Shree Mahalakshmi Sahasranamastotram Lyrics in Oriya:
॥ ଶ୍ରୀମହାଲକ୍ଷ୍ମୀସହସ୍ରନାମସ୍ତୋତ୍ରମ୍ ଅଥଵା କମଲାସହସ୍ରନାମସ୍ତୋତ୍ରମ୍ ॥
ଓଂ ତାମାହ୍ଵୟାମି ସୁଭଗାଂ ଲକ୍ଷ୍ମୀଂ ତ୍ରୈଲୋକ୍ୟପୂଜିତାମ୍ ।
ଏହ୍ୟେହି ଦେଵି ପଦ୍ମାକ୍ଷି ପଦ୍ମାକରକୃତାଲୟେ ॥ ୧ ॥
ଆଗଚ୍ଛାଗଚ୍ଛ ଵରଦେ ପଶ୍ୟ ମାଂ ସ୍ଵେନ ଚକ୍ଷୁଷା ।
ଆୟାହ୍ୟାୟାହି ଧର୍ମାର୍ଥକାମମୋକ୍ଷମୟେ ଶୁଭେ ॥ ୨ ॥
ଏଵଂଵିଧୈଃ ସ୍ତୁତିପଦୈଃ ସତ୍ୟୈଃ ସତ୍ୟାର୍ଥସଂସ୍ତୁତା ।
କନୀୟସୀ ମହାଭାଗା ଚନ୍ଦ୍ରେଣ ପରମାତ୍ମନା ॥ ୩ ॥
ନିଶାକରଶ୍ଚ ସା ଦେଵୀ ଭ୍ରାତରୌ ଦ୍ଵୌ ପୟୋନିଧେଃ ।
ଉତ୍ପନ୍ନମାତ୍ରୌ ତାଵାସ୍ତାଂ ଶିଵକେଶଵସଂଶ୍ରିତୌ ॥ ୪ ॥
ସନତ୍କୁମାରସ୍ତମୃଷିଂ ସମାଭାଷ୍ୟ ପୁରାତନମ୍ ।
ପ୍ରୋକ୍ତଵାନିତିହାସଂ ତୁ ଲକ୍ଷ୍ମ୍ୟାଃ ସ୍ତୋତ୍ରମନୁତ୍ତମମ୍ ॥ ୫ ॥
ଅଥେଦୃଶାନ୍ମହାଘୋରାଦ୍ ଦାରିଦ୍ର୍ୟାନ୍ନରକାତ୍କଥମ୍ ।
ମୁକ୍ତିର୍ଭଵତି ଲୋକେଽସ୍ମିନ୍ ଦାରିଦ୍ର୍ୟଂ ୟାତି ଭସ୍ମତାମ୍ ॥ ୬ ॥
ସନତ୍କୁମାର ଉଵାଚ –
ପୂର୍ଵଂ କୃତୟୁଗେ ବ୍ରହ୍ମା ଭଗଵାନ୍ ସର୍ଵଲୋକକୃତ୍ ।
ସୃଷ୍ଟିଂ ନାନାଵିଧାଂ କୃତ୍ଵା ପଶ୍ଚାଚ୍ଚି ନ୍ତାମୁପେୟିଵାନ୍ ॥ ୭ ॥
କିମାହାରାଃ ପ୍ରଜାସ୍ତ୍ଵେତାଃ ସମ୍ଭଵିଷ୍ୟନ୍ତି ଭୂତଲେ ।
ତଥୈଵ ଚାସାଂ ଦାରିଦ୍ର୍ୟାତ୍କଥମୁତ୍ତରଣଂ ଭଵେତ୍ ॥ ୮ ॥
ଦାରିଦ୍ର୍ୟାନ୍ମରଣଂ ଶ୍ରେୟସ୍ତି୍ଵତି ସଞ୍ଚିନ୍ତ୍ୟ ଚେତସି ।
କ୍ଷୀରୋଦସ୍ୟୋତ୍ତରେ କୂଲେ ଜଗାମ କମଲୋଦ୍ଭଵଃ ॥ ୯ ॥
ତତ୍ର ତୀଵ୍ରଂ ତପସ୍ତପ୍ତ୍ଵା କଦାଚିତ୍ପରମେଶ୍ଵରମ୍ ।
ଦଦର୍ଶ ପୁଣ୍ଡରୀକାକ୍ଷଂ ଵାସୁଦେଵଂ ଜଗଦ୍ଗୁରୁମ୍ ॥ ୧୦ ॥
ସର୍ଵଜ୍ଞଂ ସର୍ଵଶକ୍ତୀନାଂ ସର୍ଵାଵାସଂ ସନାତନମ୍ ।
ସର୍ଵେଶ୍ଵରଂ ଵାସୁଦେଵଂ ଵିଷ୍ଣୁଂ ଲକ୍ଷ୍ମୀପତିଂ ପ୍ରଭୁମ୍ ॥ ୧୧ ॥
ସୋମକୋଟିପ୍ରତୀକାଶଂ କ୍ଷୀରୋଦ ଵିମଲେ ଜଲେ ।
ଅନନ୍ତଭୋଗଶୟନଂ ଵିଶ୍ରାନ୍ତଂ ଶ୍ରୀନିକେତନମ୍ ॥ ୧୨ ॥
କୋଟିସୂର୍ୟପ୍ରତୀକାଶଂ ମହାୟୋଗେଶ୍ଵରେଶ୍ଵରମ୍ ।
ୟୋଗନିଦ୍ରାରତଂ ଶ୍ରୀଶଂ ସର୍ଵାଵାସଂ ସୁରେଶ୍ଵରମ୍ ॥ ୧୩ ॥
ଜଗଦୁତ୍ପତ୍ତିସଂହାରସ୍ଥିତିକାରଣକାରଣମ୍ ।
ଲକ୍ଷ୍ମ୍ୟାଦି ଶକ୍ତିକରଣଜାତମଣ୍ଡଲମଣ୍ଡିତମ୍ ॥ ୧୪ ॥
ଆୟୁଧୈର୍ଦେହଵଦ୍ଭିଶ୍ଚ ଚକ୍ରାଦ୍ୟୈଃ ପରିଵାରିତମ୍ ।
ଦୁର୍ନିରୀକ୍ଷ୍ୟଂ ସୁରୈଃ ସିଦ୍ଧଃ ମହାୟୋନିଶତୈରପି ॥ ୧୫ ॥
ଆଧାରଂ ସର୍ଵଶକ୍ତୀନାଂ ପରଂ ତେଜଃ ସୁଦୁସ୍ସହମ୍ ।
ପ୍ରବୁଦ୍ଧ ଂ ଦେଵମୀଶାନଂ ଦୃଷ୍ଟ୍ଵା କମଲସମ୍ଭଵଃ ॥ ୧୬ ॥
ଶିରସ୍ୟଞ୍ଜଲିମାଧାୟ ସ୍ତୋତ୍ରଂ ପୂର୍ଵମୁଵାଚ ହ ।
ମନୋଵାଞ୍ଛିତସିଦ୍ଧି ଂ ତ୍ଵଂ ପୂରୟସ୍ଵ ମହେଶ୍ଵର ॥ ୧୭ ॥
ଜିତଂ ତେ ପୁଣ୍ଡରୀକ୍ଷ ନମସ୍ତେ ଵିଶ୍ଵଭାଵନ ।
ନମସ୍ତେଽସ୍ତୁ ହୃଷୀକେଶ ମହାପୁରୁଷପୂର୍ଵଜ ॥ ୧୮ ॥
ସର୍ଵେଶ୍ଵର ଜୟାନନ୍ଦ ସର୍ଵାଵାସ ପରାତ୍ପର ।
ପ୍ରସୀଦ ମମ ଭକ୍ତସ୍ୟ ଛିନ୍ଧି ସନ୍ଦେହଜଂ ତମଃ ॥ ୧୯ ॥
ଏଵଂ ସ୍ତୁତଃ ସ ଭଗଵାନ୍ ବ୍ରହ୍ମ ଣାଽଵ୍ୟକ୍ତଜନ୍ମନା ।
ପ୍ରସାଦାଭିମୁଖଃ ପ୍ରାହ ହରିର୍ଵିଶ୍ରାନ୍ତଲୋଚନଃ ॥ ୨୦ ॥
ଶ୍ରୀଭଗଵାନୁଵାଚ –
ହିରଣ୍ୟଗର୍ଭ ତୁଷ୍ଟୋଽସ୍ମି ବ୍ରୂହି ୟତ୍ତେଽଭିଵାଞ୍ଛିତମ୍ ।
ତଦ୍ଵକ୍ଷ୍ୟାମି ନ ସନ୍ଦେହୋ ଭକ୍ତୋଽସି ମମ ସୁଵ୍ରତ ॥ ୨୧ ॥
