Maha Mrityunjaya Mantra means sacred mantra / prayer dedicated to Lord Shiva -the conqueror over death.
Sahasranamastotram Lyrics in Kannada:
॥ ಮೃತ್ಯುಂಜಯಸಹಸ್ರನಾಮಸ್ತೋತ್ರಮ್ ॥
ಶ್ರೀಗಣೇಶಾಯ ನಮಃ ।
ಶ್ರೀಭೈರವ ಉವಾಚ ।
ಅಧುನಾ ಶೃಣು ದೇವೇಶಿ ಸಹಸ್ರಾಖ್ಯಸ್ತವೋತ್ತಮಮ್ ।
ಮಹಾಮೃತ್ಯುಂಜಯಸ್ಯಾಸ್ಯ ಸಾರಾತ್ ಸಾರೋತ್ತಮೋತ್ತಮಮ್ ॥
ಅಸ್ಯ ಶ್ರೀಮಹಾಮೃತ್ಯುಂಜಸಹಸ್ರನಾಮಸ್ತೋತ್ರ ಮನ್ತ್ರಸ್ಯ,
ಭೈರವ ಋಷಿಃ, ಉಷ್ಣಿಕ್ ಛನ್ದಃ, ಶ್ರೀಮಹಾಮೃತ್ಯುಂಜಯೋ ದೇವತಾ,
ಓಂ ಬೀಜಂ, ಜುಂ ಶಕ್ತಿಃ, ಸಃ ಕೀಲಕಂ, ಪುರುಷಾರ್ಥಸಿದ್ಧಯೇ
ಸಹಸ್ರನಾಮ ಪಾಠೇ ವಿನಿಯೋಗಃ ।
ಧ್ಯಾನಮ್
ಉದ್ಯಚ್ಚನ್ದ್ರಸಮಾನದೀಪ್ತಿಮಮೃತಾನನ್ದೈಕಹೇತುಂ ಶಿವಂ
ಓಂಜುಂಸಃಭುವನೈಕಸೃಷ್ಟಿಪ್ರಲಯೋದ್ಭೂತ್ಯೇಕರಕ್ಷಾಕರಮ್ ।
ಶ್ರೀಮತ್ತಾರದಶಾರ್ಣಮಂಡಿತತನುಂ ತ್ರ್ಯಕ್ಷಂ ದ್ವಿಬಾಹುಂ ಪರಂ
ಶ್ರೀಮೃತ್ಯುಂಜಯಮೀಡ್ಯವಿಕ್ರಮಗುಣೈಃ ಪೂರ್ಣಂ ಹೃದಬ್ಜೇ ಭಜೇ ॥
ಓಂಜುಂಸಃಹೌಂ ಮಹಾದೇವೋ ಮನ್ತ್ರಜ್ಞೋ ಮಾನದಾಯಕಃ ।
ಮಾನೀ ಮನೋರಮಾಂಗಶ್ಚ ಮನಸ್ವೀ ಮಾನವರ್ಧನಃ ॥ 1 ॥
ಮಾಯಾಕರ್ತಾ ಮಲ್ಲರೂಪೋ ಮಲ್ಲೋ ಮಾರಾನ್ತಕೋ ಮುನಿಃ ।
ಮಹೇಶ್ವರೋ ಮಹಾಮಾನ್ಯೋ ಮನ್ತ್ರೀ ಮನ್ತ್ರಿಜನಪ್ರಿಯಃ ॥ 2 ॥
ಮಾರುತೋ ಮರುತಾಂ ಶ್ರೇಷ್ಠೋ ಮಾಸಿಕಃ ಪಕ್ಷಿಕೋಽಮೃತಃ ।
ಮಾತಂಗಕೋ ಮತ್ತಚಿತ್ತೋ ಮತಚಿನ್ಮತ್ತಭಾವನಃ ॥ 3 ॥
ಮಾನವೇಷ್ಟಪ್ರದೋ ಮೇಷೋ ಮೇನಕಾಪತಿವಲ್ಲಭಃ ।
ಮಾನಕಾಯೋ ಮಧುಸ್ತೇಯೀ ಮಾರಯುಕ್ತೋ ಜಿತೇನ್ದ್ರಿಯಃ ॥ 4 ॥
ಜಯೋ ವಿಜಯದೋ ಜೇತಾ ಜಯೇಶೋ ಜಯವಲ್ಲಭಃ ।
ಡಾಮರೇಶೋ ವಿರೂಪಾಕ್ಷೋ ವಿಶ್ವಭೋಕ್ತಾ ವಿಭಾವಸುಃ ॥ 5 ॥
ವಿಶ್ವೇಶೋ ವಿಶ್ವನಾಥಶ್ಚ ವಿಶ್ವಸೂರ್ವಿಶ್ವನಾಯಕಃ ।
ವಿನೇತಾ ವಿನಯೀ ವಾದೀ ವಾನ್ತದೋ ವಾಕ್ಪ್ರದೋ ವಟುಃ ॥ 6 ॥
ಸ್ಥೂಲಃ ಸೂಕ್ಷ್ಮೋಽಚಲೋ ಲೋಲೋ ಲೋಲಜಿಹ್ವಃ ಕರಾಲಕಃ ।
ವಿರಾಧೇಯೋ ವಿರಾಗೀನೋ ವಿಲಾಸೀ ಲಾಸ್ಯಲಾಲಸಃ ॥ 7 ॥
ಲೋಲಾಕ್ಷೋ ಲೋಲಧೀರ್ಧರ್ಮೀ ಧನದೋ ಧನದಾರ್ಚಿತಃ ।
ಧನೀ ಧ್ಯೇಯೋಽಪ್ಯಧ್ಯೇಯಶ್ಚ ಧರ್ಮ್ಯೋ ಧರ್ಮಮಯೋ ದಯಃ ॥ 8 ॥
ದಯಾವಾನ್ ದೇವಜನಕೋ ದೇವಸೇವ್ಯೋ ದಯಾಪತಿಃ ।
ಡುಲಿಚಕ್ಷುರ್ದರೀವಾಸೋ ದಮ್ಭೀ ದೇವಮಯಾತ್ಮಕಃ ॥ 9 ॥
ಕುರೂಪಃ ಕೀರ್ತಿದಃ ಕಾನ್ತಃ ಕ್ಲೀವೋಽಕ್ಲೀವಾತ್ಮಕಃ ಕುಜಃ ।
ಬುಧೋ ವಿದ್ಯಾಮಯಃ ಕಾಮೀ ಕಾಮಕಾಲಾನ್ಧಕಾನ್ತಕಃ ॥ 10 ॥
ಜೀವೋ ಜೀವಪ್ರದಃ ಶುಕ್ರಃ ಶುದ್ಧಃ ಶರ್ಮಪ್ರದೋಽನಘಃ ।
ಶನೈಶ್ಚರೋ ವೇಗಗತಿರ್ವಾಚಾಲೋ ರಾಹುರವ್ಯಯಃ ॥ 11 ॥
