Hakinishvara Ashtottara Sahasranamastotram Lyrics in Telugu:
॥ హాకినీశ్వరాష్టోత్తరసహస్రనామస్తోత్ర ॥
శ్రీఆనన్దభైరవ ఉవాచ ।
ఆనన్దభైరవి ప్రాణవల్లభే జగదీశ్వరి ।
తవ ప్రసాదవాక్యేన శ్రుతం నామసహస్రకమ్ ॥ ౧ ॥
హాకిన్యాః కులయోగిన్యాః పరమాద్భుతమఙ్గలమ్ ।
ఇదానీం శ్రోతుమిచ్ఛామి పరనాథస్య వాఞ్ఛితమ్ ॥ ౨ ॥
సహస్రనామయోగాఙ్గమష్టోత్తరసమాకులమ్ ।
భ్రూపద్మభేదనార్థాయ హాకినీయోగసిద్ధయే ॥ ౩ ॥
పరనాథస్య యోగాధిసిద్ధయే కులభైరవి ।
కృపయా వద మే ప్రీతా ధర్మసిద్ధినిబన్ధనాత్ ॥ ౪ ॥
మమ దేహరక్షణాయ పాతివ్రాత్యప్రసిద్ధయే ।
మహావిషహరే శీఘ్రం వద యోగిని విస్తరాత్ ॥ ౫ ॥
త్వత్ప్రసాదాత్ ఖేచరాణాం భైరవాణాం హి యోగినామ్ ।
నాథోఽహం జగతీఖణ్డే సుధాఖణ్డే వద ప్రియే ॥ ౬ ॥
పునః పునః స్తౌమి నిత్యే త్వమేవ సుప్రియా భవ ।
శ్రీఆనన్దభైరవీ ఉవాచ
అథ యోగేశ్వర ప్రాణనాథ యోగేన్ద్ర సిద్ధిద ॥ ౭ ॥
ఇదానీం కథయే తేఽహం నిజదేహసుసిద్ధయే ।
సర్వదా హి పఠస్వ త్వం కాలమృత్యుం వశం నయ ॥ ౮ ॥
కృపయా తవ నాథస్య స్నేహపాశనియన్త్రితా ।
తవాజ్ఞాపాలనార్థాయ కాలకూటవినాశనాత్ ॥ ౯ ॥
భుక్తిముక్తిక్రియాభక్తిసిద్ధయే తచ్ఛృణు ప్రభో ।
నిత్యామృతఖణ్డరసోల్లాసనామసహస్రకమ్ ॥ ౧౦ ॥
అష్టోత్తరం ప్రయత్నేన యోగినాం హి హితాయ చ ।
కథయామి సిద్ధనామజ్ఞాననిర్ణయసాధనమ్ ॥ ౧౧ ॥
ఓం హ్సౌ సాం పరేశశ్చ పరాశక్తిః ప్రియేశ్వరః ।
శివః పరః పారిభద్రః పరేశో నిర్మలోఽద్వయః ॥ ౧౨ ॥
స్వయంజ్యోతిరనాద్యన్తో నిర్వీకారః పరాత్పరః ।
పరమాత్మా పరాకాశోఽపరోఽప్యపరాజితః ॥ ౧౩ ॥
పార్వతీవల్లభః శ్రీమాన్ దీనబన్ధుస్త్రిలోచనః ।
యోగాత్మా యోగదః సిద్ధేశ్వరో వీరః స్వరాన్తకః ॥ ౧౪ ॥
కపిలేశో గురుర్గీతః స్వప్రియో గీతమోహనః ।
గభీరో గాధనస్థశ్చ గీతవాద్యప్రియఙ్కరః ॥ ౧౫ ॥
గురుగీతాపవిత్రశ్చ గానసమ్మానతోజ్ఝితః ।
గయానాథో దత్తనాథో దత్తాత్రేయపతిః శివః ॥ ౧౬ ॥
