Hakinishvara Ashtottara Sahasranamastotram Lyrics in Malayalam:
॥ ഹാകിനീശ്വരാഷ്ടോത്തരസഹസ്രനാമസ്തോത്ര ॥
ശ്രീആനന്ദഭൈരവ ഉവാച ।
ആനന്ദഭൈരവി പ്രാണവല്ലഭേ ജഗദീശ്വരി ।
തവ പ്രസാദവാക്യേന ശ്രുതം നാമസഹസ്രകം ॥ 1 ॥
ഹാകിന്യാഃ കുലയോഗിന്യാഃ പരമാദ്ഭുതമങ്ഗലം ।
ഇദാനീം ശ്രോതുമിച്ഛാമി പരനാഥസ്യ വാഞ്ഛിതം ॥ 2 ॥
സഹസ്രനാമയോഗാങ്ഗമഷ്ടോത്തരസമാകുലം ।
ഭ്രൂപദ്മഭേദനാര്‍ഥായ ഹാകിനീയോഗസിദ്ധയേ ॥ 3 ॥
പരനാഥസ്യ യോഗാധിസിദ്ധയേ കുലഭൈരവി ।
കൃപയാ വദ മേ പ്രീതാ ധര്‍മസിദ്ധിനിബന്ധനാത് ॥ 4 ॥
മമ ദേഹരക്ഷണായ പാതിവ്രാത്യപ്രസിദ്ധയേ ।
മഹാവിഷഹരേ ശീഘ്രം വദ യോഗിനി വിസ്തരാത് ॥ 5 ॥
ത്വത്പ്രസാദാത് ഖേചരാണാം ഭൈരവാണാം ഹി യോഗിനാം ।
നാഥോഽഹം ജഗതീഖണ്ഡേ സുധാഖണ്ഡേ വദ പ്രിയേ ॥ 6 ॥
പുനഃ പുനഃ സ്തൌമി നിത്യേ ത്വമേവ സുപ്രിയാ ഭവ ।
ശ്രീആനന്ദഭൈരവീ ഉവാച
അഥ യോഗേശ്വര പ്രാണനാഥ യോഗേന്ദ്ര സിദ്ധിദ ॥ 7 ॥
ഇദാനീം കഥയേ തേഽഹം നിജദേഹസുസിദ്ധയേ ।
സര്‍വദാ ഹി പഠസ്വ ത്വം കാലമൃത്യും വശം നയ ॥ 8 ॥
കൃപയാ തവ നാഥസ്യ സ്നേഹപാശനിയന്ത്രിതാ ।
തവാജ്ഞാപാലനാര്‍ഥായ കാലകൂടവിനാശനാത് ॥ 9 ॥
ഭുക്തിമുക്തിക്രിയാഭക്തിസിദ്ധയേ തച്ഛൃണു പ്രഭോ ।
നിത്യാമൃതഖണ്ഡരസോല്ലാസനാമസഹസ്രകം ॥ 10 ॥
അഷ്ടോത്തരം പ്രയത്നേന യോഗിനാം ഹി ഹിതായ ച ।
കഥയാമി സിദ്ധനാമജ്ഞാനനിര്‍ണയസാധനം ॥ 11 ॥
ഓം ഹ്സൌ സാം പരേശശ്ച പരാശക്തിഃ പ്രിയേശ്വരഃ ।
ശിവഃ പരഃ പാരിഭദ്രഃ പരേശോ നിര്‍മലോഽദ്വയഃ ॥ 12 ॥
സ്വയംജ്യോതിരനാദ്യന്തോ നിര്‍വീകാരഃ പരാത്പരഃ ।
പരമാത്മാ പരാകാശോഽപരോഽപ്യപരാജിതഃ ॥ 13 ॥
പാര്‍വതീവല്ലഭഃ ശ്രീമാന്‍ ദീനബന്ധുസ്ത്രിലോചനഃ ।
യോഗാത്മാ യോഗദഃ സിദ്ധേശ്വരോ വീരഃ സ്വരാന്തകഃ ॥ 14 ॥
കപിലേശോ ഗുരുര്‍ഗീതഃ സ്വപ്രിയോ ഗീതമോഹനഃ ।
ഗഭീരോ ഗാധനസ്ഥശ്ച ഗീതവാദ്യപ്രിയങ്കരഃ ॥ 15 ॥
ഗുരുഗീതാപവിത്രശ്ച ഗാനസമ്മാനതോജ്ഝിതഃ ।
ഗയാനാഥോ ദത്തനാഥോ ദത്താത്രേയപതിഃ ശിവഃ ॥ 16 ॥
ആകാശവാഹകോ നീലോ നീലാഞ്ജനശരീരധൃക് ।
