Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Hindu Mantras / Ashtaka / Viresh Varabhilash Ashtakam or Vishveshvara Stotram Lyrics in Oriya

Viresh Varabhilash Ashtakam or Vishveshvara Stotram Lyrics in Oriya

64 Views

Vireshvarabhilash Ashtakam Lyrics in Oriya:

॥ ଵୀରେଶ୍ଵରାଭିଲାଷାଷ୍ଟକମ୍ ଅଥଵା ଵିଶ୍ଵେଶ୍ଵରସ୍ତୋତ୍ରମ୍ ॥

॥ ଶ୍ରୀଗଣେଶାୟ ନମଃ ॥

ଵିଶ୍ଵାନର ଉଵାଚ ।
ଏକଂ ବ୍ରହ୍ମୈଵାଦ୍ଵିତୀୟଂ ସମସ୍ତଂ ସତ୍ୟଂ ସତ୍ୟଂ ନେହ ନାନାଽସ୍ତି କିଂ ତୁ ।
ଏକୋ ରୁଦ୍ରୋ ନ ଦ୍ଵିତୀୟୋଽଵତସ୍ଥେ ତସ୍ମାଦେକଂ ତତ୍ତ୍ଵାଂ ପ୍ରପଦ୍ୟେ ମହେଶମ୍ ॥ ୧॥

ଏକଃ କର୍ତା ତ୍ଵଂ ହି ସର୍ଵସ୍ୟ ଶମ୍ଭୋ ନାନାରୂପେଷ୍ଵେକରୂପୋଽପ୍ୟରୂପଃ ।
ୟଦ୍ଵତ୍ପ୍ରତ୍ୟଗ୍ଧର୍ମ ଏକୋଽପ୍ୟନେକସ୍ତସ୍ମାନ୍ନାନ୍ୟଂ ତ୍ଵାଂ ଵିନେଶଂ ପ୍ରପଦ୍ୟେ ॥ ୨॥

ରଜ୍ଜୌ ସର୍ପଃ ଶୁକ୍ତିକାୟାଂ ଚ ରୌପ୍ୟଂ ନୈରଃ ପୂରସ୍ତନ୍ମୃଗାଖ୍ୟେ ମରୀଚୌ ।
ୟଦ୍ୟତ୍ତଦ୍ଵଦ୍ଵିଷ୍ଵଗେଷଃ ପ୍ରପଞ୍ଚୋ ୟସ୍ମିନ୍ ଜ୍ଞାତେ ତ୍ଵାଂ ପ୍ରପଦ୍ୟେ ମହେଶମ୍ ॥ ୩॥

ତୋୟେ ଶୈତ୍ୟଂ ଦାହକତ୍ଵଂ ଚ ଵହ୍ନୌ ତାପୋ ଭାନୌ ଶୀତଭାନୌ ପ୍ରସାଦଃ ।
ପୁଷ୍ପେ ଗନ୍ଧୋ ଦୁଗ୍ଧମଧ୍ୟେଽପି ସର୍ପିର୍ୟତ୍ତଚ୍ଛମ୍ଭୋ ତ୍ଵଂ ତତସ୍ତ୍ଵାଂ ପ୍ରପଦ୍ୟେ ॥ ୪॥

ଶବ୍ଦଂ ଗୃହ୍ଣାସ୍ୟଶ୍ରଵାସ୍ତ୍ଵଂ ହି ଜିଘ୍ରେରଘ୍ରାଣସ୍ତ୍ଵଂ ଵ୍ୟଙ୍ଘ୍ରିରାୟାସି ଦୂରାତ୍ ।
ଵ୍ୟକ୍ଷଃ ପଶ୍ୟେସ୍ତ୍ଵଂ ରସଜ୍ଞୋଽପ୍ୟଜିହ୍ଵଃ କସ୍ତ୍ଵାଂ ସମ୍ୟଗ୍ଵେତ୍ତ୍ୟତସ୍ତ୍ଵାଂ ପ୍ରପଦ୍ୟେ ॥ ୫॥