ఆకాశవాహకో నీలో నీలాఞ్జనశరీరధృక్ ।
ఖగరూపీ ఖేచరశ్చ గగనాత్మా గభీరగః ॥ ౧౭ ॥
గోకోటిదానకర్త్తా చ గోకోటిదుగ్ధభోజనః ।
అభయావల్లభః శ్రీమాన్ పరమాత్మా నిరాకృతిః ॥ ౧౮ ॥
సఙ్ఖ్యాధారీ నిరాకారీ నిరాకరణవల్లభః ।
వాయ్వాహారీ వాయురూపీ వాయుగన్తా స్వవాయుపాః ॥ ౧౯ ॥
వాతఘ్నో వాతసమ్పత్తిర్వాతాజీర్ణో వసన్తవిత్ ।
వాసనీశో వ్యాసనాథో నారదాదిమునీశ్వరః ॥ ౨౦ ॥
నారాయణప్రియానన్దో నారాయణనిరాకృతిః ।
నావమాలో నావకర్తా నావసంజ్ఞానధారకః ॥ ౨౧ ॥
జలాధారో జ్ఞేయ ఇన్ద్రో నిరిన్ద్రియగుణోదయః ।
తేజోరూపీ చణ్డభీమో తేజోమాలాధరః కులః ॥ ౨౨ ॥
కులతేజా కులానన్దః శోభాఢ్యో వేదరశ్మిధృక్ ।
కిరణాత్మా కారణాత్మా కల్పచ్ఛాయాపతిః శశీ ॥ ౨౩ ॥
పరజ్ఞానీ పరానన్దదాయకో ధర్మజిత్ప్రభుః ।
త్రిలోచనామ్భోజరాజో దీర్ఘనేత్రో మనోహరః ॥ ౨౪ ॥
చాముణ్డేశః ప్రచణ్డేశః పారిభద్రేశ్వరో హరః ।
గోపితా మోహితో గోప్తా గుప్తిస్థో గోపపూజితః ॥ ౨౫ ॥
గోపనాఖ్యో గోధనేశశ్చ చారువక్త్రో దిగమ్బరః ।
పఞ్చాననః పఞ్చమీశో విశాలో గరుడేశ్వరః ॥ ౨౬ ॥
అర్ధనారీశ్వరేశశ్చ నాయికేశః కులాన్తకః ।
సంహారవిగ్రహః ప్రేతభూతకోటిపరాయణః ॥ ౨౭ ॥
అనన్తేశోఽప్యనన్తాత్మా మణిచూడో విభావసుః ।
కాలానలః కాలరూపీ వేదధర్మేశ్వరః కవిః ॥ ౨౮ ॥
భర్గః స్మరహరః శమ్భుః స్వయమ్భుః పీతకుణ్డలః ।
జాయాపతిర్యాజజూకో విలాశీశః శిఖాపతిః ॥ ౨౯ ॥
పర్వతేశః పార్వణాఖ్యః క్షేత్రపాలో మహీశ్వరః ।
వారాణసీపతిర్మాన్యో ధన్యో వృషసువాహనః ॥ ౩౦ ॥
అమృతానన్దితో ముగ్ధో వనమాలీశ్వరః ప్రియః ।
కాశీపతిః ప్రాణపతిః కాలకణ్ఠో మహేశ్వరః ॥ ౩౧ ॥
కమ్బుకణ్ఠః క్రాన్తివర్గో వర్గాత్మా జలశాసనః ।
జలబుద్బుదవక్షశ్చ జలరేఖామయః పృథుః ॥ ౩౨ ॥
పార్థివేశో మహీకర్తా పృథివీపరిపాలకః ।
భూమిస్థో భూమిపూజ్యశ్చ క్షౌణీవృన్దారకార్చీతః ॥ ౩౩ ॥
శూలపాణిః శక్తిహస్తో పద్మగర్భో హిరణ్యభృత్ ।
భూగర్తసంస్థితో యోగీ యోగసమ్భవవిగ్రహః ॥ ౩౪ ॥
