Shri Vallisahasranamastotram Lyrics in Oriya:
॥ ଶ୍ରୀଵଲ୍ଲୀସହସ୍ରନାମସ୍ତୋତ୍ରମ୍ ॥
(ସ୍କାନ୍ଦେ ଶଙ୍କରସଂହିତାତଃ)
ବ୍ରହ୍ମୋଵାଚ –
ଶୃଣୁ ନାରଦ ମଦ୍ଵତ୍ସ ଵଲ୍ଲୀନାମ୍ନାଂ ସହସ୍ରକମ୍ ।
ସ୍କନ୍ଦକ୍ରୀଡାଵିନୋଦାଦିବୋଧକଂ ପରମାଦ୍ଭୁତମ୍ ॥ ୧ ॥
ମୁନିରସ୍ମ୍ୟହମେଵାସ୍ୟ ଛନ୍ଦୋଽନୁଷ୍ଟୁପ୍ ପ୍ରକୀର୍ତିତମ୍ ।
ଵଲ୍ଲୀଦେଵୀ ଦେଵତା ସ୍ୟାତ୍ ଵ୍ରାଂ ଵ୍ରୀଂ ଵ୍ରୂଂ ବୀଜଶକ୍ତ୍ୟପି ॥ ୨ ॥
କୀଲକଂ ଚ ତଥା ନ୍ୟସ୍ୟ ଵ୍ରାଂ ଇତ୍ୟାଦ୍ୟୈଃ ଷଡଙ୍ଗକମ୍ ।
ଓଂ ଅସ୍ୟ ଶ୍ରୀ ଵଲ୍ଲୀସହସ୍ରନାମ ସ୍ତୋତ୍ର ମନ୍ତ୍ରସ୍ୟ ଭଗଵାନ୍ ଶ୍ରୀବ୍ରହ୍ମା ଋଷିଃ ।
ଅନୁଷ୍ଟୁପ୍ ଛନ୍ଦଃ । ଶ୍ରୀଵଲ୍ଲୀଦେଵୀ ଦେଵତା । ଵ୍ରାଂ ବୀଜମ୍ । ଵ୍ରୀଂ ଶକ୍ତିଃ ।
ଵ୍ରୂଂ କୀଲକମ୍ । ଶ୍ରୀସ୍କନ୍ଦପତିଵ୍ରତା ଭଗଵତୀ ଶ୍ରୀଵଲ୍ଲୀଦେଵୀ
ପ୍ରୀତ୍ୟର୍ଥଂ ସହସ୍ରନାମଜପେ ଵିନିୟୋଗଃ ॥
॥ ଅଥ କରନ୍ୟାସଃ ॥
ଵ୍ରାଂ ଅଙ୍ଗୁଷ୍ଠାଭ୍ୟାଂ ନମଃ ।
ଵ୍ରୀଂ ତର୍ଜନୀଭ୍ୟାଂ ନମଃ ।
ଵ୍ରୂଂ ମଧ୍ୟମାଭ୍ୟାଂ ନମଃ ।
ଵ୍ରୈଂ ଅନାମିକାଭ୍ୟାଂ ନମଃ ।
ଵ୍ରୌଂ କନିଷ୍ଠାଭ୍ୟାଂ ନମଃ ।
ଵ୍ରଃ କରତଲକରପୁଷ୍ଠାଭ୍ୟାଂ ନମଃ ॥
॥ ଇତି କରନ୍ୟାସଃ ॥
॥ ଅଥ ହୃଦୟାଦିଷଡଙ୍ଗ ନ୍ୟାସଃ ॥
ଵ୍ରାଂ ହୃଦୟାୟ ନମଃ ।
ଵ୍ରୀଂ ଶିରସେ ସ୍ଵାହା ।
ଵ୍ରୂଂ ଶିଖାୟୈ ଵଷଟ୍ ।
ଵ୍ରୈଂ କଵଚାୟ ହୁମ୍ ।
ଵ୍ରୌଂ ନେତ୍ରତ୍ରୟାୟ ଵୌଷଟ୍ ।
ଵ୍ରଃ ଅସ୍ତ୍ରାୟ ଫଟ୍ ॥
॥ ଇତି ହୃଦୟାଦିଷଡଙ୍ଗ ନ୍ୟାସଃ ॥
ତତଃ ସଞ୍ଚିନ୍ତୟେଦ୍ଦେଵୀଂ ଵଲ୍ଲୀଂ ସ୍କନ୍ଦପତିଵ୍ରତାମ୍ ॥ ୩ ॥
ଶ୍ୟାମାଂ ଶ୍ୟାମାଲକାନ୍ତାଂ ଦ୍ରୁତକନକମଣି ପ୍ରସ୍ଫୁରଦ୍ଦିଵ୍ୟଭୂଷାଂ
ଗୁଞ୍ଜାମାଲାଭିରାମାଂ ଶିଵମୁନିତନୟାଂ କାନନେନ୍ଦ୍ରାଭିମାନ୍ୟାମ୍ ।
ଵାମେ ହସ୍ତେ ଚ ପଦ୍ମଂ ତଦିତରକରଵରଂ ଲମ୍ବିତଂ ସନ୍ଦଧାନାଂ
ସଂସ୍ଥାଂ ସେନାନିଦକ୍ଷେ ସମୁଦମପି ମହାଵଲ୍ଲିଦେଵୀଂ ଭଜେଽହମ୍ ॥ ୪ ॥
ଇତ୍ୟେଵଂ ଚିନ୍ତୟିତ୍ଵାଽମ୍ବାଂ ମନସାଽଭ୍ୟର୍ଚଂ ସାଦରମ୍ ।
ପଠେନ୍ନାମସହସ୍ରଂ ତତ୍ ଶ୍ରୂୟତାଂ ସ୍ତୋତ୍ରମୁତ୍ତମମ୍ ॥ ୫ ॥
ଓଂ ଵଲ୍ଲୀ ଵଲ୍ଲୀଶ୍ଵରୀ ଵଲ୍ଲୀବହ୍ଵା ଵଲ୍ଲୀନିଭାକୃତିଃ ।
ଵୈକୁଣ୍ଠାକ୍ଷିସମୁଦ୍ଭୂତା ଵିଷ୍ଣୁସଂଵର୍ଧିତା ଵରା ॥ ୬ ॥
ଵାରିଜାକ୍ଷା ଵାରିଜାସ୍ୟା ଵାମା ଵାମେତରାଶ୍ରିତା ।
ଵନ୍ୟା ଵନଭଵା ଵନ୍ଦ୍ୟା ଵନଜା ଵନଜାସନା ॥ ୭ ॥
ଵନଵାସପ୍ରିୟା ଵାଦଵିମୁଖା ଵୀରଵନ୍ଦିତା ।
ଵାମାଙ୍ଗା ଵାମନୟନା ଵଲୟାଦିଵିଭୂଷଣା ॥ ୮ ॥
ଵନରାଜସୁତା ଵୀରା ଵୀଣାଵାଦଵିଦୂଷିଣୀ ।
ଵୀଣାଧରା ଵୈଣିକର୍ଷିଶ୍ରୁତସ୍କନ୍ଦକଥା ଵଧୂଃ ॥ ୯ ॥
ଶିଵଙ୍କରୀ ଶିଵମୁନିତନୟା ହରିଣୋଦ୍ଭଵା ।
ହରୀନ୍ଦ୍ରଵିନୁତା ହାନିହୀନା ହରିଣଲୋଚନା ॥ ୧୦ ॥
ହରିଣାଙ୍କମୁଖୀ ହାରଧରା ହରଜକାମିନୀ ।
ହରସ୍ନୁଷା ହରାଧିକ୍ୟଵାଦିନୀ ହାନିଵର୍ଜିତା ॥ ୧୧ ॥
ଇଷ୍ଟଦା ଚେଭସମ୍ଭୀତା ଚେଭଵକ୍ତ୍ରାନ୍ତକପ୍ରିୟା ।
ଇନ୍ଦ୍ରେଶ୍ଵରୀ ଚେନ୍ଦ୍ରନୁତା ଚେନ୍ଦିରାତନୟାର୍ଚିତା ॥ ୧୨ ॥
ଇନ୍ଦ୍ରାଦିମୋହିନୀ ଚେଷ୍ଟା ଚେଭେନ୍ଦ୍ରମୁଖଦେଵରା ।
ସର୍ଵାର୍ଥଦାତ୍ରୀ ସର୍ଵେଶୀ ସର୍ଵଲୋକାଭିଵନ୍ଦିତା ॥ ୧୩ ॥