କେଶଵାଦ୍ଵଚନଂ ଶ୍ରୁତ୍ଵା କରୁଣାଵିଷ୍ଟଚେତନଃ ।
ପ୍ରତ୍ୟୁଵାଚ ମହାବୁଦ୍ଧିର୍ଭଗଵନ୍ତଂ ଜନାର୍ଦନମ୍ ॥ ୨୨ ॥
ଚତୁର୍ଵିଧଂ ଭଵସ୍ୟାସ୍ୟ ଭୂତସର୍ଗସ୍ୟ କେଶଵ ।
ପରିତ୍ରାଣାୟ ମେ ବ୍ରୂହି ରହସ୍ୟଂ ପରମାଦ୍ଭୁତମ୍ ॥ ୨୩ ॥
ଦାରିଦ୍ର୍ୟଶମନଂ ଧନ୍ୟଂ ମନୋଜ୍ଞଂ ପାଵନଂ ପରମ୍ ।
ସର୍ଵେଶ୍ଵର ମହାବୁଦ୍ଧ ସ୍ଵରୂପଂ ଭୈରଵଂ ମହତ୍ ॥ ୨୪ ॥
ଶ୍ରିୟଃ ସର୍ଵାତିଶାୟିନ୍ୟାସ୍ତଥା ଜ୍ଞାନଂ ଚ ଶାଶ୍ଵତମ୍ ।
ନାମାନି ଚୈଵ ମୁଖ୍ୟାନି ୟାନି ଗୌଣାନି ଚାଚ୍ୟୁତ ॥ ୨୫ ॥
ତ୍ଵଦ୍ଵକ୍ତ୍ରକମଲୋତ୍ଥାନି ଶ୍ରେତୁମିଚ୍ଛାମି ତତ୍ତ୍ଵତଃ ।
ଇତି ତସ୍ୟ ଵଚଃ ଶ୍ରୁତ୍ଵା ପ୍ରତିଵାକ୍ୟମୁଵାଚ ସଃ ॥ ୨୬ ॥
ଶ୍ରୀଭଗଵାନୁଵାଚ –
ମହାଵିଭୂତିସଂୟୁକ୍ତା ଷାଡ୍ଗୁଣ୍ୟଵପୁଷଃ ପ୍ରଭୋ ।
ଭଗଵଦ୍ଵାସୁଦେଵସ୍ୟ ନିତ୍ୟଂ ଚୈଷାଽନପାୟିନୀ ॥ ୨୭ ॥
ଏକୈଵ ଵର୍ତତେଽଭିନ୍ନା ଜ୍ୟୋତ୍ସ୍ନେଵ ହିମଦୀଧିତେଃ ।
ସର୍ଵଶକ୍ତ୍ୟାତ୍ମିକା ଚୈଵ ଵିଶ୍ଵଂ ଵ୍ୟାପ୍ୟ ଵ୍ୟଵସ୍ଥିତା ॥ ୨୮ ॥
ସର୍ଵୈଶ୍ଵର୍ୟଗୁଣୋପେତା ନିତ୍ୟଶୁଦ୍ଧସ୍ଵରୂପିଣୀ ।
ପ୍ରାଣଶକ୍ତିଃ ପରା ହ୍ୟେଷା ସର୍ଵେଷାଂ ପ୍ରାଣିନାଂ ଭୁଵି ॥ ୨୯ ॥
ଶକ୍ତୀନାଂ ଚୈଵ ସର୍ଵାସାଂ ୟୋନିଭୂତା ପରା କଲା ।
ଅହଂ ତସ୍ୟାଃ ପରଂ ନାମ୍ନାଂ ସହସ୍ରମିଦମୁତ୍ତମମ୍ ॥ ୩୦ ॥
ଶୃଣୁଷ୍ଵାଵହିତୋ ଭୂତ୍ଵା ପରମୈଶ୍ଵର୍ୟଭୂତିଦମ୍ ।
ଦେଵ୍ୟାଖ୍ୟାସ୍ମୃତିମାତ୍ରେଣ ଦାରିଦ୍ର୍ୟଂ ୟାତି ଭସ୍ମତାମ୍ ॥ ୩୧ ॥
ଅଥ ମହାଲକ୍ଷ୍ମୀସହସ୍ରନାମସ୍ତୋତ୍ରମ୍ ଅଥଵା କମଲାସହସ୍ରନାମସ୍ତୋତ୍ରମ୍ ।
ଶ୍ରୀଃ ପଦ୍ମା ପ୍ରକୃତିଃ ସତ୍ତ୍ଵା ଶାନ୍ତା ଚିଚ୍ଛକ୍ତିରଵ୍ୟୟା ।
କେଵଲା ନିଷ୍କଲା ଶୁଦ୍ଧା ଵ୍ୟାପିନୀ ଵ୍ୟୋମଵିଗ୍ରହା ॥ ୧ ॥
ଵ୍ୟୋମପଦ୍ମକୃତାଧାରା ପରା ଵ୍ୟୋମାମୃତୋଦ୍ଭଵା ।
ନିର୍ଵ୍ୟୋମା ଵ୍ୟୋମମଧ୍ୟସ୍ଥା ପଞ୍ଚଵ୍ୟୋମପଦାଶ୍ରିତା ॥ ୨ ॥
ଅଚ୍ୟୁତା ଵ୍ୟୋମନିଲୟା ପରମାନନ୍ଦରୂପିଣୀ ।
ନିତ୍ୟଶୁଦ୍ଧା ନିତ୍ୟତୃପ୍ତା ନିର୍ଵିକାରା ନିରୀକ୍ଷଣା ॥ ୩ ॥
ଜ୍ଞାନଶକ୍ତିଃ କର୍ତୃଶକ୍ତିର୍ଭୋକ୍ତୃଶକ୍ତିଃ ଶିଖାଵହା ।
ସ୍ନେହାଭାସା ନିରାନନ୍ଦା ଵିଭୂତିର୍ଵିମଲାଚଲା ॥ ୪ ॥
ଅନନ୍ତା ଵୈଷ୍ଣଵୀ ଵ୍ୟକ୍ତା ଵିଶ୍ଵାନନ୍ଦା ଵିକାସିନୀ ।
ଶକ୍ତିର୍ଵିଭିନ୍ନସର୍ଵାର୍ତିଃ ସମୁଦ୍ରପରିତୋଷିଣୀ ॥ ୫ ॥
ମୂର୍ତିଃ ସନାତନୀ ହାର୍ଦୀ ନିସ୍ତରଙ୍ଗା ନିରାମୟା ।
ଜ୍ଞାନଜ୍ଞେୟା ଜ୍ଞାନଗମ୍ୟା ଜ୍ଞାନଜ୍ଞେୟଵିକାସିନୀ ॥ ୬ ॥
ସ୍ଵଚ୍ଛନ୍ଦଶକ୍ତିର୍ଗହନା ନିଷ୍କମ୍ପାର୍ଚିଃ ସୁନିର୍ମଲା ।
ସ୍ଵରୂପା ସର୍ଵଗା ପାରା ବୃଂହିଣୀ ସୁଗୁଣୋର୍ଜିତା ॥ ୭ ॥
ଅକଲଙ୍କା ନିରାଧାରା ନିଃସଂକଲ୍ପା ନିରାଶ୍ରୟା ।
ଅସଂକୀର୍ଣା ସୁଶାନ୍ତା ଚ ଶାଶ୍ଵତୀ ଭାସୁରୀ ସ୍ଥିରା ॥ ୮ ॥
ଅନୌପମ୍ୟା ନିର୍ଵିକଲ୍ପା ନିୟନ୍ତ୍ରୀ ୟନ୍ତ୍ରଵାହିନୀ ।
ଅଭେଦ୍ୟା ଭେଦିନୀ ଭିନ୍ନା ଭାରତୀ ଵୈଖରୀ ଖଗା ॥ ୯ ॥
ଅଗ୍ରାହ୍ୟା ଗ୍ରାହିକା ଗୂଢା ଗମ୍ଭୀରା ଵିଶ୍ଵଗୋପିନୀ ।
ଅନିର୍ଦେଶ୍ୟା ପ୍ରତିହତା ନିର୍ବୀଜା ପାଵନୀ ପରା ॥ ୧୦ ॥
ଅପ୍ରତର୍କ୍ୟା ପରିମିତା ଭଵଭ୍ରାନ୍ତିଵିନାଶିନୀ ।
ଏକା ଦ୍ଵିରୂପା ତ୍ରିଵିଧା ଅସଂଖ୍ୟାତା ସୁରେଶ୍ଵରୀ ॥ ୧୧ ॥