ಕೇತುಃ ಕಾರಾಪತಿಃ ಕಾಲಃ ಸೂರ್ಯೋಽಮಿತಪರಾಕ್ರಮಃ ।
ಚನ್ದ್ರೋ ರುದ್ರಪತಿಃ ಭಾಸ್ವಾನ್ ಭಾಗ್ಯದೋ ಭರ್ಗರೂಪಭೃತ್ ॥ 12 ॥
ಕ್ರೂರೋ ಧೂರ್ತೋ ವಿಯೋಗೀ ಚ ಸಂಗೀ ಗಂಗಾಧರೋ ಗಜಃ ।
ಗಜಾನನಪ್ರಿಯೋ ಗೀತೋ ಗಾನೀ ಸ್ನಾನಾರ್ಚನಪ್ರಿಯಃ ॥ 13 ॥
ಪರಮಃ ಪೀವರಾಂಗಶ್ಚ ಪಾರ್ವತೀವಲ್ಲಭೋ ಮಹಾನ್ ।
ಪರಾತ್ಮಕೋ ವಿರಾಡ್ಧೌಮ್ಯಃ ವಾನರೋಽಮಿತಕರ್ಮಕೃತ್ ॥ 14 ॥
ಚಿದಾನನ್ದೀ ಚಾರುರೂಪೋ ಗಾರುಡೋ ಗರುಡಪ್ರಿಯಃ ।
ನನ್ದೀಶ್ವರೋ ನಯೋ ನಾಗೋ ನಾಗಾಲಂಕಾರಮಂಡಿತಃ ॥ 15 ॥
ನಾಗಹಾರೋ ಮಹಾನಾಗೋ ಗೋಧರೋ ಗೋಪತಿಸ್ತಪಃ ।
ತ್ರಿಲೋಚನಸ್ತ್ರಿಲೋಕೇಶಸ್ತ್ರಿಮೂರ್ತಿಸ್ತ್ರಿಪುರಾನ್ತಕಃ ॥ 16 ॥
ತ್ರಿಧಾಮಯೋ ಲೋಕಮಯೋ ಲೋಕೈಕವ್ಯಸನಾಪಹಃ ।
ವ್ಯಸನೀ ತೋಷಿತಃ ಶಮ್ಭುಸ್ತ್ರಿಧಾರೂಪಸ್ತ್ರಿವರ್ಣಭಾಕ್ ॥ 17 ॥
ತ್ರಿಜ್ಯೋತಿಸ್ತ್ರಿಪುರೀನಾಥಸ್ತ್ರಿಧಾಶಾನ್ತಸ್ತ್ರಿಧಾಗತಿಃ ।
ತ್ರಿಧಾಗುಣೀ ವಿಶ್ವಕರ್ತಾ ವಿಶ್ವಭರ್ತಾಽಽಧಿಪೂರುಷಃ ॥ 18 ॥
ಉಮೇಶೋ ವಾಸುಕಿರ್ವೀರೋ ವೈನತೇಯೋ ವಿಚಾರಕೃತ್ ।
ವಿವೇಕಾಕ್ಷೋ ವಿಶಾಲಾಕ್ಷೋಽವಿಧಿರ್ವಿಧಿರನುತ್ತಮಃ ॥ 19 ॥
ವಿದ್ಯಾನಿಧಿಃ ಸರೋಜಾಕ್ಷೋ ನಿಃಸ್ಮರಃ ಸ್ಮರನಾಶನಃ ।
ಸ್ಮೃತಿಮಾನ್ ಸ್ಮೃತಿದಃ ಸ್ಮಾರ್ತೋ ಬ್ರಹ್ಮಾ ಬ್ರಹ್ಮವಿದಾಂ ವರಃ ॥ 20 ॥
ಬ್ರಾಹ್ಮವ್ರತೀ ಬ್ರಹ್ಮಚಾರೀ ಚತುರಶ್ಚತುರಾನನಃ ।
ಚಲಾಚಲೋಽಚಲಗತಿರ್ವೇಗೀ ವೀರಾಧಿಪೋ ವರಃ ॥ 21 ॥
ಸರ್ವವಾಮಃ ಸರ್ವಗತಿಃ ಸರ್ವಮಾನ್ಯಃ ಸನಾತನಃ ।
ಸರ್ವವ್ಯಾಪೀ ಸರ್ವರೂಪಃ ಸಾಗರಶ್ಚ ಸಮೇಶ್ವರಃ ॥ 22 ॥
ಸಮನೇತ್ರಃ ಸಮದ್ಯುತಿಃ ಸಮಕಾಯಃ ಸರೋವರಃ ।
ಸರಸ್ವಾನ್ ಸತ್ಯವಾಕ್ ಸತ್ಯಃ ಸತ್ಯರೂಪಃ ಸುಧೀಃ ಸುಖೀ ॥ 23 ॥
ಸುರಾಟ್ ಸತ್ಯಃ ಸತ್ಯಮತೀ ರುದ್ರೋ ರೌದ್ರವಪುರ್ವಸುಃ ।
ವಸುಮಾನ್ ವಸುಧಾನಾಥೋ ವಸುರೂಪೋ ವಸುಪ್ರದಃ ॥ 24 ॥
ಈಶಾನಃ ಸರ್ವದೇವಾನಾಮೀಶಾನಃ ಸರ್ವಬೋಧಿನಾಮ್ ।
ಈಶೋಽವಶೇಷೋಽವಯವೀ ಶೇಷಶಾಯೀ ಶ್ರಿಯಃ ಪತಿಃ ॥ 25 ॥
ಇನ್ದ್ರಶ್ಚನ್ದ್ರಾವತಂಸೀ ಚ ಚರಾಚರಜಗತ್ಸ್ಥಿತಿಃ ।
ಸ್ಥಿರಃ ಸ್ಥಾಣುರಣುಃ ಪೀನಃ ಪೀನವಕ್ಷಾಃ ಪರಾತ್ಪರಃ ॥ 26 ॥
ಪೀನರೂಪೋ ಜಟಾಧಾರೀ ಜಟಾಜೂಟಸಮಾಕುಲಃ ।
ಪಶುರೂಪಃ ಪಶುಪತಿಃ ಪಶುಜ್ಞಾನೀ ಪಯೋನಿಧಿಃ ॥ 27 ॥
ವೇದ್ಯೋ ವೈದ್ಯೋ ವೇದಮಯೋ ವಿಧಿಜ್ಞೋ ವಿಧಿಮಾನ್ ಮೃಡಃ ।
ಶೂಲೀ ಶುಭಂಕರಃ ಶೋಭ್ಯಃ ಶುಭಕರ್ತಾ ಶಚೀಪತಿಃ ॥ 28 ॥
ಶಶಾಂಕಧವಲಃ ಸ್ವಾಮೀ ವಜ್ರೀ ಶಂಖೀ ಗದಾಧರಃ ।
ಚತುರ್ಭುಜಶ್ಚಾಷ್ಟಭುಜಃ ಸಹಸ್ರಭುಜಮಂಡಿತಃ ॥ 29 ॥
ಸ್ರುವಹಸ್ತೋ ದೀರ್ಘಕೇಶೋ ದೀರ್ಘೋ ದಮ್ಭವಿವರ್ಜಿತಃ ।
