Prachandachandi Trishati Lyrics in Oriya:
॥ ପ୍ରଚଣ୍ଡଚଣ୍ଡୀତ୍ରିଶତୀ ॥
ପ୍ରଥମଂ ଶତକମ୍
ପ୍ରଥମୋ ମୁକୁଲସ୍ତବକଃ
ଵଜ୍ରଂ ଜମ୍ଭଭିଦଃ ସର୍ଵସ୍ଵଂ ନଭସଃ ।
ଵନ୍ଦେ ଵୈରିସହଂ ଵିଦ୍ୟୁଜ୍ଜ୍ୟୋତିରହମ୍ ॥ ୧ ॥
ସା ଶକ୍ତିର୍ମରୁତାମୀଶାନସ୍ୟ ତତା ।
ଵ୍ୟୋମାଗାରରମା ସା ଦେଵୀ ପରମା ॥ ୨ ॥
ସୂକ୍ଷ୍ମଂ ଵ୍ୟାପିମହୋ ଦୃଶ୍ୟଂ ଵାରିଧରେ ।
ତତ୍ତ୍ଵଂ ତେ ମରୁତାଂ ରାଜ୍ଞଃ ପତ୍ନିପରେ ॥ ୩ ॥
ଦ୍ଵାଭ୍ୟାଂ ତ୍ଵଂ ଵନିତାରୂପାଭ୍ୟାଂ ଲସସି ।
ଏକା ତତ୍ର ଶଚୀ ଚଣ୍ଡାଚଣ୍ଡ୍ୟପରା ॥ ୪ ॥
ଏକା କାନ୍ତିମତୀ ଭର୍ତୃସ୍ତଲ୍ପସଖୀ ।
ଅନ୍ୟା ଵୀର୍ୟଵତୀ ପ୍ରାୟୋ ୟୁଦ୍ଧସଖୀ ॥ ୫ ॥
ଏକା ମୋହୟତେ ଶକ୍ରଂ ଚନ୍ଦ୍ରମୁଖୀ ।
ଅନ୍ୟା ଭୀଷୟତେ ଶତ୍ରୂନର୍କମୁଖୀ ॥ ୬ ॥
ଏକସ୍ୟାଂ ତଟିତୋ ରମ୍ୟା ଦୀପ୍ତିକଲା ।
ଅନ୍ୟସ୍ୟାଂ ସୁତରାମୁଗ୍ରା ଶକ୍ତିକଲା ॥ ୭ ॥
ଏକସ୍ୟାଃ ସଦୃଶୀ ସୌନ୍ଦର୍ୟେ ନ ପରା ।
ଅନ୍ୟସ୍ୟାସ୍ତୁ ସମା ଵୀର୍ୟେ ନାସ୍ତ୍ୟପରା ॥ ୮ ॥
ଏକା ସଞ୍ଚରତି ସ୍ଵର୍ଗେ ଭୋଗଵତୀ ।
ଅନ୍ୟା ଭାତି ନଭୋରଙ୍ଗେ ୟୋଗଵତୀ ॥ ୯ ॥
ଏକା ଵା ଦଶୟୋଃ ଭେଦେନ ଦ୍ଵିଵିଧା ।
ଇନ୍ଦ୍ରାଣୀ ଵିବୁଧୈଃ ଗୀତା ପୁଣ୍ୟକଥା ॥ ୧୦ ॥
ଚଣ୍ଡି ତ୍ଵଂ ଵରଦେ ପିଣ୍ଡେ କୁଣ୍ଡଲିନୀ ।
ଗୀତା ଚ୍ଛିନ୍ନଶିରାଃ ପ୍ରାଜ୍ଞୈର୍ଵୈଭଵିନୀ ॥ ୧୧ ॥
ଆହୁଃ କୁଣ୍ଡଲିନୀଂ ୟନ୍ମୂଧ୍ର୍ନା ଵିୟୁତାମ୍ ।
ଚିତ୍ରା ସା ଵଚସୋ ଭଙ୍ଗୀ ବୁଦ୍ଧିମତାମ୍ ॥ ୧୨ ॥
ପୁତ୍ରାଚ୍ଛିନ୍ନଶିରାଃ ପୁଣ୍ୟାୟାଽବ୍ଜମୁଖୀ ।
ଆଵିକ୍ଷତ୍ କିଲ ତାଂ ଶକ୍ତିଃ ଶକ୍ରସଖୀ ॥ ୧୩ ॥
ତସ୍ମାଦ୍ଵାୟମଵଚ୍ଚିତ୍ତାମ୍ଭୋଜରମା ।
ଉକ୍ତା କୃତ୍ତଶିରାଃ ସା ଶକ୍ତିଃ ପରମା ॥ ୧୪ ॥
ଓଜୀୟସ୍ୟବଲା ତୁଲ୍ୟା କାପି ନତେ ।
ରାଜାରେର୍ଜନନି ସ୍ଵର୍ନାରୀଵିନୁତେ ॥ ୧୫ ॥
ୟାଵନ୍ତୋଽଵତରାଃ ଶକ୍ତେର୍ଭୂମିତଲା ।
ଵୀର୍ୟେଣାସ୍ୟଧିକା ତେଷୁ ତ୍ଵଂ ଵିମଲେ ॥ ୧୬ ॥
ପ୍ରାଗେଵ ତ୍ଵୟି ସତ୍ୟୈନ୍ଦ୍ରୀଶକ୍ତିକଲା ।
ଵ୍ୟକ୍ତାଽଭୂଚ୍ଛିରସି ଚ୍ଛିନ୍ନେ ଭୂରିବଲା ॥ ୧୭ ॥
ତ୍ଵଂ ଛିନ୍ନେ ମହସାଂ ରାଶିଃ ଶକ୍ତିରସି ।
ହୁଙ୍କାରେଣ ରିପୁଵ୍ରାତଂ ନିର୍ଦହସି ॥ ୧୮ ॥