పాతాలమూలకర్తా చ పాతాలకులపాలకః ।
పాతాలనాగమాలాఢ్యో దానకర్తా నిరాకులః ॥ ౩౫ ॥
భ్రూణహన్తా పాపరాధినాగకః కాలనాగకః ।
కపిలోగ్రతపఃప్రీతో లోకోపకారకృన్నృపః ॥ ౩౬ ॥
నృపార్చీతో నృపార్థస్థో నృపార్థకోటిదాయకః ।
పార్థివార్చనసన్తుష్టో మహావేగీ పరేశ్వరః ॥ ౩౭ ॥
పరాపారాపారతరో మహాతరునివాసకః ।
తరుమూలస్థితో రుద్రో రుద్రనామఫలోదయః ॥ ౩౮ ॥
రౌద్రీశక్తిపతిః క్రోధీ కోపనష్టో విరోచనః ।
అసంఖ్యేయాఖ్యయుక్తశ్చ పరిణామవివర్జితః ॥ ౩౯ ॥
ప్రతాపీ పవనాధారః ప్రశంస్యః సర్వనిర్ణయః ।
వేదజాపీ మన్త్రజాపీ దేవతా గురురీశ్వరః ॥ ౪౦ ॥
శ్రీనాథో గురుదేవశ్చ పరనాథో గురుః ప్రభుః ।
పరాపరగురుర్జ్ఞానీ తన్త్రజ్ఞోఽర్కశతప్రభాః ॥ ౪౧ ॥
తీర్క్ష్యో గమనకారీ చ కాలభావీ నిరఞ్జనః ।
కాలకూటానలః శ్రోతః పుఞ్జపానపరాయణః ॥ ౪౨ ॥
పరివారగణాఢ్యశ్చ పారాశాషిసుతస్థితః ।
స్థితిస్థాపకరూపశ్చ రూపాతీతోఽమలాపతిః ॥ ౪౩ ॥
పతీశో భాగురిశ్చైవ కాలశ్చైవ హరిస్తథా ।
వైష్ణవః ప్రేమసిన్ధుశ్చ తరలో వాతవిత్తహా ॥ ౪౪ ॥
భావస్వరూపో భగవాన్ నిరాకాశః సనాతనః ।
అవ్యయః పురుషః సాక్షీ చాచ్యుతో మన్దరాశ్రయః ॥ ౪౫ ॥
మన్దరాద్రిక్రియానన్దో వృన్దావనతనూద్భవః ।
వాచ్యావాచ్యస్వరూపశ్చ నిర్మలాఖ్యో వివాదహా ॥ ౪౬ ॥
వైద్యో వేదపరో గ్రన్థో వేదశాస్త్రప్రకాశకః ।
స్మృతిమూలో వేదయుక్తిః ప్రత్యక్షకులదేవతా ॥ ౪౭ ॥
పరీక్షకో వారణాఖ్యో మహాశైలనిషేవితః ।
విరిఞ్చప్రేమదాతా చ జన్యోల్లాసకరః ప్రియః ॥ ౪౮ ॥
ప్రయాగధారీ పయోఽర్థీ గాఙ్గాగఙ్గాధరః స్మరః ।
గఙ్గాబుద్ధిప్రియో దేవో గఙ్గాస్నాననిషేవితః ॥ ౪౯ ॥
గఙ్గాసలిలసంస్థో హి గఙ్గాప్రత్యక్షసాధకః ।
గిరో గఙ్గామణిమరో మల్లికామాలధారకః ॥ ౫౦ ॥
మల్లికాగన్ధసుప్రేమో మల్లికాపుష్పధారకః ।
మహాద్రుమో మహావీరో మహాశూరో మహోరగః ॥ ౫౧ ॥
మహాతుష్టిర్మహాపుష్టిర్మహాలక్ష్మీశుభఙ్కరః ।
మహాశ్రమీ మహాధ్యానీ మహాచణ్డేశ్వరో మహాన్ ॥ ౫౨ ॥