ସୁପ୍ରତିଷ୍ଠା ମହାଧାତ୍ରୀ ସ୍ଥିତିର୍ଵୃଦ୍ଧିର୍ଧ୍ରୁଵା ଗତିଃ ।
ଈଶ୍ଵରୀ ମହିମା ଋଦ୍ଧିଃ ପ୍ରମୋଦା ଉଜ୍ଜ୍ଵଲୋଦ୍ୟମା ॥ ୧୨ ॥
ଅକ୍ଷୟା ଵର୍ଦ୍ଧମାନା ଚ ସୁପ୍ରକାଶା ଵିହଙ୍ଗମା ।
ନୀରଜା ଜନନୀ ନିତ୍ୟା ଜୟା ରୋଚିଷ୍ମତୀ ଶୁଭା ॥ ୧୩ ॥
ତପୋନୁଦା ଚ ଜ୍ଵାଲା ଚ ସୁଦୀପ୍ତିଶ୍ଚାଂଶୁମାଲିନୀ ।
ଅପ୍ରମେୟା ତ୍ରିଧା ସୂକ୍ଷ୍ମା ପରା ନିର୍ଵାଣଦାୟିନୀ ॥ ୧୪ ॥
ଅଵଦାତା ସୁଶୁଦ୍ଧା ଚ ଅମୋଘାଖ୍ୟା ପରମ୍ପରା ।
ସଂଧାନକୀ ଶୁଦ୍ଧଵିଦ୍ୟା ସର୍ଵଭୂତମହେଶ୍ଵରୀ ॥ ୧୫ ॥
ଲକ୍ଷ୍ମୀସ୍ତୁଷ୍ଟିର୍ମହାଧୀରା ଶାନ୍ତିରାପୂରଣାନଵା ।
ଅନୁଗ୍ରହା ଶକ୍ତିରାଦ୍ୟା ଜଗଜ୍ଜ୍ୟେଷ୍ଠା ଜଗଦ୍ଵିଧିଃ ॥ ୧୬ ॥
ସତ୍ୟା ପ୍ରହ୍ଵା କ୍ରିୟା ୟୋଗ୍ୟା ଅପର୍ଣା ହ୍ଲାଦିନୀ ଶିଵା ।
ସମ୍ପୂର୍ଣାହ୍ଲାଦିନୀ ଶୁଦ୍ଧା ଜ୍ୟୋତିଷ୍ମତ୍ୟମୃତାଵହା ॥ ୧୭ ॥
ରଜୋଵତ୍ୟର୍କପ୍ରତିଭାଽଽକର୍ଷିଣୀ କର୍ଷିଣୀ ରସା ।
ପରା ଵସୁମତୀ ଦେଵୀ କାନ୍ତିଃ ଶାନ୍ତିର୍ମତିଃ କଲା ॥ ୧୮ ॥
କଲା କଲଙ୍କରହିତା ଵିଶାଲୋଦ୍ଦୀପନୀ ରତିଃ ।
ସମ୍ବୋଧିନୀ ହାରିଣୀ ଚ ପ୍ରଭାଵା ଭଵଭୂତିଦା ॥ ୧୯ ॥
ଅମୃତସ୍ୟନ୍ଦିନୀ ଜୀଵା ଜନନୀ ଖଣ୍ଡିକା ସ୍ଥିରା ।
ଧୂମା କଲାଵତୀ ପୂର୍ଣା ଭାସୁରା ସୁମତୀରସା ॥ ୨୦ ॥
ଶୁଦ୍ଧା ଧ୍ଵନିଃ ସୃତିଃ ସୃଷ୍ଟିର୍ଵିକୃତିଃ କୃଷ୍ଟିରେଵ ଚ ।
ପ୍ରାପଣୀ ପ୍ରାଣଦା ପ୍ରହ୍ଵା ଵିଶ୍ଵା ପାଣ୍ଡୁରଵାସିନୀ ॥ ୨୧ ॥
ଅଵନିର୍ଵଜ୍ରନଲିକା ଚିତ୍ରା ବ୍ରହ୍ମାଣ୍ଡଵାସିନୀ ।
ଅନନ୍ତରୂପାନନ୍ତାତ୍ମାନନ୍ତସ୍ଥାନନ୍ତସମ୍ଭଵା ॥ ୨୨ ॥
ମହାଶକ୍ତିଃ ପ୍ରାଣଶକ୍ତିଃ ପ୍ରାଣଦାତ୍ରୀ ଋତମ୍ଭରା ।
ମହାସମୂହା ନିଖିଲା ଇଚ୍ଛାଧାରା ସୁଖାଵହା ॥ ୨୩ ॥
ପ୍ରତ୍ୟକ୍ଷଲକ୍ଷ୍ମୀର୍ନିଷ୍କମ୍ପା ପ୍ରରୋହାବୁଦ୍ଧିଗୋଚରା ।
ନାନାଦେହା ମହାଵର୍ତା ବହୁଦେହଵିକାସିନୀ ॥ ୨୪ ॥
ସହସ୍ରାଣୀ ପ୍ରଧାନା ଚ ନ୍ୟାୟଵସ୍ତୁପ୍ରକାଶିକା ।
ସର୍ଵାଭିଲାଷପୂର୍ଣେଚ୍ଛା ସର୍ଵା ସର୍ଵାର୍ଥଭାଷିଣୀ ॥ ୨୫ ॥
ନାନାସ୍ଵରୂପଚିଦ୍ଧାତ୍ରୀ ଶବ୍ଦପୂର୍ଵା ପୁରାତନୀ ।
ଵ୍ୟକ୍ତାଵ୍ୟକ୍ତା ଜୀଵକେଶା ସର୍ଵେଚ୍ଛାପରିପୂରିତା ॥ ୨୬ ॥
ସଂକଲ୍ପସିଦ୍ଧା ସାଂଖ୍ୟେୟା ତତ୍ତ୍ଵଗର୍ଭା ଧରାଵହା ।
ଭୂତରୂପା ଚିତ୍ସ୍ଵରୂପା ତ୍ରିଗୁଣା ଗୁଣଗର୍ଵିତା ॥ ୨୭ ॥
ପ୍ରଜାପତୀଶ୍ଵରୀ ରୌଦ୍ରୀ ସର୍ଵାଧାରା ସୁଖାଵହା ।
କଲ୍ୟାଣଵାହିକା କଲ୍ୟା କଲିକଲ୍ମଷନାଶିନୀ ॥ ୨୮ ॥
ନୀରୂପୋଦ୍ଭିନ୍ନସଂତାନା ସୁୟନ୍ତ୍ରା ତ୍ରିଗୁଣାଲୟା ।
ମହାମାୟା ୟୋଗମାୟା ମହାୟୋଗେଶ୍ଵରୀ ପ୍ରିୟା ॥ ୨୯ ॥
ମହାସ୍ତ୍ରୀ ଵିମଲା କୀର୍ତିର୍ଜୟା ଲକ୍ଷ୍ମୀର୍ନିରଞ୍ଜନା ।
ପ୍ରକୃତିର୍ଭଗଵନ୍ମାୟା ଶକ୍ତିର୍ନିଦ୍ରା ୟଶସ୍କରୀ ॥ ୩୦ ॥
ଚିନ୍ତା ବୁଦ୍ଧିର୍ୟଶଃ ପ୍ରଜ୍ଞା ଶାନ୍ତିଃ ସୁପ୍ରୀତିଵର୍ଦ୍ଧିନୀ ।
ପ୍ରଦ୍ୟୁମ୍ନମାତା ସାଧ୍ଵୀ ଚ ସୁଖସୌଭାଗ୍ୟସିଦ୍ଧିଦା ॥ ୩୧ ॥
କାଷ୍ଠା ନିଷ୍ଠା ପ୍ରତିଷ୍ଠା ଚ ଜ୍ୟେଷ୍ଠା ଶ୍ରେଷ୍ଠା ଜୟାଵହା ।
ସର୍ଵାତିଶାୟିନୀ ପ୍ରୀତିର୍ଵିଶ୍ଵଶକ୍ତିର୍ମହାବଲା ॥ ୩୨ ॥
ଵରିଷ୍ଠା ଵିଜୟା ଵୀରା ଜୟନ୍ତୀ ଵିଜୟପ୍ରଦା ।
ହୃଦ୍ଗୃହା ଗୋପିନୀ ଗୁହ୍ୟା ଗଣଗନ୍ଧର୍ଵସେଵିତା ॥ ୩୩ ॥