ଭୋଗାସକ୍ତରତିଗ୍ରାହାଙ୍କାସନଗା ।
ବାଲାର୍କଦ୍ୟୁତିଭୃତ୍ପାଦାମ୍ଭୋଜୟୁଵା ॥ ୧୯ ॥
ଛିନ୍ନଂ ପାଣିତଲେ ମୂର୍ଧାନଂ ଦଧତୀ ।
ପ୍ରାଣାନାତ୍ମଵଶେ ସଂସ୍ଥାପ୍ୟାନହତୀ ॥ ୨୦ ॥
ସ୍ଫାରାସ୍ୟେନ ପିବନ୍ତ୍ୟୁଲ୍ଲୋଲାନସୃଜଃ ।
ଧ୍ଵସ୍ତାନାଦଧତୀ ଦୃପ୍ତାନ୍ ଭୂମିଭୁଜଃ ॥ ୨୧ ॥
ଡାକିନ୍ୟାଽନଘୟା ଵର୍ଣିନ୍ୟା ଚ ୟୁତା ।
ରାମାମ୍ବାଽଵତୁ ମାଂ ଦିଵ୍ୟଂ ଭାଵମିତା ॥ ୨୨ ॥
କାର୍ୟଂ ସାଧୟିତୁଂ ଵୀର୍ୟଂ ଵର୍ଧୟ ମେ ।
ଚିତ୍ତଂ ସ୍ଵାତ୍ମନି ଚ ଚ୍ଛିନ୍ନେ ସ୍ଥାପୟ ମେ ॥ ୨୩ ॥
ୟୋଗଂ ମେ ଵିଷୟାରାତ୍ୟବ୍ଧିଂ ତରିତୁମ୍ ।
ଚିତ୍ତଂ ଦେଵି କୁରୁ ତ୍ଵଂ ସାକ୍ଷାଦ୍ଦିତୁମ୍ ॥ ୨୪ ॥
ମାନ୍ଦାରୈରିଵ ମେ ଗାୟତ୍ରୈର୍ଵିମଲୈଃ ।
ଛିନ୍ନେ ସିଧ୍ୟତୁ ତେ ପାଦାର୍ଚା ମୁକୁଲୈଃ ॥ ୨୫ ॥
ଦ୍ଵିତୀୟୋ ବୃହତୀସ୍ତବକଃ
ନିଖିଲାମୟତାପହରୀ ନିଜସେଵକଭଵ୍ୟକରୀ ।
ଗଗନାମୃତଦୀପ୍ତିଝରୀ ଜୟତୀଶ୍ଵରଚିଲ୍ଲହରୀ ॥ ୨୬ ॥
ଵିପିନେ ଵିପିନେ ଵିନୁତା ନଗରେ ନଗରେ ନମିତା ।
ଜୟତି ସ୍ଥିରଚିତ୍ତହିତା ଜଗତାଂ ନୃପତେର୍ଦୟିତା ॥ ୨୭ ॥
ମତିକୈରଵିଣୀନ୍ଦୁକଲା ମୁନିହୃତ୍କମଲେ କମଲା ।
ଜୟତି ସ୍ତୁତିଦୂରବଲା ଜଗଦୀଶଵଧୂର୍ଵିମଲା ॥ ୨୮ ॥
କଲିପକ୍ଷଜୁଷାଂ ଦମନୀ କଲୁଷପ୍ରତତେଃ ଶମନୀ ।
ଜୟତି ସ୍ତୁଵତାମଵନୀ ସଦୟା ଜଗତୋ ଜନନୀ ॥ ୨୯ ॥
ଅତିଚଣ୍ଡିସୁପର୍ଵନୁତେ ବଲପୌରୁଷୟୋରମିତେ ।
ଜନନଂ ସୁଜନାଵନିତେ ଜଗତାମୁପକାରକୃତେ ॥ ୩୦ ॥
ସକଲାମୟନାଶଚଣେ ସତତଂ ସ୍ମରତଃ ସୁଗୁଣେ ।
ମମ କାର୍ୟଗତେଃ ପ୍ରଥମଂ ମରଣଂ ନ ଭଵତ୍ଵଧମମ୍ ॥ ୩୧ ॥
ମରଣସ୍ୟ ଭୟଂ ତରିତୁଂ କରୁଣାରସଵାହିନି ତେ ।
ସ୍ମରଣାଦ୍ରସୟାମି ଗଲଚ୍ଚରଣାମ୍ବୁରୁହାଦମୃତମ୍ ॥ ୩୨ ॥
ଵନିତାଵପୁଷଧ୍ରଣଂ ଜଗଦମ୍ବ ନ ଵେଦ୍ମି ତଵ ।
ଵିୟଦଗ୍ନିତନୋଧ୍ରଣଂ ଶିରସେହ ଵହାମି ସଦା ॥ ୩୩ ॥
ଶତଶଃ ପ୍ରସୃତୈଧ୍ରଣୈଃ ମୁନିମସ୍ତକଵୀଥିଷୁ ସା ।
ଵିପୁଲେ ଗଗନେ ଵିତତା ଚରତି ତ୍ରିଦଶେଶସଖୀ ॥ ୩୪ ॥
ଵିଶତି ପ୍ରଵିଧାୟ ପଥଶ୍ଚରଣସ୍ୟ ଵିଭାମ୍ବଗୁହାମ୍ ।
ଵିହିତସ୍ୟ ମମେହଶିରସ୍ୟଜରେ ଜଗଦୀଶ୍ଵରି ତେ ॥ ୩୫ ॥
ଚରଣସ୍ୟ ଵିଭା କିମୁ ତେ ତଵ କାଚନ ଵୀଚିରୁତ ।