మహాదేవో మహాహ్లాదో మహాబుద్ధిప్రకాశకః ।
మహాభక్తో మహాశక్తో మహాధూర్తో మహామతిః ॥ ౫౩ ॥
మహాచ్ఛత్రధరో ధారోధరకోటిగతప్రభా ।
అద్వైతానన్దవాదీ చ ముక్తో భఙ్గప్రియోఽప్రియః ॥ ౫౪ ॥
అతిగన్ధశ్చాతిమాత్రో నిణీతాన్తః పరన్తపః ।
నిణీతోఽనిలధారీ చ సూక్ష్మానిలనిరూపకః ॥ ౫౫ ॥
మహాభయఙ్కరో గోలో మహావివేకభూషణః ।
సుధానన్దః పీఠసంస్థో హిఙ్గులాదేశ్వరః సురః ॥ ౫౬ ॥
నరో నాగపతిః క్రూరో భక్తానాం కామదః ప్రభుః ।
నాగమాలాధరో ధర్మీ నిత్యకర్మీ కులీనకృత్ ॥ ౫౭ ॥
శిశుపాలేశ్వరః కీర్తివికారీ లిఙ్గధారకః ।
తృప్తానన్దో హృషీకేశేశ్వరః పాఞ్చాలవల్లభః ॥ ౫౮ ॥
అక్రూరేశః పతిః ప్రీతివర్ధకో లోకవర్ధకః ।
అతిపూజ్యో వామదేవో దారుణో రతిసున్దరః ॥ ౫౯ ॥
మహాకాలః ప్రియాహ్లాదీ వినోదీ పఞ్చచూడధృక్ ।
ఆద్యాశక్తిపతిః పాన్తో విభాధారీ ప్రభాకరః ॥ ౬౦ ॥
అనాయాసగతిర్బుద్ధిప్రఫుల్లో నన్దిపూజితః ।
శీలామూర్తీస్థితో రత్నమాలామణ్డితవిగ్రహః ॥ ౬౧ ॥
బుధశ్రీదో బుధానన్దో విబుధో బోధవర్ధనః ।
అఘోరః కాలహర్తా చ నిష్కలఙ్కో నిరాశ్రయః ॥ ౬౨ ॥
పీఠశక్తిపతిః ప్రేమధారకో మోహకారకః ।
అసమో విసమో భావోఽభావో భావో నిరిన్ద్రియః ॥ ౬౩ ॥
నిరాలోకో బిలానన్దో బిలస్థో విషభుక్పతిః ।
దుర్గాపతిర్దుర్గహర్తా దీర్ఘసిద్ధాన్తపూజితః ॥ ౬౪ ॥
సర్వో దుర్గాపతివీప్రో విప్రపూజాపరాయణః ।
బ్రాహ్మణానన్దనిరతో బ్రహ్మకర్మసమాధివిత్ ॥ ౬౫ ॥
విశ్వాత్మా విశ్వభర్తా చ విశ్వవిజ్ఞానపూరకః ।
విశ్వాన్తఃకారణస్థశ్చ విశ్వసంజ్ఞాప్రతిష్ఠితః ॥ ౬౬ ॥
విశ్వాధారో విశ్వపూజ్యో విశ్వస్థోఽచీత ఇన్ద్రహా ।
అలాబుభక్షణః క్షాన్తిరక్షో రక్షనివారణః ॥ ౬౭ ॥
తితిక్షారహితో హూతిః పురుహూతప్రియఙ్కరః ।
పురుషః పురుషశ్రేష్ఠో విలాలస్థః కులాలహా ॥ ౬౮ ॥
కుటిలస్థో విధిప్రాణో విషయానన్దపారగః ।
బ్రహ్మజ్ఞానప్రదో బ్రహ్మజ్ఞానీ బ్రహ్మగుణాన్తరః ॥ ౬౯ ॥
పాలకేశో విరాజశ్చ వజ్రదణ్డో మహాస్త్రధృక్ ।