ഖഗരൂപീ ഖേചരശ്ച ഗഗനാത്മാ ഗഭീരഗഃ ॥ 17 ॥
ഗോകോടിദാനകര്‍ത്താ ച ഗോകോടിദുഗ്ധഭോജനഃ ।
അഭയാവല്ലഭഃ ശ്രീമാന്‍ പരമാത്മാ നിരാകൃതിഃ ॥ 18 ॥
സങ്ഖ്യാധാരീ നിരാകാരീ നിരാകരണവല്ലഭഃ ।
വായ്വാഹാരീ വായുരൂപീ വായുഗന്താ സ്വവായുപാഃ ॥ 19 ॥
വാതഘ്നോ വാതസമ്പത്തിര്‍വാതാജീര്‍ണോ വസന്തവിത് ।
വാസനീശോ വ്യാസനാഥോ നാരദാദിമുനീശ്വരഃ ॥ 20 ॥
നാരായണപ്രിയാനന്ദോ നാരായണനിരാകൃതിഃ ।
നാവമാലോ നാവകര്‍താ നാവസംജ്ഞാനധാരകഃ ॥ 21 ॥
ജലാധാരോ ജ്ഞേയ ഇന്ദ്രോ നിരിന്ദ്രിയഗുണോദയഃ ।
തേജോരൂപീ ചണ്ഡഭീമോ തേജോമാലാധരഃ കുലഃ ॥ 22 ॥
കുലതേജാ കുലാനന്ദഃ ശോഭാഢ്യോ വേദരശ്മിധൃക് ।
കിരണാത്മാ കാരണാത്മാ കല്‍പച്ഛായാപതിഃ ശശീ ॥ 23 ॥
പരജ്ഞാനീ പരാനന്ദദായകോ ധര്‍മജിത്പ്രഭുഃ ।
ത്രിലോചനാംഭോജരാജോ ദീര്‍ഘനേത്രോ മനോഹരഃ ॥ 24 ॥
ചാമുണ്ഡേശഃ പ്രചണ്ഡേശഃ പാരിഭദ്രേശ്വരോ ഹരഃ ।
ഗോപിതാ മോഹിതോ ഗോപ്താ ഗുപ്തിസ്ഥോ ഗോപപൂജിതഃ ॥ 25 ॥
ഗോപനാഖ്യോ ഗോധനേശശ്ച ചാരുവക്ത്രോ ദിഗംബരഃ ।
പഞ്ചാനനഃ പഞ്ചമീശോ വിശാലോ ഗരുഡേശ്വരഃ ॥ 26 ॥
അര്‍ധനാരീശ്വരേശശ്ച നായികേശഃ കുലാന്തകഃ ।
സംഹാരവിഗ്രഹഃ പ്രേതഭൂതകോടിപരായണഃ ॥ 27 ॥
അനന്തേശോഽപ്യനന്താത്മാ മണിചൂഡോ വിഭാവസുഃ ।
കാലാനലഃ കാലരൂപീ വേദധര്‍മേശ്വരഃ കവിഃ ॥ 28 ॥
ഭര്‍ഗഃ സ്മരഹരഃ ശംഭുഃ സ്വയംഭുഃ പീതകുണ്ഡലഃ ।
ജായാപതിര്യാജജൂകോ വിലാശീശഃ ശിഖാപതിഃ ॥ 29 ॥
പര്‍വതേശഃ പാര്‍വണാഖ്യഃ ക്ഷേത്രപാലോ മഹീശ്വരഃ ।
വാരാണസീപതിര്‍മാന്യോ ധന്യോ വൃഷസുവാഹനഃ ॥ 30 ॥
അമൃതാനന്ദിതോ മുഗ്ധോ വനമാലീശ്വരഃ പ്രിയഃ ।
കാശീപതിഃ പ്രാണപതിഃ കാലകണ്ഠോ മഹേശ്വരഃ ॥ 31 ॥
കംബുകണ്ഠഃ ക്രാന്തിവര്‍ഗോ വര്‍ഗാത്മാ ജലശാസനഃ ।
ജലബുദ്ബുദവക്ഷശ്ച ജലരേഖാമയഃ പൃഥുഃ ॥ 32 ॥
പാര്‍ഥിവേശോ മഹീകര്‍താ പൃഥിവീപരിപാലകഃ ।
ഭൂമിസ്ഥോ ഭൂമിപൂജ്യശ്ച ക്ഷൌണീവൃന്ദാരകാര്‍ചീതഃ ॥ 33 ॥
ശൂലപാണിഃ ശക്തിഹസ്തോ പദ്മഗര്‍ഭോ ഹിരണ്യഭൃത് ।
ഭൂഗര്‍തസംസ്ഥിതോ യോഗീ യോഗസംഭവവിഗ്രഹഃ ॥ 34 ॥