ଵିଵିଧା ଵିଦଧାତି କଥାଃ ପ୍ରଵିଶନ୍ତ୍ୟୟି ଭକ୍ତ୍ଗୁହାମ୍ ॥ ୩୬ ॥
ନିଜଵୀଚିଵିଲାସପଦଂ ମମ କାୟମିଦଂ ଜଗତି ।
କରଣଂ ସୁରକାର୍ୟକୃତେ ତଵ ନିସ୍ତୁଲଭେ ଭଵତୁ ॥ ୩୭ ॥
ମମ ଵର୍ଷ୍ମଣି ହୀନବଲେ ୟଦି କଶ୍ଚନ ଲୋପ ଇଵ ।
ତମପୋହ୍ୟପଟିଷ୍ଠତମଂ କୁରୁ ଵିଷ୍ଟପମାତରିଦମ୍ ॥ ୩୮ ॥
ସହତାମିଦମମ୍ବଵପୁସ୍ତଵ ନାଟ୍ୟମପାରଜଵମ୍ ।
ବହିରନ୍ତରଶତ୍ରୁସହଂ ଭଜତାଂ ବହୁଲଂ ଚ ବଲମ୍ ॥ ୩୯ ॥
ପୃଥିଵୀ ଚ ସହେତ ନ ତେ ତଟିଦୀଶ୍ଵରି ନାଟ୍ୟଜଵମ୍ ।
କରୁଣା ୟଦି ଦେଵି ନ ତେ ଵପୁଷାମିହ କା ନୁ କଥା ॥ ୪୦ ॥
ତଵ ଶକ୍ତିଝରୀପତନଂ ବହିରଦ୍ଭୁତଵୃଷ୍ଟିରିଵ ।
ଇଦମନ୍ତରନନ୍ତବଲେ ମଦିରାରସପାନମିଵ ॥ ୪୧ ॥
ପରମିକ୍ଷୁରସୋ ମଧୁରୋ ମଦିରାମଦକୃତ୍ପରମା ।
ମଧୁରା ମଦକୃଚ୍ଚ ଭୃଶଂ ତଵ ଶକ୍ତିକଲାଲହରୀ ॥ ୪୨ ॥
ରସନେନ୍ଦ୍ରିୟମାତ୍ରାମୁଦଂ ଵର ଇକ୍ଷୁରସଃ କୁରୁତେ ।
ବହିରନ୍ତରପି ପ୍ରମଦଂ ତଵ ଶକ୍ତିକଲାଲହରୀ ॥ ୪୩ ॥
ଵପୁଷୋ ମନସଶ୍ଚଧିୟୋ ବଲମଦ୍ଭୁତମାଦଧତୀ ।
ପ୍ରମଦଂ ଚ ଜୟତ୍ୟଜରେ ତଵ ଶକ୍ତିକଲାଲହରୀ ॥ ୪୪ ॥
ତଵ ଶକ୍ତିକଲାଲହରୀ ପରିଶୋଧୟତେ ଭୁଵି ୟମ୍ ।
ଵିଦୁରାଗମସାରଵିଦଃ ସନିମେଷମମର୍ତ୍ୟମିମମ୍ ॥ ୪୫ ॥
ଲହରୀମଖିଲାମ୍ବ ଵିନା ତଵ ୟୋଽନୁଭଵଂ ଵଦତି ।
ଅୟି ଵଞ୍ଚିତ ଏଷ ମୃଷା ଵିଷୟେଣ ମହାଵିଭଵେ ॥ ୪୬ ॥
ସତତାଲହରୀ ୟଦି ତେ ବହିରନ୍ତରପି ପ୍ରଗୁଣା ।
ଭଵବନ୍ଧଚୟଃ ଶିଥିଲୋ ଭୁଵି ଜୀଵତ ଏଵ ଭଵେତ୍ ॥ ୪୭ ॥
ଇହ ତାଵଦପାରବଲେ ସକଲା ଅପି ୟୋଗକଥାଃ ।
ତଵ ୟାଵଦନନ୍ତଜୁଷୋ ନ ପଵିତ୍ରଝରୀପତନମ୍ ॥ ୪୮ ॥
ଵିଷୟାରିଵିନାଶଵିଧୌ ରମଣୀୟମୁପାୟମଜେ ।
କଥୟେଶ୍ଵରି ମେ ଵିଶଦଂ ତଵ ନାମ୍ବ ନ ସାଧ୍ୟମିଦମ୍ ॥ ୪୯ ॥
ଗଣନାଥକଵେଃ କୃତିଭିଃ ବୃହତୀଭିରିମାଭିରଜା ।
ପରିତୃପ୍ୟତୁ ଚଣ୍ଡଵଧୂଃ କପଟାଗଗନାଗ୍ନିକଲା ॥ ୫୦ ॥
ତୃତୀୟଃ ସୁପ୍ରତିଷ୍ଠାସ୍ତବକଃ
ଚଣ୍ଡଚଣ୍ଡିକାଂ ବାଲଭାନୁଭାମ୍ ।
ନୌମି ଦେଵତାରାଜଵଲ୍ଲଭାମ୍ ॥ ୫୧ ॥
ନାଭିମଣ୍ଡଲଶ୍ଵେତପଦ୍ମଗେ ।
ଚଣ୍ଡଦୀଧିତେର୍ମଣ୍ଡଲେ ସ୍ଥିତାମ୍ ॥ ୫୨ ॥
ସୂକ୍ଷ୍ମନାଡିକାଦେହଧାରିଣୀମ୍ ।
ଘୋରପାତକଵ୍ରାତହାରିଣୀମ୍ ॥ ୫୩ ॥
