Shri Gayatri Sahasranama Stotram Lyrics in Oriya:
॥ ଶ୍ରୀଗାୟତ୍ରୀସହସ୍ରନାମସ୍ତୋତ୍ରମ୍ ॥
ଶ୍ରୀଗଣେଶାୟ ନମଃ ।
ଧ୍ୟାନମ୍
ରକ୍ତଶ୍ଵେତହିରଣ୍ୟନୀଲଧଵଲୈର୍ୟୁକ୍ତାଂ ତ୍ରିନେତ୍ରୋଜ୍ଜ୍ଵଲାଂ
ରକ୍ତାରକ୍ତନଵସ୍ରଜଂ ମଣିଗଣୈର୍ୟୁକ୍ତାଂ କୁମାରୀମିମାମ୍ ।
ଗାୟତ୍ରୀ କମଲାସନାଂ କରତଲଵ୍ୟାନଦ୍ଧକୁଣ୍ଡାମ୍ବୁଜାଂ
ପଦ୍ମାକ୍ଷୀଂ ଚ ଵରସ୍ରଜଞ୍ଚ ଦଧତୀଂ ହଂସାଧିରୂଢାଂ ଭଜେ ॥
ଓଂ ତତ୍କାରରୂପା ତତ୍ଵଜ୍ଞା ତତ୍ପଦାର୍ଥସ୍ଵରୂପିଣି ।
ତପସ୍ସ୍ଵ୍ୟାଧ୍ୟାୟନିରତା ତପସ୍ଵିଜନନନ୍ନୁତା ॥ ୧ ॥
ତତ୍କୀର୍ତିଗୁଣସମ୍ପନ୍ନା ତଥ୍ୟଵାକ୍ଚ ତପୋନିଧିଃ ।
ତତ୍ଵୋପଦେଶସମ୍ବନ୍ଧା ତପୋଲୋକନିଵାସିନୀ ॥ ୨ ॥
ତରୁଣାଦିତ୍ୟସଙ୍କାଶା ତପ୍ତକାଞ୍ଚନଭୂଷଣା ।
ତମୋପହାରିଣି ତନ୍ତ୍ରୀ ତାରିଣି ତାରରୂପିଣି ॥ ୩ ॥
ତଲାଦିଭୁଵନାନ୍ତସ୍ଥା ତର୍କଶାସ୍ତ୍ରଵିଧାୟିନୀ ।
ତନ୍ତ୍ରସାରା ତନ୍ତ୍ରମାତା ତନ୍ତ୍ରମାର୍ଗପ୍ରଦର୍ଶିନୀ ॥ ୪ ॥
ତତ୍ଵା ତନ୍ତ୍ରଵିଧାନଜ୍ଞା ତନ୍ତ୍ରସ୍ଥା ତନ୍ତ୍ରସାକ୍ଷିଣି ।
ତଦେକଧ୍ୟାନନିରତା ତତ୍ଵଜ୍ଞାନପ୍ରବୋଧିନୀ ॥ ୫ ॥
ତନ୍ନାମମନ୍ତ୍ରସୁପ୍ରୀତା ତପସ୍ଵିଜନସେଵିତା ।
ସାକାରରୂପା ସାଵିତ୍ରୀ ସର୍ଵରୂପା ସନାତନୀ ॥ ୬ ॥
ସଂସାରଦୁଃଖଶମନୀ ସର୍ଵୟାଗଫଲପ୍ରଦା ।
ସକଲା ସତ୍ୟସଙ୍କଲ୍ପା ସତ୍ୟା ସତ୍ୟପ୍ରଦାୟିନୀ ॥ ୭ ॥
ସନ୍ତୋଷଜନନୀ ସାରା ସତ୍ୟଲୋକନିଵାସିନୀ ।
ସମୁଦ୍ରତନୟାରାଧ୍ୟା ସାମଗାନପ୍ରିୟା ସତୀ ॥ ୮ ॥
ସମାନୀ ସାମଦେଵୀ ଚ ସମସ୍ତସୁରସେଵିତା ।
ସର୍ଵସମ୍ପତ୍ତିଜନନୀ ସଦ୍ଗୁଣା ସକଲେଷ୍ଟଦା ॥ ୯ ॥
ସନକାଦିମୁନିଧ୍ୟେୟା ସମାନାଧିକଵର୍ଜିତା ।
ସାଧ୍ୟା ସିଦ୍ଧା ସୁଧାଵାସା ସିଦ୍ଧିସ୍ସାଧ୍ୟପ୍ରଦାୟିନୀ ॥ ୧୦ ॥
ସଦ୍ୟୁଗାରାଧ୍ୟନିଲୟା ସମୁତ୍ତୀର୍ଣା ସଦାଶିଵା ।
ସର୍ଵଵେଦାନ୍ତନିଲୟା ସର୍ଵଶାସ୍ତ୍ରାର୍ଥଗୋଚରା ॥ ୧୧ ॥
ସହସ୍ରଦଲପଦ୍ମସ୍ଥା ସର୍ଵଜ୍ଞା ସର୍ଵତୋମୁଖୀ ।
ସମୟା ସମୟାଚାରା ସଦସଦ୍ଗ୍ରନ୍ଥିଭେଦିନୀ ॥ ୧୨ ॥
ସପ୍ତକୋଟିମହାମନ୍ତ୍ରମାତା ସର୍ଵପ୍ରଦାୟିନୀ ।
ସଗୁଣା ସମ୍ଭ୍ରମା ସାକ୍ଷୀ ସର୍ଵଚୈତନ୍ୟରୂପିଣୀ ॥ ୧୩ ॥
ସତ୍କୀର୍ତିସ୍ସାତ୍ଵିକା ସାଧ୍ଵୀ ସଚ୍ଚିଦାନନ୍ଦରୂପିଣୀ ।
ସଙ୍କଲ୍ପରୂପିଣୀ ସନ୍ଧ୍ୟା ସାଲଗ୍ରାମନିଵାସିନୀ ॥ ୧୪ ॥
ସର୍ଵୋପାଧିଵିନିର୍ମୁକ୍ତା ସତ୍ୟଜ୍ଞାନପ୍ରବୋଧିନୀ ।
ଵିକାରରୂପା ଵିପ୍ରଶ୍ରୀର୍ଵିପ୍ରାରାଧନତତ୍ପରା ॥ ୧୫ ॥
ଵିପ୍ରପ୍ରୀର୍ଵିପ୍ରକଲ୍ୟାଣୀ ଵିପ୍ରଵାକ୍ୟସ୍ଵରୂପିଣୀ ।
ଵିପ୍ରମନ୍ଦିରମଧ୍ୟସ୍ଥା ଵିପ୍ରଵାଦଵିନୋଦିନୀ ॥ ୧୬ ॥
ଵିପ୍ରୋପାଧିଵିନିର୍ଭେତ୍ରୀ ଵିପ୍ରହତ୍ୟାଵିମୋଚନୀ ।
ଵିପ୍ରତ୍ରାତା ଵିପ୍ରଗୋତ୍ରା ଵିପ୍ରଗୋତ୍ରଵିଵର୍ଧିନୀ ॥ ୧୭ ॥