ದೇವೋ ಮಹೋದಧಿರ್ದಿವ್ಯೋ ದಿವ್ಯಕೀರ್ತಿರ್ದಿವಾಕರಃ ॥ 30 ॥
ಉಗ್ರರೂಪ ಉಗ್ರಪತಿರುಗ್ರವಕ್ಷಾಸ್ತಪೋಮಯಃ ।
ತಪಸ್ವೀ ಜಟಿಲಸ್ತಾಪೀ ತಾಪಹಾ ತಾಪವರ್ಜಿತಃ ॥ 31 ॥
ಹವಿರ್ಹರೋ ಹಯಪತಿರ್ಹಯದೋ ಹರಿಮಂಡಿತಃ ।
ಹರಿವಾಹೀ ಮಹೌಜಸ್ಕೋ ನಿತ್ಯೋ ನಿತ್ಯಾತ್ಮಕೋಽನಲಃ ॥ 32 ॥
ಸಮ್ಮಾನೀ ಸಂಸೃತಿರ್ಹಾರೀ ಸರ್ಗೀ ಸನ್ನಿಧಿರನ್ವಯಃ ।
ವಿದ್ಯಾಧರೋ ವಿಮಾನೀ ಚ ವೈಮಾನಿಕವರಪ್ರದಃ ॥ 33 ॥
ವಾಚಸ್ಪತಿರ್ವಸಾಸಾರೋ ವಾಮಾಚಾರೀ ಬಲನ್ಧರಃ ।
ವಾಗ್ಭವೋ ವಾಸವೋ ವಾಯುರ್ವಾಸನಾಬೀಜಮಂಡಿತಃ ॥ 34 ॥
ವಾಸೀ ಕೋಲಶೃತಿರ್ದಕ್ಷೋ ದಕ್ಷಯಜ್ಞವಿನಾಶನಃ ।
ದಾಕ್ಷೋ ದೌರ್ಭಾಗ್ಯಹಾ ದೈತ್ಯಮರ್ದನೋ ಭೋಗವರ್ಧನಃ ॥ 35 ॥
ಭೋಗೀ ರೋಗಹರೋ ಹೇಯೋ ಹಾರೀ ಹರಿವಿಭೂಷಣಃ ।
ಬಹುರೂಪೋ ಬಹುಮತಿರ್ಬಹುವಿತ್ತೋ ವಿಚಕ್ಷಣಃ ॥ 36 ॥
ನೃತ್ತಕೃಚ್ಚಿತ್ತಸನ್ತೋಷೋ ನೃತ್ತಗೀತವಿಶಾರದಃ ।
ಶರದ್ವರ್ಣವಿಭೂಷಾಢ್ಯೋ ಗಲದಗ್ಧೋಽಘನಾಶನಃ ॥ 37 ॥
ನಾಗೀ ನಾಗಮಯೋಽನನ್ತೋಽನನ್ತರೂಪಃ ಪಿನಾಕಭೃತಃ ।
ನಟನೋ ಹಾಟಕೇಶಾನೋ ವರೀಯಾಂಶ್ಚ ವಿವರ್ಣಭೃತ್ ॥ 38 ॥
ಝಾಂಕಾರೀ ಟಂಕಹಸ್ತಶ್ಚ ಪಾಶೀ ಶಾರ್ಂಗೀ ಶಶಿಪ್ರಭಃ ।
ಸಹಸ್ರರೂಪೋ ಸಮಗುಃ ಸಾಧೂನಾಮಭಯಪ್ರದಃ ॥ 39 ॥
ಸಾಧುಸೇವ್ಯಃ ಸಾಧುಗತಿಃ ಸೇವಾಫಲಪ್ರದೋ ವಿಭುಃ ।
ಸುಮಹಾ ಮದ್ಯಪೋ ಮತ್ತೋ ಮತ್ತಮೂರ್ತಿಃ ಸುಮನ್ತಕಃ ॥ 40 ॥
ಕೀಲೀ ಲೀಲಾಕರೋ ಲಾನ್ತಃ ಭವಬನ್ಧೈಕಮೋಚನಃ ।
ರೋಚಿಷ್ಣುರ್ವಿಷ್ಣುರಚ್ಯುತಶ್ಚೂತನೋ ನೂತನೋ ನವಃ ॥ 41 ॥
ನ್ಯಗ್ರೋಧರೂಪೋ ಭಯದೋ ಭಯಹಾಽಭೀತಿಧಾರಣಃ ।
ಧರಣೀಧರಸೇವ್ಯಶ್ಚ ಧರಾಧರಸುತಾಪತಿಃ ॥ 42 ॥
ಧರಾಧರೋಽನ್ಧಕರಿಪುರ್ವಿಜ್ಞಾನೀ ಮೋಹವರ್ಜಿತಃ ।
ಸ್ಥಾಣುಕೇಶೋ ಜಟೀ ಗ್ರಾಮ್ಯೋ ಗ್ರಾಮಾರಾಮೋ ರಮಾಪ್ರಿಯಃ ॥ 43 ॥
ಪ್ರಿಯಕೃತ್ ಪ್ರಿಯರೂಪಶ್ಚ ವಿಪ್ರಯೋಗೀ ಪ್ರತಾಪನಃ ।
ಪ್ರಭಾಕರಃ ಪ್ರಭಾದೀಪ್ತೋ ಮನ್ಯುಮಾನ್ ಅವನೀಶ್ವರಃ ॥ 44 ॥
ತೀಕ್ಷ್ಣಬಾಹುಸ್ತೀಕ್ಷ್ಣಕರಸ್ತೀಕ್ಷ್ಣಾಂಶುಸ್ತೀಕ್ಷ್ಣಲೋಚನಃ ।
ತೀಕ್ಷ್ಣಚಿತ್ತಸ್ತ್ರಯೀರೂಪಸ್ತ್ರಯೀಮೂರ್ತಿಸ್ತ್ರಯೀತನುಃ ॥ 45 ॥
ಹವಿರ್ಭುಗ್ ಹವಿಷಾಂ ಜ್ಯೋತಿರ್ಹಾಲಾಹಲೋ ಹಲೀಪತಿಃ ।
ಹವಿಷ್ಮಲ್ಲೋಚನೋ ಹಾಲಾಮಯೋ ಹರಿತರೂಪಭೃತ್ ॥ 46 ॥
ಮ್ರದಿಮಾಽಽಮ್ರಮಯೋ ವೃಕ್ಷೋ ಹುತಾಶೋ ಹುತಭುಗ್ ಗುಣೀ ।
ಗುಣಜ್ಞೋ ಗರುಡೋ ಗಾನತತ್ಪರೋ ವಿಕ್ರಮೀ ಕ್ರಮೀ ॥ 47 ॥
ಕ್ರಮೇಶ್ವರಃ ಕ್ರಮಕರಃ ಕ್ರಮಿಕೃತ್ ಕ್ಲಾನ್ತಮಾನಸಃ ।
ಮಹಾತೇಜಾ ಮಹಾಮಾರೋ ಮೋಹಿತೋ ಮೋಹವಲ್ಲಭಃ ॥ 48 ॥
ಮಹಸ್ವೀ ತ್ರಿದಶೋ ಬಾಲೋ ಬಾಲಾಪತಿರಘಾಪಹಃ ।
