Templesinindiainfo

Best Spiritual Website

1000 Names of Shri Lalita | Sahasranama Stotram Lyrics in Bengali

Sri Lalitha Sahasranamastotram Lyrics in Bengali:

॥ শ্রীললিতাসহস্রনামস্তোত্রম্ শিবকৃতম্ ॥

শ্রীমহাদেব উবাচ –
হরনেত্রসমুদ্ভূতঃ স বহ্নির্ন মহেশ্বরম্ ।
পুনর্গন্তুং শশাকাথ কদাচিদপি নারদ ॥ ১ ॥

বভূব বডবারূপস্তাপয়ামাস মেদিনীম্ ।
ততো ব্রহ্মা সমাগত্য বডবারূপিণং চ তম্ ॥ ২ ॥

নীত্বা সমুদ্রং সম্প্রার্থ্যং তত্তোয়েঽস্থাপয়ন্মুনে ।
য়য়ুর্দেবা নিজং স্থানং কামশোকেন মোহিতাঃ ॥ ৩ ॥

সমাশ্বস্য রতিং স্বামী পুনস্তে জীবিতো ভবেত্ ॥ ৪ ॥

শ্রথ প্রাহ মহাদেবং পার্বতী রুচিরাননা ।
ত্রিজগজ্জননী স্মিত্বা নির্জনে তত্র কাননে ॥ ৫ ॥

শ্রীদেব্যুবাচ –
মামাদ্যাং প্রকৃতিং দেব লব্ধুং পত্নীং মহত্ত্তপঃ ।
চিরং করোষি তত্কস্মাত্কামোঽয়ং নাশিতস্ত্বয়া ॥ ৬ ॥

কামে বিনষ্টে পত্ন্যাঃ কিং বিদ্যতে তে প্রয়োজনম্ ।
য়োগিনামেষ ধর্মো বৈ য়ত্কামস্য বিনাশনম্ ॥ ৭ ॥

ইতি শ্রুত্বা বচস্তস্যাঃ শঙ্করশ্চকিতস্তদা ।
সন্ধ্যায়ন্ জ্ঞাতবানাদ্যাং প্রকৃতিং পর্বতাত্মজাম্ ॥ ৮ ॥

ততো নিমীল্য নেত্রাণি প্রহর্ষপুলকান্বিতঃ ।
নিরীক্ষ্য পার্বতীং প্রাহ সর্বলোকৈকসুন্দরীম্ ॥ ৯ ॥

জানে ত্বাং প্রকৃতিং পূর্ণামাবির্ভূতাং স্বলীলয়া ।
ত্বামেব লব্ধুং ধ্যানস্থশ্চিরং তিষ্ঠামি কাননে ॥ ১০ ॥

অদ্যাহং কৃতকৃত্যোঽস্মি য়ত্ত্বাং সাক্ষাত্পরাত্পরাম্ ।
পুরঃ পশ্যামি চার্বঙ্গীং সতীমিব মম প্রিয়াম্ ॥ ১১ ॥

শ্রীদেব্যুবাচ –
তব ভাবেন তুষ্টাঽহং সম্ভূয় হিমবদ্বৃহে ।
ত্বামেব চ পতিং লব্ধুং সমায়াতা তবান্তিকম্ ॥ ১২ ॥

য়ো মাং য়াদৃশভাবেন সম্প্রার্থয়তি ভক্তিতঃ ।
তস্য তেনৈব ভাবেন পূরয়ামি মনোরথান্ ॥ ১৩ ॥

অহং সৈব সতী শম্ভো দক্ষস্য চ মহাধ্বরে ।
বিহায় ত্বাং গতা কালী ভীমা ত্রিলোক্যমোহিনী ॥ ১৪ ॥

শিব উবাচ –
য়দি মে প্রাণতুল্যাসি সতী ত্বং চারুলোচনা ।
তদা য়থা মহামেঘপ্রভা সা ভীমরূপিণী ॥ ১৫ ॥

বভূব দক্ষয়জ্ঞস্য বিনাশায় দিগম্বরী ।
কালী তথা স্বরূপেণ চাত্মানং দর্শয়স্ব মাম্ ॥ ১৬ ॥

ইত্যুক্তা সা হিমসুতা শম্ভুনা মুনিসত্তমম্ ।
বভূব পূর্ববত্কালী স্নিগ্ধাঞ্জনচয়প্রভা ॥ ১৭ ॥

দিগম্বরী ক্ষরদ্রক্তা ভীমায়তবিলোচনা ।
পীনোন্নতকুচদ্বন্দ্বচারুশোভিতবক্ষসা ॥ ১৮ ॥

গলদাপাদসংলম্বিকেশপুঞ্জভয়ানকা ।
ললজ্জিহ্বা জ্বলদ্দন্তনখরৈরুপশোভিতা ॥ ১৯ ॥

উদ্যত্চ্ছশাঙ্কনিচয়ৈর্মেঘপঙ্ক্তিরিবাম্বরে ।
আজানুলম্বিমুণ্ডালিমালয়াঽতিবিশালয়া ॥ ২০ ॥

রাজমানা মহামেঘপঙক্তিশ্চঞ্চলয়া য়থা ।
ভুজৈশ্চতুর্ভির্ভূয়োচ্চৈঃ শোভমানা মহাপ্রভা ॥ ২১ ॥

বিচিত্ররত্নবিভ্রাজন্মুকুটোজ্বলমস্তকা ।
তাং বিলোক্য মহাদেবঃ প্রাহ গদ্গদয়া গিরা ॥ ২২ ॥

রোমাঞ্চিততনুর্ভক্ত্যা প্রহৃষ্টাত্মা মহামুনে ।
চিরং ত্বদ্বিরহেনেদং নির্দগ্ধং হদয়ং মম ॥ ২৩ ॥

ত্বমন্তর্যামিনী শক্তির্হৃদয়স্থা মহেশ্বরী ।
আরাধ্য ত্বত্পদাম্ভোজং ধৃত্বা হৃদয়পঙ্কজে ॥ ২৪ ॥