ଵିପ୍ରଭୋଜନସନ୍ତୁଷ୍ଟା ଵିଷ୍ଣୁରୂପା ଵିନୋଦିନୀ ।
ଵିଷ୍ଣୁମାୟା ଵିଷ୍ଣୁଵନ୍ଦ୍ୟା ଵିଷ୍ଣୁଗର୍ଭା ଵିଚିତ୍ରିଣୀ ॥ ୧୮ ॥
ଵୈଷ୍ଣଵୀ ଵିଷ୍ଣୁଭଗିନୀ ଵିଷ୍ଣୁମାୟାଵିଲାସିନୀ ।
ଵିକାରରହିତା ଵିଶ୍ଵଵିଜ୍ଞାନଘନରୂପିଣୀ ॥ ୧୯ ॥
ଵିବୁଧା ଵିଷ୍ଣୁସଙ୍କଲ୍ପା ଵିଶ୍ଵାମିତ୍ରପ୍ରସାଦିନୀ ।
ଵିଷ୍ଣୁଚୈତନ୍ୟନିଲୟା ଵିଷ୍ଣୁସ୍ଵା ଵିଶ୍ଵସାକ୍ଷିଣୀ ॥ ୨୦ ॥
ଵିଵେକିନୀ ଵିୟଦ୍ରୂପା ଵିଜୟା ଵିଶ୍ଵମୋହିନୀ ।
ଵିଦ୍ୟାଧରୀ ଵିଧାନଜ୍ଞା ଵେଦତତ୍ଵାର୍ଥରୂପିଣୀ ॥ ୨୧ ॥
ଵିରୂପାକ୍ଷୀ ଵିରାଡ୍ରୂପା ଵିକ୍ରମା ଵିଶ୍ଵମଙ୍ଗଲା ।
ଵିଶ୍ଵମ୍ଭରାସମାରାଧ୍ୟା ଵିଶ୍ଵଭ୍ରମଣକାରିଣୀ ॥ ୨୨ ॥
ଵିନାୟକୀ ଵିନୋଦସ୍ଥା ଵୀରଗୋଷ୍ଠୀଵିଵର୍ଧିନୀ ।
ଵିଵାହରହିତା ଵିନ୍ଧ୍ୟା ଵିନ୍ଧ୍ୟାଚଲନିଵାସିନୀ ॥ ୨୩ ॥
ଵିଦ୍ୟାଵିଦ୍ୟାକରୀ ଵିଦ୍ୟା ଵିଦ୍ୟାଵିଦ୍ୟାପ୍ରବୋଧିନୀ ।
ଵିମଲା ଵିଭଵା ଵେଦ୍ୟା ଵିଶ୍ଵସ୍ଥା ଵିଵିଧୋଜ୍ଜ୍ଵଲା ॥ ୨୪ ॥
ଵୀରମଧ୍ୟା ଵରାରୋହା ଵିତନ୍ତ୍ରା ଵିଶ୍ଵନାୟିକା ।
ଵୀରହତ୍ୟାପ୍ରଶମନୀ ଵିନମ୍ରଜନପାଲିନୀ ॥ ୨୫ ॥
ଵୀରଧୀର୍ଵିଵିଧାକାରା ଵିରୋଧିଜନନାଶିନୀ ।
ତୁକାରରୂପା ତୁର୍ୟଶ୍ରୀସ୍ତୁଲସୀଵନଵାସିନୀ ॥ ୨୬ ॥
ତୁରଙ୍ଗୀ ତୁରଗାରୂଢା ତୁଲାଦାନଫଲପ୍ରଦା ।
ତୁଲାମାଘସ୍ନାନତୁଷ୍ଟା ତୁଷ୍ଟିପୁଷ୍ଟିପ୍ରଦାୟିନୀ ॥ ୨୭ ॥
ତୁରଙ୍ଗମପ୍ରସନ୍ତୁଷ୍ଟା ତୁଲିତା ତୁଲ୍ୟମଧ୍ୟଗା ।
ତୁଙ୍ଗୋତ୍ତୁଙ୍ଗା ତୁଙ୍ଗକୁଚା ତୁହିନାଚଲସଂସ୍ଥିତା ॥ ୨୮ ॥
ତୁମ୍ବୁରାଦିସ୍ତୁତିପ୍ରୀତା ତୁଷାରଶିଖରୀଶ୍ଵରୀ ।
ତୁଷ୍ଟା ଚ ତୁଷ୍ଟିଜନନୀ ତୁଷ୍ଟଲୋକନିଵାସିନୀ ॥ ୨୯ ॥
ତୁଲାଧାରା ତୁଲାମଧ୍ୟା ତୁଲସ୍ଥା ତୁର୍ୟରୂପିଣୀ ।
ତୁରୀୟଗୁଣଗମ୍ଭୀରା ତୁର୍ୟନାଦସ୍ଵରୂପିଣୀ ॥ ୩୦ ॥
ତୁର୍ୟଵିଦ୍ୟାଲାସ୍ୟତୁଷ୍ଟା ତୂର୍ୟଶାସ୍ତ୍ରାର୍ଥଵାଦିନୀ ।
ତୁରୀୟଶାସ୍ତ୍ରତତ୍ଵଜ୍ଞା ତୂର୍ୟନାଦଵିନୋଦିନୀ ॥ ୩୧ ॥
ତୂର୍ୟନାଦାନ୍ତନିଲୟା ତୂର୍ୟାନନ୍ଦସ୍ଵରୂପିଣୀ ।
ତୁରୀୟଭକ୍ତିଜନନୀ ତୁର୍ୟମାର୍ଗପ୍ରଦର୍ଶିନୀ ॥ ୩୨ ॥
ଵକାରରୂପା ଵାଗୀଶୀ ଵରେଣ୍ୟା ଵରସଂଵିଧା ।
ଵରା ଵରିଷ୍ଠା ଵୈଦେହୀ ଵେଦଶାସ୍ତ୍ରପ୍ରଦର୍ଶିନୀ ॥ ୩୩ ॥
ଵିକଲ୍ପଶମନୀ ଵାଣୀ ଵାଞ୍ଛିତାର୍ଥଫଲପ୍ରଦା ।
ଵୟସ୍ଥା ଚ ଵୟୋମଧ୍ୟା ଵୟୋଵସ୍ଥାଵିଵର୍ଜିତା ॥ ୩୪ ॥
ଵନ୍ଦିନୀ ଵାଦିନୀ ଵର୍ୟା ଵାଙ୍ମୟୀ ଵୀରଵନ୍ଦିତା ।
ଵାନପ୍ରସ୍ଥାଶ୍ରମସ୍ଥା ଚ ଵନଦୁର୍ଗା ଵନାଲୟା ॥ ୩୫ ॥
ଵନଜାକ୍ଷୀ ଵନଚରୀ ଵନିତା ଵିଶ୍ଵମୋହିନୀ ।
ଵସିଷ୍ଠାଵାମଦେଵାଦିଵନ୍ଦ୍ୟା ଵନ୍ଦ୍ୟସ୍ଵରୂପିଣୀ ॥ ୩୬ ॥
ଵୈଦ୍ୟା ଵୈଦ୍ୟଚିକିତ୍ସା ଚ ଵଷଟ୍କାରୀ ଵସୁନ୍ଧରା ।
ଵସୁମାତା ଵସୁତ୍ରାତା ଵସୁଜନ୍ମଵିମୋଚନୀ ॥ ୩୭ ॥
ଵସୁପ୍ରଦା ଵାସୁଦେଵୀ ଵାସୁଦେଵ ମନୋହରୀ ।