പാതാലമൂലകര്‍താ ച പാതാലകുലപാലകഃ ।
പാതാലനാഗമാലാഢ്യോ ദാനകര്‍താ നിരാകുലഃ ॥ 35 ॥
ഭ്രൂണഹന്താ പാപരാധിനാഗകഃ കാലനാഗകഃ ।
കപിലോഗ്രതപഃപ്രീതോ ലോകോപകാരകൃന്നൃപഃ ॥ 36 ॥
നൃപാര്‍ചീതോ നൃപാര്‍ഥസ്ഥോ നൃപാര്‍ഥകോടിദായകഃ ।
പാര്‍ഥിവാര്‍ചനസന്തുഷ്ടോ മഹാവേഗീ പരേശ്വരഃ ॥ 37 ॥
പരാപാരാപാരതരോ മഹാതരുനിവാസകഃ ।
തരുമൂലസ്ഥിതോ രുദ്രോ രുദ്രനാമഫലോദയഃ ॥ 38 ॥
രൌദ്രീശക്തിപതിഃ ക്രോധീ കോപനഷ്ടോ വിരോചനഃ ।
അസംഖ്യേയാഖ്യയുക്തശ്ച പരിണാമവിവര്‍ജിതഃ ॥ 39 ॥
പ്രതാപീ പവനാധാരഃ പ്രശംസ്യഃ സര്‍വനിര്‍ണയഃ ।
വേദജാപീ മന്ത്രജാപീ ദേവതാ ഗുരുരീശ്വരഃ ॥ 40 ॥
ശ്രീനാഥോ ഗുരുദേവശ്ച പരനാഥോ ഗുരുഃ പ്രഭുഃ ।
പരാപരഗുരുര്‍ജ്ഞാനീ തന്ത്രജ്ഞോഽര്‍കശതപ്രഭാഃ ॥ 41 ॥
തീര്‍ക്ഷ്യോ ഗമനകാരീ ച കാലഭാവീ നിരഞ്ജനഃ ।
കാലകൂടാനലഃ ശ്രോതഃ പുഞ്ജപാനപരായണഃ ॥ 42 ॥
പരിവാരഗണാഢ്യശ്ച പാരാശാഷിസുതസ്ഥിതഃ ।
സ്ഥിതിസ്ഥാപകരൂപശ്ച രൂപാതീതോഽമലാപതിഃ ॥ 43 ॥
പതീശോ ഭാഗുരിശ്ചൈവ കാലശ്ചൈവ ഹരിസ്തഥാ ।
വൈഷ്ണവഃ പ്രേമസിന്ധുശ്ച തരലോ വാതവിത്തഹാ ॥ 44 ॥
ഭാവസ്വരൂപോ ഭഗവാന്‍ നിരാകാശഃ സനാതനഃ ।
അവ്യയഃ പുരുഷഃ സാക്ഷീ ചാച്യുതോ മന്ദരാശ്രയഃ ॥ 45 ॥
മന്ദരാദ്രിക്രിയാനന്ദോ വൃന്ദാവനതനൂദ്ഭവഃ ।
വാച്യാവാച്യസ്വരൂപശ്ച നിര്‍മലാഖ്യോ വിവാദഹാ ॥ 46 ॥
വൈദ്യോ വേദപരോ ഗ്രന്ഥോ വേദശാസ്ത്രപ്രകാശകഃ ।
സ്മൃതിമൂലോ വേദയുക്തിഃ പ്രത്യക്ഷകുലദേവതാ ॥ 47 ॥
പരീക്ഷകോ വാരണാഖ്യോ മഹാശൈലനിഷേവിതഃ ।
വിരിഞ്ചപ്രേമദാതാ ച ജന്യോല്ലാസകരഃ പ്രിയഃ ॥ 48 ॥
പ്രയാഗധാരീ പയോഽര്‍ഥീ ഗാങ്ഗാഗങ്ഗാധരഃ സ്മരഃ ।
ഗങ്ഗാബുദ്ധിപ്രിയോ ദേവോ ഗങ്ഗാസ്നാനനിഷേവിതഃ ॥ 49 ॥
ഗങ്ഗാസലിലസംസ്ഥോ ഹി ഗങ്ഗാപ്രത്യക്ഷസാധകഃ ।
ഗിരോ ഗങ്ഗാമണിമരോ മല്ലികാമാലധാരകഃ ॥ 50 ॥
മല്ലികാഗന്ധസുപ്രേമോ മല്ലികാപുഷ്പധാരകഃ ।
മഹാദ്രുമോ മഹാവീരോ മഹാശൂരോ മഹോരഗഃ ॥ 51 ॥
മഹാതുഷ്ടിര്‍മഹാപുഷ്ടിര്‍മഹാലക്ഷ്മീശുഭങ്കരഃ ।
മഹാശ്രമീ മഹാധ്യാനീ മഹാചണ്ഡേശ്വരോ മഹാന്‍ ॥ 52 ॥
