Templesinindiainfo

Best Spiritual Website

1000 Names of Sri Vitthala | Sahasranama Stotram Lyrics in Malayalam

Shri Vitthala Sahasranamastotram Lyrics in Malayalam:

॥ ശ്രീവിഠ്ഠസഹസ്രനാമസ്തോത്രം ॥

ശൌനക ഉവാച-
സൂത വേദാര്‍ഥതത്വജ്ഞ ശ്രുതം സര്‍വം ഭവന്‍മുരവാത് ।
തഥാപി ശ്രോതുമിച്ഛാമി തീര്‍ഥം ക്ഷേത്രഞ്ച ദൈവതം ॥ 1 ॥

സ്തോത്രം ച ജഗതാം പൂജ്യ മൂഢാനാമപി മോക്ഷദം ।
സ്നാനാദ്ദര്‍ശനതഃ സ്മൃത്യാ പാഠമാത്രാച്ഛുഭപ്രദം ॥ 2 ॥

സൂത ഉവാച-
സ്മാരിതോഽഹം ഹരേസ്തീര്‍ഥം സ്തോത്രം ക്ഷേത്രം ച ദൈവതം ।
സ ക്ഷണഃ സഫലോ യത്ര സ്മര്യതേ മധുസൂദനഃ ॥ 3 ॥

കയാപി വൃത്യാ വിപ്രേന്ദ്ര തത്സര്‍വം കഥയാമി തേ ।
ജനം കലിമലാക്രാന്തം ദൃഷ്ട്വാ വിഷയലാലസം ॥ 4 ॥

ജ്ഞാനാനധികൃതം കര്‍മവിഹീനം ഭക്തവത്സലഃ ।
ചന്ദ്രഭാഗാസരസ്തീരേ പിതൃഭക്തിപരം ദ്വിജം ॥ 5 ॥

പുണ്ഡരീകാഭിധേ ക്ഷേത്രേ ഭീമയാഽഽപ്ലാവിതേ തതഃ ।
പുണ്ഡരീകാഭിധം ശാന്തം നിമിത്തീകൃത്യ മാധവഃ ॥ 6 ॥

ആവിരാസീത്സമുദ്ധര്‍തും ജനം കലിമലാകുലം ।
തത്തീര്‍ഥം ചന്ദ്രഭാഗാഖ്യം സ്നാനമാത്രേണ മോക്ഷദം ॥ 7 ॥

തത്ക്ഷേത്രം പാണ്ഡുരങ്ഗാഖ്യം ദര്‍ശനാന്‍മോക്ഷദായകം ।
തദ്ദൈവതം വിഠ്ഠലാഖ്യം ജഗത്കാരണമവ്യയം ॥ 8 ॥

സ്ഥിതിപ്രലയയോര്‍ഹേതും ഭക്താനുഗ്രഹവിഗ്രഹം ।
സത്യജ്ഞാനാനന്ദമയം സ്ഥാനജ്ഞാനാദി യദ്വിദാ ॥ 9 ॥

യന്നാമസ്മരണാദേവ കാമാക്രാന്തോഽപി സന്തരേത് ।
പുണ്ഡരീകേണ മുനിനാ പ്രാപ്തം തദ്ദര്‍ശനേന യത് ॥ 10 ॥

ശൌനക ഉവാച-
സഹസ്രനാമഭിഃ സ്തോത്രം കൃതം വേദവിദുത്തമ ।
സകൃത്പഠനമാത്രേണ കാമിതാര്‍ഥശ്രുതപ്രദം ॥ 11 ॥

തീര്‍ഥം ക്ഷേത്രം ദൈവതം ച ത്വത്പ്രസാദാച്ഛ്തുതം മയാ ।
ഇദാനീം ശ്രോതുമിച്ഛാമി സ്തോത്രം തവ മുഖാംബുജാത് ॥ 12 ॥

സച്ചിത്സുഖസ്വരൂപോഽപി ഭക്താനുഗ്രഹഹേതവേ ।
കീദൃശം ധൃതവാന്‍ രൂപം കൃപയാഽഽചക്ഷ്വ തന്‍മമ ॥ 13 ॥

സൂത ഉവാച-
ശൃണുഷ്വാവഹിതോ ബ്രഹ്മന്‍ഭഗവദ്ധ്യാനപൂര്‍വകം ।
സഹസ്രനാമസന്‍മന്ത്രം സര്‍വമന്ത്രോത്തമോത്തമം ॥ 14 ॥

അഥ ശ്രീവിഠ്ഠലസഹസ്രനാമസ്തോത്രമന്ത്രസ്യ ശ്രീപുണ്ഡരീക ഋഷിഃ ।
ശ്രീഗുരുഃ പരമാത്മാ ശ്രീവിഠ്ഠലോ ദേവതാ ।
അനുഷ്ടുപ് ഛന്ദഃ । പുണ്ഡരീകവരപ്രദ ഇതി ബീജം ।
രുക്മിണീശോ രമാപതിരിതി ശക്തിഃ । പാണ്ഡുരങ്ഗേശ ഇതി കീലകം ।
ശ്രീ വിഠ്ഠലപ്രീത്യര്‍ഥം വിഠ്ഠലസഹസ്രനാമസ്തോത്രമന്ത്രജപേ വിനിയോഗഃ ।

ഓം പുണ്ഡരീക വരപ്രദ ഇതി അങ്ഗുഷ്ഠാഭ്യാം നപഃ ।
ഓം വിഠ്ഠലഃ പാണ്ഡുരങ്ഗേശ ഇതി തര്‍ജനീഭ്യാം നമഃ ।
ഓം ചന്ദ്രഭാഗാസരോവാസ ഇതി മധ്യമാഭ്യാം നമഃ ।
ഓം വജ്രീ ശക്തിര്‍ദണ്ഡധര ഇതി അനാമികാഭ്യാം നമഃ ।
ഓം കലവംശരവാക്രാന്ത ഇതി കനിഷ്ഠികാഭ്യാം നമഃ ।
ഓം ഏനോഽന്തകൃന്നാമധ്യേയ ഇതി കരതലകരപൃഷ്ഠാഭ്യാം നമഃ ॥