ত্বদ্বিচ্ছেদসমুত্তপ্তং হৃত্করোমি সুশীতলম্ ॥ ২৫ ॥

ইত্যুক্ত্বা স মহাদেবো য়োগং পরমমাস্থিতঃ ।
শয়িতস্তত্পদাম্ভোজং দধার হৃদয়ে তদা ॥ ২৬ ॥

ধ্যানানন্দেন নিষ্পন্দশবরূপধরঃ স্থিতঃ ।
ব্যাধূর্ণমাননেত্রস্তাং দদর্শ পরমাদরঃ ॥ ২৭ ॥

অংশতঃ গুরতঃ স্থিত্বা পঞ্চবক্ত্রঃ কৃতাঞ্জলিঃ ।
সহস্রনামভিঃ কালীং তুষ্টাব পরমেশ্বরীম্ ॥ ২৮ ॥

শিব উবাচ –
অনাদ্যা পরমা বিদ্যা প্রধানা প্রকৃতিঃ পরা ।
প্রধানপুরুষারাধ্যা প্রধানপুরুষেশ্বরী ॥ ২৯ ॥

প্রাণাত্মিকা প্রাণশক্তিঃ সর্বপ্রাণহিতৈষিণী ।
উমা চোত্তমকেশিন্যুত্তমা চোন্মত্তভৈরবী ॥ ৩০ ॥

উর্বশী চোন্নতা চোগ্রা মহোগ্রা চোন্নতস্তনী ।
উগ্রচণ্ডোগ্রনয়না মহোগ্রা দৈত্যনাশিনী ॥ ৩১ ॥

উগ্রপ্রভাবতী চোগ্রবেগাঽনুগ্রাঽপ্রমর্দিনী ।
উগ্রতারোগ্রনয়না চোর্ধ্বস্থাননিবাসিনী ॥ ৩২ ॥

উন্মত্তনয়নাঽত্যুগ্রদন্তোত্তুঙ্গস্থলালয়া ।
উল্লাসিন্যুল্লাসচিত্তা চোত্ফল্লনয়নোজ্জলা ॥ ৩৩ ॥

উত্ফুল্লকমলারূঢা কমলা কামিনী কলা ।
কালী করালবদনা কামিনী মুখকামিনী ॥ ৩৪ ॥

কোমলাঙ্গী কৃশাঙ্গী চ কৈটভাসুরমর্দিনী ।
কালিন্দী কমলস্থা চ কান্তা কাননবাসিনী ॥ ৩৫ ॥

কুলীনা নিষ্কলা কৃষ্ণা কালরাত্রিস্বরূপিণী ।
কুমারী কামরূপা চ কামিনী কৃষ্ণপিঙ্গলা ॥ ৩৬ ॥

কপিলা শান্তিদা শুদ্ধা শঙ্করার্ধশরীরিণী ।
কৌমারী কার্ত্তিকী দুর্গা কৌশিকী কুণ্ডলোজ্জবলা ॥ ৩৭ ॥

কুলেশ্বরী কুলশ্রেষ্ঠা কুণ্ডলোজ্জ্বলমস্তকা ।
ভবানী ভাবিনী বাণী শিবা চ শিবমোহিনী ॥ ৩৮ ॥

শিবপ্রিয়া শিবারাধ্যা শিবপ্রাণৈকবল্লভা ।
শিবপত্নী শিবস্তুত্যা শিবানন্দপ্রদায়িনী ॥ ৩৯ ॥

নিত্যানন্দময়ী নিত্যা সচ্চিদানন্দবিগ্রহা ।
ত্রৈলোক্যজননী শম্ভুহৃদয়স্থা সনাতনী ॥ ৪০ ॥

সদয়া নির্দয়া মায়া শিবা ত্রৈলোক্যমোহিনী ।
ব্রহ্মাদিত্রিদশারাধ্যা সর্বাভীষ্টপ্রদায়িনী ॥ ৪১ ॥

ব্রহ্মাণী ব্রহ্ম গায়ত্রী সাবিত্রী ব্রহ্মসংস্তুতা ।
ব্রহ্মোপাস্যা ব্রহ্মশক্তির্ব্রহ্মসৃষ্টিবিধায়িনী ॥ ৪২ ॥

কমণ্ডলুকরা সষ্টিকর্ত্রী ব্রহ্মস্বরূপিণী ।
চতুর্ভুজাত্মিকা য়জ্ঞসূত্ররূপা দৃঢব্রতা ॥ ৪৩ ॥

হংসারূঢা চতুর্বক্ত্রা চতুর্বেদাভিসংস্থুতা ।
বৈষ্ণবী পালনকারী মহালক্ষ্মীর্হরিপ্রিয়া ॥ ৪৪ ॥

শঙ্খচক্রধরা বিষ্ণুশক্তির্বিষ্ণুস্বরূপিণী ।
বিষ্ণুপ্রিয়া বিষ্ণুমায়া বিষ্ণুপ্রাণৈকবল্লভা ॥ ৪৫ ॥

য়োগনিদ্রাঽক্ষরা বিষ্ণুমোহিনী বিষ্ণুসংস্তুতা ।
বিষ্ণুসম্মোহনকরী ত্রৈলোক্যপরিপালিনী ॥ ৪৬ ॥

শঙ্খিনী চক্রিণী পদ্মা পদ্মিনী মুসলায়ুধা ।
পদ্মালয়া পদ্মহস্তা পদ্মমালাদিভূষিতা ॥ ৪৭ ॥

গরুডস্থা চারুরূপা সম্পদ্রূপা সরস্বতী ।
বিষ্ণুপার্শ্বস্থিতা বিষ্ণুপরমাঽঽহ্লাদদায়িনী ॥ ৪৮ ॥

সম্পত্তিঃ সম্পদাধারা সর্বসম্পত্প্রদায়িনী ।
শ্রীর্বিদ্যা সুখদা সৌখ্যদায়িনী দুঃখনাশিনী ॥ ৪৯ ॥

