1008 - Sahasranamavali Vishnu Stotram

1000 Names of Sri Vishnu | Sahasranama Stotram from Garuda Purana Lyrics in Oriya

Sri Vishnu Sahasranamastotram from Garuda Purana Lyrics in Oriya:

॥ ଵିଷ୍ଣୁସହସ୍ରନାମସ୍ତୋତ୍ରମ୍ ଗରୁଡପୁରାଣାନ୍ତର୍ଗତମ୍ ॥

ରୁଦ୍ର ଉଵାଚ ।
ସଂସାରସାଗରାଗ୍ଧୋରାନ୍ମୁଚ୍ୟତେ କିଂ ଜପନ୍ପ୍ରଭୋ ।
ନରସ୍ତନ୍ମେ ପରଂ ଜପ୍ୟଂ କଥୟ ତ୍ଵଂ ଜନାର୍ଦନ ॥ ୧ ॥

ହରିରୁଵାଚ ।
ପରେଶ୍ଵରଂ ପରଂ ବ୍ରହ୍ମ ପରମାତ୍ମାନମଵ୍ୟୟମ୍ । var ଈଶ୍ଵରମ୍ ପରମଂ
ଵିଷ୍ଣୁଂ ନାମସହସ୍ରେଣ ସ୍ତୁଵନ୍ମୁକ୍ତୋ ଭଵେନ୍ନରଃ ॥ ୨ ॥

ୟତ୍ପଵିତ୍ରଂ ପରଂ ଜପ୍ୟଂ କଥୟାମି ଵୃଷଧ୍ଵଜ ! ।
ଶୃଣୁଷ୍ଵାଵହିତୋ ଭୂତ୍ଵା ସର୍ଵପାପଵିନାଶନମ୍ ॥ ୩ ॥

ଓଂ ଵାସୁଦେଵୋ ମହାଵିଷ୍ଣୁର୍ଵାମନୋ ଵାସଵୋ ଵସୁଃ ।
ବାଲଚନ୍ଦ୍ରନିଭୋ ବାଲୋ ବଲଭଦ୍ରୋ ବଲାଧିପଃ ॥ ୪ ॥

ବଲିବନ୍ଧନକୃଦ୍ଵେଧା (୧୧) ଵରେଣ୍ୟୋ ଵେଦଵିତ୍କଵିଃ ।
ଵେଦକର୍ତା ଵେଦରୂପୋ ଵେଦ୍ୟୋ ଵେଦପରିପ୍ଲୁତଃ ॥ ୫ ॥

ଵେଦାଙ୍ଗଵେତ୍ତା ଵେଦେଶୋ (୨୦) ବଲାଧାରୋ ବଲାର୍ଦନଃ । var ବଲଧାରୋ
ଅଵିକାରୋ ଵରେଶଶ୍ଚ ଵରୁଣୋ ଵରୁଣାଧିପଃ ॥ ୬ ॥

ଵୀରହା ଚ ବୃହଦ୍ଵୀରୋ ଵନ୍ଦିତଃ ପରମେଶ୍ଵରଃ (୩୦) ।
ଆତ୍ମା ଚ ପରମାତ୍ମା ଚ ପ୍ରତ୍ୟଗାତ୍ମା ଵିୟତ୍ପରଃ ॥ ୭ ॥

ପଦ୍ମନାଭଃ ପଦ୍ମନିଧିଃ ପଦ୍ମହସ୍ତୋ ଗଦାଧରଃ ।
ପରମଃ (୪୦) ପରଭୂତଶ୍ଚ ପୁରୁଷୋତ୍ତମ ଈଶ୍ଵରଃ ॥ ୮ ॥

ପଦ୍ମଜଙ୍ଘଃ ପୁଣ୍ଡରୀକଃ ପଦ୍ମମାଲାଧରଃ ପ୍ରିୟଃ ।
ପଦ୍ମାକ୍ଷଃ ପଦ୍ମଗର୍ଭଶ୍ଚ ପର୍ଜନ୍ୟଃ (୫୦) ପଦ୍ମସଂସ୍ଥିତଃ ॥ ୯ ॥

ଅପାରଃ ପରମାର୍ଥଶ୍ଚ ପରାଣାଂ ଚ ପରଃ ପ୍ରଭୁଃ ।
ପଣ୍ଡିତଃ ପଣ୍ଡିତେଡ୍ୟଶ୍ଚ ପଵିତ୍ରଃ ପାପମର୍ଦକଃ ॥ ୧୦ ॥ var ପଣ୍ଡିତେଭ୍ୟଶ୍ଚ
ଶୁଦ୍ଧଃ (୬୦) ପ୍ରକାଶରୂପଶ୍ଚ ପଵିତ୍ରଃ ପରିରକ୍ଷକଃ ।
ପିପାସାଵର୍ଜିତଃ ପାଦ୍ୟଃ ପୁରୁଷଃ ପ୍ରକୃତିସ୍ତଥା ॥ ୧୧ ॥

ପ୍ରଧାନଂ ପୃଥିଵୀପଦ୍ମଂ ପଦ୍ମନାଭଃ (୭୦) ପ୍ରିୟପ୍ରଦଃ ।
ସର୍ଵେଶଃ ସର୍ଵଗଃ ସର୍ଵଃ ସର୍ଵଵିତ୍ସର୍ଵଦଃ ସୁରଃ ॥ ୧୨ ॥ var ପରଃ
ସର୍ଵସ୍ୟ ଜଗତୋ ଧାମ ସର୍ଵଦର୍ଶୀ ଚ ସର୍ଵଭୃତ୍ (୮୦) ।
ସର୍ଵାନୁଗ୍ରହକୃଦ୍ଦେଵଃ ସର୍ଵଭୂତହୃଦିସ୍ଥିତଃ ॥ ୧୩ ॥

ସର୍ଵପୂଜ୍ୟଶ୍ଚ ସର୍ଵାଦ୍ୟଃ ସର୍ଵଦେଵନମସ୍କୃତଃ । var ସର୍ଵପଃ ସର୍ଵପୂଜ୍ୟଶ୍ଚ
ସର୍ଵସ୍ୟ ଜଗତୋ ମୂଲଂ ସକଲୋ ନିଷ୍କଲୋଽନଲଃ (୯୦) ॥ ୧୪ ॥

ସର୍ଵଗୋପ୍ତା ସର୍ଵନିଷ୍ଠଃ ସର୍ଵକାରଣକାରଣମ୍ ।
ସର୍ଵଧ୍ୟେୟଃ ସର୍ଵମିତ୍ରଃ ସର୍ଵଦେଵସ୍ଵରୂପଧୃକ୍ ॥ ୧୫ ॥

ସର୍ଵାଧ୍ୟକ୍ଷଃ ସୁରାଧ୍ୟକ୍ଷଃ ସୁରାସୁରନମସ୍କୃତଃ । var ସର୍ଵାଧ୍ୟାୟଃ
ଦୁଷ୍ଟାନାଂ ଚାସୁରାଣାଂ ଚ ସର୍ଵଦା ଘାତକୋଽନ୍ତକଃ (୧୦୧) ॥ ୧୬ ॥

ସତ୍ୟପାଲଶ୍ଚ ସନ୍ନାଭଃ ସିଦ୍ଧେଶଃ ସିଦ୍ଧଵନ୍ଦିତଃ ।
ସିଦ୍ଧସାଧ୍ୟଃ ସିଦ୍ଧସିଦ୍ଧଃ ସାଧ୍ୟସିଦ୍ଧୋ ହୃଦୀଶ୍ଵରଃ ॥ ୧୭ ॥ var ସିଦ୍ଧିସିଦ୍ଧୋ
ଶରଣଂ ଜଗତଶ୍ଚୈଵ (୧୧୦) ଶ୍ରେୟଃ କ୍ଷେମସ୍ତଥୈଵ ଚ ।
ଶୁଭକୃଚ୍ଛୋଭନଃ ସୌମ୍ୟଃ ସତ୍ୟଃ ସତ୍ୟପରାକ୍ରମଃ ॥ ୧୮ ॥

ସତ୍ୟସ୍ଥଃ ସତ୍ୟସଙ୍କଲ୍ପଃ ସତ୍ୟଵିତ୍ସତ୍ୟଦସ୍ତଥା (୧୨୧) । var ସତ୍ପଦସ୍ତଥା
ଧର୍ମୋ ଧର୍ମୀଚ କର୍ମୀଚ ସର୍ଵକର୍ମଵିଵର୍ଜିତଃ ॥ ୧୯ ॥

କର୍ମକର୍ତା ଚ କର୍ମୈଵ କ୍ରିୟା କାର୍ୟଂ ତଥୈଵ ଚ ।
ଶ୍ରୀପତିର୍ନୃପତିଃ (୧୩୧) ଶ୍ରୀମାନ୍ସର୍ଵସ୍ୟ ପତିରୂର୍ଜିତଃ ॥ ୨୦ ॥

ସ ଦେଵାନାଂ ପତିଶ୍ଚୈଵ ଵୃଷ୍ଣୀନାଂ ପତିରୀଡିତଃ । var ପତିରୀରିତଃ
ପତିର୍ହିରଣ୍ୟଗର୍ଭସ୍ୟ ତ୍ରିପୁରାନ୍ତପତିସ୍ତଥା ॥ ୨୧ ॥

ପଶୂନାଂ ଚ ପତିଃ ପ୍ରାୟୋ ଵସୂନାଂ ପତିରେଵ ଚ (୧୪୦) ।
ପତିରାଖଣ୍ଡଲସ୍ୟୈଵ ଵରୁଣସ୍ୟ ପତିସ୍ତଥା ॥ ୨୨ ॥

ଵନସ୍ପତୀନାଂ ଚ ପତିରନିଲସ୍ୟ ପତିସ୍ତଥା ।
ଅନଲସ୍ୟ ପତିଶ୍ଚୈଵ ୟମସ୍ୟ ପତିରେଵ ଚ ॥ ୨୩ ॥

କୁବେରସ୍ୟ ପତିଶ୍ଚୈଵ ନକ୍ଷତ୍ରାଣାଂ ପତିସ୍ତଥା ।
ଓଷଧୀନାଂ ପତିଶ୍ଚୈଵ ଵୃକ୍ଷାଣାଂ ଚ ପତିସ୍ତଥା (୧୫୦) ॥ ୨୪ ॥

ନାଗାନାଂ ପତିରର୍କସ୍ୟ ଦକ୍ଷସ୍ୟ ପତିରେଵ ଚ ।
ସୁହୃଦାଂ ଚ ପତିଶ୍ଚୈଵ ନୃପାଣାଂ ଚ ପତିସ୍ତଥା ॥ ୨୫ ॥

ଗନ୍ଧର୍ଵାଣାଂ ପତିଶ୍ଚୈଵ ଅସୂନାଂ ପତିରୁତ୍ତମଃ ।
ପର୍ଵତାନାଂ ପତିଶ୍ଚୈଵ ନିମ୍ନଗାନାଂ ପତିସ୍ତଥା ॥ ୨୬ ॥

ସୁରାଣାଂ ଚ ପତିଃ ଶ୍ରେଷ୍ଠଃ (୧୬୦) କପିଲସ୍ୟ ପତିସ୍ତଥା ।
ଲତାନାଂ ଚ ପତିଶ୍ଚୈଵ ଵୀରୁଧାଂ ଚ ପତିସ୍ତଥା ॥ ୨୭ ॥

ମୁନୀନାଂ ଚ ପତିଶ୍ଚୈଵ ସୂର୍ୟସ୍ୟ ପତିରୁତ୍ତମଃ ।
ପତିଶ୍ଚନ୍ଦ୍ରମସଃ ଶ୍ରେଷ୍ଠଃ ଶୁକ୍ରସ୍ୟ ପତିରେଵ ଚ ॥ ୨୮ ॥

ଗ୍ରହାଣାଂ ଚ ପତିଶ୍ଚୈଵ ରାକ୍ଷସାନାଂ ପତିସ୍ତଥା ।
କିନ୍ନରାଣାଂ ପତିଶ୍ଚୈଵ (୧୭୦) ଦ୍ଵିଜାନାଂ ପତିରୁତ୍ତମଃ ॥ ୨୯ ॥

ସରିତାଂ ଚ ପତିଶ୍ଚୈଵ ସମୁଦ୍ରାଣାଂ ପତିସ୍ତଥା ।
ସରସାଂ ଚ ପତିଶ୍ଚୈଵ ଭୂତାନାଂ ଚ ପତିସ୍ତଥା ॥ ୩୦ ॥

ଵେତାଲାନାଂ ପତିଶ୍ଚୈଵ କୂଷ୍ମାଣ୍ଡାନାଂ ପତିସ୍ତଥା ।
ପକ୍ଷିଣାଂ ଚ ପତିଃ ଶ୍ରେଷ୍ଠଃ ପଶୂନାଂ ପତିରେଵ ଚ ॥ ୩୧ ॥

ମହାତ୍ମା (୧୮୦) ମଙ୍ଗଲୋ ମେୟୋ ମନ୍ଦରୋ ମନ୍ଦରେଶ୍ଵରଃ ।
ମେରୁର୍ମାତା ପ୍ରମାଣଂ ଚ ମାଧଵୋ ମଲଵର୍ଜିତଃ ॥ ୩୨ ॥ var ମନୁଵର୍ଜିତଃ
ମାଲାଧରୋ (୧୯୦) ମହାଦେଵୋ ମହାଦେଵେନ ପୂଜିତଃ ।
ମହାଶାନ୍ତୋ ମହାଭାଗୋ ମଧୁସୂଦନ ଏଵ ଚ ॥ ୩୩ ॥

ମହାଵୀର୍ୟୋ ମହାପ୍ରାଣୋ ମାର୍କଣ୍ଡେୟର୍ଷିଵନ୍ଦିତଃ (୨୦୦) । var ପ୍ରଵନ୍ଦିତଃ
ମାୟାତ୍ମା ମାୟୟା ବଦ୍ଧୋ ମାୟୟା ତୁ ଵିଵର୍ଜିତଃ ॥ ୩୪ ॥

ମୁନିସ୍ତୁତୋ ମୁନିର୍ମୈତ୍ରୋ (୨୧୦) ମହାନାସୋ ମହାହନୁଃ । var ମହାରାସୋ
ମହାବାହୁର୍ମହାଦାନ୍ତୋ ମରଣେନ ଵିଵର୍ଜିତଃ ॥ ୩୫ ॥ var ମହାଦନ୍ତୋ
ମହାଵକ୍ତ୍ରୋ ମହାତ୍ମା ଚ ମହାକାୟୋ ମହୋଦରଃ । var ମହାକାରୋ
ମହାପାଦୋ ମହାଗ୍ରୀଵୋ ମହାମାନୀ ମହାମନାଃ ॥ ୩୬ ॥

ମହାଗତିର୍ମହାକୀର୍ତିର୍ମହାରୂପୋ (୨୨୨) ମହାସୁରଃ ।
ମଧୁଶ୍ଚ ମାଧଵଶ୍ଚୈଵ ମହାଦେଵୋ ମହେଶ୍ଵରଃ ॥ ୩୭ ॥

ମଖେଜ୍ୟୋ ମଖରୂପୀ ଚ ମାନନୀୟୋ (୨୩୦) ମଖେଶ୍ଵରଃ । var ମଖେଷ୍ଟୋ ମହେଶ୍ଵରଃ
ମହାଵାତୋ ମହାଭାଗୋ ମହେଶୋଽତୀତମାନୁଷଃ ॥ ୩୮ ॥

ମାନଵଶ୍ଚ ମନୁଶ୍ଚୈଵ ମାନଵାନାଂ ପ୍ରିୟଙ୍କରଃ ।
ମୃଗଶ୍ଚ ମୃଗପୂଜ୍ୟଶ୍ଚ (୨୪୦) ମୃଗାଣାଂ ଚ ପତିସ୍ତଥା ॥ ୩୯ ॥

ବୁଧସ୍ୟ ଚ ପତିଶ୍ଚୈଵ ପତିଶ୍ଚୈଵ ବୃହସ୍ପତେଃ ।
ପତିଃ ଶନୈଶ୍ଚରସ୍ୟୈଵ ରାହୋଃ କେତୋଃ ପତିସ୍ତଥା ॥ ୪୦ ॥

ଲକ୍ଷ୍ମଣୋ ଲକ୍ଷଣଶ୍ଚୈଵ ଲମ୍ବୋଷ୍ଠୋ ଲଲିତସ୍ତଥା (୨୫୦) ।
ନାନାଲଙ୍କାରସଂୟୁକ୍ତୋ ନାନାଚନ୍ଦନଚର୍ଚିତଃ ॥ ୪୧ ॥