ଉଗ୍ରଵିକ୍ରମଚ୍ଛିନ୍ନମସ୍ତକାମ୍ ।
ଦଗ୍ଧଵାସନାଘାସଜାଲକାମ୍ ॥ ୫୪ ॥
ନୌମି ସଦ୍ଧିୟଂ ସିଦ୍ଧସଂସ୍ତୁତାମ୍ ।
ଵଜ୍ରଧାରିଣଃ ଶକ୍ତିମଦ୍ଭୁତାମ୍ ॥ ୫୫ ॥
ପ୍ରାଣିନାଂ ତନୌ ତନ୍ତୁସନ୍ନିଭାମ୍ ।
ଅମ୍ବରସ୍ଥଲେ ଵ୍ୟାପକପ୍ରଭାମ୍ ॥ ୫୬ ॥
ଚାରୁଵର୍ଣିନୀପ୍ରୀତିଲାଲିତାମ୍ ।
ଭୀମଡାକିନୀଵୀର୍ୟନନ୍ଦିତାମ୍ ॥ ୫୭ ॥
ଦୀପ୍ୟଦକ୍ଷିଭାଭୀଷିତାସୁରାମ୍ ।
ନୌମି ଵଜ୍ରିଣଃ ଶକ୍ତିମକ୍ଷରାମ୍ ॥ ୫୮ ॥
ୟା ଵିଶତ୍ତପୋଧ୍ଵସ୍ତପାତକାମ୍ ।
ରେଣୁକାଂ ସୁତଚ୍ଛିନ୍ନମସ୍ତକାମ୍ ॥ ୫୯ ॥
ନୌମି ତାମରିଵ୍ରାତମର୍ଦିନୀମ୍ ।
ନାକମେଦିନୀପାଲଭାମିନୀମ୍ ॥ ୬୦ ॥
ଦେଵସୁନ୍ଦରୀମସ୍ତଲାଲିତମ୍ ।
ଅମ୍ବିକାପଦଂ ଭାତୁ ମେ ହିତମ୍ ॥ ୬୧ ॥
ଶୋଧ୍ୟତାମୟଂ ସର୍ଵଧୀପୁଷା ।
ଲୋକଧାତ୍ରି ତେ ପାଦରୋଚିଷା ॥ ୬୨ ॥
କୋଟିଶସ୍ତଵ ପ୍ରାଜ୍ୟଶକ୍ତ୍ୟଃ ।
ଵିଦ୍ୟୁଦମ୍ବିକେ ପାଦପଙ୍କ୍ତୟଃ ॥ ୬୩ ॥
ତାସୁ ଵିକ୍ରମାଧାୟିଚେଷ୍ଟିତମ୍ ।
ତାସୁ ଵିଷ୍ଟପଜ୍ଞାନମଦ୍ଭୁତମ୍ ॥ ୬୪ ॥
ସର୍ଵତୋଽମ୍ବ ତେ ପାଦଚେଷ୍ଟିତମ୍ ।
ଵେତ୍ତି ତତ୍କୃତୀ ନୋ ଜଡଃ କୃତମ୍ ॥ ୬୫ ॥
ଵେତ୍ତି ୟଃ କୃତୀ ତତ୍ରା ତଦ୍ବଲମ୍ ।
ଵେଦ ୟୋ ନନା ତତ୍ର ନୋ ଫଲମ୍ ॥ ୬୬ ॥
ଅର୍ପୟେତ୍ତନୁଂ ୟଃ ସଵିତ୍ରି ତେ ।
ଶକ୍ତିଵୈଭଵଂ ତତ୍ର ପଣ୍ଡିତେ ॥ ୬୭ ॥
ପୂରୁଷୋ ଭଵନ୍ନୂର୍ମିରଚ୍ୟୁତେ ।
ମତ୍ତନୁଂ ସ୍ତ୍ରୈୟଂ ସମ୍ଭୁନକ୍ତୁ ତେ ॥ ୬୮ ॥
ସର୍ଵତୋ ଗତିର୍ଭାମଦମ୍ବ ତେ ।
ମଦ୍ଗୁହାନ୍ତରେ ଭାତୁ ଵିଶ୍ରୁତେ ॥ ୬୯ ॥
ଉଗ୍ରଵୈଭଵାଶକ୍ତିରନ୍ତରେ ।
ଭାତୁ ତେ ପଦପ୍ରେୟସଃପରେ ॥ ୭୦ ॥
ଚଣ୍ଡି ତେ ପୁନଶ୍ଚେତ୍ପ୍ରଚଣ୍ଡତା ।
କୀଦୃଗମ୍ବିକେ ସା ମହୋଗ୍ରତା ॥ ୭୧ ॥
ମର୍ତ୍ୟହସ୍ତିନଂ ମସ୍ତଭେଦିନୀ ।
ଶକ୍ତିରମ୍ବ ତେ ପାତୁ ପାଵନୀ ॥ ୭୨ ॥
ଉତ୍ତମୋତ୍ତମା ଚିତ୍ତଚିନ୍ତ୍ୟତାମ୍ ।
କୃତ୍ତମସ୍ତକା ମତ୍ତକାଶିନୀ ॥ ୭୩ ॥
ଆତ୍ମଵୈରିଣାଂ ନାଶନେ ଵିଧିମ୍ ।
ବ୍ରୂହି ମେ ଜନନ୍ୟନ୍ତରାଵଧିମ୍ ॥ ୭୪ ॥
ଚେତସୋଽମ୍ବ ତେ ଜାୟତାଂ ହିତମ୍ ।
ସୌପ୍ରତିଷ୍ଠସଦ୍ଗୀତମଦ୍ଭୁତମ୍ ॥ ୭୫ ॥
ଚତୁର୍ଥୋ ନରମନୋରମାସ୍ତବକଃ
ଅମରପାଲିନୀ ଦିତିଜନାଶିନୀ ।