দুঃখহন্ত্রী সুখকরী সুখাসীনা সুখপ্রদা ।
সুখপ্রসন্নবদনা নারায়ণমনোরমা ॥ ৫০।
নারায়ণী জগদ্ধাত্রী নারায়ণবিমোহিনী ।
নারায়ণশরীরস্থা বনমালাবিভূষিতা ॥ ৫১ ॥

দৈত্যঘ্নী পীতবসনা সর্বদৈত্যপ্রমর্দিনী ।
বারাহী নারসিংহী চ রামচন্দ্রস্বরূপিণী ॥ ৫২ ॥

রক্ষোঘ্নী কাননাবাসা চাহল্যাশাপমোচিনী ।
সেতুবন্ধকরী সর্বরক্ষঃকুলবিনাশিনী ॥ ৫৩ ॥

সীতা পতিব্রতা সাধ্বী রামপ্রাণৈকবল্লভা ।
অশোককাননাবাসা লঙ্কেশ্বরবিনাশিনী ॥ ৫৪ ॥

নীতিঃ সুনীতিঃ সুকৃতি কীর্তির্মেধা বসুন্ধরা ।
দিব্যমাল্যধরা দিব্যা দিব্যগন্ধানুলেপনা ॥ ৫৫ ॥

দিব্যবস্ত্রপরীধানা দিব্যস্থাননিবাসিনী ।
মাহেশ্বরী প্রেতসংস্থা প্রেতভূমিনিবাসিনী ॥ ৫৬ ॥

নির্জনস্থা শ্মশানস্থা ভৈরবী ভীমলোচনা ।
সুঘোরনয়না ঘোরা ঘোররূপা ঘনপ্রভা ॥ ৫৭ ॥

ঘনস্তনী বরা শ্যামা প্রেতভূমিকৃতালয়া ।
খট্বাঙ্গধারিণী দ্বীপিচর্মাম্বরসুশোভনা ॥ ৫৮ ॥

মহাকালী চণ্ডবক্ত্রা চণ্ডমুণ্ডবিনাশিনী ।
উদ্যানকাননাবাসা পুষ্পোদ্যানবনপ্রিয়া ॥ ৫৯ ॥

বলিপ্রিয়া মাংসভক্ষ্যা রুধিরাসবভক্ষিণী ।
ভীমরাবা সাট্টহাসা রণনৃত্যপরায়ণা ॥ ৬০ ॥

অসুরা সৃক্প্রিয়া তুষ্টা দৈত্যদানবমর্দিনী ।
দৈত্যবিদ্রাবিণী দৈত্যমথনী দৈত্যসূদনী ॥ ৬১ ॥

দেত্যঘ্নী দৈত্যহন্ত্রী চ মহিষাসুরমর্দিনী ।
রক্তবীজনিহন্ত্রী চ শুম্ভাসুরবিনাশিনী ॥ ৬২ ॥

নিশুম্ভহন্ত্রী ধূম্রাক্ষমর্দিনী দুর্গহারিণী ।
দুর্গাসুরনিহন্ত্রী চ শিবদূতী মহাবলা ॥ ৬৩ ॥

মহাবলবতী চিত্রবস্ত্রা রক্তাম্বরাঽমলা ।
বিভলা ললিতা চারুহাসা চারুস্ত্রিলোচনা ॥ ৬৪ ॥

অজেয়া জয়দা জ্যেষ্ঠা জয়শীলাঽপরাজিতা ।
বিজয়া জাহ্নবী দুষ্টজৃম্ভিণী জয়দায়িনী ॥ ৬৫ ॥

জগদ্রক্ষাকরী সর্বজগচ্চৈতন্যকারিণী ।
জয়া জয়ন্তী জননী জনভক্ষণতত্পরা ॥ ৬৬ ॥

জলরূপা জলস্থা চ জপ্যা জাপকবত্সলা ।
জাজ্বল্যমানা য়জ্ঞাশা জন্মনাশবির্বজিতা ॥ ৬৭ ॥

জরাতীতা জগন্মাতা জগদ্রূপা জগন্ময়ী ।
জঙ্গমা জ্বালিনী জৃম্ভা স্তম্ভিনী দুষ্টতাপিনী ॥ ৬৮ ॥

ত্রিপুরঘ্নী ত্রিনয়না মহাত্রিপুরতাপিনী ।
তৃষ্ণা জাতিঃ পিপাসা চ বুভুক্ষা ত্রিপুরা প্রভা ॥ ৬৯ ॥

ত্বরিতা ত্রিপুটা ত্র্যক্ষা তন্বী তাপবিবীর্জেতা ।
ত্রিলোকেশী তীব্রবেগা তীব্রা তিব্রবলাঽলয়া ॥ ৭০ ॥

নিঃশঙ্কা নির্মলাভা চ নিরাতঙ্কাঽমলপ্রভা ।
বিনীতা বিনয়াভিজ্ঞা বিশেষজ্ঞা বিলক্ষণা ॥ ৭১ ॥

বরদা বল্লভা বিদ্যুত্প্রভা বিনয়শালিনী ।
বিম্বোষ্ঠী বিধুবক্ত্রা চ বিবস্ত্রা বিনয়প্রভা ॥ ৭২ ॥

বিশ্বেশপত্নী বিশ্বাত্মা বিশ্বরূপা বলোত্কটা ।
বিশ্বেশী বিশ্ববনিতা বিশ্বমাতা বিচক্ষণা ॥ ৭৩ ॥

বিদুষী বিশ্ববিদিতা বিশ্বমোহনকারিণী ।
বিশ্বমূর্তির্বিশ্বধরা বিশ্বেশপরিপালিনী ॥ ৭৪ ॥

বিশ্বকর্ত্রী বিশ্বহর্ত্রী বিশ্বপালনতত্পরা ।
বিশ্বেশহৃদয়াবাসা বিশ্বেশ্বরমনোরমা ॥ ৭৫ ॥