ୟୋଗୀଶ୍ଵରୀ ୟୋଗମାୟା ୟୋଗିନୀ ୟୋଗସିଦ୍ଧିଦା ।
ମହାୟୋଗେଶ୍ଵରଵୃତା ୟୋଗା ୟୋଗେଶ୍ଵରପ୍ରିୟା ॥ ୩୪ ॥
ବ୍ରହ୍ମେନ୍ଦ୍ରରୁଦ୍ରନମିତା ସୁରାସୁରଵରପ୍ରଦା ।
ତ୍ରିଵର୍ତ୍ମଗା ତ୍ରିଲୋକସ୍ଥା ତ୍ରିଵିକ୍ରମପଦୋଦ୍ଭଵା ॥ ୩୫ ॥
ସୁତାରା ତାରିଣୀ ତାରା ଦୁର୍ଗା ସଂତାରିଣୀ ପରା ।
ସୁତାରିଣୀ ତାରୟନ୍ତୀ ଭୂରିତାରେଶ୍ଵରପ୍ରଭା ॥ ୩୬ ॥
ଗୁହ୍ୟଵିଦ୍ୟା ୟଜ୍ଞଵିଦ୍ୟା ମହାଵିଦ୍ୟା ସୁଶୋଭିତା ।
ଅଧ୍ୟାତ୍ମଵିଦ୍ୟା ଵିଘ୍ନେଶୀ ପଦ୍ମସ୍ଥା ପରମେଷ୍ଠିନୀ ॥ ୩୭ ॥
ଆନ୍ଵୀକ୍ଷିକୀ ତ୍ରୟୀ ଵାର୍ତା ଦଣ୍ଡନୀତିର୍ନୟାତ୍ମିକା ।
ଗୌରୀ ଵାଗୀଶ୍ଵରୀ ଗୋପ୍ତ୍ରୀ ଗାୟତ୍ରୀ କମଲୋଦ୍ଭଵା ॥ ୩୮ ॥
ଵିଶ୍ଵମ୍ଭରା ଵିଶ୍ଵରୂପା ଵିଶ୍ଵମାତା ଵସୁପ୍ରଦା ।
ସିଦ୍ଧିଃ ସ୍ଵାହା ସ୍ଵଧା ସ୍ଵସ୍ତିଃ ସୁଧା ସର୍ଵାର୍ଥସାଧିନୀ ॥ ୩୯ ॥
ଇଚ୍ଛା ସୃଷ୍ଟିର୍ଦ୍ୟୁତିର୍ଭୂତିଃ କୀର୍ତିଃ ଶ୍ରଦ୍ଧା ଦୟାମତିଃ ।
ଶ୍ରୁତିର୍ମେଧା ଧୃତିର୍ହ୍ରୀଃ ଶ୍ରୀର୍ଵିଦ୍ୟା ଵିବୁଧଵନ୍ଦିତା ॥ ୪୦ ॥
ଅନସୂୟା ଘୃଣା ନୀତିର୍ନିର୍ଵୃତିଃ କାମଧୁକ୍କରା ।
ପ୍ରତିଜ୍ଞା ସଂତତିର୍ଭୂତିର୍ଦ୍ୟୌଃ ପ୍ରଜ୍ଞା ଵିଶ୍ଵମାନିନୀ ॥ ୪୧ ॥
ସ୍ମୃତିର୍ଵାଗ୍ଵିଶ୍ଵଜନନୀ ପଶ୍ୟନ୍ତୀ ମଧ୍ୟମା ସମା ।
ସଂଧ୍ୟା ମେଧା ପ୍ରଭା ଭୀମା ସର୍ଵାକାରା ସରସ୍ଵତୀ ॥ ୪୨ ॥
କାଙ୍କ୍ଷା ମାୟା ମହାମାୟା ମୋହିନୀ ମାଧଵପ୍ରିୟା ।
ସୌମ୍ୟାଭୋଗା ମହାଭୋଗା ଭୋଗିନୀ ଭୋଗଦାୟିନୀ ॥ ୪୩ ॥
ସୁଧୌତକନକପ୍ରଖ୍ୟା ସୁଵର୍ଣକମଲାସନା ।
ହିରଣ୍ୟଗର୍ଭା ସୁଶ୍ରୋଣୀ ହାରିଣୀ ରମଣୀ ରମା ॥ ୪୪ ॥
ଚନ୍ଦ୍ରା ହିରଣ୍ମୟୀ ଜ୍ୟୋତ୍ସ୍ନା ରମ୍ୟା ଶୋଭା ଶୁଭାଵହା ।
ତ୍ରୈଲୋକ୍ୟମଣ୍ଡନା ନାରୀ ନରେଶ୍ଵରଵରାର୍ଚିତା ॥ ୪୫ ॥
ତ୍ରୈଲୋକ୍ୟସୁନ୍ଦରୀ ରାମା ମହାଵିଭଵଵାହିନୀ ।
ପଦ୍ମସ୍ଥା ପଦ୍ମନିଲୟା ପଦ୍ମମାଲାଵିଭୂଷିତା ॥ ୪୬ ॥
ପଦ୍ମୟୁଗ୍ମଧରା କାନ୍ତା ଦିଵ୍ୟାଭରଣଭୂଷିତା ।
ଵିଚିତ୍ରରତ୍ନମୁକୁଟା ଵିଚିତ୍ରାମ୍ବରଭୂଷଣା ॥ ୪୭ ॥
ଵିଚିତ୍ରମାଲ୍ୟଗନ୍ଧାଢ୍ୟା ଵିଚିତ୍ରାୟୁଧଵାହନା ।
ମହାନାରାୟଣୀ ଦେଵୀ ଵୈଷ୍ଣଵୀ ଵୀରଵନ୍ଦିତା ॥ ୪୮ ॥
କାଲସଂକର୍ଷିଣୀ ଘୋରା ତତ୍ତ୍ଵସଂକର୍ଷିଣୀକଲା ।
ଜଗତ୍ସମ୍ପୂରଣୀ ଵିଶ୍ଵା ମହାଵିଭଵଭୂଷଣା ॥ ୪୯ ॥
ଵାରୁଣୀ ଵରଦା ଵ୍ୟାଖ୍ୟା ଘଣ୍ଟାକର୍ଣଵିରାଜିତା ।
ନୃସିଂହୀ ଭୈରଵୀ ବ୍ରାହ୍ମୀ ଭାସ୍କରୀ ଵ୍ୟୋମଚାରିଣୀ ॥ ୫୦ ॥
ଐନ୍ଦ୍ରୀ କାମଧେନୁଃ ସୃଷ୍ଟିଃ କାମୟୋନିର୍ମହାପ୍ରଭା ।
ଦୃଷ୍ଟା କାମ୍ୟା ଵିଶ୍ଵଶକ୍ତିର୍ବୀଜଗତ୍ୟାତ୍ମଦର୍ଶନା ॥ ୫୧ ॥
ଗରୁଡାରୂଢହୃଦୟା ଚାନ୍ଦ୍ରୀ ଶ୍ରୀର୍ମଧୁରାନନା ।
ମହୋଗ୍ରରୂପା ଵାରାହୀ ନାରସିଂହୀ ହତାସୁରା ॥ ୫୨ ॥
ୟୁଗାନ୍ତହୁତଭୁଗ୍ଜ୍ଵାଲା କରାଲା ପିଙ୍ଗଲାକଲା ।
ତ୍ରୈଲୋକ୍ୟଭୂଷଣା ଭୀମା ଶ୍ୟାମା ତ୍ରୈଲୋକ୍ୟମୋହିନୀ ॥ ୫୩ ॥
ମହୋତ୍କଟା ମହାରକ୍ତା ମହାଚଣ୍ଡା ମହାସନା ।
ଶଙ୍ଖିନୀ ଲେଖିନୀ ସ୍ଵସ୍ଥା ଲିଖିତା ଖେଚରେଶ୍ଵରୀ ॥ ୫୪ ॥
ଭଦ୍ରକାଲୀ ଚୈକଵୀରା କୌମାରୀ ଭଵମାଲିନୀ ।
କଲ୍ୟାଣୀ କାମଧୁଗ୍ଜ୍ଵାଲାମୁଖୀ ଚୋତ୍ପଲମାଲିକା ॥ ୫୫ ॥
ବାଲିକା ଧନଦା ସୂର୍ୟା ହୃଦୟୋତ୍ପଲମାଲିକା ।
ଅଜିତା ଵର୍ଷିଣୀ ରୀତିର୍ଭରୁଣ୍ଡା ଗରୁଡାସନା ॥ ୫୬ ॥