ଵାସଵାର୍ଚିତପାଦଶ୍ରୀର୍ଵାସଵାରିଵିନାଶିନୀ ॥ ୩୮ ॥
ଵାଗୀଶୀ ଵାଙ୍ମନସ୍ଥାୟୀ ଵଶିନୀ ଵନଵାସଭୂଃ ।
ଵାମଦେଵୀ ଵରାରୋହା ଵାଦ୍ୟଘୋଷଣତତ୍ପରା ॥ ୩୯ ॥
ଵାଚସ୍ପତିସମାରାଧ୍ୟା ଵେଦମାତା ଵିନୋଦିନୀ ।
ରେକାରରୂପା ରେଵା ଚ ରେଵାତୀରନିଵାସିନୀ ॥ ୪୦ ॥
ରାଜୀଵଲୋଚନା ରାମା ରାଗିଣିରତିଵନ୍ଦିତା ।
ରମଣୀରାମଜପ୍ତା ଚ ରାଜ୍ୟପା ରାଜତାଦ୍ରିଗା ॥ ୪୧ ॥
ରାକିଣୀ ରେଵତୀ ରକ୍ଷା ରୁଦ୍ରଜନ୍ମା ରଜସ୍ଵଲା ।
ରେଣୁକାରମଣୀ ରମ୍ୟା ରତିଵୃଦ୍ଧା ରତା ରତିଃ ॥ ୪୨ ॥
ରାଵଣାନନ୍ଦସନ୍ଧାୟୀ ରାଜଶ୍ରୀ ରାଜଶେଖରୀ ।
ରଣମଦ୍ୟା ରଥାରୂଢା ରଵିକୋଟିସମପ୍ରଭା ॥ ୪୩ ॥
ରଵିମଣ୍ଡଲମଧ୍ୟସ୍ଥା ରଜନୀ ରଵିଲୋଚନା ।
ରଥାଙ୍ଗପାଣି ରକ୍ଷୋଘ୍ନୀ ରାଗିଣୀ ରାଵଣାର୍ଚିତା ॥ ୪୪ ॥
ରମ୍ଭାଦିକନ୍ୟକାରାଧ୍ୟା ରାଜ୍ୟଦା ରାଜ୍ୟଵର୍ଧିନୀ ।
ରଜତାଦ୍ରୀଶସକ୍ଥିସ୍ଥା ରମ୍ୟା ରାଜୀଵଲୋଚନା ॥ ୪୫ ॥
ରମ୍ୟଵାଣୀ ରମାରାଧ୍ୟା ରାଜ୍ୟଧାତ୍ରୀ ରତୋତ୍ସଵା ।
ରେଵତୀ ଚ ରତୋତ୍ସାହା ରାଜହୃଦ୍ରୋଗହାରିଣୀ ॥ ୪୬ ॥
ରଙ୍ଗପ୍ରଵୃଦ୍ଧମଧୁରା ରଙ୍ଗମଣ୍ଡପମଧ୍ୟଗା ।
ରଞ୍ଜିତା ରାଜଜନନୀ ରମ୍ୟା ରାକେନ୍ଦୁମଧ୍ୟଗା ॥ ୪୭ ॥
ରାଵିଣୀ ରାଗିଣୀ ରଞ୍ଜ୍ୟା ରାଜରାଜେଶ୍ଵରାର୍ଚିତା ।
ରାଜନ୍ଵତୀ ରାଜନୀତୀ ରଜତାଚଲଵାସିନୀ ॥ ୪୮ ॥
ରାଘଵାର୍ଚିତପାଦଶ୍ରୀ ରାଘଵା ରାଘଵପ୍ରିୟା ।
ରତ୍ନନୂପୁରମଧ୍ୟାଢ୍ୟା ରତ୍ନଦ୍ଵୀପନିଵାସିନୀ ॥ ୪୯ ॥
ରତ୍ନପ୍ରାକାରମଧ୍ୟସ୍ଥା ରତ୍ନମଣ୍ଡପମଧ୍ୟଗା ।
ରତ୍ନାଭିଷେକସନ୍ତୁଷ୍ଟା ରତ୍ନାଙ୍ଗୀ ରତ୍ନଦାୟିନୀ ॥ ୫୦ ॥
ଣିକାରରୂପିଣୀ ନିତ୍ୟା ନିତ୍ୟତୃପ୍ତା ନିରଞ୍ଜନା ।
ନିଦ୍ରାତ୍ୟୟଵିଶେଷଜ୍ଞା ନୀଲଜୀମୂତସନ୍ନିଭା ॥ ୫୧ ॥
ନୀଵାରଶୂକଵତ୍ତନ୍ଵୀ ନିତ୍ୟକଲ୍ୟାଣରୂପିଣୀ ।
ନିତ୍ୟୋତ୍ସଵା ନିତ୍ୟପୂଜ୍ୟା ନିତ୍ୟାନନ୍ଦସ୍ଵରୂପିଣୀ ॥ ୫୨ ॥
ନିର୍ଵିକଲ୍ପା ନିର୍ଗୁଣସ୍ଥା ନିଶ୍ଚିନ୍ତା ନିରୁପଦ୍ରଵା ।
ନିସ୍ସଂଶୟା ନିରୀହା ଚ ନିର୍ଲୋଭା ନୀଲମୂର୍ଧଜା ॥ ୫୩ ॥
ନିଖିଲାଗମମଧ୍ୟସ୍ଥା ନିଖିଲାଗମସଂସ୍ଥିତା ।
ନିତ୍ୟୋପାଧିଵିନିର୍ମୁକ୍ତା ନିତ୍ୟକର୍ମଫଲପ୍ରଦା ॥ ୫୪ ॥
ନୀଲଗ୍ରୀଵା ନିରାହାରା ନିରଞ୍ଜନଵରପ୍ରଦା ।
ନଵନୀତପ୍ରିୟା ନାରୀ ନରକାର୍ଣଵତାରିଣୀ ॥ ୫୫ ॥
ନାରାୟଣୀ ନିରୀହା ଚ ନିର୍ମଲା ନିର୍ଗୁଣପ୍ରିୟା ।
ନିଶ୍ଚିନ୍ତା ନିଗମାଚାରନିଖିଲାଗମ ଚ ଵେଦିନୀ ॥ ୫୬ ॥
ନିମେଷାନିମିଷୋତ୍ପନ୍ନା ନିମେଷାଣ୍ଡଵିଧାୟିନୀ ।
ନିଵାତଦୀପମଧ୍ୟସ୍ଥା ନିର୍ଵିଘ୍ନା ନୀଚନାଶିନୀ ॥ ୫୭ ॥
ନୀଲଵେଣୀ ନୀଲଖଣ୍ଡା ନିର୍ଵିଷା ନିଷ୍କଶୋଭିତା ।
ନୀଲାଂଶୁକପରୀଧାନା ନିନ୍ଦଘ୍ନୀ ଚ ନିରୀଶ୍ଵରୀ ॥ ୫୮ ॥
ନିଶ୍ଵାସୋଚ୍ଛ୍ଵାସମଧ୍ୟସ୍ଥା ନିତ୍ୟୟାନଵିଲାସିନୀ ।
