Yogaprada Ganesha Stotram Telugu Lyrics:
యోగప్రద గణేశ స్తోత్రం (ముద్గల పురాణే)
కపిల ఉవాచ |
నమస్తే విఘ్నరాజాయ భక్తానాం విఘ్నహారిణే |
అభక్తానాం విశేషేణ విఘ్నకర్త్రే నమో నమః || ౧ ||
ఆకాశాయ చ భూతానాం మనసే చామరేషు తే |
బుద్ధ్యైరింద్రియవర్గేషు త్రివిధాయ నమో నమః || ౨ ||
దేహానాం బిందురూపాయ మోహరూపాయ దేహినామ్ |
తయోరభేదభావేషు బోధాయ తే నమో నమః || ౩ ||
సాంఖ్యాయ వై విదేహానాం సంయోగానాం నిజాత్మనే |
చతుర్ణాం పంచ మాయైవ సర్వత్ర తే నమో నమః || ౪ ||
నామరూపాత్మకానాం వై శక్తిరూపాయ తే నమః |
ఆత్మనాం రవయే తుభ్యం హేరంబాయ నమో నమః || ౫ ||
ఆనందానాం మహావిష్ణురూపాయ నేతి ధారిణామ్ |
శంకరాయ చ సర్వేషాం సంయోగే గణపాయ తే || ౬ ||
కర్మణాం కర్మయోగాయ జ్ఞానయోగాయ జానతామ్ |
సమేషు సమరూపాయ లంబోదర నమోఽస్తు తే || ౭ ||
స్వాధీనానాం గణాధ్యక్ష సహజాయ నమో నమః |
తేషామభేదభావేషు స్వానందాయ చ తే నమః || ౮ ||
నిర్మాయికస్వరూపాణామయోగాయ నమో నమః |
యోగానాం యోగరూపాయ గణేశాయ నమో నమః || ౯ ||
శాంతియోగప్రదాత్రే తే శాంతియోగమయాయ చ |
కిం స్తౌమి తత్ర దేవేశ అతస్త్వాం ప్రణమామ్యహమ్ || ౧౦ ||
తతస్తం గణనాథో వై జగాద భక్తముత్తమమ్ |
హర్షేణ మహతా యుక్తో హర్షయన్మునిసత్తమ || ౧౧ ||
శ్రీగణేశ ఉవాచ |
త్వయా కృతం మదీయం యత్ స్తోత్రం యోగప్రదం భవేత్ |
ధర్మార్థకామమోక్షాణాం దాయకం ప్రభవిష్యతి || ౧౨ ||
ఇతి శ్రీముద్గలపురాణే యోగప్రద గణేశ స్తోత్రం సమాప్తమ్ ||
Also Read:
Yogaprada Ganesha Stotram lyrics in Sanskrit | English | Telugu | Tamil | Kannada