ଭୁଵନଭୂପତେର୍ଜୟତି ଭାମିନୀ ॥ ୭୬ ॥
ଅତିଶୁଭା ନଭସ୍ତଲଵିସାରି ଭା ।
ଜଗଦଧୀଶିତୁର୍ଜୟତି ଵଲ୍ଲଭା ॥ ୭୭ ॥
ସୁରମହୀପତେର୍ହୃଦୟମୋହିନୀ ।
କପଟକାମିନୀ ଜୟତି ମାୟିନୀ ॥ ୭୮ ॥
ଜୟତି କୁଣ୍ଡଲୀପୁରନିକେତନା ।
ତଟିଦଧୀଶ୍ଵରୀ ତରଲଲୋଚନା ॥ ୭୯ ॥
ଵିମଲମସ୍ତକୈର୍ହୃଦି ଵିଧାରିତା ।
ଦଲିତମସ୍ତକା ଜୟତି ଦେଵତା ॥ ୮୦ ॥
ଜୟତି ଵିଦ୍ୟୁତୋ ୟୁଵତିଭୂମିକା ।
ଇହ ଖଲାନ୍ତକୃଜ୍ଜୟତି ରେଣୁକା ॥ ୮୧ ॥
ଅମିତଵିକ୍ରମେ ଜୟଜୟାମ୍ବିକେ ।
ପରଶୁଧାରିଣୋ ଜନନି ରେଣୁକେ ॥ ୮୨ ॥
ଵିନତପାଲିକେ ଧରଣିକାଲିକେ ।
ଜନପତିଦ୍ଵିଷୋ ଜନନି ପାହି ମାମ୍ ॥ ୮୩ ॥
ମମ କ୍ତଦମ୍ବୁଜଂ ତଵ ପଦାମ୍ବୁଜେ ।
ଭଜତୁ ଲୀନତାଂ କପଟନାର୍ୟଜେ ॥ ୮୪ ॥
୧୦୮
କରୁଣୟା କ୍ରିୟାଦ୍ଭଗଵତୀ ଶୁଭା ।
ମମ ମୁଦାଵହଂ ମଦମୁଦାରଭା ॥ ୮୫ ॥
ତଵ ମଦେ ଵୃଷା ଜୟତି ଦାନଵାନ୍ ।
ତଵ ମଦେ ହରୋ ନଟତି ମୋଦଵାନ୍ ॥ ୮୬ ॥
ତଵ ମଦେ ରଵିସ୍ତପତି ତେଜସା ।
ତଵ ମଦେ ସ୍ଵଭୂରଵତି ଚୌଜସା ॥ ୮୭ ॥
ତଵ ମଦେ ଶଶୀ ରମୟତେଽଖିଲମ୍ ।
ତଵ ମଦେଽନିଲଃ ପ୍ରଥୟତେ ବଲମ୍ ॥ ୮୮ ॥
ତଵ ମଦେଽନଲୋ ଜଗତି ରାଜତେ ।
ତଵ ମଦେ ମୁନିର୍ନିଗମମୀକ୍ଷତେ ॥ ୮୯ ॥
ତଵ ମଦେ ଧରା ଭ୍ରମତି ମେଦିନୀ ।
ତଵ ମଦେ ତନୁର୍ମମ ଚ ମୋଦିନୀ ॥ ୯୦ ॥
ଦହନକୀଲଵନ୍ନିରୁପମୋଗ୍ରତା ।
ଶଶିମୟୂଖଵତ୍ପରମସୌମ୍ୟତା ॥ ୯୧ ॥
ଗଗନଦେଶଵତ୍ସ୍ଥିତିରଚଞ୍ଚଲା ।
ତପନରଶ୍ମିଵଦ୍ଗତିରପଙ୍କିଲା ॥ ୯୨ ॥
ଅମୃତଵନ୍ମଦଃ ପଵନଵଦ୍ବଲମ୍ ।
ତଵ ତରଙ୍ଗକେ କିମିଵ ନୋ ଫଲମ୍ ॥ ୯୩ ॥
ତଵ ନଵାମହାମଦଵିଧାୟିକା ।
ଅଘହରୀସୁରା ଜୟତି ଵୀଚିକା ॥ ୯୪ ॥
ତଵ ସୁଚିତ୍ତିକା ଜନନି ଵୀଚିକା ।
ଅମୃତଵର୍ଷିଣୀ ଜୟତି ହର୍ଷିଣୀ ॥ ୯୫ ॥
ଅମରରାଜ୍ଞିଦେଵ୍ୟସୁରଵିଘ୍ନହା ।
ଅସୁରୁପାସକାନଵତି ତେ କଲା ॥ ୯୬ ॥
ଅନୁଗୃହୀତଵାକ୍ତଵ ଗଭସ୍ତିନା ।
ସକଲସିଦ୍ଧିରାଡ୍ ଭଵତି ଦେଵିନା ॥ ୯୭ ॥
ସତତଚିନ୍ତନାତ୍ତଵ ଗୁହାନ୍ତରେ ।
ନିୟତଚେତସୋ ଜଗଦିଦଂ କରେ ॥ ୯୮ ॥
ଜନନି ମେ ଵିଧିଂ କଥୟ ଭୀଷଣେ ।
ଵିଷୟଶାତ୍ରାଵଵ୍ରଜଵିଦାରଣେ ॥ ୯୯ ॥
ତଵ ମନୋରମେ ସୁରପତେରିମାଃ ।
ଵିଦଧତାଂ ମୁଦଂ ନରମନୋରମାଃ ॥ ୧୦୦ ॥
ଦ୍ଵିତୀୟଂ ଶତକମ୍
ପଞ୍ଚମୋ ରଥୋଦ୍ଧତାସ୍ତବକଃ
କୃତ୍ତମସ୍ତମପିଶାତକର୍ତରୀଂ ପାଣିପଦ୍ମୟୁଗଲେନ ବିଭ୍ରତୀମ୍ ।
ସଂସ୍ମରାମି ତରୁଣାର୍କରୋଚିଷଂ ୟୋଷିତଂ ମନସି ଚଣ୍ଡଚଣ୍ଡିକାମ୍ ॥ ୧୦୧ ॥
ଚଣ୍ଡଚଣ୍ଡି ତଵ ପାଣିପଙ୍କଜେ ୟନ୍ନିଜଂ ଲସତି କୃତ୍ତମସ୍ତକମ୍ ।
ଦେଵି ସୂଚୟତି ଚିତ୍ତନାଶନଂ ତତ୍ତଵେନ୍ଦ୍ରହୃଦୟାଧିନାୟିକେ ॥ ୧୦୨ ॥
ଦୀପ୍ତିଵିଗ୍ରହଲତାଂ ମହାବଲାଂ ଵହ୍ନିକୀଲନିଭରକ୍ତକୁନ୍ତଲାମ୍ ।
ସଂସ୍ମରାମି ରତିମନ୍ମଥାସନାଂ ଦେଵତାଂ ତରୁଣଭାସ୍କରାନନାମ୍ ॥ ୧୦୩ ॥
ରଶ୍ମିଭିସ୍ତଵ ତନୂଲତାକୃତା ରଶ୍ମିଭିସ୍ତଵ କୃତାଶ୍ଚ କୁନ୍ତଲାଃ ।
ରଶ୍ମିଭିସ୍ତଵ କୃତଂ ଜ୍ଵଲନ୍ମୁଖଂ ରଶ୍ମିଭିସ୍ତଵ କୃତେ ଚ ଲୋଚନେ ॥ ୧୦୪ ॥
ଦେଵି ରଶ୍ମିକୃତସର୍ଵଵିଗ୍ରହେ ଦୃଷ୍ଟିପାତକୃତସାଧ୍ଵନୁଗ୍ରହେ ।
ଅମ୍ବରୋଦଵସିତେ ଶରୀରିଣାମମ୍ବ ପାହି ରଵିବିମ୍ବଚାଲିକେ ॥ ୧୦୫ ॥
ୟତ୍ତଵାସନମଶେଷମୋହନୌ ଵିଦ୍ୟୁଦକ୍ଷିରତିସୂନସାୟକୌ ।
ଏତଦିନ୍ଦ୍ରସଖି ଭାଷତେ ତ୍ଵୟା ତାଵୁଭାଵପି ବଲାଦଧଃ କୃତୌ ॥ ୧୦୬ ॥
ଦୃଷ୍ଟିରେଵ ତଵ ଶସ୍ତ୍ରମାହଵେ ଶାତ୍ରଵସ୍ତୁ ତଵ ନ କ୍ଷମଃ ପୁରଃ ।
ଵସ୍ତ୍ରମମ୍ବ ଦିଶ ଏଵ ନିର୍ମଲାଃ ପ୍ରେକ୍ଷିତୁଂ ଭଵତି ନ ପ୍ରଭୁଃ ପରଃ ॥ ୧୦୭ ॥
ଚକ୍ଷୁଷାଂ ଦଶଶତାନି ତେ ରୁଚିଂ ପାତୁମେଵ ପରମସ୍ୟ ଵଜ୍ରିଣଃ ।
ଭାସ୍ଵତଃ କରସହସ୍ରମମ୍ବିକେ ଲାଲନାୟ ତଵ ପାଦପଦ୍ମୟୋଃ ॥ ୧୦୮ ॥
ଶୂଲମଗ୍ନିତିଲକସ୍ୟ ଧୂର୍ଜଟେଃ ଚକ୍ରମଚ୍ଛଜଲଜାତଚକ୍ଷୁଷଃ ।
ଵଜ୍ରମମ୍ବ ମରୁତାଂ ଚ ଭୂପତେଃ ତେଜସସ୍ତଵ କୃତାନି ଭାଗକୈଃ ॥ ୧୦୯ ॥
ଭୈରଵୀଚରଣଭକ୍ତ୍ବାନ୍ଧଵୀ ତାରିଣୀ ଚ ସୁରପକ୍ଷଧାରିଣୀ ।
କାଲିକା ଚ ନତପାଲିକାଽପରାଶ୍ଚଣ୍ଡଚଣ୍ଡି ତଵ ଭୀମଭୂମିକାଃ ॥ ୧୧୦ ॥
ରକ୍ଷ ମେ କୁଲମତୀନ୍ଦ୍ରିୟେ ତତେ ରାକ୍ଷସାଦିନି ସୁରୈଃ ସମର୍ଚିତେ ।
ପୁତ୍ରାଶିଷ୍ୟସହିତୋଽହମମ୍ବ ତେ ପାଵନଂ ପଦସରୋରୁହଂ ଶ୍ରୟେ ॥ ୧୧୧ ॥
ଐନ୍ଦ୍ରିଦେଵି ଭଵତୀ ମହାବଲା ଛିନ୍ନମସ୍ତୟୁଵତିସ୍ତୁ ତେ କଲା ।
ସର୍ଵଲୋକବଲଵିତ୍ତଶେଵଧେଃ ପେରକ୍ଷିତାଽସ୍ତି ତଵ କୋ ବଲାଵଧେଃ ॥ ୧୧୨ ॥
ୟେୟମମ୍ବ ରୁଚିରୁଜ୍ଜ୍ଵଲାନନେ ୟା ଚ କାଚନ ଵିଭା ଵିଭାଵସୌ ।
ତଦ୍ଦ୍ଵୟଂ ତଵ ସଵିତ୍ରି ତେଜସୋ ଭୂମିନାକନିଲୟସ୍ୟ ଵୈଭଵମ୍ ॥ ୧୧୩ ॥
ପ୍ରାଣଦା ତଵ ରୁଚିର୍ଜଗତ୍ତ୍ରାୟେ ପ୍ରାଣହୃଚ୍ଚ ବତ କାର୍ୟଭେଦତଃ ।
ଵୈଭଵଂ ଭୁଵନଚକ୍ରପାଲିକେ କୋ ନୁ ଵର୍ଣୟିତୁମୀଶ୍ଵରସ୍ତଵ ॥ ୧୧୪ ॥
ଉଦ୍ଭଵସ୍ତଵଵିପାକଵୈଭଵେ ନାଶନଂ ଚ ଜଗଦମ୍ବ ଦେହିନାମ୍ ।
ୟୌଵନଂ ନୟନହାରିନିର୍ମଲଂ ଵାର୍ଧକଂ ଚ ଵିତତାତୁଲପ୍ରଭେ ॥ ୧୧୫ ॥
ନିର୍ବଲୋ ଭଵତି ଭୂତଲେ ୟୁଵା ୟଚ୍ଚ ଦେଵି ଜରଠୋ ଭଵେଦ୍ବଲୀ ।
ତଦ୍ଵୟଂ ତଵ ଵିଚିତ୍ରପାକତଃ ପାକଶାସନସଖି କ୍ଷରେତରେ ॥ ୧୧୬ ॥
ଵାର୍ଧକେନ ବଲକାନ୍ତିହାରିଣା ଦାରୁଣେନ କଟୁକାର୍ୟକାରିଣା ।
ଗ୍ରସ୍ତମେତମଧୁନା ପୁନଃ କୁରୁ ତ୍ରାଣଦେ ୟୁଵକଵତ୍ପଦାଶ୍ରିତମ୍ ॥ ୧୧୭ ॥
ଭୋଗଲାଲସତୟା ନ ନୂତନଂ ଦେଵି ଵିକ୍ରମମପାରମର୍ଥୟେ ।
ଅତ୍ର ମେ ଵପୁଷି ଲାସ୍ୟମମ୍ବ ତେ ସୋଢୁମେଵ ମମ ସେୟମର୍ଥନା ॥ ୧୧୮ ॥
ଶକ୍ତିରମ୍ବ ମମ କାଚିଦନ୍ତରେ ୟା ତ୍ଵୟୈଵ ନିହିତାଲମଲ୍ପକା ।
ଵୃଦ୍ଧିମେତ୍ୟ ସହତାମିୟଂ ପରାଂ ବାହ୍ୟଶକ୍ତିମିହ ନିର୍ଗଲଜ୍ଝରାମ୍ ॥ ୧୧୯ ॥
ଅମ୍ବ ତେ ନରସୁରାସୁରସ୍ତୁତେ ଦିଵ୍ୟଶକ୍ତିଲହରୀଵିଶୋଧିତମ୍ ।
ପାତକାନି ଜହତୀଵ ମାମିମଂ କାମୟନ୍ତ ଇଵ ସର୍ଵସିଦ୍ଧୟଃ ॥ ୧୨୦ ॥
ଶକ୍ତିରିନ୍ଦ୍ରସଖି ଚେନ୍ନ ତେ ମୃଷା ଭକ୍ତିରୀଶ୍ଵରି ନ ମେ ମୃଷା ୟଦି ।
ଉଲ୍ଲସନ୍ତୁ ରତିକନ୍ତୁପୀଠିକେ ଶୀଧ୍ରମେଵ ମୟି ୟୋଗସିଦ୍ଧୟଃ ॥ ୧୨୧ ॥
ଅସ୍ତୁ ଭକ୍ତିରଖିଲାମ୍ବ ମେ ନ ଵା ଶକ୍ତିରେଵ ତଵ ସମ୍ପ୍ରଶୋଧ୍ୟ ମାମ୍ ।
ଦେଵକାର୍ୟକରଣକ୍ଷମଂ ବଲାଦାଦଧାତୁ ଵିଦଧାତୁ ଚାମୃତମ୍ ॥ ୧୨୨ ॥
ଆସ୍ୟମମ୍ବ ତଵ ୟଦ୍ୟପୀକ୍ଷିତଂ ଲାସ୍ୟମେତଦନୁଭୂୟତେ ମୟା ।
ପାଦଘାତତତିଚୂର୍ଣିତାନ୍ୟଜେ ୟତ୍ର ୟାନ୍ତି ଦୁରିତାନି ସଙ୍କ୍ଷୟମ୍ ॥ ୧୨୩ ॥
ସ୍ଵୀୟଶକ୍ତିଲହରୀଵିଲାସିନେ କିଙ୍କରାୟ ପଦପଦ୍ମଲମ୍ବିନେ ।
ଭାଷତାଂ ଵିଷୟଵୈରିଦାରଣେ ଭଙ୍ଗଵର୍ଜିତମୁପାୟମମ୍ବିକା ॥ ୧୨୪ ॥
ନିର୍ମଲେ କରୁଣୟା ପ୍ରପୂରିତେ ସନ୍ତତଂ ଵିକସିତେ ମହାମହେ ।
ଅମ୍ବିକାହୃଦି ଵିତନ୍ଵତାମିମାଃ ସମ୍ପ୍ରସାଦମତୁଲଂ ରଥୋଦ୍ଧତାଃ ॥ ୧୨୫ ॥