ಬಾಲ್ಯೋ ರಿಪುಹರೋ ಹಾಹೀ ಗೋವಿರ್ಗವಿಮತೋಽಗುಣಃ ॥ 49 ॥
ಸಗುಣೋ ವಿತ್ತರಾಡ್ ವೀರ್ಯೋ ವಿರೋಚನೋ ವಿಭಾವಸುಃ ।
ಮಾಲಾಮಯೋ ಮಾಧವಶ್ಚ ವಿಕರ್ತನೋ ವಿಕತ್ಥನಃ ॥ 50 ॥
ಮಾನಕೃನ್ಮುಕ್ತಿದೋಽತುಲ್ಯೋ ಮುಖ್ಯಃ ಶತ್ರುಭಯಂಕರಃ ।
ಹಿರಣ್ಯರೇತಾಃ ಸುಭಗಃ ಸತೀನಾಥಃ ಸಿರಾಪತಿಃ ॥ 51 ॥
ಮೇಢ್ರೀ ಮೈನಾಕಭಗಿನೀಪತಿರುತ್ತಮರೂಪಭೃತ್ ।
ಆದಿತ್ಯೋ ದಿತಿಜೇಶಾನೋ ದಿತಿಪುತ್ರಕ್ಷಯಂಕರಃ ॥ 52 ॥
ವಸುದೇವೋ ಮಹಾಭಾಗ್ಯೋ ವಿಶ್ವಾವಸುರ್ವಸುಪ್ರಿಯಃ ।
ಸಮುದ್ರೋಽಮಿತತೇಜಾಶ್ಚ ಖಗೇನ್ದ್ರೋ ವಿಶಿಖೀ ಶಿಖೀ ॥ 53 ॥
ಗರುತ್ಮಾನ್ ವಜ್ರಹಸ್ತಶ್ಚ ಪೌಲೋಮೀನಾಥ ಈಶ್ವರಃ ।
ಯಜ್ಞಪೇಯೋ ವಾಜಪೇಯಃ ಶತಕ್ರತುಃ ಶತಾನನಃ ॥ 54 ॥
ಪ್ರತಿಷ್ಠಸ್ತೀವ್ರವಿಸ್ರಮ್ಭೀ ಗಮ್ಭೀರೋ ಭಾವವರ್ಧನಃ ।
ಗಾಯಿಷ್ಠೋ ಮಧುರಾಲಾಪೋ ಮಧುಮತ್ತಶ್ಚ ಮಾಧವಃ ॥ 55 ॥
ಮಾಯಾತ್ಮಾ ಭೋಗಿನಾಂ ತ್ರಾತಾ ನಾಕಿನಾಮಿಷ್ಟದಾಯಕಃ ।
ನಾಕೀನ್ದ್ರೋ ಜನಕೋ ಜನ್ಯಃ ಸ್ತಮ್ಭನೋ ರಮ್ಭನಾಶನಃ ॥ 56 ॥
ಶಂಕರ ಈಶ್ವರ ಈಶಃ ಶರ್ವರೀಪತಿಶೇಖರಃ ।
ಲಿಂಗಾಧ್ಯಕ್ಷಃ ಸುರಾಧ್ಯಕ್ಷೋ ವೇದಾಧ್ಯಕ್ಷೋ ವಿಚಾರಕಃ ॥ 57 ॥
ಭರ್ಗೋಽನರ್ಘ್ಯೋ ನರೇಶಾನೋ ನರವಾಹನಸೇವಿತಃ ।
ಚತುರೋ ಭವಿತಾ ಭಾವೀ ಭಾವದೋ ಭವಭೀತಿಹಾ ॥ 58 ॥
ಭೂತೇಶೋ ಮಹಿತೋ ರಾಮೋ ವಿರಾಮೋ ರಾತ್ರಿವಲ್ಲಭಃ ।
ಮಂಗಲೋ ಧರಣೀಪುತ್ರೋ ಧನ್ಯೋ ಬುದ್ಧಿವಿವರ್ಧನಃ ॥ 59 ॥
ಜಯೀ ಜೀವೇಶ್ವರೋ ಜಾರೋ ಜಾಠರೋ ಜಹ್ನುತಾಪನಃ ।
ಜಹ್ನುಕನ್ಯಾಧರಃ ಕಲ್ಪೋ ವತ್ಸರೋ ಮಾಸರೂಪಧೃತ್ ॥ 60 ॥
ಋತುರೃಭೂಸುತಾಧ್ಯಕ್ಷೋ ವಿಹಾರೀ ವಿಹಗಾಧಿಪಃ ।
ಶುಕ್ಲಾಮ್ಬರೋ ನೀಲಕಂಠಃ ಶುಕ್ಲೋ ಭೃಗುಸುತೋ ಭಗಃ ॥ 61 ॥
ಶಾನ್ತಃ ಶಿವಪ್ರದೋಽಭೇದ್ಯೋಽಭೇದಕೃಚ್ಛಾನ್ತಕೃತ್ ಪತಿಃ ।
ನಾಥೋ ದಾನ್ತೋ ಭಿಕ್ಷುರೂಪೀ ದಾತೃಶ್ರೇಷ್ಠೋ ವಿಶಾಮ್ಪತಿಃ ॥ 62 ॥
ಕುಮಾರಃ ಕ್ರೋಧನಃ ಕ್ರೋಧೀ ವಿರೋಧೀ ವಿಗ್ರಹೀ ರಸಃ ।
ನೀರಸಃ ಸರಸಃ ಸಿದ್ಧೋ ವೃಷಣೀ ವೃಷಘಾತನಃ ॥ 63 ॥
ಪಂಚಾಸ್ಯಃ ಷಣ್ಮುಖಶ್ಚೈವ ವಿಮುಖಃ ಸುಮುಖೀಪ್ರಿಯಃ ।
ದುರ್ಮುಖೋ ದುರ್ಜಯೋ ದುಃಖೀ ಸುಖೀ ಸುಖವಿಲಾಸದಃ ॥ 64 ॥
ಪಾತ್ರೀ ಪೌತ್ರೀ ಪವಿತ್ರಶ್ಚ ಭೂತಾತ್ಮಾ ಪೂತನಾನ್ತಕಃ ।
ಅಕ್ಷರಂ ಪರಮಂ ತತ್ವಂ ಬಲವಾನ್ ಬಲಘಾತನಃ ॥ 65 ॥
ಭಲ್ಲೀ ಭೌಲಿರ್ಭವಾಭಾವೋ ಭಾವಾಭಾವವಿಮೋಚನಃ ।
ನಾರಾಯಣೋ ಮುಕ್ತಕೇಶೋ ದಿಗ್ದೇವೋ ಧರ್ಮನಾಯಕಃ ॥ 66 ॥
ಕಾರಾಮೋಕ್ಷಪ್ರದೋಽಜೇಯೋ ಮಹಾಂಗಃ ಸಾಮಗಾಯನಃ ।
ತತ್ಸಂಗಮೋ ನಾಮಕಾರೀ ಚಾರೀ ಸ್ಮರನಿಸೂದನಃ ॥ 67 ॥
ಕೃಷ್ಣಃ ಕೃಷ್ಣಾಮ್ಬರಃ ಸ್ತುತ್ಯಸ್ತಾರಾವರ್ಣಸ್ತ್ರಪಾಕುಲಃ ।
