Vishveshvaralahari Lyrics in Bengali
ৱিশ্ৱেশ্ৱরলহরী Lyrics in Bengali:
সিদ্ধিবুদ্ধিপতিং ৱন্দে শ্রীগণাদীশ্ৱরং মুদা |
তস্য যো ৱন্দনং কুর্যাত স ধীনাং যোগমিন্ৱতি ||১||
ৱন্দে কাশীপতিং কাশী জাতা যত্কৃপযা পুরী |
প্রকাশনার্থং ভক্তানাং হোতারং রত্নধাতমম ||২||
ভক্তাৱনং করোমীতি মা গর্ৱং ৱহ শঙ্কর |
তেভ্যঃ স্ৱপূজাগ্রহণাত্তৱেতত্সত্যমঙ্গিরঃ ||৩||
মুধা লক্ষ্মীং কামযন্তে চঞ্চলাং সকলা জনাঃ |
কাশীরূপাং কামযেঽহং লক্ষ্মীমনপগামিনীম ||৪||
প্রাপ্নুৱন্তু জনা লক্ষ্মীং মদান্ধনৃপসেৱনাত |
লভে ৱিশ্ৱেশসেৱাতো গামশ্ৱং পুরুষানহম ||৫||
ন মত্কুটুংবরক্ষার্থং মাহূযামি শ্রিযং বুধাঃ |
ৱিশ্ৱেশ্ৱরারাধনার্থং শ্রিযং দেৱীমুপহ্ৱযে ||৬||
আপাতরমণীযেযং শ্রীর্মদান্ধকরী চলা |
অসারসংসৃতৌ কাশীং সা হি শ্রীরমৃতা সতাম ||৭||
কাশী গঙ্গাঽন্নপূর্ণা চ ৱিশ্ৱেশাদ্যাশ্চ দেৱতাঃ |
অৱন্তু বালমজ্ঞং মামুশতীরিৱ মাতরঃ ||৮||
সদৈৱ দুঃখকারিণীং ন সংসৃতিং হি কামযে
শিৱপ্রিযাং সুখপ্রদাং পরাং পুরীং হি কামযে |
স্ৱভক্তদুঃখহারকং মনোরথপ্রপূরকং
শিৱং সদা মুদা ভজে মহেরণায চক্ষসে ||৯||
স্ৱসেৱকসুতাদীনাং পালনং কুর্ৱতে নৃপাঃ |
পাস্যেৱাস্মাংস্তু ৱিশ্ৱেশ গীর্ৱাণঃ পাহি নঃ সুতান ||১০||
নিষেৱ্য কাশিকাং পুরীং সদাশিৱং প্রপূজ্য ৱৈ
গুরোর্মুখারৱিন্দতঃ সদাদিরূপমদ্ৱযম |
ৱিচার্য রূপমাত্মনো নিষেধ্য নশ্ৱরং জডং
চিদাত্মনা তমোভিদং ধনেন হন্মি ৱৃশ্চিকম ||১১||
হে ভাগীরথি হে কাশি হে ৱিশ্ৱেশ্ৱর তে সদা |
কলযামি স্তৱং শ্রেষ্ঠমেষ রারন্তু তে হৃদি ||১২||
ৱিশ্ৱনাথ সদা কাশ্যাং দেহ্যস্মভ্যং ধনং পরম |
পুরা যুদ্ধেষু দৈত্যানাং ৱিদ্মহে ত্ৱাং ধনঞ্জযম ||১৩||
অৱিনাশি পুরা দত্তং ভক্তেভ্যো দ্রৱিণং ত্ৱযা |
কাশিৱিশ্ৱেশগঙ্গে ত্ৱামথ তে স্তুম্নমীমহে ||১৪||
সংসারদাৱৱহ্নৌ মাং পতিতং দুঃখিতং তৱ |
ৱিশ্ৱেশ পাহি গঙ্গাদ্যৈরাগত্য ৱৃষভিঃ সুতম ||১৫||
কাশীং প্রতি ৱযং যাম দযযা ৱিশ্ৱনাথ তে |
তত্রৈৱ ৱাসং কুর্যাম ৱৃক্ষে ন ৱসতিং ৱযঃ ||১৬||
হে সরস্ৱতি হে গঙ্গে হে কালিন্দি সদা ৱযম |
ভজামামৃতরূপং তং যো ৱঃ শিৱতমো রসঃ ||১৭||