മഹാദേവോ മഹാഹ്ലാദോ മഹാബുദ്ധിപ്രകാശകഃ ।
മഹാഭക്തോ മഹാശക്തോ മഹാധൂര്‍തോ മഹാമതിഃ ॥ 53 ॥
മഹാച്ഛത്രധരോ ധാരോധരകോടിഗതപ്രഭാ ।
അദ്വൈതാനന്ദവാദീ ച മുക്തോ ഭങ്ഗപ്രിയോഽപ്രിയഃ ॥ 54 ॥
അതിഗന്ധശ്ചാതിമാത്രോ നിണീതാന്തഃ പരന്തപഃ ।
നിണീതോഽനിലധാരീ ച സൂക്ഷ്മാനിലനിരൂപകഃ ॥ 55 ॥
മഹാഭയങ്കരോ ഗോലോ മഹാവിവേകഭൂഷണഃ ।
സുധാനന്ദഃ പീഠസംസ്ഥോ ഹിങ്ഗുലാദേശ്വരഃ സുരഃ ॥ 56 ॥
നരോ നാഗപതിഃ ക്രൂരോ ഭക്താനാം കാമദഃ പ്രഭുഃ ।
നാഗമാലാധരോ ധര്‍മീ നിത്യകര്‍മീ കുലീനകൃത് ॥ 57 ॥
ശിശുപാലേശ്വരഃ കീര്‍തിവികാരീ ലിങ്ഗധാരകഃ ।
തൃപ്താനന്ദോ ഹൃഷീകേശേശ്വരഃ പാഞ്ചാലവല്ലഭഃ ॥ 58 ॥
അക്രൂരേശഃ പതിഃ പ്രീതിവര്‍ധകോ ലോകവര്‍ധകഃ ।
അതിപൂജ്യോ വാമദേവോ ദാരുണോ രതിസുന്ദരഃ ॥ 59 ॥
മഹാകാലഃ പ്രിയാഹ്ലാദീ വിനോദീ പഞ്ചചൂഡധൃക് ।
ആദ്യാശക്തിപതിഃ പാന്തോ വിഭാധാരീ പ്രഭാകരഃ ॥ 60 ॥
അനായാസഗതിര്‍ബുദ്ധിപ്രഫുല്ലോ നന്ദിപൂജിതഃ ।
ശീലാമൂര്‍തീസ്ഥിതോ രത്നമാലാമണ്ഡിതവിഗ്രഹഃ ॥ 61 ॥
ബുധശ്രീദോ ബുധാനന്ദോ വിബുധോ ബോധവര്‍ധനഃ ।
അഘോരഃ കാലഹര്‍താ ച നിഷ്കലങ്കോ നിരാശ്രയഃ ॥ 62 ॥
പീഠശക്തിപതിഃ പ്രേമധാരകോ മോഹകാരകഃ ।
അസമോ വിസമോ ഭാവോഽഭാവോ ഭാവോ നിരിന്ദ്രിയഃ ॥ 63 ॥
നിരാലോകോ ബിലാനന്ദോ ബിലസ്ഥോ വിഷഭുക്പതിഃ ।
ദുര്‍ഗാപതിര്‍ദുര്‍ഗഹര്‍താ ദീര്‍ഘസിദ്ധാന്തപൂജിതഃ ॥ 64 ॥
സര്‍വോ ദുര്‍ഗാപതിവീപ്രോ വിപ്രപൂജാപരായണഃ ।
ബ്രാഹ്മണാനന്ദനിരതോ ബ്രഹ്മകര്‍മസമാധിവിത് ॥ 65 ॥
വിശ്വാത്മാ വിശ്വഭര്‍താ ച വിശ്വവിജ്ഞാനപൂരകഃ ।
വിശ്വാന്തഃകാരണസ്ഥശ്ച വിശ്വസംജ്ഞാപ്രതിഷ്ഠിതഃ ॥ 66 ॥
വിശ്വാധാരോ വിശ്വപൂജ്യോ വിശ്വസ്ഥോഽചീത ഇന്ദ്രഹാ ।
അലാബുഭക്ഷണഃ ക്ഷാന്തിരക്ഷോ രക്ഷനിവാരണഃ ॥ 67 ॥
തിതിക്ഷാരഹിതോ ഹൂതിഃ പുരുഹൂതപ്രിയങ്കരഃ ।
പുരുഷഃ പുരുഷശ്രേഷ്ഠോ വിലാലസ്ഥഃ കുലാലഹാ ॥ 68 ॥
കുടിലസ്ഥോ വിധിപ്രാണോ വിഷയാനന്ദപാരഗഃ ।
ബ്രഹ്മജ്ഞാനപ്രദോ ബ്രഹ്മജ്ഞാനീ ബ്രഹ്മഗുണാന്തരഃ ॥ 69 ॥
പാലകേശോ വിരാജശ്ച വജ്രദണ്ഡോ മഹാസ്ത്രധൃക് ।