বিশ্বহা বিশ্বনিলয়া বিশ্বমায়া বিভূতিদা ।
বিশ্বা বিশ্বোপকারা চ বিশ্বপ্রাণাত্মিকাপি চ ॥ ৭৬ ॥

বিশ্বপ্রিয়া বিশ্বময়ী বিশ্বদুষ্টবিনাশিনী ।
দাক্ষায়ণী দক্ষকন্যা দক্ষয়জ্ঞবিনাশিনী ॥ ৭৭ ॥

বিশ্বম্ভরী বসুমতী বসুধা বিশ্বপাবনী ।
সর্বাতিশায়িনী সর্বদুঃখদারিদ্র্যহারিণী ॥ ৭৮ ॥

মহাবিভূতিরব্যক্তা শাশ্বতী সর্বসিদ্ধিদা ।
অচিন্ত্যাঽচিন্ত্যরূপা চ কেবলা পরমাত্মিকা ॥ ৭৯ ॥

সর্বজ্ঞা সর্ববিষয়া সর্বোপরিপরায়ণা ।
সর্বস্যার্তিহরা সর্বমঙ্গলা মঙ্গলপ্রদা ॥ ৮০ ॥

মঙ্গলার্হা মহাদেবী সর্বমঙ্গলদায়িকা ।
সর্বান্তরস্থা সর্বার্থরূপিণী চ নিরঞ্জনা ॥ ৮১ ॥

চিচ্ছক্তিশ্চিন্ময়ী সর্ববিদ্যা সর্ববিধায়িনী ।
শান্তিঃ শান্তিকরী সৌম্যা সর্বা সর্বপ্রদায়িনী ॥ ৮২ ॥

শান্তিঃ ক্ষমা ক্ষেমকরী ক্ষেত্রজ্ঞা ক্ষেত্রবাসিনী ।
ক্ষণাত্মিকা ক্ষীণতনুঃ ক্ষীণাঙ্গী ক্ষীণমধ্যমা ॥ ৮৩ ॥

ক্ষিপ্রগা ক্ষেমদা ক্ষিপ্তা ক্ষণদা ক্ষণবাসিনী ।
বৃত্তির্নিবৃত্তির্ভূতানাং প্রবৃত্তির্বৃত্তলোচনা ॥ ৮৪ ॥

ব্যোমমূর্তির্ব্যোমসংস্থা ব্যোমালয়কৃতাশ্রয়া ।
চন্দ্রাননা চন্দ্রকান্তিশ্চন্দ্রার্ধাঙ্কিতমস্তকা । ৮৫ ॥

চন্দ্রপ্রভা চন্দ্রকলা শরচ্চন্দ্রনিভাননা ।
চন্দ্রাত্মিকা চন্দ্রমুখী চন্দ্রশেখরবল্লভা ॥ ৮৬ ॥

চন্দ্রশেখরবক্ষঃস্থা চন্দ্রলোকীনেবাসিনী ।
চন্দ্রশেখরশৈলস্থা চঞ্চলা চঞ্চলেক্ষণা ॥ ৮৭ ॥

ছিন্নমস্তা ছাগমাংসপ্রিয়া ছাগবলিপ্রিয়া ।
জ্যোত্স্না জ্যোতির্ময়ী সর্বজ্যায়সী জীবনাত্মিকা ॥ ৮৮ ॥

সর্বকার্যনিয়ন্ত্রী চ সর্বভূতহিতৈষিণী ।
গুণাতীতা গুণময়ী ত্রিগুণা গুণশালিনী ॥ ৮৯ ॥

গুণৈকনিলয়া গৌরী গুহ্যা গোপকুলোদ্ভবা ।
গরীয়সী গুরুরতা গুহ্যস্থাননিবাসিনী ॥ ৯০ ॥

গুণজ্ঞা নির্গুণা সর্বগুণার্হা গুহয়কাঽম্বিকা ।
গলজ্জটা গলত্কেশা গলদ্রুধিরচর্চিতা ॥ ৯১ ॥

গজেন্দ্রগমনা গন্ত্রী গীতনৃত্যপরায়ণা ।
গমনস্থা গয়াধ্যক্ষা গণেশজননী তথা ॥ ৯২ ॥

গানপ্রিয়া গানরতা গৃহস্থা গৃহিণী পরা ।
গজসংস্থা গজারূঢা গ্রসন্তী গরুডাসনা ॥ ৯৩ ॥

য়োগস্থা য়োগিনীগম্যা য়োগচিন্তাপরায়ণা ।
য়োগিধ্যেয়া য়োগিবন্দ্যা য়োগলভ্যা য়ুগাত্মিকা ॥ ৯৪ ॥

য়োগিজ্ঞেয়া য়োগয়ুক্তা মহায়োগেশ্বরেশ্বরী ।
য়োগানুরক্তা য়ুগদা য়ুগান্তজলদপ্রভা ॥ ৯৫ ॥

য়ুগানুকারিণী য়জ্ঞরূপা সূর্যসমপ্রভা ।
য়ুগান্তানিলবেগা চ সর্বয়জ্ঞফলপ্রদা ॥ ৯৬ ॥

সংসারয়োনিঃ সংসারব্যাপিনী সফলাস্পদা ।
সংসারতরুনিঃসেব্যা সংসারার্ণবতারিণী ॥ ৯৭ ॥

সর্বার্থসাধিকা সর্বা সংসারব্যাপিনী তথা ।
সংসারবন্ধকর্ত্রী চ সংসারপরিবর্জিতা ॥ ৯৮ ॥

দুর্নিরীক্ষ্যা সুদুষ্প্রাপ্যা ভূতির্ভূতিমতীত্যপি ।
অত্যন্তবিভবাঽরূপা মহাবিভবরূপিণী ॥ ৯৯ ॥

শব্দব্রহ্মস্বরূপা চ শব্দয়োনিঃ পরাত্পরা ।
ভূতিদা ভূতিমাতা চ ভূতিস্তন্দ্রী বিভূতিদা ॥ ১০০ ॥

