৩৫ ॥
নৈমিত্তিকানামকৃতৌ কাম্যানাং চ ন কশ্চন ।
প্রত্যবায়োঽত্র বাঽমুত্র লোকে ভবিতুমর্হতি ॥ ৩৬ ॥
নিত্যানাং ৎবকৃতাবত্রামুত্র বা প্রত্যবায়ভাক্ ।
ভবেদবশ্যকার্যৎবাদাশ্রমচ্যুতিহেতবে ॥ ৩৭ ॥
ন স্যাদকরণং হেতুরভাবাত্মতয়া ততঃ ।
নিত্যাকরণহেতুঃ প্রাক্কর্ম চেৎপ্রত্যবায়কৃৎ ॥ ৩৮ ॥
অকৃতৌ প্রত্যবায়স্য শ্রবণং ব্যর্থমেব তৎ ।
পূর্বকর্মফলাদন্যফলস্যানবধারণাৎ ॥ ৩৯ ॥
অতো নাভাবতা যুক্তা নিত্যকর্মাকৃতের্যথা ।
নিষিদ্ধাচরণং ভাবস্তথৈবাকরণং মতম্ ॥ ৪০ ॥
বিহিতাকরণস্যাপি ভাবাত্মৎবোররীকৃতেঃ ।
আস্তিকৎবমিহ প্রাহুরন্যথা নাস্তিকৎবতঃ ॥ ৪১ ॥
পূর্বকর্মফলস্যাপি নিত্যাকরণকর্মণঃ ।
পাপস্য দুঃখহেতুৎবং পৃথগেবাববধার্যতে ॥ ৪২ ॥
অজ্ঞানাদ্বিহিতে লুপ্তে জ্ঞানাদ্বা কর্মণি স্বকে ।
প্রায়শ্চিত্তী ভবেন্মর্ত্যো লভেদ্দুর্জন্ম বা পুনঃ ॥ ৪৩ ॥
বুদ্ধিপূর্বং ত্যজন্নিত্যমনুতাপবিবর্জিতঃ ।
অনাশ্রমী নরো ঘোরং রৌরবং নরকং ব্রজেৎ ॥ ৪৪ ॥
জীবন্মুক্তস্য নিত্যেষু যদি লুপ্তানি কানিচিৎ ।
ন তেন প্রত্যবায়োঽস্তি কৈশ্চিৎস্বাশ্রমসিদ্ধিতঃ ॥ ৪৫ ॥
প্রায়শ্চিত্তনিবর্ত্যানি নিষিদ্ধাচরণানি চ ।
প্রায়শ্চিত্তমকুর্বন্তমপি লিম্পন্তি নৈব তম্ ॥ ৪৬ ॥
কর্ম শুদ্ধমশুদ্ধং চ দ্বিবিধং প্রোচ্যতে শ্রুতৌ ।
তত্রাশুদ্ধেন বন্ধঃ স্যান্মোক্ষঃ শুদ্ধেন দেহিনাম্ ॥ ৪৭ ॥
অশুদ্ধং চ তথা প্রোক্তং পুণ্যং পাপমিতি দ্বিধা ।
পরস্পরং ন বাধোঽস্তি তয়োরত্রাবিরোধতঃ ॥ ৪৮ ॥
সুখদুঃখে সমস্তস্য জন্তোর্যাভ্যাং প্রসিধ্যতঃ ।
তয়োর্ন বশমাগচ্ছেচ্ছুদ্ধমাত্রেণ সংস্থিতঃ ॥ ৪৯ ॥
শুদ্ধং নিত্যমনন্তং যৎসত্যং কর্ম নিগদ্যতে ।
নিত্যশুদ্ধবিমুক্তাত্মসাক্ষাৎকারার্থকং বিদুঃ ॥ ৫০ ॥
বিশুদ্ধৈঃ কর্মভিঃ শুদ্ধানীন্দ্রিয়াণি ভবন্ত্যলম্ ।
ইন্দ্রিয়েষু বিশুদ্ধেষু মনঃ শুদ্ধং স্বতো ভবেৎ ॥ ৫১ ॥
শুদ্ধে মনসি জীবোঽপি বিশুদ্ধো ব্রহ্মণৈকতাম্ ।
উপেত্য কেবলানন্দং নিষ্কলং পরমশ্নুতে ॥ ৫২ ॥
বাহ্যমাভ্যন্তরং চেতি শুদ্ধং কর্ম দ্বিধোচ্যতে ।
বাহ্যং স্নানাদি নিত্যং স্যাদ্ধ্যানাদ্যাভ্যন্তরং পরম্ ॥ ৫৩ ॥
অতঃ শুদ্ধেরশুদ্ধানাং নাশো ভবিতুমর্হতি ।
ন শুদ্ধব্যতিরেকেণ প্রয়ত্নান্তরমিষ্যতে ॥ ৫৪ ॥
বিশুদ্ধকর্মনিষ্ঠাস্তে যতয়োঽন্যেঽপি বা জনাঃ ।
অত্রৈব পরিমুচ্যন্তে স্বাতন্ত্র্যেণ পরামৃতাৎ ॥ ৫৫ ॥
আরূঢঃ পংচমীং ভূমিং শুদ্ধেনৈবাবতিষ্ঠতে ।
অতোঽত্র মতিমান্নিত্যং পংচম্যভ্যাসমাচরেৎ ॥ ৫৬ ॥
ইন্দ্রিয়াণি বিশুদ্ধান্যপ্যশুদ্ধানাং বিবর্জনাৎ ।
শুদ্ধানামপ্যনুষ্ঠানাদ্ধীমাংস্তানি ন বিশ্বসেৎ ॥ ৫৭ ॥
অশুদ্ধেষু প্রবর্তেরন্ পূর্ববাসনয়া স্বতঃ ।
তেভ্যো নিয়ম্য শুদ্ধেষু নিত্যং তানি প্রবর্তয়েৎ ॥ ৫৮ ॥
ইন্দ্রিয়াণাং চ মনসঃ প্রসাদং শুদ্ধকর্মভিঃ ।
উপলভ্যাপি দুর্বুদ্ধিরশুদ্ধেহ প্রবর্ততে ॥ ৫৯ ॥
প্রসন্নমনসঃ স্বাস্থ্যাৎসুখং কিংচিৎপ্রজায়তে ।
তাবন্মাত্রেণ তৃপ্তস্তু ক্রমেণাধঃ পতেন্নরঃ ॥ ৬০ ॥
তৃপ্তিরল্পসুখপ্রাপ্তৌ মহানর্থৈককারণম্ ।
অতস্তৃপ্তিমনাপ্যৈব শুদ্ধং নিত্যং সমাচরেৎ ॥ ৬১ ॥
যথা বিষয়ভোগেষু বিনা তৃপ্তিং পুনঃ পুনঃ ।
প্রবর্ততে তথা নিত্যং যঃ শুদ্ধেষু স বুদ্ধিমান্ ॥ ৬২ ॥
শুদ্ধং শুদ্ধেন বর্ধেত শুদ্ধঃ শুদ্ধং ততো ব্রজেৎ ।
অশুদ্ধমপ্যশুদ্ধেনাশুদ্ধোঽশুদ্ধং তথা নরঃ ॥ ৬৩ ॥
যদেন্দ্রিয়মনঃপ্রাণাঃ শান্তাঃ সুপ্তাবিবাভবন্ ।
শুদ্ধাশুদ্ধোভয়াতীতস্তদা তৃপ্তিং পরাং ব্রজেৎ ॥ ৬৪ ॥
যাবন্নেন্দ্রিয়সংশান্তির্যাবন্ন মনসোঽপ্যযঃ ।
যাবন্ন প্রাণশান্তিশ্চ তাবচ্ছুদ্ধং সমাচরেৎ ॥ ৬৫ ॥
পরস্পরোপয়োগিৎবাদ্বাহ্যাভ্যন্তরশুদ্ধয়োঃ ।
বিয়োগো নৈব কার্যোঽত্র বুধৈরাদেহমোচনাৎ ॥ ৬৬ ॥
যঃ শুদ্ধপক্ষো হংসঃ স ঊর্ধ্বং গচ্ছতি চাম্বরে ।
অশুদ্ধপক্ষঃ শ্যেনস্তু ব্যোমগোঽপি পতত্যধঃ ॥ ৬৭ ॥
ছিন্নৈকপক্ষো হংসোঽপি নোর্ধ্বং গন্তুমিতোঽর্হতি ।
অতঃ শুদ্ধদ্বয়ং মুখ্যং সাধনং মুক্তয়ে বিদুঃ ॥ ৬৮ ॥
যদ্যপ্যাভ্যন্তরং শুদ্ধং বাহ্যশুদ্ধনিবর্তকম্ ।
ভবত্যেতেন সাম্যং ন তয়োরিতি চ কেচন ॥ ৬৯ ॥
তথাঽপি বাহ্যবিলয়সমকাললয়াৎপরম্ ।
আভ্যন্তরং সমং তেন বাহ্যেন স্যাৎস্বকর্মণা ॥ ৭০ ॥
