Shri Vallisahasranamastotram Lyrics in Malayalam:
॥ ശ്രീവല്ലീസഹസ്രനാമസ്തോത്രം ॥
(സ്കാന്ദേ ശങ്കരസംഹിതാതഃ)
ബ്രഹ്മോവാച –
ശൃണു നാരദ മദ്വത്സ വല്ലീനാംനാം സഹസ്രകം ।
സ്കന്ദക്രീഡാവിനോദാദിബോധകം പരമാദ്ഭുതം ॥ 1 ॥
മുനിരസ്ംയഹമേവാസ്യ ഛന്ദോഽനുഷ്ടുപ് പ്രകീര്‍തിതം ।
വല്ലീദേവീ ദേവതാ സ്യാത് വ്രാം വ്രീം വ്രൂം ബീജശക്ത്യപി ॥ 2 ॥
കീലകം ച തഥാ ന്യസ്യ വ്രാം ഇത്യാദ്യൈഃ ഷഡങ്ഗകം ।
ഓം അസ്യ ശ്രീ വല്ലീസഹസ്രനാമ സ്തോത്ര മന്ത്രസ്യ ഭഗവാന്‍ ശ്രീബ്രഹ്മാ ഋഷിഃ ।
അനുഷ്ടുപ് ഛന്ദഃ । ശ്രീവല്ലീദേവീ ദേവതാ । വ്രാം ബീജം । വ്രീം ശക്തിഃ ।
വ്രൂം കീലകം । ശ്രീസ്കന്ദപതിവ്രതാ ഭഗവതീ ശ്രീവല്ലീദേവീ
പ്രീത്യര്‍ഥം സഹസ്രനാമജപേ വിനിയോഗഃ ॥
॥ അഥ കരന്യാസഃ ॥
വ്രാം അങ്ഗുഷ്ഠാഭ്യാം നമഃ ।
വ്രീം തര്‍ജനീഭ്യാം നമഃ ।
വ്രൂം മധ്യമാഭ്യാം നമഃ ।
വ്രൈം അനാമികാഭ്യാം നമഃ ।
വ്രൌം കനിഷ്ഠാഭ്യാം നമഃ ।
വ്രഃ കരതലകരപുഷ്ഠാഭ്യാം നമഃ ॥
॥ ഇതി കരന്യാസഃ ॥
॥ അഥ ഹൃദയാദിഷഡങ്ഗ ന്യാസഃ ॥
വ്രാം ഹൃദയായ നമഃ ।
വ്രീം ശിരസേ സ്വാഹാ ।
വ്രൂം ശിഖായൈ വഷട് ।
വ്രൈം കവചായ ഹും ।
വ്രൌം നേത്രത്രയായ വൌഷട് ।
വ്രഃ അസ്ത്രായ ഫട് ॥
॥ ഇതി ഹൃദയാദിഷഡങ്ഗ ന്യാസഃ ॥
തതഃ സഞ്ചിന്തയേദ്ദേവീം വല്ലീം സ്കന്ദപതിവ്രതാം ॥ 3 ॥
ശ്യാമാം ശ്യാമാലകാന്താം ദ്രുതകനകമണി പ്രസ്ഫുരദ്ദിവ്യഭൂഷാം
ഗുഞ്ജാമാലാഭിരാമാം ശിവമുനിതനയാം കാനനേന്ദ്രാഭിമാന്യാം ।
വാമേ ഹസ്തേ ച പദ്മം തദിതരകരവരം ലംബിതം സന്ദധാനാം
സംസ്ഥാം സേനാനിദക്ഷേ സമുദമപി മഹാവല്ലിദേവീം ഭജേഽഹം ॥ 4 ॥
ഇത്യേവം ചിന്തയിത്വാഽംബാം മനസാഽഭ്യര്‍ചം സാദരം ।
പഠേന്നാമസഹസ്രം തത് ശ്രൂയതാം സ്തോത്രമുത്തമം ॥ 5 ॥
ഓം വല്ലീ വല്ലീശ്വരീ വല്ലീബഹ്വാ വല്ലീനിഭാകൃതിഃ ।
വൈകുണ്ഠാക്ഷിസമുദ്ഭൂതാ വിഷ്ണുസംവര്‍ധിതാ വരാ ॥ 6 ॥
വാരിജാക്ഷാ വാരിജാസ്യാ വാമാ വാമേതരാശ്രിതാ ।
വന്യാ വനഭവാ വന്ദ്യാ വനജാ വനജാസനാ ॥ 7 ॥
വനവാസപ്രിയാ വാദവിമുഖാ വീരവന്ദിതാ ।
വാമാങ്ഗാ വാമനയനാ വലയാദിവിഭൂഷണാ ॥ 8 ॥
വനരാജസുതാ വീരാ വീണാവാദവിദൂഷിണീ ।
വീണാധരാ വൈണികര്‍ഷിശ്രുതസ്കന്ദകഥാ വധൂഃ ॥ 9 ॥
ശിവങ്കരീ ശിവമുനിതനയാ ഹരിണോദ്ഭവാ ।
ഹരീന്ദ്രവിനുതാ ഹാനിഹീനാ ഹരിണലോചനാ ॥ 10 ॥
ഹരിണാങ്കമുഖീ ഹാരധരാ ഹരജകാമിനീ ।
ഹരസ്നുഷാ ഹരാധിക്യവാദിനീ ഹാനിവര്‍ജിതാ ॥ 11 ॥
ഇഷ്ടദാ ചേഭസംഭീതാ ചേഭവക്ത്രാന്തകപ്രിയാ ।
ഇന്ദ്രേശ്വരീ ചേന്ദ്രനുതാ ചേന്ദിരാതനയാര്‍ചിതാ ॥ 12 ॥
ഇന്ദ്രാദിമോഹിനീ ചേഷ്ടാ ചേഭേന്ദ്രമുഖദേവരാ ।
സര്‍വാര്‍ഥദാത്രീ സര്‍വേശീ സര്‍വലോകാഭിവന്ദിതാ ॥ 13 ॥