సర్వాస్త్రరక్షకః శ్రీదో విధిబుద్ధిప్రపూరణః ॥ ౭౦ ॥
ఆర్యపుత్రో దేవరాజపూజితో మునిపూజితః ।
గన్ధర్వపూజితః పూజ్యో దానవజ్ఞాననాశనః ॥ ౭౧ ॥
అప్సరోగణపూజ్యశ్చ మర్త్యలోకసుపూజితః ।
మృత్యుజిద్రిపూజిత్ ప్లక్షో మృత్యుఞ్జయ ఇషుప్రియః ॥ ౭౨ ॥
త్రిబీజాత్మా నీలకణ్ఠః క్షితీశో రోగనాశనః ।
జితారిః ప్రేమసేవ్యశ్చ భక్తిగమ్యో నిరుద్యమః ॥ ౭౩ ॥
నిరీహో నిరయాహ్లాదః కుమారో రిపుపూజితః ।
అజో దేవాత్మజో ధర్మోఽసన్తో మన్దమాసనః ॥ ౭౪ ॥
మన్దహాసో మన్దనష్టో మన్దగన్ధసువాసితః ।
మాణిక్యహారనిలయో ముక్తాహారవిభూషితః ॥ ౭౫ ॥
ముక్తిదో భక్తిదశ్చైవ నిర్వాణపదదానదః ।
నిర్వికల్పో మోదధారీ నిరాతఙ్కో మహాజనః ॥ ౭౬ ॥
ముక్తావిద్రుమమాలాఢ్యో ముక్తాదామలసత్కటిః ॥ ౭౭ ॥
రత్నేశ్వరో ధనేశశ్చ ధనేశప్రాణవల్లభః ।
ధనజీవీ కర్మజీవీ సంహారవిగ్రహోజ్జ్వలః ॥ ౭౮ ॥
సంఙ్కేతార్థజ్ఞానశూన్యో మహాసఙ్కేతపణ్డితః ।
సుపణ్డితః క్షేమదాతా భవదాతా భవాన్వయః ॥ ౭౯ ॥
కిఙ్కరేశో విధాతా చ విధాతుః ప్రియవల్లభః ।
కర్తా హర్తా కారయితా యోజనాయోజనాశ్రయః ॥ ౮౦ ॥
యుక్తో యోగపతిః శ్రద్ధాపాలకో భూతశఙ్కరః ।
భూతాధ్యక్షో భూతనాథో భూతపాలనతత్పరః ॥ ౮౧ ॥
విభూతిదాతా భూతిశ్చ మహాభూతివివర్ధనః ।
మహాలక్ష్మీశ్వరః కాన్తః కమనీయః కలాధరః ॥ ౮౨ ॥
కమలాకాన్త ఈశానో యమోఽమరో మనోజవః ।
మనయోగీ మానయోగీ మానభఙ్గో నిరూపణః ॥ ౮౩ ॥
అవ్యక్తానన్దనిరతో వ్యక్తావ్యక్తనిరూపితః ।
ఆత్మారామపతిః కృష్ణపాలకో రామపాలకః ॥ ౮౪ ॥
లక్షణేశో లక్షభర్తా భావతీశః ప్రజాభవః ।
భరతాఖ్యో భారతశ్చ శత్రుఘ్నో హనుమాన్ కపిః ॥ ౮౫ ॥
కపిచూడామణిః క్షేత్రపాలేశో దిక్కరాన్తరః ।
దిశాంపతిదీశీశశ్చ దిక్పాలో హి దిగమ్బరః ॥ ౮౬ ॥
అనన్తరత్నచూడాఢ్యో నానారత్నాసనస్థితః ।
సంవిదానన్దనిరతో విజయో విజయాత్మజః ॥ ౮౭ ॥
జయాజయవిచారశ్చ భావచూడామణీశ్వరః ।
ముణ్డమాలాధరస్తన్త్రీ సారతన్త్రప్రచారకః ॥ ౮౮ ॥