আভ্যন্তরং চ তচ্ছুদ্ধং কর্ম দ্বিবিধমুচ্যতে ।
সম্প্রজ্ঞাতসমাধ্যাখ্যমসম্প্রজ্ঞাতনাম চ ॥ ৭১ ॥
জীবন্মুক্তেঃ পুরাবৃত্তমাদ্যং কর্ম স্বমানসম্ ।
পুরা বিদেহমুক্তেস্তু বৃতমন্যৎস্বমানসম্ ॥ ৭২ ॥
মানসৎবাৎসমাধেশ্চ কর্মৎবোক্তির্ন দূষ্যতে ।
অনন্যবিষয়ৎবাচ্চ তৎফলং নৈব নশ্বরম্ ॥ ৭৩ ॥
অন্তঃশুদ্ধির্বহিঃশুদ্ধিং যথা নৄণামপেক্ষতে ।
বহিঃশুদ্ধিস্তথৈবান্তঃশুদ্ধিং চ নিয়মেন হি ॥ ৭৪ ॥
যস্য কর্মসু শুদ্ধেষ্বপ্যৌদাসীন্যং বিজায়তে ।
তস্যৈব জন্মসাংকর্যমনুমেয়ং বিপশ্চিতা ॥ ৭৫ ॥
বিরোধো জায়তে যস্য জ্ঞানকর্মসমুচ্চয়ে ।
তস্যৈব জন্মসাংকর্যমনুমেয়ং বিপশ্চিতা ॥ ৭৬ ॥
যঃ শ্রৌতং কর্ম হিৎবান্যত্তান্ত্রিকং সমুপাশ্রয়েৎ ।
তস্যৈব জন্মসাংকর্যমনুমেয়ং বিপশ্চিতা ॥ ৭৭ ॥
যশ্চান্তরং চ তৎকর্ম মন্যতে মন্দগোচরম্ ।
তস্যৈব জন্মসাংকর্যমনুমেয়ং বিপশ্চিতা ॥ ৭৮ ॥
অশুদ্ধকর্মনিষ্ঠঃ সন্ শুদ্ধং নিন্দতি যঃ সদা ।
তস্যৈব জন্মসাংকর্যমনুমেয়ং বিপশ্চিতা ॥ ৭৯ ॥
শুদ্ধং পশ্যতি যঃ শান্তমক্ষিরোগীব ভাস্করম্ ।
তস্যৈব জন্মসাংকর্যমনুমেয়ং বিপশ্চিতা ॥ ৮০ ॥
বিশুদ্ধবংশপ্রভবং মহামতিং
বিশুদ্ধবাহ্যান্তরকর্মভাস্বরম্ ।
বিশুদ্ধবেদান্তরহস্যবেদিনং
বিদ্বেষ্টি যঃ সংকর এব নেতরঃ ॥ ৮১ ॥
অশুদ্ধবংশপ্রভবং সুদুর্মতিং
স্বশুদ্ধকর্মদ্বয়নষ্টতেজসম্ ।
অশুদ্ধতন্ত্রার্থবিদং নরাধমং
যঃ শ্লাঘতে সংকর এব নেতরঃ ॥ ৮২ ॥
ইতি সূর্যগীতায়াং দ্বিতীয়োঽধ্যায়ঃ ॥
॥ অথ তৃতীয়োঽধ্যায়ঃ ॥
অথাতঃ সম্প্রবক্ষ্যামি মমান্তর্যামিণং শিবম্ ।
যঃ সর্বকর্মণাং সাক্ষী নির্লেপঃ প্রভুরীশ্বরঃ ॥ ১ ॥
ত্রিনেত্রং নীলকণ্ঠং যং সাম্বং মৃত্যুংজয়ং হরম্ ।
ধ্যাৎবা সংসৃতিমোক্ষঃ স্যাত্তং নমামি মহেশ্বরম্ ॥ ২ ॥
সর্বেষাং কর্মণামেকঃ ফলদাতা য উচ্যতে ।
স এব মৃড ঈশানঃ সর্বজ্ঞঃ সর্বশক্তিমান্ ॥ ৩ ॥
যস্য স্মরণমাত্রেণ নিবর্তন্তেঽখিলাপদঃ ।
সম্পদশ্চেহ লভ্যন্তে সোঽন্তর্যামী শিবো হরঃ ॥ ৪ ॥
যেনৈব সৃষ্টমখিলং জগদেতচ্চরাচরম্ ।
যস্মিংস্তিষ্ঠতি নশ্যত্যপ্যেষ একো মহেশ্বরঃ ॥ ৫ ॥
যং নমন্তি সুরাঃ সর্বে স্বস্বাভীষ্টপ্রসিদ্ধয়ে ।
স্বাতন্ত্র্যং যস্য সর্বত্র সোঽন্তর্যামি মহেশ্বরঃ ॥ ৬ ॥
উমার্ধবিগ্রহঃ শম্ভুঃ ত্রিনেত্রঃ শশিশেখরঃ ।
গংগাধরো মহাদেবঃ সোঽন্তর্যামি দয়ানিধিঃ ॥ ৭ ॥
শ্রুতিস্মৃতিপুরাণেষু যস্যৈবাধিক্যমিষ্যতে ।
যস্যাধিক্যস্মৃতের্মুক্তিঃ সোঽন্তর্যামী পুরাতনঃ ॥ ৮ ॥
যন্নামজপমাত্রেণ পুরুষঃ পূজ্যতে সুরৈঃ ।
যমাহুঃ সর্বদেবেশং সোঽন্তর্যামী গুরূত্তমঃ ॥ ৯ ॥
যদাখ্যামৃতপানেন সংতৃপ্তা মুনয়োঽখিলাঃ ।
ন বাঞ্ছন্তি মহাভোগান্ সোঽন্তর্যামী জগৎপতিঃ ॥ ১০ ॥
অরুণ উবাচ –
সদ্গুরো ভাস্কর শ্রীমন্ সর্বতত্ত্বার্থকোবিদ ।
শ্রুতিস্মৃতিপুরাণেষু হ্যন্তর্যাম্যন্যথা শ্রুতঃ ॥ ১১ ॥
সত্যং জ্ঞানমনন্তং যৎপ্রসিদ্ধং ব্রহ্ম নিষ্কলম্ ।
নির্গুণং নিষ্ক্রিয়ং শান্তং কেবলং সর্বগং পরম্ ॥ ১২ ॥
তদেব সর্বান্তর্যামী শ্রুতং সর্বান্তরৎবতঃ ।
বরেণ্যং সবিতুস্তে চ গায়ত্র্যাং তদ্ধি কথ্যতে ॥ ১৩ ॥
অশরীরস্য তস্যৈব হ্যাদিমধ্যান্তবর্জনাৎ ।
আকাশবদ্বিভূতেন সর্বান্তর্যামিতোচিতা ॥ ১৪ ॥
শিবস্য সশরীরস্য সাম্বস্য সগুণস্য তু ।
অবিভুৎবেন সা নৈব যুজ্যতে ভাস্কর প্রভো ॥ ১৫ ॥
সগুণৈকপ্রধানৈশ্চ বিশিষ্টাদ্বৈতবাদিভিঃ ।
কৈশ্চিদ্ব্রহ্মহরীশানামন্তর্যামিৎবমুচ্যতে ॥ ১৬ ॥
সর্বজ্ঞৎবাদিধর্মাণাং সমৎবং চ ত্রিমূর্তিষু ।
মৎবৈবোপাসতে বিপ্রাঃ তে গায়ত্রীপরায়ণাঃ ॥ ১৭ ॥
কেচিদ্ দ্রুহিণ এব স্যাদন্তর্যামী বাক্পতিঃ ।
নান্যৌ হরিহরৌ কর্মপ্রসিদ্ধেরিতি বৈ বিদুঃ ॥ ১৮ ॥
কেচিত্তু বিষ্ণুরেব স্যাদন্তর্যামী রমাপতিঃ ।
ন বিধীশৌ পরোপাস্তিপ্রসিদ্ধেরিতি বৈ বিদুঃ ॥ ১৯ ॥
কেচিচ্চ শিব একঃ স্যাদন্তর্যামী হ্যুমাপতিঃ ।
নান্যৌ ব্রহ্মহরী জ্ঞানপ্রসিদ্ধেরিতি সংবিদুঃ ॥ ২০ ॥
ৎবদুক্তরীত্যা ৎবাধিক্যং জ্ঞানোপাসনকর্মসু ।
কর্মণোঽবগতং তেন বিধেরেব প্রসিধ্যতি ॥ ২১ ॥
এষ পক্ষঃ সমীচীনস্তব নৈব ভবিষ্যতি ।
তস্মাদনিশ্চিতার্থং মাং কুরুষ্বাসংশয়ং প্রভো ॥ ২২ ॥
