Shri Vallisahasranamastotram Lyrics in Gujarati:
॥ શ્રીવલ્લીસહસ્રનામસ્તોત્રમ્ ॥
(સ્કાન્દે શઙ્કરસંહિતાતઃ)
બ્રહ્મોવાચ –
શૃણુ નારદ મદ્વત્સ વલ્લીનામ્નાં સહસ્રકમ્ ।
સ્કન્દક્રીડાવિનોદાદિબોધકં પરમાદ્ભુતમ્ ॥ ૧ ॥
મુનિરસ્મ્યહમેવાસ્ય છન્દોઽનુષ્ટુપ્ પ્રકીર્તિતમ્ ।
વલ્લીદેવી દેવતા સ્યાત્ વ્રાં વ્રીં વ્રૂં બીજશક્ત્યપિ ॥ ૨ ॥
કીલકં ચ તથા ન્યસ્ય વ્રાં ઇત્યાદ્યૈઃ ષડઙ્ગકમ્ ।
ૐ અસ્ય શ્રી વલ્લીસહસ્રનામ સ્તોત્ર મન્ત્રસ્ય ભગવાન્ શ્રીબ્રહ્મા ઋષિઃ ।
અનુષ્ટુપ્ છન્દઃ । શ્રીવલ્લીદેવી દેવતા । વ્રાં બીજમ્ । વ્રીં શક્તિઃ ।
વ્રૂં કીલકમ્ । શ્રીસ્કન્દપતિવ્રતા ભગવતી શ્રીવલ્લીદેવી
પ્રીત્યર્થં સહસ્રનામજપે વિનિયોગઃ ॥
॥ અથ કરન્યાસઃ ॥
વ્રાં અઙ્ગુષ્ઠાભ્યાં નમઃ ।
વ્રીં તર્જનીભ્યાં નમઃ ।
વ્રૂં મધ્યમાભ્યાં નમઃ ।
વ્રૈં અનામિકાભ્યાં નમઃ ।
વ્રૌં કનિષ્ઠાભ્યાં નમઃ ।
વ્રઃ કરતલકરપુષ્ઠાભ્યાં નમઃ ॥
॥ ઇતિ કરન્યાસઃ ॥
॥ અથ હૃદયાદિષડઙ્ગ ન્યાસઃ ॥
વ્રાં હૃદયાય નમઃ ।
વ્રીં શિરસે સ્વાહા ।
વ્રૂં શિખાયૈ વષટ્ ।
વ્રૈં કવચાય હુમ્ ।
વ્રૌં નેત્રત્રયાય વૌષટ્ ।
વ્રઃ અસ્ત્રાય ફટ્ ॥
॥ ઇતિ હૃદયાદિષડઙ્ગ ન્યાસઃ ॥
તતઃ સઞ્ચિન્તયેદ્દેવીં વલ્લીં સ્કન્દપતિવ્રતામ્ ॥ ૩ ॥
શ્યામાં શ્યામાલકાન્તાં દ્રુતકનકમણિ પ્રસ્ફુરદ્દિવ્યભૂષાં
ગુઞ્જામાલાભિરામાં શિવમુનિતનયાં કાનનેન્દ્રાભિમાન્યામ્ ।
વામે હસ્તે ચ પદ્મં તદિતરકરવરં લમ્બિતં સન્દધાનાં
સંસ્થાં સેનાનિદક્ષે સમુદમપિ મહાવલ્લિદેવીં ભજેઽહમ્ ॥ ૪ ॥
ઇત્યેવં ચિન્તયિત્વાઽમ્બાં મનસાઽભ્યર્ચં સાદરમ્ ।
પઠેન્નામસહસ્રં તત્ શ્રૂયતાં સ્તોત્રમુત્તમમ્ ॥ ૫ ॥
ૐ વલ્લી વલ્લીશ્વરી વલ્લીબહ્વા વલ્લીનિભાકૃતિઃ ।
વૈકુણ્ઠાક્ષિસમુદ્ભૂતા વિષ્ણુસંવર્ધિતા વરા ॥ ૬ ॥
વારિજાક્ષા વારિજાસ્યા વામા વામેતરાશ્રિતા ।
વન્યા વનભવા વન્દ્યા વનજા વનજાસના ॥ ૭ ॥
વનવાસપ્રિયા વાદવિમુખા વીરવન્દિતા ।
વામાઙ્ગા વામનયના વલયાદિવિભૂષણા ॥ ૮ ॥
વનરાજસુતા વીરા વીણાવાદવિદૂષિણી ।
વીણાધરા વૈણિકર્ષિશ્રુતસ્કન્દકથા વધૂઃ ॥ ૯ ॥
શિવઙ્કરી શિવમુનિતનયા હરિણોદ્ભવા ।
હરીન્દ્રવિનુતા હાનિહીના હરિણલોચના ॥ ૧૦ ॥
હરિણાઙ્કમુખી હારધરા હરજકામિની ।
હરસ્નુષા હરાધિક્યવાદિની હાનિવર્જિતા ॥ ૧૧ ॥
ઇષ્ટદા ચેભસમ્ભીતા ચેભવક્ત્રાન્તકપ્રિયા ।
ઇન્દ્રેશ્વરી ચેન્દ્રનુતા ચેન્દિરાતનયાર્ચિતા ॥ ૧૨ ॥
ઇન્દ્રાદિમોહિની ચેષ્ટા ચેભેન્દ્રમુખદેવરા ।
સર્વાર્થદાત્રી સર્વેશી સર્વલોકાભિવન્દિતા ॥ ૧૩ ॥