ନାନାରସୋଜ୍ଜ୍ଵଲଦ୍ଵକ୍ତ୍ରୋ ନାନାପୁଷ୍ପୋପଶୋଭିତଃ ।
ରାମୋ ରମାପତିଶ୍ଚୈଵ ସଭାର୍ୟଃ ପରମେଶ୍ଵରଃ ॥ ୪୨ ॥

ରତ୍ନଦୋ ରତ୍ନହର୍ତା ଚ (୨୬୦) ରୂପୀ ରୂପଵିଵର୍ଜିତଃ ।
ମହାରୂପୋଗ୍ରରୂପଶ୍ଚ ସୌମ୍ୟରୂପସ୍ତଥୈଵ ଚ ॥ ୪୩ ॥

ନୀଲମେଘନିଭଃ ଶୁଦ୍ଧଃ ସାଲମେଘନିଭସ୍ତଥା । var କାଲମେଘ
ଧୂମଵର୍ଣଃ ପୀତଵର୍ଣୋ ନାନାରୂପୋ (୨୭୦) ହ୍ୟଵର୍ଣକଃ ॥ ୪୪ ॥

ଵିରୂପୋ ରୂପଦଶ୍ଚୈଵ ଶୁକ୍ଲଵର୍ଣସ୍ତଥୈଵ ଚ ।
ସର୍ଵଵର୍ଣୋ ମହାୟୋଗୀ ୟଜ୍ଞୋ ୟଜ୍ଞକୃଦେଵ ଚ ॥ ୪୫ ॥ var ୟାଜ୍ୟୋ
ସୁଵର୍ଣଵର୍ଣଵାଂଶ୍ଚୈଵ ସୁଵର୍ଣାଖ୍ୟସ୍ତଥୈଵ ଚ (୨୮୦) । var ସୁଵର୍ଣୋ ଵର୍ଣ
ସୁଵର୍ଣାଵୟଵଶ୍ଚୈଵ ସୁଵର୍ଣଃ ସ୍ଵର୍ଣମେଖଲଃ ॥ ୪୬ ॥

ସୁଵର୍ଣସ୍ୟ ପ୍ରଦାତା ଚ ସୁଵର୍ଣେଶସ୍ତଥୈଵ ଚ ।
ସୁଵର୍ଣସ୍ୟ ପ୍ରିୟଶ୍ଚୈଵ (୨୯୦) ସୁଵର୍ଣାଢ୍ୟସ୍ତଥୈଵ ଚ ॥ ୪୭ ॥

ସୁପର୍ଣୀ ଚ ମହାପର୍ଣୋ ସୁପର୍ଣସ୍ୟ ଚ କାରଣମ୍ (୨୯୦) ।
ଵୈନତେୟସ୍ତଥାଦିତ୍ୟ ଆଦିରାଦିକରଃ ଶିଵଃ ॥ ୪୮ ॥

କାରଣଂ ମହତଶ୍ଚୈଵ ପ୍ରଧାନସ୍ୟ ଚ କାରଣମ୍ । var ପୁରାଣସ୍ୟ
ବୁଦ୍ଧୀନାଂ କାରଣଂ ଚୈଵ କାରଣଂ ମନସସ୍ତଥା ॥ ୪୯ ॥

କାରଣଂ ଚେତସଶ୍ଚୈଵ (୩୦୦) ଅହଙ୍କାରସ୍ୟ କାରଣମ୍ ।
ଭୂତାନାଂ କାରଣଂ ତଦ୍ଵତ୍କାରଣଂ ଚ ଵିଭାଵସୋଃ ॥ ୫୦ ॥

ଆକାଶକାରଣଂ ତଦ୍ଵତ୍ପୃଥିଵ୍ୟାଃ କାରଣଂ ପରମ୍ ।
ଅଣ୍ଡସ୍ୟ କାରଣଂ ଚୈଵ ପ୍ରକୃତେଃ କାରଣଂ ତଥା ॥ ୫୧ ॥

ଦେହସ୍ୟ କାରଣଂ ଚୈଵ ଚକ୍ଷୁଷଶ୍ଚୈଵ କାରଣମ୍ ।
ଶ୍ରୋତ୍ରସ୍ୟ କାରଣଂ (୩୧୦) ତଦ୍ଵତ୍କାରଣଂ ଚ ତ୍ଵଚସ୍ତଥା ॥ ୫୨ ॥

ଜିହ୍ଵାୟାଃ କାରଣଂ ଚୈଵ ପ୍ରାଣସ୍ୟୈଵ ଚ କାରଣମ୍ ।
ହସ୍ତୟୋଃ କାରଣଂ ତଦ୍ଵତ୍ପାଦୟୋଃ କାରଣଂ ତଥା ॥ ୫୩ ॥

ଵାଚଶ୍ଚକାରଣଂ ତଦ୍ଵତ୍ପାୟୋଶ୍ଚୈଵ ତୁ କାରଣମ୍ ।
ଇନ୍ଦ୍ରସ୍ୟ କାରଣଂ ଚୈଵ କୁବେରସ୍ୟ ଚ କାରଣମ୍ ॥ ୫୪ ॥

ୟମସ୍ୟ କାରଣଂ ଚୈଵ (୩୨୦) ଈଶାନସ୍ୟ ଚ କାରଣମ୍ ।
ୟକ୍ଷାଣାଂ କାରଣଂ ଚୈଵ ରକ୍ଷସାଂ କାରଣଂ ପରମ୍ ॥ ୫୫ ॥

ନୃପାଣାଂ କାରଣଂ ଶ୍ରେଷ୍ଠଂ ଧର୍ମସ୍ୟୈଵ ତୁ କାରଣମ୍ । var ଭୂଷାଣାଂ
ଜନ୍ତୂନାଂ କାରଣଂ ଚୈଵ ଵସୂନାଂ କାରଣଂ ପରମ୍ ॥ ୫୬ ॥

ମନୂନାଂ କାରଣଂ ଚୈଵ ପକ୍ଷିଣାଂ କାରଣଂ ପରମ୍ ।
ମୁନୀନାଂ କାରଣଂ ଶ୍ରେଷ୍ଠ (୩୩୦) ୟୋଗିନାଂ କାରଣଂ ପରମ୍ ॥ ୫୭ ॥

ସିଦ୍ଧାନାଂ କାରଣଂ ଚୈଵ ୟକ୍ଷାଣାଂ କାରଣଂ ପରମ୍ ।
କାରଣଂ କିନ୍ନରାଣାଂ ଚ (୩୪୦) ଗନ୍ଧର୍ଵାଣାଂ ଚ କାରଣମ୍ ॥ ୫୮ ॥

ନଦାନାଂ କାରଣଂ ଚୈଵ ନଦୀନାଂ କାରଣଂ ପରମ୍ ।
କାରଣଂ ଚ ସମୁଦ୍ରାଣାଂ ଵୃକ୍ଷାଣାଂ କାରଣଂ ତଥା ॥ ୫୯ ॥

କାରଣଂ ଵୀରୁଧାଂ ଚୈଵ ଲୋକାନାଂ କାରଣଂ ତଥା ।
ପାତାଲକାରଣଂ ଚୈଵ ଦେଵାନାଂ କାରଣଂ ତଥା ॥ ୬୦ ॥

ସର୍ପାଣାଂ କାରଣଂ ଚୈଵ (୩୫୦) ଶ୍ରେୟସାଂ କାରଣଂ ତଥା ।
ପଶୂଅନାଂ କାରଣଂ ଚୈଵ ସର୍ଵେଷାଂ କାରଣଂ ତଥା ॥ ୬୧ ॥

ଦେହାତ୍ମା ଚେନ୍ଦ୍ରିୟାତ୍ମା ଚ ଆତ୍ମା ବୁଦ୍ଧେସ୍ତଥୈଵ ଚ ।
ମନସଶ୍ଚ ତଥୈଵାତ୍ମା ଚାତ୍ମାହଙ୍କାରଚେତସଃ ॥ ୬୨ ॥

ଜାଗ୍ରତଃ ସ୍ଵପତଶ୍ଚାତ୍ମା (୩୬୦) ମହଦାତ୍ମା ପରସ୍ତଥା ।
ପ୍ରଧାନସ୍ୟ ପରାତ୍ମା ଚ ଆକାଶାତ୍ମା ହ୍ୟପାଂ ତଥା ॥ ୬୩ ॥

ପୃଥିଵ୍ୟାଃ ପରମାତ୍ମା ଚ ରସସ୍ୟାତ୍ମା ତଥୈଵ ଚ । var ଵୟସ୍ୟାତ୍ମା
ଗନ୍ଧସ୍ୟ ପରମାତ୍ମା ଚ ରୂପସ୍ୟାତ୍ମା ପରସ୍ତଥା ॥ ୬୪ ॥

ଶବ୍ଦାତ୍ମା ଚୈଵ (୩୭୦) ଵାଗାତ୍ମା ସ୍ପର୍ଶାତ୍ମା ପୁରୁଷସ୍ତଥା ।
ଶ୍ରୋତ୍ରାତ୍ମା ଚ ତ୍ଵଗାତ୍ମା ଚ ଜିହ୍ଵାୟାଃ ପରମସ୍ତଥା ॥ ୬୫ ॥

ଘ୍ରାଣାତ୍ମା ଚୈଵ ହସ୍ତାତ୍ମା ପାଦାତ୍ମା ପରମସ୍ତଥା (୩୮୦) ।
ଉପସ୍ଥସ୍ୟ ତଥୈଵାତ୍ମା ପାୟ୍ଵାତ୍ମା ପରମସ୍ତଥା ॥ ୬୬ ॥

ଇନ୍ଦ୍ରାତ୍ମା ଚୈଵ ବ୍ରହ୍ମାତ୍ମା ରୁଦ୍ରାତ୍ମା ଚ ମନୋସ୍ତଥା । var ଶାନ୍ତାତ୍ମା
ଦକ୍ଷପ୍ରଜାପତେରାତ୍ମା ସତ୍ୟାତ୍ମା ପରମସ୍ତଥା ॥ ୬୭ ॥

ଈଶାତ୍ମା (୩୯୦) ପରମାତ୍ମା ଚ ରୌଦ୍ରାତ୍ମା ମୋକ୍ଷଵିଦ୍ୟତିଃ ।
ୟତ୍ନଵାଂଶ୍ଚ ତଥା ୟତ୍ନଶ୍ଚର୍ମୀ ଖଡ୍ଗୀ ମୁରାନ୍ତକଃ ॥ ୬୮ ॥ var ଖଡ୍ଗ୍ୟସୁରା
ହ୍ରୀପ୍ରଵର୍ତନଶୀଲଶ୍ଚ ୟତୀନାଂ ଚ ହିତେ ରତଃ ।
ୟତିରୂପୀ ଚ (୪୦୦) ୟୋଗୀ ଚ ୟୋଗିଧ୍ୟେୟୋ ହରିଃ ଶିତିଃ ॥ ୬୯ ॥

ସଂଵିନ୍ମେଧା ଚ କାଲଶ୍ଚ ଊଷ୍ମା ଵର୍ଷା ମତିସ୍ତଥା (୪୧୦) । var ନତିସ୍ତଥା
ସଂଵତ୍ସରୋ ମୋକ୍ଷକରୋ ମୋହପ୍ରଧ୍ଵଂସକସ୍ତଥା ॥ ୭୦ ॥

ମୋହକର୍ତା ଚ ଦୁଷ୍ଟାନାଂ ମାଣ୍ଡଵ୍ୟୋ ଵଡଵାମୁଖଃ ।
ସଂଵର୍ତଃ କାଲକର୍ତା ଚ ଗୌତମୋ ଭୃଗୁରଙ୍ଗିରାଃ (୪୨୦) ॥ ୭୧ ॥ var ସଂଵର୍ତକଃ କାଲକର୍ତା
ଅତ୍ରିର୍ଵସିଷ୍ଠଃ ପୁଲହଃ ପୁଲସ୍ତ୍ୟଃ କୁତ୍ସ ଏଵ ଚ ।
ୟାଜ୍ଞଵଲ୍କ୍ୟୋ ଦେଵଲଶ୍ଚ ଵ୍ୟାସଶ୍ଚୈଵ ପରାଶରଃ ॥ ୭୨ ॥

ଶର୍ମଦଶ୍ଚୈଵ (୪୩୦) ଗାଙ୍ଗେୟୋ ହୃଷୀକେଶୋ ବୃହଚ୍ଛ୍ରଵାଃ ।
କେଶଵଃ କ୍ଲେଶହନ୍ତା ଚ ସୁକର୍ଣଃ କର୍ଣଵର୍ଜିତଃ ॥ ୭୩ ॥

ନାରାୟଣୋ ମହାଭାଗଃ ପ୍ରାଣସ୍ୟ ପତିରେଵ ଚ (୪୪୦) ।
ଅପାନସ୍ୟ ପତିଶ୍ଚୈଵ ଵ୍ୟାନସ୍ୟ ପତିରେଵ ଚ ॥ ୭୪ ॥

ଉଦାନସ୍ୟ ପତିଃ ଶ୍ରେଷ୍ଠଃ ସମାନସ୍ୟ ପତିସ୍ତଥା ।
ଶବ୍ଦସ୍ୟ ଚ ପତିଃ ଶ୍ରେଷ୍ଠଃ ସ୍ପର୍ଶସ୍ୟ ପତିରେଵ ଚ ॥ ୭୫ ॥

ରୂପାଣାଂ ଚ ପତିଶ୍ଚାଦ୍ୟଃ ଖଡ୍ଗପାଣିର୍ହଲାୟୁଧଃ (୪୫୦) ।
ଚକ୍ରପାଣିଃ କୁଣ୍ଡଲୀ ଚ ଶ୍ରୀଵତ୍ସାଙ୍କସ୍ତଥୈଵ ଚ ॥ ୭୬ ॥

ପ୍ରକୃତିଃ କୌସ୍ତୁଭଗ୍ରୀଵଃ ପୀତାମ୍ବରଧରସ୍ତଥା ।
ସୁମୁଖୋ ଦୁର୍ମୁଖଶ୍ଚୈଵ ମୁଖେନ ତୁ ଵିଵର୍ଜିତଃ ॥ ୭୭ ॥

ଅନନ୍ତୋଽନନ୍ତରୂପଶ୍ଚ (୪୬୧) ସୁନଖଃ ସୁରମନ୍ଦରଃ ।
ସୁକପୋଲୋ ଵିଭୁର୍ଜିଷ୍ଣୁର୍ଭ୍ରାଜିଷ୍ଣୁଶ୍ଚେଷୁଧୀସ୍ତଥା ॥ ୭୮ ॥

ହିରଣ୍ୟକଶିପୋର୍ହନ୍ତା ହିରଣ୍ୟାକ୍ଷଵିମର୍ଦକଃ (୪୭୦) ।
ନିହନ୍ତା ପୂତନାୟାଶ୍ଚ ଭାସ୍କରାନ୍ତଵିନାଶନଃ ॥ ୭୯ ॥

କେଶିନୋ ଦଲନଶ୍ଚୈଵ ମୁଷ୍ଟିକସ୍ୟ ଵିମର୍ଦକଃ ।
କଂସଦାନଵଭେତ୍ତା ଚ ଚାଣୂରସ୍ୟ ପ୍ରମର୍ଦକଃ ॥ ୮୦ ॥

ଅରିଷ୍ଟସ୍ୟ ନିହନ୍ତା ଚ ଅକ୍ରୂରପ୍ରିୟ ଏଵ ଚ ।
ଅକ୍ରୂରଃ କ୍ରୂରରୂପଶ୍ଚ (୪୮୦) ଅକ୍ରୂରପ୍ରିୟଵନ୍ଦିତଃ ॥ ୮୧ ॥

ଭଗହା ଭଗଵାନ୍ଭାନୁସ୍ତଥା ଭାଗଵତଃ ସ୍ଵୟମ୍ ।
ଉଦ୍ଧଵଶ୍ଚୋଦ୍ଧଵସ୍ୟେଶୋ ହ୍ୟୁଦ୍ଧଵେନ ଵିଚିନ୍ତିତଃ ॥ ୮୨ ॥

ଚକ୍ରଧୃକ୍ଚଞ୍ଚଲଶ୍ଚୈଵ (୪୯୦) ଚଲାଚଲଵିଵର୍ଜିତଃ ।
ଅହଙ୍କାରୋ ମତିଶ୍ଚିତ୍ତଂ ଗଗନଂ ପୃଥିଵୀ ଜଲମ୍ ॥ ୮୩ ॥

ଵାୟୁଶ୍ଚକ୍ଷୁସ୍ତଥା ଶ୍ରୋତ୍ରଂ (୫୦୦) ଜିହ୍ଵା ଚ ଘ୍ରାଣମେଵ ଚ ।
ଵାକ୍ପାଣିପାଦଜଵନଃ ପାୟୂପସ୍ଥସ୍ତଥୈଵ ଚ ॥ ୮୪ ॥

ଶଙ୍କରଶ୍ଚୈଵ ଶର୍ଵଶ୍ଚ କ୍ଷାନ୍ତିଦଃ କ୍ଷାନ୍ତିକୃନ୍ନରଃ (୫୧୧) ।
ଭକ୍ତପ୍ରିୟସ୍ତଥା ଭର୍ତା ଭକ୍ତିମାନ୍ଭକ୍ତିଵର୍ଧନଃ ॥ ୮୫ ॥

ଭକ୍ତସ୍ତୁତୋ ଭକ୍ତପରଃ କୀର୍ତିଦଃ କୀର୍ତିଵର୍ଧନଃ ।
କୀର୍ତିର୍ଦୀପ୍ତିଃ (୫୨୦) କ୍ଷମା କାନ୍ତିର୍ଭକ୍ତଶ୍ଚୈଵ (୫୩୦) ଦୟାପରା ॥ ୮୬ ॥

ଦାନଂ ଦାତା ଚ କର୍ତା ଚ ଦେଵଦେଵପ୍ରିୟଃ ଶୁଚିଃ ।
ଶୁଚିମାନ୍ସୁଖଦୋ (୫୩୧) ମୋକ୍ଷଃ କାମଶ୍ଚାର୍ଥଃ ସହସ୍ରପାତ୍ ॥ ୮୭ ॥

ସହସ୍ରଶୀର୍ଷା ଵୈଦ୍ୟଶ୍ଚ ମୋକ୍ଷଦ୍ଵାରସ୍ତଥୈଵ ଚ ।
ପ୍ରଜାଦ୍ଵାରଂ ସହସ୍ରାକ୍ଷଃ ସହସ୍ରକର ଏଵ ଚ (୫୪୦) ॥ ୮୮ ॥ var ସହସ୍ରାନ୍ତଃ
ଶୁକ୍ରଶ୍ଚ ସୁକିରୀଟୀ ଚ ସୁଗ୍ରୀଵଃ କୌସ୍ତୁଭସ୍ତଥା ।
ପ୍ରଦ୍ୟୁମ୍ନଶ୍ଚାନିରୁଦ୍ଧଶ୍ଚ ହୟଗ୍ରୀଵଶ୍ଚ ସୂକରଃ ॥ ୮୯ ॥

ମତ୍ସ୍ୟଃ ପରଶୁରାମଶ୍ଚ (୫୫୦) ପ୍ରହ୍ଲାଦୋ ବଲିରେଵଚ ।
ଶରଣ୍ୟଶ୍ଚୈଵ ନିତ୍ୟଶ୍ଚ ବୁଦ୍ଧୋ ମୁକ୍ତଃ ଶରୀରଭୃତ୍ ॥ ୯୦ ॥

ଖରଦୂଷଣହନ୍ତା ଚ ରାଵଣସ୍ୟ ପ୍ରମର୍ଦନଃ ।
ସୀତାପତିଶ୍ଚ (୫୬୦) ଵର୍ଧିଷ୍ଣୁର୍ଭରତଶ୍ଚ ତଥୈଵ ଚ ॥ ୯୧ ॥

କୁମ୍ଭେନ୍ଦ୍ରଜିନ୍ନିହନ୍ତା ଚ କୁମ୍ଭକର୍ଣପ୍ରମର୍ଦନଃ ।
ନରାନ୍ତକାନ୍ତକଶ୍ଚୈଵ ଦେଵାନ୍ତକଵିନାଶନଃ ॥ ୯୨ ॥

ଦୁଷ୍ଟାସୁରନିହନ୍ତା ଚ ଶମ୍ବରାରିସ୍ତଥୈଵ ଚ ।
ନରକସ୍ୟ ନିହନ୍ତା ଚ ତ୍ରିଶୀର୍ଷସ୍ୟ ଵିନାଶନଃ (୫୭୦) ॥ ୯୩ ॥

ୟମଲାର୍ଜୁନଭେତ୍ତା ଚ ତପୋହିତକରସ୍ତଥା ।
ଵାଦିତ୍ରଶ୍ଚୈଵ ଵାଦ୍ୟଂ ଚ ବୁଦ୍ଧଶ୍ଚୈଵ ଵରପ୍ରଦଃ ॥ ୯୪ ॥

ସାରଃ ସାରପ୍ରିୟଃ ସୌରଃ କାଲହନ୍ତା ନିକୃନ୍ତନଃ (୫୮୦) ।
ଅଗସ୍ତ୍ୟୋ ଦେଵଲଶ୍ଚୈଵ ନାରଦୋ ନାରଦପ୍ରିୟଃ ॥ ୯୫ ॥

ପ୍ରାଣୋଽପାନସ୍ତଥା ଵ୍ୟାନୋ ରଜଃ ସତ୍ତ୍ଵଂ ତମଃ (୫୯୦) ଶରତ୍ ।
ଉଦାନଶ୍ଚ ସମାନଶ୍ଚ ଭେଷଜଂ ଚ ଭିଷକ୍ତଥା ॥ ୯୬ ॥

କୂଟସ୍ଥଃ ସ୍ଵଚ୍ଛରୂପଶ୍ଚ ସର୍ଵଦେହଵିଵର୍ଜିତଃ ।
ଚକ୍ଷୁରିନ୍ଦ୍ରିୟହୀନଶ୍ଚ ଵାଗିନ୍ଦ୍ରିୟଵିଵର୍ଜିତଃ (୬୦୦) ॥ ୯୭ ॥

ହସ୍ତେନ୍ଦ୍ରିୟଵିହୀନଶ୍ଚ ପାଦାଭ୍ୟାଂ ଚ ଵିଵର୍ଜିତଃ ।
ପାୟୂପସ୍ଥଵିହୀନଶ୍ଚ ମରୁତାପଵିଵର୍ଜିତଃ ॥ ୯୮ ॥ var ମହାତପୋଵିସର୍ଜିତଃ
ପ୍ରବୋଧେନ ଵିହୀନଶ୍ଚ ବୁଦ୍ଧ୍ୟା ଚୈଵ ଵିଵର୍ଜିତଃ ।
ଚେତସା ଵିଗତଶ୍ଚୈଵ ପ୍ରାଣେନ ଚ ଵିଵର୍ଜିତଃ ॥ ୯୯ ॥

ଅପାନେନ ଵିହୀନଶ୍ଚ ଵ୍ୟାନେନ ଚ ଵିଵର୍ଜିତଃ (୬୧୦) ।
ଉଦାନେନ ଵିହୀନଶ୍ଚ ସମାନେନ ଵିଵର୍ଜିତଃ ॥ ୧୦୦ ॥

ଆକାଶେନ ଵିହୀନଶ୍ଚ ଵାୟୁନା ପରିଵର୍ଜିତଃ ।
ଅଗ୍ନିନା ଚ ଵିହୀନଶ୍ଚ ଉଦକେନ ଵିଵର୍ଜିତଃ ॥ ୧୦୧ ॥

ପୃଥିଵ୍ୟା ଚ ଵିହୀନଶ୍ଚ ଶବ୍ଦେନ ଚ ଵିଵର୍ଜିତଃ ।
ସ୍ପର୍ଶେନ ଚ ଵିହୀନଶ୍ଚ ସର୍ଵରୂପଵିଵର୍ଜିତଃ (୬୨୦) ॥ ୧୦୨ ॥

ରାଗେଣ ଵିଗତଶ୍ଚୈଵ ଅଘେନ ପରିଵର୍ଜିତଃ ।
ଶୋକେନ ରହିତଶ୍ଚୈଵ ଵଚସା ପରିଵର୍ଜିତଃ ॥ ୧୦୩ ॥

ରଜୋଵିଵର୍ଜିତଶ୍ଚୈଵ ଵିକାରୈଃ ଷଡ୍ଭିରେଵ ଚ ।
କାମେନ ଵର୍ଜିତଶ୍ଚୈଵ କ୍ରୋଧେନ ପରିଵର୍ଜିତଃ ॥ ୧୦୪ ॥

ଲୋଭେନ ଵିଗତଶ୍ଚୈଵ ଦମ୍ଭେନ ଚ ଵିଵର୍ଜିତଃ ।
ସୂକ୍ଷ୍ମଶ୍ଚୈଵ (୬୩୦) ସୁସୂକ୍ଷ୍ମଶ୍ଚ ସ୍ଥୂଲାତ୍ସ୍ଥୂଲତରସ୍ତଥା ॥ ୧୦୫ ॥

ଵିଶାରଦୋ ବଲାଧ୍ୟକ୍ଷଃ ସର୍ଵସ୍ୟ କ୍ଷୋଭକସ୍ତଥା ।
ପ୍ରକୃତେଃ କ୍ଷୋଭକଶ୍ଚୈଵ ମହତଃ କ୍ଷୋଭକସ୍ତଥା ॥ ୧୦୬ ॥

ଭୂତାନାଂ କ୍ଷୋଭକଶ୍ଚୈଵ ବୁଦ୍ଧେଶ୍ଚ କ୍ଷୋଭକସ୍ତଥା ।
ଇନ୍ଦ୍ରିୟାଣାଂ କ୍ଷୋଭକଶ୍ଚ (୬୪୦) ଵିଷୟକ୍ଷୋଭକସ୍ତଥା ॥ ୧୦୭ ॥

ବ୍ରହ୍ମଣଃ କ୍ଷୋଭକଶ୍ଚୈଵ ରୁଦ୍ରସ୍ୟ କ୍ଷୋଭକସ୍ତଥା ।
ଅଗମ୍ୟଶ୍ଚକ୍ଷୁରାଦେଶ୍ଚ ଶ୍ରୋତ୍ରାଗମ୍ୟସ୍ତଥୈଵ ଚ ॥ ୧୦୮ ॥

ତ୍ଵଚା ନ ଗମ୍ୟଃ କୂର୍ମଶ୍ଚ ଜିହ୍ଵାଗ୍ରାହ୍ୟସ୍ତଥୈଵ ଚ ।
ଘ୍ରାଣେନ୍ଦ୍ରିୟାଗମ୍ୟ ଏଵ ଵାଚାଗ୍ରାହ୍ୟସ୍ତଥୈଵ ଚ (୬୫୦) ॥ ୧୦୯ ॥

ଅଗମ୍ୟଶ୍ଚୈଵ ପାଣିଭ୍ୟାଂ ପଦାଗମ୍ୟସ୍ତଥୈଵ ଚ । var ପାଦାଗମ୍ୟ
ଅଗ୍ରାହ୍ୟୋ ମନସଶ୍ଚୈଵ ବୁଦ୍ଧ୍ୟା ଗ୍ରାହ୍ୟୋ ହରିସ୍ତଥା ॥ ୧୧୦ ॥

ଅହମ୍ବୁଦ୍ଧ୍ୟା ତଥା ଗ୍ରାହ୍ୟଶ୍ଚେତସା ଗ୍ରାହ୍ୟ ଏଵ ଚ ।
ଶଙ୍ଖପାଣିରଵ୍ୟୟଶ୍ଚ ଗଦାପାଣିସ୍ତଥୈଵ ଚ (୬୬୦) ॥ ୧୧୧ ॥

ଶାର୍ଙ୍ଗପାଣିଶ୍ଚ କୃଷ୍ଣଶ୍ଚ ଜ୍ଞାନମୂର୍ତିଃ ପରନ୍ତପଃ ।
ତପସ୍ଵୀ ଜ୍ଞାନଗମ୍ୟୋ ହି ଜ୍ଞାନୀ ଜ୍ଞାନଵିଦେଵ ଚ ॥ ୧୧୨ ॥

ଜ୍ଞେୟଶ୍ଚ ଜ୍ଞେୟହୀନଶ୍ଚ (୬୭୦) ଜ୍ଞପ୍ତିଶ୍ଚୈତନ୍ୟରୂପକଃ ।
ଭାଵୋ ଭାଵ୍ୟୋ ଭଵକରୋ ଭାଵନୋ ଭଵନାଶନଃ ॥ ୧୧୩ ॥

ଗୋଵିନ୍ଦୋ ଗୋପତିର୍ଗୋପଃ (୬୮୦) ସର୍ଵଗୋପୀସୁଖପ୍ରଦଃ ।
ଗୋପାଲୋ ଗୋଗତିଶ୍ଚୈଵ ଗୋମତିର୍ଗୋଧରସ୍ତଥା ॥ ୧୧୪ ॥ var ଗୋପତି
ଉପେନ୍ଦ୍ରଶ୍ଚ ନୃସିଂହଶ୍ଚ ଶୌରିଶ୍ଚୈଵ ଜନାର୍ଦନଃ ।
ଆରଣେୟୋ (୬୯୦) ବୃହଦ୍ଭାନୁର୍ବୃହଦ୍ଦୀପ୍ତିସ୍ତଥୈଵ ଚ ॥ ୧୧୫ ॥

ଦାମୋଦରସ୍ତ୍ରିକାଲଶ୍ଚ କାଲଜ୍ଞଃ କାଲଵର୍ଜିତଃ ।
ତ୍ରିସନ୍ଧ୍ୟୋ ଦ୍ଵାପରଂ ତ୍ରେତା ପ୍ରଜାଦ୍ଵାରଂ (୭୦୦) ତ୍ରିଵିକ୍ରମଃ ॥ ୧୧୬ ॥

ଵିକ୍ରମୋ ଦଣ୍ଡହସ୍ତଶ୍ଚ ହ୍ୟେକଦଣ୍ଡୀ ତ୍ରିଦଣ୍ଡଧୃକ୍ । var ଦରହସ୍ତଶ୍ଚ
ସାମଭେଦସ୍ତଥୋପାୟଃ ସାମରୂପୀ ଚ ସାମଗଃ ॥ ୧୧୭ ॥

ସାମଵେଦୋଃ (୭୧୦) ହ୍ୟଥର୍ଵଶ୍ଚ ସୁକୃତଃ ସୁଖରୂପକଃ ।
ଅଥର୍ଵଵେଦଵିଚ୍ଚୈଵ ହ୍ୟଥର୍ଵାଚାର୍ୟ ଏଵ ଚ ॥ ୧୧୮ ॥

ଋଗ୍ରୂପୀ ଚୈଵ ଋଗ୍ଵେଦଃ ଋଗ୍ଵେଦେଷୁ ପ୍ରତିଷ୍ଠିତଃ ।
ୟଜୁର୍ଵେତ୍ତା ୟଜୁର୍ଵେଦୋ (୭୨୦) ୟଜୁର୍ଵେଦଵିଦେକପାତ୍ ॥ ୧୧୯ ॥

ବହୁପାଚ୍ଚ ସୁପାଚ୍ଚୈଵ ତଥୈଵ ଚ ସହସ୍ରପାତ୍ ।
ଚତୁଷ୍ପାଚ୍ଚ ଦ୍ଵିପାଚ୍ଚୈଵ ସ୍ମୃତିର୍ନ୍ୟାୟୋ ୟମୋ ବଲୀ (୭୩୦) ॥ ୧୨୦ ॥

ସନ୍ନ୍ୟାସୀ ଚୈଵ ସନ୍ନ୍ୟାସଶ୍ଚତୁରାଶ୍ରମ ଏଵ ଚ ।
ବ୍ରହ୍ମଚାରୀ ଗୃହସ୍ଥଶ୍ଚ ଵାନପ୍ରସ୍ଥଶ୍ଚ ଭିକ୍ଷୁକଃ ॥ ୧୨୧ ॥

ବ୍ରାହ୍ମଣଃ କ୍ଷତ୍ରିୟୋ ଵୈଶ୍ୟଃ (୭୪୦) ଶୂଦ୍ରୋ ଵର୍ଣସ୍ତଥୈଵ ଚ ।
ଶୀଲଦଃ ଶୀଲସମ୍ପନ୍ନୋ ଦୁଃଶୀଲପରିଵର୍ଜିତଃ ॥ ୧୨୨ ॥

ମୋକ୍ଷୋଽଧ୍ୟାତ୍ମସମାଵିଷ୍ଟଃ ସ୍ତୁତିଃ ସ୍ତୋତା ଚ ପୂଜକଃ ।
ପୂଜ୍ୟୋ (୭୫୦) ଵାକ୍କରଣଂ ଚୈଵ ଵାଚ୍ୟଶ୍ଚୈଵ ତୁ ଵାଚକଃ ॥ ୧୨୩ ॥

ଵେତ୍ତା ଵ୍ୟାକରଣଶ୍ଚୈଵ ଵାକ୍ୟଂ ଚୈଵ ଚ ଵାକ୍ୟଵିତ୍ ।
ଵାକ୍ୟଗମ୍ୟସ୍ତୀର୍ଥଵାସୀ (୭୬୦) ତୀର୍ଥସ୍ତୀର୍ଥୀ ଚ ତୀର୍ଥଵିତ୍ ॥ ୧୨୪ ॥

ତୀର୍ଥାଦିଭୂତଃ ସାଙ୍ଖ୍ୟଶ୍ଚ ନିରୁକ୍ତଂ ତ୍ଵଧିଦୈଵତମ୍ ।
ପ୍ରଣଵଃ ପ୍ରଣଵେଶଶ୍ଚ ପ୍ରଣଵେନ ପ୍ରଵନ୍ଦିତଃ (୭୭୦) ॥ ୧୨୫ ॥

ପ୍ରଣଵେନ ଚ ଲକ୍ଷ୍ୟୋ ଵୈ ଗାୟତ୍ରୀ ଚ ଗଦାଧରଃ ।
ଶାଲଗ୍ରାମନିଵାସୀ ଚ (୭୮୦) ଶାଲଗ୍ରାମସ୍ତଥୈଵ ଚ ॥ ୧୨୬ ॥

ଜଲଶାୟୀ ୟୋଗଶାୟୀ ଶେଷଶାୟୀ କୁଶେଶୟଃ ।
ମହୀଭର୍ତା ଚ (୭୯୦) କାର୍ୟଂ ଚ କାରଣଂ ପୃଥିଵୀଧରଃ ॥ ୧୨୭ ॥

ପ୍ରଜାପତିଃ ଶାଶ୍ଵତଶ୍ଚ କାମ୍ୟଃ କାମୟିତା ଵିରାଟ୍ ।
ସମ୍ରାଟ୍ପୂଷା (୮୦୦) ତଥା ସ୍ଵର୍ଗୋ ରଥସ୍ଥଃ ସାରଥିର୍ବଲମ୍ ॥ ୧୨୮ ॥

ଧନୀ ଧନପ୍ରଦୋ ଧନ୍ୟୋ ୟାଦଵାନାଂ ହିତେ ରତଃ ।
ଅର୍ଜୁନସ୍ୟ ପ୍ରିୟଶ୍ଚୈଵ ହ୍ୟର୍ଜୁନୋ (୮୧୦) ଭୀମ ଏଵ ଚ ॥ ୧୨୯ ॥

ପରାକ୍ରମୋ ଦୁର୍ଵିଷହଃ ସର୍ଵଶାସ୍ତ୍ରଵିଶାରଦଃ ।
ସାରସ୍ଵତୋ ମହାଭୀଷ୍ମଃ ପାରିଜାତହରସ୍ତଥା ॥ ୧୩୦ ॥

ଅମୃତସ୍ୟ ପ୍ରଦାତା ଚ କ୍ଷୀରୋଦଃ କ୍ଷୀରମେଵ ଚ (୮୨୦) ।
ଇନ୍ଦ୍ରାତ୍ମଜସ୍ତସ୍ୟ ଗୋପ୍ତା ଗୋଵର୍ଧନଧରସ୍ତଥା ॥ ୧୩୧ ॥

କଂସସ୍ୟ ନାଶନସ୍ତଦ୍ଵଦ୍ଧସ୍ତିପୋ ହସ୍ତିନାଶନଃ ।
ଶିପିଵିଷ୍ଟଃ ପ୍ରସନ୍ନଶ୍ଚ ସର୍ଵଲୋକାର୍ତିନାଶନଃ ॥ ୧୩୨ ॥

ମୁଦ୍ରୋ (୮୩୦) ମୁଦ୍ରାକରଶ୍ଚୈଵ ସର୍ଵମୁଦ୍ରାଵିଵର୍ଜିତଃ ।
ଦେହୀ ଦେହସ୍ଥିତଶ୍ଚୈଵ ଦେହସ୍ୟ ଚ ନିୟାମକଃ ॥ ୧୩୩ ॥

ଶ୍ରୋତା ଶ୍ରୋତ୍ରନିୟନ୍ତା ଚ ଶ୍ରୋତଵ୍ୟଃ ଶ୍ରଵଣସ୍ତଥା ।
ତ୍ଵକ୍ସ୍ଥିତଶ୍ଚ (୮୪୦) ସ୍ପର୍ଶୟିତା ସ୍ପୃଶ୍ୟଂ ଚ ସ୍ପର୍ଶନଂ ତଥା ॥ ୧୩୪ ॥

ରୂପଦ୍ରଷ୍ଟା ଚ ଚକ୍ଷୁଃସ୍ଥୋ ନିୟନ୍ତା ଚକ୍ଷୁଷସ୍ତଥା ।
ଦୃଶ୍ୟଂ ଚୈଵ ତୁ ଜିହ୍ଵାସ୍ଥୋ ରସଜ୍ଞଶ୍ଚ ନିୟାମକଃ (୮୫୦) ॥ ୧୩୫ ॥

ଘ୍ରାଣସ୍ଥୋ ଘ୍ରାଣକୃଦ୍ଘ୍ରାତା ଘ୍ରାଣେନ୍ଦ୍ରିୟନିୟାମକଃ ।
ଵାକ୍ସ୍ଥୋ ଵକ୍ତା ଚ ଵକ୍ତଵ୍ୟୋ ଵଚନଂ ଵାଙ୍ନିୟାମକଃ ॥ ୧୩୬ ॥

ପ୍ରାଣିସ୍ଥଃ (୮୬୦) ଶିଲ୍ପକୃଚ୍ଛିଲ୍ପୋ ହସ୍ତୟୋଶ୍ଚ ନିୟାମକଃ ।
ପଦଵ୍ୟଶ୍ଚୈଵ ଗନ୍ତା ଚ ଗନ୍ତଵ୍ୟଂ ଗମନଂ ତଥା ॥ ୧୩୭ ॥

ନିୟନ୍ତା ପାଦୟୋଶ୍ଚୈଵ ପାଦ୍ୟଭାକ୍ଚ ଵିସର୍ଗକୃତ୍ (୮୭୦) ।
ଵିସର୍ଗସ୍ୟ ନିୟନ୍ତା ଚ ହ୍ୟୁପସ୍ଥସ୍ଥଃ ସୁଖସ୍ତଥା ॥ ୧୩୮ ॥

ଉପସ୍ଥସ୍ୟ ନିୟନ୍ତା ଚ ତଦାନନ୍ଦକରଶ୍ଚ ହ ।
ଶତ୍ରୁଘ୍ନଃ କାର୍ତଵୀର୍ୟଶ୍ଚ ଦତ୍ତାତ୍ରେୟସ୍ତଥୈଵ ଚ ॥ ୧୩୯ ॥

ଅଲର୍କସ୍ୟ ହିତଶ୍ଚୈଵ କାର୍ତଵୀର୍ୟନିକୃନ୍ତନଃ (୮୮୦) ।
କାଲନେମିର୍ମହାନେମିର୍ମେଘୋ ମେଘପତିସ୍ତଥା ॥ ୧୪୦ ॥

ଅନ୍ନପ୍ରଦୋଽନ୍ନରୂପୀ ଚ ହ୍ୟନ୍ନାଦୋଽନ୍ନପ୍ରଵର୍ତକଃ ।
ଧୂମକୃଦ୍ଧୂମରୂପଶ୍ଚ (୮୯୦) ଦେଵକୀପୁତ୍ର ଉତ୍ତମଃ ॥ ୧୪୧ ॥

ଦେଵକ୍ୟା ନନ୍ଦନୋ ନନ୍ଦୋ ରୋହିଣ୍ୟାଃ ପ୍ରିୟ ଏଵ ଚ ।
ଵସୁଦେଵପ୍ରିୟଶ୍ଚୈଵ ଵସୁଦେଵସୁତସ୍ତଥା ॥ ୧୪୨ ॥

ଦୁନ୍ଦୁଭିର୍ହାସରୂପଶ୍ଚ ପୁଷ୍ପହାସସ୍ତଥୈଵ ଚ (୯୦୦) ।
ଅଟ୍ଟହାସପ୍ରିୟଶ୍ଚୈଵ ସର୍ଵାଧ୍ୟକ୍ଷଃ କ୍ଷରୋଽକ୍ଷରଃ ॥ ୧୪୩ ॥

ଅଚ୍ୟୁତଶ୍ଚୈଵ ସତ୍ୟେଶଃ ସତ୍ୟାୟାଶ୍ଚ ପ୍ରିୟୋ ଵରଃ ।
ରୁକ୍ମିଣ୍ୟାଶ୍ଚ ପତିଶ୍ଚୈଵ ରୁକ୍ମିଣ୍ୟା ଵଲ୍ଲଭସ୍ତଥା ॥ ୧୪୪ ॥

ଗୋପୀନାଂ ଵଲ୍ଲଭଶ୍ଚୈଵ (୯୧୦) ପୁଣ୍ୟଶ୍ଲୋକଶ୍ଚ ଵିଶ୍ରୁତଃ ।
ଵୃଷାକପିର୍ୟମୋ ଗୁହ୍ୟୋ ମଙ୍ଗଲଶ୍ଚ ବୁଧସ୍ତଥା ॥ ୧୪୫ ॥

ରାହୁଃ କେତୁର୍ଗ୍ରହୋ ଗ୍ରାହୋ (୯୨୦) ଗଜେନ୍ଦ୍ରମୁଖମେଲକଃ ।
ଗ୍ରାହସ୍ୟ ଵିନିହନ୍ତା ଚ ଗ୍ରାମୀଣୀ ରକ୍ଷକସ୍ତଥା ॥ ୧୪୬ ॥

କିନ୍ନରଶ୍ଚୈଵ ସିଦ୍ଧଶ୍ଚ ଛନ୍ଦଃ ସ୍ଵଚ୍ଛନ୍ଦ ଏଵ ଚ ।
ଵିଶ୍ଵରୂପୋ ଵିଶାଲାକ୍ଷୋ (୯୩୦) ଦୈତ୍ୟସୂଦନ ଏଵ ଚ ॥ ୧୪୭ ॥

ଅନନ୍ତରୂପୋ ଭୂତସ୍ଥୋ ଦେଵଦାନଵସଂସ୍ଥିତଃ ।
ସୁଷୁପ୍ତିସ୍ଥଃ ସୁଷୁପ୍ତିଶ୍ଚ ସ୍ଥାନଂ ସ୍ଥାନାନ୍ତ ଏଵ ଚ ॥ ୧୪୮ ॥

ଜଗତ୍ସ୍ଥଶ୍ଚୈଵ ଜାଗର୍ତା ସ୍ଥାନଂ ଜାଗରିତଂ ତଥା (୯୪୦) ।
ସ୍ଵପ୍ନସ୍ଥଃ ସ୍ଵପ୍ନଵିତ୍ସ୍ଵପ୍ନସ୍ଥାନଂ ସ୍ଵପ୍ନସ୍ତଥୈଵ ଚ ॥ ୧୪୯ ॥

var ସ୍ଵପ୍ନସ୍ଥଃ ସ୍ଵପ୍ନଵିତ୍ସ୍ଵପ୍ନଂ ସ୍ଥାନସ୍ଥଃ ସୁସ୍ଥ ଏଵ ଚ
ଜାଗ୍ରତ୍ସ୍ଵପ୍ନସୁଷୁପ୍ତେଶ୍ଚ ଵିହୀନୋ ଵୈ ଚତୁର୍ଥକଃ ।
ଵିଜ୍ଞାନଂ ଵେଦ୍ୟରୂପଂ ଚ ଜୀଵୋ ଜୀଵୟିତା ତଥା (୯୫୦) ॥ ୧୫୦ ॥ var ଚୈତ୍ରରୂପଶ୍ଚ
ଭୁଵନାଧିପତିଶ୍ଚୈଵ ଭୁଵନାନାଂ ନିୟାମକଃ ।
ପାତାଲଵାସୀ ପାତାଲଂ ସର୍ଵଜ୍ଵରଵିନାଶନଃ ॥ ୧୫୧ ॥

ପରମାନନ୍ଦରୂପୀ ଚ ଧର୍ମାଣାଂ ଚ ପ୍ରଵର୍ତକଃ ।
ସୁଲଭୋ ଦୁର୍ଲଭଶ୍ଚୈଵ ପ୍ରାଣାୟାମପରସ୍ତଥା (୯୬୦) ॥ ୧୫୨ ॥

ପ୍ରତ୍ୟାହାରୋ ଧାରକଶ୍ଚ ପ୍ରତ୍ୟାହାରକରସ୍ତଥା ।
ପ୍ରଭା କାନ୍ତିସ୍ତଥା ହ୍ୟର୍ଚିଃ ଶୁଦ୍ଧସ୍ଫଟିକସନ୍ନିଭଃ ॥ ୧୫୩ ॥

ଅଗ୍ରାହ୍ୟଶ୍ଚୈଵ ଗୌରଶ୍ଚ ସର୍ଵଃ (୯୭୦) ଶୁଚିରଭିଷ୍ଟୁତଃ ।
ଵଷଟ୍କାରୋ ଵଷଡ୍ଵୌଷଟ୍ସ୍ଵଧା ସ୍ଵାହା ରତିସ୍ତଥା ॥ ୧୫୪ ॥

ପକ୍ତା ନନ୍ଦୟିତା (୯୮୦) ଭୋକ୍ତା ବୋଦ୍ଧା ଭାଵୟିତା ତଥା ।
ଜ୍ଞାନାତ୍ମା ଚୈଵ ଦେହାତ୍ମା ଭୂମା ସର୍ଵେଶ୍ଵରେଶ୍ଵରଃ ॥ ୧୫୫ ॥ var ଊହାତ୍ମା
ନଦୀ ନନ୍ଦୀ ଚ ନନ୍ଦୀଶୋ (୯୯୦) ଭାରତସ୍ତରୁନାଶନଃ ।
ଚକ୍ରପଃ ଶ୍ରୀପତିଶ୍ଚୈଵ ନୃପାଣାଂ ଚକ୍ରଵର୍ତିନାମ୍ ॥ ୧୫୬ ॥ var ନୃପଶ୍ଚ
ଈଶଶ୍ଚ ସର୍ଵଦେଵାନାଂ ଦ୍ଵାରକାସଂସ୍ଥିତସ୍ତଥା । var ସ୍ଵାଵକାଶଂ ସ୍ଥିତ
ପୁଷ୍କରଃ ପୁଷ୍କରାଧ୍ୟକ୍ଷଃ ପୁଷ୍କରଦ୍ଵୀପ ଏଵ ଚ (୧୦୦୦) ॥ ୧୫୭ ॥

ଭରତୋ ଜନକୋ ଜନ୍ୟଃ ସର୍ଵାକାରଵିଵର୍ଜିତଃ ।
ନିରାକାରୋ ନିର୍ନିମିତ୍ତୋ ନିରାତଙ୍କୋ ନିରାଶ୍ରୟଃ (୧୦୦୮) ॥ ୧୫୮ ॥

ଇତି ନାମସହସ୍ରଂ ତେ ଵୃଷଭଧ୍ଵଜ କୀର୍ତିତମ୍ ।
ଦେଵସ୍ୟ ଵିଷ୍ଣୋରୀଶସ୍ୟ ସର୍ଵପାପଵିନାଶନମ୍ ॥ ୧୫୯ ॥

ପଠନ୍ଦ୍ଵିଜଶ୍ଚ ଵିଷ୍ଣୁତ୍ଵଂ କ୍ଷତ୍ରିୟୋ ଜୟମାପ୍ନୁୟାତ୍ ।
ଵୈଶ୍ୟୋ ଧନଂ ସୁଖଂ ଶୂଦ୍ରୋ ଵିଷ୍ଣୁଭକ୍ତିସମନ୍ଵିତଃ ॥ ୧୬୦ ॥

ଇତି ଶ୍ରୀଗାରୁଡେ ମହାପୁରାଣେ ପୂର୍ଵଖଣ୍ଡେ ପ୍ରଥମାଂଶାଖ୍ୟେ ଆଚାରକାଣ୍ଡେ
ଶ୍ରୀଵିଷ୍ଣୁସହସ୍ରନାମସ୍ତୋତ୍ରନିରୂପଣଂ ନାମ ପଞ୍ଚଦଶୋଽଧ୍ୟାୟଃ ॥

Also Read 1000 Names of Vishnu from Garuda Purana:

1000 Names of Sri Vishnu | Sahasranama Stotram from Garuda Purana Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

Add Comment

Click here to post a comment