ತ್ರಪಾವಾನ್ ದುರ್ಗತಿತ್ರಾತಾ ದುರ್ಗಮೋ ದುರ್ಗಘಾತನಃ ॥ 68 ॥
ಮಹಾಪಾದೋ ವಿಪಾದಶ್ಚ ವಿಪದಂ ನಾಶಕೋ ನರಃ ।
ಮಹಾಬಾಹುರ್ಮಹೋರಸ್ಕೋ ಮಹಾನನ್ದಪ್ರದಾಯಕಃ ॥ 69 ॥
ಮಹಾನೇತ್ರೋ ಮಹಾದಾತಾ ನಾನಾಶಾಸ್ತ್ರವಿಚಕ್ಷಣಃ ।
ಮಹಾಮೂರ್ಧಾ ಮಹಾದನ್ತೋ ಮಹಾಕರ್ಣೋ ಮಹೋರಗಃ ॥ 70 ॥
ಮಹಾಚಕ್ಷುರ್ಮಹಾನಾಸೋ ಮಹಾಗ್ರೀವೋ ದಿಗಾಲಯಃ ।
ದಿಗ್ವಾಸಾ ದಿತಿಜೇಶಾನೋ ಮುಂಡೀ ಮುಂಡಾಕ್ಷಸೂತ್ರ ಭೃತ್ ॥ 71 ॥
ಶ್ಮಶಾನನಿಲಯೋಽರಾಗೀ ಮಹಾಕಟಿರನೂತನಃ ।
ಪುರಾಣಪುರುಷೋಽಪಾರಃ ಪರಮಾತ್ಮಾ ಮಹಾಕರಃ ॥ 72 ॥
ಮಹಾಲಸ್ಯೋ ಮಹಾಕೇಶೋ ಮಹೋಷ್ಠೋ ಮೋಹನೋ ವಿರಾಟ್ ।
ಮಹಾಮುಖೋ ಮಹಾಜಂಘೋ ಮಂಡಲೀ ಕುಂಡಲೀ ನಟಃ ॥ 73 ॥
ಅಸಪತ್ನಃ ಪತ್ರಕರಃ ಪಾತ್ರಹಸ್ತಶ್ಚ ಪಾಟವಃ ।
ಲಾಲಸಃ ಸಾಲಸಃ ಸಾಲಃ ಕಲ್ಪವೃಕ್ಷಶ್ಚ ಕಮ್ಪಿತಃ ॥ 74 ॥
ಕಮ್ಪಹಾ ಕಲ್ಪನಾಹಾರೀ ಮಹಾಕೇತುಃ ಕಠೋರಕಃ ।
ಅನಲಃ ಪವನಃ ಪಾಠಃ ಪೀಠಸ್ಥಃ ಪೀಠರೂಪಕಃ ॥ 75 ॥
ಪಾಟೀನಃ ಕುಲಿಶೀ ಪೀನೋ ಮೇರುಧಾಮಾ ಮಹಾಗುಣೀ ।
ಮಹಾತೂಣೀರಸಂಯುಕ್ತೋ ದೇವದಾನವದರ್ಪಹಾ ॥ 76 ॥
ಅಥರ್ವಶೀರ್ಷಃ ಸೋಮ್ಯಾಸ್ಯಃ ಋಕ್ಸಹಸ್ರಾಮಿತೇಕ್ಷಣಃ ।
ಯಜುಃಸಾಮಮುಖೋ ಗುಹ್ಯೋ ಯಜುರ್ವೇದವಿಚಕ್ಷಣಃ ॥ 77 ॥
ಯಾಜ್ಞಿಕೋ ಯಜ್ಞರೂಪಶ್ಚ ಯಜ್ಞಜ್ಞೋ ಧರಣೀಪತಿಃ ।
ಜಂಗಮೀ ಭಂಗದೋ ಭಾಷಾದಕ್ಷೋಽಭಿಗಮದರ್ಶನಃ ॥ 78 ॥
ಅಗಮ್ಯಃ ಸುಗಮಃ ಖರ್ವಃ ಖೇಟೀ ಖಟ್ವಾನನಃ ನಯಃ ।
ಅಮೋಘಾರ್ಥಃ ಸಿನ್ಧುಪತಿಃ ಸೈನ್ಧವಃ ಸಾನುಮಧ್ಯಗಃ ॥ 79 ॥
ಪ್ರತಾಪೀ ಪ್ರಜಯೀ ಪ್ರಾತರ್ಮಧ್ಯಾಹ್ನಸಾಯಮಧ್ವರಃ ।
ತ್ರಿಕಾಲಜ್ಞಃ ಸುಗಣಕಃ ಪುಷ್ಕರಸ್ಥಃ ಪರೋಪಕೃತ್ ॥ 80 ॥
ಉಪಕರ್ತಾಪಹರ್ತಾ ಚ ಘೃಣೀ ರಣಜಯಪ್ರದಃ ।
ಧರ್ಮೀ ಚರ್ಮಾಮ್ಬರಶ್ಚಾರುರೂಪಶ್ಚಾರುವಿಶೋಷಣಃ ॥ 81 ॥
ನಕ್ತಂಚರಃಕಾಲವಶೀ ವಶೀ ವಶಿವರೋಽವಶಃ ।
ವಶ್ಯೋ ವಶ್ಯಕರೋ ಭಸ್ಮಶಾಯೀ ಭಸ್ಮವಿಲೇಪನಃ ॥ 82 ॥
ಭಸ್ಮಾಂಗೀ ಮಲಿನಾಂಗಶ್ಚ ಮಾಲಾಮಂಡಿತಮೂರ್ಧಜಃ ।
ಗಣಕಾರ್ಯಃ ಕುಲಾಚಾರಃ ಸರ್ವಾಚಾರಃ ಸಖಾ ಸಮಃ ॥ 83 ॥
ಸುಕುರಃ ಗೋತ್ರಭಿದ್ ಗೋಪ್ತಾ ಭೀಮರೂಪೋ ಭಯಾನಕಃ ।
ಅರುಣಶ್ಚೈಕಚಿನ್ತ್ಯಶ್ಚ ತ್ರಿಶಂಕುಃ ಶಂಕುಧಾರಣಃ ॥ 84 ॥
ಆಶ್ರಮೀ ಬ್ರಾಹ್ಮಣೋ ವಜ್ರೀ ಕ್ಷತ್ರಿಯಃ ಕಾರ್ಯಹೇತುಕಃ ।
ವೈಶ್ಯಃ ಶೂದ್ರಃ ಕಪೋತಸ್ಥಃ ತ್ವಷ್ಟಾ ತುಷ್ಟೋ ರುಷಾಕುಲಃ ॥ 85 ॥
ರೋಗೀ ರೋಗಾಪಹಃ ಶೂರಃ ಕಪಿಲಃ ಕಪಿನಾಯಕಃ ।
ಪಿನಾಕೀ ಚಾಷ್ಟಮೂರ್ತಿಶ್ಚ ಕ್ಷಿತಿಮಾನ್ ಧೃತಿಮಾಂಸ್ತಥಾ ॥ 86 ॥
ಜಲಮೂರ್ತಿರ್ವಾಯುಮೂರ್ತಿರ್ಹುತಾಶಃ ಸೋಮಮೂರ್ತಿಮಾನ್ ।