ଵୈଶ୍ଵାନରୀ ମହାମାୟା ମହାକାଲୀ ଵିଭୀଷଣା ।
ମହାମନ୍ଦାରଵିଭଵା ଶିଵାନନ୍ଦା ରତିପ୍ରିୟା ॥ ୫୭ ॥
ଉଦ୍ରୀତିଃ ପଦ୍ମମାଲା ଚ ଧର୍ମଵେଗା ଵିଭାଵନୀ ।
ସତ୍କ୍ରିୟା ଦେଵସେନା ଚ ହିରଣ୍ୟରଜତାଶ୍ରୟା ॥ ୫୮ ॥
ସହସାଵର୍ତମାନା ଚ ହସ୍ତିନାଦପ୍ରବୋଧିନୀ ।
ହିରଣ୍ୟପଦ୍ମଵର୍ଣା ଚ ହରିଭଦ୍ରା ସୁଦୁର୍ଦ୍ଧରା ॥ ୫୯ ॥
ସୂର୍ୟା ହିରଣ୍ୟପ୍ରକଟସଦୃଶୀ ହେମମାଲିନୀ ।
ପଦ୍ମାନନା ନିତ୍ୟପୁଷ୍ଟା ଦେଵମାତା ମୃତୋଦ୍ଭଵା ॥ ୬୦ ॥
ମହାଧନା ଚ ୟା ଶୃଙ୍ଗୀ କର୍ଦ୍ଦମୀ କମ୍ବୁକନ୍ଧରା ।
ଆଦିତ୍ୟଵର୍ଣା ଚନ୍ଦ୍ରାଭା ଗନ୍ଧଦ୍ଵାରା ଦୁରାସଦା ॥ ୬୧ ॥
ଵରାଚିତା ଵରାରୋହା ଵରେଣ୍ୟା ଵିଷ୍ଣୁଵଲ୍ଲଭା ।
କଲ୍ୟାଣୀ ଵରଦା ଵାମା ଵାମେଶୀ ଵିନ୍ଧ୍ୟଵାସିନୀ ॥ ୬୨ ॥
ୟୋଗନିଦ୍ରା ୟୋଗରତା ଦେଵକୀ କାମରୂପିଣୀ ।
କଂସଵିଦ୍ରାଵିଣୀ ଦୁର୍ଗା କୌମାରୀ କୌଶିକୀ କ୍ଷମା ॥ ୬୩ ॥
କାତ୍ୟାୟନୀ କାଲରାତ୍ରିର୍ନିଶିତୃପ୍ତା ସୁଦୁର୍ଜୟା ।
ଵିରୂପାକ୍ଷୀ ଵିଶାଲାକ୍ଷୀ ଭକ୍ତାନାଂପରିରକ୍ଷିଣୀ ॥ ୬୪ ॥
ବହୁରୂପା ସ୍ଵରୂପା ଚ ଵିରୂପା ରୂପଵର୍ଜିତା ।
ଘଣ୍ଟାନିନାଦବହୁଲା ଜୀମୂତଧ୍ଵନିନିଃସ୍ଵନା ॥ ୬୫ ॥
ମହାଦେଵେନ୍ଦ୍ରମଥିନୀ ଭ୍ରୁକୁଟୀକୁଟିଲାନନା ।
ସତ୍ୟୋପୟାଚିତା ଚୈକା କୌବେରୀ ବ୍ରହ୍ମଚାରିଣୀ ॥ ୬୬ ॥
ଆର୍ୟା ୟଶୋଦା ସୁତଦା ଧର୍ମକାମାର୍ଥମୋକ୍ଷଦା ।
ଦାରିଦ୍ର୍ୟଦୁଃଖଶମନୀ ଘୋରଦୁର୍ଗାର୍ତିନାଶିନୀ ॥ ୬୭ ॥
ଭକ୍ତାର୍ତିଶମନୀ ଭଵ୍ୟା ଭଵଭର୍ଗାପହାରିଣୀ ।
କ୍ଷୀରାବ୍ଧିତନୟା ପଦ୍ମା କମଲା ଧରଣୀଧରା ॥ ୬୮ ॥
ରୁକ୍ମିଣୀ ରୋହିଣୀ ସୀତା ସତ୍ୟଭାମା ୟଶସ୍ଵିନୀ ।
ପ୍ରଜ୍ଞାଧାରାମିତପ୍ରଜ୍ଞା ଵେଦମାତା ୟଶୋଵତୀ ॥ ୬୯ ॥
ସମାଧିର୍ଭାଵନା ମୈତ୍ରୀ କରୁଣା ଭକ୍ତଵତ୍ସଲା ।
ଅନ୍ତର୍ଵେଦୀ ଦକ୍ଷିଣା ଚ ବ୍ରହ୍ମଚର୍ୟପରାଗତିଃ ॥ ୭୦ ॥
ଦୀକ୍ଷା ଵୀକ୍ଷା ପରୀକ୍ଷା ଚ ସମୀକ୍ଷା ଵୀରଵତ୍ସଲା ।
ଅମ୍ବିକା ସୁରଭିଃ ସିଦ୍ଧା ସିଦ୍ଧଵିଦ୍ୟାଧରାର୍ଚିତା ॥ ୭୧ ॥
ସୁଦୀକ୍ଷା ଲେଲିହାନା ଚ କରାଲା ଵିଶ୍ଵପୂରକା ।
ଵିଶ୍ଵସଂଧାରିଣୀ ଦୀପ୍ତିସ୍ତାପନୀ ତାଣ୍ଡଵପ୍ରିୟା ॥ ୭୨ ॥
ଉଦ୍ଭଵା ଵିରଜା ରାଜ୍ଞୀ ତାପନୀ ବିନ୍ଦୁମାଲିନୀ ।
କ୍ଷୀରଧାରାସୁପ୍ରଭାଵା ଲୋକମାତା ସୁଵର୍ଚସା ॥ ୭୩ ॥
ହଵ୍ୟଗର୍ଭା ଚାଜ୍ୟଗର୍ଭା ଜୁହ୍ଵତୋୟଜ୍ଞସମ୍ଭଵା ।
ଆପ୍ୟାୟନୀ ପାଵନୀ ଚ ଦହନୀ ଦହନାଶ୍ରୟା ॥ ୭୪ ॥
ମାତୃକା ମାଧଵୀ ମୁଖ୍ୟା ମୋକ୍ଷଲକ୍ଷ୍ମୀର୍ମହର୍ଦ୍ଧିଦା ।
ସର୍ଵକାମପ୍ରଦା ଭଦ୍ରା ସୁଭଦ୍ରା ସର୍ଵମଙ୍ଗଲା ॥ ୭୫ ॥
ଶ୍ଵେତା ସୁଶୁକ୍ଲଵସନା ଶୁକ୍ଲମାଲ୍ୟାନୁଲେପନା ।
ହଂସା ହୀନକରୀ ହଂସୀ ହୃଦ୍ୟା ହୃତ୍କମଲାଲୟା ॥ ୭୬ ॥
ସିତାତପତ୍ରା ସୁଶ୍ରୋଣୀ ପଦ୍ମପତ୍ରାୟତେକ୍ଷଣା ।
ସାଵିତ୍ରୀ ସତ୍ୟସଂକଲ୍ପା କାମଦା କାମକାମିନୀ ॥ ୭୭ ॥
ଦର୍ଶନୀୟା ଦୃଶା ଦୃଶ୍ୟା ସ୍ପୃଶ୍ୟା ସେଵ୍ୟା ଵରାଙ୍ଗନା ।
ଭୋଗପ୍ରିୟା ଭୋଗଵତୀ ଭୋଗୀନ୍ଦ୍ରଶୟନାସନା ॥ ୭୮ ॥
ଆର୍ଦ୍ରା ପୁଷ୍କରିଣୀ ପୁଣ୍ୟା ପାଵନୀ ପାପସୂଦନୀ ।
ଶ୍ରୀମତୀ ଚ ଶୁଭାକାରା ପରମୈଶ୍ଵର୍ୟଭୂତିଦା ॥ ୭୯ ॥
ଅଚିନ୍ତ୍ୟାନନ୍ତଵିଭଵା ଭଵଭାଵଵିଭାଵନୀ ।
ନିଶ୍ରେଣିଃ ସର୍ଵଦେହସ୍ଥା ସର୍ଵଭୂତନମସ୍କୃତା ॥ ୮୦ ॥