সূর্য উবাচ –
সম্যক্পৃষ্টং ৎবয়া ধীমন্নরুণ শৃণু সাদরম্ ।
বক্ষ্যামি নিশ্চিতার্থং তে শ্রুতিস্মৃত্যাদিভিঃ স্ফুটম্ ॥ ২৩ ॥
অন্তর্যামী দ্বিধা প্রোক্তঃ সগুণো নির্গুণোঽপি চ ।
চরস্য কেবলং ৎবাদ্যশ্চরস্যান্যোঽচরস্য চ ॥ ২৪ ॥
অহং হি চর এবাস্মি মদন্তর্যামিণাবুভৌ ।
গায়ত্র্যাং চাবগন্তব্যৌ দেবৌ সগুণনির্গুণৌ ॥ ২৫ ॥
নির্গুণশ্চাবগন্তব্যঃ সগুণদ্বারতোঽখিলৈঃ ।
অতোঽব্রুবং শিবং সাক্ষান্মদন্তর্যামিণং তব ॥ ২৬ ॥
কারণৎবং যথা সিদ্ধং ব্রহ্মণঃ পরমাত্মনঃ ।
যথা শিবস্য সাম্বস্য কার্যৎবং চ সতাং মতম্ ॥ ২৭ ॥
তথা শিবস্য হেতুৎবং বিষ্ণোঃ কার্যৎবমপ্যথ ।
বিষ্ণোশ্চ হেতুতাং তদ্বদ্বিধের্বিদ্ধি চ কার্যতাম্ ॥ ২৮ ॥
ব্রহ্মা বিষ্ণুঃ শিবো ব্রহ্ম হ্যুত্তরোত্তরহেতবঃ ।
ইতি জানন্তি বিদ্বাংসো নেতরে মায়যা বৃতাঃ ॥ ২৯ ॥
বিশিষ্টাদ্বৈতিনো বাঽন্যে সগুণৈকাভিমানিনঃ ।
অশরীরানভিজ্ঞৎবান্মায়াপরবশা ধ্রুবম্ ॥ ৩০ ॥
সর্বজ্ঞৎবাদিধর্মাণাং কথং সাম্যং ত্রিমূর্তিষু ।
ত্রয়াণাং চ গুণানাং হি বৈষম্যং সর্বসংমতম্ ॥ ৩১ ॥
গুণত্রয়বশাত্তেষাং বৈষম্যং বিদ্ধি সুস্থিতম্ ।
ব্রহ্মা হি রাজসঃ প্রোক্তো বিষ্ণুস্তামস উচ্যতে ॥ ৩২ ॥
রুদ্রঃ স সাত্ত্বিকঃ প্রোক্তঃ মূর্তিবর্ণৈশ্চ তাদৃশাঃ ।
চিৎস্বরূপানুভূত্যা চ তারতম্যং নিগদ্যতে ॥ ৩৩ ॥
নির্বিশেষপরব্রহ্মানন্যৎবেন তু তে সমাঃ ।
তথাঽপি শিবশব্দস্য পরব্রহ্মাত্মকৎবতঃ ॥ ৩৪ ॥
সাক্ষিণা নির্বিকারেণ চিন্মাত্রেণ মহাত্মনা ।
সদাশিবেন নিত্যেন কেবলেন সমো ন হি ॥ ৩৫ ॥
সাম্বস্য চন্দ্রচূডস্য নীলকণ্ঠস্য শূলিনঃ ।
উৎকর্ষোঽস্তি স্বতঃসিদ্ধঃ কিং ময়া প্রতিপাদ্যতে ॥ ৩৬ ॥
আদৌ মাং জনয়ামাস ব্রহ্মা সাক্ষাচ্চতুর্মুখঃ ।
যথা তথা বিরিংচিং তং শ্রীমান্নারায়ণো হরিঃ ॥ ৩৭ ॥
যতোঽভবন্মহাবিষ্ণুর্মমারুণ পিতামহঃ ।
ততো মে সুপ্রসিদ্ধভূৎসূর্যনারায়ণ অভ্ধা ॥ ৩৮ ॥
নৈতেন সকলেশস্য প্রপিতামহতাবশাৎ ।
সর্বোৎকৃষ্টৎবসংসিদ্ধ্যা লুপ্যতে হ্যান্তরাত্মনা ॥ ৩৯
অথ বা যোগবৃত্যা স্যাচ্ছিবো নারায়ণাভিধঃ ।
তদ্দৃষ্টির্ময়ি কর্তব্যোপাসকরিতি সন্মতম্ ॥ ৪০ ॥
কর্মোপাসনবোধেষু ব্রহ্মবিষ্ণুশিবাঃ ক্রমাৎ ।
প্রসিদ্ধা ইতি সংত্যজ্য ধিয়ং শৃণু বচো মম ॥ ৪১ ॥
ত্রিষু ত্রয়ঃ প্রসিদ্ধাঃ স্যুস্তারতম্যেন চারুণ ।
কাম্যকর্মপ্রধানোঽস্তি স্বয়ংভূশ্চতুরাননঃ ॥ ৪২ ॥
নৈমিত্তিকপ্রধানস্তু বিষ্ণুঃ কমললোচনঃ ।
নিত্যকর্মপ্রধানঃ স শিবঃ সাক্ষাত্ত্রিলোচনঃ ॥ ৪৩ ॥
মূর্ত্যুপাস্তৌ বিধিমুখ্যস্ত্বংশোপাস্তৌ হরির্মতঃ ।
নিরংশোপাসনে মুখ্যো নীলকণ্ঠো হরো মতঃ ॥ ৪৪ ॥
জ্ঞানে শ্রবণজে ব্রহ্মা বিজ্ঞানে মননোদিতে ।
বিষ্ণুঃ স সম্যগ্জ্ঞানে তু নিদিধ্যাসনজে শিবঃ ॥ ৪৫ ॥
অত্রৈবং সতি কস্যাভূদাধিক্যমরুণাধুনা ।
ৎবমেব সম্যগালোচ্য বিনিশ্চিনু মহামতে ॥ ৪৬ ॥
পুরা কশ্চিন্মহাধীরঃ শিবভক্তাগ্রণীর্দ্বিজঃ ।
শিবাখ্যাজপসংসক্তশ্চচার ভুবি নিস্পৃহঃ ॥ ৪৭ ॥
স্বাশ্রমাচারনিরতো ভস্মরুদ্রাক্ষভূষণঃ ।
সর্বশাস্ত্রার্থতত্ত্বজ্ঞঃ কামক্রোধাদিবর্জিতঃ ॥ ৪৮ ॥
শমাদিষট্কসম্পন্নঃ শিবভক্তজনাদরঃ ।
শিবস্য বৈভবং স্মৃৎবা শ্রুতিস্মৃতিপুরাণগম্ ॥ ৪৯ ॥
সর্বেশ্বরস্য সাম্বস্য ত্রিনেত্রস্য দয়ানিধেঃ ।
সদাশিবস্য মাহাত্ম্যং স্বত এবেদমব্রবীৎ ॥ ৫০ ॥
পশ্বাদিভ্যো বরিষ্ঠাঃ ক্ষিতিগতমনুজাস্তেভ্য এবেন্দ্রমুখ্যঃ
দেবাস্তেভ্যো বিধাতা হরিরপি চ ততঃ শঙ্করো যস্ত্রিনেত্রঃ ।
নান্যোঽস্মাচ্ছংকরাত্তু শ্রুতিষু নিগদিতো বা বরিষ্ঠঃ সমো বা
সর্বান্বিষ্ণ্বাদিকাংস্তং ন হি বয়মধুনা নূনমেবাশ্রয়ামঃ ॥ ৫১ ॥
মূলাধারে গণেশস্তদুপরি তু বিধির্বিষ্ণুরস্মাত্ততোঽয়ং
রুদ্রস্থানে চতুর্থে শ্রুতিরপি চ তথা প্রাহ শান্তং চতুর্থম্ ।
অস্মাদন্যঃ শিবোঽস্তি ত্রিপুরহর ইতো বা সদাদ্যঃ শিবোঽস্তি
স্বস্থোঽয়ং দ্বাদশান্তপ্রবলনটনকৃচ্চাপি সাক্ষাৎসভেশঃ ॥ ৫২ ॥
রৌদ্রী শক্তিস্তথা স্যাদয়মপি চ হরিঃ শাক্ত এবং বিরিংচো
মন্তব্যো বৈষ্ণবোঽমী সনকমুখমহাব্রাহ্মণা ব্রাহ্মণাশ্চ ।
তস্মাদেবং বিভক্তে ন হি ভবতি হরেরংশিতাংশাংশিভাবে