સદ્ગુણા સકલા સાધ્વી સ્વાધીનપતિરવ્યયા ।
સ્વયંવૃતપતિઃ સ્વસ્થા સુખદા સુખદાયિની ॥ ૧૪ ॥
સુબ્રહ્મણ્યસખી સુભ્રૂઃ સુબ્રહ્મણ્યમનસ્વિની ।
સુબ્રહ્મણ્યાઙ્કનિલયા સુબ્રહ્મણ્યવિહારિણી ॥ ૧૫ ॥
સુરીદ્ગીતા સુરાનન્દા સુધાસારા સુધાપ્રિયા ।
સૌધસ્થા સૌમ્યવદના સ્વામિની સ્વામિકામિની ॥ ૧૬ ॥
સ્વામ્યદ્રિનિલયા સ્વામ્યહીના સામપરાયણા ।
સામવેદપ્રિયા સારા સારસ્થા સારવાદિની ॥ ૧૭ ॥
સરલા સઙ્ઘવિમુખા સઙ્ગીતાલાપનોત્સુકા ।
સારરૂપા સતી સૌમ્યા સોમજા સુમનોહરા ॥ ૧૮ ॥
સુષ્ઠુપ્રયુક્તા સુષ્ઠૂક્તિઃ સુષ્ઠુવેષા સુરારિહા ।
સૌદામિનીનિભા સુરપુરન્ધ્ર્યુદ્ગીતવૈભવા ॥ ૧૯ ॥
સમ્પત્કરી સદાતુષ્ટા સાધુકૃત્યા સનાતના ।
પ્રિયઙ્ગુપાલિની પ્રીતા પ્રિયઙ્ગુ મુદિતાન્તરા ॥ ૨૦ ॥
પ્રિયઙ્ગુદીપસમ્પ્રીતા પ્રિયઙ્ગુકલિકાધરા ।
પ્રિયઙ્ગુવનમધ્યસ્થા પ્રિયઙ્ગુગુડભક્ષિણી ॥ ૨૧ ॥
પ્રિયઙ્ગુવનસન્દૃષ્ટગુહા પ્રચ્છન્નગામિની ।
પ્રેયસી પ્રેય આશ્લિષ્ટા પ્રયસીજ્ઞાતસત્કૃતિઃ ॥ ૨૨ ॥
પ્રેયસ્યુક્તગુહોદન્તા પ્રેયસ્યા વનગામિની ।
પ્રેયોવિમોહિની પ્રેયઃકૃતપુષ્પેષુવિગ્રહા ॥ ૨૩ ॥
પીતામ્બર પ્રિયસુતા પીતામ્બરધરા પ્રિયા ।
પુષ્પિણી પુષ્પસુષમા પુષ્પિતા પુષ્પગન્ધિની ॥ ૨૪ ॥
પુલિન્દિની પુલિન્દેષ્ટા પુલિન્દાધિપવર્ધિતા ।
પુલિન્દવિદ્યાકુશલા પુલિન્દજનસંવૃતા ॥ ૨૫ ॥
પુલિન્દજાતા વનિતા પુલિન્દકુલદેવતા ।
પુરુહૂતનુતા પુણ્યા પુણ્યલભ્યાઽપુરાતના ॥ ૨૬ ॥
પૂજ્યા પૂર્ણકલાઽપૂર્વા પૌર્ણમીયજનપ્રિયા ।
બાલા બાલલતા બાહુયુગલા બાહુપઙ્કજા ॥ ૨૭ ॥
બલા બલવતી બિલ્વપ્રિયા બિલ્વદલાર્ચિતા ।
બાહુલેયપ્રિયા બિમ્બ ફલોષ્ઠા બિરુદોન્નતા ॥ ૨૮ ॥
બિલોત્તારિત વીરેન્દ્રા બલાઢ્યા બાલદોષહા ।
લવલીકુઞ્જસમ્ભૂતા લવલીગિરિસંસ્થિતા ॥ ૨૯ ॥
લાવણ્યવિગ્રહા લીલા સુન્દરી લલિતા લતા ।
લતોદ્ભવા લતાનન્દા લતાકારા લતાતનુઃ ॥ ૩૦ ॥
લતાક્રીડા લતોત્સાહા લતાડોલાવિહારિણી ।
લાલિતા લાલિતગુહા લલના લલનાપ્રિયા ॥ ૩૧ ॥
લુબ્ધપુત્રી લુબ્ધવંશ્યા લુબ્ધવેષા લતાનિભા ।
લાકિની લોકસમ્પૂજ્યા લોકત્રયવિનોદિની ॥ ૩૨ ॥
લોભહીના લાભકર્ત્રી લાક્ષારક્તપદામ્બુજા ।
લમ્બવામેતરકરા લબ્ધામ્ભોજકરેતરા ॥ ૩૩ ।
મૃગી મૃગસુતા મૃગ્યા મૃગયાસક્તમાનસા ।
મૃગાક્ષી માર્ગિતગુહા માર્ગક્રીડિતવલ્લભા ॥ ૩૪ ॥
સરલદ્રુકૃતાવાસા સરલાયિતષણ્મુખા ।
સરોવિહારરસિકા સરસ્તીરેભભીમરા ॥ ૩૫ ॥
સરસીરુહસઙ્કાશા સમાના સમનાગતા ॥
શબરી શબરીરાધ્યા શબરેન્દ્રવિવર્ધિતા ॥ ૩૬ ॥