సంసారరక్షకః ప్రాణీ పఞ్చప్రాణో మహాశయః ।
గరుడధ్వజపూజ్యశ్చ గరుడధ్వజవిగ్రహః ॥ ౮౯ ॥
గారుడీశో మన్త్రిణీశో మైత్రప్రాణహితాకరః ।
సిద్ధిమిత్రో మిత్రదేవో జగన్నాథో నరేశ్వరః ॥ ౯౦ ॥
నరేన్ద్రేశ్వరభావస్థో విద్యాభావప్రచారవిత్ ।
కాలాగ్నిరుద్రో భగవాన్ ప్రచణ్డేశ్వరభూపతిః ॥ ౯౧ ॥
అలక్ష్మీహారకః క్రుద్ధో రిపూణాం క్షయకారకః ।
సదానన్దమయో వృద్ధో ధర్మసాక్షీ సుధాంశుధృక్ ॥ ౯౨ ॥
సాక్షరో రిపువర్గస్థో దైత్యహా ముణ్డధారకః ।
కపాలీ రుణ్డమాలాఢ్యో మహాబీజప్రకాశకః ॥ ౯౩ ॥
అజేయోగ్రపతిః స్వాహావల్లభో హేతువల్లభః ।
హేతుప్రియానన్దదాతా హేతుబీజప్రకాశకః ॥ ౯౪ ॥
శ్రుతిక్షిప్రమణిరతో బ్రహ్మసూత్రప్రబోధకః ।
బ్రహ్మానన్దో జయానన్దో విజయానన్ద ఏవ చ ॥ ౯౫ ॥
సుధానన్దో బుధానన్దో విద్యానన్దో బలీపతిః ।
జ్ఞానానన్దో విభానన్దో భావానన్దో నృపాసనః ॥ ౯౬ ॥
సర్వాసనోగ్రానన్దశ్చ జగదానన్దదాయకః ।
పూర్ణానన్దో భవానన్దో హ్యమృతానన్ద ఏవ చ ॥ ౯౭ ॥
శీతలోఽశీతివర్షస్థో వ్యవస్థాపరిచాయకః ।
శీలాఢ్యశ్చ సుశీలశ్చ శీలానన్దో పరాశ్రయః ॥ ౯౮ ॥
సులభో మధురానన్దో మధురామోదమాదనః ।
అభేద్యో మూత్రసఞ్చారీ కలహాఖ్యో విషఙ్కటః ॥ ౯౯ ॥
వాశభాఢ్యః పరానన్దో విసమానన్ద ఉల్బణః ।
అధిపో వారుణీమత్తో మత్తగన్ధర్వశాసనః ॥ ౧౦౦ ॥
శతకోటిశరుశ్రీదో వీరకోటిసమప్రభః ।
అజావిభావరీనాథో విషమాపూష్ణిపూజితః ॥ ౧౦౧ ॥
విద్యాపతిర్వేదపతిరప్రమేయపరాక్రమః ।
రక్షోపతిర్మహావీరపతిః ప్రేమోపకారకః ॥ ౧౦౨ ॥
వారణావిప్రియానన్దో వారణేశో విభుస్థితః ।
రణచణ్డో రశేశశ్చ రణరామప్రియః ప్రభుః ॥ ౧౦౩ ॥
రణనాథీ రణాహ్లాదః సంగ్రామప్రేతవిగ్రహః ।
దేవీభక్తో దేవదేవో దివి దారుణతత్పరః ॥ ౧౦౪ ॥
ఖడ్గీ చ కవచీ సిద్ధః శూలీ ధూలిస్త్రిశూలధృక్ ।
ధనుష్మాన్ ధర్మచిత్తేశోఽచిన్ననాగసుమాల్యధృక్ ॥ ౧౦౫ ॥
అర్థోఽనర్థప్రియోఽప్రాయో మలాతీతోఽతిసున్దరః ।
కాఞ్చనాఢ్యో హేమమాలీ కాఞ్చనశృఙ్గశాసనః ॥ ౧౦౬ ॥