সাক্ষাদপ্যত্র নিত্যং পরমশিবমহং চাংশিনং তং নমামি ॥ ৫৩ ॥
শম্ভোরন্যন্ন পশ্যাম্যহমিহ পরমে ব্যোম্নি সোমাচ্ছ্রুতৌ বা
যস্যৈবৈতেন ভাসা জগদখিলমিদং ভাসতে চৈত্যরূপম্ ।
যচ্ছীর্ষাঙ্ঘ্রী দিদৃক্ষু দ্রুহিণমুররিপু সর্বশক্ত্যাপ্য দৃষ্ট্বা
খেদন্তৌ জগ্মতুস্তং পরমশিবমমুং ৎবাং বিনা কং নু বন্দে ॥ ৫৪ ॥
যং বিষ্ণুর্নাবপশ্যত্যখিলজনভয়ধ্বংসকং কাশিকায়াং
লিংগং চোপাস্ত ইত্যপ্যধিকভসিতরুদ্রাক্ষসংভূষিতঃ সন্ ।
জাবালেয়ে বৃহত্যপ্যথ হরিজনিতা শ্রূয়তে সোম একঃ
পায়াচ্ছ্রুত্যন্তসিদ্ধো জনিমৃতিভয়ভৃৎসংসৃতেস্তারকো মাম্ ॥ ৫৫ ॥
মধ্যে কো বাঽধিকঃ স্যাদ্দ্রুহিণ হরিহরাণামিতি প্রশ্নপূর্বং
ব্রহ্মাদৌ পৈপ্পলাদং খলু বদতি মহান্রুদ্র এবাধিকঃ স্যাৎ ।
ইত্যুক্ত্বা শারভাখ্যে শ্রুতিশিরসি নমশ্চাস্তু রুদ্রায় তস্মৈ
স্তুৎবৈবং ধ্যেয়মাহ ত্রিপুরহরমুমাকাংতমেকং ভজেঽহম্ ॥ ৫৬ ॥
ধ্যাতা রুদ্রো রমেশো হরিরপি তু তথা ধ্যানমেকঃ শিবস্তু
ধ্যেয়োঽথর্বশ্রুতেঃ সা নিখিলরসবতী যা সমাপ্তা শিখাভূৎ ।
ধ্যেয়শ্চিন্মাত্র একঃ পরমশিব ইতো বা চিদংদশৎব-
মস্য ধ্যাতুঃ স্যান্ন ৎবমুষ্য প্রকৃতিভবমনোবৃত্তিরূপস্য বিষ্ণোঃ ॥ ৫৭ ॥
একো রুদ্রো মহেশঃ শিব ইতি চ মহাদেব এবৈষ সর্ব
ব্যাপী যঃ শ্রূয়তেঽস্মিংচ্ছ্রুতিশিরসি তথাথর্বশীর্ষাভিধে চ ।
দেবাঃ সর্বে যদন্তস্থিতিজুষ ইহ তে বিষ্ণুপূর্বাস্ততোন্যঃ
কো বাঽস্যাদ্ব্যাপকোঽস্মান্নিরতিশয়চিদাকাশরূপান্মহেশাৎ ॥ ৫৮ ॥
নাভৌ ব্রহ্মাণমুক্ত্বা হরিমপি হৃদয়ে রুদ্রমেনং ভ্রুবোস্ত-
ন্মধ্যে শ্রুত্যন্ত এবং প্রণববিবরণে নারসিংহাভিধে চ ।
বিজ্ঞেয়ঃ সোঽয়মাত্মা শিব ইতি চ চতুর্থোঽদ্বিতীয়ঃ
প্রশান্তশ্চেত্যাহান্তে প্রজেশস্ত্রিদশপরিপদস্তৎস ঈশঃ প্রপূজ্যঃ ॥ ৫৯ ॥
কৈবল্যং প্রাপ্নুয়াৎকঃ পুরুষ ইহ শিবং কেবলং ৎবাং বিহায়
স্বামিন্নীশং তথান্যং জগতি সদসতোরত্র বিষ্ণোর্বিধের্বা ।
চিন্মাত্রঃ প্রত্যগাত্মা ৎবমসি খলু সদা পূর্ব একঃ শিবোঽত-
স্ত্বামেবৈকং ভজেঽহং সততমপি জগৎসাক্ষিণং নির্বিশেষম্ ॥ ৬০ ॥
সূর্য উবাচ –
এবং শিবস্য মাহাত্ম্যে সর্বশ্রুত্যন্তনিশ্চিতে ।
উদ্ভবেৎসংশয়ঃ কস্য কো মুচ্যেত সংশয়াৎ ॥ ৬১ ॥
অতোরুণ মহাপ্রাজ্ঞ মুখ্যান্তর্যামিণং মম ।
ত্রিনেত্রং ভজ কৈবল্যসংসিধ্যৈ পরমেশ্বরম্ ॥ ৬২ ॥
॥ ইতি সূর্যগীতায়াং তৃতীয়োঽধ্যায়ঃ ॥
॥ অথ চতুর্থোঽধ্যায়ঃ ॥
সূর্য উবাচ –
অথাতঃ সম্প্রবক্ষ্যামি তস্যান্তর্যামিণো গুরোঃ ।
জগৎসৃষ্ট্যাদিকর্মাণি লীলারূপাণি সুব্রত ॥ ১ ॥
আদৌ জগৎসসর্জেদং পংচীকরণকর্মণা ।
যঃ স ঈশো মহামায়ঃ সর্বজ্ঞঃ সর্বশক্তিমান্ ॥ ২ ॥
চতুর্বিধেষু ভূতেষু নিজমায়াবশীকৃতান্ ।
জীবান্ প্রবেশয়িৎবাননুপ্রবিবেশ স্বয়ং বশী ॥ ৩ ॥
লীলারূপমপীদং চ কর্ম তস্য মহেশিতুঃ ।
প্রারব্ধকর্মজং জ্ঞেয়মাধিকারিকতাবশাৎ ॥ ৪ ॥
স হ্যাদিকারিকঃ শ্রেষ্ঠঃ পূর্বং জীবৎবমাগতঃ ।
সমুচ্চয়াদভূদীশো জ্ঞানোপাসনকর্মণাম্ ॥ ৫ ॥
প্রাক্কল্পাধিকৃতো দেবঃ স্বারব্ধক্ষপণাৎস্বয়ম্ ।
অপহায় নিজাং মায়াং প্রাপ্তবান্ পরমং পদম্ ॥ ৬ ॥
অথ তামাশ্রিতো জীবঃ কল্পাদৌ পূর্ববৎক্রমাৎ ।
সৃষ্ট্বা সর্বাধিকারী সন্ জগৎপাতি চ হন্তি চ ॥ ৭ ॥
ক্রিয়মাণতয়া তেন নিয়মেনৈব কর্মণাম্ ।
ত্রয়াণাং তস্য কর্মিৎবমীশস্যাপ্যুপপদ্যতে ॥ ৮ ॥
জীবন্মুক্তসমানৎবং যতস্তস্যাবগম্যতে ।
অতঃ প্রারব্ধকর্মিৎবং অবশ্যং তস্য সিধ্যতি ॥ ৯ ॥
ব্রহ্মবিত্ত্বং হি তস্য স্যান্ন তু ব্রহ্মৎবমীশিতুঃ ।
সৃষ্ট্যাদিকর্মকর্তৃৎবদর্শনান্মায়যাঽপি বা ॥ ১০ ॥
জীবসৃষ্ট্যাদিকর্তৃৎবং ব্রহ্মণোঽপি বর্ততে ।
তথাপি পূর্বকর্মিৎবং তস্য ন শ্রূয়তে ক্বচিৎ ॥ ১১ ॥
কর্মণঃ প্রাগভাবৎবাদ্ভাবৎবাদ্ব্রহ্মণো বিভোঃ ।
পূর্বকর্মবতো হি স্যাৎকর্ম প্রারব্ধসংজ্ঞিতম্ ॥ ১২ ॥
সৃষ্ট্যাদিকর্মবদ্ধৎবে তস্য মায়াবশৎবতঃ ।
বশ্যমায়ৎববচনং ব্যর্থমেবেতি চেন্ন চ ॥ ১৩ ॥
স্বাধিকারাবসনে হি কৈবল্যং নোপরুধ্যতে ।
অতস্তস্য প্রসিদ্ধং তদ্বশ্যমায়ৎবমর্থবৎ ॥ ১৪ ॥
স্থিতৌ তু তস্য মায়িৎবং কামিৎবাদিবদিষ্যতে ।
ন ধনিৎবাদিবৎকর্ম পারবশ্যান্নিরন্তরম্ ॥ ১৫ ॥