ಸೂರ್ಯದೇವೋ ಯಜಮಾನ ಆಕಾಶಃ ಪರಮೇಶ್ವರಃ ॥ 87 ॥
ಭವಹಾ ಭವಮೂರ್ತಿಶ್ಚ ಭೂತಾತ್ಮಾ ಭೂತಭಾವನಃ ।
ಭವಃ ಶರ್ವಸ್ತಥಾ ರುದ್ರಃ ಪಶುನಾಥಶ್ಚ ಶಂಕರಃ ॥ 88 ॥
ಗಿರಿಜೋ ಗಿರಿಜಾನಾಥೋ ಗಿರೀನ್ದ್ರಶ್ಚ ಮಹೇಶ್ವರಃ ।
ಗಿರೀಶಃ ಖಂಡಹಸ್ತಶ್ಚ ಮಹಾನುಗ್ರೋ ಗಣೇಶ್ವರಃ ॥ 89 ॥
ಭೀಮಃ ಕಪರ್ದೀ ಭೀತಿಜ್ಞಃ ಖಂಡಪಶ್ಚಂಡವಿಕ್ರಮಃ ।
ಖಡ್ಗಭೃತ್ ಖಂಡಪರಶುಃ ಕೃತ್ತಿವಾಸಾ ವಿಷಾಪಹಃ ॥ 90 ॥
ಕಂಕಾಲಃ ಕಲನಾಕಾರಃ ಶ್ರೀಕಂಠೋ ನೀಲಲೋಹಿತಃ ।
ಗಣೇಶ್ವರೋ ಗುಣೀ ನನ್ದೀ ಧರ್ಮರಾಜೋ ದುರನ್ತಕಃ ॥ 91 ॥
ಭೃಂಗಿರೀಟೀ ರಸಾಸಾರೋ ದಯಾಲೂ ರೂಪಮಂಡಿತಃ ।
ಅಮೃತಃ ಕಾಲರುದ್ರಶ್ಚ ಕಾಲಾಗ್ನಿಃ ಶಶಿಶೇಖರಃ ॥ 92 ॥
ಸದ್ಯೋಜಾತಃ ಸುವರ್ಣಮುಂಜಮೇಖಲೀ ದುರ್ನಿಮಿತ್ತಹೃತ್ ।
ದುಃಸ್ವಪ್ನಹೃತ್ ಪ್ರಸಹನೋ ಗುಣಿನಾದಪ್ರತಿಷ್ಠಿತಃ ॥ 93 ॥
ಶುಕ್ಲಸ್ತ್ರಿಶುಕ್ಲಃ ಸಮ್ಪನ್ನಃ ಶುಚಿರ್ಭೂತನಿಷೇವಿತಃ ।
ಯಜ್ಞರೂಪೋ ಯಜ್ಞಮುಖೋ ಯಜಮಾನೇಷ್ಟದಃ ಶುಚಿಃ ॥ 94 ॥
ಧೃತಿಮಾನ್ ಮತಿಮಾನ್ ದಕ್ಷೋ ದಕ್ಷಯಜ್ಞವಿಘಾತಕಃ ।
ನಾಗಹಾರೀ ಭಸ್ಮಧಾರೀ ಭೂತಿಭೂಷಿತವಿಗ್ರಹಃ ॥ 95 ॥
ಕಪಾಲೀ ಕುಂಡಲೀ ಭರ್ಗಃ ಭಕ್ತಾರ್ತಿಭಂಜನೋ ವಿಭುಃ ।
ವೃಷಧ್ವಜೋ ವೃಷಾರೂಢೋ ಧರ್ಮವೃಷವಿವರ್ಧಕಃ ॥ 96 ॥
ಮಹಾಬಲಃ ಸರ್ವತೀರ್ಥಃ ಸರ್ವಲಕ್ಷಣಲಕ್ಷಿತಃ ।
ಸಹಸ್ರಬಾಹುಃ ಸರ್ವಾಂಗಃ ಶರಣ್ಯಃ ಸರ್ವಲೋಕಕೃತ್ ॥ 97 ॥
ಪವಿತ್ರಸ್ತ್ರಿಕಕುನ್ಮನ್ತ್ರಃ ಕನಿಷ್ಠಃ ಕೃಷ್ಣಪಿಂಗಲಃ ।
ಬ್ರಹ್ಮದಂಡವಿನಿರ್ಮಾತಾ ಶತಘ್ನೀಪಾಶಶಕ್ತಿಮಾನ್ ॥ 98 ॥
ಪದ್ಮಗರ್ಭೋ ಮಹಾಗರ್ಭೋ ಬ್ರಹ್ಮಗರ್ಭೋ ಜಲೋದ್ಭವಃ ।
ದೇವಾಸುರವಿನಿರ್ಮಾತಾ ದೇವಾಸುರಪರಾಯಣ ॥ 99 ॥
ದೇವಾಸುರಗುರುರ್ದೇವೋ ದೇವಾಸುರನಮಸ್ಕೃತ್ ।
ಗುಹಪ್ರಿಯೋ ಗಣಸೇವ್ಯಃ ಪವಿತ್ರಃ ಸರ್ವಪಾವನಃ ॥ 100 ॥
ಲಲಾಟಾಕ್ಷೋ ವಿಶ್ವದೇವೋ ದಮನಃ ಶ್ವೇತಪಿಂಗಲಃ ।
ವಿಮುಕ್ತಿರ್ಮುಕ್ತಿತೇಜಸ್ಕೋ ಭಕ್ತಾನಾಂ ಪರಮಾ ಗತಿಃ ॥ 101 ॥
ದೇವಾತಿದೇವೋ ದೇವರ್ಷಿರ್ದೇವಾಸುರವರಪ್ರದಃ ।
ಕೈಲಾಸಗಿರಿವಾಸೀ ಚ ಹಿಮವದ್ಗಿರಿಸಂಶ್ರಯಃ ॥ 102 ॥
ನಾಥಪೂಜ್ಯಃ ಸಿದ್ಧನೃತ್ಯೋ ನವನಾಥಸಮರ್ಚಿತಃ ।
ಕಪರ್ದೀ ಕಲ್ಪಕೃದ್ ರುದ್ರಃ ಸುಮನಾ ಧರ್ಮವತ್ಸಲಃ ॥ 103 ॥
ವೃಷಾಕಪಿಃ ಕಲ್ಪಕರ್ತಾ ನಿಯತಾತ್ಮಾ ನಿರಾಕುಲಃ ।
ನೀಲಕಂಠೋ ಧನಾಧ್ಯಕ್ಷೋ ನಾಥಃ ಪ್ರಮಥನಾಯಕಃ ॥ 104 ॥
ಅನಾದಿರನ್ತರಹಿತೋ ಭೂತಿದೋ ಭೂತಿವಿಗ್ರಹಃ ।
ಸೇನಾಕಲ್ಪೋ ಮಹಾಕಲ್ಪೋ ಯೋಗೋ ಯುಗಕರೋ ಹರಿಃ ॥ 105 ॥
ಯುಗರೂಪೋ ಮಹಾರೂಪೋ ಮಹಾಗೀತೋ ಮಹಾಗುಣಃ ।
ವಿಸರ್ಗೋ ಲಿಂಗರೂಪಶ್ಚ ಪವಿತ್ರಃ ಪಾಪನಾಶನಃ ॥ 106 ॥