ৱিশ্ৱনাথেদমেৱ ত্ৱাং যাচাম সততং ৱযম |
স্থিত্ৱা কাশ্যামধ্ৱরে ত্ৱাং হৱিষ্মন্তো জরামহে ||১৮||
সর্ৱাসু সোমসংস্থাসু কাশ্যামিন্দ্রস্ৱরূপিণে |
হে ৱিশ্ৱেশ্ৱর তে নিত্যং সোমং চোদামি পীতযে ||১৯||
কাশ্যাং রৌদ্রেষু চান্যেষু যজাম ত্ৱাং মখেষু ৱৈ |
হে ৱিশ্ৱেশ্ৱর দেৱৈস্ত্ৱং রারন্ধি সৱমেষু নঃ || ২০||
মাং মোহাদ্যা দুর্জনাশ্চ বাধন্তে নিষ্প্রযোজনম |
ৱিশ্ৱেশ্ৱর ততো মে ত্ৱাং ৱরুত্রীং ধিষণাং ৱহ ||২১||
রুদ্রাক্ষভস্মধারী ত্ৱাং কাশ্যাং স্তৌমীশ সংস্তৱৈঃ |
ত্ৱত্পাদাংবুজভৃঙ্গং মাং ন স্তোতারং নিদেকরঃ ||২২||
ৱিহায চঞ্চলং ৱধূসুতাদিকং হি দুঃখদং
ত্ৱদীযকামসংযুতা ভৱেম কাশিকাপুরী |
স্ৱসেৱকার্তিনাশক প্রকৃষ্টসংৱিদর্পক
ভৱৈৱ দেৱ সন্ততং হ্যুতত্ৱমস্মযুর্ৱসো ||২৩||
ৱিশ্ৱেশ কাশ্যাং গঙ্গাযাং স্নাত্ৱা ত্ৱাং রম্যৱস্তুভিঃ |
পূজযাম ৱযং ভক্ত্যা কুশিকাসো অৱস্যৱঃ ||২৪||
ৱিশ্ৱেশ নিত্যমস্মভ্যং ভযমুত্পাদযন্তি যে |
তেষাং ৱিধাযোপমর্দং ততো নো অভযং কৃধি ||২৫||
রাক্ষসানাং স্ৱভাৱোঽযং বাধ্যা ৱিশ্ৱেশ জীৱকাঃ |
ভক্তানুকংপযা শংভো সর্ৱং রক্ষো নিবর্হয ||২৬||
ৱিশ্ৱেশ্ৱর সদা ভীতঃ সংসারর্ণৱজ্জনাত |
মাং পালয সদেতি ত্ৱাং পুরুহূতমুপব্রুৱে ||২৭||
ইদং ৱিমৃশ্যনশ্ৱরং জডং সদৈৱ দুঃখদং
সমর্চিতুং শিৱং গতাঃ পরাঃ পুরীং যতো দ্ৱিজাঃ |
ততোঽভিগম্য তাং পুরীং সমর্চ্য ৱস্তুভিঃ পরৈঃ
শিৱং স্ৱভক্তমুক্তিদং তমিল্যখিত্ৱ ঈমহে ||২৮||
কাশ্যাং ৱযং সদৈৱ ত্ৱাং যজাম সকলৈর্মখৈঃ |
ৱিশ্ৱেশ্ৱর ত্ৱং সমগ্রৈর্দেৱৈরাসত্সি বর্হিষি ||২৯||
যক্ষেশ্ৱরেণ রক্ষিতং শ্রেষ্ঠং ধনমখেষু তে |
দেহি ৱ্যযায শঙ্কর হ্যস্মভ্যমপ্রতিষ্কৃতঃ ||৩০||
মত্পূর্ৱজা মহাশৈৱা ভস্মরুদ্রাক্ষধারিণঃ |
ৱিশ্ৱেশ্ৱর সুরেষু ত্ৱামদ্ৱশমিৱ যেমিরে ||৩১||
শংভোর্ৱিধায যেঽর্চনং তিষ্ঠন্তি তত্পরা যদা |
তান শঙ্করো গিরে দ্রুতং যূথেন ৱৃষ্ণিরেজতি ||৩২||
ত্ৱাং পূজযামীশ সুরং মানসৈর্দিৱ্যৱস্তুভিঃ |
হে ৱিশ্ৱেশ্ৱর দেৱৈস্ত্ৱং সোম রারন্ধি নো হৃদি ||৩৩||
প্রাদুর্ভৱসি সদ্যস্ত্ৱং ক্লেশো ভক্তজনে যদা |