জাগ্রদ্বৎসৃষ্টিকর্ম স্যাৎস্বপ্নবৎস্থিতিকর্ম চ ।
জগৎপ্রলয়কর্ম স্যাৎ সুপ্তিবত্তস্য মায়িনঃ ॥ ১৬ ॥
অবস্থাত্রয়বত্ত্বেন কর্মত্রিতয়বত্তয়া ।
শরীরত্রয়বত্ত্বেন জীবঃ সোঽপীতি কেচন ॥ ১৭ ॥
তদয়ুক্তং পুরা জীবোঽপ্যদ্য ব্রহ্মাত্মবিত্তয়া ।
সর্বজ্ঞৎবাদিসম্পত্ত্যা স হি জীববিলক্ষণঃ ॥ ১৮ ॥
জীবন্মুক্তসমানৎবান্ন কর্মত্রয়মীশিতুঃ ।
প্রারব্ধমাত্রবদ্ধৎবাদধিকারবশাদিহ ॥ ১৯ ॥
অধিকারাবসানে তদ্ব্রহ্মৎবং সম্ভবিষ্যতি ।
ইতি বেদান্তসিদ্ধেঽর্থে ব্যভিচারঃ কুতো ভবেৎ ॥ ২০ ॥
ব্রহ্মৈবৈকমকর্মোক্তং শ্রুতিভিঃ স্মৃতিভিশ্চ তৎ ।
ঈশস্য কর্মতোক্তিস্তু শ্রূয়তে হ্যৌপচারিকী ॥ ২১ ॥
স কর্মৎবেঽপি তস্য স্যাৎকর্মমোচকতেশিতুঃ ।
সংচিতাগামিহীনৎবাৎসর্বজ্ঞৎবাচ্চ সত্তম ॥ ২২ ॥
ঈশ্বরব্রহ্মণোর্ভেদং সকর্মাঽকর্মতাদিভিঃ ।
সুপ্রসিদ্ধমপহ্নোতুং কঃ সমর্থোঽস্তি মানতঃ ॥ ২৩ ॥
ঈশ্বরস্যাপ্যকর্মৎবং যদি ব্রূয়ান্নিরংকুশম্ ।
স দ্বৈতী ন কদাপ্যস্মাৎসংসারান্মুক্তিমাপ্নুয়াৎ ॥ ২৪ ॥
যতস্তৎপদবাচ্যোঽর্থঃ স হেয় ইতি কথ্যতে ।
অতস্তস্য ন নিত্যৎবং নাকর্মৎবং চ যুজ্যতে ॥ ২৫ ॥
অনধ্যস্তাত্মভাবেন ন দেহেনৈব কশ্চন ।
ব্যাপ্রীয়েত ততশ্চ স্যাদ্দেহীশো ধ্যানসংয়ুতঃ ॥ ২৬ ॥
স্বদেহেঽপীশ্বরস্যাস্তি নাধ্যাসঃ পারমার্থিকঃ ।
প্রাতিভাসিকমাশ্রিত্য স্রষ্টৃৎবাদি নিগদ্যতে ॥ ২৭ ॥
দেহাধ্যাসস্য সত্যস্য ন কদাপ্যস্তি সংগতিঃ ।
প্রাগীশদেহাভাবেন দেহাভাবেন চাঽপ্যযে ॥ ২৮ ॥
জগৎপ্রলয়কালে স নির্ব্যাপারোঽপি সুপ্তবৎ ।
অধ্যাসবীজবত্ত্বেন পুনঃ সৃষ্টৌ প্রবর্ততে ॥ ২৯ ॥
চতুর্যুগসহস্রান্তে বিধাতুর্হি নিশোচ্যতে ।
তদা সুপ্তস্য তস্যাপি জীবস্যেব সবীজতা ॥ ৩০ ॥
তথা বিষ্ণোর্যুগাঃ প্রোক্তাস্তস্মাচ্ছতগুণাধিকাঃ ।
তথা শিবস্য তস্মাচ্চ বিষ্ণোঃ শতগুণাধিকাঃ ॥ ৩১ ॥
এবং কালৈরবচ্ছিন্নাংস্তারতম্যেন জীববৎ ।
ঈশ্বরাংস্তান্ কথং ব্রূয়াং দেহকর্মাদিবর্জিতান্ ॥ ৩২ ॥
ব্যষ্টিদেহত্রয়ং স্বীয়ং মৎবা জীবত্রয়ং যথা ।
পারমার্থিকসংসারনিবদ্ধং কর্মিতামগাৎ ॥ ৩৩ ॥
সমষ্টিদেহত্রিতয়ং তথা মৎবেশ্বরত্রয়ম্ ।
প্রাতিভাসিকসংসারনিবদ্ধং কর্মিতামগাৎ ॥ ৩৪ ॥
শুদ্ধসত্ত্বপ্রধানায়াং মায়ায়াং প্রতিবিম্বিতঃ ।
ঈশ ইত্যুচ্যতে তস্য নিরুপাধিকতা কথম্ ॥ ৩৫ ॥
ঔপাধিকস্য নিত্যৎবং কথং বাচ্যং মনীষিভিঃ ।
অনিত্যস্য চ নৈষ্কর্ম্যং কথং ভবিতুমর্হতি ॥ ৩৬ ॥
ব্রহ্মণ্যারোপিতো ভ্রান্তৈরীশাখ্যঃ সর্বসৃষ্টিকৃৎ ।
আত্ময়োগিভিরভ্রান্তৈঃ স ভবত্যবরোপিতঃ ॥ ৩৭ ॥
অবিদ্যাতিমিরান্ধস্য স্থাণৌ চোরবদীশ্বরঃ ।
প্রতিভাতি পরব্রহ্মণ্যমলে স্বাত্মরূপিণি ॥ ৩৮ ॥
সদ্যো মুমুক্ষুদৃষ্ট্যা হি নেশ্বরস্যাস্তি সত্যতা ।
অতো বিবর্তবাদোঽয়ং সুতরামুপয়ুজ্যতে ॥ ৩৯ ॥
পরিণামেঽপ্যনিত্যৎবসংসিদ্ধেরীশ্বরস্য চ ।
অদ্বৈতব্রহ্মনিষ্ঠৎবং শ্রোতুর্জীবস্য সম্ভবেৎ ॥ ৪০ ॥
অধিকারিবিভেদেন বাদাস্তে মতাত্রয়ঃ ।
তত্রোত্তমাধিকারী স্যাচ্ছৃণ্বন্নীশে বিবর্ততাম্ ॥ ৪১ ॥
জীবে তু পরিণামিৎবং শৃণ্বন্নেবোত্তমোত্তমঃ ।
কীটবদ্ভৃঙ্গরূপেণ পরিণামে বিমোক্ষতঃ ॥ ৪২ ॥
জীবস্যেশ্বরতাঽবাপ্তৌ ক্রমমুক্তির্হি সিধ্যতি ।
অতোঽস্য সদ্যো মুক্ত্যর্থং ব্রহ্মতাবাপ্তিরীর্যতে ॥ ৪৩ ॥
তুরীয়ঃ পংচমো বাঽঽস্তামীশ্বরঃ ষষ্ঠ এব বা ।
তস্মাদতীতং ব্রহ্মেতি সিদ্ধান্তে কোঽনুসংশয়ঃ ॥ ৪৪ ॥
ঈশ্বরে তিষ্ঠতি ব্রহ্ম ব্রহ্মণীশশ্চ তিষ্ঠতি ।
অত একৎবমেব স্যাদ্দ্বয়োরিতি ন তর্ক্যতাম্ ॥ ৪৫ ॥
ব্রহ্মণ্যেবেশ্বরঃ প্রোক্তো ন তু ব্রহ্মেশ্বরে ক্বচিৎ ।
বিভোরবিভুসংস্থৎবাসংভবাৎপরমাত্মনঃ ॥ ৪৬ ॥
ব্রহ্মক্ষত্রমুভে যস্য শ্রুত্যা ভবত ওদনঃ ।
যস্যোপসেচনং মৃত্যুঃ স যত্র ব্রহ্মণীর্যতে ॥ ৪৭ ॥
তদেতাদৃশমিত্যত্র কো বেদেদন্তয়াব্যযম্ ।
অখণ্ডং নির্গুণং ব্রহ্ম নিরাধারং পরং মহৎ ॥ ৪৮ ॥
পরব্রহ্মাংশভূতোঽপি পরমঃ পুরুষোত্তমঃ ।
ঈশ্বরাদধিকঃ প্রোক্তঃ কিং পুনর্ব্রহ্ম কেবলম্ ॥ ৪৯ ॥
কারণং জগতামীশো জীবানাং ব্রহ্ম কারণম্ ।
এবং সতীশব্রহ্মৈক্যং ব্যবহারে কথং ভবেৎ ॥ ৫০ ॥
ঈশস্য কর্মিতায়াং হি পুণ্যং পাপং চ সংভবেৎ ।
সুখং দুঃখং চ তেনৈব জীবৎবমিতি চেচ্ছৃণু ॥ ৫১ ॥