ভূতান্তরস্থা কূটস্থা ভূতনাথপ্রিয়াঙ্গনা ।
ভূতমাতা ভূতনাথা ভূতালয়নিবাসিনী ॥ ১০১ ॥

ভূতনৃত্যপ্রিয়া ভূতসঙ্গিনী ভূতলাশ্রয়া ।
জন্মমৃত্যুজরাতীতা মহাপুরুষসঙ্গতা ॥ ১০২ ॥

ভুজগা তামসী ব্যক্তা তমোগুণবতী তথা ।
ত্রিতত্ত্বা তত্ত্বরূপা চ তত্ত্বজ্ঞা তত্ত্বকপ্রিয়া ॥ ১০৩ ॥

ত্র্যম্বকা ত্র্যম্বকরতা শুক্লা ত্র্যম্বকরূপিণী ।
ত্রিকালজ্ঞা জন্মহীনা রক্তাঙ্গী জ্ঞানরূপিণী ॥ ১০৪ ॥

অকার্যা কার্যজননী ব্রহ্মাখ্যা ব্রহ্মসংস্থিতা ।
বৈরাগ্যয়ুক্তা বিজ্ঞানগম্যা ধর্মস্বরূপিণী ॥ ১০৫ ॥

সর্বধর্মবিধানজ্ঞা ধর্মিষ্ঠা ধর্মতত্পরা ।
ধর্মিষ্ঠপালনকরী ধর্মশাস্ত্রপরায়ণা ॥ ১০৬ ॥

ধর্মাধর্মবিহীনা চ ধর্মজন্যফলপ্রদা ।
ধর্মিণী ধর্মনিরতা ধর্মিণামিষ্টদায়িনী ॥ ১০৭ ॥

ধন্যা ধীর্ধারণা ধীরা ধন্বনী ধনদায়িনী ।
ধনুষ্মতী ধরাসংস্থা ধরণী স্থিতিকারিণী ॥ ১০৮ ॥

সর্বয়োনির্বিশ্বয়োনিরপাংয়োনিরয়োনিজা ।
রুদ্রাণী রুদ্রবনিতা রুদ্রৈকাদশরূপিণী ॥ ১০৯ ॥

রুদ্রাক্ষমালিনী রৌদ্রী ভুক্তিমুক্তিফলপ্রদা ।
ব্রহ্মোপেন্দ্রপ্রবন্দ্যা চ নিত্যং মুদিতমানসা ॥ ১১০ ॥

ইন্দ্রাণী বাসবী চৈন্দ্রী বিচিত্রৈরাবতস্থিতা ।
সহস্রনেত্রা দিব্যাঙ্গী দিব্যকেশবিলাসিনী ॥ ১১১ ॥

দিব্যাঙ্গনা দিব্যনেত্রা দিব্যচন্দনচর্চিতা ।
দিব্যালঙ্করণা দিব্যশ্বেতচামরবীজিতা ॥ ১১২ ॥

দিব্যহারা দিব্যপদা দিব্যনূপুরশোভিতা ।
কেয়ূরশোভিতা হৃষ্টা হৃষ্টচিত্তপ্রহর্ষিণী ॥ ১১৩ ॥

সম্প্রহৃষ্টমনা হর্ষপ্রসন্নবদনা তথা ।
দেবেন্দ্রবন্দ্যপাদাব্জা দেবেন্দ্রপরিপূজিতা ॥ ১১৪ ॥

রজসা রক্তনয়না রক্তপুষ্পপ্রিয়া সদা ।
রক্তাঙ্গী রক্তনেত্রা চ রক্তোত্পলবিলোচনা ॥ ১১৫ ॥

রক্তাভা রক্তবস্ত্রা চ রক্তচন্দনচর্চিতা ।
রক্তেক্ষণা রক্তভক্ষ্যা রক্তমত্তোরগাশ্রয়া ॥ ১১৬ ॥

রক্তদন্তা রক্তজিহ্বা রক্তভক্ষণতত্পরা ।
রক্তপ্রিয়া রক্ততৃষ্টা রক্তপানসুতত্পরা ॥ ১১৭ ॥

বন্ধূকুসুমাভা চ রক্তমাল্যানুলেপনা ।
স্ফুরদ্রক্তাঞ্চিততনুঃ স্ফুরত্সূর্যশতপ্রভা ॥ ১১৮ ॥

স্ফুরন্নেত্রা পিঙ্গজটা পিঙ্গলা পিঙ্গলেক্ষণা ।
বগলা পীতবস্ত্রা চ পীতপুষ্পপ্রিয়া সদা ॥ ১১৯ ॥

পীতাম্বরা পিবদ্রক্তা পীতপুষ্পোপশোভিতা ।
শত্রুঘ্নী শত্রুসম্মোহজননী শত্রুতাপিনী ॥ ১২০ ॥

শত্রুপ্রমর্দিনী শত্রুবাক্যস্তম্ভনকারিণী ।
উচ্চাটনকরী সর্বদুষ্টোত্সারণকারিণী ॥ ১২১ ॥

শত্রুবিদ্রাবিণী শত্রুসম্মোহনকরী তথা ।
বিপক্ষমর্দনকরী শত্রুপক্ষক্ষয়ঙ্করী ॥ ১২২ ॥

সর্বদুষ্টঘাতিনী চ সর্বদুষ্টবিনাশিনী ।
দ্বিভুজা শূলহস্তা চ ত্রিশূলবরধারিণী ॥ ১২৩ ॥

দুষ্টসন্তাপজননী দুষ্টক্ষোভপ্রবর্ধিনী ।
দুষ্টানাং ক্ষোভসম্বদ্ধা ভক্তক্ষোভনিবারিণী ॥ ১২৪ ॥