ততোঽহং ক্লেশৱান কুর্ৱে সদ্যোজাতায ৱৈ নমঃ ||৩৪||
ৱামদেৱেতি মনূ রম্যতাং যস্য সঞ্জগৌ |
ঈশস্তস্মাত্কিযতে ৱামদেৱায তে নমঃ ||৩৫||
দযাসিন্ধো দীনবন্ধো যোঽস্তীশ ৱরদঃ করঃ |
অস্মাকং ৱরদানেন স যুক্তস্তেঽস্তু দক্ষিণঃ ||৩৬||
দুষ্টভীতস্য মে নিত্যং করস্তেঽভযদাযকঃ |
মহেশাভযদানে স্যাদুত সৱ্যঃ শতক্রতো ||৩৭||
মহেশ্ৱরীযপদপদ্মসেৱকঃ পুরন্দরাদিপদনিঃস্পৃহঃ সদা |
জনোঽস্তি যঃ সততদুর্গতঃ প্রভো পৃণক্ষি ৱসুনা ভৱীযসা ||৩৮||
রক্ষণায নাস্তি মে ত্ৱাং ৱিনেশ সাধনম |
নিশ্চযেন হে শিৱ ত্ৱামৱস্যুরাচকে ||৩৯||
রোগৈর্দুঃখৈর্ৱৈরিগণৈশ্চ যুক্তাস্ত্ৱদ্দাসত্ৱাচ্ছঙ্কর তত্সহস্ৱ |
রম্যং স্তোত্রং রোষকরং ৱচো ৱা যত্কিঞ্চাহং ত্ৱাযুরিদং ৱদামি ||৪০||
ধ্যাযাম ৱস্তু শঙ্করং যাচাম ধাম শঙ্করম |
কুর্যাম কর্ম শঙ্করং ৱোচেম শন্তমং হৃদে ||৪১||
মাতা তাতঃ স্ৱাদিষ্ঠং চ পৌষ্টিকং মন্ৱাতে ৱাক্যং বালস্য কুত্সিতম |
যদ্ৱত্তদ্ৱাক্যং মেঽস্তু শংভৱে স্ৱাদোঃ স্ৱাদীযো রুদ্রায বন্ধনম ||৪২||
শিৱং সুগন্ধিসংযুতং স্ৱভক্তপুষ্টিৱর্ধনম |
সুদীনভক্তপালকং ত্রিযম্বকং যজামহে ||৪৩||
দেৱ দেৱ গিরিজাৱল্লভ ত্ৱং পাহি পাহি শিৱ শংভো মহেশ |
যদ্ৱদামি সততং স্তোত্রৱাক্যং তজ্জুষস্ৱ কৃধি মা দেৱৱন্তম ||৪৪||
ত্যক্ত্ৱা সদা নিষ্ফলকার্যভারং ধৄত্ৱা সদা শঙ্করনামসারম |
হে জীৱ জন্মান্তকনাশকারং যক্ষ্যামহে সৌমনসায রুদ্রম ||৪৫||
স্থিত্ৱা কাশ্যাং নির্মলগঙ্গাতোযে স্নাত্ৱা সংপূজ্য ত্রিদশেশ্ৱরং ৱৈ |
তস্য স্তোত্রং পাপহরৈস্তু দেৱ ভদ্রং কর্ণেভিঃ শৃণুযাম দেৱাঃ ||৪৬||
ৱারাণস্যাং শঙ্করং সুরাঢ্যং সংপূজ্যেশং ৱসুভিঃ সুকান্তৈঃ |
অগ্রে নৃত্যন্তঃ শিৱস্য রূপং ভদ্রং পশ্যেমাক্ষভির্যজত্রাঃ ||৪৭||
ইচ্ছামস্ত্ৱাং পূজযিতুং ৱযং ৱিশ্ৱেশ সন্ততম ||
প্রযচ্ছ নো ধনং শ্রেষ্ঠং যশসং ৱীরৱত্তমম ||৪৮||
কাশ্যামুষিত্ৱা গঙ্গাযাং স্রাত্ৱা সংপূজ্য শঙ্করম |
ধ্যাত্ৱা তচ্চরণৌ নিত্যমলক্ষ্মীর্নাশযাম্যহম ||৪৯||
অসত্পদং স্ৱহর্ষদং ন চান্যহর্ষদাযকং
সদা মুদা প্রসূর্যথা শৃণোতি ভাষিতং শিশোঃ |
শিৱাপগাশিৱাবলাশিৱালযাসমন্ৱিত-