ସଦ୍ଗୁଣା ସକଲା ସାଧ୍ଵୀ ସ୍ଵାଧୀନପତିରଵ୍ୟୟା ।
ସ୍ଵୟଂଵୃତପତିଃ ସ୍ଵସ୍ଥା ସୁଖଦା ସୁଖଦାୟିନୀ ॥ ୧୪ ॥
ସୁବ୍ରହ୍ମଣ୍ୟସଖୀ ସୁଭ୍ରୂଃ ସୁବ୍ରହ୍ମଣ୍ୟମନସ୍ଵିନୀ ।
ସୁବ୍ରହ୍ମଣ୍ୟାଙ୍କନିଲୟା ସୁବ୍ରହ୍ମଣ୍ୟଵିହାରିଣୀ ॥ ୧୫ ॥
ସୁରୀଦ୍ଗୀତା ସୁରାନନ୍ଦା ସୁଧାସାରା ସୁଧାପ୍ରିୟା ।
ସୌଧସ୍ଥା ସୌମ୍ୟଵଦନା ସ୍ଵାମିନୀ ସ୍ଵାମିକାମିନୀ ॥ ୧୬ ॥
ସ୍ଵାମ୍ୟଦ୍ରିନିଲୟା ସ୍ଵାମ୍ୟହୀନା ସାମପରାୟଣା ।
ସାମଵେଦପ୍ରିୟା ସାରା ସାରସ୍ଥା ସାରଵାଦିନୀ ॥ ୧୭ ॥
ସରଲା ସଙ୍ଘଵିମୁଖା ସଙ୍ଗୀତାଲାପନୋତ୍ସୁକା ।
ସାରରୂପା ସତୀ ସୌମ୍ୟା ସୋମଜା ସୁମନୋହରା ॥ ୧୮ ॥
ସୁଷ୍ଠୁପ୍ରୟୁକ୍ତା ସୁଷ୍ଠୂକ୍ତିଃ ସୁଷ୍ଠୁଵେଷା ସୁରାରିହା ।
ସୌଦାମିନୀନିଭା ସୁରପୁରନ୍ଧ୍ର୍ୟୁଦ୍ଗୀତଵୈଭଵା ॥ ୧୯ ॥
ସମ୍ପତ୍କରୀ ସଦାତୁଷ୍ଟା ସାଧୁକୃତ୍ୟା ସନାତନା ।
ପ୍ରିୟଙ୍ଗୁପାଲିନୀ ପ୍ରୀତା ପ୍ରିୟଙ୍ଗୁ ମୁଦିତାନ୍ତରା ॥ ୨୦ ॥
ପ୍ରିୟଙ୍ଗୁଦୀପସମ୍ପ୍ରୀତା ପ୍ରିୟଙ୍ଗୁକଲିକାଧରା ।
ପ୍ରିୟଙ୍ଗୁଵନମଧ୍ୟସ୍ଥା ପ୍ରିୟଙ୍ଗୁଗୁଡଭକ୍ଷିଣୀ ॥ ୨୧ ॥
ପ୍ରିୟଙ୍ଗୁଵନସନ୍ଦୃଷ୍ଟଗୁହା ପ୍ରଚ୍ଛନ୍ନଗାମିନୀ ।
ପ୍ରେୟସୀ ପ୍ରେୟ ଆଶ୍ଲିଷ୍ଟା ପ୍ରୟସୀଜ୍ଞାତସତ୍କୃତିଃ ॥ ୨୨ ॥
ପ୍ରେୟସ୍ୟୁକ୍ତଗୁହୋଦନ୍ତା ପ୍ରେୟସ୍ୟା ଵନଗାମିନୀ ।
ପ୍ରେୟୋଵିମୋହିନୀ ପ୍ରେୟଃକୃତପୁଷ୍ପେଷୁଵିଗ୍ରହା ॥ ୨୩ ॥
ପୀତାମ୍ବର ପ୍ରିୟସୁତା ପୀତାମ୍ବରଧରା ପ୍ରିୟା ।
ପୁଷ୍ପିଣୀ ପୁଷ୍ପସୁଷମା ପୁଷ୍ପିତା ପୁଷ୍ପଗନ୍ଧିନୀ ॥ ୨୪ ॥
ପୁଲିନ୍ଦିନୀ ପୁଲିନ୍ଦେଷ୍ଟା ପୁଲିନ୍ଦାଧିପଵର୍ଧିତା ।
ପୁଲିନ୍ଦଵିଦ୍ୟାକୁଶଲା ପୁଲିନ୍ଦଜନସଂଵୃତା ॥ ୨୫ ॥
ପୁଲିନ୍ଦଜାତା ଵନିତା ପୁଲିନ୍ଦକୁଲଦେଵତା ।
ପୁରୁହୂତନୁତା ପୁଣ୍ୟା ପୁଣ୍ୟଲଭ୍ୟାଽପୁରାତନା ॥ ୨୬ ॥
ପୂଜ୍ୟା ପୂର୍ଣକଲାଽପୂର୍ଵା ପୌର୍ଣମୀୟଜନପ୍ରିୟା ।
ବାଲା ବାଲଲତା ବାହୁୟୁଗଲା ବାହୁପଙ୍କଜା ॥ ୨୭ ॥
ବଲା ବଲଵତୀ ବିଲ୍ଵପ୍ରିୟା ବିଲ୍ଵଦଲାର୍ଚିତା ।
ବାହୁଲେୟପ୍ରିୟା ବିମ୍ବ ଫଲୋଷ୍ଠା ବିରୁଦୋନ୍ନତା ॥ ୨୮ ॥
ବିଲୋତ୍ତାରିତ ଵୀରେନ୍ଦ୍ରା ବଲାଢ୍ୟା ବାଲଦୋଷହା ।
ଲଵଲୀକୁଞ୍ଜସମ୍ଭୂତା ଲଵଲୀଗିରିସଂସ୍ଥିତା ॥ ୨୯ ॥
ଲାଵଣ୍ୟଵିଗ୍ରହା ଲୀଲା ସୁନ୍ଦରୀ ଲଲିତା ଲତା ।
ଲତୋଦ୍ଭଵା ଲତାନନ୍ଦା ଲତାକାରା ଲତାତନୁଃ ॥ ୩୦ ॥
ଲତାକ୍ରୀଡା ଲତୋତ୍ସାହା ଲତାଡୋଲାଵିହାରିଣୀ ।
ଲାଲିତା ଲାଲିତଗୁହା ଲଲନା ଲଲନାପ୍ରିୟା ॥ ୩୧ ॥
ଲୁବ୍ଧପୁତ୍ରୀ ଲୁବ୍ଧଵଂଶ୍ୟା ଲୁବ୍ଧଵେଷା ଲତାନିଭା ।
ଲାକିନୀ ଲୋକସମ୍ପୂଜ୍ୟା ଲୋକତ୍ରୟଵିନୋଦିନୀ ॥ ୩୨ ॥
ଲୋଭହୀନା ଲାଭକର୍ତ୍ରୀ ଲାକ୍ଷାରକ୍ତପଦାମ୍ବୁଜା ।
ଲମ୍ବଵାମେତରକରା ଲବ୍ଧାମ୍ଭୋଜକରେତରା ॥ ୩୩ ।
ମୃଗୀ ମୃଗସୁତା ମୃଗ୍ୟା ମୃଗୟାସକ୍ତମାନସା ।
ମୃଗାକ୍ଷୀ ମାର୍ଗିତଗୁହା ମାର୍ଗକ୍ରୀଡିତଵଲ୍ଲଭା ॥ ୩୪ ॥
ସରଲଦ୍ରୁକୃତାଵାସା ସରଲାୟିତଷଣ୍ମୁଖା ।
ସରୋଵିହାରରସିକା ସରସ୍ତୀରେଭଭୀମରା ॥ ୩୫ ॥
ସରସୀରୁହସଙ୍କାଶା ସମାନା ସମନାଗତା ॥
ଶବରୀ ଶବରୀରାଧ୍ୟା ଶବରେନ୍ଦ୍ରଵିଵର୍ଧିତା ॥ ୩୬ ॥