দুষ্টসন্তাপিনী দুষ্টসন্তাপপরিমর্দিনী ।
সন্তাপরহিতা ভক্তসন্তাপপরিনাশিনী ॥ ১২৫ ॥

অদ্বৈতা দ্বৈতরহিতা নিষ্কলা ব্রহ্মরূপিণী ।
ত্রিদশেশী ত্রিলোকেশী সর্বেশী জগদীশ্বরী ॥ ১২৬ ॥

ব্রহ্মেশসেবিতপদা সর্ববন্দ্যপদাম্বুজা ।
অচিন্ত্যরূপচরিতা চাচিন্ত্যবলবিক্রমা ॥ ১২৭ ॥

সর্বাচিন্ত্যপ্রভাবা চ স্বপ্রভাবপ্রদর্শিনী ।
অচিন্ত্যমহিমাঽচিন্ত্যরূপা সৌন্দর্যশালিনী ॥ ১২৮ ॥

অচিন্ত্যবেশশোভা চ লোকাচিন্ত্যগুণান্বিতা ।
অচিন্ত্যশক্তির্দুশ্চিন্ত্যপ্রভাবা চিন্ত্যরূপিণী ॥ ১২৯ ॥

য়োগীচিন্ত্যা মহাচিন্তানাশিনী চেতনাত্মিকা ।
গিরিজা দক্ষজা বিশ্বজনয়িত্রী জগত্প্রসূঃ ॥ ১৩০ ॥

সন্নম্যাঽপ্রণতা সর্বপ্রণতার্তিহরী তথা ।
প্রণতৈশ্বর্যদা সর্বপ্রণতাশুভনাশিনী ॥ ১৩১ ॥

প্রণতাপন্নাশকরী প্রণতাশুভমোচনী ।
সিদ্ধেশ্বরী সিদ্ধসেব্যা সিদ্ধচারণসেবিতা ॥ ১৩২ ॥

সিদ্ধিপ্রদা সিদ্ধিকরী সর্বসিদ্ধগণেশ্বরী ।
অষ্টসিদ্ধিপ্রদা সিদ্ধগণসেব্যপদাম্বুজা ॥ ১৩৩ ॥

কাত্যায়নী স্বধা স্বাহা বষড্ বৌষট্স্বরূপিণী ।
পিতৃণাং তৃপ্তিজননী কব্যরুপা সুরেশ্বরী ॥ ১৩৪ ॥

হব্যভোক্ত্রী হব্যতুষ্টা পিতৃরূপাঽসিতপ্রিয়া ।
কৃষ্পপক্ষপ্রপূজ্যা চ প্রেতপক্ষসমর্চিতা ॥ ১৩৫ ॥

অষ্টহস্তা দশভুজা চাষ্টাদশভুজান্বিতা ।
চতুর্দশভুজাঽসঙ্খ্যভুজবল্লীবিরাজিতা ॥ ১৩৬ ॥

সিংহপৃষ্ঠসমারূঢা সহস্রভূজরাজিতা ।
ভুবনেশী চান্নপূর্ণা মহাত্রিপুরসুন্দরী ॥ ১৩৭ ॥

ত্রিপুরা সুন্দরী সৌম্যমুখী সুন্দরলোচনা ।
সুন্দরাস্যা শুভ্রদংষ্ট্রা সুভ্রূঃ পর্বতনন্দিনী ॥ ১৩৮ ॥

নীলোত্পলদলশ্যামা স্মেরোত্ফুল্লমুখাম্বুজা ।
সত্যসন্ধা পদ্মবক্ত্রা ভ্রূকুটীকুটিলাননা ॥ ১৩৯ ॥

বিদ্যাধরী বরারোহা মহাসন্ধ্যাস্বরুপিণী ।
অরুন্ধতী হিরণ্যাক্ষী সুধূম্রাক্ষী শুভেক্ষণা ॥ ১৪০ ॥

শ্রুতিঃ স্মৃতিঃ কৃতির্যোগমায়া পুণ্যা পুরাতনী ।
বাগ্দেবতা বেদবিদ্যা ব্রহ্মবিদ্যাস্বরূপিণী ॥ ১৪১ ॥

বেদশক্তির্বেদমাতা বেদাদ্যা পরমা গতিঃ ।
আন্বীক্ষিকী তর্কবিদ্যা য়োগশাস্ত্রপ্রকাশিনী ॥ ১৪২ ॥

ধূমাবতী বিয়ন্মূর্তির্বিদ্যুন্মালা বিলাসিনী ।
মহাব্রতা সদানন্দনন্দিনী নগনন্দিনী ॥ ১৪৩ ॥

সুনন্দা য়মুনা চণ্ডী রুদ্রচণ্ডী প্রভাবতী ।
পারিজাতবনাবাসা পারিজাতবনপ্রিয়া ॥ ১৪৪ ॥

সুপুষ্পগন্ধসন্তুষ্টা দিব্যপুষ্পোপশোভিতা ।
পুষ্পকাননসদ্বাসা পুষ্পমালাবিলাসিনী ॥ ১৪৫ ॥

পুষ্পমাল্যধরা পুষ্পগুচ্ছালঙ্কৃতদেহিকা ।
প্রতপ্তকাঞ্চনাভাসা শুদ্ধকাঞ্চনমণ্ডিতা ॥ ১৪৬ ॥

সুবর্ণকুণ্ডলবতী স্বর্ণপুষ্পপ্রিয়া সদা ।
নর্মদা সিন্ধুনিলয়া সমুদ্রতনয়া তথা ॥ ১৪৭ ॥

ষোডশী ষোডশভুজা মহাভুজঙ্গমণ্ডিতা ।
পাতালবাসিনী নাগী নাগেন্দ্রকৃতভূষণা ॥ ১৪৮ ॥

নাগিনী নাগকন্যা চ নাগমাতা নগালয়া ।
দুর্গাঽঽপত্তারিণী দুর্গদুষ্টগ্রহনিবারিণী ॥ ১৪৯ ॥