కన్దర్పజేతా పురుషః కపిత్థేశోఽర్కశేఖరః ।
పద్మగన్ధోఽతిసద్గన్ధశ్చన్ద్రశేఖరభృత్ సుఖీ ॥ ౧౦౭ ॥
పవిత్రాధారనిలయో విద్యావద్వరబీజభృత్ ।
కన్దర్పసదృశాకారో మాయాజిద్ వ్యాఘ్రచర్మధృక్ ॥ ౧౦౮ ॥
అతిసౌన్దర్యచూడాఢ్యో నాగచిత్రమణిప్రియః ।
అతిగణ్డః కుమ్భకర్ణః కురుజేతా కవీశ్వరః ॥ ౧౦౯ ॥
ఏకముఖో ద్వితుణ్డశ్చ ద్వివిధో వేదశాసనః ।
ఆత్మాశ్రయో గురుమయో గురుమన్త్రప్రదాయకః ॥ ౧౧౦ ॥
శౌరీనాథో జ్ఞానమార్గీ సిద్ధమార్గీ ప్రచణ్డగః ।
నామగః క్షేత్రగః క్షేత్రో గగనగ్రన్థిభేదకః ॥ ౧౧౧ ॥
గాణపత్యవసాచ్ఛన్నో గాణపత్యవసాదవః ।
గమ్భీరోఽతిసుసూక్ష్మశ్చ గీతవాద్యప్రియంవదః ॥ ౧౧౨ ॥
ఆహ్లాదోద్రేకకారీ చ సదాహ్లాదీ మనోగతిః ।
శివశక్తిప్రియః శ్యామవర్ణః పరమబాన్ధవః ॥ ౧౧౩ ॥
అతిథిప్రియకరో నిత్యో గోవిన్దేశో హరీశ్వరః ।
సర్వేశో భావినీనాథో విద్యాగర్భో విభాణ్డకః ॥ ౧౧౪ ॥
బ్రహ్మాణ్డరూపకర్తా చ బ్రహ్మాణ్డధర్మధారకః ।
ధర్మార్ణవో ధర్మమార్గీ ధర్మచిన్తాసుసిద్ధిదః ॥ ౧౧౫ ॥
అస్థాస్థితో హ్యాస్తికశ్చ స్వస్తిస్వచ్ఛన్దవాచకః ।
అన్నరూపీ అన్నకస్థో మానదాతా మహామనః ॥ ౧౧౬ ॥
ఆద్యాశక్తిప్రభుర్మాతృవర్ణజాలప్రచారకః ।
మాతృకామన్త్రపూజ్యశ్చ మాతృకామన్త్రసిద్ధిదః ॥ ౧౧౭ ॥
మాతృప్రియో మాతృపూజ్యో మాతృకామణ్డలేశ్వరః ।
భ్రాన్తిహన్తా భ్రాన్తిదాతా భ్రాన్తస్థో భ్రాన్తివల్లభః ॥ ౧౧౮ ॥
ఇత్యేతత్ కథితం నాథ సహస్రనామమఙ్గలమ్ ।
అష్టోత్తరం మహాపుణ్యం స్వర్గీయం భువి దుర్లభమ్ ॥ ౧౧౯ ॥
యస్య శ్రవణమాత్రేణ నరో నారాయణో భవేత్ ।
అప్రకాశ్యం మహాగుహ్యం దేవానామప్యగోచరమ్ ॥ ౧౨౦ ॥
ఫలం కోటివర్షశతైర్వక్తుం న శక్యతే బుధైః ।
యస్య స్మరణమాకృత్య యోగినీయోగపారగః ॥ ౧౨౧ ॥
సోక్షణః సర్వసిద్ధినాం త్రైలోక్యే సచరాచరే ।
దేవాశ్చ బహవః సన్తి యోగినస్తత్త్వచిన్తకాః ॥ ౧౨౨ ॥
పఠనాద్ధారణాజ్జ్ఞానీ మహాపాతకనాశకః ।
ఆయురారోగ్యసమ్పత్తిబృంహితో భవతి ధ్రువమ్ ॥ ౧౨౩ ॥