ঈশঃ প্রবর্ততে পুণ্যপাপয়োর্লোকসংগ্রহাৎ ।
তথাঽপি সুখদুঃখে স্তো নৈবাত্মজ্ঞানবত্তয়া ॥ ৫২ ॥
ভ্রূণহত্যাদিপাপানি হ্যকরোদ্বিষ্ণুরীদৃশঃ ।
ন তৈর্দুঃখমভূত্তস্য সম্প্রাপ্তং পারমার্থিকম্ ॥ ৫৩ ॥
লোকক্ষেমার্থকৎবেন তৎকৃতাঘস্য নিন্দ্যতা ।
ন বাচ্যা ন চ তেনাস্তি জীবৎবং তস্য সর্বথা ॥ ৫৪ ॥
ঋগাদিবেদকর্তাঽপি স যথোক্তং সমাচরেৎ ।
অন্যথা সম্প্রসজ্যেত হ্যপ্রামাণিকতেশিতুঃ ॥ ৫৫ ॥
সংসিদ্ধে শাস্ত্রকর্তৃৎবে ন কারয়িতৃতা বচঃ ।
ব্যর্থমেবেতি চেন্নৈষ দোষ এব বিচারণে ॥ ৫৬ ॥
জীবস্য কর্তৃতায়াং হি স্যাৎকারয়িতৃতেশিতুঃ ।
শাস্ত্রস্য কর্মতায়াং তু মহেশস্যাস্তি কর্তৃতা ॥ ৫৭ ॥
নৈতেন শাস্ত্রয়োনিৎবং নির্গুণস্যৈব হীয়তে ।
নির্গুণোদ্ভূতশাস্ত্রস্য সগুণাদ্ব্যক্তিদর্শনাৎ ॥ ৫৮ ॥
উপচর্যত ঈশস্য গুণিনঃ শাস্ত্রয়োনিতা ।
যদ্বাঽস্তামুভয়োর্বেদবেদান্তাভ্যাং চ বীজতা ॥ ৫৯ ॥
ন চৈতেনাস্তি কর্মিৎবসাম্যং ব্রহ্মেশয়োস্তয়োঃ ।
কর্তুশ্চ কৃতকর্তুশ্চ ভেদোঽস্তি স্পষ্ট এব হি ॥ ৬০ ॥
কর্তৃৎবং যস্য সংসিদ্ধং কর্মিৎবং তস্য সিদ্ধ্যতি ।
ইত্যত্র সংশয়ঃ কো বা তদ্ব্রহ্মেশৌ চ কর্মিণৌ ॥ ৬১ ॥
ইতি চেৎকর্মিতেশস্য কামিৎবাদিবদিষ্যতে ।
ব্রহ্মণোঽপি তু কর্মিৎবং ধনিৎবাদিবদিত্যতঃ ॥ ৬২ ॥
পরতন্ত্রো মহেশঃ স্যাৎস্বতন্ত্রং ব্রহ্ম নির্গুণম্ ।
আধারাধেয়ভাবেন কার্যকারণতয়া দ্বয়োঃ ॥ ৬৩ ॥
কর্মিৎবে ব্রহ্মণঃ সিদ্ধে কথং নৈর্গুণ্যমীর্যতে ।
ইতি চেন্নৈষ দোষোঽস্তি মায়াগুণবিবর্জনাৎ ॥ ৬৪ ॥
অদৃশ্যাদিভির্বিদ্যাগুণৈরানন্দতাদিভিঃ ।
সগুণব্যপদেশঃ স্যাদ্ব্রহ্মণস্ত্বিষ্ট এব সঃ ॥ ৬৫ ॥
জগৎসংসারকর্তৃৎবং যথা জীবেশয়োর্মতম্ ।
তথা জীবেশকর্তৃৎবং পরস্য ব্রহ্মণো মতম্ ॥ ৬৬ ॥
ব্রহ্মণোঽন্যো ন কর্তাঽস্তি প্রাক্কর্মাদিবিবর্জনাৎ ।
অনাদ্যনন্তং ব্রহ্মৈকমকর্মাকর্তৃ হীর্যতে ॥ ৬৭ ॥
কালত্রয়েঽপ্যকর্তৃৎবং ব্রহ্মণঃ সম্মতং যদি ।
জীবেশরচনা ন স্যাৎ জগৎসংসারয়োরপি ॥ ৬৮ ॥
প্রত্যক্ষসিদ্ধা রচনা কর্তারং সমপেক্ষতে ।
অতোঽদ্য কর্মকর্তৃৎবাদ্ব্রহ্মণঃ কর্মিতোচিতা ॥ ৬৯ ॥
কর্মিৎবে ব্রহ্মণোঽপ্যেবং কিং বাচ্যং ব্রহ্মবেদিনঃ ।
ব্রহ্মীভূতো ন কর্মী স্যাদিত্যেতচ্চ ন সিদ্ধ্যতি ॥ ৭০ ॥
যাদৃশং ব্রহ্ম নির্ণীতং তদ্ভূতোঽপি চ তাদৃশঃ ।
ইতি নির্ণয় এব স্যাদ্যুক্তেরপি সমংজসঃ ॥ ৭১ ॥
কালত্রয়েঽপ্যকর্মিৎবমকর্তৃৎবমকালতা ।
কস্য চিদ্ব্রহ্মণোঽন্যস্য নীরূপস্যাস্তি বস্তুনঃ ॥ ৭২ ॥
তত্র কালত্রয়াতীতং নেহ জ্ঞেয়ং বিবক্ষিতম্ ।
প্রমেয়ৎবপ্রমাণৎবপ্রমাতৃৎবাদিবর্জনাৎ ॥ ৭৩ ॥
যে তু ব্রহ্মেশজীবাঃ সম্প্রোক্তাঃ কর্তৃৎবসংয়ুতাঃ ।
বিদ্যযা মায়যা তে হি কর্মিণোঽবিদ্যযাপি চ ॥ ৭৪ ॥
কর্মিষু ত্রিষু চোক্তেষু ব্রহ্মণঃ শ্রৈষ্ঠ্যদর্শনাৎ ।
অকর্মৎবং শ্রুতিস্মৃত্যোঃ প্রোচ্যতে যুক্তমেব তৎ ॥ ৭৫ ॥
এতেন কর্মিণঃ শ্রৈষ্ঠ্যং সংসিদ্ধমিতি যে বিদুঃ ।
ঔদাসীন্যং ন তেষাং স্যাচ্ছ্রুতিস্মৃত্যুক্তকর্মসু ॥ ৭৬ ॥
জ্ঞানাদুপাস্তিরুৎকৃষ্টা কর্মোৎকৃষ্টমুপাসনাৎ ।
ইতি যো বেদ বেদান্তৈঃ স এব পুরুষোত্তমঃ ॥ ৭৭ ॥
ইতি সূর্যগীতায়াং চতুর্থোঽধ্যায়ঃ ॥ ৪ ॥
অথ পঞ্চমোঽধ্যায়ঃ ॥
সূর্য উবাচ –
অথাতঃ সম্প্রবক্ষ্যামি কর্মিশ্রেষ্ঠস্য লক্ষণম্ ।
যচ্ছ্রুৎবা নৈব ভূয়োঽন্যচ্ছ্রোতব্যং তেঽবশিষ্যতে ॥ ১ ॥
যস্য দেহঃ স্বকীয়োঽপি সর্বথা ন প্রতীয়তে ।
নেন্দ্রিয়াণি চ সর্বাণি স কর্মিশ্রেষ্ঠ উচ্যতে ॥ ২ ॥
যস্য প্রাণাঃ প্রশান্তাঃ স্যুর্মন আদীনি চ স্বয়ম্ ।
অব্যক্তান্তানি সর্বাণি স কর্মিশ্রেষ্ঠ উচ্যতে ॥ ৩ ॥
বালোন্মত্তপিশাচাদি চেষ্টিতান্যপি যত্র নো ।
নিষ্ঠাঽজগরবদ্যস্য স কর্মিশ্রেষ্ঠ উচ্যতে ॥ ৪ ॥
নাহংভাবশ্চ যস্যাস্তি নেদংভাবশ্চ কুত্রচিৎ ।
সর্বদ্বন্দ্ববিহীনাত্মা স কর্মিশ্রেষ্ঠ উচ্যতে ॥ ৫ ॥
প্রাগ্বদ্ধোঽহং বিমুক্তোঽদ্যেত্যেবং যস্য স্মৃতির্ন চ ।
নিত্যমুক্তস্বরূপঃ সন্ স কর্মিশ্রেষ্ঠ উচ্যতে ॥ ৬ ॥
বিদেহমুক্তো যঃ প্রোক্তো বরিষ্ঠো ব্রহ্মবেদিনাম্ ।
অরূপনষ্টচিত্তাসুঃ স কর্মিশ্রেষ্ঠ উচ্যতে ॥ ৭ ॥
কর্মাণি যস্য সর্বাণি বাসনাত্রয়জানি চ ।