ಈಡ್ಯೋ ಮಹೇಶ್ವರಃ ಶಮ್ಭುರ್ದೇವಸಿಂಹೋ ನರರ್ಷಭಃ ।
ವಿಬುಧೋಽಗ್ರವರಃ ಸೂಕ್ಷ್ಮಃ ಸರ್ವದೇವಸ್ತಪೋಮಯಃ ॥ 107 ॥
ಸುಯುಕ್ತಃ ಶೋಭನೋ ವಜ್ರೀ ದೇವಾನಾಂ ಪ್ರಭವೋಽವ್ಯಯಃ ।
ಗುಹಃ ಕಾನ್ತೋ ನಿಜಸರ್ಗಃ ಪವಿತ್ರಃ ಸರ್ವಪಾವನಃ ॥ 108 ॥
ಶೃಂಗೀ ಶೃಂಗಪ್ರಿಯೋ ಬಭ್ರೂ ರಾಜರಾಜೋ ನಿರಾಮಯಃ ।
ದೇವಾಸುರಗಣಾಧ್ಯಕ್ಷೋ ನಿಯಮೇನ್ದ್ರಿಯವರ್ಧನಃ ॥ 109 ॥
ತ್ರಿಪುರಾನ್ತಕಃ ಶ್ರೀಕಂಠಸ್ತ್ರಿನೇತ್ರಃ ಪಂಚವಕ್ತ್ರಕಃ ।
ಕಾಲಹೃತ್ ಕೇವಲಾತ್ಮಾ ಚ ಋಗ್ಯಜುಃಸಾಮವೇದವಾನ್ ॥ 110 ॥
ಈಶಾನಃ ಸರ್ವಭೂತಾಮೀಶ್ವರಃ ಸರ್ವರಕ್ಷಸಾಮ್ ।
ಬ್ರಹ್ಮಾಧಿಪತಿರ್ಬ್ರಹ್ಮಪತಿರ್ಬ್ರಹ್ಮಣೋಽಧಿಪತಿಸ್ತಥಾ ॥ 111 ॥
ಬ್ರಹ್ಮಾ ಶಿವಃ ಸದಾನನ್ದೀ ಸದಾನನ್ತಃ ಸದಾಶಿವಃ ।
ಮೇ-ಅಸ್ತುರೂಪಶ್ಚಾರ್ವಂಗೋ ಗಾಯತ್ರೀರೂಪಧಾರಣಃ ॥ 112 ॥
ಅಘೋರೇಭ್ಯೋಽಥಘೋರೇಭ್ಯೋ ಘೋರಘೋರತರೇಭ್ಯಶ್ಚ ।
ಸರ್ವತಃ ಶರ್ವಸರ್ವೇಭ್ಯೋ ನಮಸ್ತೇ ರುದ್ರರೂಪೇಭ್ಯಃ ॥ 113 ॥
ವಾಮದೇವಸ್ತಥಾ ಜ್ಯೇಷ್ಠಃ ಶ್ರೇಷ್ಠಃ ಕಾಲಃ ಕರಾಲಕಃ ।
ಮಹಾಕಾಲೋ ಭೈರವೇಶೋ ವೇಶೀ ಕಲವಿಕರಣಃ ॥ 114 ॥
ಬಲವಿಕರಣೋ ಬಾಲೋ ಬಲಪ್ರಮಥನಸ್ತಥಾ ।
ಸರ್ವಭೂತಾದಿದಮನೋ ದೇವದೇವೋ ಮನೋನ್ಮನಃ ॥ 115 ॥
ಸದ್ಯೋಜಾತಂ ಪ್ರಪದ್ಯಾಮಿ ಸದ್ಯೋಜಾತಾಯ ವೈ ನಮಃ ।
ಭವೇ ಭವೇ ನಾತಿಭವೇ ಭಜಸ್ವ ಮಾಂ ಭವೋದ್ಭವಃ ॥ 116 ॥
ಭಾವನೋ ಭವನೋ ಭಾವ್ಯೋ ಬಲಕಾರೀ ಪರಂ ಪದಮ್ ।
ಪರಃ ಶಿವಃ ಪರೋ ಧ್ಯೇಯಃ ಪರಂ ಜ್ಞಾನಂ ಪರಾತ್ಪರಃ ॥117 ॥
ಪಾರಾವಾರಃ ಪಲಾಶೀ ಚ ಮಾಂಸಾಶೀ ವೈಷ್ಣವೋತ್ತಮಃ ।
ಓಂಐಂಹ್ರೀಂಶ್ರೀಂಹ್ಸೌಃ ದೇವೋ ಓಂಶ್ರೀಂಹೌಂ ಭೈರವೋತ್ತಮಃ ॥ 118 ॥
ಓಂಹ್ರಾಂ ನಮಃ ಶಿವಾಯೇತಿ ಮನ್ತ್ರೋ ವಟುರ್ವರಾಯುಧಃ ।
ಓಂಹ್ರೀಂ ಸದಾಶಿವಃ ಓಂಹ್ರೀಂ ಆಪದುದ್ಧಾರಣೋ ಮನುಃ ॥ 119 ॥
ಓಂಹ್ರೀಂ ಮಹಾಕರಾಲಾಸ್ಯಃ ಓಂಹ್ರೀಂ ಬಟುಕಭೈರವಃ ।
ಭಗವಾಂಸ್ತ್ರ್ಯಮ್ಬಕ ಓಂಹ್ರೀಂ ಓಂಹ್ರೀಂ ಚನ್ದ್ರಾರ್ಧಶೇಖರಃ ॥ 120 ॥
ಓಂಹ್ರೀಂ ಸಂಜಟಿಲೋ ಧೂಮ್ರೋ ಓಂಹ್ರೀಂ ತ್ರಿಪುರಘಾತನಃ ।
ಹ್ರಾಂಹ್ರೀಂಹ್ರುಂ ಹರಿವಾಮಾಂಗ ಓಂಹ್ರೀಂಹ್ರೂಂಹ್ರೀಂ ತ್ರಿಲೋಚನಃ ॥ 121 ॥
ಓಂ ವೇದರೂಪೋ ವೇದಜ್ಞ ಋಗ್ಯಜುಃಸಾಮಮೂರ್ತಿಮಾನ್ ।
ರುದ್ರೋ ಘೋರರವೋಽಘೋರೋ ಓಂ ಕ್ಷ್ಮ್ಯೂಂ ಅಘೋರಭೈರವಃ ॥ 122 ॥
ಓಂಜುಂಸಃ ಪೀಯುಷಸಕ್ತೋಽಮೃತಾಧ್ಯಕ್ಷೋಽಮೃತಾಲಸಃ ।
ಓಂ ತ್ರ್ಯಮ್ಬಕಂ ಯಜಾಮಹೇ ಸುಗನ್ಧಿಂ ಪುಷ್ಟಿವರ್ಧನಮ್ ॥ 123 ॥
ಉರ್ವಾರುಕಮಿವ ಬನ್ಧನಾನ್ಮೃತ್ಯೋರ್ಮುಕ್ಷೀಯ ಮಾಮೃತಾತ್ ।