സര്‍വാസ്ത്രരക്ഷകഃ ശ്രീദോ വിധിബുദ്ധിപ്രപൂരണഃ ॥ 70 ॥
ആര്യപുത്രോ ദേവരാജപൂജിതോ മുനിപൂജിതഃ ।
ഗന്ധര്‍വപൂജിതഃ പൂജ്യോ ദാനവജ്ഞാനനാശനഃ ॥ 71 ॥
അപ്സരോഗണപൂജ്യശ്ച മര്‍ത്യലോകസുപൂജിതഃ ।
മൃത്യുജിദ്രിപൂജിത് പ്ലക്ഷോ മൃത്യുഞ്ജയ ഇഷുപ്രിയഃ ॥ 72 ॥
ത്രിബീജാത്മാ നീലകണ്ഠഃ ക്ഷിതീശോ രോഗനാശനഃ ।
ജിതാരിഃ പ്രേമസേവ്യശ്ച ഭക്തിഗംയോ നിരുദ്യമഃ ॥ 73 ॥
നിരീഹോ നിരയാഹ്ലാദഃ കുമാരോ രിപുപൂജിതഃ ।
അജോ ദേവാത്മജോ ധര്‍മോഽസന്തോ മന്ദമാസനഃ ॥ 74 ॥
മന്ദഹാസോ മന്ദനഷ്ടോ മന്ദഗന്ധസുവാസിതഃ ।
മാണിക്യഹാരനിലയോ മുക്താഹാരവിഭൂഷിതഃ ॥ 75 ॥
മുക്തിദോ ഭക്തിദശ്ചൈവ നിര്‍വാണപദദാനദഃ ।
നിര്‍വികല്‍പോ മോദധാരീ നിരാതങ്കോ മഹാജനഃ ॥ 76 ॥
മുക്താവിദ്രുമമാലാഢ്യോ മുക്താദാമലസത്കടിഃ ॥ 77 ॥
രത്നേശ്വരോ ധനേശശ്ച ധനേശപ്രാണവല്ലഭഃ ।
ധനജീവീ കര്‍മജീവീ സംഹാരവിഗ്രഹോജ്ജ്വലഃ ॥ 78 ॥
സംങ്കേതാര്‍ഥജ്ഞാനശൂന്യോ മഹാസങ്കേതപണ്ഡിതഃ ।
സുപണ്ഡിതഃ ക്ഷേമദാതാ ഭവദാതാ ഭവാന്വയഃ ॥ 79 ॥
കിങ്കരേശോ വിധാതാ ച വിധാതുഃ പ്രിയവല്ലഭഃ ।
കര്‍താ ഹര്‍താ കാരയിതാ യോജനായോജനാശ്രയഃ ॥ 80 ॥
യുക്തോ യോഗപതിഃ ശ്രദ്ധാപാലകോ ഭൂതശങ്കരഃ ।
ഭൂതാധ്യക്ഷോ ഭൂതനാഥോ ഭൂതപാലനതത്പരഃ ॥ 81 ॥
വിഭൂതിദാതാ ഭൂതിശ്ച മഹാഭൂതിവിവര്‍ധനഃ ।
മഹാലക്ഷ്മീശ്വരഃ കാന്തഃ കമനീയഃ കലാധരഃ ॥ 82 ॥
കമലാകാന്ത ഈശാനോ യമോഽമരോ മനോജവഃ ।
മനയോഗീ മാനയോഗീ മാനഭങ്ഗോ നിരൂപണഃ ॥ 83 ॥
അവ്യക്താനന്ദനിരതോ വ്യക്താവ്യക്തനിരൂപിതഃ ।
ആത്മാരാമപതിഃ കൃഷ്ണപാലകോ രാമപാലകഃ ॥ 84 ॥
ലക്ഷണേശോ ലക്ഷഭര്‍താ ഭാവതീശഃ പ്രജാഭവഃ ।
ഭരതാഖ്യോ ഭാരതശ്ച ശത്രുഘ്നോ ഹനുമാന്‍ കപിഃ ॥ 85 ॥
കപിചൂഡാമണിഃ ക്ഷേത്രപാലേശോ ദിക്കരാന്തരഃ ।
ദിശാമ്പതിദീശീശശ്ച ദിക്പാലോ ഹി ദിഗംബരഃ ॥ 86 ॥
അനന്തരത്നചൂഡാഢ്യോ നാനാരത്നാസനസ്ഥിതഃ ।
സംവിദാനന്ദനിരതോ വിജയോ വിജയാത്മജഃ ॥ 87 ॥
ജയാജയവിചാരശ്ച ഭാവചൂഡാമണീശ്വരഃ ।
മുണ്ഡമാലാധരസ്തന്ത്രീ സാരതന്ത്രപ്രചാരകഃ ॥ 88 ॥