సంగ్రామే గ్రహభీతౌ చ మహారణ్యే జలే భయే ।
వారమేకం పఠేద్యస్తు స భవేద్ దేవవల్లభః ॥ ౧౨౪ ॥
సర్వేషాం మానసమ్భఙ్గీ యోగిరాడ్ భవతి క్షణాత్ ।
పూజాం కృత్వా విశేషేణ యః పఠేన్నియతః శుచిః ॥ ౧౨౫ ॥
స సర్వలోకనాథః స్యాత్ పరమానన్దమాప్నుయాత్ ।
ఏకపీఠే జపేద్యస్తు కామరూపే విశేషతః ॥ ౧౨౬ ॥
త్రికాలం వాథ షట్కాలం పఠిత్వా యోగిరాడ్ భవేత్ ।
ఆకాశగామినీం సిద్ధిం గుటికాసిద్ధిమేవ చ ॥ ౧౨౭ ॥
ప్రాప్నోతి సాధకేన్ద్రస్తు రాజత్వం హి దినే దినే ।
సర్వదా యః పఠేన్నిత్యం సర్వజ్ఞః సుకుశాగ్రధీః ॥ ౧౨౮ ॥
అవశ్యం యోగినాం శ్రేష్ఠః కామజేతా మహీతలే ।
అజ్ఞానీ జ్ఞానవాన్ సద్యోఽధనీ చ ధనవాన్ భవేత్ ॥ ౧౨౯ ॥
సర్వదా రాజసమ్మానం పఞ్చత్వం నాస్తి తస్య హి ।
గలే దక్షిణబాహౌ చ ధారయేద్యస్తు భక్తితః ॥ ౧౩౦ ॥
అచిరాత్తస్య సిద్ధిః స్యాన్నాత్ర కార్యా విచారణా ।
అవధూతేశ్వరో భూత్త్వా రాజతే నాత్ర సంశయః ॥ ౧౩౧ ॥
అరక్తచన్దనయుక్తేన హరిద్రాకుఙ్కుమేన చ ।
సేఫాలికాపుష్పదణ్డైర్దలసఙ్కులవర్జితైః ॥ ౧౩౨ ॥
మిలిత్వా యో లిఖేత్ స్తోత్రం కేవలం చన్దనామ్భసా ।
స భవేత్ పార్వతీపుత్రః క్షణాద్వా ద్వాదశాహని ॥ ౧౩౩ ॥
ఏకమాసం ద్విమాసం వా త్రిమాసం వర్షమేవ చ ।
జీవన్ముక్తో ధారయిత్వా సహస్రనామకీర్తనమ్ ॥ ౧౩౪ ॥
పఠిత్వా తద్ ద్విగుణశః పుణ్యం కోటిగుణం లభేత్ ।
కిమన్యం కథయిష్యామి సార్వభౌమేశ్వరో భవేత్ ॥ ౧౩౫ ॥
త్రిభువనగణనాథో యోగినీశో ధనాఢ్యో
మతిసువిమలభావో దీర్ఘకాలం వసేత్ సః ।
ఇహ పఠతి భవానీవల్లభః స్తోత్రసారం
దశశతమభిధేయం జ్ఞానమష్టోత్తరం చ ॥ ౧౩౬ ।
॥ ఇతి శ్రీరుద్రయామలే ఉత్తరతన్త్రే భైరవీభైరవసంవాదే
పరశివహాకినీశ్వరాష్టోత్తరసహస్రనామస్తోత్రం సమ్పూర్ణమ్ ॥
Also Read 1000 Names of Hakinishvara Ashtottara :
1000 Names of Hakinishvara | Ashtottarasahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