অভবন্নপশান্তানি স কর্মিশ্রেষ্ঠ উচ্যতে ॥ ৮ ॥
কর্মাণি কর্মভিঃ শুদ্ধৈরশুদ্ধান্যুপমৃদ্য যঃ ।
স কর্মব্রহ্মমাত্রোঽভূৎ স কর্মিশ্রেষ্ঠ উচ্যতে ॥ ৯ ॥
জ্ঞানিনামপি যঃ শ্রেষ্ঠঃ সপ্তমীং ভূমিকাং গতঃ ।
উপাসকানাং যশ্চৈকঃ স কর্মিশ্রেষ্ঠ উচ্যতে ॥ ১০ ॥
যঃ সর্বৈঃ পীডিতোঽপি স্যান্নির্বিকারোঽপি পূজিতঃ ।
সুখদুঃখে ন যস্য স্তঃ স কর্মিশ্রেষ্ঠ উচ্যতে ॥ ১১ ॥
যঃ সর্বৈর্মনুজৈঃ পূজ্যো যঃ সর্বৈশ্চ সুরাসুরৈঃ ।
ব্রহ্মবিষ্ণুশিবৈর্যশ্চ স কর্মিশ্রেষ্ঠ উচ্যতে ॥ ১২ ॥
ত্যক্ত্বা কর্মাণি সর্বাণি স্বাত্মমাত্রেণ তিষ্ঠতঃ ।
কথং কর্মিৎবমিত্যেবং মা শংকিষ্ঠা মহামতে ॥ ১৩ ॥
কর্মণাং ফলমেষা হি স্বাত্মমাত্রেণ সংস্থিতিঃ ।
অতঃ সফলকর্মৈষ কর্মিশ্রেষ্ঠো ভবেদ্ধ্রুবম্ ॥ ১৪ ॥
জ্ঞানেন জ্ঞায়তে যদ্বা উপাস্ত্যা চোপলভ্যতে ।
তৎস্থিরং প্রাপ্যতেঽনেন কর্মণা।আতোঽস্য কর্মিতা ॥ ১৫ ॥
দেহেঽস্মিন্ বর্তমানেঽপি দেহস্মৃতিবিবর্জনাৎ ।
বিদেহমুক্ত ইত্যুক্তঃ কথং কর্মীতি চেচ্ছৃণু ॥ ১৬ ॥
দেহবিস্মৃতিমত্ত্বেঽপি কর্মদেহে স্থিতৎবতঃ ।
অন্যদৃষ্ট্যাঽস্য দেহিৎবাৎকর্মিৎবমুপপদ্যতে ॥ ১৭ ॥
দেহস্থৎবাদপূর্ণঃ স্যাদিতি শক্যং ন কিংচন ।
তটাকমপ্রকুংভস্থং জলং পূর্ণং হি দৃশ্যতে ॥ ১৮ ॥
প্রারব্ধকর্মমুক্তোঽপি ভোগান্মুক্তোঽপি চাখিলাৎ ।
কর্মাকার্যে স্থিতঃ কর্মী দেহে স্যাদ্ভোগসাধনে ॥ ১৯ ॥
সাধনে সতি দেহেঽপি সাধ্যো ভোগো ন সিধ্যতি ।
দেহবিস্মৃতিমত্ত্বেন দেহহীনসমৎবতঃ ॥ ২০ ॥
আহিতাগ্নিৎবসংসিদ্ধ্যৈ জ্যোতিষ্টোমে কৃতেঽপি চ ।
যথা ন স্বর্গমাপ্নোতি নিষ্কামঃ পুরুষর্ষভঃ ॥ ২১ ॥
জাগ্রস্বপ্নসুষুপ্ত্যাত্মসন্ধিত্রয়কৃতামৃতঃ ।
সর্বসন্ধ্যাদিরহিতঃ সন্ধিভির্বন্দ্যতে সদা ॥ ২২ ॥
যঃ সর্বকর্মভির্বন্দ্যো নিত্যং সর্বৈরকর্মিভিঃ ।
স কর্মিপ্রবরোঽকর্মিপ্রবরশ্চেতি কথ্যতে ॥ ২৩ ॥
সর্বসাম্যমুপেত্যস্য স্বাত্মারামস্য যোগিনঃ ।
সহস্রশঃ কৃতৈঃ কিং বা বন্দনৈরকৃতেশ্চ বা ॥ ২৪ ॥
দেহাদিষু বিকারেষু স্বীয়ৎবং স্বৎবপূর্বকম্ ।
বিহায় নিত্যনিষ্ঠাভিঃ স্বমাত্রঃ স বিরাজতে ॥ ২৫ ॥
ইন্দ্রিয়ার্থৈর্বিমূঢানাং দুষ্কর্মৎবং নিগদ্যতে ।
তৈরপেতঃ সুকর্ম্যেষ বিদেহ ইতি কথ্যতে ॥ ২৬ ॥
যঃ সর্বদ্বন্দ্বনির্মুক্তঃ সর্বত্রিপুটিবর্জিতঃ ।
সর্বাবস্থাবিহীনঃ স বিদেহ ইতি কথ্যতে ॥ ২৭ ॥
লৌকিকং বৈদিকং কর্ম সর্বং যস্মিন্ক্ষয়ং গতম্ ।
যস্মান্নৈবাণুমাত্রং চ বিদেহ ইতি কথ্যতে ॥ ২৮ ॥
যস্যেন্দ্রিয়াণি সর্বাণি ন চলন্তি কদাচন ।
ভিত্তিস্থচিত্রাংগানীব বিদেহ ইতি কথ্যতে ॥ ২৯ ॥
আত্মানং সত্যমদ্বৈতং কেবলং নির্গুণামৃতম্ ।
সম্পশ্যতঃ সদা স্বান্যবিকারস্ফুরণং কুতঃ ॥ ৩০ ॥
আত্মেতরদসত্যং চ দ্বৈতং নানাগুণান্বিতম্ ।
অপশ্যতঃ সদানন্দস্বরূপাস্ফুরণং কুতঃ ॥ ৩১ ॥
আদিমধ্যান্তরহিতচিদানন্দস্বরূপিণঃ ।
স্থিতপ্রজ্ঞস্য কো বাধঃ শরীরেণ স্বয়োগিনঃ ॥ ৩২ ॥
কর্মাণি কর্মণা ত্যক্ত্বা ব্রহ্মণা ব্রহ্মণি স্থিতঃ ।
কর্মণা শর্ম সততং সম্প্রাপ্তঃ স বিরাজতে ॥ ৩৩ ॥
বুদ্ধেস্তৈক্ষ্ণ্যং চ মৌঢ্যং চ যস্য নৈবাস্তি কিংচন ।
বুদ্ধেঃ পারংগতঃ সোঽয়ং প্রবুদ্ধঃ শোভতেতরাম্ ॥ ৩৪ ॥
মনস্তথৈব সংলীনং চিতীব লবণং জলে ।
যথা নিরন্তরাত্মীয়নিষ্ঠয়া সোঽদ্বয়োঽভবৎ ॥ ৩৫ ॥
সমনস্ত্বান্মহদ্দুঃখমমনস্কস্য তৎকুতঃ ।
সমনস্কো হি সংকল্পান্ করুতে দুঃখকারিণঃ ॥ ৩৬ ॥
প্রারব্ধকর্মজং দুঃখং জীবন্মুক্তস্য কথ্যতে ।
কর্মত্রয়বিহীনস্য বিদেহস্য কথং নু তৎ ॥ ৩৭ ॥
কর্ম কর্তব্যমিতি বা ন কর্তব্যমিতীহ বা ।
যদি মন্যেত বৈদেহীং ন মুক্তিং প্রাপ্তবাংস্তু সঃ ॥ ৩৮ ॥
সমাধির্বাঽথ কর্তব্যো ন কর্তব্য ইতীহ বা ।
যদি মন্যেত বৈদেহীং ন মুক্তিং প্রাপ্তবাংস্তু সঃ ॥ ৩৯ ॥
পূর্বং বদ্ধোঽধুনা মুক্তোঽস্ম্যহমিত্যেব বন্ধনাৎ ।
যদি মন্যেত বৈদেহীং ন মুক্তিং প্রাপ্তবাংস্তু সঃ ॥ ৪০ ॥
পূর্বমপ্যভবন্মুক্তো মধ্যে ভ্রান্তিস্তু বন্ধবৎ ।
যদি মন্যেত বৈদেহীং ন মুক্তিং প্রাপ্তবাংস্তু সঃ ॥ ৪১ ॥
বন্ধ্যাপুত্রাদিবৎসর্বং ময়্যভূদসদিত্যপি ।
যদি মন্যেত বৈদেহীং ন মুক্তিং প্রাপ্তবাংস্তু সঃ ॥ ৪২ ॥