অভয়াঽঽপন্নিহন্ত্রী চ সর্বাপত্পরিনাশিনী ।
ব্রহ্মণ্যা শ্রুতিশাস্ত্রজ্ঞা জগতাং কারণাত্মিকা ॥ ১৫০ ॥

নিষ্কারণা জন্মহীনা মৃত্যুঞ্জয়মনোরমা ।
মৃত্যুঞ্জয়হৃদাবাসা মূলাধারনিবাসিনী । ১৫১ ॥

ষট্চক্রসংস্থা মহতী মহোত্সববিলাসিনী ।
রোহিণী সুন্দরমুখী সর্ববিদ্যাবিশারদা ॥ ১৫২ ॥

সদসদ্বস্তুরূপা চ নিষ্কামা কামপীডিতা ।
কামাতুরা কামমত্তা কামমানসসত্তনুঃ ॥ ১৫৩ ॥

কামরূপা চ কালিন্দী কচালম্বিতবিগ্রহা ।
অতসীকুসুমাভাসা সিংহপৃষ্ঠনিষেদুষী ॥ ১৫৪ ॥

য়ুবতী য়ৌবনোদ্রিক্তা য়ৌবনোদ্রিক্তমানসা ।
অদিতির্দেবজননী ত্রিদশার্তিবিনাশিনী ॥ ১৫৫ ॥

দক্ষিণাঽপূর্ববসনা পূর্বকালবিবর্জিতা ।
অশোকা শোকরহিতা সর্বশোকনিবারিণী ॥ ১৫৬ ॥

অশোককুসুমাভাসা শোকদুঃখক্ষয়ঙ্করী ।
সর্বয়োষিত্স্বরূপা চ সর্বপ্রাণিমনোরমা ॥ ১৫৭ ॥

মহাশ্চর্যা মদাশ্চর্যা মহামোহস্বরূপিণী ।
মহামোক্ষকরী মোহকারিণী মোহদায়িনী ॥ ১৫৮ ॥

অশোচ্যা পূর্ণকামা চ পূর্ণা পূর্ণমনোরথা ।
পূর্ণাভিলষিতা পূর্ণনিশানাথসমাননা ॥ ১৫৯ ॥

দ্বাদশার্কস্বরূপা চ সহস্রার্কসমপ্রভা ।
তেজস্বিনী সিদ্ধমাতা চন্দ্রা নয়নরক্ষণা ॥ ১৬০ ॥

অপরাঽপারমাহাত্ম্যা নিত্যবিজ্ঞানশালিনী ।
বিবস্বতী হব্যবাহা জাতবেদঃস্বরূপিণী ॥ ১৬১ ॥

স্বৈরিণী স্বেচ্ছবিহরা নির্বীজা বীজরূপিণী ।
অনন্তবর্ণাঽনন্তাখ্যাঽনন্তসংস্থা মহোদরী ॥ ১৬২ ॥

দুষ্টভূতাপহন্ত্রী চ সদ্ধৃত্তপরিপালিকা ।
কপালিনী পানমত্তা মত্তবারণগামিনী ॥ ১৬৩ ॥

বিন্ধ্যস্থা বিন্ধ্যনিলয়া বিন্ধ্যপর্বতবাসিনী ।
বন্ধুপ্রিয়া জগদ্বন্ধুঃ পবিত্রা সপবিত্রিণী ॥ ১৬৪ ॥

পরামৃতাঽমৃতকলা চাপমৃত্যুবিনাশিনী ।
মহারজতসঙ্কাশা রজতাদ্রিনিবাসিনী ॥ ১৬৫ ॥

কাশীবিলাসিনী কাশীক্ষেত্ররক্ষণতত্পরা ।
য়োনিরূপা য়োনিপীঠস্থিতা য়োনিস্বরূপিণী ॥ ১৬৬ ॥

কামোল্লসিতচার্বঙ্গী কটাক্ষক্ষেপমোহিনী ।
কটাক্ষক্ষেপনিরতা কল্পবৃক্ষস্বরূপিণী ॥ ১৬৭ ॥

পাশাঙ্কুশধরা শক্তির্ধারিণী খেটকায়ুধা ।
বাণায়ুধাঽমোঘশস্ত্রা দিব্যশস্ত্রাঽস্রবর্ষিণী ॥ ১৬৮ ॥

মহাস্ত্রজালবিক্ষেপবিপক্ষক্ষয়কারিণী ।
ঘণ্টিনী পাশিনী পাশহস্তা পাশাঙ্কুশায়ুধা ॥ ১৬৯ ॥

চিত্রসিংহাসনগতা মহাসিংহাসনস্থিতা ।
মন্ত্রাত্মিকা মন্ত্রবীজা মন্ত্রাধিষ্ঠাতৃদেবতা ॥ ১৭০ ॥

সুরূপাঽনেকরূপা চ বিরূপা বহুরূপিণী ।
বিরূপাক্ষপ্রিয়তমা বিরূপাক্ষমনোরমা ॥ ১৭১ ॥

বিরূপাক্ষা কোটরাক্ষী কূটস্থা কূটরূপিণী ।
করালাস্যা বিশালাস্যা ধর্মশাস্রার্থপারাগা ॥ ১৭২ ॥

মূলক্রিয়া মূলরূপা মূলপ্রকৃতিরূপিণী ।
কামাক্ষী কমনীয়া চ কামেশী ভগমঙ্গলা ॥ ১৭৩ ॥

সূভগা ভোগিনী ভোগ্যা ভাগ্যদা সুভগা ভগা ।
শ্বেতাঽরুণা বিন্দুরূপা বেদয়োনির্ধ্বনিক্ষণা ॥ ১৭৪ ॥

অধ্যাত্মবিদ্যা শাস্ত্রার্থকুশলা শৈলনন্দিনী ।
নগাধিরাজপুত্রী চ নগপুত্রী নগোদ্ভবা ॥ ১৭৫ ॥

গিরীন্দ্রবালা গিরিশপ্রাণতুল্যা মনোরমা ।
প্রসন্না চারুবদনা প্রসন্নাস্যা প্রসন্নদা ॥ ১৭৬ ॥