ବଲା ବଲାଧିକା ଦେଵୀ ଗୌତମୀ ଗୋକୁଲାଲୟା ।
ତୋଷିଣୀ ପୂର୍ଣଚନ୍ଦ୍ରାଭା ଏକାନନ୍ଦା ଶତାନନା ॥ ୮୧ ॥
ଉଦ୍ୟାନନଗରଦ୍ଵାରହର୍ମ୍ୟୋପଵନଵାସିନୀ ।
କୂଷ୍ମାଣ୍ଡା ଦାରୁଣା ଚଣ୍ଡା କିରାତୀ ନନ୍ଦନାଲୟା ॥ ୮୨ ॥
କାଲାୟନା କାଲଗମ୍ୟା ଭୟଦା ଭୟନାଶିନୀ ।
ସୌଦାମନୀ ମେଘରଵା ଦୈତ୍ୟଦାନଵମର୍ଦିନୀ ॥ ୮୩ ॥
ଜଗନ୍ମାତା ଭୟକରୀ ଭୂତଧାତ୍ରୀ ସୁଦୁର୍ଲଭା ।
କାଶ୍ୟପୀ ଶୁଭଦାତା ଚ ଵନମାଲା ଶୁଭାଵରା ॥ ୮୪ ॥
ଧନ୍ୟା ଧନ୍ୟେଶ୍ଵରୀ ଧନ୍ୟା ରତ୍ନଦା ଵସୁଵର୍ଦ୍ଧିନୀ ।
ଗାନ୍ଧର୍ଵୀ ରେଵତୀ ଗଙ୍ଗା ଶକୁନୀ ଵିମଲାନନା ॥ ୮୫ ॥
ଇଡା ଶାନ୍ତିକରୀ ଚୈଵ ତାମସୀ କମଲାଲୟା ।
ଆଜ୍ୟପା ଵଜ୍ରକୌମାରୀ ସୋମପା କୁସୁମାଶ୍ରୟା ॥ ୮୬ ॥
ଜଗତ୍ପ୍ରିୟା ଚ ସରଥା ଦୁର୍ଜୟା ଖଗଵାହନା ।
ମନୋଭଵା କାମଚାରା ସିଦ୍ଧଚାରଣସେଵିତା ॥ ୮୭ ॥
ଵ୍ୟୋମଲକ୍ଷ୍ମୀର୍ମହାଲକ୍ଷ୍ମୀସ୍ତେଜୋଲକ୍ଷ୍ମୀଃ ସୁଜାଜ୍ଵଲା ।
ରସଲକ୍ଷ୍ମୀର୍ଜଗଦ୍ୟୋନିର୍ଗନ୍ଧଲକ୍ଷ୍ମୀର୍ଵନାଶ୍ରୟା ॥ ୮୮ ॥
ଶ୍ରଵଣା ଶ୍ରାଵଣୀ ନେତ୍ରୀ ରସନାପ୍ରାଣଚାରିଣୀ ।
ଵିରିଞ୍ଚିମାତା ଵିଭଵା ଵରଵାରିଜଵାହନା ॥ ୮୯ ॥
ଵୀର୍ୟା ଵୀରେଶ୍ଵରୀ ଵନ୍ଦ୍ୟା ଵିଶୋକା ଵସୁଵର୍ଦ୍ଧିନୀ ।
ଅନାହତା କୁଣ୍ଡଲିନୀ ନଲିନୀ ଵନଵାସିନୀ ॥ ୯୦ ॥
ଗାନ୍ଧାରିଣୀନ୍ଦ୍ରନମିତା ସୁରେନ୍ଦ୍ରନମିତା ସତୀ ।
ସର୍ଵମଙ୍ଗଲ୍ୟମାଙ୍ଗଲ୍ୟା ସର୍ଵକାମସମୃଦ୍ଧିଦା ॥ ୯୧ ॥
ସର୍ଵାନନ୍ଦା ମହାନନ୍ଦା ସତ୍କୀର୍ତିଃ ସିଦ୍ଧସେଵିତା ।
ସିନୀଵାଲୀ କୁହୂ ରାକା ଅମା ଚାନୁମତିର୍ଦ୍ୟୁତିଃ ॥ ୯୨ ॥
ଅରୁନ୍ଧତୀ ଵସୁମତୀ ଭାର୍ଗଵୀ ଵାସ୍ତୁଦେଵତା ।
ମାୟୂରୀ ଵଜ୍ରଵେତାଲୀ ଵଜ୍ରହସ୍ତା ଵରାନନା ॥ ୯୩ ॥
ଅନଘା ଧରଣିର୍ଧୀରା ଧମନୀ ମଣିଭୂଷଣା ।
ରାଜଶ୍ରୀ ରୂପସହିତା ବ୍ରହ୍ମଶ୍ରୀର୍ବ୍ରହ୍ମଵନ୍ଦିତା ॥ ୯୪ ॥
ଜୟଶ୍ରୀର୍ଜୟଦା ଜ୍ଞେୟା ସର୍ଗଶ୍ରୀଃ ସ୍ଵର୍ଗତିଃ ସତାମ୍ ।
ସୁପୁଷ୍ପା ପୁଷ୍ପନିଲୟା ଫଲଶ୍ରୀର୍ନିଷ୍କଲପ୍ରିୟା ॥ ୯୫ ॥
ଧନୁର୍ଲକ୍ଷ୍ମୀସ୍ତ୍ଵମିଲିତା ପରକ୍ରୋଧନିଵାରିଣୀ ।
କଦ୍ରୂର୍ଦ୍ଧନାୟୁଃ କପିଲା ସୁରସା ସୁରମୋହିନୀ ॥ ୯୬ ॥
ମହାଶ୍ଵେତା ମହାନୀଲା ମହାମୂର୍ତିର୍ଵିଷାପହା ।
ସୁପ୍ରଭା ଜ୍ଵାଲିନୀ ଦୀପ୍ତିସ୍ତୃପ୍ତିର୍ଵ୍ୟାପ୍ତିଃ ପ୍ରଭାକରୀ ॥ ୯୭ ॥
ତେଜୋଵତୀ ପଦ୍ମବୋଧା ମଦଲେଖାରୁଣାଵତୀ ।
ରତ୍ନା ରତ୍ନାଵଲୀ ଭୂତା ଶତଧାମା ଶତାପହା ॥ ୯୮ ॥
ତ୍ରିଗୁଣା ଘୋଷିଣୀ ରକ୍ଷ୍ୟା ନର୍ଦ୍ଦିନୀ ଘୋଷଵର୍ଜିତା ।
ସାଧ୍ୟା ଦିତିର୍ଦିତିଦେଵୀ ମୃଗଵାହା ମୃଗାଙ୍କଗା ॥ ୯୯ ॥
ଚିତ୍ରନୀଲୋତ୍ପଲଗତା ଵୃଷରତ୍ନକରାଶ୍ରୟା ।
ହିରଣ୍ୟରଜତଦ୍ଵନ୍ଦ୍ଵା ଶଙ୍ଖଭଦ୍ରାସନାସ୍ଥିତା ॥ ୧୦୦ ॥
ଗୋମୂତ୍ରଗୋମୟକ୍ଷୀରଦଧିସର୍ପିର୍ଜଲାଶ୍ରୟା ।
ମରୀଚିଶ୍ଚୀରଵସନା ପୂର୍ଣା ଚନ୍ଦ୍ରାର୍କଵିଷ୍ଟରା ॥ ୧୦୧ ॥
ସୁସୂକ୍ଷ୍ମା ନିର୍ଵୃତିଃ ସ୍ଥୂଲା ନିଵୃତ୍ତାରାତିରେଵ ଚ ।
ମରୀଚିଜ୍ଵାଲିନୀ ଧୂମ୍ରା ହଵ୍ୟଵାହା ହିରଣ୍ୟଦା ॥ ୧୦୨ ॥
ଦାୟିନୀ କାଲିନୀ ସିଦ୍ଧିଃ ଶୋଷିଣୀ ସମ୍ପ୍ରବୋଧିନୀ ।
ଭାସ୍ଵରା ସଂହତିସ୍ତୀକ୍ଷ୍ଣା ପ୍ରଚଣ୍ଡଜ୍ଵଲନୋଜ୍ଜ୍ଵଲା ॥ ୧୦୩ ॥
ସାଙ୍ଗା ପ୍ରଚଣ୍ଡା ଦୀପ୍ତା ଚ ଵୈଦ୍ୟୁତିଃ ସୁମହାଦ୍ୟୁତିଃ ।