സദ്ഗുണാ സകലാ സാധ്വീ സ്വാധീനപതിരവ്യയാ ।
സ്വയംവൃതപതിഃ സ്വസ്ഥാ സുഖദാ സുഖദായിനീ ॥ 14 ॥
സുബ്രഹ്മണ്യസഖീ സുഭ്രൂഃ സുബ്രഹ്മണ്യമനസ്വിനീ ।
സുബ്രഹ്മണ്യാങ്കനിലയാ സുബ്രഹ്മണ്യവിഹാരിണീ ॥ 15 ॥
സുരീദ്ഗീതാ സുരാനന്ദാ സുധാസാരാ സുധാപ്രിയാ ।
സൌധസ്ഥാ സൌംയവദനാ സ്വാമിനീ സ്വാമികാമിനീ ॥ 16 ॥
സ്വാംയദ്രിനിലയാ സ്വാംയഹീനാ സാമപരായണാ ।
സാമവേദപ്രിയാ സാരാ സാരസ്ഥാ സാരവാദിനീ ॥ 17 ॥
സരലാ സങ്ഘവിമുഖാ സങ്ഗീതാലാപനോത്സുകാ ।
സാരരൂപാ സതീ സൌംയാ സോമജാ സുമനോഹരാ ॥ 18 ॥
സുഷ്ഠുപ്രയുക്താ സുഷ്ഠൂക്തിഃ സുഷ്ഠുവേഷാ സുരാരിഹാ ।
സൌദാമിനീനിഭാ സുരപുരന്ധ്ര്യുദ്ഗീതവൈഭവാ ॥ 19 ॥
സമ്പത്കരീ സദാതുഷ്ടാ സാധുകൃത്യാ സനാതനാ ।
പ്രിയങ്ഗുപാലിനീ പ്രീതാ പ്രിയങ്ഗു മുദിതാന്തരാ ॥ 20 ॥
പ്രിയങ്ഗുദീപസമ്പ്രീതാ പ്രിയങ്ഗുകലികാധരാ ।
പ്രിയങ്ഗുവനമധ്യസ്ഥാ പ്രിയങ്ഗുഗുഡഭക്ഷിണീ ॥ 21 ॥
പ്രിയങ്ഗുവനസന്ദൃഷ്ടഗുഹാ പ്രച്ഛന്നഗാമിനീ ।
പ്രേയസീ പ്രേയ ആശ്ലിഷ്ടാ പ്രയസീജ്ഞാതസത്കൃതിഃ ॥ 22 ॥
പ്രേയസ്യുക്തഗുഹോദന്താ പ്രേയസ്യാ വനഗാമിനീ ।
പ്രേയോവിമോഹിനീ പ്രേയഃകൃതപുഷ്പേഷുവിഗ്രഹാ ॥ 23 ॥
പീതാംബര പ്രിയസുതാ പീതാംബരധരാ പ്രിയാ ।
പുഷ്പിണീ പുഷ്പസുഷമാ പുഷ്പിതാ പുഷ്പഗന്ധിനീ ॥ 24 ॥
പുലിന്ദിനീ പുലിന്ദേഷ്ടാ പുലിന്ദാധിപവര്‍ധിതാ ।
പുലിന്ദവിദ്യാകുശലാ പുലിന്ദജനസംവൃതാ ॥ 25 ॥
പുലിന്ദജാതാ വനിതാ പുലിന്ദകുലദേവതാ ।
പുരുഹൂതനുതാ പുണ്യാ പുണ്യലഭ്യാഽപുരാതനാ ॥ 26 ॥
പൂജ്യാ പൂര്‍ണകലാഽപൂര്‍വാ പൌര്‍ണമീയജനപ്രിയാ ।
ബാലാ ബാലലതാ ബാഹുയുഗലാ ബാഹുപങ്കജാ ॥ 27 ॥
ബലാ ബലവതീ ബില്വപ്രിയാ ബില്വദലാര്‍ചിതാ ।
ബാഹുലേയപ്രിയാ ബിംബ ഫലോഷ്ഠാ ബിരുദോന്നതാ ॥ 28 ॥
ബിലോത്താരിത വീരേന്ദ്രാ ബലാഢ്യാ ബാലദോഷഹാ ।
ലവലീകുഞ്ജസംഭൂതാ ലവലീഗിരിസംസ്ഥിതാ ॥ 29 ॥
ലാവണ്യവിഗ്രഹാ ലീലാ സുന്ദരീ ലലിതാ ലതാ ।
ലതോദ്ഭവാ ലതാനന്ദാ ലതാകാരാ ലതാതനുഃ ॥ 30 ॥
ലതാക്രീഡാ ലതോത്സാഹാ ലതാഡോലാവിഹാരിണീ ।
ലാലിതാ ലാലിതഗുഹാ ലലനാ ലലനാപ്രിയാ ॥ 31 ॥
ലുബ്ധപുത്രീ ലുബ്ധവംശ്യാ ലുബ്ധവേഷാ ലതാനിഭാ ।
ലാകിനീ ലോകസമ്പൂജ്യാ ലോകത്രയവിനോദിനീ ॥ 32 ॥
ലോഭഹീനാ ലാഭകര്‍ത്രീ ലാക്ഷാരക്തപദാംബുജാ ।
ലംബവാമേതരകരാ ലബ്ധാംഭോജകരേതരാ ॥ 33 ।
മൃഗീ മൃഗസുതാ മൃഗ്യാ മൃഗയാസക്തമാനസാ ।
മൃഗാക്ഷീ മാര്‍ഗിതഗുഹാ മാര്‍ഗക്രീഡിതവല്ലഭാ ॥ 34 ॥
സരലദ്രുകൃതാവാസാ സരലായിതഷണ്‍മുഖാ ।
സരോവിഹാരരസികാ സരസ്തീരേഭഭീമരാ ॥ 35 ॥
സരസീരുഹസങ്കാശാ സമാനാ സമനാഗതാ ॥
ശബരീ ശബരീരാധ്യാ ശബരേന്ദ്രവിവര്‍ധിതാ ॥ 36 ॥
ശംബാരാരാതിസഹജാ ശാംബരീ ശാംബരീമയാ ।
ശക്തിഃ ശക്തികരീ ശക്തിതനയേഷ്ടാ ശരാസനാ ॥ 37 ॥
ശരോദ്ഭവപ്രിയാ ശിഞ്ജന്‍മണിഭൂഷാ ശിവസ്നുഷാ ।
സനിര്‍ബന്ധസഖീപൃഷ്ടരഹഃ കേലിനതാനനാ ॥ 38 ।
ദന്തക്ഷതോഹിതസ്കന്ദലീലാ ചൈവ സ്മരാനുജാ ।
സ്മരാരാധ്യാ സ്മരാരാതിസ്നുഷാ സ്മരസതീഡിതാ ॥ 39 ॥
സുദതീ സുമതിഃ സ്വര്‍ണാ സ്വര്‍ണാഭാ സ്വര്‍ണദീപ്രിയാ ।
വിനായകാനുജസഖീ ചാനായകപിതാമഹാ ॥ 40 ॥
പ്രിയമാതാമഹാദ്രീശാ പിതൃസ്വസ്രേയകാമിനീ ।
പ്രിയമാതുലമൈനാകാ സപത്നീജനനീധരാ ॥ 41 ॥
സപത്നീന്ദ്രസുതാ ദേവരാജസോദരസംഭവാ ।
വിവധാനേകഭൃദ്ഭക്ത സങ്ഘസംസ്തുതവൈഭവാ ॥ 42 ॥
വിശ്വേശ്വരീ വിശ്വവന്ദ്യാ വിരിഞ്ചിമുഖസന്നുതാ ।
വാതപ്രമീഭവാ വായുവിനുതാ വായുസാരഥിഃ ॥ 43 ॥
വാജിവാഹാ വജ്രഭൂഷാ വജ്രാദ്യായുധമണ്ഡിതാ ।
വിനതാ വിനതാപൂജ്യാ വിനതാനന്ദനേഡിതാ ॥ 44 ॥
വീരാസനഗതാ വീതിഹോത്രാഭാ വീരസേവിതാ ।
വിശേഷശോഭാ വൈശ്യേഷ്ടാ വൈവസ്വതഭയങ്കരീ ॥ 45 ॥
കാമേശീ കാമിനീ കാംയാ കമലാ കമലാപ്രിയാ ।
കമലാക്ഷാക്ഷിസംഭൂതാ കുമൌദാ കുമുദോദ്ഭവാ ॥ 46 ॥
കുരങ്ഗനേത്രാ കുമുദവല്ലീ കുങ്കുമശോഭിതാ ।
ഗുഞ്ജാഹാരധരാ ഗുഞ്ജാമണിഭൂഷാ കുമാരഗാ ॥ 47 ॥
കുമാരപത്നീ കൌമാരീരൂപിണീ കുക്കുടധ്വജാ ।
കുക്കുടാരാവമുദിതാ കുക്കുടധ്വജമേദുരാ ॥ 48 ॥
കുക്കുടാജിപ്രിയാ കേലികരാ കൈലാസവാസിനീ ।
കൈലാസവാസിതനയകലത്രം കേശവാത്മജാ ॥ 49 ॥
കിരാതതനയാ കീര്‍തിദായിനീ കീരവാദിനീ ।
കിരാതകീ കിരാതേഡ്യാ കിരാതാധിപവന്ദിതാ ॥ 50 ॥
കീലകീലിതഭക്തേഡ്യാ കലിഹീനാ കലീശ്വരീ ।
കാര്‍തസ്വരസമച്ഛായാ കാര്‍തവീര്യസുപൂജിതാ ॥ 51 ॥
കാകപക്ഷധരാ കേകിവാഹാ കേകിവിഹാരിണീ ।
കൃകവാകുപതാകാഢ്യാ കൃകവാകുധരാ കൃശാ ॥ 52 ॥
കൃശാങ്ഗീ കൃഷ്ണസഹജപൂജിതാ കൃഷ്ണ വന്ദിതാ ।
കല്യാണാദ്രികൃതാവാസാ കല്യാണായാതഷണ്‍മുഖാ ॥ 53 ॥
കല്യാണീ കന്യകാ കന്യാ കമനീയാ കലാവതീ ।
കാരുണ്യവിഗ്രഹാ കാന്താ കാന്തക്രീഡാരതോത്സവാ ॥ 54 ॥
കാവേരീതീരഗാ കാര്‍തസ്വരാഭാ കാമിതാര്‍ഥദാ ।
വിവധാസഹമാനാസ്യാ വിവധോത്സാഹിതാനനാ ॥ 55 ॥
വീരാവേശകരീ വീര്യാ വീര്യദാ വീര്യവര്‍ധിനീ ॥
വീരഭദ്രാ വീരനവശതസാഹസ്രസേവിതാ ॥ 56 ॥
വിശാഖകാമിനീ വിദ്യാധരാ വിദ്യാധരാര്‍ചിതാ ।
ശൂര്‍പകാരാതിസഹജാ ശൂര്‍പകര്‍ണാനുജാങ്ഗനാ ॥ 57 ॥
ശൂര്‍പഹോത്രീ ശൂര്‍പണഖാസഹോദരകുലാന്തകാ ।
ശുണ്ഡാലഭീതാ ശുണ്ഡാലമസ്തകാഭസ്തനദ്വയാ ॥ 58 ॥
ശുണ്ഡാസമോരുയുഗലാ ശുദ്ധാ ശുഭ്രാ ശുചിസ്മിതാ ।
ശ്രുതാ ശ്രുതപ്രിയാലാപാ ശ്രുതിഗീതാ ശിഖിപ്രിയാ ॥ 59 ॥
ശിഖിധ്വജാ ശിഖിഗതാ ശിഖിനൃത്തപ്രിയാ ശിവാ ।
ശിവലിങ്ഗാര്‍ചനപരാ ശിവലാസ്യേക്ഷണോത്സുകാ ॥ 60 ॥
ശിവാകാരാന്തരാ ശിഷ്ടാ ശിവാദേശാനുചാരിണീ ।
ശിവസ്ഥാനഗതാ ശിഷ്യശിവകാമാ ശിവാദ്വയാ ॥ 61 ॥
ശിവതാപസസംഭൂതാ ശിവതത്ത്വാവബോധികാ ।
ശൃങ്ഗാരരസസര്‍വസ്വാ ശൃങ്ഗാരരസവാരിധിഃ ॥ 62 ॥
ശൃങ്ഗാരയോനിസഹജാ ശൃങ്ഗബേരപുരാശ്രിതാ ।
ശ്രിതാഭീഷ്ടപ്രദാ ശ്രീഡ്യാ ശ്രീജാ ശ്രീമന്ത്രവാദിനീ ॥ 63 ॥
ശ്രീവിദ്യാ ശ്രീപരാ ശ്രീശാ ശ്രീമയീ ശ്രീഗിരിസ്ഥിതാ ।
ശോണാധരാ ശോഭനാങ്ഗീ ശോഭനാ ശോഭനപ്രദാ ॥ 64 ॥
ശേഷഹീനാ ശേഷപൂജ്യാ ശേഷതല്‍പസമുദ്ഭവാ ।
ശൂരസേനാ ശൂരപദ്മകുലധൂമപതാകികാ ॥ 65 ॥
ശൂന്യാപായാ ശൂന്യകടിഃ ശൂന്യസിംഹാസനസ്ഥിതാ ।
ശൂന്യലിങ്ഗാ ശൂന്യ ശൂന്യാ ശൌരിജാ ശൌര്യവര്‍ധിനീ ॥ 66 ॥
ശരാനേകസ്യൂതകായഭക്തസങ്ഘാശ്രിതാലയാ ।
ശശ്വദ്വൈവധികസ്തുത്യാ ശരണ്യാ ശരണപ്രദാ ॥ 67 ॥
അരിഗണ്ഡാദിഭയകൃദ്യന്ത്രോദ്വാഹിജനാര്‍ചിതാ ।
കാലകണ്ഠസ്നുഷാ കാലകേശാ കാലഭയങ്കരീ ॥ 68 ॥
അജാവാഹാ ചാജാമിത്രാ ചാജാസുരഹരാ ഹ്യജാ ।
അജാമുഖീസുതാരാതിപൂജിതാ ചാജരാഽമരാ ॥ 69 ॥
ആജാനപാവനാഽദ്വൈതാ ആസമുദ്രക്ഷിതീശ്വരീ ।
ആസേതുഹിമശൈലാര്‍ച്യാ ആകുഞ്ചിത ശിരോരുഹാ ॥ 70 ॥
ആഹാരരസികാ ചാദ്യാ ആശ്ചര്യനിലയാ തഥാ ।
ആധാരാ ച തഥാഽഽധേയാ തഥാചാധേയവര്‍ജിതാ ॥ 71 ॥
ആനുപൂര്‍വീക്ലൃപ്തരഥാ ചാശാപാലസുപൂജിതാ ।
ഉമാസ്നുഷാ ഉമാസൂനുപ്രിയാ ചോത്സവമോദിതാ ॥ 72 ॥
ഊര്‍ധ്വഗാ ഋദ്ധിദാ ഋദ്ധാ ഔഷധീശാതിശായിനീ ।
ഔപംയഹീനാ ചൌത്സുക്യകരീ ചൌദാര്യശാലിനീ ॥ 73 ॥
ശ്രീചക്രവാലാതപത്രാ ശ്രീവത്സാങ്കിതഭൂഷണാ ।
ശ്രീകാന്തഭാഗിനേയേഷ്ടാ ശ്രീമുഖാബ്ദാധിദേവതാ ॥ 74 ॥
ഇയം നാരീ വരനുതാ പീനോന്നതകുചദ്വയാ ।
ശ്യാമാ യൌവനമധ്യസ്ഥാ കാ ജാതാ സാ ഗൃഹാദൃതാ ॥ 75 ॥
ഏഷാ സമ്മോഹിനീ ദേവീ പ്രിയലക്ഷ്യാ വരാശ്രിതാ ।
കാമാഽനുഭുക്താ മൃഗയാസക്താഽഽവേദ്യാ ഗുഹാശ്രിതാ ॥ 76 ॥
പുലിന്ദവനിതാനീതാ രഹഃ കാന്താനുസാരിണീ ।
നിശാ ചാക്രീഡിതാഽഽബോധ്യാ നിര്‍നിദ്രാ പുരുഷായിതാ ॥ 77 ॥
സ്വയംവൃതാ സുദൃക് സൂക്ഷ്മാ സുബ്രഹ്മണ്യമനോഹരാ ।
പരിപൂര്‍ണാചലാരൂഢാ ശബരാനുമതാഽനഘാ ॥ 78 ॥
ചന്ദ്രകാന്താ ചന്ദ്രമുഖീ ചന്ദനാഗരുചര്‍ചിതാ ।
ചാടുപ്രിയോക്തിമുദിതാ ശ്രേയോദാത്രീ വിചിന്തിതാ ॥ 79 ॥
മൂര്‍ധാസ്ഫാടിപുരാധീശാ മൂര്‍ധാരൂഢപദാംബുജാ ।
മുക്തിദാ മുദിതാ മുഗ്ധാ മുഹുര്‍ധ്യേയാ മനോന്‍മനീ ॥ 80 ॥
ചിത്രിതാത്മപ്രിയാകാരാ ചിദംബരവിഹാരിണീ ।
ചതുര്‍വേദസ്വരാരാവാ ചിന്തനീയാ ചിരന്തനീ ॥ 81 ॥
കാര്‍തികേയപ്രിയാ കാമസഹജാ കാമിനീവൃതാ ।
കാഞ്ചനാദ്രിസ്ഥിതാ കാന്തിമതീ സാധുവിചിന്തിതാ ॥ 82 ॥
നാരായണസമുദ്ഭൂതാ നാഗരത്നവിഭൂഷണാ ।
നാരദോക്തപ്രിയോദന്താ നംയാ കല്യാണദായിനീ ॥ 83 ॥
നാരദാഭീഷ്ടജനനീ നാകലോകനിവാസിനീ ।
നിത്യാനന്ദാ നിരതിശയാ നാമസാഹസ്രപൂജിതാ ॥ 84 ॥
പിതാമഹേഷ്ടദാ പീതാ പീതാംബരസമുദ്ഭവാ ।
പീതാംബരോജ്ജ്വലാ പീനനിതംബാ പ്രാര്‍ഥിതാ പരാ ॥ 85 ॥
ഗണ്യാ ഗണേശ്വരീ ഗംയാ ഗഹനസ്ഥാ ഗജപ്രിയാ ।
ഗജാരൂഢാ ഗജഗതിഃ ഗജാനനവിനോദിനീ ॥ 86 ॥
അഗജാനനപദ്മാര്‍കാ ഗജാനനസുധാകരാ ।
ഗന്ധര്‍വവന്ദ്യാ ഗന്ധര്‍വതന്ത്രാ ഗന്ധവിനോദിനീ ॥ 87 ॥
ഗാന്ധര്‍വോദ്വാഹിതാ ഗീതാ ഗായത്രീ ഗാനതത്പരാ ।
ഗതിര്‍ഗഹനസംഭൂതാ ഗാഢാശ്ലിഷ്ടശിവാത്മജാ ॥ 88 ॥
ഗൂഢാ ഗൂഢചരാ ഗുഹ്യാ ഗുഹ്യകേഷ്ടാ ഗുഹാശ്രിതാ ।
ഗുരുപ്രിയാ ഗുരുസ്തുത്യ ഗുണ്യാ ഗുണിഗണാശ്രിതാ ॥ 89 ॥
ഗുണഗണ്യാ ഗൂഢരതിഃ ഗീര്‍ഗീര്‍വിനുതവൈഭവാ ।
ഗീര്‍വാണീ ഗീതമഹിമാ ഗീര്‍വാണേശ്വരസന്നുതാ ॥ 90 ॥
ഗീര്‍വാണാദ്രികൃതാവാസാ ഗജവല്ലീ ഗജാശ്രിതാ ।
ഗാങ്ഗേയവനിതാ ഗങ്ഗാസൂനുകാന്താ ഗിരീശ്വരീ ॥ 91 ॥
ദേവസേനാസപത്നീ യാ ദേവേന്ദ്രാനുജസംഭവാ ।
ദേവരേഭഭയാവിഷ്ടാ സരസ്തീരലുഠദ്ഗതിഃ ॥ 92 ॥
വൃദ്ധവേഷഗുഹാക്ലിഷ്ടാ ഭീതാ സര്‍വാങ്ഗസുന്ദരീ ।
നിശാസമാനകബരീ നിശാകരസമാനനാ ॥ 93 ॥
നിര്‍നിദ്രിതാക്ഷികമലാ നിഷ്ഠ്യൂതാരുണഭാധരാ ।
ശിവാചാര്യസതീ ശീതാ ശീതലാ ശീതലേക്ഷണാ ॥ 94 ॥
കിമേതദിതി സാശങ്കഭടാ ധമ്മില്ലമാര്‍ഗിതാ ।
ധമ്മില്ലസുന്ദരീ ധര്‍ത്രീ ധാത്രീ ധാതൃവിമോചിനീ ॥ 95 ॥
ധനദാ ധനദപ്രീതാ ധനേശീ ധനദേശ്വരീ ।
ധന്യാ ധ്യാനപരാ ധാരാ ധരാധാരാ ധരാധരാ ॥ 96 ॥
ധരാ ധരാധരോദ്ഭൂതാ ധീരാ ധീരസമര്‍ചിതാ ।
കിം കരോഷീതി സമ്പൃഷ്ടഗുഹാ സാകൂതഭാഷിണീ ॥ 97 ॥
രഹോ ഭവതു തദ്ഭൂയാത് ശമിത്യുക്തപ്രിയാ സ്മിതാ ।
കുമാരജ്ഞാത കാഠിന്യകുചാഽര്‍ധോരുലസത്കടീ ॥ 98 ॥
കഞ്ചുകീ കഞ്ചുകാച്ഛന്നാ കാഞ്ചീപട്ടപരിഷ്കൃതാ ।
വ്യത്യസ്തകച്ഛാ വിന്യസ്തദക്ഷിണാംസാംശുകാഽതുലാ ॥ 99 ॥
ബന്ധോത്സുകിതകാന്താന്താ പുരുഷായിതകൌതുകാ ।
പൂതാ പൂതവതീ പൃഷ്ടാ പൂതനാരിസമര്‍ചിതാ ॥ 100 ॥
കണ്ടകോപാനഹോന്നൃത്യദ്ഭക്താ ദണ്ഡാട്ടഹാസിനീ ।
ആകാശനിലയാ ചാകാശാ ആകാശായിതമധ്യമാ ॥ 101 ॥
ആലോലലോലാഽഽലോലാ ചാലോലോത്സാരിതാണ്ഡജാ ।
രംഭോരുയുഗലാ രംഭാപൂജിതാ രതിരഞ്ജനീ ॥ 102 ॥
ആരംഭവാദവിമുഖാ ചേലാക്ഷേപപ്രിയാസഹാ ।
അന്യാസങ്ഗപ്രിയോദ്വിഗ്നാ അഭിരാമാ ഹ്യനുത്തമാ ॥ 103 ॥
സത്വരാ ത്വരിതാ തുര്യാ താരിണീ തുരഗാസനാ ।
ഹംസാരൂഢാ വ്യാഘ്രഗതാ സിംഹാരൂഢാഽഽരുണാധരാ ॥ 104 ॥
കൃത്തികാവ്രതസമ്പ്രീതാ കാര്‍തികേയവിമോഹിനീ ।
കരണ്ഡമകുടാ കാമദോഗ്ധ്രീ കല്‍പദ്രുസംസ്ഥിതാ ॥ 105 ॥
വാര്‍താവ്യങ്ഗ്യവിനോദേഷ്ടാ വഞ്ചിതാ വഞ്ചനപ്രിയാ ।
സ്വാഭാദീപ്തഗുഹാ സ്വാഭാബിംബിതേഷ്ടാ സ്വയങ്ഗ്രഹാ ॥ 106 ॥
മൂര്‍ധാഭിഷിക്തവനിതാ മരാലഗതിരീശ്വരീ ।
മാനിനീ മാനിതാ മാനഹീനാ മാതാമഹേഡിതാ ॥ 107 ॥
മിതാക്ഷരീ മിതാഹാരാ മിതവാദാഽമിതപ്രഭാ ।
മീനാക്ഷീ മുഗ്ധഹസനാ മുഗ്ധാ മൂര്‍തിമതീ മതിഃ ॥ 108 ॥
മാതാ മാതൃസഖാനന്ദാ മാരവിദ്യാഽമൃതാക്ഷരാ ।
അപഞ്ചീകൃതഭൂതേശീ പഞ്ചീകൃത വസുന്ധരാ ॥ 109 ॥
വിഫലീകൃതകല്‍പദ്രുരഫലീകൃതദാനവാ ।
അനാദിഷട്കവിപുലാ ചാദിഷട്കാങ്ഗമാലിനീ ॥ 110 ।
നവകക്ഷായിതഭടാ നവവീരസമര്‍ചിതാ ।
രാസക്രീഡാപ്രിയാ രാധാവിനുതാ രാധേയവന്ദിതാ ॥ 111 ॥
രാജചക്രധരാ രാജ്ഞീ രാജീവാക്ഷസുതാ രമാ ।
രാമാ രാമാദൃതാ രംയാ രാമാനന്ദാ മനോരമാ ॥ 112 ॥
രഹസ്യജ്ഞാ രഹോധ്യേയാ രങ്ഗസ്ഥാ രേണുകാപ്രിയാ ।
രൈണുകേയനുതാ രേവാവിഹാരാ രോഗനാശിനീ ॥ 113 ॥
വിടങ്കാ വിഗതാടങ്കാ വിടപായിതഷണ്‍മുഖാ ।
വീടിപ്രിയാ വീരുഡ്ധ്വജാ വീരുട്പ്രീതമൃഗാവൃതാ ॥ 114 ॥
വീശാരൂഢാ വീശരത്നപ്രഭാഽവിദിതവൈഭവാ ।
ചിത്രാ ചിത്രരഥാ ചിത്രസേനാ ചിത്രിതവിഗ്രഹാ ॥ 115 ॥
ചിത്രസേനനുതാ ചിത്രവസനാ ചിത്രിതാ ചിതിഃ ।
ചിത്രഗുപ്താര്‍ചിതാ ചാടുവചനാ ചാരുഭൂഷണാ ॥ 116 ॥
ചമത്കൃതിശ്ചമത്കാരഭ്രമിതേഷ്ടാ ചലത്കചാ ।
ഛായാപതങ്ഗബിംബാസ്യാ ഛവിനിര്‍ജിതഭാസ്കരാ ॥ 117 ॥
ഛത്രധ്വജാദിബിരുദാ ഛാത്രഹീനാ ഛവീശ്വരീ ।
ജനനീ ജനകാനന്ദാ ജാഹ്നവീതനയപ്രിയാ ॥ 118 ॥
ജാഹ്നവീതീരഗാ ജാനപദസ്ഥാഽജനിമാരണാ ।
ജംഭഭേദിസുതാനന്ദാ ജംഭാരിവിനുതാ ജയാ ॥ 119 ।
ജയാവഹാ ജയകരീ ജയശീലാ ജയപ്രദാ ।
ജിനഹന്ത്രീ ജൈനഹന്ത്രീ ജൈമിനീയപ്രകീര്‍തിതാ ॥ 120 ॥
ജ്വരഘ്നീ ജ്വലിതാ ജ്വാലാമാലാ ജാജ്വല്യഭൂഷണാ ।
ജ്വാലാമുഖീ ജ്വലത്കേശാ ജ്വലദ്വല്ലീസമുദ്ഭവാ ॥ 121 ॥
ജ്വലത്കുണ്ഡാന്താവതരദ്ഭക്താ ജ്വലനഭാജനാ ।
ജ്വലനോദ്ധൂപിതാമോദാ ജ്വലദ്ദീപ്തധരാവൃതാ ॥ 122 ॥
ജാജ്വല്യമാനാ ജയിനീ ജിതാമിത്രാ ജിതപ്രിയാ ।
ചിന്താമണീശ്വരീ ഛിന്നമസ്താ ഛേദിതദാനവാ ॥ 123 ॥
ഖഡ്ഗധാരോന്നടദ്ദാസാ ഖഡ്ഗരാവണപൂജിതാ ।
ഖഡ്ഗസിദ്ധിപ്രദാ ഖേടഹസ്താ ഖേടവിഹാരിണീ ॥ 124 ॥
ഖട്വാങ്ഗധരജപ്രീതാ ഖാദിരാസന സംസ്ഥിതാ ।
ഖാദിനീ ഖാദിതാരാതിഃ ഖനീശീ ഖനിദായിനീ ॥ 125 ॥
അങ്കോലിതാന്തരഗുഹാ അങ്കുരദന്തപങ്ക്തികാ ।
ന്യങ്കൂദരസമുദ്ഭൂതാഽഭങ്ഗുരാപാങ്ഗവീക്ഷണാ ॥ 126 ॥
പിതൃസ്വാമിസഖീ പതിവരാരൂഢാ പതിവ്രതാ ।
പ്രകാശിതാ പരാദ്രിസ്ഥാ ജയന്തീപുരപാലിനീ ॥ 127 ॥
ഫലാദ്രിസ്ഥാ ഫലപ്രീതാ പാണ്ഡ്യഭൂപാലവന്ദിതാ ।
അഫലാ സഫലാ ഫാലദൃക്കുമാരതപഃഫലാ ॥ 128 ॥
കുമാരകോഷ്ഠഗാ കുന്തശക്തിചിഹ്നധരാവൃതാ ।
സ്മരബാണായിതാലോകാ സ്മരവിദ്യോഹിതാകൃതിഃ ॥ 129 ॥
കാലമേഘായിതകചാ കാമസൌഭാഗ്യ വാരിധിഃ ।
കാന്താലകാന്താ കാമേഡ്യാ കരകോന്നര്‍തന പ്രിയാ ॥ 130 ॥
പൌനഃ പുന്യപ്രിയാലായാ പമ്പാവാദ്യപ്രിയാധികാ ।
രമണീയാ സ്മരണീയാ ഭജനീയാ പരാത്പരാ ॥ 131 ॥
നീലവാജിഗതാ നീലഖഡ്ഗാ നീലാംശുകാഽനിലാ ।
രാത്രിര്‍നിദ്രാ ഭഗവതീ നിദ്രാകര്‍ത്രീ വിഭാവരീ ॥ 132 ॥
ശുകായമാനകായോക്തിഃ കിംശുകാഭാധരാംബരാ ।
ശുകമാനിതചിദ്രൂപാ സംശുകാന്തപ്രസാധിനീ ॥ 133 ॥
ഗൂഢോക്താ ഗൂഢഗദിതാ ഗുഹസങ്കേതിതാഽഗഗാ ।
ധൈര്യാ ധൈര്യവതീ ധാത്രീപ്രേഷിതാഽവാപ്തകാമനാ ॥ 134 ॥
സന്ദൃഷ്ടാ കുക്കുടാരാവധ്വസ്തധമ്മില്ലജീവിനീ ।
ഭദ്രാ ഭദ്രപ്രദാ ഭക്തവത്സലാ ഭദ്രദായിനീ ॥ 135 ॥
ഭാനുകോടിപ്രതീകാശാ ചന്ദ്രകോടിസുശീതലാ ।
ജ്വലനാന്തഃസ്ഥിതാ ഭക്തവിനുതാ ഭാസ്കരേഡിതാ ॥ 136 ॥
അഭങ്ഗുരാ ഭാരഹീനാ ഭാരതീ ഭാരതീഡിതാ ।
ഭരതേഡ്യാ ഭാരതേശീ ഭുവനേശീ ഭയാപഹാ ॥ 137 ॥
ഭൈരവീ ഭൈരവീസേവ്യാ ഭോക്ത്രീ ഭോഗീന്ദ്രസേവിതാ ।
ഭോഗേഡിതാ ഭോഗകരീ ഭേരുണ്ഡാ ഭഗമാലിനീ ॥ 138 ॥
ഭഗാരാധ്യാ ഭാഗവതപ്രഗീതാഽഭേദവാദിനീ ।
അന്യാഽനന്യാ നിജാനന്യാ സ്വാനന്യാഽനന്യകാമിനീ ॥ 139 ॥
യജ്ഞേശ്വരീ യാഗശീലാ യജ്ഞോദ്ഗീതഗുഹാനുഗാ ।
സുബ്രഹ്മണ്യഗാനരതാ സുബ്രഹ്മണ്യസുഖാസ്പദാ ॥ 140 ॥
കുംഭജേഡ്യാ കുതുകിതാ കൌസുംഭാംബരമണ്ഡിതാ ।
സംസ്കൃതാ സംസ്കൃതാരാവാ സര്‍വാവയവസുന്ദരീ ॥ 141 ॥
ഭൂതേശീ ഭൂതിദാ ഭൂതിഃ ഭൂതാവേശനിവാരിണീ ।
ഭൂഷണായിതഭൂതാണ്ഡാ ഭൂചക്രാ ഭൂധരാശ്രിതാ ॥ 142 ॥
ഭൂലോകദേവതാ ഭൂമാ ഭൂമിദാ ഭൂമികന്യകാ ।
ഭൂസുരേഡ്യാ ഭൂസുരാരിവിമുഖാ ഭാനുബിംബഗാ ॥ 143 ॥
പുരാതനാഽഭൂതപൂര്‍വാഽവിജാതീയാഽധുനാതനാ ।
അപരാ സ്വഗതാഭേദാ സജാതീയവിഭേദിനീ ॥ 144 ॥
അനന്തരാഽരവിന്ദാഭാ ഹൃദ്യാ ഹൃദയസംസ്ഥിതാ ।
ഹ്രീമതീ ഹൃദയാസക്താ ഹൃഷ്ടാ ഹൃന്‍മോഹഭാസ്കരാ ॥ 145 ॥
ഹാരിണീ ഹരിണീ ഹാരാ ഹാരായിതവിലാസിനീ ।
ഹരാരാവപ്രമുദിതാ ഹീരദാ ഹീരഭൂഷണാ ॥ 146 ॥
ഹീരഭൃദ്വിനുതാ ഹേമാ ഹേമാചലനിവാസിനീ ।
ഹോമപ്രിയാ ഹൌത്രപരാ ഹുങ്കാരാ ഹുംഫഡുജ്ജ്വലാ ॥ 147 ॥
ഹുതാശനേഡിതാ ഹേലാമുദിതാ ഹേമഭൂഷണാ ।
ജ്ഞാനേശ്വരീ ജ്ഞാതതത്ത്വാ ജ്ഞേയാ ജ്ഞേയവിവര്‍ജിതാ ॥ 148 ॥
ജ്ഞാനം ജ്ഞാനാകൃതിര്‍ജ്ഞാനിവിനുതാ ജ്ഞാതിവര്‍ജിതാ ।
ജ്ഞാതാഖിലാ ജ്ഞാനദാത്രീ ജ്ഞാതാജ്ഞാതവിവര്‍ജിതാ ॥ 149 ॥
ജ്ഞേയാനന്യാ ജ്ഞേയഗുഹാ വിജ്ഞേയാഽജ്ഞേയവര്‍ജിതാ ।
ആജ്ഞാകരീ പരാജ്ഞാതാ പ്രാജ്ഞാ പ്രജ്ഞാവശേഷിതാ ॥ 150 ॥
സ്വാജ്ഞാധീനാമരാഽനുജ്ഞാകാങ്ക്ഷോന്നൃത്യത്സുരാങ്ഗനാ ।
സഗജാ അഗജാനന്ദാ സഗുഹാ അഗുഹാന്തരാ ॥ 151 ॥
സാധാരാ ച നിരാധാരാ ഭൂധരസ്ഥാഽതിഭൂധരാ ।
സഗുണാ ചാഗുണാകാരാ നിര്‍ഗുണാ ച ഗുണാധികാ ॥ 152 ॥
അശേഷാ ചാവിശേഷേഡ്യാ ശുഭദാ ചാശുഭാപഹാ ।
അതര്‍ക്യാ വ്യാകൃതാ ന്യായകോവിദാ തത്ത്വബോധിനീ ॥ 153 ॥
സാങ്ഖ്യോക്താ കപിലാനന്ദാ വൈശേഷികവിനിശ്ചിതാ ।
പുരാണപ്രഥിതാഽപാരകരുണാ വാക്പ്രദായിനീ ॥ 154 ॥
സങ്ഖ്യാവിഹീനാഽസങ്ഖ്യേയാ സുസ്മൃതാ വിസ്മൃതാപഹാ ।
വീരബാഹുനുതാ വീരകേസരീഡിതവൈഭവാ ॥ 155 ॥
വീരമാഹേന്ദ്രവിനുതാ വീരമാഹേശ്വരാര്‍ചിതാ ।
വീരരാക്ഷസസമ്പൂജ്യാ വീരമാര്‍തണ്ഡവന്ദിതാ ॥ 156 ॥
വീരാന്തകസ്തുതാ വീരപുരന്ദരസമര്‍ചിതാ ।
വീരധീരാര്‍ചിതപദാ നവവീരസമാശ്രിതാ ॥ 157 ॥
ഭൈരവാഷ്ടകസംസേവ്യാ ബ്രഹ്മാദ്യഷ്ടകസേവിതാ ।
ഇന്ദ്രാദ്യഷ്ടകസമ്പൂജ്യാ വജ്രാദ്യായുധശോഭിതാ ॥ 158 ॥
അങ്ഗാവരണസംയുക്താ ചാനങ്ഗാമൃതവര്‍ഷിണീ ।
തമോഹന്ത്രീ തപോലഭ്യാ തമാലരുചിരാഽബലാ ॥ 159 ॥
സാനന്ദാ സഹജാനന്ദാ ഗുഹാനന്ദവിവര്‍ധിനീ ।
പരാനന്ദാ ശിവാനന്ദാ സച്ചിദാനന്ദരൂപിണീ ॥ 160 ॥
പുത്രദാ വസുദാ സൌഖ്യദാത്രീ സര്‍വാര്‍ഥദായിനീ ।
യോഗാരൂഢാ യോഗിവന്ദ്യാ യോഗദാ ഗുഹയോഗിനീ ॥ 161 ॥
പ്രമദാ പ്രമദാകാരാ പ്രമാദാത്രീ പ്രമാമയീ ।
ഭ്രമാപഹാ ഭ്രാമയിത്രീ പ്രധാനാ പ്രബലാ പ്രമാ ॥ 162 ॥
പ്രശാന്താ പ്രമിതാനന്ദാ പരമാനന്ദനിര്‍ഭരാ ।
പാരാവാരാ പരോത്കര്‍ഷാ പാര്‍വതീതനയപ്രിയാ ॥ 163 ॥
പ്രസാധിതാ പ്രസന്നാസ്യാ പ്രാണായാമപരാര്‍ചിതാ ।
പൂജിതാ സാധുവിനുതാ സുരസാസ്വാദിതാ സുധാ ॥ 164 ॥
സ്വാമിനീ സ്വാമിവനിതാ സമനീസ്ഥാ സമാനിതാ ।
സര്‍വസമ്മോഹിനീ വിശ്വജനനീ ശക്തിരൂപിണീ ॥ 165 ॥
കുമാരദക്ഷിണോത്സങ്ഗവാസിനീ ഭോഗമോക്ഷദാ ॥ ഓം ।
ഏവം നാമസഹസ്രം തേ പ്രോക്തം നാരദ ശോഭനം ॥ 166 ॥
സുബ്രഹ്മണ്യസ്യ കാന്തായാ വല്ലീദേവ്യാഃ പ്രിയങ്കരം ।
നിത്യം സങ്കീര്‍തയേദേതത്സര്‍വാന്‍കാമാനവാപ്നുയാത് ॥ 167 ॥
ശുക്രവാരേ ഭൌമവാരേ ഷഷ്ഠ്യാം വാ കൃത്തികാസ്യപി ।
സങ്ക്രമാദിഷു കാലേഷു ഗ്രഹണേ ചന്ദ്രസൂര്യയോഃ ॥ 168 ॥
പഠേദിദം വിശേഷേണ സര്‍വസിദ്ധിമവാപ്നുയാത് ।
ഏഭിര്‍നാമഭിരംബാം യഃ കുങ്കുമാദിഭിരര്‍ചയേത് ॥ 169 ॥
യദ്യദ്വാഞ്ഛതി തത്സര്‍വമചിരാജ്ജായതേ ധ്രുവം ।
സുബ്രഹ്മണ്യോഽപി സതതം പ്രീതഃ സര്‍വാര്‍ഥദോ ഭവേത് ॥ 170 ॥
പുത്രപൌത്രാദിദം സര്‍വസമ്പത്പ്രദ മഘാപഹം ।
വിദ്യാപ്രദം വിശേഷേണ സര്‍വരോഗനിവര്‍തകം ॥ 171 ॥
ദുഷ്ടാരിഷ്ടപ്രശമനം ഗ്രഹശാന്തികരം വരം ।
ജപാദസ്യ പ്രഭാവേണ സര്‍വാഃ സിദ്ധ്യന്തി സിദ്ധയഃ ।
ഗോപനീയം പഠ ത്വം ച സര്‍വമാപ്നുഹി നാരദ ॥ 172 ॥
॥ സ്കാന്ദേ ശങ്കരസംഹിതാതഃ ॥
Also Read 1000 Names of Sri Valli:
1000 Names of Sri Valli Devasena | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