സംസാരരക്ഷകഃ പ്രാണീ പഞ്ചപ്രാണോ മഹാശയഃ ।
ഗരുഡധ്വജപൂജ്യശ്ച ഗരുഡധ്വജവിഗ്രഹഃ ॥ 89 ॥
ഗാരുഡീശോ മന്ത്രിണീശോ മൈത്രപ്രാണഹിതാകരഃ ।
സിദ്ധിമിത്രോ മിത്രദേവോ ജഗന്നാഥോ നരേശ്വരഃ ॥ 90 ॥
നരേന്ദ്രേശ്വരഭാവസ്ഥോ വിദ്യാഭാവപ്രചാരവിത് ।
കാലാഗ്നിരുദ്രോ ഭഗവാന്‍ പ്രചണ്ഡേശ്വരഭൂപതിഃ ॥ 91 ॥
അലക്ഷ്മീഹാരകഃ ക്രുദ്ധോ രിപൂണാം ക്ഷയകാരകഃ ।
സദാനന്ദമയോ വൃദ്ധോ ധര്‍മസാക്ഷീ സുധാംശുധൃക് ॥ 92 ॥
സാക്ഷരോ രിപുവര്‍ഗസ്ഥോ ദൈത്യഹാ മുണ്ഡധാരകഃ ।
കപാലീ രുണ്ഡമാലാഢ്യോ മഹാബീജപ്രകാശകഃ ॥ 93 ॥
അജേയോഗ്രപതിഃ സ്വാഹാവല്ലഭോ ഹേതുവല്ലഭഃ ।
ഹേതുപ്രിയാനന്ദദാതാ ഹേതുബീജപ്രകാശകഃ ॥ 94 ॥
ശ്രുതിക്ഷിപ്രമണിരതോ ബ്രഹ്മസൂത്രപ്രബോധകഃ ।
ബ്രഹ്മാനന്ദോ ജയാനന്ദോ വിജയാനന്ദ ഏവ ച ॥ 95 ॥
സുധാനന്ദോ ബുധാനന്ദോ വിദ്യാനന്ദോ ബലീപതിഃ ।
ജ്ഞാനാനന്ദോ വിഭാനന്ദോ ഭാവാനന്ദോ നൃപാസനഃ ॥ 96 ॥
സര്‍വാസനോഗ്രാനന്ദശ്ച ജഗദാനന്ദദായകഃ ।
പൂര്‍ണാനന്ദോ ഭവാനന്ദോ ഹ്യമൃതാനന്ദ ഏവ ച ॥ 97 ॥
ശീതലോഽശീതിവര്‍ഷസ്ഥോ വ്യവസ്ഥാപരിചായകഃ ।
ശീലാഢ്യശ്ച സുശീലശ്ച ശീലാനന്ദോ പരാശ്രയഃ ॥ 98 ॥
സുലഭോ മധുരാനന്ദോ മധുരാമോദമാദനഃ ।
അഭേദ്യോ മൂത്രസഞ്ചാരീ കലഹാഖ്യോ വിഷങ്കടഃ ॥ 99 ॥
വാശഭാഢ്യഃ പരാനന്ദോ വിസമാനന്ദ ഉല്‍ബണഃ ।
അധിപോ വാരുണീമത്തോ മത്തഗന്ധര്‍വശാസനഃ ॥ 100 ॥
ശതകോടിശരുശ്രീദോ വീരകോടിസമപ്രഭഃ ।
അജാവിഭാവരീനാഥോ വിഷമാപൂഷ്ണിപൂജിതഃ ॥ 101 ॥
വിദ്യാപതിര്‍വേദപതിരപ്രമേയപരാക്രമഃ ।
രക്ഷോപതിര്‍മഹാവീരപതിഃ പ്രേമോപകാരകഃ ॥ 102 ॥
വാരണാവിപ്രിയാനന്ദോ വാരണേശോ വിഭുസ്ഥിതഃ ।
രണചണ്ഡോ രശേശശ്ച രണരാമപ്രിയഃ പ്രഭുഃ ॥ 103 ॥
രണനാഥീ രണാഹ്ലാദഃ സംഗ്രാമപ്രേതവിഗ്രഹഃ ।
ദേവീഭക്തോ ദേവദേവോ ദിവി ദാരുണതത്പരഃ ॥ 104 ॥
ഖഡ്ഗീ ച കവചീ സിദ്ധഃ ശൂലീ ധൂലിസ്ത്രിശൂലധൃക് ।
ധനുഷ്മാന്‍ ധര്‍മചിത്തേശോഽചിന്നനാഗസുമാല്യധൃക് ॥ 105 ॥
അര്‍ഥോഽനര്‍ഥപ്രിയോഽപ്രായോ മലാതീതോഽതിസുന്ദരഃ ।
കാഞ്ചനാഢ്യോ ഹേമമാലീ കാഞ്ചനശൃങ്ഗശാസനഃ ॥ 106 ॥