ଶମ୍ବାରାରାତିସହଜା ଶାମ୍ବରୀ ଶାମ୍ବରୀମୟା ।
ଶକ୍ତିଃ ଶକ୍ତିକରୀ ଶକ୍ତିତନୟେଷ୍ଟା ଶରାସନା ॥ ୩୭ ॥
ଶରୋଦ୍ଭଵପ୍ରିୟା ଶିଞ୍ଜନ୍ମଣିଭୂଷା ଶିଵସ୍ନୁଷା ।
ସନିର୍ବନ୍ଧସଖୀପୃଷ୍ଟରହଃ କେଲିନତାନନା ॥ ୩୮ ।
ଦନ୍ତକ୍ଷତୋହିତସ୍କନ୍ଦଲୀଲା ଚୈଵ ସ୍ମରାନୁଜା ।
ସ୍ମରାରାଧ୍ୟା ସ୍ମରାରାତିସ୍ନୁଷା ସ୍ମରସତୀଡିତା ॥ ୩୯ ॥
ସୁଦତୀ ସୁମତିଃ ସ୍ଵର୍ଣା ସ୍ଵର୍ଣାଭା ସ୍ଵର୍ଣଦୀପ୍ରିୟା ।
ଵିନାୟକାନୁଜସଖୀ ଚାନାୟକପିତାମହା ॥ ୪୦ ॥
ପ୍ରିୟମାତାମହାଦ୍ରୀଶା ପିତୃସ୍ଵସ୍ରେୟକାମିନୀ ।
ପ୍ରିୟମାତୁଲମୈନାକା ସପତ୍ନୀଜନନୀଧରା ॥ ୪୧ ॥
ସପତ୍ନୀନ୍ଦ୍ରସୁତା ଦେଵରାଜସୋଦରସମ୍ଭଵା ।
ଵିଵଧାନେକଭୃଦ୍ଭକ୍ତ ସଙ୍ଘସଂସ୍ତୁତଵୈଭଵା ॥ ୪୨ ॥
ଵିଶ୍ଵେଶ୍ଵରୀ ଵିଶ୍ଵଵନ୍ଦ୍ୟା ଵିରିଞ୍ଚିମୁଖସନ୍ନୁତା ।
ଵାତପ୍ରମୀଭଵା ଵାୟୁଵିନୁତା ଵାୟୁସାରଥିଃ ॥ ୪୩ ॥
ଵାଜିଵାହା ଵଜ୍ରଭୂଷା ଵଜ୍ରାଦ୍ୟାୟୁଧମଣ୍ଡିତା ।
ଵିନତା ଵିନତାପୂଜ୍ୟା ଵିନତାନନ୍ଦନେଡିତା ॥ ୪୪ ॥
ଵୀରାସନଗତା ଵୀତିହୋତ୍ରାଭା ଵୀରସେଵିତା ।
ଵିଶେଷଶୋଭା ଵୈଶ୍ୟେଷ୍ଟା ଵୈଵସ୍ଵତଭୟଙ୍କରୀ ॥ ୪୫ ॥
କାମେଶୀ କାମିନୀ କାମ୍ୟା କମଲା କମଲାପ୍ରିୟା ।
କମଲାକ୍ଷାକ୍ଷିସମ୍ଭୂତା କୁମୌଦା କୁମୁଦୋଦ୍ଭଵା ॥ ୪୬ ॥
କୁରଙ୍ଗନେତ୍ରା କୁମୁଦଵଲ୍ଲୀ କୁଙ୍କୁମଶୋଭିତା ।
ଗୁଞ୍ଜାହାରଧରା ଗୁଞ୍ଜାମଣିଭୂଷା କୁମାରଗା ॥ ୪୭ ॥
କୁମାରପତ୍ନୀ କୌମାରୀରୂପିଣୀ କୁକ୍କୁଟଧ୍ଵଜା ।
କୁକ୍କୁଟାରାଵମୁଦିତା କୁକ୍କୁଟଧ୍ଵଜମେଦୁରା ॥ ୪୮ ॥
କୁକ୍କୁଟାଜିପ୍ରିୟା କେଲିକରା କୈଲାସଵାସିନୀ ।
କୈଲାସଵାସିତନୟକଲତ୍ରଂ କେଶଵାତ୍ମଜା ॥ ୪୯ ॥
କିରାତତନୟା କୀର୍ତିଦାୟିନୀ କୀରଵାଦିନୀ ।
କିରାତକୀ କିରାତେଡ୍ୟା କିରାତାଧିପଵନ୍ଦିତା ॥ ୫୦ ॥
କୀଲକୀଲିତଭକ୍ତେଡ୍ୟା କଲିହୀନା କଲୀଶ୍ଵରୀ ।
କାର୍ତସ୍ଵରସମଚ୍ଛାୟା କାର୍ତଵୀର୍ୟସୁପୂଜିତା ॥ ୫୧ ॥
କାକପକ୍ଷଧରା କେକିଵାହା କେକିଵିହାରିଣୀ ।
କୃକଵାକୁପତାକାଢ୍ୟା କୃକଵାକୁଧରା କୃଶା ॥ ୫୨ ॥
କୃଶାଙ୍ଗୀ କୃଷ୍ଣସହଜପୂଜିତା କୃଷ୍ଣ ଵନ୍ଦିତା ।
କଲ୍ୟାଣାଦ୍ରିକୃତାଵାସା କଲ୍ୟାଣାୟାତଷଣ୍ମୁଖା ॥ ୫୩ ॥
କଲ୍ୟାଣୀ କନ୍ୟକା କନ୍ୟା କମନୀୟା କଲାଵତୀ ।
କାରୁଣ୍ୟଵିଗ୍ରହା କାନ୍ତା କାନ୍ତକ୍ରୀଡାରତୋତ୍ସଵା ॥ ୫୪ ॥
କାଵେରୀତୀରଗା କାର୍ତସ୍ଵରାଭା କାମିତାର୍ଥଦା ।
ଵିଵଧାସହମାନାସ୍ୟା ଵିଵଧୋତ୍ସାହିତାନନା ॥ ୫୫ ॥
ଵୀରାଵେଶକରୀ ଵୀର୍ୟା ଵୀର୍ୟଦା ଵୀର୍ୟଵର୍ଧିନୀ ॥
ଵୀରଭଦ୍ରା ଵୀରନଵଶତସାହସ୍ରସେଵିତା ॥ ୫୬ ॥
ଵିଶାଖକାମିନୀ ଵିଦ୍ୟାଧରା ଵିଦ୍ୟାଧରାର୍ଚିତା ।
ଶୂର୍ପକାରାତିସହଜା ଶୂର୍ପକର୍ଣାନୁଜାଙ୍ଗନା ॥ ୫୭ ॥
ଶୂର୍ପହୋତ୍ରୀ ଶୂର୍ପଣଖାସହୋଦରକୁଲାନ୍ତକା ।
ଶୁଣ୍ଡାଲଭୀତା ଶୁଣ୍ଡାଲମସ୍ତକାଭସ୍ତନଦ୍ଵୟା ॥ ୫୮ ॥
ଶୁଣ୍ଡାସମୋରୁୟୁଗଲା ଶୁଦ୍ଧା ଶୁଭ୍ରା ଶୁଚିସ୍ମିତା ।
ଶ୍ରୁତା ଶ୍ରୁତପ୍ରିୟାଲାପା ଶ୍ରୁତିଗୀତା ଶିଖିପ୍ରିୟା ॥ ୫୯ ॥
ଶିଖିଧ୍ଵଜା ଶିଖିଗତା ଶିଖିନୃତ୍ତପ୍ରିୟା ଶିଵା ।
ଶିଵଲିଙ୍ଗାର୍ଚନପରା ଶିଵଲାସ୍ୟେକ୍ଷଣୋତ୍ସୁକା ॥ ୬୦ ॥