શમ્બારારાતિસહજા શામ્બરી શામ્બરીમયા ।
શક્તિઃ શક્તિકરી શક્તિતનયેષ્ટા શરાસના ॥ ૩૭ ॥
શરોદ્ભવપ્રિયા શિઞ્જન્મણિભૂષા શિવસ્નુષા ।
સનિર્બન્ધસખીપૃષ્ટરહઃ કેલિનતાનના ॥ ૩૮ ।
દન્તક્ષતોહિતસ્કન્દલીલા ચૈવ સ્મરાનુજા ।
સ્મરારાધ્યા સ્મરારાતિસ્નુષા સ્મરસતીડિતા ॥ ૩૯ ॥
સુદતી સુમતિઃ સ્વર્ણા સ્વર્ણાભા સ્વર્ણદીપ્રિયા ।
વિનાયકાનુજસખી ચાનાયકપિતામહા ॥ ૪૦ ॥
પ્રિયમાતામહાદ્રીશા પિતૃસ્વસ્રેયકામિની ।
પ્રિયમાતુલમૈનાકા સપત્નીજનનીધરા ॥ ૪૧ ॥
સપત્નીન્દ્રસુતા દેવરાજસોદરસમ્ભવા ।
વિવધાનેકભૃદ્ભક્ત સઙ્ઘસંસ્તુતવૈભવા ॥ ૪૨ ॥
વિશ્વેશ્વરી વિશ્વવન્દ્યા વિરિઞ્ચિમુખસન્નુતા ।
વાતપ્રમીભવા વાયુવિનુતા વાયુસારથિઃ ॥ ૪૩ ॥
વાજિવાહા વજ્રભૂષા વજ્રાદ્યાયુધમણ્ડિતા ।
વિનતા વિનતાપૂજ્યા વિનતાનન્દનેડિતા ॥ ૪૪ ॥
વીરાસનગતા વીતિહોત્રાભા વીરસેવિતા ।
વિશેષશોભા વૈશ્યેષ્ટા વૈવસ્વતભયઙ્કરી ॥ ૪૫ ॥
કામેશી કામિની કામ્યા કમલા કમલાપ્રિયા ।
કમલાક્ષાક્ષિસમ્ભૂતા કુમૌદા કુમુદોદ્ભવા ॥ ૪૬ ॥
કુરઙ્ગનેત્રા કુમુદવલ્લી કુઙ્કુમશોભિતા ।
ગુઞ્જાહારધરા ગુઞ્જામણિભૂષા કુમારગા ॥ ૪૭ ॥
કુમારપત્ની કૌમારીરૂપિણી કુક્કુટધ્વજા ।
કુક્કુટારાવમુદિતા કુક્કુટધ્વજમેદુરા ॥ ૪૮ ॥
કુક્કુટાજિપ્રિયા કેલિકરા કૈલાસવાસિની ।
કૈલાસવાસિતનયકલત્રં કેશવાત્મજા ॥ ૪૯ ॥
કિરાતતનયા કીર્તિદાયિની કીરવાદિની ।
કિરાતકી કિરાતેડ્યા કિરાતાધિપવન્દિતા ॥ ૫૦ ॥
કીલકીલિતભક્તેડ્યા કલિહીના કલીશ્વરી ।
કાર્તસ્વરસમચ્છાયા કાર્તવીર્યસુપૂજિતા ॥ ૫૧ ॥
કાકપક્ષધરા કેકિવાહા કેકિવિહારિણી ।
કૃકવાકુપતાકાઢ્યા કૃકવાકુધરા કૃશા ॥ ૫૨ ॥
કૃશાઙ્ગી કૃષ્ણસહજપૂજિતા કૃષ્ણ વન્દિતા ।
કલ્યાણાદ્રિકૃતાવાસા કલ્યાણાયાતષણ્મુખા ॥ ૫૩ ॥
કલ્યાણી કન્યકા કન્યા કમનીયા કલાવતી ।
કારુણ્યવિગ્રહા કાન્તા કાન્તક્રીડારતોત્સવા ॥ ૫૪ ॥
કાવેરીતીરગા કાર્તસ્વરાભા કામિતાર્થદા ।
વિવધાસહમાનાસ્યા વિવધોત્સાહિતાનના ॥ ૫૫ ॥
વીરાવેશકરી વીર્યા વીર્યદા વીર્યવર્ધિની ॥
વીરભદ્રા વીરનવશતસાહસ્રસેવિતા ॥ ૫૬ ॥
વિશાખકામિની વિદ્યાધરા વિદ્યાધરાર્ચિતા ।
શૂર્પકારાતિસહજા શૂર્પકર્ણાનુજાઙ્ગના ॥ ૫૭ ॥
શૂર્પહોત્રી શૂર્પણખાસહોદરકુલાન્તકા ।
શુણ્ડાલભીતા શુણ્ડાલમસ્તકાભસ્તનદ્વયા ॥ ૫૮ ॥
શુણ્ડાસમોરુયુગલા શુદ્ધા શુભ્રા શુચિસ્મિતા ।
શ્રુતા શ્રુતપ્રિયાલાપા શ્રુતિગીતા શિખિપ્રિયા ॥ ૫૯ ॥
શિખિધ્વજા શિખિગતા શિખિનૃત્તપ્રિયા શિવા ।
શિવલિઙ્ગાર્ચનપરા શિવલાસ્યેક્ષણોત્સુકા ॥ ૬૦ ॥