ಓಂಹೌಂಜುಂಸಃ ಓಂಭೂರ್ಭುವಃ ಸ್ವಃ ಓಂಜುಂಸಃ ಮೃತ್ಯುಂಜಯಃ ॥ 124 ॥
ಇದಂ ನಾಮ್ನಾಂ ಸಹಸ್ರಂ ತು ರಹಸ್ಯಂ ಪರಮಾದ್ಭುತಮ್ ।
ಸರ್ವಸ್ವಂ ನಾಕಿನಾಂ ದೇವಿ ಜನ್ತೂನಾಂ ಭುವಿ ಕಾ ಕಥಾ ॥ 125 ॥
ತವ ಭಕ್ತ್ಯಾ ಮಯಾಖ್ಯಾತಂ ತ್ರಿಷು ಲೋಕೇಷು ದುರ್ಲಭಮ್ ।
ಗೋಪ್ಯಂ ಸಹಸ್ರನಾಮೇದಂ ಸಾಕ್ಷಾದಮೃತರೂಪಕಮ್ ॥ 126 ॥
ಯಃ ಪಠೇತ್ ಪಾಠಯೇದ್ವಾಪಿ ಶ್ರಾವಯೇಚ್ಛೃಣುಯಾತ್ ತಥಾ ।
ಮೃತ್ಯುಂಜಯಸ್ಯ ದೇವಸ್ಯ ಫಲಂ ತಸ್ಯ ಶಿವೇ ಶೃಣು ॥ 127 ॥
ಲಕ್ಷ್ಮ್ಯಾ ಕೃಷ್ಣೋ ಧಿಯಾ ಜೀವೋ ಪ್ರತಾಪೇನ ದಿವಾಕರಃ ।
ತೇಜಸಾ ವಹ್ನಿದೇವಸ್ತು ಕವಿತ್ವೇ ಚೈವ ಭಾರ್ಗವಃ ॥ 128 ॥
ಶೌರ್ಯೇಣ ಹರಿಸಂಕಾಶೋ ನೀತ್ಯಾ ದ್ರುಹಿಣಸನ್ನಿಭಃ ।
ಈಶ್ವರತ್ವೇನ ದೇವೇಶಿ ಮತ್ಸಮಃ ಕಿಮತಃ ಪರಮ್ ॥ 129 ॥
ಯಃ ಪಠೇದರ್ಧರಾತ್ರೇ ಚ ಸಾಧಕೋ ಧೈರ್ಯಸಂಯುತಃ ।
ಪಠೇತ್ ಸಹಸ್ರನಾಮೇದಂ ಸಿದ್ಧಿಮಾಪ್ನೋತಿ ಸಾಧಕಃ ॥ 130 ॥
ಚತುಷ್ಪಥೇ ಚೈಕಲಿಂಗೇ ಮರುದೇಶೇ ವನೇಽಜನೇ ।
ಶ್ಮಶಾನೇ ಪ್ರಾನ್ತರೇ ದುರ್ಗೇ ಪಾಠಾತ್ ಸಿದ್ಧಿರ್ನ ಸಂಶಯಃ ॥ 131 ॥
ನೌಕಾಯಾಂ ಚೌರಸಂಘೇ ಚ ಸಂಕಟೇ ಪ್ರಾಣಸಂಕ್ಷಯೇ ।
ಯತ್ರ ಯತ್ರ ಭಯೇ ಪ್ರಾಪ್ತೇ ವಿಷವಹ್ನಿಭಯಾದಿಷು ॥ 132 ॥
ಪಠೇತ್ ಸಹಸ್ರನಾಮಾಶು ಮುಚ್ಯತೇ ನಾತ್ರ ಸಂಶಯಃ ।
ಭೌಮಾವಸ್ಯಾಂ ನಿಶೀಥೇ ಚ ಗತ್ವಾ ಪ್ರೇತಾಲಯಂ ಸುಧೀಃ ॥ 133 ॥
ಪಠಿತ್ವಾ ಸ ಭವೇದ್ ದೇವಿ ಸಾಕ್ಷಾದಿನ್ದ್ರೋಽರ್ಚಿತಃ ಸುರೈಃ ।
ಶನೌ ದರ್ಶದಿನೇ ದೇವಿ ನಿಶಾಯಾಂ ಸರಿತಸ್ತಟೇ ॥ 134 ॥
ಪಠೇನ್ನಾಮಸಹಸ್ರಂ ವೈ ಜಪೇದಷ್ಟೋತ್ತರಂ ಶತಮ್ ।
ಸುದರ್ಶನೋ ಭವೇದಾಶು ಮೃತ್ಯುಂಜಯಪ್ರಸಾದತಃ ॥ 135 ॥
ದಿಗಮ್ಬರೋ ಮುಕ್ತಕೇಶಃ ಸಾಧಕೋ ದಶಧಾ ಪಠೇತ್ ।
ಇಹ ಲೋಕೇ ಭವೇದ್ರಾಜಾ ಪರೇ ಮುಕ್ತಿರ್ಭವಿಷ್ಯತಿ ॥ 136 ॥
ಇದಂ ರಹಸ್ಯಂ ಪರಮಂ ಭಕ್ತ್ಯಾ ತವ ಮಯೋದಿತಮ್ ।
ಮನ್ತ್ರಗರ್ಭಂ ಮನುಮಯಂ ನ ಚಾಖ್ಯೇಯಂ ದುರಾತ್ಮನೇ ॥ 137 ॥
ನೋ ದದ್ಯಾತ್ ಪರಶಿಷ್ಯೇಭ್ಯಃ ಪುತ್ರೇಭ್ಯೋಽಪಿ ವಿಶೇಷತಃ ।
ರಹಸ್ಯಂ ಮಮ ಸರ್ವಸ್ವಂ ಗೋಪ್ಯಂ ಗುಪ್ತತರಂ ಕಲೌ ॥ 138 ॥
ಷಣ್ಮುಖಸ್ಯಾಪಿ ನೋ ವಾಚ್ಯಂ ಗೋಪನೀಯಂ ತಥಾತ್ಮನಃ ।
ದುರ್ಜನಾದ್ ರಕ್ಷಣೀಯಂ ಚ ಪಠನೀಯಮಹರ್ನಿಶಮ್ ॥ 139 ॥
ಶ್ರೋತವ್ಯಂ ಸಾಧಕಮುಖಾದ್ರಕ್ಷಣೀಯಂ ಸ್ವಪುತ್ರವತ್ ।
॥ ಇತಿ ಶ್ರೀರುದ್ರಯಾಮಲೇ ತನ್ತ್ರೇ ಶ್ರೀದೇವೀರಹಸ್ಯೇ
ಮೃತ್ಯುಂಜಯಸಹಸ್ರನಾಮಂ ಸಮ್ಪೂರ್ಣಮ್ ॥
Also Read 1000 Names of Stotram:
1000 Names of Mrityunjaya | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