ଶିଵାକାରାନ୍ତରା ଶିଷ୍ଟା ଶିଵାଦେଶାନୁଚାରିଣୀ ।
ଶିଵସ୍ଥାନଗତା ଶିଷ୍ୟଶିଵକାମା ଶିଵାଦ୍ଵୟା ॥ ୬୧ ॥
ଶିଵତାପସସମ୍ଭୂତା ଶିଵତତ୍ତ୍ଵାଵବୋଧିକା ।
ଶୃଙ୍ଗାରରସସର୍ଵସ୍ଵା ଶୃଙ୍ଗାରରସଵାରିଧିଃ ॥ ୬୨ ॥
ଶୃଙ୍ଗାରୟୋନିସହଜା ଶୃଙ୍ଗବେରପୁରାଶ୍ରିତା ।
ଶ୍ରିତାଭୀଷ୍ଟପ୍ରଦା ଶ୍ରୀଡ୍ୟା ଶ୍ରୀଜା ଶ୍ରୀମନ୍ତ୍ରଵାଦିନୀ ॥ ୬୩ ॥
ଶ୍ରୀଵିଦ୍ୟା ଶ୍ରୀପରା ଶ୍ରୀଶା ଶ୍ରୀମୟୀ ଶ୍ରୀଗିରିସ୍ଥିତା ।
ଶୋଣାଧରା ଶୋଭନାଙ୍ଗୀ ଶୋଭନା ଶୋଭନପ୍ରଦା ॥ ୬୪ ॥
ଶେଷହୀନା ଶେଷପୂଜ୍ୟା ଶେଷତଲ୍ପସମୁଦ୍ଭଵା ।
ଶୂରସେନା ଶୂରପଦ୍ମକୁଲଧୂମପତାକିକା ॥ ୬୫ ॥
ଶୂନ୍ୟାପାୟା ଶୂନ୍ୟକଟିଃ ଶୂନ୍ୟସିଂହାସନସ୍ଥିତା ।
ଶୂନ୍ୟଲିଙ୍ଗା ଶୂନ୍ୟ ଶୂନ୍ୟା ଶୌରିଜା ଶୌର୍ୟଵର୍ଧିନୀ ॥ ୬୬ ॥
ଶରାନେକସ୍ୟୂତକାୟଭକ୍ତସଙ୍ଘାଶ୍ରିତାଲୟା ।
ଶଶ୍ଵଦ୍ଵୈଵଧିକସ୍ତୁତ୍ୟା ଶରଣ୍ୟା ଶରଣପ୍ରଦା ॥ ୬୭ ॥
ଅରିଗଣ୍ଡାଦିଭୟକୃଦ୍ୟନ୍ତ୍ରୋଦ୍ଵାହିଜନାର୍ଚିତା ।
କାଲକଣ୍ଠସ୍ନୁଷା କାଲକେଶା କାଲଭୟଙ୍କରୀ ॥ ୬୮ ॥
ଅଜାଵାହା ଚାଜାମିତ୍ରା ଚାଜାସୁରହରା ହ୍ୟଜା ।
ଅଜାମୁଖୀସୁତାରାତିପୂଜିତା ଚାଜରାଽମରା ॥ ୬୯ ॥
ଆଜାନପାଵନାଽଦ୍ଵୈତା ଆସମୁଦ୍ରକ୍ଷିତୀଶ୍ଵରୀ ।
ଆସେତୁହିମଶୈଲାର୍ଚ୍ୟା ଆକୁଞ୍ଚିତ ଶିରୋରୁହା ॥ ୭୦ ॥
ଆହାରରସିକା ଚାଦ୍ୟା ଆଶ୍ଚର୍ୟନିଲୟା ତଥା ।
ଆଧାରା ଚ ତଥାଽଽଧେୟା ତଥାଚାଧେୟଵର୍ଜିତା ॥ ୭୧ ॥
ଆନୁପୂର୍ଵୀକ୍ଲୃପ୍ତରଥା ଚାଶାପାଲସୁପୂଜିତା ।
ଉମାସ୍ନୁଷା ଉମାସୂନୁପ୍ରିୟା ଚୋତ୍ସଵମୋଦିତା ॥ ୭୨ ॥
ଊର୍ଧ୍ଵଗା ଋଦ୍ଧିଦା ଋଦ୍ଧା ଔଷଧୀଶାତିଶାୟିନୀ ।
ଔପମ୍ୟହୀନା ଚୌତ୍ସୁକ୍ୟକରୀ ଚୌଦାର୍ୟଶାଲିନୀ ॥ ୭୩ ॥
ଶ୍ରୀଚକ୍ରଵାଲାତପତ୍ରା ଶ୍ରୀଵତ୍ସାଙ୍କିତଭୂଷଣା ।
ଶ୍ରୀକାନ୍ତଭାଗିନେୟେଷ୍ଟା ଶ୍ରୀମୁଖାବ୍ଦାଧିଦେଵତା ॥ ୭୪ ॥
ଇୟଂ ନାରୀ ଵରନୁତା ପୀନୋନ୍ନତକୁଚଦ୍ଵୟା ।
ଶ୍ୟାମା ୟୌଵନମଧ୍ୟସ୍ଥା କା ଜାତା ସା ଗୃହାଦୃତା ॥ ୭୫ ॥
ଏଷା ସମ୍ମୋହିନୀ ଦେଵୀ ପ୍ରିୟଲକ୍ଷ୍ୟା ଵରାଶ୍ରିତା ।
କାମାଽନୁଭୁକ୍ତା ମୃଗୟାସକ୍ତାଽଽଵେଦ୍ୟା ଗୁହାଶ୍ରିତା ॥ ୭୬ ॥
ପୁଲିନ୍ଦଵନିତାନୀତା ରହଃ କାନ୍ତାନୁସାରିଣୀ ।
ନିଶା ଚାକ୍ରୀଡିତାଽଽବୋଧ୍ୟା ନିର୍ନିଦ୍ରା ପୁରୁଷାୟିତା ॥ ୭୭ ॥
ସ୍ଵୟଂଵୃତା ସୁଦୃକ୍ ସୂକ୍ଷ୍ମା ସୁବ୍ରହ୍ମଣ୍ୟମନୋହରା ।
ପରିପୂର୍ଣାଚଲାରୂଢା ଶବରାନୁମତାଽନଘା ॥ ୭୮ ॥
ଚନ୍ଦ୍ରକାନ୍ତା ଚନ୍ଦ୍ରମୁଖୀ ଚନ୍ଦନାଗରୁଚର୍ଚିତା ।
ଚାଟୁପ୍ରିୟୋକ୍ତିମୁଦିତା ଶ୍ରେୟୋଦାତ୍ରୀ ଵିଚିନ୍ତିତା ॥ ୭୯ ॥
ମୂର୍ଧାସ୍ଫାଟିପୁରାଧୀଶା ମୂର୍ଧାରୂଢପଦାମ୍ବୁଜା ।
ମୁକ୍ତିଦା ମୁଦିତା ମୁଗ୍ଧା ମୁହୁର୍ଧ୍ୟେୟା ମନୋନ୍ମନୀ ॥ ୮୦ ॥
ଚିତ୍ରିତାତ୍ମପ୍ରିୟାକାରା ଚିଦମ୍ବରଵିହାରିଣୀ ।
ଚତୁର୍ଵେଦସ୍ଵରାରାଵା ଚିନ୍ତନୀୟା ଚିରନ୍ତନୀ ॥ ୮୧ ॥
କାର୍ତିକେୟପ୍ରିୟା କାମସହଜା କାମିନୀଵୃତା ।
କାଞ୍ଚନାଦ୍ରିସ୍ଥିତା କାନ୍ତିମତୀ ସାଧୁଵିଚିନ୍ତିତା ॥ ୮୨ ॥
ନାରାୟଣସମୁଦ୍ଭୂତା ନାଗରତ୍ନଵିଭୂଷଣା ।
ନାରଦୋକ୍ତପ୍ରିୟୋଦନ୍ତା ନମ୍ୟା କଲ୍ୟାଣଦାୟିନୀ ॥ ୮୩ ॥