શિવાકારાન્તરા શિષ્ટા શિવાદેશાનુચારિણી ।
શિવસ્થાનગતા શિષ્યશિવકામા શિવાદ્વયા ॥ ૬૧ ॥
શિવતાપસસમ્ભૂતા શિવતત્ત્વાવબોધિકા ।
શૃઙ્ગારરસસર્વસ્વા શૃઙ્ગારરસવારિધિઃ ॥ ૬૨ ॥
શૃઙ્ગારયોનિસહજા શૃઙ્ગબેરપુરાશ્રિતા ।
શ્રિતાભીષ્ટપ્રદા શ્રીડ્યા શ્રીજા શ્રીમન્ત્રવાદિની ॥ ૬૩ ॥
શ્રીવિદ્યા શ્રીપરા શ્રીશા શ્રીમયી શ્રીગિરિસ્થિતા ।
શોણાધરા શોભનાઙ્ગી શોભના શોભનપ્રદા ॥ ૬૪ ॥
શેષહીના શેષપૂજ્યા શેષતલ્પસમુદ્ભવા ।
શૂરસેના શૂરપદ્મકુલધૂમપતાકિકા ॥ ૬૫ ॥
શૂન્યાપાયા શૂન્યકટિઃ શૂન્યસિંહાસનસ્થિતા ।
શૂન્યલિઙ્ગા શૂન્ય શૂન્યા શૌરિજા શૌર્યવર્ધિની ॥ ૬૬ ॥
શરાનેકસ્યૂતકાયભક્તસઙ્ઘાશ્રિતાલયા ।
શશ્વદ્વૈવધિકસ્તુત્યા શરણ્યા શરણપ્રદા ॥ ૬૭ ॥
અરિગણ્ડાદિભયકૃદ્યન્ત્રોદ્વાહિજનાર્ચિતા ।
કાલકણ્ઠસ્નુષા કાલકેશા કાલભયઙ્કરી ॥ ૬૮ ॥
અજાવાહા ચાજામિત્રા ચાજાસુરહરા હ્યજા ।
અજામુખીસુતારાતિપૂજિતા ચાજરાઽમરા ॥ ૬૯ ॥
આજાનપાવનાઽદ્વૈતા આસમુદ્રક્ષિતીશ્વરી ।
આસેતુહિમશૈલાર્ચ્યા આકુઞ્ચિત શિરોરુહા ॥ ૭૦ ॥
આહારરસિકા ચાદ્યા આશ્ચર્યનિલયા તથા ।
આધારા ચ તથાઽઽધેયા તથાચાધેયવર્જિતા ॥ ૭૧ ॥
આનુપૂર્વીક્લૃપ્તરથા ચાશાપાલસુપૂજિતા ।
ઉમાસ્નુષા ઉમાસૂનુપ્રિયા ચોત્સવમોદિતા ॥ ૭૨ ॥
ઊર્ધ્વગા ઋદ્ધિદા ઋદ્ધા ઔષધીશાતિશાયિની ।
ઔપમ્યહીના ચૌત્સુક્યકરી ચૌદાર્યશાલિની ॥ ૭૩ ॥
શ્રીચક્રવાલાતપત્રા શ્રીવત્સાઙ્કિતભૂષણા ।
શ્રીકાન્તભાગિનેયેષ્ટા શ્રીમુખાબ્દાધિદેવતા ॥ ૭૪ ॥
ઇયં નારી વરનુતા પીનોન્નતકુચદ્વયા ।
શ્યામા યૌવનમધ્યસ્થા કા જાતા સા ગૃહાદૃતા ॥ ૭૫ ॥
એષા સમ્મોહિની દેવી પ્રિયલક્ષ્યા વરાશ્રિતા ।
કામાઽનુભુક્તા મૃગયાસક્તાઽઽવેદ્યા ગુહાશ્રિતા ॥ ૭૬ ॥
પુલિન્દવનિતાનીતા રહઃ કાન્તાનુસારિણી ।
નિશા ચાક્રીડિતાઽઽબોધ્યા નિર્નિદ્રા પુરુષાયિતા ॥ ૭૭ ॥
સ્વયંવૃતા સુદૃક્ સૂક્ષ્મા સુબ્રહ્મણ્યમનોહરા ।
પરિપૂર્ણાચલારૂઢા શબરાનુમતાઽનઘા ॥ ૭૮ ॥
ચન્દ્રકાન્તા ચન્દ્રમુખી ચન્દનાગરુચર્ચિતા ।
ચાટુપ્રિયોક્તિમુદિતા શ્રેયોદાત્રી વિચિન્તિતા ॥ ૭૯ ॥
મૂર્ધાસ્ફાટિપુરાધીશા મૂર્ધારૂઢપદામ્બુજા ।
મુક્તિદા મુદિતા મુગ્ધા મુહુર્ધ્યેયા મનોન્મની ॥ ૮૦ ॥
ચિત્રિતાત્મપ્રિયાકારા ચિદમ્બરવિહારિણી ।
ચતુર્વેદસ્વરારાવા ચિન્તનીયા ચિરન્તની ॥ ૮૧ ॥
કાર્તિકેયપ્રિયા કામસહજા કામિનીવૃતા ।
કાઞ્ચનાદ્રિસ્થિતા કાન્તિમતી સાધુવિચિન્તિતા ॥ ૮૨ ॥
નારાયણસમુદ્ભૂતા નાગરત્નવિભૂષણા ।
નારદોક્તપ્રિયોદન્તા નમ્યા કલ્યાણદાયિની ॥ ૮૩ ॥
નારદાભીષ્ટજનની નાકલોકનિવાસિની ।
નિત્યાનન્દા નિરતિશયા નામસાહસ્રપૂજિતા ॥ ૮૪ ॥
પિતામહેષ્ટદા પીતા પીતામ્બરસમુદ્ભવા ।
પીતામ્બરોજ્જ્વલા પીનનિતમ્બા પ્રાર્થિતા પરા ॥ ૮૫ ॥
ગણ્યા ગણેશ્વરી ગમ્યા ગહનસ્થા ગજપ્રિયા ।
ગજારૂઢા ગજગતિઃ ગજાનનવિનોદિની ॥ ૮૬ ॥
અગજાનનપદ્માર્કા ગજાનનસુધાકરા ।
ગન્ધર્વવન્દ્યા ગન્ધર્વતન્ત્રા ગન્ધવિનોદિની ॥ ૮૭ ॥
ગાન્ધર્વોદ્વાહિતા ગીતા ગાયત્રી ગાનતત્પરા ।
ગતિર્ગહનસમ્ભૂતા ગાઢાશ્લિષ્ટશિવાત્મજા ॥ ૮૮ ॥
ગૂઢા ગૂઢચરા ગુહ્યા ગુહ્યકેષ્ટા ગુહાશ્રિતા ।
ગુરુપ્રિયા ગુરુસ્તુત્ય ગુણ્યા ગુણિગણાશ્રિતા ॥ ૮૯ ॥
ગુણગણ્યા ગૂઢરતિઃ ગીર્ગીર્વિનુતવૈભવા ।
ગીર્વાણી ગીતમહિમા ગીર્વાણેશ્વરસન્નુતા ॥ ૯૦ ॥
ગીર્વાણાદ્રિકૃતાવાસા ગજવલ્લી ગજાશ્રિતા ।
ગાઙ્ગેયવનિતા ગઙ્ગાસૂનુકાન્તા ગિરીશ્વરી ॥ ૯૧ ॥
દેવસેનાસપત્ની યા દેવેન્દ્રાનુજસમ્ભવા ।
દેવરેભભયાવિષ્ટા સરસ્તીરલુઠદ્ગતિઃ ॥ ૯૨ ॥
વૃદ્ધવેષગુહાક્લિષ્ટા ભીતા સર્વાઙ્ગસુન્દરી ।
નિશાસમાનકબરી નિશાકરસમાનના ॥ ૯૩ ॥
નિર્નિદ્રિતાક્ષિકમલા નિષ્ઠ્યૂતારુણભાધરા ।
શિવાચાર્યસતી શીતા શીતલા શીતલેક્ષણા ॥ ૯૪ ॥
કિમેતદિતિ સાશઙ્કભટા ધમ્મિલ્લમાર્ગિતા ।
ધમ્મિલ્લસુન્દરી ધર્ત્રી ધાત્રી ધાતૃવિમોચિની ॥ ૯૫ ॥
ધનદા ધનદપ્રીતા ધનેશી ધનદેશ્વરી ।
ધન્યા ધ્યાનપરા ધારા ધરાધારા ધરાધરા ॥ ૯૬ ॥
ધરા ધરાધરોદ્ભૂતા ધીરા ધીરસમર્ચિતા ।
કિં કરોષીતિ સમ્પૃષ્ટગુહા સાકૂતભાષિણી ॥ ૯૭ ॥
રહો ભવતુ તદ્ભૂયાત્ શમિત્યુક્તપ્રિયા સ્મિતા ।
કુમારજ્ઞાત કાઠિન્યકુચાઽર્ધોરુલસત્કટી ॥ ૯૮ ॥
કઞ્ચુકી કઞ્ચુકાચ્છન્ના કાઞ્ચીપટ્ટપરિષ્કૃતા ।
વ્યત્યસ્તકચ્છા વિન્યસ્તદક્ષિણાંસાંશુકાઽતુલા ॥ ૯૯ ॥
બન્ધોત્સુકિતકાન્તાન્તા પુરુષાયિતકૌતુકા ।
પૂતા પૂતવતી પૃષ્ટા પૂતનારિસમર્ચિતા ॥ ૧૦૦ ॥
કણ્ટકોપાનહોન્નૃત્યદ્ભક્તા દણ્ડાટ્ટહાસિની ।
આકાશનિલયા ચાકાશા આકાશાયિતમધ્યમા ॥ ૧૦૧ ॥
આલોલલોલાઽઽલોલા ચાલોલોત્સારિતાણ્ડજા ।
રમ્ભોરુયુગલા રમ્ભાપૂજિતા રતિરઞ્જની ॥ ૧૦૨ ॥
આરમ્ભવાદવિમુખા ચેલાક્ષેપપ્રિયાસહા ।
અન્યાસઙ્ગપ્રિયોદ્વિગ્ના અભિરામા હ્યનુત્તમા ॥ ૧૦૩ ॥
સત્વરા ત્વરિતા તુર્યા તારિણી તુરગાસના ।
હંસારૂઢા વ્યાઘ્રગતા સિંહારૂઢાઽઽરુણાધરા ॥ ૧૦૪ ॥
કૃત્તિકાવ્રતસમ્પ્રીતા કાર્તિકેયવિમોહિની ।
કરણ્ડમકુટા કામદોગ્ધ્રી કલ્પદ્રુસંસ્થિતા ॥ ૧૦૫ ॥
વાર્તાવ્યઙ્ગ્યવિનોદેષ્ટા વઞ્ચિતા વઞ્ચનપ્રિયા ।
સ્વાભાદીપ્તગુહા સ્વાભાબિમ્બિતેષ્ટા સ્વયઙ્ગ્રહા ॥ ૧૦૬ ॥