ନୋ ଵେଦସ୍ତ୍ଵାମୀଶ ସାକ୍ଷାଦ୍ଵିଵେଦୋ ନୋ ଵା ଵିଷ୍ଣୁର୍ନୋ ଵିଧାତାଽଖିଲସ୍ୟ ।
ନୋ ୟୋଗୀନ୍ଦ୍ରା ନେନ୍ଦ୍ରମୁଖ୍ୟାଶ୍ଚ ଦେଵା ଭକ୍ତୋ ଵେଦସ୍ତ୍ଵାମତସ୍ତ୍ଵାଂ ପ୍ରପଦ୍ୟେ ॥ ୬॥

ନୋ ତେ ଗୋତ୍ରଂ ନାପି ଜନ୍ମାପି ନାଖ୍ୟା ନୋ ଵା ରୂପଂ ନୈଵ ଶୀଲଂ ନ ତେଜଃ ।
ଇତ୍ଥଂ ଭୂତୋଽପୀଶ୍ଵରସ୍ତ୍ଵଂ ତ୍ରିଲୋକ୍ୟାଃ ସର୍ଵାନ୍କାମାନ୍ପୂରୟେସ୍ତ୍ଵଂ ଭଜେ ତ୍ଵାମ୍ ॥ ୭॥

ତ୍ଵତ୍ତତ୍ସର୍ଵଂ ତ୍ଵଂ ହି ସର୍ଵଂ ସ୍ମରାରେ ତ୍ଵଂ ଗୌରୀଶସ୍ତ୍ଵଂ ଚ ନଗ୍ନୋଽତିଶାନ୍ତଃ ।
ତ୍ଵଂ ଵୈ ଵୃଦ୍ଧସ୍ତ୍ଵଂ ୟୁଵା ତ୍ଵଂ ଚ ବାଲସ୍ତତ୍କିଂ ୟତ୍ତ୍ଵଂ ନାସ୍ୟତସ୍ତ୍ଵାଂ ନତୋଽହମ୍ ॥ ୮॥

ସ୍ତୁତ୍ଵେତି ଭୂମୌ ନିପପାତ ଵିପ୍ରଃ ସ ଦଣ୍ଡଵଦ୍ୟାଵଦତୀଵ ହୃଷ୍ଟଃ ।
ତାଵତ୍ସ ବାଲୋଽଖିଲଵୃଦ୍ଧଵୃଦ୍ଧଃ ପ୍ରୋଵାଚ ଭୂଦେଵ ଵରଂ ଵୃଣୀହି ॥

ତତ ଉତ୍ଥାୟ ହୃଷ୍ଟାତ୍ମା ମୁନିର୍ଵିଶ୍ଵାନରଃ କୃତୀ ।
ପ୍ରତ୍ୟବ୍ରଵୀତ୍କିମଜ୍ଞାତଂ ସର୍ଵଜ୍ଞସ୍ୟ ତଵ ପ୍ରଭୋ ॥

ସର୍ଵାନ୍ତରାତ୍ମା ଭଗଵାନ୍ସର୍ଵଃ ସର୍ଵପ୍ରଦୋ ଭଵାନ୍ ।
ୟାତ୍ରାପ୍ରତିନିୟୁକ୍ତେ ମାଂ କିମୀଶୋ ଦୈନ୍ୟକାରିଣୀମ୍ ।
ଇତି ଶ୍ରୁତ୍ଵା ଵଚସ୍ତସ୍ୟ ଦେଵୋ ଵିଶ୍ଵାନରସ୍ୟ ହ ।
ଶୁଚିଃ ଶୁଚିଵ୍ରତସ୍ୟାଥ ଶୁଚିସ୍ମିତ୍ଵାବ୍ରଵୀଚ୍ଛିଶୁଃ ॥

ବାଲ ଉଵାଚ ।
ତ୍ଵୟା ଶୁଚେ ଶୁଚିଷ୍ମତ୍ୟାଂ ୟୋଽଭିଲାଷଃ କୃତୋ ହୃଦି ।
ଅଚିରେଣୈଵ କାଲେନ ସ ଭଵିଷ୍ୟତ୍ୟସଂଶୟଃ ॥