ୟଙ୍କାରରୂପା ୟନ୍ତ୍ରେଶୀ ୟନ୍ତ୍ରୀ ୟନ୍ତ୍ରୟଶସ୍ଵିନୀ ॥ ୫୯ ॥
ୟନ୍ତ୍ରାରାଧନସନ୍ତୁଷ୍ଟା ୟଜମାନସ୍ଵରୂପିଣୀ ।
ୟୋଗିପୂଜ୍ୟା ୟକାରସ୍ଥା ୟୂପସ୍ତମ୍ଭନିଵାସିନୀ ॥ ୬୦ ॥
ୟମଘ୍ନୀ ୟମକଲ୍ପା ଚ ୟଶଃକାମା ୟତୀଶ୍ଵରୀ ।
ୟମାଦୀୟୋଗନିରତା ୟତିଦୁଃଖାପହାରିଣୀ ॥ ୬୧ ॥
ୟଜ୍ଞା ୟଜ୍ଵା ୟଜୁର୍ଗେୟା ୟଜ୍ଞେଶ୍ଵରପତିଵ୍ରତା ।
ୟଜ୍ଞସୂତ୍ରପ୍ରଦା ୟଷ୍ଟ୍ରୀ ୟଜ୍ଞକର୍ମଫଲପ୍ରଦା ॥ ୬୨ ॥
ୟଵାଙ୍କୁରପ୍ରିୟା ୟନ୍ତ୍ରୀ ୟଵଦଘ୍ନୀ ୟଵାର୍ଚିତା ।
ୟଜ୍ଞକର୍ତୀ ୟଜ୍ଞଭୋକ୍ତ୍ରୀ ୟଜ୍ଞାଙ୍ଗୀ ୟଜ୍ଞଵାହିନୀ ॥ ୬୩ ॥
ୟଜ୍ଞସାକ୍ଷୀ ୟଜ୍ଞମୁଖୀ ୟଜୁଷୀ ୟଜ୍ଞରକ୍ଷିଣୀ ।
ଭକାରରୂପା ଭଦ୍ରେଶୀ ଭଦ୍ରକଲ୍ୟାଣଦାୟିନୀ ॥ ୬୪ ॥
ଭକ୍ତପ୍ରିୟା ଭକ୍ତସଖା ଭକ୍ତାଭୀଷ୍ଟସ୍ଵରୂପିଣୀ ।
ଭଗିନୀ ଭକ୍ତସୁଲଭା ଭକ୍ତିଦା ଭକ୍ତଵତ୍ସଲା ॥ ୬୫ ॥
ଭକ୍ତଚୈତନ୍ୟନିଲୟା ଭକ୍ତବନ୍ଧଵିମୋଚନୀ ।
ଭକ୍ତସ୍ଵରୂପିଣୀ ଭାଗ୍ୟା ଭକ୍ତାରୋଗ୍ୟପ୍ରଦାୟିନୀ ॥ ୬୬ ॥
ଭକ୍ତମାତା ଭକ୍ତଗମ୍ୟା ଭକ୍ତାଭୀଷ୍ଟପ୍ରଦାୟିନୀ ।
ଭାସ୍କରୀ ଭୈରଵୀ ଭୋଗ୍ୟା ଭଵାନୀ ଭୟନାଶିନୀ ॥ ୬୭ ॥
ଭଦ୍ରାତ୍ମିକା ଭଦ୍ରଦାୟୀ ଭଦ୍ରକାଲୀ ଭୟଙ୍କରୀ ।
ଭଗନିଷ୍ୟନ୍ଦିନୀ ଭୂମ୍ନୀ ଭଵବନ୍ଧଵିମୋଚନୀ ॥ ୬୮ ॥
ଭୀମା ଭଵସଖା ଭଙ୍ଗୀଭଙ୍ଗୁରା ଭୀମଦର୍ଶିନୀ ।
ଭଲ୍ଲୀ ଭଲ୍ଲୀଧରା ଭୀରୁର୍ଭେରୁଣ୍ଡା ଭୀମପାପହା ॥ ୬୯ ॥
ଭାଵଜ୍ଞା ଭୋଗଦାତ୍ରୀ ଚ ଭଵଘ୍ନୀ ଭୂତିଭୂଷଣା ।
ଭୂତିଦା ଭୂମିଦାତ୍ରୀ ଚ ଭୂପତିତ୍ଵପ୍ରଦାୟିନୀ ॥ ୭୦ ॥
ଭ୍ରାମରୀ ଭ୍ରମରୀ ଭାରୀ ଭଵସାଗରତାରିଣୀ ।
ଭଣ୍ଡାସୁରଵଧୋତ୍ସାହା ଭାଗ୍ୟଦା ଭାଵମୋଦିନୀ ॥ ୭୧ ॥
ଗୋକାରରୂପା ଗୋମାତା ଗୁରୁପତ୍ନୀ ଗୁରୁପ୍ରିୟା ।
ଗୋରୋଚନପ୍ରିୟା ଗୌରୀ ଗୋଵିନ୍ଦଗୁଣଵର୍ଧିନୀ ॥ ୭୨ ॥
ଗୋପାଲଚେଷ୍ଟାସନ୍ତୁଷ୍ଟା ଗୋଵର୍ଧନଵିଵର୍ଧିନୀ ।
ଗୋଵିନ୍ଦରୂପିଣୀ ଗୋପ୍ତ୍ରୀ ଗୋକୁଲାନାଂଵିଵର୍ଧିନୀ ॥ ୭୩ ॥
ଗୀତା ଗୀତପ୍ରିୟା ଗେୟା ଗୋଦା ଗୋରୂପଧାରିଣୀ ।
ଗୋପୀ ଗୋହତ୍ୟଶମନୀ ଗୁଣିନୀ ଗୁଣିଵିଗ୍ରହା ॥ ୭୪ ॥
ଗୋଵିନ୍ଦଜନନୀ ଗୋଷ୍ଠା ଗୋପ୍ରଦା ଗୋକୁଲୋତ୍ସଵା ।
ଗୋଚରୀ ଗୌତମୀ ଗଙ୍ଗା ଗୋମୁଖୀ ଗୁଣଵାସିନୀ ॥ ୭୫ ॥
ଗୋପାଲୀ ଗୋମୟା ଗୁମ୍ଭା ଗୋଷ୍ଠୀ ଗୋପୁରଵାସିନୀ ।
ଗରୁଡା ଗମନଶ୍ରେଷ୍ଠା ଗାରୁଡା ଗରୁଡଧ୍ଵଜା ॥ ୭୬ ॥
ଗମ୍ଭୀରା ଗଣ୍ଡକୀ ଗୁଣ୍ଡା ଗରୁଡଧ୍ଵଜଵଲ୍ଲଭା ।
ଗଗନସ୍ଥା ଗୟାଵାସା ଗୁଣଵୃତ୍ତିର୍ଗୁଣୋଦ୍ଭଵା ॥ ୭୭ ॥
ଦେକାରରୂପା ଦେଵେଶୀ ଦୃଗ୍ରୂପା ଦେଵତାର୍ଚିତା ।
ଦେଵରାଜେଶ୍ଵରାର୍ଧାଙ୍ଗୀ ଦୀନଦୈନ୍ୟଵିମୋଚନୀ ॥ ୭୮ ॥
ଦେକାଲପରିଜ୍ଞାନା ଦେଶୋପଦ୍ରଵନାଶିନୀ ।
ଦେଵମାତା ଦେଵମୋହା ଦେଵଦାନଵମୋହିନୀ ॥ ୭୯ ॥
ଦେଵେନ୍ଦ୍ରାର୍ଚିତପାଦଶ୍ରୀ ଦେଵଦେଵପ୍ରସାଦିନୀ ।