കന്ദര്‍പജേതാ പുരുഷഃ കപിത്ഥേശോഽര്‍കശേഖരഃ ।
പദ്മഗന്ധോഽതിസദ്ഗന്ധശ്ചന്ദ്രശേഖരഭൃത് സുഖീ ॥ 107 ॥
പവിത്രാധാരനിലയോ വിദ്യാവദ്വരബീജഭൃത് ।
കന്ദര്‍പസദൃശാകാരോ മായാജിദ് വ്യാഘ്രചര്‍മധൃക് ॥ 108 ॥
അതിസൌന്ദര്യചൂഡാഢ്യോ നാഗചിത്രമണിപ്രിയഃ ।
അതിഗണ്ഡഃ കുംഭകര്‍ണഃ കുരുജേതാ കവീശ്വരഃ ॥ 109 ॥
ഏകമുഖോ ദ്വിതുണ്ഡശ്ച ദ്വിവിധോ വേദശാസനഃ ।
ആത്മാശ്രയോ ഗുരുമയോ ഗുരുമന്ത്രപ്രദായകഃ ॥ 110 ॥
ശൌരീനാഥോ ജ്ഞാനമാര്‍ഗീ സിദ്ധമാര്‍ഗീ പ്രചണ്ഡഗഃ ।
നാമഗഃ ക്ഷേത്രഗഃ ക്ഷേത്രോ ഗഗനഗ്രന്ഥിഭേദകഃ ॥ 111 ॥
ഗാണപത്യവസാച്ഛന്നോ ഗാണപത്യവസാദവഃ ।
ഗംഭീരോഽതിസുസൂക്ഷ്മശ്ച ഗീതവാദ്യപ്രിയംവദഃ ॥ 112 ॥
ആഹ്ലാദോദ്രേകകാരീ ച സദാഹ്ലാദീ മനോഗതിഃ ।
ശിവശക്തിപ്രിയഃ ശ്യാമവര്‍ണഃ പരമബാന്ധവഃ ॥ 113 ॥
അതിഥിപ്രിയകരോ നിത്യോ ഗോവിന്ദേശോ ഹരീശ്വരഃ ।
സര്‍വേശോ ഭാവിനീനാഥോ വിദ്യാഗര്‍ഭോ വിഭാണ്ഡകഃ ॥ 114 ॥
ബ്രഹ്മാണ്ഡരൂപകര്‍താ ച ബ്രഹ്മാണ്ഡധര്‍മധാരകഃ ।
ധര്‍മാര്‍ണവോ ധര്‍മമാര്‍ഗീ ധര്‍മചിന്താസുസിദ്ധിദഃ ॥ 115 ॥
അസ്ഥാസ്ഥിതോ ഹ്യാസ്തികശ്ച സ്വസ്തിസ്വച്ഛന്ദവാചകഃ ।
അന്നരൂപീ അന്നകസ്ഥോ മാനദാതാ മഹാമനഃ ॥ 116 ॥
ആദ്യാശക്തിപ്രഭുര്‍മാതൃവര്‍ണജാലപ്രചാരകഃ ।
മാതൃകാമന്ത്രപൂജ്യശ്ച മാതൃകാമന്ത്രസിദ്ധിദഃ ॥ 117 ॥
മാതൃപ്രിയോ മാതൃപൂജ്യോ മാതൃകാമണ്ഡലേശ്വരഃ ।
ഭ്രാന്തിഹന്താ ഭ്രാന്തിദാതാ ഭ്രാന്തസ്ഥോ ഭ്രാന്തിവല്ലഭഃ ॥ 118 ॥
ഇത്യേതത് കഥിതം നാഥ സഹസ്രനാമമങ്ഗലം ।
അഷ്ടോത്തരം മഹാപുണ്യം സ്വര്‍ഗീയം ഭുവി ദുര്ലഭം ॥ 119 ॥
യസ്യ ശ്രവണമാത്രേണ നരോ നാരായണോ ഭവേത് ।
അപ്രകാശ്യം മഹാഗുഹ്യം ദേവാനാമപ്യഗോചരം ॥ 120 ॥
ഫലം കോടിവര്‍ഷശതൈര്‍വക്തും ന ശക്യതേ ബുധൈഃ ।
യസ്യ സ്മരണമാകൃത്യ യോഗിനീയോഗപാരഗഃ ॥ 121 ॥
സോക്ഷണഃ സര്‍വസിദ്ധിനാം ത്രൈലോക്യേ സചരാചരേ ।
ദേവാശ്ച ബഹവഃ സന്തി യോഗിനസ്തത്ത്വചിന്തകാഃ ॥ 122 ॥
പഠനാദ്ധാരണാജ്ജ്ഞാനീ മഹാപാതകനാശകഃ ।
ആയുരാരോഗ്യസമ്പത്തിബൃംഹിതോ ഭവതി ധ്രുവം ॥ 123 ॥