କପିଲା ନୀଲରକ୍ତା ଚ ସୁଷୁମ୍ଣା ଵିସ୍ଫୁଲିଙ୍ଗିନୀ ॥ ୧୦୪ ॥
ଅର୍ଚିଷ୍ମତୀ ରିପୁହରା ଦୀର୍ଘା ଧୂମାଵଲୀ ଜରା ।
ସମ୍ପୂର୍ଣମଣ୍ଡଲା ପୂଷା ସ୍ରଂସିନୀ ସୁମନୋହରା ॥ ୧୦୫ ॥
ଜୟା ପୁଷ୍ଟିକରୀଚ୍ଛାୟା ମାନସା ହୃଦୟୋଜ୍ଜ୍ଵଲା ।
ସୁଵର୍ଣକରଣୀ ଶ୍ରେଷ୍ଠା ମୃତସଂଜୀଵିନୀରଣେ ॥ ୧୦୬ ॥
ଵିଶଲ୍ୟକରଣୀ ଶୁଭ୍ରା ସଂଧିନୀ ପରମୌଷଧିଃ ।
ବ୍ରହ୍ମିଷ୍ଠା ବ୍ରହ୍ମସହିତା ଐନ୍ଦଵୀ ରତ୍ନସମ୍ଭଵା ॥ ୧୦୭ ॥
ଵିଦ୍ୟୁତ୍ପ୍ରଭା ବିନ୍ଦୁମତୀ ତ୍ରିସ୍ଵଭାଵଗୁଣାମ୍ବିକା ।
ନିତ୍ୟୋଦିତା ନିତ୍ୟହୃଷ୍ଟା ନିତ୍ୟକାମକରୀଷିଣୀ ॥ ୧୦୮ ॥
ପଦ୍ମାଙ୍କା ଵଜ୍ରଚିହ୍ନା ଚ ଵକ୍ରଦଣ୍ଡଵିଭାସିନୀ ।
ଵିଦେହପୂଜିତା କନ୍ୟା ମାୟା ଵିଜୟଵାହିନୀ ॥ ୧୦୯ ॥
ମାନିନୀ ମଙ୍ଗଲା ମାନ୍ୟା ମାଲିନୀ ମାନଦାୟିନୀ ।
ଵିଶ୍ଵେଶ୍ଵରୀ ଗଣଵତୀ ମଣ୍ଡଲା ମଣ୍ଡଲେଶ୍ଵରୀ ॥ ୧୧୦ ॥
ହରିପ୍ରିୟା ଭୌମସୁତା ମନୋଜ୍ଞା ମତିଦାୟିନୀ ।
ପ୍ରତ୍ୟଙ୍ଗିରା ସୋମଗୁପ୍ତା ମନୋଽଭିଜ୍ଞା ଵଦନ୍ମତିଃ ॥ ୧୧୧ ॥
ୟଶୋଧରା ରତ୍ନମାଲା କୃଷ୍ଣା ତ୍ରୈଲୋକ୍ୟବନ୍ଧନୀ ।
ଅମୃତା ଧାରିଣୀ ହର୍ଷା ଵିନତା ଵଲ୍ଲକୀ ଶଚୀ ॥ ୧୧୨ ॥
ସଂକଲ୍ପା ଭାମିନୀ ମିଶ୍ରା କାଦମ୍ବର୍ୟମୃତପ୍ରଭା ।
ଅଗତା ନିର୍ଗତା ଵଜ୍ରା ସୁହିତା ସଂହିତାକ୍ଷତା ॥ ୧୧୩ ॥
ସର୍ଵାର୍ଥସାଧନକରୀ ଧାତୁର୍ଧାରଣିକାମଲା ।
କରୁଣାଧାରସମ୍ଭୂତା କମଲାକ୍ଷୀ ଶଶିପ୍ରିୟା ॥ ୧୧୪ ॥
ସୌମ୍ୟରୂପା ମହାଦୀପ୍ତା ମହାଜ୍ଵାଲା ଵିକାଶିନୀ ।
ମାଲା କାଞ୍ଚନମାଲା ଚ ସଦ୍ଵଜ୍ରା କନକପ୍ରଭା ॥ ୧୧୫ ॥
ପ୍ରକ୍ରିୟା ପରମା ୟୋକ୍ତ୍ରୀ କ୍ଷୋଭିକା ଚ ସୁଖୋଦୟା ।
ଵିଜୃମ୍ଭଣା ଚ ଵଜ୍ରାଖ୍ୟା ଶୃଙ୍ଖଲା କମଲେକ୍ଷଣା ॥ ୧୧୬ ॥
ଜୟଂକରୀ ମଧୁମତୀ ହରିତା ଶଶିନୀ ଶିଵା ।
ମୂଲପ୍ରକୃତିରୀଶାନୀ ୟୋଗମାତା ମନୋଜଵା ॥ ୧୧୭ ॥
ଧର୍ମୋଦୟା ଭାନୁମତୀ ସର୍ଵାଭାସା ସୁଖାଵହା ।
ଧୁରନ୍ଧରା ଚ ବାଲା ଚ ଧର୍ମସେଵ୍ୟା ତଥାଗତା ॥ ୧୧୮ ॥
ସୁକୁମାରା ସୌମ୍ୟମୁଖୀ ସୌମ୍ୟସମ୍ବୋଧନୋତ୍ତମା ।
ସୁମୁଖୀ ସର୍ଵତୋଭଦ୍ରା ଗୁହ୍ୟଶକ୍ତିର୍ଗୁହାଲୟା ॥ ୧୧୯ ॥
ହଲାୟୁଧା ଚୈକଵୀରା ସର୍ଵଶସ୍ତ୍ରସୁଧାରିଣୀ ।
ଵ୍ୟୋମଶକ୍ତିର୍ମହାଦେହା ଵ୍ୟୋମଗା ମଧୁମନ୍ମୟୀ ॥ ୧୨୦ ॥
ଗଙ୍ଗା ଵିତସ୍ତା ୟମୁନା ଚନ୍ଦ୍ରଭାଗା ସରସ୍ଵତୀ ।
ତିଲୋତ୍ତମୋର୍ଵଶୀ ରମ୍ଭା ସ୍ଵାମିନୀ ସୁରସୁନ୍ଦରୀ ॥ ୧୨୧ ॥
ବାଣପ୍ରହରଣାଵାଲା ବିମ୍ବୋଷ୍ଠୀ ଚାରୁହାସିନୀ ।
କକୁଦ୍ମିନୀ ଚାରୁପୃଷ୍ଠା ଦୃଷ୍ଟାଦୃଷ୍ଟଫଲପ୍ରଦା ॥ ୧୨୨ ॥
କାମ୍ୟାଚରୀ ଚ କାମ୍ୟା ଚ କାମାଚାରଵିହାରିଣୀ ।
ହିମଶୈଲେନ୍ଦ୍ରସଂକାଶା ଗଜେନ୍ଦ୍ରଵରଵାହନା ॥ ୧୨୩ ॥
ଅଶେଷସୁଖସୌଭାଗ୍ୟସମ୍ପଦା ୟୋନିରୁତ୍ତମା ।
ସର୍ଵୋତ୍କୃଷ୍ଟା ସର୍ଵମୟୀ ସର୍ଵା ସର୍ଵେଶ୍ଵରପ୍ରିୟା ॥ ୧୨୪ ॥
ସର୍ଵାଙ୍ଗୟୋନିଃ ସାଵ୍ୟକ୍ତା ସମ୍ପ୍ରଧାନେଶ୍ଵରେଶ୍ଵରୀ ।
ଵିଷ୍ଣୁଵକ୍ଷଃସ୍ଥଲଗତା କିମତଃ ପରମୁଚ୍ୟତେ ॥ ୧୨୫ ॥
ପରା ନିର୍ମହିମା ଦେଵୀ ହରିଵକ୍ଷଃସ୍ଥଲାଶ୍ରୟା ।
ସା ଦେଵୀ ପାପହନ୍ତ୍ରୀ ଚ ସାନ୍ନିଧ୍ୟଂ କୁରୁତାନ୍ମମ ॥ ୧୨୬ ॥
ଇତି ନାମ୍ନାଂ ସହସ୍ରଂ ତୁ ଲକ୍ଷ୍ମ୍ୟାଃ ପ୍ରୋକ୍ତଂ ଶୁଭାଵହମ୍ ।