ନାରଦାଭୀଷ୍ଟଜନନୀ ନାକଲୋକନିଵାସିନୀ ।
ନିତ୍ୟାନନ୍ଦା ନିରତିଶୟା ନାମସାହସ୍ରପୂଜିତା ॥ ୮୪ ॥
ପିତାମହେଷ୍ଟଦା ପୀତା ପୀତାମ୍ବରସମୁଦ୍ଭଵା ।
ପୀତାମ୍ବରୋଜ୍ଜ୍ଵଲା ପୀନନିତମ୍ବା ପ୍ରାର୍ଥିତା ପରା ॥ ୮୫ ॥
ଗଣ୍ୟା ଗଣେଶ୍ଵରୀ ଗମ୍ୟା ଗହନସ୍ଥା ଗଜପ୍ରିୟା ।
ଗଜାରୂଢା ଗଜଗତିଃ ଗଜାନନଵିନୋଦିନୀ ॥ ୮୬ ॥
ଅଗଜାନନପଦ୍ମାର୍କା ଗଜାନନସୁଧାକରା ।
ଗନ୍ଧର୍ଵଵନ୍ଦ୍ୟା ଗନ୍ଧର୍ଵତନ୍ତ୍ରା ଗନ୍ଧଵିନୋଦିନୀ ॥ ୮୭ ॥
ଗାନ୍ଧର୍ଵୋଦ୍ଵାହିତା ଗୀତା ଗାୟତ୍ରୀ ଗାନତତ୍ପରା ।
ଗତିର୍ଗହନସମ୍ଭୂତା ଗାଢାଶ୍ଲିଷ୍ଟଶିଵାତ୍ମଜା ॥ ୮୮ ॥
ଗୂଢା ଗୂଢଚରା ଗୁହ୍ୟା ଗୁହ୍ୟକେଷ୍ଟା ଗୁହାଶ୍ରିତା ।
ଗୁରୁପ୍ରିୟା ଗୁରୁସ୍ତୁତ୍ୟ ଗୁଣ୍ୟା ଗୁଣିଗଣାଶ୍ରିତା ॥ ୮୯ ॥
ଗୁଣଗଣ୍ୟା ଗୂଢରତିଃ ଗୀର୍ଗୀର୍ଵିନୁତଵୈଭଵା ।
ଗୀର୍ଵାଣୀ ଗୀତମହିମା ଗୀର୍ଵାଣେଶ୍ଵରସନ୍ନୁତା ॥ ୯୦ ॥
ଗୀର୍ଵାଣାଦ୍ରିକୃତାଵାସା ଗଜଵଲ୍ଲୀ ଗଜାଶ୍ରିତା ।
ଗାଙ୍ଗେୟଵନିତା ଗଙ୍ଗାସୂନୁକାନ୍ତା ଗିରୀଶ୍ଵରୀ ॥ ୯୧ ॥
ଦେଵସେନାସପତ୍ନୀ ୟା ଦେଵେନ୍ଦ୍ରାନୁଜସମ୍ଭଵା ।
ଦେଵରେଭଭୟାଵିଷ୍ଟା ସରସ୍ତୀରଲୁଠଦ୍ଗତିଃ ॥ ୯୨ ॥
ଵୃଦ୍ଧଵେଷଗୁହାକ୍ଲିଷ୍ଟା ଭୀତା ସର୍ଵାଙ୍ଗସୁନ୍ଦରୀ ।
ନିଶାସମାନକବରୀ ନିଶାକରସମାନନା ॥ ୯୩ ॥
ନିର୍ନିଦ୍ରିତାକ୍ଷିକମଲା ନିଷ୍ଠ୍ୟୂତାରୁଣଭାଧରା ।
ଶିଵାଚାର୍ୟସତୀ ଶୀତା ଶୀତଲା ଶୀତଲେକ୍ଷଣା ॥ ୯୪ ॥
କିମେତଦିତି ସାଶଙ୍କଭଟା ଧମ୍ମିଲ୍ଲମାର୍ଗିତା ।
ଧମ୍ମିଲ୍ଲସୁନ୍ଦରୀ ଧର୍ତ୍ରୀ ଧାତ୍ରୀ ଧାତୃଵିମୋଚିନୀ ॥ ୯୫ ॥
ଧନଦା ଧନଦପ୍ରୀତା ଧନେଶୀ ଧନଦେଶ୍ଵରୀ ।
ଧନ୍ୟା ଧ୍ୟାନପରା ଧାରା ଧରାଧାରା ଧରାଧରା ॥ ୯୬ ॥
ଧରା ଧରାଧରୋଦ୍ଭୂତା ଧୀରା ଧୀରସମର୍ଚିତା ।
କିଂ କରୋଷୀତି ସମ୍ପୃଷ୍ଟଗୁହା ସାକୂତଭାଷିଣୀ ॥ ୯୭ ॥
ରହୋ ଭଵତୁ ତଦ୍ଭୂୟାତ୍ ଶମିତ୍ୟୁକ୍ତପ୍ରିୟା ସ୍ମିତା ।
କୁମାରଜ୍ଞାତ କାଠିନ୍ୟକୁଚାଽର୍ଧୋରୁଲସତ୍କଟୀ ॥ ୯୮ ॥
କଞ୍ଚୁକୀ କଞ୍ଚୁକାଚ୍ଛନ୍ନା କାଞ୍ଚୀପଟ୍ଟପରିଷ୍କୃତା ।
ଵ୍ୟତ୍ୟସ୍ତକଚ୍ଛା ଵିନ୍ୟସ୍ତଦକ୍ଷିଣାଂସାଂଶୁକାଽତୁଲା ॥ ୯୯ ॥
ବନ୍ଧୋତ୍ସୁକିତକାନ୍ତାନ୍ତା ପୁରୁଷାୟିତକୌତୁକା ।
ପୂତା ପୂତଵତୀ ପୃଷ୍ଟା ପୂତନାରିସମର୍ଚିତା ॥ ୧୦୦ ॥
କଣ୍ଟକୋପାନହୋନ୍ନୃତ୍ୟଦ୍ଭକ୍ତା ଦଣ୍ଡାଟ୍ଟହାସିନୀ ।
ଆକାଶନିଲୟା ଚାକାଶା ଆକାଶାୟିତମଧ୍ୟମା ॥ ୧୦୧ ॥
ଆଲୋଲଲୋଲାଽଽଲୋଲା ଚାଲୋଲୋତ୍ସାରିତାଣ୍ଡଜା ।
ରମ୍ଭୋରୁୟୁଗଲା ରମ୍ଭାପୂଜିତା ରତିରଞ୍ଜନୀ ॥ ୧୦୨ ॥
ଆରମ୍ଭଵାଦଵିମୁଖା ଚେଲାକ୍ଷେପପ୍ରିୟାସହା ।
ଅନ୍ୟାସଙ୍ଗପ୍ରିୟୋଦ୍ଵିଗ୍ନା ଅଭିରାମା ହ୍ୟନୁତ୍ତମା ॥ ୧୦୩ ॥
ସତ୍ଵରା ତ୍ଵରିତା ତୁର୍ୟା ତାରିଣୀ ତୁରଗାସନା ।
ହଂସାରୂଢା ଵ୍ୟାଘ୍ରଗତା ସିଂହାରୂଢାଽଽରୁଣାଧରା ॥ ୧୦୪ ॥
କୃତ୍ତିକାଵ୍ରତସମ୍ପ୍ରୀତା କାର୍ତିକେୟଵିମୋହିନୀ ।
କରଣ୍ଡମକୁଟା କାମଦୋଗ୍ଧ୍ରୀ କଲ୍ପଦ୍ରୁସଂସ୍ଥିତା ॥ ୧୦୫ ॥
ଵାର୍ତାଵ୍ୟଙ୍ଗ୍ୟଵିନୋଦେଷ୍ଟା ଵଞ୍ଚିତା ଵଞ୍ଚନପ୍ରିୟା ।
ସ୍ଵାଭାଦୀପ୍ତଗୁହା ସ୍ଵାଭାବିମ୍ବିତେଷ୍ଟା ସ୍ଵୟଙ୍ଗ୍ରହା ॥ ୧୦୬ ॥
ମୂର୍ଧାଭିଷିକ୍ତଵନିତା ମରାଲଗତିରୀଶ୍ଵରୀ ।
ମାନିନୀ ମାନିତା ମାନହୀନା ମାତାମହେଡିତା ॥ ୧୦୭ ॥
ମିତାକ୍ଷରୀ ମିତାହାରା ମିତଵାଦାଽମିତପ୍ରଭା ।
ମୀନାକ୍ଷୀ ମୁଗ୍ଧହସନା ମୁଗ୍ଧା ମୂର୍ତିମତୀ ମତିଃ ॥ ୧୦୮ ॥
ମାତା ମାତୃସଖାନନ୍ଦା ମାରଵିଦ୍ୟାଽମୃତାକ୍ଷରା ।
ଅପଞ୍ଚୀକୃତଭୂତେଶୀ ପଞ୍ଚୀକୃତ ଵସୁନ୍ଧରା ॥ ୧୦୯ ॥
ଵିଫଲୀକୃତକଲ୍ପଦ୍ରୁରଫଲୀକୃତଦାନଵା ।
ଅନାଦିଷଟ୍କଵିପୁଲା ଚାଦିଷଟ୍କାଙ୍ଗମାଲିନୀ ॥ ୧୧୦ ।
ନଵକକ୍ଷାୟିତଭଟା ନଵଵୀରସମର୍ଚିତା ।
ରାସକ୍ରୀଡାପ୍ରିୟା ରାଧାଵିନୁତା ରାଧେୟଵନ୍ଦିତା ॥ ୧୧୧ ॥
ରାଜଚକ୍ରଧରା ରାଜ୍ଞୀ ରାଜୀଵାକ୍ଷସୁତା ରମା ।
ରାମା ରାମାଦୃତା ରମ୍ୟା ରାମାନନ୍ଦା ମନୋରମା ॥ ୧୧୨ ॥
ରହସ୍ୟଜ୍ଞା ରହୋଧ୍ୟେୟା ରଙ୍ଗସ୍ଥା ରେଣୁକାପ୍ରିୟା ।
ରୈଣୁକେୟନୁତା ରେଵାଵିହାରା ରୋଗନାଶିନୀ ॥ ୧୧୩ ॥
ଵିଟଙ୍କା ଵିଗତାଟଙ୍କା ଵିଟପାୟିତଷଣ୍ମୁଖା ।
ଵୀଟିପ୍ରିୟା ଵୀରୁଡ୍ଧ୍ଵଜା ଵୀରୁଟ୍ପ୍ରୀତମୃଗାଵୃତା ॥ ୧୧୪ ॥
ଵୀଶାରୂଢା ଵୀଶରତ୍ନପ୍ରଭାଽଵିଦିତଵୈଭଵା ।
ଚିତ୍ରା ଚିତ୍ରରଥା ଚିତ୍ରସେନା ଚିତ୍ରିତଵିଗ୍ରହା ॥ ୧୧୫ ॥
ଚିତ୍ରସେନନୁତା ଚିତ୍ରଵସନା ଚିତ୍ରିତା ଚିତିଃ ।
ଚିତ୍ରଗୁପ୍ତାର୍ଚିତା ଚାଟୁଵଚନା ଚାରୁଭୂଷଣା ॥ ୧୧୬ ॥
ଚମତ୍କୃତିଶ୍ଚମତ୍କାରଭ୍ରମିତେଷ୍ଟା ଚଲତ୍କଚା ।
ଛାୟାପତଙ୍ଗବିମ୍ବାସ୍ୟା ଛଵିନିର୍ଜିତଭାସ୍କରା ॥ ୧୧୭ ॥
ଛତ୍ରଧ୍ଵଜାଦିବିରୁଦା ଛାତ୍ରହୀନା ଛଵୀଶ୍ଵରୀ ।
ଜନନୀ ଜନକାନନ୍ଦା ଜାହ୍ନଵୀତନୟପ୍ରିୟା ॥ ୧୧୮ ॥
ଜାହ୍ନଵୀତୀରଗା ଜାନପଦସ୍ଥାଽଜନିମାରଣା ।
ଜମ୍ଭଭେଦିସୁତାନନ୍ଦା ଜମ୍ଭାରିଵିନୁତା ଜୟା ॥ ୧୧୯ ।
ଜୟାଵହା ଜୟକରୀ ଜୟଶୀଲା ଜୟପ୍ରଦା ।
ଜିନହନ୍ତ୍ରୀ ଜୈନହନ୍ତ୍ରୀ ଜୈମିନୀୟପ୍ରକୀର୍ତିତା ॥ ୧୨୦ ॥
ଜ୍ଵରଘ୍ନୀ ଜ୍ଵଲିତା ଜ୍ଵାଲାମାଲା ଜାଜ୍ଵଲ୍ୟଭୂଷଣା ।
ଜ୍ଵାଲାମୁଖୀ ଜ୍ଵଲତ୍କେଶା ଜ୍ଵଲଦ୍ଵଲ୍ଲୀସମୁଦ୍ଭଵା ॥ ୧୨୧ ॥
ଜ୍ଵଲତ୍କୁଣ୍ଡାନ୍ତାଵତରଦ୍ଭକ୍ତା ଜ୍ଵଲନଭାଜନା ।
ଜ୍ଵଲନୋଦ୍ଧୂପିତାମୋଦା ଜ୍ଵଲଦ୍ଦୀପ୍ତଧରାଵୃତା ॥ ୧୨୨ ॥
ଜାଜ୍ଵଲ୍ୟମାନା ଜୟିନୀ ଜିତାମିତ୍ରା ଜିତପ୍ରିୟା ।
ଚିନ୍ତାମଣୀଶ୍ଵରୀ ଛିନ୍ନମସ୍ତା ଛେଦିତଦାନଵା ॥ ୧୨୩ ॥
ଖଡ୍ଗଧାରୋନ୍ନଟଦ୍ଦାସା ଖଡ୍ଗରାଵଣପୂଜିତା ।
ଖଡ୍ଗସିଦ୍ଧିପ୍ରଦା ଖେଟହସ୍ତା ଖେଟଵିହାରିଣୀ ॥ ୧୨୪ ॥
ଖଟ୍ଵାଙ୍ଗଧରଜପ୍ରୀତା ଖାଦିରାସନ ସଂସ୍ଥିତା ।
ଖାଦିନୀ ଖାଦିତାରାତିଃ ଖନୀଶୀ ଖନିଦାୟିନୀ ॥ ୧୨୫ ॥
ଅଙ୍କୋଲିତାନ୍ତରଗୁହା ଅଙ୍କୁରଦନ୍ତପଙ୍କ୍ତିକା ।
ନ୍ୟଙ୍କୂଦରସମୁଦ୍ଭୂତାଽଭଙ୍ଗୁରାପାଙ୍ଗଵୀକ୍ଷଣା ॥ ୧୨୬ ॥
ପିତୃସ୍ଵାମିସଖୀ ପତିଵରାରୂଢା ପତିଵ୍ରତା ।
ପ୍ରକାଶିତା ପରାଦ୍ରିସ୍ଥା ଜୟନ୍ତୀପୁରପାଲିନୀ ॥ ୧୨୭ ॥
ଫଲାଦ୍ରିସ୍ଥା ଫଲପ୍ରୀତା ପାଣ୍ଡ୍ୟଭୂପାଲଵନ୍ଦିତା ।
ଅଫଲା ସଫଲା ଫାଲଦୃକ୍କୁମାରତପଃଫଲା ॥ ୧୨୮ ॥
କୁମାରକୋଷ୍ଠଗା କୁନ୍ତଶକ୍ତିଚିହ୍ନଧରାଵୃତା ।
ସ୍ମରବାଣାୟିତାଲୋକା ସ୍ମରଵିଦ୍ୟୋହିତାକୃତିଃ ॥ ୧୨୯ ॥
କାଲମେଘାୟିତକଚା କାମସୌଭାଗ୍ୟ ଵାରିଧିଃ ।