আবিদ্যকং তমো ধ্বস্তং স্বপ্রকাশেন বা ইতি ।
যদি মন্যেত বৈদেহীং ন মুক্তিং প্রাপ্তবাংস্তু সঃ ॥ ৪৩ ॥
স্বপ্নেঽপি নাহংভাবোঽস্তি মম দেহেন্দ্রিয়াদিষু ।
যদি মন্যেত বৈদেহীং ন মুক্তিং প্রাপ্তবাংস্তু সঃ ॥ ৪৪ ॥
অরূপনষ্টমনসো বিদেহৎবং প্রকীর্ত্যতে ।
তৎকথং মন্যমানস্য যৎকিংচিৎস্যাদনাত্মনঃ ॥ ৪৫ ॥
মনো নশ্যতি নিঃশেষং মননস্য বিসর্জনাৎ ।
অমনস্কস্বভাবং তৎপদং তস্যাবশিষ্যতে ॥ ৪৬ ॥
মননেন বিনিশ্চিত্য বৈদেহীং মুক্তিমাত্মনঃ ।
নৈষ্কর্ম্যসিদ্ধিং বদতাং কা তৃপ্তিরবিবেকিনাম্ ॥ ৪৭ ॥
শ্রুৎবা বেদান্তবাক্যানি মোদন্তেঽনুভবং বিনা ।
লীঢেন তাডপত্রেণ গুডাক্ষরয়ুতেন কিম্ ॥ ৪৮ ॥
স্বানুভূতিং বিনা শাস্ত্রৈঃ পণ্ডিতাঃ সমলংকৃতাঃ ।
কচহীনেব বিধবা ভূষণৈর্ভূষিতোত্তমৈঃ ॥ ৪৯ ॥
স্বানুভূতিং বিনা কর্মাণ্যাচরন্ত্যখিলান্যপি ।
স্বর্ণয়ঃকুম্ভকারাদিতুল্যা এবোপবীতিনঃ ॥ ৫০ ॥
স্বানুভূতিং বিনা বেদান্ পঠন্তি বিবিধা দ্বিজাঃ ।
প্রাবৃণ্ণিশায়াং পরিতো মণ্ডূকা ইব দুস্স্বরাঃ ॥ ৫১ ॥
স্বানুভূতিং বিনা দেহং বিভ্রত্যধ্যাসদার্ঢ্যতঃ ।
শাকল্যস্য মৃতং দেহং ধনবুদ্ধ্যেব তস্করাঃ ॥ ৫২ ॥
স্বানুভূতিং বিনা ধ্যানং কুর্বন্ত্যাসনসংয়ুতাঃ ।
বকা ইবাংভসস্তীরে মৎস্যবংচনতৎপরাঃ ॥ ৫৩ ॥
স্বানুভূতিং বিনা শ্বাসান্নিরুন্ধন্তি হঠাৎসদা ।
অয়স্কারোঽনিলং বাহ্যং দ্রুতিকায়ামিবাধিকম্ ॥ ৫৪ ॥
স্বানুভূতিং বিনা যোগদণ্ডপট্টাদিধারিণঃ ।
জীর্ণকন্ধাভরং ভগ্নদণ্ডভাণ্ডাদি পিত্তবৎ ॥ ৫৫ ॥
স্বানুভূতিং বিনা যদ্যৎকুর্বন্তি ভুবি মানবাঃ ।
তত্তৎসর্বং বৃথৈব স্যান্মরুভূমৌ কৃষির্যথা ॥ ৫৬ ॥
স্বানুভূত্যর্থকং কর্ম নিকৃষ্টমপি সর্বথা ।
উত্তমং বিবুধৈঃ শ্লাঘ্যং শ্বেব চোরনিবর্তকঃ ॥ ৫৭ ॥
স্বানুভূত্যুপয়ুক্তেভ্য ইতরাণি বহূন্যপি ।
কর্মাদীন্যাচরন্মর্ত্যো ভ্রান্তবদ্ব্যর্থচেষ্টিতঃ ॥ ৫৮ ॥
শ্রুতিস্মৃতিপুরাণেষু কাম্যকর্মাণ্যনেকধা ।
প্রোচ্যন্তে তেষু সংসক্তস্ত্যাজ্যঃ শিষ্টৈর্বিটো যথা ॥ ৫৯ ॥
কাম্যকর্মসমাসক্তঃ স্বনিষ্ঠাং স্বস্য মন্যতে ।
জাত্যন্ধঃ স্বস্য রত্নাদিপরীক্ষাদক্ষতামিব ॥ ৬০ ॥
অবশেন্দ্রিয়মাত্মার্থগুরুবুদ্ধ্যৈব সেবতে ।
বালাতন্তুসুতং লোকেঽগণিতং ভুক্তয়ে যথা ॥ ৬১ ॥
যস্তু বশ্যেন্দ্রিয়ং শান্তং নিষ্কামং সদ্গুরুং সদা ।
স্বাত্মৈকরসিকং মুক্ত্যৈ স ধীমানুপগচ্ছতি ॥ ৬২ ॥
কাম্যকর্মাণি চোৎসৃজ্য নিষ্কামো যো মুমুক্ষয়া ।
শান্ত্যাদিগুণসংয়ুক্তং গুরুং প্রাপ্তঃ স মুচ্যতে ॥ ৬৩ ॥
ইতি শ্রুৎবাঽরুণঃ সূর্যাৎসংতুষ্টঃ স্বাত্মনিষ্ঠয়া ।
কৃতকৃত্য ইদং প্রাহ ভাস্করং বিনয়ান্বিতঃ ॥ ৬৪ ॥
অরুণ উবাচ –
শ্রীমন্গুরুবর স্বামিংস্ত্বন্মুখাৎপারমার্থিকম্ ।
নিষ্কামকর্মমাহাত্ম্যং শ্রুৎবা ধন্যোঽস্ম্যসংশয়ম্ ॥ ৬৫ ॥
সকর্মৎবমকর্মৎবং বিদেহস্য চ লক্ষণম্ ।
শ্রুতং রহস্যং নাতোঽন্যৎকিংচিদপ্যবশিষ্যতে ॥ ৬৬ ॥
তথাঽপি মম সাক্ষাত্ত্বং কর্তব্যং ব্রূহি নিশ্চিতম্ ।
মচ্চিত্তপরিপাকং হি ষেৎসি সর্বজ্ঞ সদ্গুরো ॥ ৬৭ ॥
ইতি পৃষ্ট উবাচেদং ভগবান্ভাস্করোঽরুণম্ ।
স্বসারথিং নিজগ্রস্থং বদ্ধবাহুং নতাননম্ ॥ ৬৮ ॥
সূর্য উবাচ –
অরুণ ৎবং পরং ব্রহ্ম সাক্ষাদ্দৃষ্ট্বাঽধুনা কৃতী ।
তথাঽপ্যাদেহপতনাদ্ব্রহ্মাভিধ্যানমাদরাৎ ॥ ৬৯ ॥
স্বাধিকারোচিতং শুদ্ধং কর্মাপ্যাচর সত্তম ।
প্রমাদো মাঽস্তু তে স্বপ্নেঽপ্যুক্তয়োর্ব্রহ্মকর্মণোঃ ॥ ৭০ ॥
সংবাদমাবয়োরেতং সর্বপাপহরং শুভম্ ।
যঃ শৃণোতি সকৃদ্বা স কৃতার্থো নাত্র সংশয়ঃ ॥ ৭১ ॥
শ্রীগুরুমূর্তিরুবাচ –
ইতি দিনকরবক্ত্রাদ্ব্রহ্মকর্মৈনিষ্ঠাং
স্ফুটতরমবগম্য প্রাজ্ঞ একোঽরুণঃ সঃ ।
অভবদখিললোকৈঃ পূজনীয়ঃ কৃতার্থ-
স্ত্বমপি ভব তথৈব ক্ষিপ্রমংভোজজন্মন্ ॥ ৭২ ॥
বিমলবিগুণয়োগাভ্যাসদার্ঢ্যেন যুক্তঃ
সকলগতচিদাত্মন্যদ্বিতীয়ে বুধোঽপি ।
সততমপি কুরুষ্বারব্ধদুঃখোপশান্ত্যৈ
রহসি নিজসমাধীন্স্বোক্তকর্মাপি ধাতঃ ॥ ৭৩ ॥
ইতি তত্ত্বসারায়ণকর্মকাণ্ডোক্তশ্রীসূর্যগীতায়াং পংচমোঽধ্যায়ঃ ॥
॥ ইতি সূর্যগীতা সমাপ্তা ॥
Also Read:
Surya Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil