1008 - Sahasranamavali Vishnu Stotram

1000 Names of Sri Vishnu | Sahasranama Stotram from Garuda Purana Lyrics in Bengali

Sri Vishnu Sahasranamastotram from Garuda Purana Lyrics in Bengali:

॥ বিষ্ণুসহস্রনামস্তোত্রম্ গরুডপুরাণান্তর্গতম্ ॥

রুদ্র উবাচ ।
সংসারসাগরাগ্ধোরান্মুচ্যতে কিং জপন্প্রভো ।
নরস্তন্মে পরং জপ্যং কথয় ত্বং জনার্দন ॥ ১ ॥

হরিরুবাচ ।
পরেশ্বরং পরং ব্রহ্ম পরমাত্মানমব্যয়ম্ । var ঈশ্বরম্ পরমং
বিষ্ণুং নামসহস্রেণ স্তুবন্মুক্তো ভবেন্নরঃ ॥ ২ ॥

য়ত্পবিত্রং পরং জপ্যং কথয়ামি বৃষধ্বজ ! ।
শৃণুষ্বাবহিতো ভূত্বা সর্বপাপবিনাশনম্ ॥ ৩ ॥

ওঁ বাসুদেবো মহাবিষ্ণুর্বামনো বাসবো বসুঃ ।
বালচন্দ্রনিভো বালো বলভদ্রো বলাধিপঃ ॥ ৪ ॥

বলিবন্ধনকৃদ্বেধা (১১) বরেণ্যো বেদবিত্কবিঃ ।
বেদকর্তা বেদরূপো বেদ্যো বেদপরিপ্লুতঃ ॥ ৫ ॥

বেদাঙ্গবেত্তা বেদেশো (২০) বলাধারো বলার্দনঃ । var বলধারো
অবিকারো বরেশশ্চ বরুণো বরুণাধিপঃ ॥ ৬ ॥

বীরহা চ বৃহদ্বীরো বন্দিতঃ পরমেশ্বরঃ (৩০) ।
আত্মা চ পরমাত্মা চ প্রত্যগাত্মা বিয়ত্পরঃ ॥ ৭ ॥

পদ্মনাভঃ পদ্মনিধিঃ পদ্মহস্তো গদাধরঃ ।
পরমঃ (৪০) পরভূতশ্চ পুরুষোত্তম ঈশ্বরঃ ॥ ৮ ॥

পদ্মজঙ্ঘঃ পুণ্ডরীকঃ পদ্মমালাধরঃ প্রিয়ঃ ।
পদ্মাক্ষঃ পদ্মগর্ভশ্চ পর্জন্যঃ (৫০) পদ্মসংস্থিতঃ ॥ ৯ ॥

অপারঃ পরমার্থশ্চ পরাণাং চ পরঃ প্রভুঃ ।
পণ্ডিতঃ পণ্ডিতেড্যশ্চ পবিত্রঃ পাপমর্দকঃ ॥ ১০ ॥ var পণ্ডিতেভ্যশ্চ
শুদ্ধঃ (৬০) প্রকাশরূপশ্চ পবিত্রঃ পরিরক্ষকঃ ।
পিপাসাবর্জিতঃ পাদ্যঃ পুরুষঃ প্রকৃতিস্তথা ॥ ১১ ॥

প্রধানং পৃথিবীপদ্মং পদ্মনাভঃ (৭০) প্রিয়প্রদঃ ।
সর্বেশঃ সর্বগঃ সর্বঃ সর্ববিত্সর্বদঃ সুরঃ ॥ ১২ ॥ var পরঃ
সর্বস্য জগতো ধাম সর্বদর্শী চ সর্বভৃত্ (৮০) ।
সর্বানুগ্রহকৃদ্দেবঃ সর্বভূতহৃদিস্থিতঃ ॥ ১৩ ॥

সর্বপূজ্যশ্চ সর্বাদ্যঃ সর্বদেবনমস্কৃতঃ । var সর্বপঃ সর্বপূজ্যশ্চ
সর্বস্য জগতো মূলং সকলো নিষ্কলোঽনলঃ (৯০) ॥ ১৪ ॥

সর্বগোপ্তা সর্বনিষ্ঠঃ সর্বকারণকারণম্ ।
সর্বধ্যেয়ঃ সর্বমিত্রঃ সর্বদেবস্বরূপধৃক্ ॥ ১৫ ॥

সর্বাধ্যক্ষঃ সুরাধ্যক্ষঃ সুরাসুরনমস্কৃতঃ । var সর্বাধ্যায়ঃ
দুষ্টানাং চাসুরাণাং চ সর্বদা ঘাতকোঽন্তকঃ (১০১) ॥ ১৬ ॥

সত্যপালশ্চ সন্নাভঃ সিদ্ধেশঃ সিদ্ধবন্দিতঃ ।
সিদ্ধসাধ্যঃ সিদ্ধসিদ্ধঃ সাধ্যসিদ্ধো হৃদীশ্বরঃ ॥ ১৭ ॥ var সিদ্ধিসিদ্ধো
শরণং জগতশ্চৈব (১১০) শ্রেয়ঃ ক্ষেমস্তথৈব চ ।
শুভকৃচ্ছোভনঃ সৌম্যঃ সত্যঃ সত্যপরাক্রমঃ ॥ ১৮ ॥

সত্যস্থঃ সত্যসঙ্কল্পঃ সত্যবিত্সত্যদস্তথা (১২১) । var সত্পদস্তথা
ধর্মো ধর্মীচ কর্মীচ সর্বকর্মবিবর্জিতঃ ॥ ১৯ ॥

কর্মকর্তা চ কর্মৈব ক্রিয়া কার্যং তথৈব চ ।
শ্রীপতির্নৃপতিঃ (১৩১) শ্রীমান্সর্বস্য পতিরূর্জিতঃ ॥ ২০ ॥

স দেবানাং পতিশ্চৈব বৃষ্ণীনাং পতিরীডিতঃ । var পতিরীরিতঃ
পতির্হিরণ্যগর্ভস্য ত্রিপুরান্তপতিস্তথা ॥ ২১ ॥

পশূনাং চ পতিঃ প্রায়ো বসূনাং পতিরেব চ (১৪০) ।
পতিরাখণ্ডলস্যৈব বরুণস্য পতিস্তথা ॥ ২২ ॥

বনস্পতীনাং চ পতিরনিলস্য পতিস্তথা ।
অনলস্য পতিশ্চৈব য়মস্য পতিরেব চ ॥ ২৩ ॥

কুবেরস্য পতিশ্চৈব নক্ষত্রাণাং পতিস্তথা ।
ওষধীনাং পতিশ্চৈব বৃক্ষাণাং চ পতিস্তথা (১৫০) ॥ ২৪ ॥

নাগানাং পতিরর্কস্য দক্ষস্য পতিরেব চ ।
সুহৃদাং চ পতিশ্চৈব নৃপাণাং চ পতিস্তথা ॥ ২৫ ॥

গন্ধর্বাণাং পতিশ্চৈব অসূনাং পতিরুত্তমঃ ।
পর্বতানাং পতিশ্চৈব নিম্নগানাং পতিস্তথা ॥ ২৬ ॥

সুরাণাং চ পতিঃ শ্রেষ্ঠঃ (১৬০) কপিলস্য পতিস্তথা ।
লতানাং চ পতিশ্চৈব বীরুধাং চ পতিস্তথা ॥ ২৭ ॥

মুনীনাং চ পতিশ্চৈব সূর্যস্য পতিরুত্তমঃ ।
পতিশ্চন্দ্রমসঃ শ্রেষ্ঠঃ শুক্রস্য পতিরেব চ ॥ ২৮ ॥

গ্রহাণাং চ পতিশ্চৈব রাক্ষসানাং পতিস্তথা ।
কিন্নরাণাং পতিশ্চৈব (১৭০) দ্বিজানাং পতিরুত্তমঃ ॥ ২৯ ॥

সরিতাং চ পতিশ্চৈব সমুদ্রাণাং পতিস্তথা ।
সরসাং চ পতিশ্চৈব ভূতানাং চ পতিস্তথা ॥ ৩০ ॥

বেতালানাং পতিশ্চৈব কূষ্মাণ্ডানাং পতিস্তথা ।
পক্ষিণাং চ পতিঃ শ্রেষ্ঠঃ পশূনাং পতিরেব চ ॥ ৩১ ॥

মহাত্মা (১৮০) মঙ্গলো মেয়ো মন্দরো মন্দরেশ্বরঃ ।
মেরুর্মাতা প্রমাণং চ মাধবো মলবর্জিতঃ ॥ ৩২ ॥ var মনুবর্জিতঃ
মালাধরো (১৯০) মহাদেবো মহাদেবেন পূজিতঃ ।
মহাশান্তো মহাভাগো মধুসূদন এব চ ॥ ৩৩ ॥

মহাবীর্যো মহাপ্রাণো মার্কণ্ডেয়র্ষিবন্দিতঃ (২০০) । var প্রবন্দিতঃ
মায়াত্মা মায়য়া বদ্ধো মায়য়া তু বিবর্জিতঃ ॥ ৩৪ ॥

মুনিস্তুতো মুনির্মৈত্রো (২১০) মহানাসো মহাহনুঃ । var মহারাসো
মহাবাহুর্মহাদান্তো মরণেন বিবর্জিতঃ ॥ ৩৫ ॥ var মহাদন্তো
মহাবক্ত্রো মহাত্মা চ মহাকায়ো মহোদরঃ । var মহাকারো
মহাপাদো মহাগ্রীবো মহামানী মহামনাঃ ॥ ৩৬ ॥

মহাগতির্মহাকীর্তির্মহারূপো (২২২) মহাসুরঃ ।
মধুশ্চ মাধবশ্চৈব মহাদেবো মহেশ্বরঃ ॥ ৩৭ ॥

মখেজ্যো মখরূপী চ মাননীয়ো (২৩০) মখেশ্বরঃ । var মখেষ্টো মহেশ্বরঃ
মহাবাতো মহাভাগো মহেশোঽতীতমানুষঃ ॥ ৩৮ ॥

মানবশ্চ মনুশ্চৈব মানবানাং প্রিয়ঙ্করঃ ।
মৃগশ্চ মৃগপূজ্যশ্চ (২৪০) মৃগাণাং চ পতিস্তথা ॥ ৩৯ ॥

বুধস্য চ পতিশ্চৈব পতিশ্চৈব বৃহস্পতেঃ ।
পতিঃ শনৈশ্চরস্যৈব রাহোঃ কেতোঃ পতিস্তথা ॥ ৪০ ॥

লক্ষ্মণো লক্ষণশ্চৈব লম্বোষ্ঠো ললিতস্তথা (২৫০) ।
নানালঙ্কারসংয়ুক্তো নানাচন্দনচর্চিতঃ ॥ ৪১ ॥

নানারসোজ্জ্বলদ্বক্ত্রো নানাপুষ্পোপশোভিতঃ ।
রামো রমাপতিশ্চৈব সভার্যঃ পরমেশ্বরঃ ॥ ৪২ ॥

রত্নদো রত্নহর্তা চ (২৬০) রূপী রূপবিবর্জিতঃ ।
মহারূপোগ্ররূপশ্চ সৌম্যরূপস্তথৈব চ ॥ ৪৩ ॥

নীলমেঘনিভঃ শুদ্ধঃ সালমেঘনিভস্তথা । var কালমেঘ
ধূমবর্ণঃ পীতবর্ণো নানারূপো (২৭০) হ্যবর্ণকঃ ॥ ৪৪ ॥

বিরূপো রূপদশ্চৈব শুক্লবর্ণস্তথৈব চ ।
সর্ববর্ণো মহায়োগী য়জ্ঞো য়জ্ঞকৃদেব চ ॥ ৪৫ ॥ var য়াজ্যো
সুবর্ণবর্ণবাংশ্চৈব সুবর্ণাখ্যস্তথৈব চ (২৮০) । var সুবর্ণো বর্ণ
সুবর্ণাবয়বশ্চৈব সুবর্ণঃ স্বর্ণমেখলঃ ॥ ৪৬ ॥

সুবর্ণস্য প্রদাতা চ সুবর্ণেশস্তথৈব চ ।
সুবর্ণস্য প্রিয়শ্চৈব (২৯০) সুবর্ণাঢ্যস্তথৈব চ ॥ ৪৭ ॥

সুপর্ণী চ মহাপর্ণো সুপর্ণস্য চ কারণম্ (২৯০) ।
বৈনতেয়স্তথাদিত্য আদিরাদিকরঃ শিবঃ ॥ ৪৮ ॥

কারণং মহতশ্চৈব প্রধানস্য চ কারণম্ । var পুরাণস্য
বুদ্ধীনাং কারণং চৈব কারণং মনসস্তথা ॥ ৪৯ ॥

কারণং চেতসশ্চৈব (৩০০) অহঙ্কারস্য কারণম্ ।
ভূতানাং কারণং তদ্বত্কারণং চ বিভাবসোঃ ॥ ৫০ ॥

আকাশকারণং তদ্বত্পৃথিব্যাঃ কারণং পরম্ ।
অণ্ডস্য কারণং চৈব প্রকৃতেঃ কারণং তথা ॥ ৫১ ॥

দেহস্য কারণং চৈব চক্ষুষশ্চৈব কারণম্ ।
শ্রোত্রস্য কারণং (৩১০) তদ্বত্কারণং চ ত্বচস্তথা ॥ ৫২ ॥

জিহ্বায়াঃ কারণং চৈব প্রাণস্যৈব চ কারণম্ ।
হস্তয়োঃ কারণং তদ্বত্পাদয়োঃ কারণং তথা ॥ ৫৩ ॥

বাচশ্চকারণং তদ্বত্পায়োশ্চৈব তু কারণম্ ।
ইন্দ্রস্য কারণং চৈব কুবেরস্য চ কারণম্ ॥ ৫৪ ॥

য়মস্য কারণং চৈব (৩২০) ঈশানস্য চ কারণম্ ।
য়ক্ষাণাং কারণং চৈব রক্ষসাং কারণং পরম্ ॥ ৫৫ ॥

নৃপাণাং কারণং শ্রেষ্ঠং ধর্মস্যৈব তু কারণম্ । var ভূষাণাং
জন্তূনাং কারণং চৈব বসূনাং কারণং পরম্ ॥ ৫৬ ॥

মনূনাং কারণং চৈব পক্ষিণাং কারণং পরম্ ।
মুনীনাং কারণং শ্রেষ্ঠ (৩৩০) য়োগিনাং কারণং পরম্ ॥ ৫৭ ॥

সিদ্ধানাং কারণং চৈব য়ক্ষাণাং কারণং পরম্ ।
কারণং কিন্নরাণাং চ (৩৪০) গন্ধর্বাণাং চ কারণম্ ॥ ৫৮ ॥

নদানাং কারণং চৈব নদীনাং কারণং পরম্ ।
কারণং চ সমুদ্রাণাং বৃক্ষাণাং কারণং তথা ॥ ৫৯ ॥

কারণং বীরুধাং চৈব লোকানাং কারণং তথা ।
পাতালকারণং চৈব দেবানাং কারণং তথা ॥ ৬০ ॥

সর্পাণাং কারণং চৈব (৩৫০) শ্রেয়সাং কারণং তথা ।
পশূঅনাং কারণং চৈব সর্বেষাং কারণং তথা ॥ ৬১ ॥

দেহাত্মা চেন্দ্রিয়াত্মা চ আত্মা বুদ্ধেস্তথৈব চ ।
মনসশ্চ তথৈবাত্মা চাত্মাহঙ্কারচেতসঃ ॥ ৬২ ॥

জাগ্রতঃ স্বপতশ্চাত্মা (৩৬০) মহদাত্মা পরস্তথা ।
প্রধানস্য পরাত্মা চ আকাশাত্মা হ্যপাং তথা ॥ ৬৩ ॥

পৃথিব্যাঃ পরমাত্মা চ রসস্যাত্মা তথৈব চ । var বয়স্যাত্মা
গন্ধস্য পরমাত্মা চ রূপস্যাত্মা পরস্তথা ॥ ৬৪ ॥

শব্দাত্মা চৈব (৩৭০) বাগাত্মা স্পর্শাত্মা পুরুষস্তথা ।
শ্রোত্রাত্মা চ ত্বগাত্মা চ জিহ্বায়াঃ পরমস্তথা ॥ ৬৫ ॥

ঘ্রাণাত্মা চৈব হস্তাত্মা পাদাত্মা পরমস্তথা (৩৮০) ।
উপস্থস্য তথৈবাত্মা পায়্বাত্মা পরমস্তথা ॥ ৬৬ ॥

ইন্দ্রাত্মা চৈব ব্রহ্মাত্মা রুদ্রাত্মা চ মনোস্তথা । var শান্তাত্মা
দক্ষপ্রজাপতেরাত্মা সত্যাত্মা পরমস্তথা ॥ ৬৭ ॥

ঈশাত্মা (৩৯০) পরমাত্মা চ রৌদ্রাত্মা মোক্ষবিদ্যতিঃ ।
য়ত্নবাংশ্চ তথা য়ত্নশ্চর্মী খড্গী মুরান্তকঃ ॥ ৬৮ ॥ var খড্গ্যসুরা
হ্রীপ্রবর্তনশীলশ্চ য়তীনাং চ হিতে রতঃ ।
য়তিরূপী চ (৪০০) য়োগী চ য়োগিধ্যেয়ো হরিঃ শিতিঃ ॥ ৬৯ ॥

সংবিন্মেধা চ কালশ্চ ঊষ্মা বর্ষা মতিস্তথা (৪১০) । var নতিস্তথা
সংবত্সরো মোক্ষকরো মোহপ্রধ্বংসকস্তথা ॥ ৭০ ॥

মোহকর্তা চ দুষ্টানাং মাণ্ডব্যো বডবামুখঃ ।
সংবর্তঃ কালকর্তা চ গৌতমো ভৃগুরঙ্গিরাঃ (৪২০) ॥ ৭১ ॥ var সংবর্তকঃ কালকর্তা
অত্রির্বসিষ্ঠঃ পুলহঃ পুলস্ত্যঃ কুত্স এব চ ।
য়াজ্ঞবল্ক্যো দেবলশ্চ ব্যাসশ্চৈব পরাশরঃ ॥ ৭২ ॥

শর্মদশ্চৈব (৪৩০) গাঙ্গেয়ো হৃষীকেশো বৃহচ্ছ্রবাঃ ।
কেশবঃ ক্লেশহন্তা চ সুকর্ণঃ কর্ণবর্জিতঃ ॥ ৭৩ ॥

নারায়ণো মহাভাগঃ প্রাণস্য পতিরেব চ (৪৪০) ।
অপানস্য পতিশ্চৈব ব্যানস্য পতিরেব চ ॥ ৭৪ ॥

উদানস্য পতিঃ শ্রেষ্ঠঃ সমানস্য পতিস্তথা ।
শব্দস্য চ পতিঃ শ্রেষ্ঠঃ স্পর্শস্য পতিরেব চ ॥ ৭৫ ॥

রূপাণাং চ পতিশ্চাদ্যঃ খড্গপাণির্হলায়ুধঃ (৪৫০) ।
চক্রপাণিঃ কুণ্ডলী চ শ্রীবত্সাঙ্কস্তথৈব চ ॥ ৭৬ ॥

প্রকৃতিঃ কৌস্তুভগ্রীবঃ পীতাম্বরধরস্তথা ।
সুমুখো দুর্মুখশ্চৈব মুখেন তু বিবর্জিতঃ ॥ ৭৭ ॥

অনন্তোঽনন্তরূপশ্চ (৪৬১) সুনখঃ সুরমন্দরঃ ।
সুকপোলো বিভুর্জিষ্ণুর্ভ্রাজিষ্ণুশ্চেষুধীস্তথা ॥ ৭৮ ॥

হিরণ্যকশিপোর্হন্তা হিরণ্যাক্ষবিমর্দকঃ (৪৭০) ।
নিহন্তা পূতনায়াশ্চ ভাস্করান্তবিনাশনঃ ॥ ৭৯ ॥

কেশিনো দলনশ্চৈব মুষ্টিকস্য বিমর্দকঃ ।
কংসদানবভেত্তা চ চাণূরস্য প্রমর্দকঃ ॥ ৮০ ॥

অরিষ্টস্য নিহন্তা চ অক্রূরপ্রিয় এব চ ।
অক্রূরঃ ক্রূররূপশ্চ (৪৮০) অক্রূরপ্রিয়বন্দিতঃ ॥ ৮১ ॥

ভগহা ভগবান্ভানুস্তথা ভাগবতঃ স্বয়ম্ ।
উদ্ধবশ্চোদ্ধবস্যেশো হ্যুদ্ধবেন বিচিন্তিতঃ ॥ ৮২ ॥

চক্রধৃক্চঞ্চলশ্চৈব (৪৯০) চলাচলবিবর্জিতঃ ।
অহঙ্কারো মতিশ্চিত্তং গগনং পৃথিবী জলম্ ॥ ৮৩ ॥

বায়ুশ্চক্ষুস্তথা শ্রোত্রং (৫০০) জিহ্বা চ ঘ্রাণমেব চ ।
বাক্পাণিপাদজবনঃ পায়ূপস্থস্তথৈব চ ॥ ৮৪ ॥

শঙ্করশ্চৈব শর্বশ্চ ক্ষান্তিদঃ ক্ষান্তিকৃন্নরঃ (৫১১) ।
ভক্তপ্রিয়স্তথা ভর্তা ভক্তিমান্ভক্তিবর্ধনঃ ॥ ৮৫ ॥

ভক্তস্তুতো ভক্তপরঃ কীর্তিদঃ কীর্তিবর্ধনঃ ।
কীর্তির্দীপ্তিঃ (৫২০) ক্ষমা কান্তির্ভক্তশ্চৈব (৫৩০) দয়াপরা ॥ ৮৬ ॥

দানং দাতা চ কর্তা চ দেবদেবপ্রিয়ঃ শুচিঃ ।
শুচিমান্সুখদো (৫৩১) মোক্ষঃ কামশ্চার্থঃ সহস্রপাত্ ॥ ৮৭ ॥

সহস্রশীর্ষা বৈদ্যশ্চ মোক্ষদ্বারস্তথৈব চ ।
প্রজাদ্বারং সহস্রাক্ষঃ সহস্রকর এব চ (৫৪০) ॥ ৮৮ ॥ var সহস্রান্তঃ
শুক্রশ্চ সুকিরীটী চ সুগ্রীবঃ কৌস্তুভস্তথা ।
প্রদ্যুম্নশ্চানিরুদ্ধশ্চ হয়গ্রীবশ্চ সূকরঃ ॥ ৮৯ ॥

মত্স্যঃ পরশুরামশ্চ (৫৫০) প্রহ্লাদো বলিরেবচ ।
শরণ্যশ্চৈব নিত্যশ্চ বুদ্ধো মুক্তঃ শরীরভৃত্ ॥ ৯০ ॥

খরদূষণহন্তা চ রাবণস্য প্রমর্দনঃ ।
সীতাপতিশ্চ (৫৬০) বর্ধিষ্ণুর্ভরতশ্চ তথৈব চ ॥ ৯১ ॥

কুম্ভেন্দ্রজিন্নিহন্তা চ কুম্ভকর্ণপ্রমর্দনঃ ।
নরান্তকান্তকশ্চৈব দেবান্তকবিনাশনঃ ॥ ৯২ ॥

দুষ্টাসুরনিহন্তা চ শম্বরারিস্তথৈব চ ।
নরকস্য নিহন্তা চ ত্রিশীর্ষস্য বিনাশনঃ (৫৭০) ॥ ৯৩ ॥

য়মলার্জুনভেত্তা চ তপোহিতকরস্তথা ।
বাদিত্রশ্চৈব বাদ্যং চ বুদ্ধশ্চৈব বরপ্রদঃ ॥ ৯৪ ॥

সারঃ সারপ্রিয়ঃ সৌরঃ কালহন্তা নিকৃন্তনঃ (৫৮০) ।
অগস্ত্যো দেবলশ্চৈব নারদো নারদপ্রিয়ঃ ॥ ৯৫ ॥

প্রাণোঽপানস্তথা ব্যানো রজঃ সত্ত্বং তমঃ (৫৯০) শরত্ ।
উদানশ্চ সমানশ্চ ভেষজং চ ভিষক্তথা ॥ ৯৬ ॥

কূটস্থঃ স্বচ্ছরূপশ্চ সর্বদেহবিবর্জিতঃ ।
চক্ষুরিন্দ্রিয়হীনশ্চ বাগিন্দ্রিয়বিবর্জিতঃ (৬০০) ॥ ৯৭ ॥

হস্তেন্দ্রিয়বিহীনশ্চ পাদাভ্যাং চ বিবর্জিতঃ ।
পায়ূপস্থবিহীনশ্চ মরুতাপবিবর্জিতঃ ॥ ৯৮ ॥ var মহাতপোবিসর্জিতঃ
প্রবোধেন বিহীনশ্চ বুদ্ধ্যা চৈব বিবর্জিতঃ ।
চেতসা বিগতশ্চৈব প্রাণেন চ বিবর্জিতঃ ॥ ৯৯ ॥

অপানেন বিহীনশ্চ ব্যানেন চ বিবর্জিতঃ (৬১০) ।
উদানেন বিহীনশ্চ সমানেন বিবর্জিতঃ ॥ ১০০ ॥

আকাশেন বিহীনশ্চ বায়ুনা পরিবর্জিতঃ ।
অগ্নিনা চ বিহীনশ্চ উদকেন বিবর্জিতঃ ॥ ১০১ ॥

পৃথিব্যা চ বিহীনশ্চ শব্দেন চ বিবর্জিতঃ ।
স্পর্শেন চ বিহীনশ্চ সর্বরূপবিবর্জিতঃ (৬২০) ॥ ১০২ ॥

রাগেণ বিগতশ্চৈব অঘেন পরিবর্জিতঃ ।
শোকেন রহিতশ্চৈব বচসা পরিবর্জিতঃ ॥ ১০৩ ॥

রজোবিবর্জিতশ্চৈব বিকারৈঃ ষড্ভিরেব চ ।
কামেন বর্জিতশ্চৈব ক্রোধেন পরিবর্জিতঃ ॥ ১০৪ ॥

লোভেন বিগতশ্চৈব দম্ভেন চ বিবর্জিতঃ ।
সূক্ষ্মশ্চৈব (৬৩০) সুসূক্ষ্মশ্চ স্থূলাত্স্থূলতরস্তথা ॥ ১০৫ ॥

বিশারদো বলাধ্যক্ষঃ সর্বস্য ক্ষোভকস্তথা ।
প্রকৃতেঃ ক্ষোভকশ্চৈব মহতঃ ক্ষোভকস্তথা ॥ ১০৬ ॥

ভূতানাং ক্ষোভকশ্চৈব বুদ্ধেশ্চ ক্ষোভকস্তথা ।
ইন্দ্রিয়াণাং ক্ষোভকশ্চ (৬৪০) বিষয়ক্ষোভকস্তথা ॥ ১০৭ ॥

ব্রহ্মণঃ ক্ষোভকশ্চৈব রুদ্রস্য ক্ষোভকস্তথা ।
অগম্যশ্চক্ষুরাদেশ্চ শ্রোত্রাগম্যস্তথৈব চ ॥ ১০৮ ॥

ত্বচা ন গম্যঃ কূর্মশ্চ জিহ্বাগ্রাহ্যস্তথৈব চ ।
ঘ্রাণেন্দ্রিয়াগম্য এব বাচাগ্রাহ্যস্তথৈব চ (৬৫০) ॥ ১০৯ ॥

অগম্যশ্চৈব পাণিভ্যাং পদাগম্যস্তথৈব চ । var পাদাগম্য
অগ্রাহ্যো মনসশ্চৈব বুদ্ধ্যা গ্রাহ্যো হরিস্তথা ॥ ১১০ ॥

অহম্বুদ্ধ্যা তথা গ্রাহ্যশ্চেতসা গ্রাহ্য এব চ ।
শঙ্খপাণিরব্যয়শ্চ গদাপাণিস্তথৈব চ (৬৬০) ॥ ১১১ ॥

শার্ঙ্গপাণিশ্চ কৃষ্ণশ্চ জ্ঞানমূর্তিঃ পরন্তপঃ ।
তপস্বী জ্ঞানগম্যো হি জ্ঞানী জ্ঞানবিদেব চ ॥ ১১২ ॥

জ্ঞেয়শ্চ জ্ঞেয়হীনশ্চ (৬৭০) জ্ঞপ্তিশ্চৈতন্যরূপকঃ ।
ভাবো ভাব্যো ভবকরো ভাবনো ভবনাশনঃ ॥ ১১৩ ॥

গোবিন্দো গোপতির্গোপঃ (৬৮০) সর্বগোপীসুখপ্রদঃ ।
গোপালো গোগতিশ্চৈব গোমতির্গোধরস্তথা ॥ ১১৪ ॥ var গোপতি
উপেন্দ্রশ্চ নৃসিংহশ্চ শৌরিশ্চৈব জনার্দনঃ ।
আরণেয়ো (৬৯০) বৃহদ্ভানুর্বৃহদ্দীপ্তিস্তথৈব চ ॥ ১১৫ ॥

দামোদরস্ত্রিকালশ্চ কালজ্ঞঃ কালবর্জিতঃ ।
ত্রিসন্ধ্যো দ্বাপরং ত্রেতা প্রজাদ্বারং (৭০০) ত্রিবিক্রমঃ ॥ ১১৬ ॥

বিক্রমো দণ্ডহস্তশ্চ হ্যেকদণ্ডী ত্রিদণ্ডধৃক্ । var দরহস্তশ্চ
সামভেদস্তথোপায়ঃ সামরূপী চ সামগঃ ॥ ১১৭ ॥

সামবেদোঃ (৭১০) হ্যথর্বশ্চ সুকৃতঃ সুখরূপকঃ ।
অথর্ববেদবিচ্চৈব হ্যথর্বাচার্য এব চ ॥ ১১৮ ॥

ঋগ্রূপী চৈব ঋগ্বেদঃ ঋগ্বেদেষু প্রতিষ্ঠিতঃ ।
য়জুর্বেত্তা য়জুর্বেদো (৭২০) য়জুর্বেদবিদেকপাত্ ॥ ১১৯ ॥

বহুপাচ্চ সুপাচ্চৈব তথৈব চ সহস্রপাত্ ।
চতুষ্পাচ্চ দ্বিপাচ্চৈব স্মৃতির্ন্যায়ো য়মো বলী (৭৩০) ॥ ১২০ ॥

সন্ন্যাসী চৈব সন্ন্যাসশ্চতুরাশ্রম এব চ ।
ব্রহ্মচারী গৃহস্থশ্চ বানপ্রস্থশ্চ ভিক্ষুকঃ ॥ ১২১ ॥

ব্রাহ্মণঃ ক্ষত্রিয়ো বৈশ্যঃ (৭৪০) শূদ্রো বর্ণস্তথৈব চ ।
শীলদঃ শীলসম্পন্নো দুঃশীলপরিবর্জিতঃ ॥ ১২২ ॥

মোক্ষোঽধ্যাত্মসমাবিষ্টঃ স্তুতিঃ স্তোতা চ পূজকঃ ।
পূজ্যো (৭৫০) বাক্করণং চৈব বাচ্যশ্চৈব তু বাচকঃ ॥ ১২৩ ॥

বেত্তা ব্যাকরণশ্চৈব বাক্যং চৈব চ বাক্যবিত্ ।
বাক্যগম্যস্তীর্থবাসী (৭৬০) তীর্থস্তীর্থী চ তীর্থবিত্ ॥ ১২৪ ॥

তীর্থাদিভূতঃ সাঙ্খ্যশ্চ নিরুক্তং ত্বধিদৈবতম্ ।
প্রণবঃ প্রণবেশশ্চ প্রণবেন প্রবন্দিতঃ (৭৭০) ॥ ১২৫ ॥

প্রণবেন চ লক্ষ্যো বৈ গায়ত্রী চ গদাধরঃ ।
শালগ্রামনিবাসী চ (৭৮০) শালগ্রামস্তথৈব চ ॥ ১২৬ ॥

জলশায়ী য়োগশায়ী শেষশায়ী কুশেশয়ঃ ।
মহীভর্তা চ (৭৯০) কার্যং চ কারণং পৃথিবীধরঃ ॥ ১২৭ ॥

প্রজাপতিঃ শাশ্বতশ্চ কাম্যঃ কাময়িতা বিরাট্ ।
সম্রাট্পূষা (৮০০) তথা স্বর্গো রথস্থঃ সারথির্বলম্ ॥ ১২৮ ॥

ধনী ধনপ্রদো ধন্যো য়াদবানাং হিতে রতঃ ।
অর্জুনস্য প্রিয়শ্চৈব হ্যর্জুনো (৮১০) ভীম এব চ ॥ ১২৯ ॥

পরাক্রমো দুর্বিষহঃ সর্বশাস্ত্রবিশারদঃ ।
সারস্বতো মহাভীষ্মঃ পারিজাতহরস্তথা ॥ ১৩০ ॥

অমৃতস্য প্রদাতা চ ক্ষীরোদঃ ক্ষীরমেব চ (৮২০) ।
ইন্দ্রাত্মজস্তস্য গোপ্তা গোবর্ধনধরস্তথা ॥ ১৩১ ॥

কংসস্য নাশনস্তদ্বদ্ধস্তিপো হস্তিনাশনঃ ।
শিপিবিষ্টঃ প্রসন্নশ্চ সর্বলোকার্তিনাশনঃ ॥ ১৩২ ॥

মুদ্রো (৮৩০) মুদ্রাকরশ্চৈব সর্বমুদ্রাবিবর্জিতঃ ।
দেহী দেহস্থিতশ্চৈব দেহস্য চ নিয়ামকঃ ॥ ১৩৩ ॥

শ্রোতা শ্রোত্রনিয়ন্তা চ শ্রোতব্যঃ শ্রবণস্তথা ।
ত্বক্স্থিতশ্চ (৮৪০) স্পর্শয়িতা স্পৃশ্যং চ স্পর্শনং তথা ॥ ১৩৪ ॥

রূপদ্রষ্টা চ চক্ষুঃস্থো নিয়ন্তা চক্ষুষস্তথা ।
দৃশ্যং চৈব তু জিহ্বাস্থো রসজ্ঞশ্চ নিয়ামকঃ (৮৫০) ॥ ১৩৫ ॥

ঘ্রাণস্থো ঘ্রাণকৃদ্ঘ্রাতা ঘ্রাণেন্দ্রিয়নিয়ামকঃ ।
বাক্স্থো বক্তা চ বক্তব্যো বচনং বাঙ্নিয়ামকঃ ॥ ১৩৬ ॥

প্রাণিস্থঃ (৮৬০) শিল্পকৃচ্ছিল্পো হস্তয়োশ্চ নিয়ামকঃ ।
পদব্যশ্চৈব গন্তা চ গন্তব্যং গমনং তথা ॥ ১৩৭ ॥

নিয়ন্তা পাদয়োশ্চৈব পাদ্যভাক্চ বিসর্গকৃত্ (৮৭০) ।
বিসর্গস্য নিয়ন্তা চ হ্যুপস্থস্থঃ সুখস্তথা ॥ ১৩৮ ॥

উপস্থস্য নিয়ন্তা চ তদানন্দকরশ্চ হ ।
শত্রুঘ্নঃ কার্তবীর্যশ্চ দত্তাত্রেয়স্তথৈব চ ॥ ১৩৯ ॥

অলর্কস্য হিতশ্চৈব কার্তবীর্যনিকৃন্তনঃ (৮৮০) ।
কালনেমির্মহানেমির্মেঘো মেঘপতিস্তথা ॥ ১৪০ ॥

অন্নপ্রদোঽন্নরূপী চ হ্যন্নাদোঽন্নপ্রবর্তকঃ ।
ধূমকৃদ্ধূমরূপশ্চ (৮৯০) দেবকীপুত্র উত্তমঃ ॥ ১৪১ ॥

দেবক্যা নন্দনো নন্দো রোহিণ্যাঃ প্রিয় এব চ ।
বসুদেবপ্রিয়শ্চৈব বসুদেবসুতস্তথা ॥ ১৪২ ॥

দুন্দুভির্হাসরূপশ্চ পুষ্পহাসস্তথৈব চ (৯০০) ।
অট্টহাসপ্রিয়শ্চৈব সর্বাধ্যক্ষঃ ক্ষরোঽক্ষরঃ ॥ ১৪৩ ॥

অচ্যুতশ্চৈব সত্যেশঃ সত্যায়াশ্চ প্রিয়ো বরঃ ।
রুক্মিণ্যাশ্চ পতিশ্চৈব রুক্মিণ্যা বল্লভস্তথা ॥ ১৪৪ ॥

গোপীনাং বল্লভশ্চৈব (৯১০) পুণ্যশ্লোকশ্চ বিশ্রুতঃ ।
বৃষাকপির্যমো গুহ্যো মঙ্গলশ্চ বুধস্তথা ॥ ১৪৫ ॥

রাহুঃ কেতুর্গ্রহো গ্রাহো (৯২০) গজেন্দ্রমুখমেলকঃ ।
গ্রাহস্য বিনিহন্তা চ গ্রামীণী রক্ষকস্তথা ॥ ১৪৬ ॥

কিন্নরশ্চৈব সিদ্ধশ্চ ছন্দঃ স্বচ্ছন্দ এব চ ।
বিশ্বরূপো বিশালাক্ষো (৯৩০) দৈত্যসূদন এব চ ॥ ১৪৭ ॥

অনন্তরূপো ভূতস্থো দেবদানবসংস্থিতঃ ।
সুষুপ্তিস্থঃ সুষুপ্তিশ্চ স্থানং স্থানান্ত এব চ ॥ ১৪৮ ॥

জগত্স্থশ্চৈব জাগর্তা স্থানং জাগরিতং তথা (৯৪০) ।
স্বপ্নস্থঃ স্বপ্নবিত্স্বপ্নস্থানং স্বপ্নস্তথৈব চ ॥ ১৪৯ ॥

var স্বপ্নস্থঃ স্বপ্নবিত্স্বপ্নং স্থানস্থঃ সুস্থ এব চ
জাগ্রত্স্বপ্নসুষুপ্তেশ্চ বিহীনো বৈ চতুর্থকঃ ।
বিজ্ঞানং বেদ্যরূপং চ জীবো জীবয়িতা তথা (৯৫০) ॥ ১৫০ ॥ var চৈত্ররূপশ্চ
ভুবনাধিপতিশ্চৈব ভুবনানাং নিয়ামকঃ ।
পাতালবাসী পাতালং সর্বজ্বরবিনাশনঃ ॥ ১৫১ ॥

পরমানন্দরূপী চ ধর্মাণাং চ প্রবর্তকঃ ।
সুলভো দুর্লভশ্চৈব প্রাণায়ামপরস্তথা (৯৬০) ॥ ১৫২ ॥

প্রত্যাহারো ধারকশ্চ প্রত্যাহারকরস্তথা ।
প্রভা কান্তিস্তথা হ্যর্চিঃ শুদ্ধস্ফটিকসন্নিভঃ ॥ ১৫৩ ॥

অগ্রাহ্যশ্চৈব গৌরশ্চ সর্বঃ (৯৭০) শুচিরভিষ্টুতঃ ।
বষট্কারো বষড্বৌষট্স্বধা স্বাহা রতিস্তথা ॥ ১৫৪ ॥

পক্তা নন্দয়িতা (৯৮০) ভোক্তা বোদ্ধা ভাবয়িতা তথা ।
জ্ঞানাত্মা চৈব দেহাত্মা ভূমা সর্বেশ্বরেশ্বরঃ ॥ ১৫৫ ॥ var ঊহাত্মা
নদী নন্দী চ নন্দীশো (৯৯০) ভারতস্তরুনাশনঃ ।
চক্রপঃ শ্রীপতিশ্চৈব নৃপাণাং চক্রবর্তিনাম্ ॥ ১৫৬ ॥ var নৃপশ্চ
ঈশশ্চ সর্বদেবানাং দ্বারকাসংস্থিতস্তথা । var স্বাবকাশং স্থিত
পুষ্করঃ পুষ্করাধ্যক্ষঃ পুষ্করদ্বীপ এব চ (১০০০) ॥ ১৫৭ ॥

ভরতো জনকো জন্যঃ সর্বাকারবিবর্জিতঃ ।
নিরাকারো নির্নিমিত্তো নিরাতঙ্কো নিরাশ্রয়ঃ (১০০৮) ॥ ১৫৮ ॥

ইতি নামসহস্রং তে বৃষভধ্বজ কীর্তিতম্ ।
দেবস্য বিষ্ণোরীশস্য সর্বপাপবিনাশনম্ ॥ ১৫৯ ॥

পঠন্দ্বিজশ্চ বিষ্ণুত্বং ক্ষত্রিয়ো জয়মাপ্নুয়াত্ ।
বৈশ্যো ধনং সুখং শূদ্রো বিষ্ণুভক্তিসমন্বিতঃ ॥ ১৬০ ॥

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
শ্রীবিষ্ণুসহস্রনামস্তোত্রনিরূপণং নাম পঞ্চদশোঽধ্যায়ঃ ॥

Also Read 1000 Names of Vishnu from Garuda Purana:

1000 Names of Sri Vishnu | Sahasranama Stotram from Garuda Purana Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Add Comment

Click here to post a comment