ଦେଶାନ୍ତରୀ ଦେଶରୂପା ଦେଵାଲୟନିଵାସିନୀ ॥ ୮୦ ॥
ଦେଶଭ୍ରମଣସନ୍ତୁଷ୍ଟା ଦେଶସ୍ଵାସ୍ଥ୍ୟପ୍ରଦାୟିନୀ ।
ଦେଵୟାନା ଦେଵତା ଚ ଦେଵସୈନ୍ୟପ୍ରପାଲିନୀ ॥ ୮୧ ॥
ଵକାରରୂପା ଵାଗ୍ଦେଵୀ ଵେଦମାନସଗୋଚରା ।
ଵୈକୁଣ୍ଠଦେଶିକା ଵେଦ୍ୟା ଵାୟୁରୂପା ଵରପ୍ରଦା ॥ ୮୨ ॥
ଵକ୍ରତୁଣ୍ଡାର୍ଚିତପଦା ଵକ୍ରତୁଣ୍ଡପ୍ରସାଦିନୀ ।
ଵୈଚିତ୍ର୍ୟରୂପା ଵସୁଧା ଵସୁସ୍ଥାନା ଵସୁପ୍ରିୟା ॥ ୮୩ ॥
ଵଷଟ୍କାରସ୍ଵରୂପା ଚ ଵରାରୋହା ଵରାସନା ।
ଵୈଦେହୀ ଜନନୀ ଵେଦ୍ୟା ଵୈଦେହୀଶୋକନାଶିନୀ ॥ ୮୪ ॥
ଵେଦମାତା ଵେଦକନ୍ୟା ଵେଦରୂପା ଵିନୋଦିନୀ ।
ଵେଦାନ୍ତଵାଦିନୀ ଚୈଵ ଵେଦାନ୍ତନିଲୟପ୍ରିୟା ॥ ୮୫ ॥
ଵେଦଶ୍ରଵା ଵେଦଘୋଷା ଵେଦଗୀତା ଵିନୋଦିନୀ ।
ଵେଦଶାସ୍ତ୍ରାର୍ଥତତ୍ଵଜ୍ଞା ଵେଦମାର୍ଗ ପ୍ରଦର୍ଶିନୀ ॥ ୮୬ ॥
ଵୈଦିକୀକର୍ମଫଲଦା ଵେଦସାଗରଵାଡଵା ।
ଵେଦଵନ୍ଦ୍ୟା ଵେଦଗୁହ୍ୟା ଵେଦାଶ୍ଵରଥଵାହିନୀ ॥ ୮୭ ॥
ଵେଦଚକ୍ରା ଵେଦଵନ୍ଦ୍ୟା ଵେଦାଙ୍ଗୀ ଵେଦଵିତ୍କଵିଃ ।
ସକାରରୂପା ସାମନ୍ତା ସାମଗାନ ଵିଚକ୍ଷଣା ॥ ୮୮ ॥
ସାମ୍ରାଜ୍ଞୀ ନାମରୂପା ଚ ସଦାନନ୍ଦପ୍ରଦାୟିନୀ ।
ସର୍ଵଦୃକ୍ସନ୍ନିଵିଷ୍ଟା ଚ ସର୍ଵସମ୍ପ୍ରେଷିଣୀସହା ॥ ୮୯ ॥
ସଵ୍ୟାପସଵ୍ୟଦା ସଵ୍ୟସଧ୍ରୀଚୀ ଚ ସହାୟିନୀ ।
ସକଲା ସାଗରା ସାରା ସାର୍ଵଭୌମସ୍ଵରୂପିଣୀ ॥ ୯୦ ॥
ସନ୍ତୋଷଜନନୀ ସେଵ୍ୟା ସର୍ଵେଶୀ ସର୍ଵରଞ୍ଜନୀ ।
ସରସ୍ଵତୀ ସମାରାଦ୍ୟା ସାମଦା ସିନ୍ଧୁସେଵିତା ॥ ୯୧ ॥
ସମ୍ମୋହିନୀ ସଦାମୋହା ସର୍ଵମାଙ୍ଗଲ୍ୟଦାୟିନୀ ।
ସମସ୍ତଭୁଵନେଶାନୀ ସର୍ଵକାମଫଲପ୍ରଦା ॥ ୯୨ ॥
ସର୍ଵସିଦ୍ଧିପ୍ରଦା ସାଧ୍ଵୀ ସର୍ଵଜ୍ଞାନପ୍ରଦାୟିନୀ ।
ସର୍ଵଦାରିଦ୍ର୍ୟଶମନୀ ସର୍ଵଦୁଃଖଵିମୋଚନୀ ॥ ୯୩ ॥
ସର୍ଵରୋଗପ୍ରଶମନୀ ସର୍ଵପାପଵିମୋଚନୀ ।
ସମଦୃଷ୍ଟିସ୍ସମଗୁଣା ସର୍ଵଗୋପ୍ତ୍ରୀ ସହାୟିନୀ ॥ ୯୪ ॥
ସାମର୍ଥ୍ୟଵାହିନି ସାଙ୍ଖ୍ୟା ସାନ୍ଦ୍ରାନନ୍ଦପୟୋଧରା ।
ସଙ୍କୀର୍ଣମନ୍ଦିରସ୍ଥାନା ସାକେତକୁଲପାଲିନୀ ॥ ୯୫ ॥
ସଂହାରିଣୀ ସୁଧାରୂପା ସାକେତପୁରଵାସିନୀ ।
ସମ୍ବୋଧିନୀ ସମସ୍ତେଶୀ ସତ୍ୟଜ୍ଞାନସ୍ଵରୂପିଣୀ ॥ ୯୬ ॥
ସମ୍ପତ୍କରୀ ସମାନାଙ୍ଗୀ ସର୍ଵଭାଵସୁସଂସ୍ଥିତା ।
ସନ୍ଧ୍ୟାଵନ୍ଦନସୁପ୍ରୀତା ସନ୍ମାର୍ଗକୁଲପାଲିନୀ ॥ ୯୭ ॥
ସଞ୍ଜୀଵିନୀ ସର୍ଵମେଧା ସଭ୍ୟା ସାଧୁସୁପୂଜିତା ।
ସମିଦ୍ଧା ସାମିଘେନୀ ଚ ସାମାନ୍ୟା ସାମଵେଦିନୀ ॥ ୯୮ ॥
ସମୁତ୍ତୀର୍ଣା ସଦାଚାରା ସଂହାରା ସର୍ଵପାଵନୀ ।
ସର୍ପିଣୀ ସର୍ପମାତା ଚ ସମାଦାନସୁଖପ୍ରଦା ॥ ୯୯ ॥
ସର୍ଵରୋଗପ୍ରଶମନୀ ସର୍ଵଜ୍ଞତ୍ଵଫଲପ୍ରଦା ।
ସଙ୍କ୍ରମା ସମଦା ସିନ୍ଧୁଃ ସର୍ଗାଦିକରଣକ୍ଷମା ॥ ୧୦୦ ॥
ସଙ୍କଟା ସଙ୍କଟହରା ସକୁଙ୍କୁମଵିଲେପନା ।
ସୁମୁଖା ସୁମୁଖପ୍ରୀତା ସମାନାଧିକଵର୍ଜିତା ॥ ୧୦୧ ॥
ସଂସ୍ତୁତା ସ୍ତୁତିସୁପ୍ରୀତା ସତ୍ୟଵାଦୀ ସଦାସ୍ପଦା ।
ଧୀକାରରୂପା ଧୀମାତା ଧୀରା ଧୀରପ୍ରସାଦିନୀ ॥ ୧୦୨ ॥
ଧୀରୋତ୍ତମା ଧୀରଧୀରା ଧୀରସ୍ଥା ଧୀରଶେଖରା ।
ଧୃତିରୂପା ଧନାଢ୍ୟା ଚ ଧନପା ଧନଦାୟିନୀ ॥ ୧୦୩ ॥
ଧୀରୂପା ଧୀରଵନ୍ଦ୍ୟା ଚ ଧୀପ୍ରଭା ଧୀରମାନସା ।
ଧୀଗେୟା ଧୀପଦସ୍ଥା ଚ ଧୀଶାନା ଧୀପ୍ରସାଦିନୀ ॥ ୧୦୪ ॥
ମକାରରୂପା ମୈତ୍ରେୟା ମହାମଙ୍ଗଲଦେଵତା ।
ମନୋଵୈକଲ୍ୟଶମନୀ ମଲୟାଚଲଵାସିନୀ ॥ ୧୦୫ ॥
ମଲୟଧ୍ଵଜରାଜଶ୍ରୀର୍ମାୟାମୋହଵିଭେଦିନୀ ।
ମହାଦେଵୀ ମହାରୂପା ମହାଭୈରଵପୂଜିତା ॥ ୧୦୬ ॥
ମନୁପ୍ରୀତା ମନ୍ତ୍ରମୂର୍ତିର୍ମନ୍ତ୍ରଵଶ୍ୟା ମହେଶ୍ଵରୀ ।
ମତ୍ତମାତଙ୍ଗଗମନା ମଧୁରା ମେରୁମଣ୍ଟପା ॥ ୧୦୭ ॥
ମହାଗୁପ୍ତା ମହାଭୂତା ମହାଭୟଵିନାଶିନୀ ।
ମହାଶୌର୍ୟା ମନ୍ତ୍ରିଣୀ ଚ ମହାଵୈରିଵିନାଶିନୀ ॥ ୧୦୮ ॥
ମହାଲକ୍ଷ୍ମୀର୍ମହାଗୌରୀ ମହିଷାସୁରମର୍ଦିନୀ ।
ମହୀ ଚ ମଣ୍ଡଲସ୍ଥା ଚ ମଧୁରାଗମପୂଜିତା ॥ ୧୦୯ ॥
ମେଧା ମେଧାକରୀ ମେଧ୍ୟା ମାଧଵୀ ମଧୁମର୍ଧିନୀ ।
ମନ୍ତ୍ରା ମନ୍ତ୍ରମୟୀ ମାନ୍ୟା ମାୟା ମାଧଵମନ୍ତ୍ରିଣୀ ॥ ୧୧୦ ॥
ମାୟାଦୂରା ଚ ମାୟାଵୀ ମାୟାଜ୍ଞା ମାନଦାୟିନୀ ।
ମାୟାସଙ୍କଲ୍ପଜନନୀ ମାୟାମାୟଵିନୋଦିନୀ ॥ ୧୧୧ ॥
ମାୟା ପ୍ରପଞ୍ଚଶମନୀ ମାୟାସଂହାରରୂପିଣୀ ।
ମାୟାମନ୍ତ୍ରପ୍ରସାଦା ଚ ମାୟାଜନଵିମୋହିନୀ ॥ ୧୧୨ ॥
ମହାପଥା ମହାଭୋଗା ମହଵିଘ୍ନଵିନାଶିନୀ ।
ମହାନୁଭାଵା ମନ୍ତ୍ରାଢ୍ୟା ମହମଙ୍ଗଲଦେଵତା ॥ ୧୧୩ ॥
ହିକାରରୂପା ହୃଦ୍ୟା ଚ ହିତକାର୍ୟପ୍ରଵର୍ଧିନୀ ।
ହେୟୋପାଧିଵିନିର୍ମୁକ୍ତା ହୀନଲୋକଵିନାଶିନୀ ॥ ୧୧୪ ॥
ହ୍ରୀଂକାରୀ ହ୍ରୀମତୀ ହୃଦ୍ୟା ହ୍ରୀଂ ଦେଵୀ ହ୍ରୀଂ ସ୍ଵଭାଵିନୀ ।
ହ୍ରୀଂ ମନ୍ଦିରା ହିତକରା ହୃଷ୍ଟା ଚ ହ୍ରୀଂ କୁଲୋଦ୍ଭଵା ॥ ୧୧୫ ॥
ହିତପ୍ରଜ୍ଞା ହିତପ୍ରୀତା ହିତକାରୁଣ୍ୟଵର୍ଧିନୀ ।
ହିତାସିନୀ ହିତକ୍ରୋଧା ହିତକର୍ମଫଲପ୍ରଦା ॥ ୧୧୬ ॥
ହିମା ହୈମଵତୀ ହୈମ୍ନୀ ହେମାଚଲନିଵାସିନୀ ।
ହିମାଗଜା ହିତକରୀ ହିତକର୍ମସ୍ଵଭାଵିନୀ ॥ ୧୧୭ ॥
ଧୀକାରରୂପା ଧିଷଣା ଧର୍ମରୂପା ଧନେଶ୍ଵରୀ ।
ଧନୁର୍ଧରା ଧରାଧାରା ଧର୍ମକର୍ମଫଲପ୍ରଦା ॥ ୧୧୮ ॥
ଧର୍ମାଚାରା ଧର୍ମସାରା ଧର୍ମମଧ୍ୟନିଵାସିନୀ ।
ଧନୁର୍ଵିଦ୍ୟା ଧନୁର୍ଵେଦା ଧନ୍ୟା ଧୂର୍ତଵିନାଶିନୀ ॥ ୧୧୯ ॥
ଧନଧାନ୍ୟାଧେନୁରୂପା ଧନାଢ୍ୟା ଧନଦାୟିନୀ ।
ଧନେଶୀ ଧର୍ମନିରତା ଧର୍ମରାଜପ୍ରସାଦିନୀ ॥ ୧୨୦ ॥
ଧର୍ମସ୍ଵରୂପା ଧର୍ମେଶୀ ଧର୍ମାଧର୍ମଵିଚାରିଣୀ ।
ଧର୍ମସୂକ୍ଷ୍ମା ଧର୍ମଗେହା ଧର୍ମିଷ୍ଠା ଧର୍ମଗୋଚରା ॥ ୧୨୧ ॥
ୟୋକାରରୂପା ୟୋଗେଶୀ ୟୋଗସ୍ଥା ୟୋଗରୂପିଣୀ ।
ୟୋଗ୍ୟା ୟୋଗୀଶଵରଦା ୟୋଗମାର୍ଗନିଵାସିନୀ ॥ ୧୨୨ ॥
ୟୋଗାସନସ୍ଥା ୟୋଗେଶୀ ୟୋଗମାୟାଵିଲାସିନୀ ।
ୟୋଗିନୀ ୟୋଗରକ୍ତା ଚ ୟୋଗାଙ୍ଗୀ ୟୋଗଵିଗ୍ରହା ॥ ୧୨୩ ॥
ୟୋଗଵାସା ୟୋଗଭାଗ୍ୟା ୟୋଗମାର୍ଗପ୍ରଦର୍ଶିନୀ ।
ୟୋକାରରୂପା ୟୋଧାଢ୍ୟାୟୋଧ୍ରୀ ୟୋଧସୁତତ୍ପରା ॥ ୧୨୪ ॥
ୟୋଗିନୀ ୟୋଗିନୀସେଵ୍ୟା ୟୋଗଜ୍ଞାନପ୍ରବୋଧିନୀ ।
ୟୋଗେଶ୍ଵରପ୍ରାଣାନାଥା ୟୋଗୀଶ୍ଵରହୃଦିସ୍ଥିତା ॥ ୧୨୫ ॥
ୟୋଗା ୟୋଗକ୍ଷେମକର୍ତ୍ରୀ ୟୋଗକ୍ଷେମଵିଧାୟିନୀ ।
ୟୋଗରାଜେଶ୍ଵରାରାଧ୍ୟା ୟୋଗାନନ୍ଦସ୍ଵରୂପିଣୀ ॥ ୧୨୬ ॥
ନକାରରୂପା ନାଦେଶୀ ନାମପାରାୟଣପ୍ରିୟା ।
ନଵସିଦ୍ଧିସମାରାଧ୍ୟା ନାରାୟଣମନୋହରୀ ॥ ୧୨୭ ॥
ନାରାୟଣୀ ନଵାଧାରା ନଵବ୍ରହ୍ମାର୍ଚିତାଂଘ୍ରିକା ।
ନଗେନ୍ଦ୍ରତନୟାରାଧ୍ୟା ନାମରୂପଵିଵର୍ଜିତା ॥ ୧୨୮ ॥
ନରସିଂହାର୍ଚିତପଦା ନଵବନ୍ଧଵିମୋଚନୀ ।
ନଵଗ୍ରହାର୍ଚିତପଦା ନଵମୀପୂଜନପ୍ରିୟା ॥ ୧୨୯ ॥
ନୈମିତ୍ତିକାର୍ଥଫଲଦା ନନ୍ଦିତାରିଵିନାଶିନୀ ।
ନଵପୀଠସ୍ଥିତା ନାଦା ନଵର୍ଷିଗଣସେଵିତା ॥ ୧୩୦ ॥
ନଵସୂତ୍ରାଵିଧାନଜ୍ଞା ନୈମିଶାରଣ୍ୟଵାସିନୀ ।
ନଵଚନ୍ଦନଦିଗ୍ଧାଙ୍ଗୀ ନଵକୁଙ୍କୁମଧାରିଣୀ ॥ ୧୩୧ ॥
ନଵଵସ୍ତ୍ରପରୀଧାନା ନଵରତ୍ନଵିଭୂଷଣା ।
ନଵ୍ୟଭସ୍ମଵିଦଗ୍ଧାଙ୍ଗୀ ନଵଚନ୍ଦ୍ରକଲାଧରା ॥ ୧୩୨ ॥
ପ୍ରକାରରୂପା ପ୍ରାଣେଶୀ ପ୍ରାଣସଂରକ୍ଷଣୀପରା ।
ପ୍ରାଣସଞ୍ଜୀଵିନୀ ପ୍ରାଚ୍ୟା ପ୍ରାଣିପ୍ରାଣପ୍ରବୋଧିନୀ ॥ ୧୩୩ ॥
ପ୍ରଜ୍ଞା ପ୍ରାଜ୍ଞା ପ୍ରଭାପୁଷ୍ପା ପ୍ରତୀଚୀ ପ୍ରଭୁଦା ପ୍ରିୟା ।
ପ୍ରାଚୀନା ପ୍ରାଣିଚିତ୍ତସ୍ଥା ପ୍ରଭା ପ୍ରଜ୍ଞାନରୂପିଣୀ ॥ ୧୩୪ ॥
ପ୍ରଭାତକର୍ମସନ୍ତୁଷ୍ଟା ପ୍ରାଣାୟାମପରାୟଣା ।
ପ୍ରାୟଜ୍ଞା ପ୍ରଣଵା ପ୍ରାଣା ପ୍ରଵୃତ୍ତିଃ ପ୍ରକୃତିଃ ପରା ॥ ୧୩୫ ॥
ପ୍ରବନ୍ଧା ପ୍ରଥମା ଚୈଵ ପ୍ରଗା ପ୍ରାରବ୍ଧନାଶିନୀ ।
ପ୍ରବୋଧନିରତା ପ୍ରେକ୍ଷ୍ୟା ପ୍ରବନ୍ଧା ପ୍ରାଣସାକ୍ଷିଣୀ ॥ ୧୩୬ ॥
ପ୍ରୟାଗତୀର୍ଥନିଲୟା ପ୍ରତ୍ୟକ୍ଷପରମେଶ୍ଵରୀ ।
ପ୍ରଣଵାଦ୍ୟନ୍ତନିଲୟା ପ୍ରଣଵାଦିଃ ପ୍ରଜେଶ୍ଵରୀ ॥ ୧୩୭ ॥
ଚୋକାରରୂପା ଚୋରଘ୍ନୀ ଚୋରବାଧାଵିନାଶିନୀ ।
ଚୈତନ୍ୟଚେତନସ୍ଥା ଚ ଚତୁରା ଚ ଚମତ୍କୃତିଃ ॥ ୧୩୮ ॥
ଚକ୍ରଵର୍ତିକୁଲାଧାରା ଚକ୍ରିଣୀ ଚକ୍ରଧାରିଣୀ ।
ଚିତ୍ତଚେୟା ଚିଦାନନ୍ଦା ଚିଦ୍ରୂପା ଚିଦ୍ଵିଲାସିନୀ ॥ ୧୩୯ ॥
ଚିନ୍ତାଚିତ୍ତପ୍ରଶମନୀ ଚିନ୍ତିତାର୍ଥଫଲପ୍ରଦା ।
ଚାମ୍ପେୟୀ ଚମ୍ପକପ୍ରୀତା ଚଣ୍ଡୀ ଚଣ୍ଡାଟ୍ଟହାସିନୀ ॥ ୧୪୦ ॥
ଚଣ୍ଡେଶ୍ଵରୀ ଚଣ୍ଡମାତା ଚଣ୍ଡମୁଣ୍ଡଵିନାଶିନୀ ।
ଚକୋରାକ୍ଷୀ ଚିରପ୍ରୀତା ଚିକୁରା ଚିକୁରାଲକା ॥ ୧୪୧ ॥
ଚୈତନ୍ୟରୂପିଣୀ ଚୈତ୍ରୀ ଚେତନା ଚିତ୍ତସାକ୍ଷିଣୀ ।
ଚିତ୍ରା ଚିତ୍ରଵିଚିତ୍ରାଙ୍ଗୀ ଚିତ୍ରଗୁପ୍ତପ୍ରସାଦିନୀ ॥ ୧୪୨ ॥
ଚଲନା ଚକ୍ରସଂସ୍ଥା ଚ ଚାମ୍ପେୟୀ ଚଲଚିତ୍ରିଣୀ ।
ଚନ୍ଦ୍ରମଣ୍ଡଲମଧ୍ୟସ୍ଥା ଚନ୍ଦ୍ରକୋଟିସୁଶୀତଲା ॥ ୧୪୩ ॥
ଚନ୍ଦ୍ରାନୁଜସମାରାଧ୍ୟା ଚନ୍ଦ୍ରା ଚଣ୍ଡମହୋଦରୀ ।
ଚର୍ଚିତାରିଶ୍ଚନ୍ଦ୍ରମାତା ଚନ୍ଦ୍ରକାନ୍ତା ଚଲେଶ୍ଵରୀ ॥ ୧୪୪ ॥
ଚରାଚରନିଵାସୀ ଚ ଚକ୍ରପାଣିସହୋଦରୀ ।
ଦକାରରୂପା ଦତ୍ତଶ୍ରୀଦାରିଦ୍ର୍ୟଚ୍ଛେଦକାରିଣୀ ॥ ୧୪୫ ॥
ଦତ୍ତାତ୍ରେୟସ୍ୟ ଵରଦା ଦର୍ୟା ଚ ଦୀନଵତ୍ସଲା ।
ଦକ୍ଷାରାଧ୍ୟା ଦକ୍ଷକନ୍ୟା ଦକ୍ଷୟଜ୍ଞଵିନାଶିନୀ ॥ ୧୪୬ ॥
ଦକ୍ଷା ଦାକ୍ଷାୟଣୀ ଦୀକ୍ଷା ଦୃଷ୍ଟା ଦକ୍ଷଵରପ୍ରଦା ।
ଦକ୍ଷିଣା ଦକ୍ଷିଣାରାଧ୍ୟା ଦକ୍ଷିଣାମୂର୍ତିରୂପିଣୀ ॥ ୧୪୭ ॥
ଦୟାଵତୀ ଦମସ୍ଵାନ୍ତା ଦନୁଜାରିର୍ଦୟାନିଧିଃ ।
ଦନ୍ତଶୋଭନିଭା ଦେଵୀ ଦମନା ଦାଡିମସ୍ତନା ॥ ୧୪୮ ॥
ଦଣ୍ଡା ଚ ଦମୟତ୍ରୀ ଚ ଦଣ୍ଡିନୀ ଦମନପ୍ରିୟା ।
ଦଣ୍ଡକାରଣ୍ୟନିଲୟା ଦଣ୍ଡକାରିଵିନାଶିନୀ ॥ ୧୪୯ ॥
ଦଂଷ୍ଟ୍ରାକରାଲଵଦନା ଦଣ୍ଡଶୋଭା ଦରୋଦରୀ ।
ଦରିଦ୍ରାରିଷ୍ଟଶମନୀ ଦମ୍ୟା ଦମନପୂଜିତା ॥ ୧୫୦ ॥
ଦାନଵାର୍ଚିତ ପାଦଶ୍ରୀର୍ଦ୍ରଵିଣା ଦ୍ରାଵିଣୀ ଦୟା ।
ଦାମୋଦରୀ ଦାନଵାରିର୍ଦାମୋଦରସହୋଦରୀ ॥ ୧୫୧ ॥
ଦାତ୍ରୀ ଦାନପ୍ରିୟା ଦାମ୍ନୀ ଦାନଶ୍ରୀର୍ଦ୍ଵିଜଵନ୍ଦିତା ।
ଦନ୍ତିଗା ଦଣ୍ଡିନୀ ଦୂର୍ଵା ଦଧିଦୁଗ୍ଧସ୍ଵରୂପିଣୀ ॥ ୧୫୨ ॥
ଦାଡିମୀବୀଜସନ୍ଦୋହା ଦନ୍ତପଙ୍କ୍ତିଵିରାଜିତା ।
ଦର୍ପଣା ଦର୍ପଣସ୍ଵଚ୍ଛା ଦ୍ରୁମମଣ୍ଡଲଵାସିନୀ ॥ ୧୫୩ ॥
ଦଶାଵତାରଜନନୀ ଦଶଦିଗ୍ଦୈଵପୂଜିତା ।
ଦମା ଦଶଦିଶା ଦୃଶ୍ୟା ଦଶଦାସୀ ଦୟାନିଧିଃ ॥ ୧୫୪ ॥
ଦେଶକାଲପରିଜ୍ଞାନା ଦେଶକାଲଵିଶୋଧିନୀ ।
ଦଶମ୍ୟାଦିକଲାରାଧ୍ୟା ଦଶକାଲଵିରୋଧିନୀ ।
ଦଶମ୍ୟାଦିକଲାରାଧ୍ୟ ଦଶଗ୍ରୀଵଵିରୋଧିନୀ ॥ ୧୫୫ ॥
ଦଶାପରାଧଶମନୀ ଦଶଵୃତ୍ତିଫଲପ୍ରଦା ।
ୟାତ୍କାରରୂପିଣୀ ୟାଜ୍ଞୀ ୟାଦଵୀ ୟାଦଵାର୍ଚିତା ॥ ୧୫୬ ॥
ୟୟାତିପୂଜନପ୍ରୀତା ୟାଜ୍ଞିକୀ ୟାଜକପ୍ରିୟା ।
ୟଜମାନା ୟଦୁପ୍ରୀତା ୟାମପୂଜାଫଲପ୍ରଦା ॥ ୧୫୭ ॥
ୟଶସ୍ଵିନୀ ୟମାରାଧ୍ୟା ୟମକନ୍ୟା ୟତୀଶ୍ଵରୀ ।
ୟମାଦିୟୋଗସନ୍ତୁଷ୍ଟା ୟୋଗୀନ୍ଦ୍ରହୃଦୟା ୟମା ॥ ୧୫୮ ॥
ୟମୋପାଧିଵିନିର୍ମୁକ୍ତା ୟଶସ୍ୟଵିଧିସନ୍ନୁତା ।
ୟଵୀୟସୀ ୟୁଵପ୍ରୀତା ୟାତ୍ରାନନ୍ଦା ୟତୀଶ୍ଵରୀ ॥ ୧୫୯ ॥
ୟୋଗପ୍ରିୟା ୟୋଗଗମ୍ୟା ୟୋଗଧ୍ୟେୟା ୟଥେଚ୍ଛଗା ।
ୟୋଗପ୍ରିୟା ୟଜ୍ଞସେନୀ ୟୋଗରୂପା ୟଥେଷ୍ଟଦା ॥ ୧୬୦ ॥
॥ ଶ୍ରୀଗାୟତ୍ରୀ ଦିଵ୍ୟସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥
Also Read Shri Gayatri Stotram:
1000 Names of Sri Gayatri Devi | Sahasranama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil