Templesinindiainfo

Best Spiritual Website

1000 Names of Sri Valli Devasena | Sahasranama Stotram Lyrics in Kannada

Shri Vallisahasranamastotram Lyrics in Kannada:

॥ ಶ್ರೀವಲ್ಲೀಸಹಸ್ರನಾಮಸ್ತೋತ್ರಮ್ ॥

(ಸ್ಕಾನ್ದೇ ಶಂಕರಸಂಹಿತಾತಃ)
ಬ್ರಹ್ಮೋವಾಚ –
ಶೃಣು ನಾರದ ಮದ್ವತ್ಸ ವಲ್ಲೀನಾಮ್ನಾಂ ಸಹಸ್ರಕಮ್ ।
ಸ್ಕನ್ದಕ್ರೀಡಾವಿನೋದಾದಿಬೋಧಕಂ ಪರಮಾದ್ಭುತಮ್ ॥ 1 ॥

ಮುನಿರಸ್ಮ್ಯಹಮೇವಾಸ್ಯ ಛನ್ದೋಽನುಷ್ಟುಪ್ ಪ್ರಕೀರ್ತಿತಮ್ ।
ವಲ್ಲೀದೇವೀ ದೇವತಾ ಸ್ಯಾತ್ ವ್ರಾಂ ವ್ರೀಂ ವ್ರೂಂ ಬೀಜಶಕ್ತ್ಯಪಿ ॥ 2 ॥

ಕೀಲಕಂ ಚ ತಥಾ ನ್ಯಸ್ಯ ವ್ರಾಂ ಇತ್ಯಾದ್ಯೈಃ ಷಡಂಗಕಮ್ ।

ಓಂ ಅಸ್ಯ ಶ್ರೀ ವಲ್ಲೀಸಹಸ್ರನಾಮ ಸ್ತೋತ್ರ ಮನ್ತ್ರಸ್ಯ ಭಗವಾನ್ ಶ್ರೀಬ್ರಹ್ಮಾ ಋಷಿಃ ।
ಅನುಷ್ಟುಪ್ ಛನ್ದಃ । ಶ್ರೀವಲ್ಲೀದೇವೀ ದೇವತಾ । ವ್ರಾಂ ಬೀಜಮ್ । ವ್ರೀಂ ಶಕ್ತಿಃ ।
ವ್ರೂಂ ಕೀಲಕಮ್ । ಶ್ರೀಸ್ಕನ್ದಪತಿವ್ರತಾ ಭಗವತೀ ಶ್ರೀವಲ್ಲೀದೇವೀ
ಪ್ರೀತ್ಯರ್ಥಂ ಸಹಸ್ರನಾಮಜಪೇ ವಿನಿಯೋಗಃ ॥

॥ ಅಥ ಕರನ್ಯಾಸಃ ॥

ವ್ರಾಂ ಅಂಗುಷ್ಠಾಭ್ಯಾಂ ನಮಃ ।
ವ್ರೀಂ ತರ್ಜನೀಭ್ಯಾಂ ನಮಃ ।
ವ್ರೂಂ ಮಧ್ಯಮಾಭ್ಯಾಂ ನಮಃ ।
ವ್ರೈಂ ಅನಾಮಿಕಾಭ್ಯಾಂ ನಮಃ ।
ವ್ರೌಂ ಕನಿಷ್ಠಾಭ್ಯಾಂ ನಮಃ ।
ವ್ರಃ ಕರತಲಕರಪುಷ್ಠಾಭ್ಯಾಂ ನಮಃ ॥

॥ ಇತಿ ಕರನ್ಯಾಸಃ ॥

॥ ಅಥ ಹೃದಯಾದಿಷಡಂಗ ನ್ಯಾಸಃ ॥

ವ್ರಾಂ ಹೃದಯಾಯ ನಮಃ ।
ವ್ರೀಂ ಶಿರಸೇ ಸ್ವಾಹಾ ।
ವ್ರೂಂ ಶಿಖಾಯೈ ವಷಟ್ ।
ವ್ರೈಂ ಕವಚಾಯ ಹುಮ್ ।
ವ್ರೌಂ ನೇತ್ರತ್ರಯಾಯ ವೌಷಟ್ ।
ವ್ರಃ ಅಸ್ತ್ರಾಯ ಫಟ್ ॥

॥ ಇತಿ ಹೃದಯಾದಿಷಡಂಗ ನ್ಯಾಸಃ ॥

ತತಃ ಸಂಚಿನ್ತಯೇದ್ದೇವೀಂ ವಲ್ಲೀಂ ಸ್ಕನ್ದಪತಿವ್ರತಾಮ್ ॥ 3 ॥

ಶ್ಯಾಮಾಂ ಶ್ಯಾಮಾಲಕಾನ್ತಾಂ ದ್ರುತಕನಕಮಣಿ ಪ್ರಸ್ಫುರದ್ದಿವ್ಯಭೂಷಾಂ
ಗುಂಜಾಮಾಲಾಭಿರಾಮಾಂ ಶಿವಮುನಿತನಯಾಂ ಕಾನನೇನ್ದ್ರಾಭಿಮಾನ್ಯಾಮ್ ।
ವಾಮೇ ಹಸ್ತೇ ಚ ಪದ್ಮಂ ತದಿತರಕರವರಂ ಲಮ್ಬಿತಂ ಸನ್ದಧಾನಾಂ
ಸಂಸ್ಥಾಂ ಸೇನಾನಿದಕ್ಷೇ ಸಮುದಮಪಿ ಮಹಾವಲ್ಲಿದೇವೀಂ ಭಜೇಽಹಮ್ ॥ 4 ॥

ಇತ್ಯೇವಂ ಚಿನ್ತಯಿತ್ವಾಽಮ್ಬಾಂ ಮನಸಾಽಭ್ಯರ್ಚಂ ಸಾದರಮ್ ।
ಪಠೇನ್ನಾಮಸಹಸ್ರಂ ತತ್ ಶ್ರೂಯತಾಂ ಸ್ತೋತ್ರಮುತ್ತಮಮ್ ॥ 5 ॥

ಓಂ ವಲ್ಲೀ ವಲ್ಲೀಶ್ವರೀ ವಲ್ಲೀಬಹ್ವಾ ವಲ್ಲೀನಿಭಾಕೃತಿಃ ।
ವೈಕುಂಠಾಕ್ಷಿಸಮುದ್ಭೂತಾ ವಿಷ್ಣುಸಂವರ್ಧಿತಾ ವರಾ ॥ 6 ॥

ವಾರಿಜಾಕ್ಷಾ ವಾರಿಜಾಸ್ಯಾ ವಾಮಾ ವಾಮೇತರಾಶ್ರಿತಾ ।
ವನ್ಯಾ ವನಭವಾ ವನ್ದ್ಯಾ ವನಜಾ ವನಜಾಸನಾ ॥ 7 ॥

ವನವಾಸಪ್ರಿಯಾ ವಾದವಿಮುಖಾ ವೀರವನ್ದಿತಾ ।
ವಾಮಾಂಗಾ ವಾಮನಯನಾ ವಲಯಾದಿವಿಭೂಷಣಾ ॥ 8 ॥

ವನರಾಜಸುತಾ ವೀರಾ ವೀಣಾವಾದವಿದೂಷಿಣೀ ।
ವೀಣಾಧರಾ ವೈಣಿಕರ್ಷಿಶ್ರುತಸ್ಕನ್ದಕಥಾ ವಧೂಃ ॥ 9 ॥

ಶಿವಂಕರೀ ಶಿವಮುನಿತನಯಾ ಹರಿಣೋದ್ಭವಾ ।
ಹರೀನ್ದ್ರವಿನುತಾ ಹಾನಿಹೀನಾ ಹರಿಣಲೋಚನಾ ॥ 10 ॥

ಹರಿಣಾಂಕಮುಖೀ ಹಾರಧರಾ ಹರಜಕಾಮಿನೀ ।
ಹರಸ್ನುಷಾ ಹರಾಧಿಕ್ಯವಾದಿನೀ ಹಾನಿವರ್ಜಿತಾ ॥ 11 ॥

ಇಷ್ಟದಾ ಚೇಭಸಮ್ಭೀತಾ ಚೇಭವಕ್ತ್ರಾನ್ತಕಪ್ರಿಯಾ ।
ಇನ್ದ್ರೇಶ್ವರೀ ಚೇನ್ದ್ರನುತಾ ಚೇನ್ದಿರಾತನಯಾರ್ಚಿತಾ ॥ 12 ॥

ಇನ್ದ್ರಾದಿಮೋಹಿನೀ ಚೇಷ್ಟಾ ಚೇಭೇನ್ದ್ರಮುಖದೇವರಾ ।
ಸರ್ವಾರ್ಥದಾತ್ರೀ ಸರ್ವೇಶೀ ಸರ್ವಲೋಕಾಭಿವನ್ದಿತಾ ॥ 13 ॥

ಸದ್ಗುಣಾ ಸಕಲಾ ಸಾಧ್ವೀ ಸ್ವಾಧೀನಪತಿರವ್ಯಯಾ ।
ಸ್ವಯಂವೃತಪತಿಃ ಸ್ವಸ್ಥಾ ಸುಖದಾ ಸುಖದಾಯಿನೀ ॥ 14 ॥

ಸುಬ್ರಹ್ಮಣ್ಯಸಖೀ ಸುಭ್ರೂಃ ಸುಬ್ರಹ್ಮಣ್ಯಮನಸ್ವಿನೀ ।
ಸುಬ್ರಹ್ಮಣ್ಯಾಂಕನಿಲಯಾ ಸುಬ್ರಹ್ಮಣ್ಯವಿಹಾರಿಣೀ ॥ 15 ॥

ಸುರೀದ್ಗೀತಾ ಸುರಾನನ್ದಾ ಸುಧಾಸಾರಾ ಸುಧಾಪ್ರಿಯಾ ।
ಸೌಧಸ್ಥಾ ಸೌಮ್ಯವದನಾ ಸ್ವಾಮಿನೀ ಸ್ವಾಮಿಕಾಮಿನೀ ॥ 16 ॥

ಸ್ವಾಮ್ಯದ್ರಿನಿಲಯಾ ಸ್ವಾಮ್ಯಹೀನಾ ಸಾಮಪರಾಯಣಾ ।
ಸಾಮವೇದಪ್ರಿಯಾ ಸಾರಾ ಸಾರಸ್ಥಾ ಸಾರವಾದಿನೀ ॥ 17 ॥

ಸರಲಾ ಸಂಘವಿಮುಖಾ ಸಂಗೀತಾಲಾಪನೋತ್ಸುಕಾ ।
ಸಾರರೂಪಾ ಸತೀ ಸೌಮ್ಯಾ ಸೋಮಜಾ ಸುಮನೋಹರಾ ॥ 18 ॥

ಸುಷ್ಠುಪ್ರಯುಕ್ತಾ ಸುಷ್ಠೂಕ್ತಿಃ ಸುಷ್ಠುವೇಷಾ ಸುರಾರಿಹಾ ।
ಸೌದಾಮಿನೀನಿಭಾ ಸುರಪುರನ್ಧ್ರ್ಯುದ್ಗೀತವೈಭವಾ ॥ 19 ॥

ಸಮ್ಪತ್ಕರೀ ಸದಾತುಷ್ಟಾ ಸಾಧುಕೃತ್ಯಾ ಸನಾತನಾ ।
ಪ್ರಿಯಂಗುಪಾಲಿನೀ ಪ್ರೀತಾ ಪ್ರಿಯಂಗು ಮುದಿತಾನ್ತರಾ ॥ 20 ॥

ಪ್ರಿಯಂಗುದೀಪಸಮ್ಪ್ರೀತಾ ಪ್ರಿಯಂಗುಕಲಿಕಾಧರಾ ।
ಪ್ರಿಯಂಗುವನಮಧ್ಯಸ್ಥಾ ಪ್ರಿಯಂಗುಗುಡಭಕ್ಷಿಣೀ ॥ 21 ॥

ಪ್ರಿಯಂಗುವನಸನ್ದೃಷ್ಟಗುಹಾ ಪ್ರಚ್ಛನ್ನಗಾಮಿನೀ ।
ಪ್ರೇಯಸೀ ಪ್ರೇಯ ಆಶ್ಲಿಷ್ಟಾ ಪ್ರಯಸೀಜ್ಞಾತಸತ್ಕೃತಿಃ ॥ 22 ॥

ಪ್ರೇಯಸ್ಯುಕ್ತಗುಹೋದನ್ತಾ ಪ್ರೇಯಸ್ಯಾ ವನಗಾಮಿನೀ ।
ಪ್ರೇಯೋವಿಮೋಹಿನೀ ಪ್ರೇಯಃಕೃತಪುಷ್ಪೇಷುವಿಗ್ರಹಾ ॥ 23 ॥

ಪೀತಾಮ್ಬರ ಪ್ರಿಯಸುತಾ ಪೀತಾಮ್ಬರಧರಾ ಪ್ರಿಯಾ ।
ಪುಷ್ಪಿಣೀ ಪುಷ್ಪಸುಷಮಾ ಪುಷ್ಪಿತಾ ಪುಷ್ಪಗನ್ಧಿನೀ ॥ 24 ॥

ಪುಲಿನ್ದಿನೀ ಪುಲಿನ್ದೇಷ್ಟಾ ಪುಲಿನ್ದಾಧಿಪವರ್ಧಿತಾ ।
ಪುಲಿನ್ದವಿದ್ಯಾಕುಶಲಾ ಪುಲಿನ್ದಜನಸಂವೃತಾ ॥ 25 ॥

ಪುಲಿನ್ದಜಾತಾ ವನಿತಾ ಪುಲಿನ್ದಕುಲದೇವತಾ ।
ಪುರುಹೂತನುತಾ ಪುಣ್ಯಾ ಪುಣ್ಯಲಭ್ಯಾಽಪುರಾತನಾ ॥ 26 ॥

ಪೂಜ್ಯಾ ಪೂರ್ಣಕಲಾಽಪೂರ್ವಾ ಪೌರ್ಣಮೀಯಜನಪ್ರಿಯಾ ।
ಬಾಲಾ ಬಾಲಲತಾ ಬಾಹುಯುಗಲಾ ಬಾಹುಪಂಕಜಾ ॥ 27 ॥

ಬಲಾ ಬಲವತೀ ಬಿಲ್ವಪ್ರಿಯಾ ಬಿಲ್ವದಲಾರ್ಚಿತಾ ।
ಬಾಹುಲೇಯಪ್ರಿಯಾ ಬಿಮ್ಬ ಫಲೋಷ್ಠಾ ಬಿರುದೋನ್ನತಾ ॥ 28 ॥

ಬಿಲೋತ್ತಾರಿತ ವೀರೇನ್ದ್ರಾ ಬಲಾಢ್ಯಾ ಬಾಲದೋಷಹಾ ।
ಲವಲೀಕುಂಜಸಮ್ಭೂತಾ ಲವಲೀಗಿರಿಸಂಸ್ಥಿತಾ ॥ 29 ॥

ಲಾವಣ್ಯವಿಗ್ರಹಾ ಲೀಲಾ ಸುನ್ದರೀ ಲಲಿತಾ ಲತಾ ।
ಲತೋದ್ಭವಾ ಲತಾನನ್ದಾ ಲತಾಕಾರಾ ಲತಾತನುಃ ॥ 30 ॥

ಲತಾಕ್ರೀಡಾ ಲತೋತ್ಸಾಹಾ ಲತಾಡೋಲಾವಿಹಾರಿಣೀ ।
ಲಾಲಿತಾ ಲಾಲಿತಗುಹಾ ಲಲನಾ ಲಲನಾಪ್ರಿಯಾ ॥ 31 ॥

ಲುಬ್ಧಪುತ್ರೀ ಲುಬ್ಧವಂಶ್ಯಾ ಲುಬ್ಧವೇಷಾ ಲತಾನಿಭಾ ।
ಲಾಕಿನೀ ಲೋಕಸಮ್ಪೂಜ್ಯಾ ಲೋಕತ್ರಯವಿನೋದಿನೀ ॥ 32 ॥

ಲೋಭಹೀನಾ ಲಾಭಕರ್ತ್ರೀ ಲಾಕ್ಷಾರಕ್ತಪದಾಮ್ಬುಜಾ ।
ಲಮ್ಬವಾಮೇತರಕರಾ ಲಬ್ಧಾಮ್ಭೋಜಕರೇತರಾ ॥ 33 ।
ಮೃಗೀ ಮೃಗಸುತಾ ಮೃಗ್ಯಾ ಮೃಗಯಾಸಕ್ತಮಾನಸಾ ।
ಮೃಗಾಕ್ಷೀ ಮಾರ್ಗಿತಗುಹಾ ಮಾರ್ಗಕ್ರೀಡಿತವಲ್ಲಭಾ ॥ 34 ॥

ಸರಲದ್ರುಕೃತಾವಾಸಾ ಸರಲಾಯಿತಷಣ್ಮುಖಾ ।
ಸರೋವಿಹಾರರಸಿಕಾ ಸರಸ್ತೀರೇಭಭೀಮರಾ ॥ 35 ॥

ಸರಸೀರುಹಸಂಕಾಶಾ ಸಮಾನಾ ಸಮನಾಗತಾ ॥

ಶಬರೀ ಶಬರೀರಾಧ್ಯಾ ಶಬರೇನ್ದ್ರವಿವರ್ಧಿತಾ ॥ 36 ॥

ಶಮ್ಬಾರಾರಾತಿಸಹಜಾ ಶಾಮ್ಬರೀ ಶಾಮ್ಬರೀಮಯಾ ।
ಶಕ್ತಿಃ ಶಕ್ತಿಕರೀ ಶಕ್ತಿತನಯೇಷ್ಟಾ ಶರಾಸನಾ ॥ 37 ॥

ಶರೋದ್ಭವಪ್ರಿಯಾ ಶಿಂಜನ್ಮಣಿಭೂಷಾ ಶಿವಸ್ನುಷಾ ।
ಸನಿರ್ಬನ್ಧಸಖೀಪೃಷ್ಟರಹಃ ಕೇಲಿನತಾನನಾ ॥ 38 ।
ದನ್ತಕ್ಷತೋಹಿತಸ್ಕನ್ದಲೀಲಾ ಚೈವ ಸ್ಮರಾನುಜಾ ।
ಸ್ಮರಾರಾಧ್ಯಾ ಸ್ಮರಾರಾತಿಸ್ನುಷಾ ಸ್ಮರಸತೀಡಿತಾ ॥ 39 ॥

ಸುದತೀ ಸುಮತಿಃ ಸ್ವರ್ಣಾ ಸ್ವರ್ಣಾಭಾ ಸ್ವರ್ಣದೀಪ್ರಿಯಾ ।
ವಿನಾಯಕಾನುಜಸಖೀ ಚಾನಾಯಕಪಿತಾಮಹಾ ॥ 40 ॥

ಪ್ರಿಯಮಾತಾಮಹಾದ್ರೀಶಾ ಪಿತೃಸ್ವಸ್ರೇಯಕಾಮಿನೀ ।
ಪ್ರಿಯಮಾತುಲಮೈನಾಕಾ ಸಪತ್ನೀಜನನೀಧರಾ ॥ 41 ॥

ಸಪತ್ನೀನ್ದ್ರಸುತಾ ದೇವರಾಜಸೋದರಸಮ್ಭವಾ ।
ವಿವಧಾನೇಕಭೃದ್ಭಕ್ತ ಸಂಘಸಂಸ್ತುತವೈಭವಾ ॥ 42 ॥

ವಿಶ್ವೇಶ್ವರೀ ವಿಶ್ವವನ್ದ್ಯಾ ವಿರಿಂಚಿಮುಖಸನ್ನುತಾ ।
ವಾತಪ್ರಮೀಭವಾ ವಾಯುವಿನುತಾ ವಾಯುಸಾರಥಿಃ ॥ 43 ॥

ವಾಜಿವಾಹಾ ವಜ್ರಭೂಷಾ ವಜ್ರಾದ್ಯಾಯುಧಮಂಡಿತಾ ।
ವಿನತಾ ವಿನತಾಪೂಜ್ಯಾ ವಿನತಾನನ್ದನೇಡಿತಾ ॥ 44 ॥

ವೀರಾಸನಗತಾ ವೀತಿಹೋತ್ರಾಭಾ ವೀರಸೇವಿತಾ ।
ವಿಶೇಷಶೋಭಾ ವೈಶ್ಯೇಷ್ಟಾ ವೈವಸ್ವತಭಯಂಕರೀ ॥ 45 ॥

ಕಾಮೇಶೀ ಕಾಮಿನೀ ಕಾಮ್ಯಾ ಕಮಲಾ ಕಮಲಾಪ್ರಿಯಾ ।
ಕಮಲಾಕ್ಷಾಕ್ಷಿಸಮ್ಭೂತಾ ಕುಮೌದಾ ಕುಮುದೋದ್ಭವಾ ॥ 46 ॥

ಕುರಂಗನೇತ್ರಾ ಕುಮುದವಲ್ಲೀ ಕುಂಕುಮಶೋಭಿತಾ ।
ಗುಂಜಾಹಾರಧರಾ ಗುಂಜಾಮಣಿಭೂಷಾ ಕುಮಾರಗಾ ॥ 47 ॥

ಕುಮಾರಪತ್ನೀ ಕೌಮಾರೀರೂಪಿಣೀ ಕುಕ್ಕುಟಧ್ವಜಾ ।
ಕುಕ್ಕುಟಾರಾವಮುದಿತಾ ಕುಕ್ಕುಟಧ್ವಜಮೇದುರಾ ॥ 48 ॥

ಕುಕ್ಕುಟಾಜಿಪ್ರಿಯಾ ಕೇಲಿಕರಾ ಕೈಲಾಸವಾಸಿನೀ ।
ಕೈಲಾಸವಾಸಿತನಯಕಲತ್ರಂ ಕೇಶವಾತ್ಮಜಾ ॥ 49 ॥

ಕಿರಾತತನಯಾ ಕೀರ್ತಿದಾಯಿನೀ ಕೀರವಾದಿನೀ ।
ಕಿರಾತಕೀ ಕಿರಾತೇಡ್ಯಾ ಕಿರಾತಾಧಿಪವನ್ದಿತಾ ॥ 50 ॥

ಕೀಲಕೀಲಿತಭಕ್ತೇಡ್ಯಾ ಕಲಿಹೀನಾ ಕಲೀಶ್ವರೀ ।
ಕಾರ್ತಸ್ವರಸಮಚ್ಛಾಯಾ ಕಾರ್ತವೀರ್ಯಸುಪೂಜಿತಾ ॥ 51 ॥

ಕಾಕಪಕ್ಷಧರಾ ಕೇಕಿವಾಹಾ ಕೇಕಿವಿಹಾರಿಣೀ ।
ಕೃಕವಾಕುಪತಾಕಾಢ್ಯಾ ಕೃಕವಾಕುಧರಾ ಕೃಶಾ ॥ 52 ॥

ಕೃಶಾಂಗೀ ಕೃಷ್ಣಸಹಜಪೂಜಿತಾ ಕೃಷ್ಣ ವನ್ದಿತಾ ।
ಕಲ್ಯಾಣಾದ್ರಿಕೃತಾವಾಸಾ ಕಲ್ಯಾಣಾಯಾತಷಣ್ಮುಖಾ ॥ 53 ॥

ಕಲ್ಯಾಣೀ ಕನ್ಯಕಾ ಕನ್ಯಾ ಕಮನೀಯಾ ಕಲಾವತೀ ।
ಕಾರುಣ್ಯವಿಗ್ರಹಾ ಕಾನ್ತಾ ಕಾನ್ತಕ್ರೀಡಾರತೋತ್ಸವಾ ॥ 54 ॥

ಕಾವೇರೀತೀರಗಾ ಕಾರ್ತಸ್ವರಾಭಾ ಕಾಮಿತಾರ್ಥದಾ ।
ವಿವಧಾಸಹಮಾನಾಸ್ಯಾ ವಿವಧೋತ್ಸಾಹಿತಾನನಾ ॥ 55 ॥

ವೀರಾವೇಶಕರೀ ವೀರ್ಯಾ ವೀರ್ಯದಾ ವೀರ್ಯವರ್ಧಿನೀ ॥

ವೀರಭದ್ರಾ ವೀರನವಶತಸಾಹಸ್ರಸೇವಿತಾ ॥ 56 ॥

ವಿಶಾಖಕಾಮಿನೀ ವಿದ್ಯಾಧರಾ ವಿದ್ಯಾಧರಾರ್ಚಿತಾ ।
ಶೂರ್ಪಕಾರಾತಿಸಹಜಾ ಶೂರ್ಪಕರ್ಣಾನುಜಾಂಗನಾ ॥ 57 ॥

ಶೂರ್ಪಹೋತ್ರೀ ಶೂರ್ಪಣಖಾಸಹೋದರಕುಲಾನ್ತಕಾ ।
ಶುಂಡಾಲಭೀತಾ ಶುಂಡಾಲಮಸ್ತಕಾಭಸ್ತನದ್ವಯಾ ॥ 58 ॥

ಶುಂಡಾಸಮೋರುಯುಗಲಾ ಶುದ್ಧಾ ಶುಭ್ರಾ ಶುಚಿಸ್ಮಿತಾ ।
ಶ್ರುತಾ ಶ್ರುತಪ್ರಿಯಾಲಾಪಾ ಶ್ರುತಿಗೀತಾ ಶಿಖಿಪ್ರಿಯಾ ॥ 59 ॥

ಶಿಖಿಧ್ವಜಾ ಶಿಖಿಗತಾ ಶಿಖಿನೃತ್ತಪ್ರಿಯಾ ಶಿವಾ ।
ಶಿವಲಿಂಗಾರ್ಚನಪರಾ ಶಿವಲಾಸ್ಯೇಕ್ಷಣೋತ್ಸುಕಾ ॥ 60 ॥

ಶಿವಾಕಾರಾನ್ತರಾ ಶಿಷ್ಟಾ ಶಿವಾದೇಶಾನುಚಾರಿಣೀ ।
ಶಿವಸ್ಥಾನಗತಾ ಶಿಷ್ಯಶಿವಕಾಮಾ ಶಿವಾದ್ವಯಾ ॥ 61 ॥

ಶಿವತಾಪಸಸಮ್ಭೂತಾ ಶಿವತತ್ತ್ವಾವಬೋಧಿಕಾ ।
ಶೃಂಗಾರರಸಸರ್ವಸ್ವಾ ಶೃಂಗಾರರಸವಾರಿಧಿಃ ॥ 62 ॥

ಶೃಂಗಾರಯೋನಿಸಹಜಾ ಶೃಂಗಬೇರಪುರಾಶ್ರಿತಾ ।
ಶ್ರಿತಾಭೀಷ್ಟಪ್ರದಾ ಶ್ರೀಡ್ಯಾ ಶ್ರೀಜಾ ಶ್ರೀಮನ್ತ್ರವಾದಿನೀ ॥ 63 ॥

ಶ್ರೀವಿದ್ಯಾ ಶ್ರೀಪರಾ ಶ್ರೀಶಾ ಶ್ರೀಮಯೀ ಶ್ರೀಗಿರಿಸ್ಥಿತಾ ।
ಶೋಣಾಧರಾ ಶೋಭನಾಂಗೀ ಶೋಭನಾ ಶೋಭನಪ್ರದಾ ॥ 64 ॥

ಶೇಷಹೀನಾ ಶೇಷಪೂಜ್ಯಾ ಶೇಷತಲ್ಪಸಮುದ್ಭವಾ ।
ಶೂರಸೇನಾ ಶೂರಪದ್ಮಕುಲಧೂಮಪತಾಕಿಕಾ ॥ 65 ॥

ಶೂನ್ಯಾಪಾಯಾ ಶೂನ್ಯಕಟಿಃ ಶೂನ್ಯಸಿಂಹಾಸನಸ್ಥಿತಾ ।
ಶೂನ್ಯಲಿಂಗಾ ಶೂನ್ಯ ಶೂನ್ಯಾ ಶೌರಿಜಾ ಶೌರ್ಯವರ್ಧಿನೀ ॥ 66 ॥

ಶರಾನೇಕಸ್ಯೂತಕಾಯಭಕ್ತಸಂಘಾಶ್ರಿತಾಲಯಾ ।
ಶಶ್ವದ್ವೈವಧಿಕಸ್ತುತ್ಯಾ ಶರಣ್ಯಾ ಶರಣಪ್ರದಾ ॥ 67 ॥

ಅರಿಗಂಡಾದಿಭಯಕೃದ್ಯನ್ತ್ರೋದ್ವಾಹಿಜನಾರ್ಚಿತಾ ।
ಕಾಲಕಂಠಸ್ನುಷಾ ಕಾಲಕೇಶಾ ಕಾಲಭಯಂಕರೀ ॥ 68 ॥

ಅಜಾವಾಹಾ ಚಾಜಾಮಿತ್ರಾ ಚಾಜಾಸುರಹರಾ ಹ್ಯಜಾ ।
ಅಜಾಮುಖೀಸುತಾರಾತಿಪೂಜಿತಾ ಚಾಜರಾಽಮರಾ ॥ 69 ॥

ಆಜಾನಪಾವನಾಽದ್ವೈತಾ ಆಸಮುದ್ರಕ್ಷಿತೀಶ್ವರೀ ।
ಆಸೇತುಹಿಮಶೈಲಾರ್ಚ್ಯಾ ಆಕುಂಚಿತ ಶಿರೋರುಹಾ ॥ 70 ॥

ಆಹಾರರಸಿಕಾ ಚಾದ್ಯಾ ಆಶ್ಚರ್ಯನಿಲಯಾ ತಥಾ ।
ಆಧಾರಾ ಚ ತಥಾಽಽಧೇಯಾ ತಥಾಚಾಧೇಯವರ್ಜಿತಾ ॥ 71 ॥

ಆನುಪೂರ್ವೀಕ್ಲೃಪ್ತರಥಾ ಚಾಶಾಪಾಲಸುಪೂಜಿತಾ ।
ಉಮಾಸ್ನುಷಾ ಉಮಾಸೂನುಪ್ರಿಯಾ ಚೋತ್ಸವಮೋದಿತಾ ॥ 72 ॥

ಊರ್ಧ್ವಗಾ ಋದ್ಧಿದಾ ಋದ್ಧಾ ಔಷಧೀಶಾತಿಶಾಯಿನೀ ।
ಔಪಮ್ಯಹೀನಾ ಚೌತ್ಸುಕ್ಯಕರೀ ಚೌದಾರ್ಯಶಾಲಿನೀ ॥ 73 ॥

ಶ್ರೀಚಕ್ರವಾಲಾತಪತ್ರಾ ಶ್ರೀವತ್ಸಾಂಕಿತಭೂಷಣಾ ।
ಶ್ರೀಕಾನ್ತಭಾಗಿನೇಯೇಷ್ಟಾ ಶ್ರೀಮುಖಾಬ್ದಾಧಿದೇವತಾ ॥ 74 ॥

ಇಯಂ ನಾರೀ ವರನುತಾ ಪೀನೋನ್ನತಕುಚದ್ವಯಾ ।
ಶ್ಯಾಮಾ ಯೌವನಮಧ್ಯಸ್ಥಾ ಕಾ ಜಾತಾ ಸಾ ಗೃಹಾದೃತಾ ॥ 75 ॥

ಏಷಾ ಸಮ್ಮೋಹಿನೀ ದೇವೀ ಪ್ರಿಯಲಕ್ಷ್ಯಾ ವರಾಶ್ರಿತಾ ।
ಕಾಮಾಽನುಭುಕ್ತಾ ಮೃಗಯಾಸಕ್ತಾಽಽವೇದ್ಯಾ ಗುಹಾಶ್ರಿತಾ ॥ 76 ॥

ಪುಲಿನ್ದವನಿತಾನೀತಾ ರಹಃ ಕಾನ್ತಾನುಸಾರಿಣೀ ।
ನಿಶಾ ಚಾಕ್ರೀಡಿತಾಽಽಬೋಧ್ಯಾ ನಿರ್ನಿದ್ರಾ ಪುರುಷಾಯಿತಾ ॥ 77 ॥

ಸ್ವಯಂವೃತಾ ಸುದೃಕ್ ಸೂಕ್ಷ್ಮಾ ಸುಬ್ರಹ್ಮಣ್ಯಮನೋಹರಾ ।
ಪರಿಪೂರ್ಣಾಚಲಾರೂಢಾ ಶಬರಾನುಮತಾಽನಘಾ ॥ 78 ॥

ಚನ್ದ್ರಕಾನ್ತಾ ಚನ್ದ್ರಮುಖೀ ಚನ್ದನಾಗರುಚರ್ಚಿತಾ ।
ಚಾಟುಪ್ರಿಯೋಕ್ತಿಮುದಿತಾ ಶ್ರೇಯೋದಾತ್ರೀ ವಿಚಿನ್ತಿತಾ ॥ 79 ॥

ಮೂರ್ಧಾಸ್ಫಾಟಿಪುರಾಧೀಶಾ ಮೂರ್ಧಾರೂಢಪದಾಮ್ಬುಜಾ ।
ಮುಕ್ತಿದಾ ಮುದಿತಾ ಮುಗ್ಧಾ ಮುಹುರ್ಧ್ಯೇಯಾ ಮನೋನ್ಮನೀ ॥ 80 ॥

ಚಿತ್ರಿತಾತ್ಮಪ್ರಿಯಾಕಾರಾ ಚಿದಮ್ಬರವಿಹಾರಿಣೀ ।
ಚತುರ್ವೇದಸ್ವರಾರಾವಾ ಚಿನ್ತನೀಯಾ ಚಿರನ್ತನೀ ॥ 81 ॥

ಕಾರ್ತಿಕೇಯಪ್ರಿಯಾ ಕಾಮಸಹಜಾ ಕಾಮಿನೀವೃತಾ ।
ಕಾಂಚನಾದ್ರಿಸ್ಥಿತಾ ಕಾನ್ತಿಮತೀ ಸಾಧುವಿಚಿನ್ತಿತಾ ॥ 82 ॥

ನಾರಾಯಣಸಮುದ್ಭೂತಾ ನಾಗರತ್ನವಿಭೂಷಣಾ ।
ನಾರದೋಕ್ತಪ್ರಿಯೋದನ್ತಾ ನಮ್ಯಾ ಕಲ್ಯಾಣದಾಯಿನೀ ॥ 83 ॥

ನಾರದಾಭೀಷ್ಟಜನನೀ ನಾಕಲೋಕನಿವಾಸಿನೀ ।
ನಿತ್ಯಾನನ್ದಾ ನಿರತಿಶಯಾ ನಾಮಸಾಹಸ್ರಪೂಜಿತಾ ॥ 84 ॥

ಪಿತಾಮಹೇಷ್ಟದಾ ಪೀತಾ ಪೀತಾಮ್ಬರಸಮುದ್ಭವಾ ।
ಪೀತಾಮ್ಬರೋಜ್ಜ್ವಲಾ ಪೀನನಿತಮ್ಬಾ ಪ್ರಾರ್ಥಿತಾ ಪರಾ ॥ 85 ॥

ಗಣ್ಯಾ ಗಣೇಶ್ವರೀ ಗಮ್ಯಾ ಗಹನಸ್ಥಾ ಗಜಪ್ರಿಯಾ ।
ಗಜಾರೂಢಾ ಗಜಗತಿಃ ಗಜಾನನವಿನೋದಿನೀ ॥ 86 ॥

ಅಗಜಾನನಪದ್ಮಾರ್ಕಾ ಗಜಾನನಸುಧಾಕರಾ ।
ಗನ್ಧರ್ವವನ್ದ್ಯಾ ಗನ್ಧರ್ವತನ್ತ್ರಾ ಗನ್ಧವಿನೋದಿನೀ ॥ 87 ॥

ಗಾನ್ಧರ್ವೋದ್ವಾಹಿತಾ ಗೀತಾ ಗಾಯತ್ರೀ ಗಾನತತ್ಪರಾ ।
ಗತಿರ್ಗಹನಸಮ್ಭೂತಾ ಗಾಢಾಶ್ಲಿಷ್ಟಶಿವಾತ್ಮಜಾ ॥ 88 ॥

ಗೂಢಾ ಗೂಢಚರಾ ಗುಹ್ಯಾ ಗುಹ್ಯಕೇಷ್ಟಾ ಗುಹಾಶ್ರಿತಾ ।
ಗುರುಪ್ರಿಯಾ ಗುರುಸ್ತುತ್ಯ ಗುಣ್ಯಾ ಗುಣಿಗಣಾಶ್ರಿತಾ ॥ 89 ॥

ಗುಣಗಣ್ಯಾ ಗೂಢರತಿಃ ಗೀರ್ಗೀರ್ವಿನುತವೈಭವಾ ।
ಗೀರ್ವಾಣೀ ಗೀತಮಹಿಮಾ ಗೀರ್ವಾಣೇಶ್ವರಸನ್ನುತಾ ॥ 90 ॥

ಗೀರ್ವಾಣಾದ್ರಿಕೃತಾವಾಸಾ ಗಜವಲ್ಲೀ ಗಜಾಶ್ರಿತಾ ।
ಗಾಂಗೇಯವನಿತಾ ಗಂಗಾಸೂನುಕಾನ್ತಾ ಗಿರೀಶ್ವರೀ ॥ 91 ॥

ದೇವಸೇನಾಸಪತ್ನೀ ಯಾ ದೇವೇನ್ದ್ರಾನುಜಸಮ್ಭವಾ ।
ದೇವರೇಭಭಯಾವಿಷ್ಟಾ ಸರಸ್ತೀರಲುಠದ್ಗತಿಃ ॥ 92 ॥

ವೃದ್ಧವೇಷಗುಹಾಕ್ಲಿಷ್ಟಾ ಭೀತಾ ಸರ್ವಾಂಗಸುನ್ದರೀ ।
ನಿಶಾಸಮಾನಕಬರೀ ನಿಶಾಕರಸಮಾನನಾ ॥ 93 ॥

ನಿರ್ನಿದ್ರಿತಾಕ್ಷಿಕಮಲಾ ನಿಷ್ಠ್ಯೂತಾರುಣಭಾಧರಾ ।
ಶಿವಾಚಾರ್ಯಸತೀ ಶೀತಾ ಶೀತಲಾ ಶೀತಲೇಕ್ಷಣಾ ॥ 94 ॥

ಕಿಮೇತದಿತಿ ಸಾಶಂಕಭಟಾ ಧಮ್ಮಿಲ್ಲಮಾರ್ಗಿತಾ ।
ಧಮ್ಮಿಲ್ಲಸುನ್ದರೀ ಧರ್ತ್ರೀ ಧಾತ್ರೀ ಧಾತೃವಿಮೋಚಿನೀ ॥ 95 ॥

ಧನದಾ ಧನದಪ್ರೀತಾ ಧನೇಶೀ ಧನದೇಶ್ವರೀ ।
ಧನ್ಯಾ ಧ್ಯಾನಪರಾ ಧಾರಾ ಧರಾಧಾರಾ ಧರಾಧರಾ ॥ 96 ॥

ಧರಾ ಧರಾಧರೋದ್ಭೂತಾ ಧೀರಾ ಧೀರಸಮರ್ಚಿತಾ ।
ಕಿಂ ಕರೋಷೀತಿ ಸಮ್ಪೃಷ್ಟಗುಹಾ ಸಾಕೂತಭಾಷಿಣೀ ॥ 97 ॥

ರಹೋ ಭವತು ತದ್ಭೂಯಾತ್ ಶಮಿತ್ಯುಕ್ತಪ್ರಿಯಾ ಸ್ಮಿತಾ ।
ಕುಮಾರಜ್ಞಾತ ಕಾಠಿನ್ಯಕುಚಾಽರ್ಧೋರುಲಸತ್ಕಟೀ ॥ 98 ॥

ಕಂಚುಕೀ ಕಂಚುಕಾಚ್ಛನ್ನಾ ಕಾಂಚೀಪಟ್ಟಪರಿಷ್ಕೃತಾ ।
ವ್ಯತ್ಯಸ್ತಕಚ್ಛಾ ವಿನ್ಯಸ್ತದಕ್ಷಿಣಾಂಸಾಂಶುಕಾಽತುಲಾ ॥ 99 ॥

ಬನ್ಧೋತ್ಸುಕಿತಕಾನ್ತಾನ್ತಾ ಪುರುಷಾಯಿತಕೌತುಕಾ ।
ಪೂತಾ ಪೂತವತೀ ಪೃಷ್ಟಾ ಪೂತನಾರಿಸಮರ್ಚಿತಾ ॥ 100 ॥

ಕಂಟಕೋಪಾನಹೋನ್ನೃತ್ಯದ್ಭಕ್ತಾ ದಂಡಾಟ್ಟಹಾಸಿನೀ ।
ಆಕಾಶನಿಲಯಾ ಚಾಕಾಶಾ ಆಕಾಶಾಯಿತಮಧ್ಯಮಾ ॥ 101 ॥

ಆಲೋಲಲೋಲಾಽಽಲೋಲಾ ಚಾಲೋಲೋತ್ಸಾರಿತಾಂಡಜಾ ।
ರಮ್ಭೋರುಯುಗಲಾ ರಮ್ಭಾಪೂಜಿತಾ ರತಿರಂಜನೀ ॥ 102 ॥

ಆರಮ್ಭವಾದವಿಮುಖಾ ಚೇಲಾಕ್ಷೇಪಪ್ರಿಯಾಸಹಾ ।
ಅನ್ಯಾಸಂಗಪ್ರಿಯೋದ್ವಿಗ್ನಾ ಅಭಿರಾಮಾ ಹ್ಯನುತ್ತಮಾ ॥ 103 ॥

ಸತ್ವರಾ ತ್ವರಿತಾ ತುರ್ಯಾ ತಾರಿಣೀ ತುರಗಾಸನಾ ।
ಹಂಸಾರೂಢಾ ವ್ಯಾಘ್ರಗತಾ ಸಿಂಹಾರೂಢಾಽಽರುಣಾಧರಾ ॥ 104 ॥

ಕೃತ್ತಿಕಾವ್ರತಸಮ್ಪ್ರೀತಾ ಕಾರ್ತಿಕೇಯವಿಮೋಹಿನೀ ।
ಕರಂಡಮಕುಟಾ ಕಾಮದೋಗ್ಧ್ರೀ ಕಲ್ಪದ್ರುಸಂಸ್ಥಿತಾ ॥ 105 ॥

ವಾರ್ತಾವ್ಯಂಗ್ಯವಿನೋದೇಷ್ಟಾ ವಂಚಿತಾ ವಂಚನಪ್ರಿಯಾ ।
ಸ್ವಾಭಾದೀಪ್ತಗುಹಾ ಸ್ವಾಭಾಬಿಮ್ಬಿತೇಷ್ಟಾ ಸ್ವಯಂಗ್ರಹಾ ॥ 106 ॥

ಮೂರ್ಧಾಭಿಷಿಕ್ತವನಿತಾ ಮರಾಲಗತಿರೀಶ್ವರೀ ।
ಮಾನಿನೀ ಮಾನಿತಾ ಮಾನಹೀನಾ ಮಾತಾಮಹೇಡಿತಾ ॥ 107 ॥

ಮಿತಾಕ್ಷರೀ ಮಿತಾಹಾರಾ ಮಿತವಾದಾಽಮಿತಪ್ರಭಾ ।
ಮೀನಾಕ್ಷೀ ಮುಗ್ಧಹಸನಾ ಮುಗ್ಧಾ ಮೂರ್ತಿಮತೀ ಮತಿಃ ॥ 108 ॥

ಮಾತಾ ಮಾತೃಸಖಾನನ್ದಾ ಮಾರವಿದ್ಯಾಽಮೃತಾಕ್ಷರಾ ।
ಅಪಂಚೀಕೃತಭೂತೇಶೀ ಪಂಚೀಕೃತ ವಸುನ್ಧರಾ ॥ 109 ॥

ವಿಫಲೀಕೃತಕಲ್ಪದ್ರುರಫಲೀಕೃತದಾನವಾ ।
ಅನಾದಿಷಟ್ಕವಿಪುಲಾ ಚಾದಿಷಟ್ಕಾಂಗಮಾಲಿನೀ ॥ 110 ।
ನವಕಕ್ಷಾಯಿತಭಟಾ ನವವೀರಸಮರ್ಚಿತಾ ।
ರಾಸಕ್ರೀಡಾಪ್ರಿಯಾ ರಾಧಾವಿನುತಾ ರಾಧೇಯವನ್ದಿತಾ ॥ 111 ॥

ರಾಜಚಕ್ರಧರಾ ರಾಜ್ಞೀ ರಾಜೀವಾಕ್ಷಸುತಾ ರಮಾ ।
ರಾಮಾ ರಾಮಾದೃತಾ ರಮ್ಯಾ ರಾಮಾನನ್ದಾ ಮನೋರಮಾ ॥ 112 ॥

ರಹಸ್ಯಜ್ಞಾ ರಹೋಧ್ಯೇಯಾ ರಂಗಸ್ಥಾ ರೇಣುಕಾಪ್ರಿಯಾ ।
ರೈಣುಕೇಯನುತಾ ರೇವಾವಿಹಾರಾ ರೋಗನಾಶಿನೀ ॥ 113 ॥

ವಿಟಂಕಾ ವಿಗತಾಟಂಕಾ ವಿಟಪಾಯಿತಷಣ್ಮುಖಾ ।
ವೀಟಿಪ್ರಿಯಾ ವೀರುಡ್ಧ್ವಜಾ ವೀರುಟ್ಪ್ರೀತಮೃಗಾವೃತಾ ॥ 114 ॥

ವೀಶಾರೂಢಾ ವೀಶರತ್ನಪ್ರಭಾಽವಿದಿತವೈಭವಾ ।
ಚಿತ್ರಾ ಚಿತ್ರರಥಾ ಚಿತ್ರಸೇನಾ ಚಿತ್ರಿತವಿಗ್ರಹಾ ॥ 115 ॥

ಚಿತ್ರಸೇನನುತಾ ಚಿತ್ರವಸನಾ ಚಿತ್ರಿತಾ ಚಿತಿಃ ।
ಚಿತ್ರಗುಪ್ತಾರ್ಚಿತಾ ಚಾಟುವಚನಾ ಚಾರುಭೂಷಣಾ ॥ 116 ॥

ಚಮತ್ಕೃತಿಶ್ಚಮತ್ಕಾರಭ್ರಮಿತೇಷ್ಟಾ ಚಲತ್ಕಚಾ ।
ಛಾಯಾಪತಂಗಬಿಮ್ಬಾಸ್ಯಾ ಛವಿನಿರ್ಜಿತಭಾಸ್ಕರಾ ॥ 117 ॥

ಛತ್ರಧ್ವಜಾದಿಬಿರುದಾ ಛಾತ್ರಹೀನಾ ಛವೀಶ್ವರೀ ।
ಜನನೀ ಜನಕಾನನ್ದಾ ಜಾಹ್ನವೀತನಯಪ್ರಿಯಾ ॥ 118 ॥

ಜಾಹ್ನವೀತೀರಗಾ ಜಾನಪದಸ್ಥಾಽಜನಿಮಾರಣಾ ।
ಜಮ್ಭಭೇದಿಸುತಾನನ್ದಾ ಜಮ್ಭಾರಿವಿನುತಾ ಜಯಾ ॥ 119 ।
ಜಯಾವಹಾ ಜಯಕರೀ ಜಯಶೀಲಾ ಜಯಪ್ರದಾ ।
ಜಿನಹನ್ತ್ರೀ ಜೈನಹನ್ತ್ರೀ ಜೈಮಿನೀಯಪ್ರಕೀರ್ತಿತಾ ॥ 120 ॥

ಜ್ವರಘ್ನೀ ಜ್ವಲಿತಾ ಜ್ವಾಲಾಮಾಲಾ ಜಾಜ್ವಲ್ಯಭೂಷಣಾ ।
ಜ್ವಾಲಾಮುಖೀ ಜ್ವಲತ್ಕೇಶಾ ಜ್ವಲದ್ವಲ್ಲೀಸಮುದ್ಭವಾ ॥ 121 ॥

ಜ್ವಲತ್ಕುಂಡಾನ್ತಾವತರದ್ಭಕ್ತಾ ಜ್ವಲನಭಾಜನಾ ।
ಜ್ವಲನೋದ್ಧೂಪಿತಾಮೋದಾ ಜ್ವಲದ್ದೀಪ್ತಧರಾವೃತಾ ॥ 122 ॥

ಜಾಜ್ವಲ್ಯಮಾನಾ ಜಯಿನೀ ಜಿತಾಮಿತ್ರಾ ಜಿತಪ್ರಿಯಾ ।
ಚಿನ್ತಾಮಣೀಶ್ವರೀ ಛಿನ್ನಮಸ್ತಾ ಛೇದಿತದಾನವಾ ॥ 123 ॥

ಖಡ್ಗಧಾರೋನ್ನಟದ್ದಾಸಾ ಖಡ್ಗರಾವಣಪೂಜಿತಾ ।
ಖಡ್ಗಸಿದ್ಧಿಪ್ರದಾ ಖೇಟಹಸ್ತಾ ಖೇಟವಿಹಾರಿಣೀ ॥ 124 ॥

ಖಟ್ವಾಂಗಧರಜಪ್ರೀತಾ ಖಾದಿರಾಸನ ಸಂಸ್ಥಿತಾ ।
ಖಾದಿನೀ ಖಾದಿತಾರಾತಿಃ ಖನೀಶೀ ಖನಿದಾಯಿನೀ ॥ 125 ॥

ಅಂಕೋಲಿತಾನ್ತರಗುಹಾ ಅಂಕುರದನ್ತಪಂಕ್ತಿಕಾ ।
ನ್ಯಂಕೂದರಸಮುದ್ಭೂತಾಽಭಂಗುರಾಪಾಂಗವೀಕ್ಷಣಾ ॥ 126 ॥

ಪಿತೃಸ್ವಾಮಿಸಖೀ ಪತಿವರಾರೂಢಾ ಪತಿವ್ರತಾ ।
ಪ್ರಕಾಶಿತಾ ಪರಾದ್ರಿಸ್ಥಾ ಜಯನ್ತೀಪುರಪಾಲಿನೀ ॥ 127 ॥

ಫಲಾದ್ರಿಸ್ಥಾ ಫಲಪ್ರೀತಾ ಪಾಂಡ್ಯಭೂಪಾಲವನ್ದಿತಾ ।
ಅಫಲಾ ಸಫಲಾ ಫಾಲದೃಕ್ಕುಮಾರತಪಃಫಲಾ ॥ 128 ॥

ಕುಮಾರಕೋಷ್ಠಗಾ ಕುನ್ತಶಕ್ತಿಚಿಹ್ನಧರಾವೃತಾ ।
ಸ್ಮರಬಾಣಾಯಿತಾಲೋಕಾ ಸ್ಮರವಿದ್ಯೋಹಿತಾಕೃತಿಃ ॥ 129 ॥

ಕಾಲಮೇಘಾಯಿತಕಚಾ ಕಾಮಸೌಭಾಗ್ಯ ವಾರಿಧಿಃ ।
ಕಾನ್ತಾಲಕಾನ್ತಾ ಕಾಮೇಡ್ಯಾ ಕರಕೋನ್ನರ್ತನ ಪ್ರಿಯಾ ॥ 130 ॥

ಪೌನಃ ಪುನ್ಯಪ್ರಿಯಾಲಾಯಾ ಪಮ್ಪಾವಾದ್ಯಪ್ರಿಯಾಧಿಕಾ ।
ರಮಣೀಯಾ ಸ್ಮರಣೀಯಾ ಭಜನೀಯಾ ಪರಾತ್ಪರಾ ॥ 131 ॥

ನೀಲವಾಜಿಗತಾ ನೀಲಖಡ್ಗಾ ನೀಲಾಂಶುಕಾಽನಿಲಾ ।
ರಾತ್ರಿರ್ನಿದ್ರಾ ಭಗವತೀ ನಿದ್ರಾಕರ್ತ್ರೀ ವಿಭಾವರೀ ॥ 132 ॥

ಶುಕಾಯಮಾನಕಾಯೋಕ್ತಿಃ ಕಿಂಶುಕಾಭಾಧರಾಮ್ಬರಾ ।
ಶುಕಮಾನಿತಚಿದ್ರೂಪಾ ಸಂಶುಕಾನ್ತಪ್ರಸಾಧಿನೀ ॥ 133 ॥

ಗೂಢೋಕ್ತಾ ಗೂಢಗದಿತಾ ಗುಹಸಂಕೇತಿತಾಽಗಗಾ ।
ಧೈರ್ಯಾ ಧೈರ್ಯವತೀ ಧಾತ್ರೀಪ್ರೇಷಿತಾಽವಾಪ್ತಕಾಮನಾ ॥ 134 ॥

ಸನ್ದೃಷ್ಟಾ ಕುಕ್ಕುಟಾರಾವಧ್ವಸ್ತಧಮ್ಮಿಲ್ಲಜೀವಿನೀ ।
ಭದ್ರಾ ಭದ್ರಪ್ರದಾ ಭಕ್ತವತ್ಸಲಾ ಭದ್ರದಾಯಿನೀ ॥ 135 ॥

ಭಾನುಕೋಟಿಪ್ರತೀಕಾಶಾ ಚನ್ದ್ರಕೋಟಿಸುಶೀತಲಾ ।
ಜ್ವಲನಾನ್ತಃಸ್ಥಿತಾ ಭಕ್ತವಿನುತಾ ಭಾಸ್ಕರೇಡಿತಾ ॥ 136 ॥

ಅಭಂಗುರಾ ಭಾರಹೀನಾ ಭಾರತೀ ಭಾರತೀಡಿತಾ ।
ಭರತೇಡ್ಯಾ ಭಾರತೇಶೀ ಭುವನೇಶೀ ಭಯಾಪಹಾ ॥ 137 ॥

ಭೈರವೀ ಭೈರವೀಸೇವ್ಯಾ ಭೋಕ್ತ್ರೀ ಭೋಗೀನ್ದ್ರಸೇವಿತಾ ।
ಭೋಗೇಡಿತಾ ಭೋಗಕರೀ ಭೇರುಂಡಾ ಭಗಮಾಲಿನೀ ॥ 138 ॥

ಭಗಾರಾಧ್ಯಾ ಭಾಗವತಪ್ರಗೀತಾಽಭೇದವಾದಿನೀ ।
ಅನ್ಯಾಽನನ್ಯಾ ನಿಜಾನನ್ಯಾ ಸ್ವಾನನ್ಯಾಽನನ್ಯಕಾಮಿನೀ ॥ 139 ॥

ಯಜ್ಞೇಶ್ವರೀ ಯಾಗಶೀಲಾ ಯಜ್ಞೋದ್ಗೀತಗುಹಾನುಗಾ ।
ಸುಬ್ರಹ್ಮಣ್ಯಗಾನರತಾ ಸುಬ್ರಹ್ಮಣ್ಯಸುಖಾಸ್ಪದಾ ॥ 140 ॥

ಕುಮ್ಭಜೇಡ್ಯಾ ಕುತುಕಿತಾ ಕೌಸುಮ್ಭಾಮ್ಬರಮಂಡಿತಾ ।
ಸಂಸ್ಕೃತಾ ಸಂಸ್ಕೃತಾರಾವಾ ಸರ್ವಾವಯವಸುನ್ದರೀ ॥ 141 ॥

ಭೂತೇಶೀ ಭೂತಿದಾ ಭೂತಿಃ ಭೂತಾವೇಶನಿವಾರಿಣೀ ।
ಭೂಷಣಾಯಿತಭೂತಾಂಡಾ ಭೂಚಕ್ರಾ ಭೂಧರಾಶ್ರಿತಾ ॥ 142 ॥

ಭೂಲೋಕದೇವತಾ ಭೂಮಾ ಭೂಮಿದಾ ಭೂಮಿಕನ್ಯಕಾ ।
ಭೂಸುರೇಡ್ಯಾ ಭೂಸುರಾರಿವಿಮುಖಾ ಭಾನುಬಿಮ್ಬಗಾ ॥ 143 ॥

ಪುರಾತನಾಽಭೂತಪೂರ್ವಾಽವಿಜಾತೀಯಾಽಧುನಾತನಾ ।
ಅಪರಾ ಸ್ವಗತಾಭೇದಾ ಸಜಾತೀಯವಿಭೇದಿನೀ ॥ 144 ॥

ಅನನ್ತರಾಽರವಿನ್ದಾಭಾ ಹೃದ್ಯಾ ಹೃದಯಸಂಸ್ಥಿತಾ ।
ಹ್ರೀಮತೀ ಹೃದಯಾಸಕ್ತಾ ಹೃಷ್ಟಾ ಹೃನ್ಮೋಹಭಾಸ್ಕರಾ ॥ 145 ॥

ಹಾರಿಣೀ ಹರಿಣೀ ಹಾರಾ ಹಾರಾಯಿತವಿಲಾಸಿನೀ ।
ಹರಾರಾವಪ್ರಮುದಿತಾ ಹೀರದಾ ಹೀರಭೂಷಣಾ ॥ 146 ॥

ಹೀರಭೃದ್ವಿನುತಾ ಹೇಮಾ ಹೇಮಾಚಲನಿವಾಸಿನೀ ।
ಹೋಮಪ್ರಿಯಾ ಹೌತ್ರಪರಾ ಹುಂಕಾರಾ ಹುಮ್ಫಡುಜ್ಜ್ವಲಾ ॥ 147 ॥

ಹುತಾಶನೇಡಿತಾ ಹೇಲಾಮುದಿತಾ ಹೇಮಭೂಷಣಾ ।
ಜ್ಞಾನೇಶ್ವರೀ ಜ್ಞಾತತತ್ತ್ವಾ ಜ್ಞೇಯಾ ಜ್ಞೇಯವಿವರ್ಜಿತಾ ॥ 148 ॥

ಜ್ಞಾನಂ ಜ್ಞಾನಾಕೃತಿರ್ಜ್ಞಾನಿವಿನುತಾ ಜ್ಞಾತಿವರ್ಜಿತಾ ।
ಜ್ಞಾತಾಖಿಲಾ ಜ್ಞಾನದಾತ್ರೀ ಜ್ಞಾತಾಜ್ಞಾತವಿವರ್ಜಿತಾ ॥ 149 ॥

ಜ್ಞೇಯಾನನ್ಯಾ ಜ್ಞೇಯಗುಹಾ ವಿಜ್ಞೇಯಾಽಜ್ಞೇಯವರ್ಜಿತಾ ।
ಆಜ್ಞಾಕರೀ ಪರಾಜ್ಞಾತಾ ಪ್ರಾಜ್ಞಾ ಪ್ರಜ್ಞಾವಶೇಷಿತಾ ॥ 150 ॥

ಸ್ವಾಜ್ಞಾಧೀನಾಮರಾಽನುಜ್ಞಾಕಾಂಕ್ಷೋನ್ನೃತ್ಯತ್ಸುರಾಂಗನಾ ।
ಸಗಜಾ ಅಗಜಾನನ್ದಾ ಸಗುಹಾ ಅಗುಹಾನ್ತರಾ ॥ 151 ॥

ಸಾಧಾರಾ ಚ ನಿರಾಧಾರಾ ಭೂಧರಸ್ಥಾಽತಿಭೂಧರಾ ।
ಸಗುಣಾ ಚಾಗುಣಾಕಾರಾ ನಿರ್ಗುಣಾ ಚ ಗುಣಾಧಿಕಾ ॥ 152 ॥

ಅಶೇಷಾ ಚಾವಿಶೇಷೇಡ್ಯಾ ಶುಭದಾ ಚಾಶುಭಾಪಹಾ ।
ಅತರ್ಕ್ಯಾ ವ್ಯಾಕೃತಾ ನ್ಯಾಯಕೋವಿದಾ ತತ್ತ್ವಬೋಧಿನೀ ॥ 153 ॥

ಸಾಂಖ್ಯೋಕ್ತಾ ಕಪಿಲಾನನ್ದಾ ವೈಶೇಷಿಕವಿನಿಶ್ಚಿತಾ ।
ಪುರಾಣಪ್ರಥಿತಾಽಪಾರಕರುಣಾ ವಾಕ್ಪ್ರದಾಯಿನೀ ॥ 154 ॥

ಸಂಖ್ಯಾವಿಹೀನಾಽಸಂಖ್ಯೇಯಾ ಸುಸ್ಮೃತಾ ವಿಸ್ಮೃತಾಪಹಾ ।
ವೀರಬಾಹುನುತಾ ವೀರಕೇಸರೀಡಿತವೈಭವಾ ॥ 155 ॥

ವೀರಮಾಹೇನ್ದ್ರವಿನುತಾ ವೀರಮಾಹೇಶ್ವರಾರ್ಚಿತಾ ।
ವೀರರಾಕ್ಷಸಸಮ್ಪೂಜ್ಯಾ ವೀರಮಾರ್ತಂಡವನ್ದಿತಾ ॥ 156 ॥

ವೀರಾನ್ತಕಸ್ತುತಾ ವೀರಪುರನ್ದರಸಮರ್ಚಿತಾ ।
ವೀರಧೀರಾರ್ಚಿತಪದಾ ನವವೀರಸಮಾಶ್ರಿತಾ ॥ 157 ॥

ಭೈರವಾಷ್ಟಕಸಂಸೇವ್ಯಾ ಬ್ರಹ್ಮಾದ್ಯಷ್ಟಕಸೇವಿತಾ ।
ಇನ್ದ್ರಾದ್ಯಷ್ಟಕಸಮ್ಪೂಜ್ಯಾ ವಜ್ರಾದ್ಯಾಯುಧಶೋಭಿತಾ ॥ 158 ॥

ಅಂಗಾವರಣಸಂಯುಕ್ತಾ ಚಾನಂಗಾಮೃತವರ್ಷಿಣೀ ।
ತಮೋಹನ್ತ್ರೀ ತಪೋಲಭ್ಯಾ ತಮಾಲರುಚಿರಾಽಬಲಾ ॥ 159 ॥

ಸಾನನ್ದಾ ಸಹಜಾನನ್ದಾ ಗುಹಾನನ್ದವಿವರ್ಧಿನೀ ।
ಪರಾನನ್ದಾ ಶಿವಾನನ್ದಾ ಸಚ್ಚಿದಾನನ್ದರೂಪಿಣೀ ॥ 160 ॥

ಪುತ್ರದಾ ವಸುದಾ ಸೌಖ್ಯದಾತ್ರೀ ಸರ್ವಾರ್ಥದಾಯಿನೀ ।
ಯೋಗಾರೂಢಾ ಯೋಗಿವನ್ದ್ಯಾ ಯೋಗದಾ ಗುಹಯೋಗಿನೀ ॥ 161 ॥

ಪ್ರಮದಾ ಪ್ರಮದಾಕಾರಾ ಪ್ರಮಾದಾತ್ರೀ ಪ್ರಮಾಮಯೀ ।
ಭ್ರಮಾಪಹಾ ಭ್ರಾಮಯಿತ್ರೀ ಪ್ರಧಾನಾ ಪ್ರಬಲಾ ಪ್ರಮಾ ॥ 162 ॥

ಪ್ರಶಾನ್ತಾ ಪ್ರಮಿತಾನನ್ದಾ ಪರಮಾನನ್ದನಿರ್ಭರಾ ।
ಪಾರಾವಾರಾ ಪರೋತ್ಕರ್ಷಾ ಪಾರ್ವತೀತನಯಪ್ರಿಯಾ ॥ 163 ॥

ಪ್ರಸಾಧಿತಾ ಪ್ರಸನ್ನಾಸ್ಯಾ ಪ್ರಾಣಾಯಾಮಪರಾರ್ಚಿತಾ ।
ಪೂಜಿತಾ ಸಾಧುವಿನುತಾ ಸುರಸಾಸ್ವಾದಿತಾ ಸುಧಾ ॥ 164 ॥

ಸ್ವಾಮಿನೀ ಸ್ವಾಮಿವನಿತಾ ಸಮನೀಸ್ಥಾ ಸಮಾನಿತಾ ।
ಸರ್ವಸಮ್ಮೋಹಿನೀ ವಿಶ್ವಜನನೀ ಶಕ್ತಿರೂಪಿಣೀ ॥ 165 ॥

ಕುಮಾರದಕ್ಷಿಣೋತ್ಸಂಗವಾಸಿನೀ ಭೋಗಮೋಕ್ಷದಾ ॥ ಓಂ ।
ಏವಂ ನಾಮಸಹಸ್ರಂ ತೇ ಪ್ರೋಕ್ತಂ ನಾರದ ಶೋಭನಮ್ ॥ 166 ॥

ಸುಬ್ರಹ್ಮಣ್ಯಸ್ಯ ಕಾನ್ತಾಯಾ ವಲ್ಲೀದೇವ್ಯಾಃ ಪ್ರಿಯಂಕರಮ್ ।
ನಿತ್ಯಂ ಸಂಕೀರ್ತಯೇದೇತತ್ಸರ್ವಾನ್ಕಾಮಾನವಾಪ್ನುಯಾತ್ ॥ 167 ॥

ಶುಕ್ರವಾರೇ ಭೌಮವಾರೇ ಷಷ್ಠ್ಯಾಂ ವಾ ಕೃತ್ತಿಕಾಸ್ಯಪಿ ।
ಸಂಕ್ರಮಾದಿಷು ಕಾಲೇಷು ಗ್ರಹಣೇ ಚನ್ದ್ರಸೂರ್ಯಯೋಃ ॥ 168 ॥

ಪಠೇದಿದಂ ವಿಶೇಷೇಣ ಸರ್ವಸಿದ್ಧಿಮವಾಪ್ನುಯಾತ್ ।
ಏಭಿರ್ನಾಮಭಿರಮ್ಬಾಂ ಯಃ ಕುಂಕುಮಾದಿಭಿರರ್ಚಯೇತ್ ॥ 169 ॥

ಯದ್ಯದ್ವಾಂಛತಿ ತತ್ಸರ್ವಮಚಿರಾಜ್ಜಾಯತೇ ಧ್ರುವಮ್ ।
ಸುಬ್ರಹ್ಮಣ್ಯೋಽಪಿ ಸತತಂ ಪ್ರೀತಃ ಸರ್ವಾರ್ಥದೋ ಭವೇತ್ ॥ 170 ॥

ಪುತ್ರಪೌತ್ರಾದಿದಂ ಸರ್ವಸಮ್ಪತ್ಪ್ರದ ಮಘಾಪಹಮ್ ।
ವಿದ್ಯಾಪ್ರದಂ ವಿಶೇಷೇಣ ಸರ್ವರೋಗನಿವರ್ತಕಮ್ ॥ 171 ॥

ದುಷ್ಟಾರಿಷ್ಟಪ್ರಶಮನಂ ಗ್ರಹಶಾನ್ತಿಕರಂ ವರಮ್ ।
ಜಪಾದಸ್ಯ ಪ್ರಭಾವೇಣ ಸರ್ವಾಃ ಸಿದ್ಧ್ಯನ್ತಿ ಸಿದ್ಧಯಃ ।
ಗೋಪನೀಯಂ ಪಠ ತ್ವಂ ಚ ಸರ್ವಮಾಪ್ನುಹಿ ನಾರದ ॥ 172 ॥

॥ ಸ್ಕಾನ್ದೇ ಶಂಕರಸಂಹಿತಾತಃ ॥

Also Read 1000 Names of Sri Valli:

1000 Names of Sri Valli Devasena | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

1000 Names of Sri Valli Devasena | Sahasranama Stotram Lyrics in Kannada

Leave a Reply

Your email address will not be published. Required fields are marked *

Scroll to top