ഏവം ഹൃദയാദിന്യാസഃ ।
ഓം പുണ്ഡരീക വരപ്രദ ഇതി ഹൃദയായ നമഃ ।
ഓം ചന്ദ്രഭാഗാസരോവാസ ഇതി ശിരസേ സ്വാഹാ ।
ഓം വജ്രീ ശക്തിര്‍ദണ്ഡധര ഇതി ശിഖായൈ വഷട് ।
ഓം കലവംശരവാക്രാന്ത ഇതി കവചായ ഹും ।
ഓം ഏനോഽന്തകൃന്നാമധ്യേയ ഇതി നേത്രത്രയായ വൌഷട് ।
ഓം ഏനോഽന്തകൃന്നാമധ്യേയ ഇതി അസ്ത്രായ ഫട് ॥

ഇതി ദിഗ്ബന്ധഃ ।
ധ്യാനം –

ഇഷ്ടികായാം സമപദം തിഷ്ഠന്തം പുരുഷോത്തമം ।
ജങ്ഘജസ്ഥകരദ്വന്ദ്വം ക്ഷുല്ലകാദാമഭൂഷണം ॥ 15 ॥

സവ്യാസവ്യകരോദ്ഭാസിപദ്മശങ്ഖവിഭൂഷിതം ।
ദരഹാസസ്മേരമുഖം ശിക്യസ്കന്ധം ദിഗംബരം ॥ 16 ॥

സര്‍വാലങ്കാരസംയുക്തം ബ്രഹ്മാദിഗണസേവിതം ।
ജ്ഞാനാനന്ദമയം ദേവം ധ്യായാമി ഹൃദി വിഠ്ഠലം ॥ 17 ॥

അഥ സ്തോത്രം ।
ക്ലീം വിഠ്ഠലഃ പാണ്ഡുരങ്ഗേശ ഈശഃ ശ്രീശോ വിശേഷജിത് ।
ശേഷശായീ ശംഭുവന്ദ്യഃ ശരണ്യഃ ശങ്കരപ്രിയഃ ॥ 1 ॥

ചന്ദ്രഭാഗാസരോവാസഃ കോടിചന്ദ്രപ്രഭാസ്മിതഃ ।
വിധാധൃസൂചിതഃ സര്‍വപ്രമാണാതീത അവ്യയഃ ॥ 2 ॥

പുണ്ഡരീകസ്തുതോ വന്ദ്യോ ഭക്തചിത്തപ്രസാദകഃ ।
സ്വധര്‍മനിരതഃ പ്രീതോ ഗോഗോപീപരിവാരിതഃ ॥ 3 ॥

ഗോപികാശതനീരാജ്യഃ പുലിനാക്രീഡ ആത്മഭൂഃ ।
ആത്മാഽഽത്മാരാമ ആത്മസ്ഥഃ ആത്മാരാമനിഷേവിതഃ ॥ 4 ॥

സച്ചിത്സുഖം മഹാമായീ മഹദവ്യക്തമദ്ഭുതഃ ।
സ്ഥൂലരൂപഃ സൂക്ഷ്മരൂപഃ കാരണം പരമഞ്ജനം ॥ 5 ॥

മഹാകാരണമാധാരഃ അധിഷ്ഠാനം പ്രകാശകഃ ।
കഞ്ജപാദോ രക്തനഖോ രക്തപാദതലഃ പ്രഭുഃ ॥ 6 ॥

സാംരാജ്യചിഹ്നിതപദോ നീലഗുല്‍ഫഃ സുജങ്ഘകഃ ।
സജ്ജാനുഃ കദലീസ്തംഭനിഭോരുരുരുവിക്രമഃ ॥ 7 ॥

പീതാംബരാവൃതകടിഃ ക്ഷുല്ലകാദാമഭൂഷണഃ ।
കടിവിന്യസ്തഹസ്താബ്ജഃ ശങ്ഖീ പദ്മവിഭൂഷിതഃ ॥ 8 ॥

ഗംഭീരനാഭിര്‍ബ്രഹ്മാധിഷ്ഠിതനാഭിസരോരുഹഃ ।
ത്രിവലീമണ്ഡിതോദാരോദരോമാവലിമാലിനഃ ॥ 9 ॥

കപാടവക്ഷാഃ ശ്രീവത്സഭൂഷിതോരാഃ കൃപാകരഃ ।
വനമാലീ കംബുകണ്ഠഃ സുസ്വരഃ സാമലാലസഃ ॥ 10 ॥

കഞ്ജവക്ത്രഃ ശ്മശ്രുഹീനചുബുകോ വേദജിഹ്വകഃ ।
ദാഡിമീബീജസദൃശരദോ രക്താധരോ വിഭുഃ ॥ 11 ॥

നാസാമുക്താപാടലിതാധരച്ഛവിരരിന്ദമഃ ।
ശുകനാസഃ കഞ്ജനേത്രഃ കുണ്ഡലാക്രമിതാംസകഃ ॥ 12 ॥

മഹാബാഹുര്‍ഘനഭുജഃ കേയൂരാങ്ഗദമണ്ഡിതഃ ।
രത്നഭൂഷിതഭൂഷാഢ്യമണിബന്ധഃ സുഭൂഷണഃ ॥ 13 ॥

രക്തപാണിതലഃ സ്വങ്ഗഃ സന്‍മുദ്രാമണ്ഡിതാങ്ഗുലിഃ ।
നഖപ്രഭാരഞ്ജിതാബ്ജഃ സര്‍വസൌന്ദര്യമണ്ഡിതഃ ॥ 14 ॥

സുഭ്രൂരര്‍ധശശിപ്രഖ്യലലാടഃ കാമരൂപധൃക് ।
കുങ്കുമാങ്കിതസദ്ഭാലഃ സുകേശോ ബര്‍ഹഭൂഷണഃ ॥ 15 ॥

കിരീടഭാവ്യാപ്തനഭോ വികലീകൃതഭാസ്കരഃ ।
വനമാലീ പതിവാസാഃ ശാര്‍ങ്ഗചാപോഽസുരാന്തകഃ ॥ 16 ॥

ദര്‍പാപഹഃ കംസഹന്താ ചാണൂരമുരമര്‍ദനഃ ।
വേണുവാദനസന്തുഷ്ടോ ദധ്യന്നാസ്വാദലോലുപഃ ॥ 17 ॥