ପରାଵରେଣ ଭେଦେନ ମୁଖ୍ୟଗୌଣେନ ଭାଗତଃ ॥ ୧୨୭ ॥
ୟଶ୍ଚୈତତ୍ କୀର୍ତୟେନ୍ନିତ୍ୟଂ ଶୃଣୁୟାଦ୍ ଵାପି ପଦ୍ମଜ ।
ଶୁଚିଃ ସମାହିତୋ ଭୂତ୍ଵା ଭକ୍ତିଶ୍ରଦ୍ଧାସମନ୍ଵିତଃ ॥ ୧୨୮ ॥
ଶ୍ରୀନିଵାସଂ ସମଭ୍ୟର୍ଚ୍ୟ ପୁଷ୍ପଧୂପାନୁଲେପନୈଃ ।
ଭୋଗୈଶ୍ଚ ମଧୁପର୍କାଦ୍ୟୈର୍ୟଥାଶକ୍ତି ଜଗଦ୍ଗୁରୁମ୍ ॥ ୧୨୯ ॥
ତତ୍ପାର୍ଶ୍ଵସ୍ଥାଂ ଶ୍ରିୟଂ ଦେଵୀଂ ସମ୍ପୂଜ୍ୟ ଶ୍ରୀଧରପ୍ରିୟାମ୍ ।
ତତୋ ନାମସହସ୍ରୋଣ ତୋଷୟେତ୍ ପରମେଶ୍ଵରୀମ୍ ॥ ୧୩୦ ॥
ନାମରତ୍ନାଵଲୀସ୍ତୋତ୍ରମିଦଂ ୟଃ ସତତଂ ପଠେତ୍ ।
ପ୍ରସାଦାଭିମୁଖୀଲକ୍ଷ୍ମୀଃ ସର୍ଵଂ ତସ୍ମୈ ପ୍ରୟଚ୍ଛତି ॥ ୧୩୧ ॥
ୟସ୍ୟା ଲକ୍ଷ୍ମ୍ୟାଶ୍ଚ ସମ୍ଭୂତାଃ ଶକ୍ତୟୋ ଵିଶ୍ଵଗାଃ ସଦା ।
କାରଣତ୍ଵେ ନ ତିଷ୍ଠନ୍ତି ଜଗତ୍ୟସ୍ମିଂଶ୍ଚରାଚରେ ॥ ୧୩୨ ॥
ତସ୍ମାତ୍ ପ୍ରୀତା ଜଗନ୍ମାତା ଶ୍ରୀର୍ୟସ୍ୟାଚ୍ୟୁତଵଲ୍ଲଭା ।
ସୁପ୍ରୀତାଃ ଶକ୍ତୟସ୍ତସ୍ୟ ସିଦ୍ଧିମିଷ୍ଟାଂ ଦିଶନ୍ତି ହି ॥ ୧୩୩ ॥
ଏକ ଏଵ ଜଗତ୍ସ୍ଵାମୀ ଶକ୍ତିମାନଚ୍ୟୁତଃ ପ୍ରଭୁଃ ।
ତଦଂଶଶକ୍ତିମନ୍ତୋଽନ୍ୟେ ବ୍ରହ୍ମେଶାନାଦୟୋ ୟଥା ॥ ୧୩୪ ॥
ତଥୈଵୈକା ପରା ଶକ୍ତିଃ ଶ୍ରୀସ୍ତସ୍ୟ କରୁଣାଶ୍ରୟା ।
ଜ୍ଞାନାଦିଷାଙ୍ଗୁଣ୍ୟମୟୀ ୟା ପ୍ରୋକ୍ତା ପ୍ରକୃତିଃ ପରା ॥ ୧୩୫ ॥
ଏକୈଵ ଶକ୍ତିଃ ଶ୍ରୀସ୍ତସ୍ୟା ଦ୍ଵିତୀୟାତ୍ମନି ଵର୍ତତେ ।
ପରା ପରେଶୀ ସର୍ଵେଶୀ ସର୍ଵାକାରା ସନାତନୀ ॥ ୧୩୬ ॥
ଅନନ୍ତନାମଧେୟା ଚ ଶକ୍ତିଚକ୍ରସ୍ୟ ନାୟିକା ।
ଜଗଚ୍ଚରାଚରମିଦଂ ସର୍ଵଂ ଵ୍ୟାପ୍ୟ ଵ୍ୟଵସ୍ଥିତା ॥ ୧୩୭ ॥
ତସ୍ମାଦେକୈଵ ପରମା ଶ୍ରୀର୍ଜ୍ଞେୟା ଵିଶ୍ଵରୂପିଣୀ ।
ସୌମ୍ୟା ସୌମ୍ୟେନ ରୂପେଣ ସଂସ୍ଥିତା ନଟଜୀଵଵତ୍ ॥ ୧୩୮ ॥
ୟୋ ୟୋ ଜଗତି ପୁମ୍ଭାଵଃ ସ ଵିଷ୍ଣୁରିତି ନିଶ୍ଚୟଃ ।
ୟା ୟା ତୁ ନାରୀଭାଵସ୍ଥା ତତ୍ର ଲକ୍ଷ୍ମୀର୍ଵ୍ୟଵସ୍ଥିତା ॥ ୧୩୯ ॥
ପ୍ରକୃତେଃ ପୁରୁଷାଚ୍ଚାନ୍ୟସ୍ତୃତୀୟୋ ନୈଵ ଵିଦ୍ୟତେ ।
ଅଥ କିଂ ବହୁନୋକ୍ତେନ ନରନାରୀମୟୋ ହରିଃ ॥ ୧୪୦ ॥
ଅନେକଭେଦଭିନ୍ନସ୍ତୁ କ୍ରିୟତେ ପରମେଶ୍ଵରଃ ।
ମହାଵିଭୂତିଂ ଦୟିତାଂ ୟେ ସ୍ତୁଵନ୍ତ୍ୟଚ୍ୟୁତପ୍ରିୟାମ୍ ॥ ୧୪୧ ॥
ତେ ପ୍ରାପ୍ନୁଵନ୍ତି ପରମାଂ ଲକ୍ଷ୍ମୀଂ ସଂଶୁଦ୍ଧଚେତସଃ ।
ପଦ୍ମୟୋନିରିଦଂ ପ୍ରାପ୍ୟ ପଠନ୍ ସ୍ତୋତ୍ରମିଦଂ କ୍ରମାତ୍ ॥ ୧୪୨ ॥
ଦିଵ୍ୟମଷ୍ଟଗୁଣୈଶ୍ଵର୍ୟଂ ତତ୍ପ୍ରସାଦାଚ୍ଚ ଲବ୍ଧଵାନ୍ ।
ସକାମାନାଂ ଚ ଫଲଦାମକାମାନାଂ ଚ ମୋକ୍ଷଦାମ୍ ॥ ୧୪୩ ॥
ପୁସ୍ତକାଖ୍ୟାଂ ଭୟତ୍ରାତ୍ରୀଂ ସିତଵସ୍ତ୍ରାଂ ତ୍ରିଲୋଚନାମ୍ ।
ମହାପଦ୍ମନିଷଣ୍ଣାଂ ତାଂ ଲକ୍ଷ୍ମୀମଜରତାଂ ନମଃ ॥ ୧୪୪ ॥
କରୟୁଗଲଗୃହୀତଂ ପୂର୍ଣକୁମ୍ଭଂ ଦଧାନା
କ୍ଵଚିଦମଲଗତସ୍ଥା ଶଙ୍ଖପଦ୍ମାକ୍ଷପାଣିଃ ।
କ୍ଵଚିଦପି ଦୟିତାଙ୍ଗେ ଚାମରଵ୍ୟଗ୍ରହସ୍ତା
କ୍ଵଚିଦପି ସୃଣିପାଶଂ ବିଭ୍ରତୀ ହେମକାନ୍ତିଃ ॥ ୧୪୫ ॥
॥ ଇତ୍ୟାଦିପଦ୍ମପୁରାଣେ କାଶ୍ମୀରଵର୍ଣନେ ହିରଣ୍ୟଗର୍ଭହୃଦୟେ
ସର୍ଵକାମପ୍ରଦାୟକଂ ପୁରୁଷୋତ୍ତମପ୍ରୋକ୍ତଂ
ଶ୍ରୀଲକ୍ଷ୍ମୀସହସ୍ରନାମସ୍ତୋତ୍ରଂ ସମାପ୍ତମ୍ ॥
Also Read 1000 Names of Sree Maha Lakshmi:
1000 Names of Shri Mahalaxmi | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil