Shri lakshmana Sahasranamastotram from bhushundiramaya in Telugu:
॥ లక్ష్మణసహస్రనామస్తోత్రమ్ భుషుణ్డిరామాయణాన్తర్గతమ్ ॥
పఞ్చదశోఽధ్యాయః
వసిష్ఠ ఉవాచ –
ఇదానీం తవ పుత్రస్య ద్వితీయస్య మహాత్మనః ।
నామసాహస్రకం వక్ష్యే సుగోప్యం దైవతైరపి ॥ ౧ ॥
ఏష సాక్షాద్ధరేరంశో దేవదేవస్య శార్ఙ్గిణః । var దేవరామస్య
యః శేష ఇతి విఖ్యాతః సహస్రవదనో విభుః ॥ ౨ ॥
తస్యైతన్నామసాహస్రం వక్ష్యామి ప్రయతః శృణు ।
లక్ష్మణః శేషగః శేషః సహస్రవదనోఽనలః ॥ ౩ ॥
సంకర్షణః కాలరూపః సహస్రార్చిర్మహానలః ।
కాలరూపో దురాధర్షో బలభద్రః ప్రలమ్బహా ॥ ౪ ॥
కృతాన్తః కాలవదనో విద్యుజ్జిహ్వో విభావసుః ।
కాలాత్మా కలనాత్మా చ కలాత్మా సకలోఽకలః ॥ ౫ ॥
కుమారబ్రహ్యచారీ చ రామభక్తః శుచివ్రతః ।
నిరాహారో జితాహారో జితనిద్రో జితాసనః ॥ ౬ ॥
మహారుద్రో మహాక్రోధో ఇన్ద్రజిత్ప్రాణనాశకః ।
సీతాహితప్రదాతా చ రామసౌఖ్యప్రదాయకః ॥ ౭ ॥
యతివేశో వీతభయః సుకేశః కేశవః కృశః ।
కృష్ణాంశో విమలాచారః సదాచారః సదావ్రతః ॥ ౮ ॥ var కృశాంశో
బర్హావతంసో విరతిర్గుఞ్జాభూషణభూషితః ।
శేషాచలనివాసో చ శేషాద్రిః శేషరూపధృక్ ॥ ౯ ॥
అధోహస్తః ప్రశాన్తాత్మా సాధూనాం గతిదర్శనః ।
సుదర్శనః సురూపాఙ్గో యజ్ఞదోషనివర్తనః ॥ ౧౦ ॥
అనన్తో వాసుకిర్నాగో మహీభారో మహీధరః । var వాసుకీనాగో
కృతాన్తః శమనత్రాతా ధనుర్జ్యాకర్షణోద్భటః ॥ ౧౧ ॥
మహాబలో మహావీరో మహాకర్మా మహాజవః ।
జటిలస్తాపసః ప్రహ్వః సత్యసన్ధః సదాత్మకః ॥ ౧౨ ॥
శుభకర్మా చ విజయీ నరో నారాయణాశ్రయః ।
వనచారీ వనాధారో వాయుభక్షో మహాతపాః ॥ ౧౩ ॥
సుమన్త్రో మన్త్రతత్త్వజ్ఞః కోవిదో రామమన్త్రదః ।
సౌమిత్రేయః ప్రసన్నాత్మా రామానువ్రత ఈశ్వరః ॥ ౧౪ ॥
రామాతపత్రభృద్ గౌరః సుముఖః సుఖవర్ద్ధనః ।
రామకేలివినోదీ చ రామానుగ్రహభాజనః ॥ ౧౫ ॥
దాన్తాత్మా దమనో దమ్యో దాసో దాన్తో దయానిధిః ।
ఆదికాలో మహాకాలః క్రూరాత్మా క్రూరనిగ్రహః ॥ ౧౬ ॥
వనలీలావినోదజ్ఞో విఛేత్తా విరహాపహః ।
భస్మాఙ్గరాగధవలో యతీ కల్యాణమన్దిరః ॥ ౧౭ ॥
అమన్దో మదనోన్మాదీ మహాయోగీ మహాసనః ।
ఖేచరీసిద్ధిదాతా చ యోగవిద్యోగపారగః ॥ ౧౮ ॥
విషానలో విషహ్యశ్చ కోటిబ్రహ్మాణ్డదాహకృత్ । var విషయశ్చ
అయోధ్యాజనసంగీతో రామైకానుచరః సుధీః ॥ ౧౯ ॥
రామాజ్ఞాపాలకో రామో రామభద్రః పునీతపాత్ ।
అక్షరాత్మా భువనకృద్ విష్ణుతుల్యః ఫణాధరః ॥ ౨౦ ॥
ప్రతాపీ ద్విసహస్రాక్షో జ్వలద్రూపో విభాకరః ।
దివ్యో దాశరథిర్బాలో బాలానాం ప్రీతివర్ద్ధనః ॥ ౨౧ ॥
వాణప్రహరణో యోద్ధా యుద్ధకర్మవిశారదః ।
నిషఙ్గీ కవచీ దృప్తో దృఢవర్మా దృఢవ్రతః ॥ ౨౨ ॥
దృఢప్రతిజ్ఞః ప్రణయీ జాగరూకో దివాప్రియః ।
తామసీ తపనస్తాపీ గుడాకేశో ధనుర్ద్ధరః ॥ ౨౩ ॥
శిలాకోటిప్రహరణో నాగపాశవిమోచకః ।
త్రైలోక్యహింసకర్త్తా చ కామరూపః కిశోరకః ॥ ౨౪ ॥
కైవర్తకులవిస్తారః కృతప్రీతిః కృతార్థనః । var కులనిస్తారః
కౌపీనధారీ కుశలః శ్రద్ధావాన్ వేదవిత్తమః ॥ ౨౫ ॥
వ్రజేశ్వరోమహాసఖ్యః కుఞ్జాలయమహాసఖః ।
భరతస్యాగ్రణీర్నేతా సేవాముఖ్యో మహామహః ॥ ౨౬ ॥
మతిమాన్ ప్రీతిమాన్ దక్షో లక్ష్మణో లక్ష్మణాన్వితః ।
హనుమత్ప్రియమిత్రశ్చ సుమిత్రాసుఖవర్ద్ధనః ॥ ౨౭ ॥
రామరూపో రామముఖో రామశ్యామో రమాప్రియః ।
రమారమణసంకేతీ లక్ష్మీవాఁల్లక్ష్మణాభిధః ॥ ౨౮ ॥
జానకీవల్లభో వర్యః సహాయః శరణప్రదః ।
వనవాసప్రకథనో దక్షిణాపథవీతభీః ॥ ౨౯ ॥
వినీతో వినయీ విష్ణువైష్ణవో వీతభీః పుమాన్ ।
పురాణపురుషో జైత్రో మహాపురుషలక్ష్మణః ॥ ౩౦ ॥ var లక్షణః
మహాకారుణికో వర్మీ రాక్షసౌఘవినాశనః ।
ఆర్తిహా బ్రహ్మచర్యస్థః పరపీడానివర్త్తనః ॥ ౩౧ ॥
పరాశయజ్ఞః సుతపాః సువీర్యః సుభగాకృతిః ।
వన్యభూషణనిర్మాతా సీతాసన్తోషవర్ద్ధనః ॥ ౩౨ ॥
రాధవేన్ద్రో రామరతిర్గుప్త సర్వపరాక్రమః । var రతిర్యుక్త
దుర్ద్ధర్షణో దుర్విషహః ప్రణేతా విధివత్తమః ॥ ౩౩ ॥
త్రయీమయోఽగ్నిమయః త్రేతాయుగవిలాసకృత్ ।
దీర్ఘదంష్ట్రో మహాదంష్ట్రో విశాలాక్షో విషోల్వణః ॥ ౩౪ ॥
సహస్రజిహ్వాలలనః సుధాపానపరాయణః ।
గోదాసరిత్తరఙ్గార్చ్యో నర్మదాతీర్థపావనః ॥ ౩౫ ॥
శ్రీరామచరణసేవీ సీతారామసుఖప్రదః ।
రామభ్రాతా రామసమో మార్త్తణ్డకులమణ్డితః ॥ ౩౬ ॥
గుప్తగాత్రో గిరాచార్యో మౌనవ్రతధరః శుచిః ।
శౌచాచారైకనిలయో విశ్వగోప్తా విరాడ్ వసుః ॥ ౩౭ ॥
క్రుద్ధః సన్నిహితో హన్తా రామార్చాపరిపాలకః ।
జనకప్రేమజామాతా సర్వాధికగుణాకృతిః ॥ ౩౮ ॥
సుగ్రీవరాజ్యకాఙ్క్షీ చ సుఖరూపీ సుఖప్రదః ।
ఆకాశగామీ శక్తీశోఽనన్తశక్తిప్రదేర్శనః ॥ ౩౯ ॥ var శక్తిష్టో
ద్రోణాద్రిముక్తిదోఽచిన్త్యః సోపకారజనప్రియః ।
కృతోపకారః సుకృతీ సుసారః సారవిగ్రహః ॥ ౪౦ ॥
సువంశో వంశహస్తశ్చ దణ్డీ చాజినమేఖలీ ।
కుణ్డో కున్తలభృత్ కాణ్డః ప్రకాణ్డః పురుషోత్తమః ॥ ౪౧ ॥
సుబాహుః సుముఖః స్వఙ్గః సునేత్రః సమ్భ్రమో క్షమీ ।
వీతభీర్వీతసఙ్కల్పో రామప్రణయవారణః ॥ ౪౨ ॥
వద్ధవర్మా మహేశ్వాసో విరూఢః సత్యవాక్తమః ।
సమర్పణీ విధేయాత్మా వినేతాత్మా క్రతుప్రియః ॥ ౪౩ ॥
అజినీ బ్రహ్మపాత్రీ చ కమణ్డలుకరో విధిః ।
నానాకల్పలతాకల్పో నానాఫలవిభూషణః ॥ ౪౪ ॥
కాకపక్షపరిక్షేపీ చన్ద్రవక్త్రః స్మితాననః ।
సువర్ణవేత్రహస్తశ్చ అజిహ్మో జిహ్మగాపహః ॥ ౪౫ ॥
కల్పాన్తవారిధిస్థానో బీజరూపో మహాఙ్కురః ।
రేవతీరమణో దక్షో వాభ్రవీ ప్రాణవల్లభః ॥ ౪౬ ॥
కామపాలః సుగౌరాఙ్గో హలభృత్ పరమోల్వణః ।
కృత్స్నదుఃఖప్రశమనో విరఞ్జిప్రియదర్శనః ॥ ౪౭ ॥
దర్శనీయో మహాదర్శో జానకీపరిహాసదః ।
జానకోనర్మసచివో రామచారిత్రవర్ద్ధనః ॥ ౪౮ ॥
లక్ష్మీసహోదరోదారో దారుణః ప్రభురూర్జితః ।
ఊర్జస్వలో మహాకాయః కమ్పనో దణ్డకాశ్రయః ॥ ౪౯ ॥
ద్వీపిచర్మపరీధానో దుష్టకుఞ్జరనాశనః ।
పురగ్రామమహారణ్యవటీద్రుమవిహారవాన్ ॥ ౫౦ ॥
నిశాచరో గుప్తచరో దుష్టరాక్షసమారణః ।
రాత్రిఞ్జరకులచ్ఛేత్తా ధర్మమార్గప్రవర్తకః ॥ ౫౧ ॥
శేషావతారో భగవాన్ ఛన్దోమూతిర్మహోజ్జ్వలః ।
అహృష్టో హృష్టవేదాఙ్గో భాష్యకారః ప్రభాషణః ॥ ౫౨ ॥
భాష్యో భాషణకర్తా చ భాషణీయః సుభాషణః ।
శబ్దశాస్త్రమయో దేవః శబ్దశాస్త్రప్రవర్త్తకః ॥ ౫౩ ॥
శబ్దశాస్త్రార్థవాదీ చ శబ్దజ్ఞః శబ్దసాగరః ।
శబ్దపారాయణజ్ఞానః శబ్దపారాయణప్రియః ॥ ౫౪ ॥
ప్రాతిశాఖ్యో ప్రహరణో గుప్తవేదార్థసూచకః ।
దృప్తవిత్తో దాశరథిః స్వాధీనః కేలిసాగరః ॥ ౫౫ ॥
గైరికాదిమహాధాతుమణ్డితశ్చిత్రవిగ్రహః ।
చిత్రకూటాలయస్థాయీ మాయీ విపులవిగ్రహః ॥ ౫౬ ॥
జరాతిగో జరాహన్తా ఊర్ధ్వరేతా ఉదారధీః ।
మాయూరమిత్రో మాయూరో మనోజ్ఞః ప్రియదర్శనః ॥ ౫౭ ॥
మథురాపురనిర్మాతా కావేరీతటవాసకృత్ ।
కృష్ణాతీరాశ్రమస్థానో మునివేశో మునీశ్వరః ॥ ౫౮ ॥
మునిగమ్యో మునీశానో భువనత్రయభూషణేః ।
ఆత్మధ్యానకరో ధ్యాతా ప్రత్యక్సన్ధ్యావిశారదః ॥ ౫౯ ॥
వానప్రస్థాశ్రమాసేవ్యః సంహితేషు ప్రతాపధృక ।
ఉష్ణీషవాన్ కఞ్చుకీ చ కటిబన్ధవిశారదః ॥ ౬౦ ॥
ముష్టికప్రాణదహనో ద్వివిదప్రాణశోషణః । var ప్రానహననో
ఉమాపతిరుమానాథ ఉమాసేవనతత్పరః ॥ ౬౧ ॥
వానరవ్రాతమధ్యస్థో జామ్బువద్గణసస్తుతః ।
జామ్బువద్భక్తసుఖదో జామ్బుర్జామ్బుమతీసఖః ॥ ౬౨ ॥
జామ్బువద్భక్తివశ్యశ్చ జామ్బూనదపరిష్కృతః ।
కోటికల్పస్మృతివ్యగ్రో వరిష్ఠో వరణీయభాః ॥ ౬౩ ॥
శ్రీరామచరణోత్సఙ్గమధ్యలాలితమస్తకః ।
సీతాచరణసంస్పర్శవినీతాధ్వమహాశ్రమః ॥ ౬౪ ॥
సముద్రద్వీపచారీ చ రామకైఙ్కర్యసాధకః ।
కేశప్రసాధనామర్షీ మహావ్రతపరాయణః ॥ ౬౫ ॥
రజస్వలోఽతిమలినోఽవధూతో ధూతపాతకః ।
పూతనామా పవిత్రాఙ్గో గఙ్గాజలసుపావనః ॥ ౬౬ ॥
హయశీర్షమహామన్త్రవిపశ్చిన్మన్త్రికోత్తమః ।
విషజ్వరనిహన్తా చ కాలకృత్యావినాశనః ॥ ౬౭ ॥
మదోద్ధతో మహాయానో కాలిన్దీపాతభేదనః ।
కాలిన్దీభయదాతా చ ఖట్వాఙ్గీ ముఖరోఽనలః ॥ ౬౮ ॥
తాలాఙ్కః కర్మవిఖ్యాతిర్ధరిత్రీభరధారకః ।
మణిమాన్ కృతిమాన్ దీప్తో బద్ధకక్షో మహాతనుః ॥ ౬౯ ॥
ఉత్తుఙ్గో గిరిసంస్థానో రామమాహాత్మ్యవర్ద్ధనః ।
కీర్తిమాన్ శ్రుతికీర్తిశ్చ లఙ్కావిజయమన్త్రదః ॥ ౭౦ ॥
లఙ్కాధినాథవిషహో విభీషణగతిప్రదః ।
మన్దోదరీకృతాశ్చర్యో రాక్షసీశతఘాతకః ॥ ౭౧ ॥
కదలీవననిర్మాతా దక్షిణాపథపావనః ।
కృతప్రతిజ్ఞో బలవాన్ సుశ్రీః సన్తోషసాగరః ॥ ౭౨ ॥
కపర్దీ రుద్రదుర్దర్శో విరూపవదనాకృతిః ।
రణోద్ధురో రణప్రశ్నీ రణఘణ్టావలమ్బనః ॥ ౭౩ ॥
క్షుద్రఘణ్టానాదకటిః కఠినాఙ్గో వికస్వరః ।
వజ్రసారః సారధరః శార్ఙ్గీ వరుణసంస్తుతః ॥ ౭౪ ॥
సముద్రలఙ్ఘనోద్యోగీ రామనామానుభావవిత్ ।
ధర్మజుష్టో ఘృణిస్పృష్టో వర్మీ వర్మభరాకులః ॥ ౭౫ ॥
ధర్మయాజో ధర్మదక్షో ధర్మపాఠవిధానవిత్ ।
రత్నవస్త్రో రత్నధౌత్రో రత్నకౌపీనధారకః ॥ ౭౬ ॥
లక్ష్మణో రామసర్వస్వం రామప్రణయవిహ్వలః ।
సబలోఽపి సుదామాపి సుసఖా మధుమఙ్గలః ॥ ౭౭ ॥
రామరాసవినోదజ్ఞో రామరాసవిధానవిత్ ।
రామరాసకృతోత్సాహో రామరాససహాయాన్ ॥ ౭౮ ॥
వసన్తోత్సవనిర్మాతా శరత్కాలవిధాయకః ।
రామకేలీభరానన్దీ దూరోత్సారితకణ్టకః ॥ ౭౯ ॥
ఇతీదం తవ పుత్రస్య ద్వితీయస్య మహాత్మనః ।
యః పఠేన్నామసాహస్రం స యాతి పరమం పదమ్ ॥ ౮౦ ॥
పీడాయాం వాపి సఙ్గ్రామే మహాభయ ఉపస్థితే ।
యః పఠేన్నామసాహస్రం లక్ష్మణస్య మహౌ మేధయ ।
స సద్యః శుభమాప్నోతి లక్ష్మణస్య ప్రసాదతః ॥ ౮౧ ॥
సర్వాన్ దుర్గాన్ తరత్యాశు లక్ష్మణేత్యేకనామతః ।
ద్వితీయనామోజ్వారేణ దేవం వశయతి ధ్రువమ్ ॥ ౮౨ ॥
పఠిత్వా నామసాహస్రం శతావృత్యా సమాహితః ।
ప్రతినామాహుతిం దత్వా కుమారాన్ భోజయేద్దశ ॥ ౮౩ ॥
సర్వాన్ కామానవాప్నోతి రామానుజకృపావశాత్ ।
లక్ష్మణేతి త్రివర్గస్య మహిమా కేన వర్ణ్యతే ॥ ౮౪ ॥
యచ్ఛ్రుత్వా జానకీజానేర్హది మోదో వివర్ద్ధతే ।
యథా రామస్తథా లక్ష్మీర్యథా శ్రీర్లక్ష్మణస్తథా ॥ ౮౫ ॥ var లక్ష్మ్యా యథా
రామద్వయోర్న భేదోఽస్తి రామలక్ష్మణయోః క్వచిత్ ।
ఏష తే తనయః సాక్షాద్వామేణ సహ సఙ్గతః ॥ ౮౬ ॥
హరిష్యతి భువో భారం స్థానే స్థానే వనే వనే ।
ద్రష్టవ్యో నిధిరేవాసౌ మహాకీర్తిప్రతాపయోః ॥ ౮౭ ॥
రామేణ సహితః క్రీడాం బహ్వీం విస్తారయిష్యతి । var బాహ్వీం
రామస్య కృత్వా సాహాయ్యం ప్రణయం చార్చయిష్యతి ॥ ౮౮ ॥
ఇతి శ్రీమదాదిరామాయణే బ్రహ్మభుశుణ్డసంవాదే
లక్ష్మణసహస్రనామకథనం నామ పఞ్చదశోఽధ్యాయః ॥ ౧౫ ॥
Also Read 1000 Names of from Sri lakshmanabhushundiramaya:
1000 Names of Sri lakshmana | Sahasranama Stotram from bhushundiramaya in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