મૂર્ધાભિષિક્તવનિતા મરાલગતિરીશ્વરી ।
માનિની માનિતા માનહીના માતામહેડિતા ॥ ૧૦૭ ॥
મિતાક્ષરી મિતાહારા મિતવાદાઽમિતપ્રભા ।
મીનાક્ષી મુગ્ધહસના મુગ્ધા મૂર્તિમતી મતિઃ ॥ ૧૦૮ ॥
માતા માતૃસખાનન્દા મારવિદ્યાઽમૃતાક્ષરા ।
અપઞ્ચીકૃતભૂતેશી પઞ્ચીકૃત વસુન્ધરા ॥ ૧૦૯ ॥
વિફલીકૃતકલ્પદ્રુરફલીકૃતદાનવા ।
અનાદિષટ્કવિપુલા ચાદિષટ્કાઙ્ગમાલિની ॥ ૧૧૦ ।
નવકક્ષાયિતભટા નવવીરસમર્ચિતા ।
રાસક્રીડાપ્રિયા રાધાવિનુતા રાધેયવન્દિતા ॥ ૧૧૧ ॥
રાજચક્રધરા રાજ્ઞી રાજીવાક્ષસુતા રમા ।
રામા રામાદૃતા રમ્યા રામાનન્દા મનોરમા ॥ ૧૧૨ ॥
રહસ્યજ્ઞા રહોધ્યેયા રઙ્ગસ્થા રેણુકાપ્રિયા ।
રૈણુકેયનુતા રેવાવિહારા રોગનાશિની ॥ ૧૧૩ ॥
વિટઙ્કા વિગતાટઙ્કા વિટપાયિતષણ્મુખા ।
વીટિપ્રિયા વીરુડ્ધ્વજા વીરુટ્પ્રીતમૃગાવૃતા ॥ ૧૧૪ ॥
વીશારૂઢા વીશરત્નપ્રભાઽવિદિતવૈભવા ।
ચિત્રા ચિત્રરથા ચિત્રસેના ચિત્રિતવિગ્રહા ॥ ૧૧૫ ॥
ચિત્રસેનનુતા ચિત્રવસના ચિત્રિતા ચિતિઃ ।
ચિત્રગુપ્તાર્ચિતા ચાટુવચના ચારુભૂષણા ॥ ૧૧૬ ॥
ચમત્કૃતિશ્ચમત્કારભ્રમિતેષ્ટા ચલત્કચા ।
છાયાપતઙ્ગબિમ્બાસ્યા છવિનિર્જિતભાસ્કરા ॥ ૧૧૭ ॥
છત્રધ્વજાદિબિરુદા છાત્રહીના છવીશ્વરી ।
જનની જનકાનન્દા જાહ્નવીતનયપ્રિયા ॥ ૧૧૮ ॥
જાહ્નવીતીરગા જાનપદસ્થાઽજનિમારણા ।
જમ્ભભેદિસુતાનન્દા જમ્ભારિવિનુતા જયા ॥ ૧૧૯ ।
જયાવહા જયકરી જયશીલા જયપ્રદા ।
જિનહન્ત્રી જૈનહન્ત્રી જૈમિનીયપ્રકીર્તિતા ॥ ૧૨૦ ॥
જ્વરઘ્ની જ્વલિતા જ્વાલામાલા જાજ્વલ્યભૂષણા ।
જ્વાલામુખી જ્વલત્કેશા જ્વલદ્વલ્લીસમુદ્ભવા ॥ ૧૨૧ ॥
જ્વલત્કુણ્ડાન્તાવતરદ્ભક્તા જ્વલનભાજના ।
જ્વલનોદ્ધૂપિતામોદા જ્વલદ્દીપ્તધરાવૃતા ॥ ૧૨૨ ॥
જાજ્વલ્યમાના જયિની જિતામિત્રા જિતપ્રિયા ।
ચિન્તામણીશ્વરી છિન્નમસ્તા છેદિતદાનવા ॥ ૧૨૩ ॥
ખડ્ગધારોન્નટદ્દાસા ખડ્ગરાવણપૂજિતા ।
ખડ્ગસિદ્ધિપ્રદા ખેટહસ્તા ખેટવિહારિણી ॥ ૧૨૪ ॥
ખટ્વાઙ્ગધરજપ્રીતા ખાદિરાસન સંસ્થિતા ।
ખાદિની ખાદિતારાતિઃ ખનીશી ખનિદાયિની ॥ ૧૨૫ ॥
અઙ્કોલિતાન્તરગુહા અઙ્કુરદન્તપઙ્ક્તિકા ।
ન્યઙ્કૂદરસમુદ્ભૂતાઽભઙ્ગુરાપાઙ્ગવીક્ષણા ॥ ૧૨૬ ॥
પિતૃસ્વામિસખી પતિવરારૂઢા પતિવ્રતા ।
પ્રકાશિતા પરાદ્રિસ્થા જયન્તીપુરપાલિની ॥ ૧૨૭ ॥
ફલાદ્રિસ્થા ફલપ્રીતા પાણ્ડ્યભૂપાલવન્દિતા ।
અફલા સફલા ફાલદૃક્કુમારતપઃફલા ॥ ૧૨૮ ॥
કુમારકોષ્ઠગા કુન્તશક્તિચિહ્નધરાવૃતા ।
સ્મરબાણાયિતાલોકા સ્મરવિદ્યોહિતાકૃતિઃ ॥ ૧૨૯ ॥
કાલમેઘાયિતકચા કામસૌભાગ્ય વારિધિઃ ।
કાન્તાલકાન્તા કામેડ્યા કરકોન્નર્તન પ્રિયા ॥ ૧૩૦ ॥
પૌનઃ પુન્યપ્રિયાલાયા પમ્પાવાદ્યપ્રિયાધિકા ।
રમણીયા સ્મરણીયા ભજનીયા પરાત્પરા ॥ ૧૩૧ ॥
નીલવાજિગતા નીલખડ્ગા નીલાંશુકાઽનિલા ।
રાત્રિર્નિદ્રા ભગવતી નિદ્રાકર્ત્રી વિભાવરી ॥ ૧૩૨ ॥
શુકાયમાનકાયોક્તિઃ કિંશુકાભાધરામ્બરા ।
શુકમાનિતચિદ્રૂપા સંશુકાન્તપ્રસાધિની ॥ ૧૩૩ ॥
ગૂઢોક્તા ગૂઢગદિતા ગુહસઙ્કેતિતાઽગગા ।
ધૈર્યા ધૈર્યવતી ધાત્રીપ્રેષિતાઽવાપ્તકામના ॥ ૧૩૪ ॥
સન્દૃષ્ટા કુક્કુટારાવધ્વસ્તધમ્મિલ્લજીવિની ।
ભદ્રા ભદ્રપ્રદા ભક્તવત્સલા ભદ્રદાયિની ॥ ૧૩૫ ॥
ભાનુકોટિપ્રતીકાશા ચન્દ્રકોટિસુશીતલા ।
જ્વલનાન્તઃસ્થિતા ભક્તવિનુતા ભાસ્કરેડિતા ॥ ૧૩૬ ॥
અભઙ્ગુરા ભારહીના ભારતી ભારતીડિતા ।
ભરતેડ્યા ભારતેશી ભુવનેશી ભયાપહા ॥ ૧૩૭ ॥
ભૈરવી ભૈરવીસેવ્યા ભોક્ત્રી ભોગીન્દ્રસેવિતા ।
ભોગેડિતા ભોગકરી ભેરુણ્ડા ભગમાલિની ॥ ૧૩૮ ॥
ભગારાધ્યા ભાગવતપ્રગીતાઽભેદવાદિની ।
અન્યાઽનન્યા નિજાનન્યા સ્વાનન્યાઽનન્યકામિની ॥ ૧૩૯ ॥
યજ્ઞેશ્વરી યાગશીલા યજ્ઞોદ્ગીતગુહાનુગા ।
સુબ્રહ્મણ્યગાનરતા સુબ્રહ્મણ્યસુખાસ્પદા ॥ ૧૪૦ ॥
કુમ્ભજેડ્યા કુતુકિતા કૌસુમ્ભામ્બરમણ્ડિતા ।
સંસ્કૃતા સંસ્કૃતારાવા સર્વાવયવસુન્દરી ॥ ૧૪૧ ॥
ભૂતેશી ભૂતિદા ભૂતિઃ ભૂતાવેશનિવારિણી ।
ભૂષણાયિતભૂતાણ્ડા ભૂચક્રા ભૂધરાશ્રિતા ॥ ૧૪૨ ॥
ભૂલોકદેવતા ભૂમા ભૂમિદા ભૂમિકન્યકા ।
ભૂસુરેડ્યા ભૂસુરારિવિમુખા ભાનુબિમ્બગા ॥ ૧૪૩ ॥
પુરાતનાઽભૂતપૂર્વાઽવિજાતીયાઽધુનાતના ।
અપરા સ્વગતાભેદા સજાતીયવિભેદિની ॥ ૧૪૪ ॥
અનન્તરાઽરવિન્દાભા હૃદ્યા હૃદયસંસ્થિતા ।
હ્રીમતી હૃદયાસક્તા હૃષ્ટા હૃન્મોહભાસ્કરા ॥ ૧૪૫ ॥
હારિણી હરિણી હારા હારાયિતવિલાસિની ।
હરારાવપ્રમુદિતા હીરદા હીરભૂષણા ॥ ૧૪૬ ॥
હીરભૃદ્વિનુતા હેમા હેમાચલનિવાસિની ।
હોમપ્રિયા હૌત્રપરા હુઙ્કારા હુમ્ફડુજ્જ્વલા ॥ ૧૪૭ ॥
હુતાશનેડિતા હેલામુદિતા હેમભૂષણા ।
જ્ઞાનેશ્વરી જ્ઞાતતત્ત્વા જ્ઞેયા જ્ઞેયવિવર્જિતા ॥ ૧૪૮ ॥
જ્ઞાનં જ્ઞાનાકૃતિર્જ્ઞાનિવિનુતા જ્ઞાતિવર્જિતા ।
જ્ઞાતાખિલા જ્ઞાનદાત્રી જ્ઞાતાજ્ઞાતવિવર્જિતા ॥ ૧૪૯ ॥
જ્ઞેયાનન્યા જ્ઞેયગુહા વિજ્ઞેયાઽજ્ઞેયવર્જિતા ।
આજ્ઞાકરી પરાજ્ઞાતા પ્રાજ્ઞા પ્રજ્ઞાવશેષિતા ॥ ૧૫૦ ॥
સ્વાજ્ઞાધીનામરાઽનુજ્ઞાકાઙ્ક્ષોન્નૃત્યત્સુરાઙ્ગના ।
સગજા અગજાનન્દા સગુહા અગુહાન્તરા ॥ ૧૫૧ ॥
સાધારા ચ નિરાધારા ભૂધરસ્થાઽતિભૂધરા ।
સગુણા ચાગુણાકારા નિર્ગુણા ચ ગુણાધિકા ॥ ૧૫૨ ॥
અશેષા ચાવિશેષેડ્યા શુભદા ચાશુભાપહા ।
અતર્ક્યા વ્યાકૃતા ન્યાયકોવિદા તત્ત્વબોધિની ॥ ૧૫૩ ॥
સાઙ્ખ્યોક્તા કપિલાનન્દા વૈશેષિકવિનિશ્ચિતા ।
પુરાણપ્રથિતાઽપારકરુણા વાક્પ્રદાયિની ॥ ૧૫૪ ॥
સઙ્ખ્યાવિહીનાઽસઙ્ખ્યેયા સુસ્મૃતા વિસ્મૃતાપહા ।
વીરબાહુનુતા વીરકેસરીડિતવૈભવા ॥ ૧૫૫ ॥
વીરમાહેન્દ્રવિનુતા વીરમાહેશ્વરાર્ચિતા ।
વીરરાક્ષસસમ્પૂજ્યા વીરમાર્તણ્ડવન્દિતા ॥ ૧૫૬ ॥
વીરાન્તકસ્તુતા વીરપુરન્દરસમર્ચિતા ।
વીરધીરાર્ચિતપદા નવવીરસમાશ્રિતા ॥ ૧૫૭ ॥
ભૈરવાષ્ટકસંસેવ્યા બ્રહ્માદ્યષ્ટકસેવિતા ।
ઇન્દ્રાદ્યષ્ટકસમ્પૂજ્યા વજ્રાદ્યાયુધશોભિતા ॥ ૧૫૮ ॥
અઙ્ગાવરણસંયુક્તા ચાનઙ્ગામૃતવર્ષિણી ।
તમોહન્ત્રી તપોલભ્યા તમાલરુચિરાઽબલા ॥ ૧૫૯ ॥
સાનન્દા સહજાનન્દા ગુહાનન્દવિવર્ધિની ।
પરાનન્દા શિવાનન્દા સચ્ચિદાનન્દરૂપિણી ॥ ૧૬૦ ॥
પુત્રદા વસુદા સૌખ્યદાત્રી સર્વાર્થદાયિની ।
યોગારૂઢા યોગિવન્દ્યા યોગદા ગુહયોગિની ॥ ૧૬૧ ॥
પ્રમદા પ્રમદાકારા પ્રમાદાત્રી પ્રમામયી ।
ભ્રમાપહા ભ્રામયિત્રી પ્રધાના પ્રબલા પ્રમા ॥ ૧૬૨ ॥
પ્રશાન્તા પ્રમિતાનન્દા પરમાનન્દનિર્ભરા ।
પારાવારા પરોત્કર્ષા પાર્વતીતનયપ્રિયા ॥ ૧૬૩ ॥
પ્રસાધિતા પ્રસન્નાસ્યા પ્રાણાયામપરાર્ચિતા ।
પૂજિતા સાધુવિનુતા સુરસાસ્વાદિતા સુધા ॥ ૧૬૪ ॥
સ્વામિની સ્વામિવનિતા સમનીસ્થા સમાનિતા ।
સર્વસમ્મોહિની વિશ્વજનની શક્તિરૂપિણી ॥ ૧૬૫ ॥
કુમારદક્ષિણોત્સઙ્ગવાસિની ભોગમોક્ષદા ॥ ૐ ।
એવં નામસહસ્રં તે પ્રોક્તં નારદ શોભનમ્ ॥ ૧૬૬ ॥
સુબ્રહ્મણ્યસ્ય કાન્તાયા વલ્લીદેવ્યાઃ પ્રિયઙ્કરમ્ ।
નિત્યં સઙ્કીર્તયેદેતત્સર્વાન્કામાનવાપ્નુયાત્ ॥ ૧૬૭ ॥
શુક્રવારે ભૌમવારે ષષ્ઠ્યાં વા કૃત્તિકાસ્યપિ ।
સઙ્ક્રમાદિષુ કાલેષુ ગ્રહણે ચન્દ્રસૂર્યયોઃ ॥ ૧૬૮ ॥
પઠેદિદં વિશેષેણ સર્વસિદ્ધિમવાપ્નુયાત્ ।
એભિર્નામભિરમ્બાં યઃ કુઙ્કુમાદિભિરર્ચયેત્ ॥ ૧૬૯ ॥
યદ્યદ્વાઞ્છતિ તત્સર્વમચિરાજ્જાયતે ધ્રુવમ્ ।
સુબ્રહ્મણ્યોઽપિ સતતં પ્રીતઃ સર્વાર્થદો ભવેત્ ॥ ૧૭૦ ॥
પુત્રપૌત્રાદિદં સર્વસમ્પત્પ્રદ મઘાપહમ્ ।
વિદ્યાપ્રદં વિશેષેણ સર્વરોગનિવર્તકમ્ ॥ ૧૭૧ ॥
દુષ્ટારિષ્ટપ્રશમનં ગ્રહશાન્તિકરં વરમ્ ।
જપાદસ્ય પ્રભાવેણ સર્વાઃ સિદ્ધ્યન્તિ સિદ્ધયઃ ।
ગોપનીયં પઠ ત્વં ચ સર્વમાપ્નુહિ નારદ ॥ ૧૭૨ ॥
॥ સ્કાન્દે શઙ્કરસંહિતાતઃ ॥
Also Read 1000 Names of Sri Valli:
1000 Names of Sri Valli Devasena | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