শিবপ্রাণা পতিপ্রাণা পতিসম্মোহকারিণী ।
মৃগাক্ষী চঞ্চলাপাঙ্গী সুদৃষ্টির্হংসগামিনী ॥ ১৭৭ ॥

নিত্যং কুতূহলপরা নিত্যানন্দাঽভিনন্দিতা ।
সত্যবিজ্ঞানরূপা চ তত্ত্বজ্ঞানৈককারিণী ॥ ১৭৮ ॥

ত্রৈলোক্যসাক্ষিণী লোকধর্মাধর্মপ্রদর্শিনী ।
ধর্মাঽধর্মবিধাত্রী চ শম্ভুপ্রাণাত্মিকা পরা ॥ ১৭৯ ॥

মেনকাগর্ভসম্ভূতা মৈনাকভগিনী তথা ।
শ্রীকণ্ঠা কণ্ঠহারা চ শ্রীকণ্ঠহৃদয়স্থিতা ॥ ১৮০ ॥

শ্রীকণ্ঠকণ্ঠজপ্যা চ নীলকণ্ঠমনোরমা ।
কালকূটাত্মিকা কালকূটভক্ষণকারিণী ॥ ১৮১ ॥

বর্ণমালা সিদ্ধিকলা ষট্চক্রক্রমবাসিনী ।
মূলকেলীরতা স্বাধিষ্ঠানা তুর্যনিবাসিনী ॥ ১৮২ ॥

মণিপূরস্থিতিঃ স্নিগ্ধা কুর্মচক্রপরায়ণা ।
অনাহতগতির্দীপশিখা মণিময়াকৃতিঃ ॥ ১৮৩ ॥

বিশুদ্ধিচক্রসংস্থানা চাজ্ঞাচক্রাব্জমধ্যগা ।
মহাকালপ্রিয়া কালকলনৈকবিধায়িনী ।
অক্ষোভ্যপত্নী সঙ্ক্ষোভনাশিনী তে নমো নমঃ ॥ ১৮৪ ॥

শ্রীমহাদেব উবাচ –
এবং নামসহস্রেণ সংস্তুতা পর্বতাত্মজা ।
বাক্যমেতন্মহেশানমুবাচ মুনিসত্তম্ ॥ ১৮৫ ॥

শ্রীদেব্যুবাচ –
অহং ত্বদর্থে শৈলেন্দ্রতনয়াত্বমুপাগতা ।
ত্বং মে প্রাণসমো ভর্তা ত্বদনন্যাঽহমঙ্গনা ॥ ১৮৬ ॥

ত্বং মদর্থে তপস্তীব্রং সুচিরং কৃতবানসি ।
অহং চ তপসারাধ্যা ত্বাং লপ্স্যামি পুনঃ পতিম্ ॥ ১৮৭ ॥

শ্রীমহাদেব উবাচ –
ত্বমারাধ্যতমা সর্বজননী প্রকৃতিঃ পরা ।
তবারাধ্যো জগত্যত্র বিদ্যতে নৈব কোঽপি হি ॥ ১৮৮ ॥

অহং ত্বয়া নিজগুণৈরনুগ্রাহ্যো মহেশ্বরি ।
প্রার্থনীয়স্ত্বয়ি শিবে এষ এব বরো মম ॥ ১৮৯ ॥

য়ত্র য়ত্র তবেদং হি কালীরূপং মনোহরম্ ।
আবির্ভবতি তত্রৈব শিবরূপস্য মে হৃদি ॥ ১৯০ ॥

সংস্থাতব্যং ত্বয়া লোকে খ্যাতা চ শববাহনা ।
ভবিষ্যসি মহাকালী প্রসীদ জগদম্বিকে ॥ ১৯১ ॥

শ্রীমহাদেব উবাচ –
ইত্যুক্ত্ত্বা শম্ভুনা কালী কালমেধসমপ্রভা ।
তথেত্যুক্ত্ত্বা সমভবত্পুনর্গৌরী য়থা পুরা ॥ ১৯২ ॥

য় ইদং পঠতে দেব্যা নাম্নাং ভক্ত্যা সহস্রকম্ ।
স্তোত্রং শ্রীশম্ভুনা প্রোক্তং স দেব্যাঃ সমতামিয়াত্ ॥ ১৯৩ ॥

অভ্যর্চ্য গন্ধপুষ্পৈশ্চ ধূপদীপৈর্মেহশ্বরীম্ ।
য়ঃ পঠেত্স্তোত্রামেতচ্চ স লভেত্পরমং পদম্ ॥ ১৯৪ ॥

অনন্যমনসা দেবীং স্তোত্রেণানেন য়ো নরঃ ।
সংস্তৌতি প্রত্যহং তস্য সর্বসিদ্ধিঃ প্রজায়তে ॥ ১৯৫ ॥

রাজানো বশগাস্তস্য নশ্যন্তি রিপবস্তথা ।
সিংহব্যাঘ্রমুখাঃ সর্বে হিংসকা দস্যবস্তথা ॥ ১৯৬ ॥

দূরাদেব পলায়ন্তে তস্য দর্শনমাত্রতঃ ।
অব্যাহতাজ্ঞঃ সর্বত্র লভতে মঙ্গলং মহত্ ।
অন্তে দুর্গাস্মৃতিং লব্ধ্বা স্বয়ং দেবীকলামিয়াত্ ॥ ১৯৭ ॥

॥ ইতি শ্রীমহাভাগবতে উপপুরাণে শ্রীশিবকৃতং
শ্রীললিতাসহস্রনামস্তোত্রং নাম ত্রয়োবিংশতিতমোঽধ্যায়ঃ সম্পূর্ণঃ ॥

Also Read:

1000 Names of of Shri Lalita | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

1000 Names of Shri Lalita | Sahasranama Stotram Lyrics in Bengali

Leave a Reply

Your email address will not be published. Required fields are marked *

Scroll to top