ജിതാരിഃ കാമജനകഃ കാമഹാ കാമപൂരകഃ ।
വിക്രോധോ ദാരിതാമിത്രോ ഭൂര്‍ഭുവഃസുവരാദിരാട് ॥ 18 ॥

അനാദിരജനിര്‍ജന്യജനകോ ജാഹ്നവീപദഃ ।
ബഹുജന്‍മാ ജാമദഗ്ന്യഃ സഹസ്രഭുജഖണ്ഡനഃ ॥ 99 ॥

കോദണ്ഡധാരീ ജനകപൂജിതഃ കമലാപ്രിയഃ ।
പുണ്ഡരീകഭവദ്വേഷീ പുണ്ഡരീകഭവപ്രിയഃ ॥ 20 ॥

പുണ്ഡരീകസ്തുതിരസഃ സദ്ഭക്തപരിപാലകഃ ।
സുഷുമാലാസങ്ഗമസ്ഥോ ഗോഗോപീചിത്തരഞ്ജനഃ ॥ 21 ॥

ഇഷ്ടികാസ്ഥോ ഭക്തവശ്യസ്ത്രിമൂര്‍തിര്‍ഭക്തവത്സലഃ ।
ലീലാകൃതജഗദ്ധാമാ ജഗത്പാലോ ഹരോ വിരാട് ॥ 22 ॥

അശ്വത്ഥപദ്മതീര്‍ഥസ്ഥോ നാരദസ്തുതവൈഭവഃ ।
പ്രമാണാതീതതത്ത്വജ്ഞസ്തത്ത്വമ്പദനിരൂപിതഃ ॥ 23 ॥

അജാജനിരജാജാനിരജായോ നീരജോഽമലഃ ।
ലക്ഷ്മീനിവാസഃ സ്വര്‍ഭൂഷോ വിശ്വവന്ദ്യോ മഹോത്സവഃ ॥ 24 ॥

ജഗദ്യോനിരകര്‍താഽഽദ്യോ ഭോക്താ ഭോഗ്യോ ഭവാതിഗഃ ।
ഷഡ്ഗുണൈശ്വര്യസമ്പന്നോ ഭഗവാന്‍മുക്തിദായകഃ ॥ 25 ॥

അധഃപ്രാണോ മനോ ബുദ്ധിഃ സുഷുപ്തിഃ സര്‍വഗോ ഹരിഃ ।
മത്സ്യഃ കൂര്‍മോ വരാഹോഽത്രിര്‍വാമനോ ഹീരരൂപധൃത് ॥ 26 ॥

നാരസിംഹോ ഋഷിര്‍വ്യാസോ രാമോ നീലാംശുകോ ഹലീ ।
ബുദ്ധോഽര്‍ഹന്‍ സുഗതഃ കല്‍കീ നരോ നാരായണഃ പരഃ ॥ 27 ॥

പരാത്പരഃ കരീഡ്യേശോ നക്രശാപവിമോചനഃ ।
നാരദോക്തിപ്രതിഷ്ഠാതാ മുക്തകേശീ വരപ്രദഃ ॥ 28 ॥

ചന്ദ്രഭാഗാപ്സു സുസ്നാതഃ കാമിതാര്‍ഥപ്രദോഽനഘഃ ।
തുലസീദാമഭൂഷാഢ്യസ്തുലസീകാനനപ്രിയഃ ॥ 29 ॥

പാണ്ഡുരങ്ഗഃ ക്ഷേത്രമൂര്‍തിഃ സര്‍വമൂര്‍തിരനാമയഃ ।
പുണ്ഡരീകവ്യാജകൃതജഡോദ്ധാരഃ സദാഗതിഃ ॥ 30 ॥

അഗതിഃ സദ്ഗതിഃ സഭ്യോ ഭവോ ഭവ്യോ വിധീഡിതഃ ।
പ്രലംബഘ്നോ ദ്രുപദജാചിന്താഹാരീ ഭയാപഹഃ ॥ 31 ॥

വഹ്നിവക്ത്രഃ സൂര്യനുതോ വിഷ്ണുസ്ത്രൈലോക്യരക്ഷകഃ ।
ജഗദ്ഭക്ഷ്യോ ജഗദ്ഗേഹോ ജനാരാധ്യോ ജനാര്‍ദനഃ ॥ 32 ॥

ജേതാ വിഷ്ണുര്‍വരാരോഹോ ഭീഷ്മപൂജ്യപദാംബുജഃ ।
ഭര്‍താ ഭീഷ്ണകസമ്പൂജ്യഃ ശിശുപാലവധോദ്യതഃ ॥ 33 ॥

ശതാപരാധസഹനഃ ക്ഷമാവാനാദിപൂജനഃ ।
ശിശുപാലശിരച്ഛേത്താ ദന്തവക്ത്രബലാപഹഃ ॥ 34 ॥

ശിശുപാലകൃതദ്രോഹഃ സുദര്‍ശനവിമോചനഃ ॥ 35 ॥

സശ്രീഃ സമായോ ദാമേന്ദ്രഃ സുദാമക്രീഡനോത്സുകഃ ।
വസുദാമകൃതക്രീഡഃ കിങ്കിണീദാമസേവിതഃ ॥ 36 ॥

പഞ്ചാങ്ഗപൂജനരതഃ ശുദ്ധചിത്തവശംവദഃ ।
രുക്മിണീവല്ലഭഃ സത്യഭാമാഭൂഷിതവിഗ്രഹഃ ॥ 37 ॥

നാഗ്നജിത്യാ കൃതോത്സാഹഃ സുനന്ദാചിത്തമോഹനഃ ।
മിത്രവൃന്ദാഽഽലിങ്ഗിതാങ്ഗോ ബ്രഹ്മചാരീ വടുപ്രിയഃ ॥ 38 ॥

സുലക്ഷണാധൌതപദോ ജാംബവത്യാ കൃതാദരഃ ।
സുശീലാശീലസന്തുഷ്ടോ ജലകേലികൃതാദരഃ ॥ 39 ॥

വാസുദേവോ ദേവകീഡ്യോ നന്ദാനന്ദകരാങ്ഘ്രിയുക് ।
യശോദാമാനസോല്ലാസോ ബലാവരജനിഃസ്വഭൂഃ ॥ 40 ॥