କାନ୍ତାଲକାନ୍ତା କାମେଡ୍ୟା କରକୋନ୍ନର୍ତନ ପ୍ରିୟା ॥ ୧୩୦ ॥
ପୌନଃ ପୁନ୍ୟପ୍ରିୟାଲାୟା ପମ୍ପାଵାଦ୍ୟପ୍ରିୟାଧିକା ।
ରମଣୀୟା ସ୍ମରଣୀୟା ଭଜନୀୟା ପରାତ୍ପରା ॥ ୧୩୧ ॥
ନୀଲଵାଜିଗତା ନୀଲଖଡ୍ଗା ନୀଲାଂଶୁକାଽନିଲା ।
ରାତ୍ରିର୍ନିଦ୍ରା ଭଗଵତୀ ନିଦ୍ରାକର୍ତ୍ରୀ ଵିଭାଵରୀ ॥ ୧୩୨ ॥
ଶୁକାୟମାନକାୟୋକ୍ତିଃ କିଂଶୁକାଭାଧରାମ୍ବରା ।
ଶୁକମାନିତଚିଦ୍ରୂପା ସଂଶୁକାନ୍ତପ୍ରସାଧିନୀ ॥ ୧୩୩ ॥
ଗୂଢୋକ୍ତା ଗୂଢଗଦିତା ଗୁହସଙ୍କେତିତାଽଗଗା ।
ଧୈର୍ୟା ଧୈର୍ୟଵତୀ ଧାତ୍ରୀପ୍ରେଷିତାଽଵାପ୍ତକାମନା ॥ ୧୩୪ ॥
ସନ୍ଦୃଷ୍ଟା କୁକ୍କୁଟାରାଵଧ୍ଵସ୍ତଧମ୍ମିଲ୍ଲଜୀଵିନୀ ।
ଭଦ୍ରା ଭଦ୍ରପ୍ରଦା ଭକ୍ତଵତ୍ସଲା ଭଦ୍ରଦାୟିନୀ ॥ ୧୩୫ ॥
ଭାନୁକୋଟିପ୍ରତୀକାଶା ଚନ୍ଦ୍ରକୋଟିସୁଶୀତଲା ।
ଜ୍ଵଲନାନ୍ତଃସ୍ଥିତା ଭକ୍ତଵିନୁତା ଭାସ୍କରେଡିତା ॥ ୧୩୬ ॥
ଅଭଙ୍ଗୁରା ଭାରହୀନା ଭାରତୀ ଭାରତୀଡିତା ।
ଭରତେଡ୍ୟା ଭାରତେଶୀ ଭୁଵନେଶୀ ଭୟାପହା ॥ ୧୩୭ ॥
ଭୈରଵୀ ଭୈରଵୀସେଵ୍ୟା ଭୋକ୍ତ୍ରୀ ଭୋଗୀନ୍ଦ୍ରସେଵିତା ।
ଭୋଗେଡିତା ଭୋଗକରୀ ଭେରୁଣ୍ଡା ଭଗମାଲିନୀ ॥ ୧୩୮ ॥
ଭଗାରାଧ୍ୟା ଭାଗଵତପ୍ରଗୀତାଽଭେଦଵାଦିନୀ ।
ଅନ୍ୟାଽନନ୍ୟା ନିଜାନନ୍ୟା ସ୍ଵାନନ୍ୟାଽନନ୍ୟକାମିନୀ ॥ ୧୩୯ ॥
ୟଜ୍ଞେଶ୍ଵରୀ ୟାଗଶୀଲା ୟଜ୍ଞୋଦ୍ଗୀତଗୁହାନୁଗା ।
ସୁବ୍ରହ୍ମଣ୍ୟଗାନରତା ସୁବ୍ରହ୍ମଣ୍ୟସୁଖାସ୍ପଦା ॥ ୧୪୦ ॥
କୁମ୍ଭଜେଡ୍ୟା କୁତୁକିତା କୌସୁମ୍ଭାମ୍ବରମଣ୍ଡିତା ।
ସଂସ୍କୃତା ସଂସ୍କୃତାରାଵା ସର୍ଵାଵୟଵସୁନ୍ଦରୀ ॥ ୧୪୧ ॥
ଭୂତେଶୀ ଭୂତିଦା ଭୂତିଃ ଭୂତାଵେଶନିଵାରିଣୀ ।
ଭୂଷଣାୟିତଭୂତାଣ୍ଡା ଭୂଚକ୍ରା ଭୂଧରାଶ୍ରିତା ॥ ୧୪୨ ॥
ଭୂଲୋକଦେଵତା ଭୂମା ଭୂମିଦା ଭୂମିକନ୍ୟକା ।
ଭୂସୁରେଡ୍ୟା ଭୂସୁରାରିଵିମୁଖା ଭାନୁବିମ୍ବଗା ॥ ୧୪୩ ॥
ପୁରାତନାଽଭୂତପୂର୍ଵାଽଵିଜାତୀୟାଽଧୁନାତନା ।
ଅପରା ସ୍ଵଗତାଭେଦା ସଜାତୀୟଵିଭେଦିନୀ ॥ ୧୪୪ ॥
ଅନନ୍ତରାଽରଵିନ୍ଦାଭା ହୃଦ୍ୟା ହୃଦୟସଂସ୍ଥିତା ।
ହ୍ରୀମତୀ ହୃଦୟାସକ୍ତା ହୃଷ୍ଟା ହୃନ୍ମୋହଭାସ୍କରା ॥ ୧୪୫ ॥
ହାରିଣୀ ହରିଣୀ ହାରା ହାରାୟିତଵିଲାସିନୀ ।
ହରାରାଵପ୍ରମୁଦିତା ହୀରଦା ହୀରଭୂଷଣା ॥ ୧୪୬ ॥
ହୀରଭୃଦ୍ଵିନୁତା ହେମା ହେମାଚଲନିଵାସିନୀ ।
ହୋମପ୍ରିୟା ହୌତ୍ରପରା ହୁଙ୍କାରା ହୁମ୍ଫଡୁଜ୍ଜ୍ଵଲା ॥ ୧୪୭ ॥
ହୁତାଶନେଡିତା ହେଲାମୁଦିତା ହେମଭୂଷଣା ।
ଜ୍ଞାନେଶ୍ଵରୀ ଜ୍ଞାତତତ୍ତ୍ଵା ଜ୍ଞେୟା ଜ୍ଞେୟଵିଵର୍ଜିତା ॥ ୧୪୮ ॥
ଜ୍ଞାନଂ ଜ୍ଞାନାକୃତିର୍ଜ୍ଞାନିଵିନୁତା ଜ୍ଞାତିଵର୍ଜିତା ।
ଜ୍ଞାତାଖିଲା ଜ୍ଞାନଦାତ୍ରୀ ଜ୍ଞାତାଜ୍ଞାତଵିଵର୍ଜିତା ॥ ୧୪୯ ॥
ଜ୍ଞେୟାନନ୍ୟା ଜ୍ଞେୟଗୁହା ଵିଜ୍ଞେୟାଽଜ୍ଞେୟଵର୍ଜିତା ।
ଆଜ୍ଞାକରୀ ପରାଜ୍ଞାତା ପ୍ରାଜ୍ଞା ପ୍ରଜ୍ଞାଵଶେଷିତା ॥ ୧୫୦ ॥
ସ୍ଵାଜ୍ଞାଧୀନାମରାଽନୁଜ୍ଞାକାଙ୍କ୍ଷୋନ୍ନୃତ୍ୟତ୍ସୁରାଙ୍ଗନା ।
ସଗଜା ଅଗଜାନନ୍ଦା ସଗୁହା ଅଗୁହାନ୍ତରା ॥ ୧୫୧ ॥
ସାଧାରା ଚ ନିରାଧାରା ଭୂଧରସ୍ଥାଽତିଭୂଧରା ।
ସଗୁଣା ଚାଗୁଣାକାରା ନିର୍ଗୁଣା ଚ ଗୁଣାଧିକା ॥ ୧୫୨ ॥