സംഗ്രാമേ ഗ്രഹഭീതൌ ച മഹാരണ്യേ ജലേ ഭയേ ।
വാരമേകം പഠേദ്യസ്തു സ ഭവേദ് ദേവവല്ലഭഃ ॥ 124 ॥
സര്‍വേഷാം മാനസംഭങ്ഗീ യോഗിരാഡ് ഭവതി ക്ഷണാത് ।
പൂജാം കൃത്വാ വിശേഷേണ യഃ പഠേന്നിയതഃ ശുചിഃ ॥ 125 ॥
സ സര്‍വലോകനാഥഃ സ്യാത് പരമാനന്ദമാപ്നുയാത് ।
ഏകപീഠേ ജപേദ്യസ്തു കാമരൂപേ വിശേഷതഃ ॥ 126 ॥
ത്രികാലം വാഥ ഷട്കാലം പഠിത്വാ യോഗിരാഡ് ഭവേത് ।
ആകാശഗാമിനീം സിദ്ധിം ഗുടികാസിദ്ധിമേവ ച ॥ 127 ॥
പ്രാപ്നോതി സാധകേന്ദ്രസ്തു രാജത്വം ഹി ദിനേ ദിനേ ।
സര്‍വദാ യഃ പഠേന്നിത്യം സര്‍വജ്ഞഃ സുകുശാഗ്രധീഃ ॥ 128 ॥
അവശ്യം യോഗിനാം ശ്രേഷ്ഠഃ കാമജേതാ മഹീതലേ ।
അജ്ഞാനീ ജ്ഞാനവാന്‍ സദ്യോഽധനീ ച ധനവാന്‍ ഭവേത് ॥ 129 ॥
സര്‍വദാ രാജസമ്മാനം പഞ്ചത്വം നാസ്തി തസ്യ ഹി ।
ഗലേ ദക്ഷിണബാഹൌ ച ധാരയേദ്യസ്തു ഭക്തിതഃ ॥ 130 ॥
അചിരാത്തസ്യ സിദ്ധിഃ സ്യാന്നാത്ര കാര്യാ വിചാരണാ ।
അവധൂതേശ്വരോ ഭൂത്ത്വാ രാജതേ നാത്ര സംശയഃ ॥ 131 ॥
അരക്തചന്ദനയുക്തേന ഹരിദ്രാകുങ്കുമേന ച ।
സേഫാലികാപുഷ്പദണ്ഡൈര്‍ദലസങ്കുലവര്‍ജിതൈഃ ॥ 132 ॥
മിലിത്വാ യോ ലിഖേത് സ്തോത്രം കേവലം ചന്ദനാംഭസാ ।
സ ഭവേത് പാര്‍വതീപുത്രഃ ക്ഷണാദ്വാ ദ്വാദശാഹനി ॥ 133 ॥
ഏകമാസം ദ്വിമാസം വാ ത്രിമാസം വര്‍ഷമേവ ച ।
ജീവന്‍മുക്തോ ധാരയിത്വാ സഹസ്രനാമകീര്‍തനം ॥ 134 ॥
പഠിത്വാ തദ് ദ്വിഗുണശഃ പുണ്യം കോടിഗുണം ലഭേത് ।
കിമന്യം കഥയിഷ്യാമി സാര്‍വഭൌമേശ്വരോ ഭവേത് ॥ 135 ॥
ത്രിഭുവനഗണനാഥോ യോഗിനീശോ ധനാഢ്യോ
മതിസുവിമലഭാവോ ദീര്‍ഘകാലം വസേത് സഃ ।
ഇഹ പഠതി ഭവാനീവല്ലഭഃ സ്തോത്രസാരം
ദശശതമഭിധേയം ജ്ഞാനമഷ്ടോത്തരം ച ॥ 136 ।
॥ ഇതി ശ്രീരുദ്രയാമലേ ഉത്തരതന്ത്രേ ഭൈരവീഭൈരവസംവാദേ
പരശിവഹാകിനീശ്വരാഷ്ടോത്തരസഹസ്രനാമസ്തോത്രം സമ്പൂര്‍ണം ॥
Also Read 1000 Names of Hakinishvara Ashtottara :
1000 Names of Hakinishvara | Ashtottarasahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