സുഭദ്രാഽഽനന്ദദോ ഗോപവശ്യോ ഗോപീപ്രിയോഽജയഃ ।
മന്ദാരമൂലവേദിസ്ഥഃ സന്താനതരുസേവിതഃ ॥ 41 ॥

പാരിജാതാപഹരണഃ കല്‍പദ്രുമപുരഃസരഃ ।
ഹരിചന്ദനലിപ്താങ്ഗ ഇന്ദ്രവന്ദ്യോഽഗ്നിപൂജിതഃ ॥ 42 ॥

യമനേതാ നൈരൃതേയോ വരുണേശഃ ഖഗപ്രിയഃ ।
കുബേരവന്ദ്യ ഈശേശോ വിധീഡ്യോഽനന്തവന്ദിതഃ ॥ 43 ॥

വജ്രീ ശക്തിര്‍ദണ്ഡധരഃ ഖഡ്ഗീ പാശ്യങ്കുശീ ഗദീ ।
ത്രിശൂലീ കമലീ ചക്രീ സത്യവ്രതമയോ നവഃ ॥ 44 ॥

മഹാമന്ത്രഃ പ്രണവഭൂര്‍ഭക്തചിന്താപഹാരകഃ ।
സ്വക്ഷേത്രവാസീ സുഖദഃ കാമീ ഭക്തവിമോചനഃ ॥ 45 ॥

സ്വനാമകീര്‍തനപ്രീതഃ ക്ഷേത്രേശഃ ക്ഷേത്രപാലകഃ ।
കാമശ്ചക്രധരാര്‍ധശ്ച ത്രിവിക്രമമയാത്മകഃ ॥ 46 ॥

പ്രജ്ഞാനകരജിത്കാന്തിരൂപവര്‍ണഃ സ്വരൂപവാന്‍ ।
സ്പര്‍ശേന്ദ്രിയം ശൌരിമയോ വൈകുണ്ഠഃ സാനിരുദ്ധകഃ ॥ 47 ॥

ഷഡക്ഷരമയോ ബാലഃ ശ്രീകൃഷ്ണോ ബ്രഹ്മഭാവിതഃ ।
നാരദാധിഷ്ഠിതക്ഷേമോ വേണുവാദനതത്പരഃ ॥ 48 ॥

നാരദേശപ്രതിഷ്ഠാതാ ഗോവിന്ദോ ഗരുഡധ്വജഃ ।
സാധാരണഃ സമഃ സൌംയഃ കലാവാന്‍ കമലാലയഃ ॥ 49 ॥

ക്ഷേത്രപഃ ക്ഷണദാധീശവക്ത്രഃ ക്ഷേമകരക്ഷണഃ ।
ലവോ ലവണിമാധാമ ലീലാവാന്‍ ലഘുവിഗ്രഹഃ ॥ 50 ॥

ഹയഗ്രീവോ ഹലീ ഹംസോ ഹതകംസോ ഹലിപ്രിയഃ ।
സുന്ദരഃ സുഗതിര്‍മുക്തഃ സത്സഖോ സുലഭഃ സ്വഭൂഃ ॥ 51 ॥

സാംരാജ്യദഃ സാമരാജഃ സത്താ സത്യഃ സുലക്ഷണഃ ।
ഷഡ്ഗുണൈശ്വര്യനിലയഃ ഷഡൃതുപരിസേവിതഃ ॥ 52 ॥

ഷഡങ്ഗശോധിതഃ ഷോഢാ ഷഡ്ദര്‍ശനനിരൂപിതഃ ।
ശേഷതല്‍പഃ ശതമഖഃ ശരണാഗതവത്സലഃ ॥ 53 ॥

സശംഭുഃ സമിതിഃ ശങ്ഖവഹഃ ശാര്‍ങ്ഗസുചാപധൃത് ।
വഹ്നിതേജാ വാരിജാസ്യഃ കവിര്‍വംശീധരോ വിഗഃ ॥ 54 ॥

വിനീതോ വിപ്രിയോ വാലിദലനോ വജ്രഭൂഷണഃ ।
രുക്മിണീശോ രമാജാനീ രാജാ രാജന്യഭൂഷണഃ ॥ 55 ॥

രതിപ്രാണപ്രിയപിതാ രാവണാന്തോ രഘൂദ്വഹഃ ।
യജ്ഞഭോക്താ യമോ യജ്ഞഭൂഷണോ യജ്ഞദൂഷണഃ ॥ 56 ॥

യജ്വാ യശോവാന്‍ യമുനാകൂലകുഞ്ജപ്രിയോ യമീ ।
മേരുര്‍മനീഷീ മഹിതോ മുദിതഃ ശ്യാമവിഗ്രഹഃ ॥ 57 ॥

മന്ദഗാമീ മുഗ്ധമുഖോ മഹേശോ മീനവിഗ്രഹഃ ।
ഭീമോ ഭീമാങ്ഗജാതീരവാസീ ഭീമാര്‍തിഭഞ്ജനഃ ॥ 58 ॥

ഭൂഭാരഹരണോ ഭൂതഭാവനോ ഭരതാഗ്രജഃ ।
ബലം ബലപ്രിയോ ബാലോ ബാലക്രീഡനതത്പരഃ ॥ 59 ॥

ബകാസുരാന്തകോ ബാണാസുരദര്‍പകവാഡവഃ ।
ബൃഹസ്പതിബലാരാതിസൂനുര്‍ബലിവരപ്രദഃ ॥ 60 ॥

ബോദ്ധാ ബന്ധുവധോദ്യുക്തോ ബന്ധമോക്ഷപ്രദോ ബുധഃ ।
ഫാല്‍ഗുനാനിഷ്ടഹാ ഫല്‍ഗുകൃതാരാതിഃ ഫലപ്രദഃ ॥ 69 ॥

ഫേനജാതൈരകാവജ്രകൃതയാദവസങ്ക്ഷയഃ ।
ഫാല്‍ഗുനോത്സവസംസക്തഃ ഫണിതല്‍പഃ ഫണാനടഃ ॥ 62 ॥

പുണ്യഃ പവിത്രഃ പാപാത്മദൂരഗഃ പണ്ഡിതാഗ്രണീഃ ।
പോഷണഃ പുലിനാവാസഃ പുണ്ഡരീകമനോര്‍വശഃ ॥ 63 ॥

നിരന്തരോ നിരാകാങ്ക്ഷോ നിരാതങ്കോ നിരഞ്ജനഃ ।
നിര്‍വിണ്ണമാനസോല്ലാസോ നയനാനന്ദനഃ സതാം ॥ 64 ॥

നിയമോ നിയമീ നംയോ നന്ദബന്ധനമോചനഃ ।
നിപുണോ നീതിമാന്നേതാ നരനാരായണവപുഃ ॥ 65 ॥

ധേനുകാസുരവിദ്വേഷീ ധാമ ധാതാ ധനീ ധനം ।
ധന്യോ ധന്യപ്രിയോ ധര്‍താ ധീമാന്‍ ധര്‍മവിദുത്തമഃ ॥ 66 ॥

ധരണീധരസന്ധര്‍താ ധരാഭൂഷിതദംഷ്ട്രകഃ ।
ദൈതേയഹന്താ ദിഗ്വാസാ ദേവോ ദേവശിഖാമണിഃ ॥ 67 ॥

ദാമ ദാതാ ദീപ്തിഭാനുഃ ദാനവാദമിതാ ദമഃ ।
സ്ഥിരകാര്യഃ സ്ഥിതപ്രജ്ഞഃ സ്ഥവിരസ്ഥാപകഃ സ്ഥിതിഃ ।
സ്ഥിതലോകത്രയവപുഃ സ്ഥിതിപ്രലയകാരണം ॥ 68 ॥

സ്ഥാപകസ്തീര്‍ഥചരണസ്തര്‍പകസ്തരുണീരസഃ ।
താരുണ്യകേലിനിപുണസ്തരണസ്തരണിപ്രഭുഃ ॥ 69 ॥

തോയമൂര്‍തിസ്തമോഽതീതഃ സ്തംഭോദ്ഭൂതസ്തപഃപരഃ ।
തഡിദ്വാസാസ്തോയദാഭസ്താരസ്താരസ്വരപ്രിയഃ ॥ 70 ॥

ണകാരോ ഢൌകിതജഗത്ത്രിതൂര്യപ്രീതഭൂസുരഃ ।
ഡമരൂപ്രിയഹൃദ്വാസീ ഡിണ്ഡിമധ്വനിഗോചരഃ ॥ 71 ॥

ഠയുഗസ്ഥമനോര്‍ഗംയഃ ഠങ്കാരി ധനുരായുധഃ ।
ടണത്കാരിതകോദണ്ഡഹതാരിര്‍ഗണസൌഖ്യദഃ ॥ 72 ॥

ഝാങ്കാരിചാഞ്ചരീകാങ്കീ ശ്രുതികല്‍ഹാരഭൂഷണഃ ।
ജരാസന്ധാര്‍ദിതജഗത്സുഖഭൂര്‍ജങ്ഗമാത്മകഃ ॥ 73 ॥

ജഗജ്ജനിര്‍ജഗദ്ഭൂഷോ ജാനകീവിരഹാകുലഃ ।
ജിഷ്ണുശോകാപഹരണോ ജന്‍മഹീനോ ജഗത്പതിഃ ॥ 74 ॥

ഛത്രിതാഹീന്ദ്രസുഭഗഃ ഛദ്മീ ഛത്രിതഭൂധരഃ ।
ഛായാസ്ഥലോകത്രിതയഛലേന ബലിനിഗ്രഹീ ॥ 75 ॥

ചേതശ്ചമത്കാരകരഃ ചിത്രീ ചിത്രസ്വഭാവവാന്‍ ।
ചാരുഭൂശ്ചന്ദ്രചൂഡശ്ച ചന്ദ്രകോടിസമപ്രഭഃ ॥ 76 ॥

ചൂഡാരത്നദ്യോതിഭാലശ്ചലന്‍മകരകുപഡലഃ ।
ചരുഭുക് ചയനപ്രീതശ്ചമ്പകാടവിമധ്യഗഃ ॥ 77 ॥

ചാണൂരഹന്താ ചന്ദ്രാങ്കനാശനശ്ചന്ദ്രദീധിതിഃ ।
ചന്ദനാലിപ്തസര്‍വാങ്ഗശ്ചാരുചാമരമണ്ഡിതഃ ॥ 78 ॥

ഘനശ്യാമോ ഘനരവോ ഘടോത്കചപിതൃപ്രിയഃ ।
ഘനസ്തനീപരീവാരോ ഘനവാഹനഗര്‍വഹാ ॥ 79 ॥

ഗങ്ഗാപദോ ഗതക്ലേശോ ഗതക്ലേശനിഷേവിതഃ ।
ഗണനാഥോ ഗജോദ്ധര്‍താ ഗായകോ ഗായനപ്രിയഃ ॥ 80 ॥

ഗോപതിര്‍ഗോപികാവശ്യോ ഗോപബാലാനുഗഃ പതിഃ ।
ഗണകോടിപരീവാരോ ഗംയോ ഗഗനനിര്‍മലഃ ॥ 81 ॥

ഗായത്രീജപസമ്പ്രീതോ ഗണ്ഡകീസ്ഥോ ഗുഹാശയഃ ।
ഗുഹാരണ്യപ്രതിഷ്ഠാതാ ഗുഹാസുരനിഷൂദനഃ ॥ 82 ॥

ഗീതകീര്‍തിര്‍ഗുണാരാമോ ഗോപാലോ ഗുണവര്‍ജിതഃ ।
ഗോപ്രിയോ ഗോചരപ്രീതോ ഗാനനാട്യപ്രവര്‍തകഃ ॥ 83 ॥

ഖട്വായുധഃ ഖരദ്വേഷീ ഖാതീതഃ ഖഗമോചനഃ ।
ഖഗപുച്ഛകൃതോത്തംസഃ ഖേലദ്ബാലകൃതപ്രിയഃ ॥ 84 ॥

ഖട്വാങ്ഗപോഥിതാരാതിഃ ഖഞ്ജനാക്ഷഃ ഖശീര്‍ഷകഃ ।
കലവംശരവാക്രാന്തഗോപീവിസ്മാരിതാര്‍ഭകഃ ॥ 85 ॥