ଅଶେଷା ଚାଵିଶେଷେଡ୍ୟା ଶୁଭଦା ଚାଶୁଭାପହା ।
ଅତର୍କ୍ୟା ଵ୍ୟାକୃତା ନ୍ୟାୟକୋଵିଦା ତତ୍ତ୍ଵବୋଧିନୀ ॥ ୧୫୩ ॥
ସାଙ୍ଖ୍ୟୋକ୍ତା କପିଲାନନ୍ଦା ଵୈଶେଷିକଵିନିଶ୍ଚିତା ।
ପୁରାଣପ୍ରଥିତାଽପାରକରୁଣା ଵାକ୍ପ୍ରଦାୟିନୀ ॥ ୧୫୪ ॥
ସଙ୍ଖ୍ୟାଵିହୀନାଽସଙ୍ଖ୍ୟେୟା ସୁସ୍ମୃତା ଵିସ୍ମୃତାପହା ।
ଵୀରବାହୁନୁତା ଵୀରକେସରୀଡିତଵୈଭଵା ॥ ୧୫୫ ॥
ଵୀରମାହେନ୍ଦ୍ରଵିନୁତା ଵୀରମାହେଶ୍ଵରାର୍ଚିତା ।
ଵୀରରାକ୍ଷସସମ୍ପୂଜ୍ୟା ଵୀରମାର୍ତଣ୍ଡଵନ୍ଦିତା ॥ ୧୫୬ ॥
ଵୀରାନ୍ତକସ୍ତୁତା ଵୀରପୁରନ୍ଦରସମର୍ଚିତା ।
ଵୀରଧୀରାର୍ଚିତପଦା ନଵଵୀରସମାଶ୍ରିତା ॥ ୧୫୭ ॥
ଭୈରଵାଷ୍ଟକସଂସେଵ୍ୟା ବ୍ରହ୍ମାଦ୍ୟଷ୍ଟକସେଵିତା ।
ଇନ୍ଦ୍ରାଦ୍ୟଷ୍ଟକସମ୍ପୂଜ୍ୟା ଵଜ୍ରାଦ୍ୟାୟୁଧଶୋଭିତା ॥ ୧୫୮ ॥
ଅଙ୍ଗାଵରଣସଂୟୁକ୍ତା ଚାନଙ୍ଗାମୃତଵର୍ଷିଣୀ ।
ତମୋହନ୍ତ୍ରୀ ତପୋଲଭ୍ୟା ତମାଲରୁଚିରାଽବଲା ॥ ୧୫୯ ॥
ସାନନ୍ଦା ସହଜାନନ୍ଦା ଗୁହାନନ୍ଦଵିଵର୍ଧିନୀ ।
ପରାନନ୍ଦା ଶିଵାନନ୍ଦା ସଚ୍ଚିଦାନନ୍ଦରୂପିଣୀ ॥ ୧୬୦ ॥
ପୁତ୍ରଦା ଵସୁଦା ସୌଖ୍ୟଦାତ୍ରୀ ସର୍ଵାର୍ଥଦାୟିନୀ ।
ୟୋଗାରୂଢା ୟୋଗିଵନ୍ଦ୍ୟା ୟୋଗଦା ଗୁହୟୋଗିନୀ ॥ ୧୬୧ ॥
ପ୍ରମଦା ପ୍ରମଦାକାରା ପ୍ରମାଦାତ୍ରୀ ପ୍ରମାମୟୀ ।
ଭ୍ରମାପହା ଭ୍ରାମୟିତ୍ରୀ ପ୍ରଧାନା ପ୍ରବଲା ପ୍ରମା ॥ ୧୬୨ ॥
ପ୍ରଶାନ୍ତା ପ୍ରମିତାନନ୍ଦା ପରମାନନ୍ଦନିର୍ଭରା ।
ପାରାଵାରା ପରୋତ୍କର୍ଷା ପାର୍ଵତୀତନୟପ୍ରିୟା ॥ ୧୬୩ ॥
ପ୍ରସାଧିତା ପ୍ରସନ୍ନାସ୍ୟା ପ୍ରାଣାୟାମପରାର୍ଚିତା ।
ପୂଜିତା ସାଧୁଵିନୁତା ସୁରସାସ୍ଵାଦିତା ସୁଧା ॥ ୧୬୪ ॥
ସ୍ଵାମିନୀ ସ୍ଵାମିଵନିତା ସମନୀସ୍ଥା ସମାନିତା ।
ସର୍ଵସମ୍ମୋହିନୀ ଵିଶ୍ଵଜନନୀ ଶକ୍ତିରୂପିଣୀ ॥ ୧୬୫ ॥
କୁମାରଦକ୍ଷିଣୋତ୍ସଙ୍ଗଵାସିନୀ ଭୋଗମୋକ୍ଷଦା ॥ ଓଂ ।
ଏଵଂ ନାମସହସ୍ରଂ ତେ ପ୍ରୋକ୍ତଂ ନାରଦ ଶୋଭନମ୍ ॥ ୧୬୬ ॥
ସୁବ୍ରହ୍ମଣ୍ୟସ୍ୟ କାନ୍ତାୟା ଵଲ୍ଲୀଦେଵ୍ୟାଃ ପ୍ରିୟଙ୍କରମ୍ ।
ନିତ୍ୟଂ ସଙ୍କୀର୍ତୟେଦେତତ୍ସର୍ଵାନ୍କାମାନଵାପ୍ନୁୟାତ୍ ॥ ୧୬୭ ॥
ଶୁକ୍ରଵାରେ ଭୌମଵାରେ ଷଷ୍ଠ୍ୟାଂ ଵା କୃତ୍ତିକାସ୍ୟପି ।
ସଙ୍କ୍ରମାଦିଷୁ କାଲେଷୁ ଗ୍ରହଣେ ଚନ୍ଦ୍ରସୂର୍ୟୟୋଃ ॥ ୧୬୮ ॥
ପଠେଦିଦଂ ଵିଶେଷେଣ ସର୍ଵସିଦ୍ଧିମଵାପ୍ନୁୟାତ୍ ।
ଏଭିର୍ନାମଭିରମ୍ବାଂ ୟଃ କୁଙ୍କୁମାଦିଭିରର୍ଚୟେତ୍ ॥ ୧୬୯ ॥
ୟଦ୍ୟଦ୍ଵାଞ୍ଛତି ତତ୍ସର୍ଵମଚିରାଜ୍ଜାୟତେ ଧ୍ରୁଵମ୍ ।
ସୁବ୍ରହ୍ମଣ୍ୟୋଽପି ସତତଂ ପ୍ରୀତଃ ସର୍ଵାର୍ଥଦୋ ଭଵେତ୍ ॥ ୧୭୦ ॥
ପୁତ୍ରପୌତ୍ରାଦିଦଂ ସର୍ଵସମ୍ପତ୍ପ୍ରଦ ମଘାପହମ୍ ।
ଵିଦ୍ୟାପ୍ରଦଂ ଵିଶେଷେଣ ସର୍ଵରୋଗନିଵର୍ତକମ୍ ॥ ୧୭୧ ॥
ଦୁଷ୍ଟାରିଷ୍ଟପ୍ରଶମନଂ ଗ୍ରହଶାନ୍ତିକରଂ ଵରମ୍ ।
ଜପାଦସ୍ୟ ପ୍ରଭାଵେଣ ସର୍ଵାଃ ସିଦ୍ଧ୍ୟନ୍ତି ସିଦ୍ଧୟଃ ।
ଗୋପନୀୟଂ ପଠ ତ୍ଵଂ ଚ ସର୍ଵମାପ୍ନୁହି ନାରଦ ॥ ୧୭୨ ॥
॥ ସ୍କାନ୍ଦେ ଶଙ୍କରସଂହିତାତଃ ॥
Also Read 1000 Names of Sri Valli:
1000 Names of Sri Valli Devasena | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