ତଵ ପୁତ୍ରତ୍ଵମେଷ୍ୟାମି ଶୁଚିଷ୍ମତ୍ୟାଂ ମହାମତେ ।
ଖ୍ୟାତୋ ଗୃହପତିର୍ନାମ୍ନା ଶୁଚିଃ ସର୍ଵାମରପ୍ରିୟଃ ॥

ଅଭିଲାଷାଷ୍ଟକଂ ପୁଣ୍ୟଂ ସ୍ତୋତ୍ରମେତତ୍ତ୍ଵୟେରିତମ୍ ।
ଅବ୍ଦଂ ତ୍ରିକାଲପଠନାତ୍କାମଦଂ ଶିଵସନ୍ନିଧୌ ॥

ଏତତ୍ସ୍ତୋତ୍ରସ୍ୟ ପଠନଂ ପୁତ୍ରପୌତ୍ରଧନପ୍ରଦମ୍ ।
ସର୍ଵଶାନ୍ତିକରଂ ଚାପି ସର୍ଵାପତ୍ପରିନାଶନମ୍ ॥

ସ୍ଵର୍ଗାପଵର୍ଗସମ୍ପତ୍ତିକାରକଂ ନାତ୍ର ସଂଶୟଃ ।
ପ୍ରାତରୁତ୍ଥାୟ ସୁସ୍ନାତୋ ଲିଙ୍ଗମଭ୍ୟର୍ଚ୍ୟ ଶାମ୍ଭଵମ୍ ॥

ଵର୍ଷଂ ଜପମିଦଂ ସ୍ତୋତ୍ରମପୁତ୍ରଃ ପୁତ୍ରଵାନ୍ଭଵେତ୍ ।
ଵୈଶାଖେ କାର୍ତିକେ ମାଘେ ଵିଶେଷନିୟମୈର୍ୟୁତଃ ॥

ୟଃ ପଠେତ୍ସ୍ନାନସମୟେ ଲଭତେ ସକଲଂ ଫଲମ୍ ।
କାର୍ତିକସ୍ୟ ତୁ ମାସସ୍ୟ ପ୍ରସାଦାଦହମଵ୍ୟୟଃ ॥

ତଵ ପୁତ୍ରତ୍ଵମେଷ୍ୟାମି ୟସ୍ତ୍ଵନ୍ୟସ୍ତତ୍ପଠିଷ୍ୟତି ।
ଅଭିଲାଷାଷ୍ଟକମିଦଂ ନ ଦେୟଂ ୟସ୍ୟ କସ୍ୟଚିତ୍ ॥

ଗୋପନୀୟଂ ପ୍ରୟତ୍ନେନ ମହାଵନ୍ଧ୍ୟାପ୍ରସୂତିକୃତ୍ ।
ସ୍ତ୍ରିୟା ଵା ପୁରୁଷେଣାପି ନିୟମାଲ୍ଲିଙ୍ଗସନ୍ନିଧୌ ॥

ଅବ୍ଦଂ ଜପମିଦଂ ସ୍ତୋତ୍ରଂ ପୁତ୍ରଦଂ ନାତ୍ର ସଂଶୟଃ ।
ଇତ୍ୟୁକ୍ତ୍ଵାନ୍ତର୍ଦଧେ ବାଲଃ ସୋପି ଵିପ୍ରୋ ଗୃହଂ ଗତଃ ॥

॥ ଇତି ଶ୍ରୀସ୍କନ୍ଦପୁରାଣେ କାଶୀଖଣ୍ଡେ ଵୀରେଶ୍ଵରସ୍ତୋତ୍ରଂ ସମ୍ପୂର୍ଣମ୍ ॥

  • Facebook
  • Twitter
  • Google+
  • Pinterest
 
Note: We will give astrological reading / solution for those who are longing for children and do not give predictions for Job, etc.

Leave a Comment

Your email address will not be published. Required fields are marked *