കലിപ്രമാഥീ കഞ്ജാസ്യഃ കമലായതലോചനഃ ।
കാലനേമിപ്രഹരണഃ കുണ്ഠിതാര്‍തികിശോരകഃ ॥ 86 ॥

കേശവഃ കേവലഃ കണ്ഠീരവാസ്യഃ കോമലാങ്ഘ്രിയുക് ।
കംബലീ കീര്‍തിമാന്‍ കാന്തഃ കരുണാമൃതസാഗരഃ ॥ 87 ॥

കുബ്ജാസൌഭാഗ്യദഃ കുബ്ജാചന്ദനാലിപ്തഗാത്രകഃ ।
കാലഃ കുവലയാപീഡഹന്താ ക്രോധസമാകുലഃ ॥ 88 ॥

കാലിന്ദീപുലിനാക്രീഡഃ കുഞ്ജകേലികുതൂഹലീ ।
കാഞ്ചനം കമലാജാനിഃ കലാജ്ഞഃ കാമിതാര്‍ഥദഃ ॥ 89 ॥

കാരണം കരണാതീതഃ കൃപാപൂര്‍ണഃ കലാനിധിഃ ।
ക്രിയാരൂപഃ ക്രിയാതീതഃ കാലരൂപഃ ക്രതുപ്രഭുഃ ॥ 90 ॥

കടാക്ഷസ്തംഭിതാരാതിഃ കുടിലാലകഭൂഷിതഃ ।
കൂര്‍മാകാരഃ കാലരൂപീ കരീരവനമധ്യഗഃ ॥ 91 ॥

കലകണ്ഠീ കലരവഃ കലകണ്ഠരുതാനുകൃത് ।
കരദ്വാരപുരഃ കൂടഃ സര്‍വേഷാം കവലപ്രിയഃ ॥ 92 ॥

കലികല്‍മഷഹാ ക്രാന്തഗോകുലഃ കുലഭൂഷണഃ ।
കൂടാരിഃ കുതുപഃ കീശപരിവാരഃ കവിപ്രിയഃ ॥ 93 ॥

കുരുവന്ദ്യഃ കഠിനദോര്‍ദണ്ഡഖണ്ഡിതഭൂഭരഃ ।
കിങ്കരപ്രിയകൃത്കര്‍മരതഭക്തപ്രിയങ്കരഃ ॥ 94 ॥

അംബുജാസ്യോഽങ്ഗനാകേലിരംബുശായ്യംബുധിസ്തുതഃ ।
അംഭോജമാല്യംബുവാഹലസദങ്ഗോഽന്ത്രമാലകഃ ॥ 95 ॥

ഔദുംബരഫലപ്രഖ്യബ്രഹ്മാണ്ഡാവലിചാലകഃ ।
ഓഷ്ഠസ്ഫുരന്‍മുരലികാരവാകര്‍ഷിതഗോകുലഃ ॥ 96 ॥

ഐരാവതസമാരൂഢ ഐന്ദ്രീശോകാപഹാരകഃ ।
ഐശ്വര്യാവധിരൈശ്വര്യമൈശ്വര്യാഷ്ടദലസ്ഥിതഃ ॥ 97 ॥

ഏണശാവസമാനാക്ഷ ഏധസ്തോഷിതപാവകഃ ।
ഏനോഽന്തകൃന്നാമധേയസ്മൃതിസംസൃതിദര്‍പഹാ ॥ 98 ॥

ലൂനപഞ്ചക്ലേശപദോ ലൂതാതന്തുര്‍ജഗത്കൃതിഃ ।
ലുപ്തദൃശ്യോ ലുപ്തജഗജ്ജയോ ലുപ്തസുപാവകഃ ॥ 99 ॥

രൂപാതീതോ രൂപനാമരൂപമായാദികാരണം ।
ഋണഹീനോ ഋദ്ധികാരീ ഋണാതീതോ ഋതംവദഃ ॥ 100 ॥

ഉഷാനിമിത്തബാണഘ്ന ഉഷാഹാര്യൂര്‍ജിതാശയഃ ।
ഊര്‍ധ്യരൂപോര്‍ധ്വാധരഗ ഊഷ്മദഗ്ധജഗത്ത്രയഃ ॥ 101 ॥

ഉദ്ധവത്രാണനിരത ഉദ്ധവജ്ഞാനദായകഃ ।
ഉദ്ധര്‍തോദ്ധവ ഉന്നിദ്ര ഉദ്ബോധ ഉപരിസ്ഥിതഃ ॥ 102 ॥

ഉദധിക്രീഡ ഉദധിതനയാപ്രിയ ഉത്സവഃ ।
ഉച്ഛിന്നദേവതാരാതിരുദധ്യാവൃതിമേഖലഃ ॥ 103 ॥

ഈതിഘ്ന ഈശിതാ ഈജ്യ ഈഡ്യ ഈഹാവിവര്‍ജിതഃ ।
ഈശധ്യേയപദാംഭോജ ഇന ഈനവിലോചനഃ ॥ 104 ॥

ഇന്ദ്ര ഇന്ദ്രാനുജനട ഇന്ദിരാപ്രാണവല്ലഭഃ ।
ഇന്ദ്രാദിസ്തുത ഇന്ദ്രശ്രീരിദമിത്ഥമഭീതകൃത് ॥ 105 ॥

ആനന്ദാഭാസ ആനന്ദ ആനന്ദനിധിരാത്മദൃക് ।
ആയുരാര്‍തിഘ്ന ആയുഷ്യ ആദിരാമയവര്‍ജിതഃ ॥ 106 ॥

ആദികാരണമാധാര ആധാരാദികൃതാശ്രയഃ ।
അച്യുതൈശ്വര്യമമിത അരിനാശ അഘാന്തകൃത് ॥ 107 ॥

അന്നപ്രദോഽന്നമഖിലാധാര അച്യുത അബ്ജഭൃത് ।
ചന്ദ്രഭാഗാജലക്രീഡാസക്തോ ഗോപവിചേഷ്ടിതഃ ॥ 108 ॥

ഹൃദയാകാരഹൃദ്ഭൂഷോ യഷ്ടിമാന്‍ ഗോകുലാനുഗഃ ।
ഗവാം ഹുങ്കൃതിസമ്പ്രീതോ ഗവാലീഢപദാംബുജഃ ॥ 109 ॥

ഗോഗോപത്രാണസുശ്രാന്ത അശ്രമീ ഗോപവീജിതഃ ।
പാഥേയാശനസമ്പ്രീതഃ സ്കന്ധശിക്യോ മുഖാംബുപഃ ॥ 110 ॥

ക്ഷേത്രപാരോപിതക്ഷേത്രോ രക്ഷോഽധികൃതഭൈരവഃ ।
കാര്യകാരണസങ്ഘാതസ്താടകാന്തസ്തു രക്ഷഹാ ॥ 111 ॥

ഹന്താ താരാപതിസ്തുത്യോ യക്ഷഃ ക്ഷേത്രം ത്രയീവപുഃ ।
പ്രാഞ്ജലിര്ലോലനയനോ നവനീതാശനപ്രിയഃ ॥ 112 ॥

യശോദാതര്‍ജിതഃ ക്ഷീരതസ്കരോ ഭാണ്ഡഭേദനഃ ।
മുഖാശനോ മാതൃവശ്യോ മാതൃദൃശ്യമുഖാന്തരഃ ॥ 113 ॥

വ്യാത്തവക്ത്രോ ഗതഭയോ മുഖലക്ഷ്യജഗത്ത്രയഃ ।
യശോദാസ്തുതിസമ്പ്രീതോ നന്ദവിജ്ഞാതവൈഭവഃ ॥ 114 ॥

സംസാരനൌകാധര്‍മജ്ഞോ ജ്ഞാനനിഷ്ഠോ ധനാര്‍ജകഃ ।
കുബേരഃ ക്ഷത്രനിധനം ബ്രഹ്മര്‍ഷിര്‍ബ്രാഹ്മണപ്രിയഃ ॥ 115 ॥

ബ്രഹ്മശാപപ്രതിഷ്ഠാതാ യദുരാജകുലാന്തകഃ ।
യുധിഷ്ഠിരസഖോ യുദ്ധദക്ഷഃ കുരുകുലാന്തകൃത് ॥ 196 ॥

അജാമിലോദ്ധാരകാരീ ഗണികാമോചനോ ഗുരുഃ ।
ജാംബവദ്യുദ്ധരസികഃ സ്യമന്തമണിഭൂഷണഃ ॥ 117 ॥

സുഭദ്രാബന്ധുരക്രൂരവന്ദിതോ ഗദപൂര്‍വജഃ ।
ബലാനുജോ ബാഹുയുദ്ധരസികോ മയമോചനഃ ॥ 118 ॥

ദഗ്ധഖാണ്ഡവസമ്പ്രീതഹുതാശോ ഹവനപ്രിയഃ ।
ഉദ്യദാദിത്യസങ്കാശവസനോ ഹനുമദ്രുചിഃ ॥ 119 ॥

ഭീഷ്മബാണവ്രണാകീര്‍ണഃ സാരഥ്യനിപുണോ ഗുണീ ।
ഭീഷ്മപ്രതിഭടശ്ചക്രധരഃ സമ്പ്രീണിതാര്‍ജുനഃ ॥ 120 ॥

സ്വപ്രതിജ്ഞാഹാനിഹൃഷ്ടോ മാനാതീതോ വിദൂരഗഃ ।
വിരാഗീ വിഷയാസക്തോ വൈകുണ്ഠോഽകുണ്ഠവൈഭവഃ ॥ 129 ॥

സങ്കല്‍പഃ കല്‍പനാതീതഃ സമാധിര്‍നിര്‍വികല്‍പകഃ ।
സവികല്‍പോ വൃത്തിശൂന്യോ വൃത്തിര്‍ബീജമതീഗതഃ ॥ 122 ॥

മഹാദേവോഽഖിലോദ്ധാരീ വേദാന്തേഷു പ്രതിഷ്ഠിതഃ ।
തനുര്‍ബൃഹത്തനൂരണ്വരാജപൂജ്യോഽജരോഽമരഃ ॥ 123 ॥

ഭീമാഹതജരാസന്ധഃ പ്രാര്‍ഥിതായുധസങ്ഗരഃ ।
സ്വസങ്കേതപ്രകൢപ്താര്‍ഥോ നിരര്‍ഥ്യോഽര്‍ഥീ നിരാകൃതിഃ ॥ 124 ॥

ഗുണക്ഷോഭഃ സമഗുണഃ സദ്ഗുണാഢ്യഃ പ്രമാപ്രജഃ ।
സ്വാങ്ഗജഃ സാത്യകിഭ്രാതാ സന്‍മാര്‍ഗോ ഭക്തഭൂഷണഃ ॥ 125 ॥

അകാര്യകാര്യനിര്‍വേദോ വേദോ ഗോപാങ്കനിദ്രിതഃ ।
അനാഥോ ദാവപോ ദാവോ ദാഹകോ ദുര്‍ധരോഽഹതഃ ॥ 126 ॥

ഋതവാഗ്യാചകോ വിപ്രഃ ഖര്‍വ ഇന്ദ്രപദപ്രദഃ ।
ബലിമൂര്‍ധസ്ഥിതപദോ ബലിയജ്ഞവിഘാതകൃത് ॥ 127 ॥

യജ്ഞപൂര്‍തിര്യജ്ഞമൂര്‍തിര്യജ്ഞവിഘ്നമവിഘ്നകൃത് ।
ബലിദ്വാഃസ്ഥോ ദാനശീലോ ദാനശീലപ്രിയോ വ്രതീ ॥ 128 ॥

അവ്രതോ ജതുകാഗാരസ്ഥിതപാണ്ഡവജീവനം ।
മാര്‍ഗദര്‍ശീ മൃദുര്‍ഹേലാദൂരീകൃതജഗദ്ഭയഃ ॥ 129 ॥

സപ്തപാതാലപാദോഽസ്ഥിപര്‍വതോ ദ്രുമരോമകഃ ।
ഉഡുമാലീ ഗ്രഹാഭൂഷോ ദിക് ശ്രുതിസ്തടിനീശിരഃ ॥ 130 ॥