স্তথা শিৱেশ নঃ সুরৈর্গিরমুপশ্রুতিং চর ||৫০||
সগরস্যাত্মজা গঙ্গে মতাঃ সন্তারিতাস্ত্ৱযা |
অগরস্যাত্মজা তস্মাত কিং ন তারযসি ধ্রুৱম ||৫১||
প্রাযিকোঽযং প্রৱাদোঽস্তু তরন্তি তৱ সন্নিধৌ |
তারকং নাম তে গঙ্গে সন্নিধেঃ কিং প্রযোজনম |৫২||
মীনৈরাযতলোচনে ৱসুমুখীৱাব্জেন রোমাৱলীযুক্তো
রাজৱতীৱ পদ্মমুকুলৈঃ শৈৱালৱল্ল্যা যুতৈঃ |
উদ্ভাস্ৱজ্জঘনেন ৱালপুলিনৈরুদ্যদ্ভুজেৱোর্মিভির-
গর্তেনোজ্জ্ৱলনাভিকেৱ ৱিলসত্যেষা পরং জাহ্নৱী ||৫৩||
শৃঙ্গারিতাং জলচরৈঃ শিৱসুন্দরাঙ্গ-
সঙ্গাং সদাপহৃতৱিশ্ৱধৱান্তরঙ্গাম
ভৃঙ্গাকুলাংবুজগলন্মকরন্দতুন্দ-
ভৃঙ্গাৱলীৱিলসিতাং কলযেঽথ গঙ্গাম ||৫৪||
ৱিশ্ৱেশোঽসি ধনাধিপপ্রিযসখা কিং চান্নপূর্ণাপতির-
জামাতা ধরণীমৃতো নিরুপমাষ্টৈশ্ৱর্যযুক্তঃ স্ৱযম |
চত্ৱার্যেৱ তথাপি দাস্যসি ফলান্যাত্মাশ্রযান্তে চিরং
তেভ্যোঽতো বত যুজ্যতে পশুপতে লব্ধাৱতারস্তৱ ||৫৫||
দোষাকরং ৱহসি মূর্ধ্নি কলঙ্কৱন্তং কণ্ঠে দ্ৱিজিহ্ৱমতিৱকগতিং সুঘোরম |
পাপীত্যযং মযি কুতো ন কৃপাং করোষি যুক্তৈৱ তে ৱিষমদ্দষ্টিরতো মহেশ |৫৬||
অস্তি ত্রিনেত্রমুডুরাজকলা মমেতি
গর্ৱাযতে হ্যতিতরাং বত ৱিশ্ৱনাথ |
ত্ৱদ্ৱাসিনো জননকাশিশশাঙ্কচূডা-
ভালেক্ষণাশ্চ ন ভৱন্তি জনাঃ কিযন্তঃ ||৫৭||
কামং সন্ত্যজ নশ্ৱরেঽত্র ৱিষযে ৱামং পদং মা ৱিশ
ক্ষেমং চাত্মন আচর ত্ৱমদযং কামং স্মরস্ৱান্তকম |
ভীমং দণ্ডধরস্য যোতিহৃদযারামং শিরপ্রোল্লস-
ত্সোমং ভাৱযা ৱিশ্ৱনাথমনিশং সোমং সখে মানসে ||৫৮||
সংপূজ্য ত্রিদশৱরং সদাশিৱং যো
ৱিশ্ৱেশস্তুতিলহরীং সদা পঠেদ্ৱৈ |
কৈলাসে শিৱপদকঞ্জরাজহংস
আকল্পং স হি নিৱসেচ্ছিৱস্ৱরূপঃ ||৫৯||
অনেন প্রীযতাং দেৱো ভগৱান কাশিকাপতিঃ |
শ্রীৱিশ্ৱনাথঃ পূর্ৱেষামস্মাকং কুলদৈৱতম ||৬০||
ইযং ৱিশ্ৱেশলহরী রচিতা খণ্ডযজ্ৱনা |
ৱিশ্ৱেশতুষ্টিদা নিত্যং ৱসতাং হৃদযে সতাম ||৬১||
নাম্না গুণৈশ্চাপি শিৱৈৱ মাতা তাতঃ শিৱস্ত্রযম্বকযজ্ৱনামা |
মল্লারিদেৱঃ কুলদৈৱতং মে শ্রীকৌশিকস্যাস্তি কুলে চ জন্ম ||৬২||
ইতি শ্রীগণেশদীক্ষিতাত্মজত্র্যম্বকদীক্ষিততনূজখণ্ডরাজদীক্ষিতৱিরচিতা ৱিশ্ৱেশ্ৱরলহরী সংপূর্ণা ||