വേദശ്വാസോ ജിതശ്വാസശ്ചിത്തസ്ഥശ്ചിത്തശുദ്ധികൃത് ।
ധീഃ സ്മൃതിഃ പുഷ്ടിരജയഃ തുഷ്ടിഃ കാന്തിര്‍ധൃതിസ്ത്രപാ ॥ 131 ॥

ഹലഃ കൃഷിഃ കലം വൃഷ്ടിര്‍ഗൃഷ്ടിര്‍ഗൌരവനം വനം ।
ക്ഷീരം ഹവ്യം ഹവ്യവാഹോ ഹോമോ വേദീ സമിത്സ്രുവഃ ॥ 132 ॥

കര്‍മ കര്‍മഫലം സ്വര്‍ഗോ ഭൂഷ്യോ ഭൂഷാ മഹാപ്രഭുഃ ।
ഭൂര്‍ഭുവഃസ്വര്‍മഹര്ലോകോ ജനോലോകസ്തപോജനഃ ॥ 133 ॥

സത്യോ വിധിര്‍ദൈവമധോലോകഃ പാതാലമണ്ഡനഃ ।
ജരായുജഃ സ്വേദജനിരുദ്ബീജഃ കുലപര്‍വതഃ ॥ 134 ॥

കുലസ്തംഭഃ സര്‍വകുലഃ കുലഭൂഃ കൌലദൂരഗഃ ।
ധര്‍മതത്വം നിര്‍വിഷയോ വിഷയോ ഭോഗലാലസഃ ॥ 135 ॥

വേദാന്തസാരോ നിര്‍മോക്താ ജീവോ ബദ്ധോ ബഹിര്‍മുഖഃ ।
പ്രധാനം പ്രകൃതിര്‍വിശ്വദ്രഷ്ടാ വിശ്വനിഷേധനഃ ॥ 136 ॥

അന്തശ്ചതുര്‍ദ്വാരമയോ ബഹിര്‍ദ്വാരചതുഷ്ടയഃ ।
ഭുവനേശോ ക്ഷേത്രദേവോഽനന്തകായോ വിനായകഃ ॥ 137 ॥

പിതാ മാതാ സുഹൃദ്വന്ധുര്‍ഭ്രാതാ ശ്രാദ്ധം യമോഽര്യമാ ।
വിശ്വേദേവാഃ ശ്രാദ്ധദേവോ മനുര്‍നാന്ദീമുഖോ ധനുഃ ॥ 138 ॥

ഹേതിഃ ഖഡ്ഗോ രഥോ യുദ്ധം യുദ്ധകര്‍താ ശരോ ഗുണഃ ।
യശോ യശോരിപുഃ ശത്രുരശത്രുര്‍വിജിതേന്ദ്രിയഃ ॥ 139 ॥

പാത്രം ദാതാ ദാപയിതാ ദേശഃ കാലോ ധനാഗമഃ ।
കാഞ്ചനം പ്രേമ സന്‍മിത്രം പുത്രഃ കോശോ വികോശകഃ ॥ 140 ॥

അനീതിഃ ശരഭോ ഹിംസ്രോ ദ്വിപോ ദ്വീപീ ദ്വിപാങ്കുശഃ ।
യന്താ നിഗഡ ആലാനം സന്‍മനോ ഗജശൃങ്ഖലഃ ॥ 141 ॥

മനോഽബ്ജഭൃങ്ഗോ വിടപീ ഗജഃ ക്രോഷ്ടാ വൃശോ വൃകഃ ।
സത്പഥാചാരനലിനീഷട്പദഃ കാമഭഞ്ജനഃ ॥ 142 ॥

സ്വീയചിത്തചകോരാബ്ജഃ സ്വലീലാകൃതകൌതുകഃ ।
ലീലാധാമാംബുഭൃന്നാഥഃ ക്ഷോണീ ഭര്‍താ സുധാബ്ധിദഃ ॥ 143 ॥

മല്ലാന്തകോ മല്ലരൂപോ ബാലയുദ്ധപ്രവര്‍തനഃ ।
ചന്ദ്രഭാഗാസരോനീരസീകരഗ്ലപിതക്ലമഃ ॥ 144 ॥

കന്ദുകക്രീഡനക്ലാന്തോ നേത്രമീലനകേലിമാന്‍ ।
ഗോപീവസ്ത്രാപഹരണഃ കദംബശിഖരസ്ഥിതഃ ॥ 145 ॥

ബല്ലവീപ്രാര്‍ഥിതോ ഗോപീനതിദേഷ്ടാഞ്ജലിപ്രിയഃ ।
പരിഹാസപരോ രാസേ രാസമണ്ഡലമധ്യഗഃ ॥ 146 ॥

ബല്ലവീദ്വയസംവീതഃ സ്വാത്മദ്വൈതാത്മശക്തികഃ ।
ചതുര്‍വിംശതിഭിന്നാത്മാ ചതുര്‍വിംശതിശക്തികഃ ॥ 147 ॥

സ്വാത്മജ്ഞാനം സ്വാത്മജാതജഗത്ത്രയമയാത്മകഃ ।

ഇതി വിഠ്ഠലസംജ്ഞസ്യ വിഷ്ണോര്‍നാമസഹസ്രകം ॥ 148 ॥

ത്രികാലമേകകാലം വാ ശ്രദ്ധയാ പ്രയതഃ പഠേത് ।
സ വിഷ്ണോര്‍നാത്ര സന്ദേഹഃ കിം ബഹൂക്തേന ശൌനക ॥ 149 ॥

കാമീ ചേന്നിയതാഹാരോ ജിതചിത്തോ ജിതേന്ദ്രിയഃ ।
ജപന്‍ കാമാനവാപ്നോതി ഇതി വൈ നിശ്ചിതം ദ്വിജ ॥ 150 ॥

॥ ഇതി ശ്രീവിഠ്ഠലസഹസ്രനാമസ്തോത്രം സമ്പൂര്‍ണം ॥

Also Read 1000 Names of Sri Vithala:

1000 Names of Sri Vitthala | Sahasranama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil

1000 Names of Sri Vitthala | Sahasranama Stotram Lyrics in Malayalam

Leave a Reply

Your email address will not be published. Required fields are marked *

Scroll to top