ଷଷ୍ଠଃ ସ୍ଵାଗତାସ୍ତବକଃ
ୟୋଗିନେ ବଲମଲଂ ଵିଦଧାନା ସେଵକାୟ କୁଶଲାନି ଦଦାନା ।
ଅସ୍ତୁ ମେ ସୁରଧରାପତିଶକ୍ତିଶ୍ଚେତସଶ୍ଚ ଵପୁଷଶ୍ଚ ସୁଖାୟ ॥ ୧୨୬ ॥
କାର୍ୟମସ୍ତି ମମ କିଞ୍ଚନ ସତ୍ୟଂ ତଜ୍ଜୟାୟ ଵିଲପାମି ଚ ସତ୍ୟମ୍ ।
ଏଵମପ୍ୟକପଟୈଵ ରତିର୍ମେ ଵଜ୍ରପାଣିସଖି ତେ ପଦପଦ୍ମେ ॥ ୧୨୭ ॥
ଶ୍ରଦ୍ଧୟା ତଵ ନୁତିଂ ଵିଦଧାମି ଶ୍ରଦ୍ଧୟା ତଵ ମନୁଂ ପ୍ରଜପାମି ।
ଶ୍ରଦ୍ଧୟା ତଵ ଵିଜୃଭିତମୀକ୍ଷେ ଶ୍ରଦ୍ଧୟା ତଵ କୃପାଂ ଚ ନିରୀକ୍ଷେ ॥ ୧୨୮ ॥
ଵିଦ୍ୟୁଦେଵ ଭଵତୀ ଚ ମରୁତ୍ଵାନ୍ ଵିଦ୍ୟୁଦେଵ ଗିରିଶୋ ଗିରିଜା ଚ ।
ଵିଦ୍ୟୁଦେଵ ଗଣପଃ ସହ ସିଦ୍ଧଞ୍ୟା ଷଟ୍କଭେଦ ଇହ କାର୍ୟଵିଶେଷୈଃ ॥ ୧୨୯ ॥
ପୂରୁଷଶ୍ଚ ଵନିତେତି ଵିଭେଦଃ ଶକ୍ତଶକ୍ତିଭିଦୟା ଵଚନେଷୁ ।
ତେଜ ଏଵ ଖଲୁ ଵିଦ୍ୟୁତି ଶକ୍ତଂ ଵୀର୍ୟ ଏଵ ଜଗଦୀଶ୍ଵରି ଶକ୍ତିଃ ॥ ୧୩୦ ॥
ଵିଦ୍ୟୁଦମ୍ବରଭୁଵି ଜ୍ଵଲତୀଶେ ଶବ୍ଦମମ୍ବ କୁରୁ ତେ ଚ ସୁସୂକ୍ଷ୍ମମ୍ ।
ଇନ୍ଦ୍ରରୁଦ୍ରୟୁଗଲଵ୍ୟଵହାରେ କର୍ମୟୁଗ୍ମମିଦମୀଶ୍ଵରି ବୀଜମ୍ ॥ ୧୩୧ ॥
ଵୈଦ୍ୟୁତସ୍ୟ ଭଵସି ଜ୍ଵଲତୋଽଗ୍ନେରମ୍ବ ଶକ୍ତିରସତାଂ ଦମନି ତ୍ଵମ୍ ।
ତସ୍ୟ ନାଦଵତ ଆଗମଗୀତା କାଲିକା ଭଵତି ଶକ୍ତିରଭୀତା ॥ ୧୩୨ ॥
ତେଜସୋ ରୁଚିରଭୀମକଲାଭ୍ୟାଂ ୟଦ୍ଵଦୀଶ୍ଵରି ଶଚୀ ଭଵତୀ ଚ ।
ଏଵମାଶ୍ରିତଜନାଵନି ଗୌରୀ କାଲିକା ଚ ନିନଦସ୍ୟ କଲାଭ୍ୟାମ୍ ॥ ୧୩୩ ॥
ଵୈଦ୍ୟୁତୋଽଗ୍ନିରଖିଲେଶ୍ଵରି ପିଣ୍ଡେ ମୂଲତାମରସପୀଠନିଷଣ୍ଣଃ ।
ଇନ୍ଦ୍ରିୟଂ ଭଵତି ଵାଗିତି ଦେଵଂ ୟଂ ଵିଦୋ ଗଣପତିଂ କଥୟନ୍ତି ॥ ୧୩୪ ॥
ଗ୍ରନ୍ଥିଭେଦଵିକଚେ ସରସୀଜେ ଜୃମ୍ଭମାଣମିହ ଵୈଦ୍ୟୁତଵହ୍ନିଃ ।
ୟାଂ ରୁଚିଂ ପ୍ରକଟୟତ୍ୟତିଵୀର୍ୟାଂ ସୈଵ ସିଦ୍ଧିରିତି କାଚନ ଲକ୍ଷ୍ମୀଃ ॥ ୧୩୫ ॥
ଵିଦ୍ୟୁଦେଵ ଭଵତୀ ନନୁ ଭାନ୍ତୀ ଵିଦ୍ୟୁଦେଵ ନଗଜା ନିନଦନ୍ତୀ ।
ଵିଦ୍ୟୁଦେଵ ତପସୋ ଵିଲସନ୍ତୀ ଵିଗ୍ରହେଷୁ ପରମେଶ୍ଵରି ସିଦ୍ଧିଃ ॥ ୧୩୬ ॥
ନୈଵ କେଵଲମୁଦାରଚରିତ୍ରେ ଵିଦ୍ୟୁଦଦ୍ଭୁତତମା ତ୍ରିଵିଭୂତିଃ ।
ଵୈଭଵଂ ବହୁ ସହସ୍ରଵିଭେଦଂ କୋ ନୁ ଵର୍ଣୟତୁ ପାଵନି ତସ୍ୟାଃ ॥ ୧୩୭ ॥
ଵୈଦ୍ୟୁତଂ ଜ୍ଵଲନମୀଶ୍ଵରି ହିତ୍ଵା ନୈଵ ଦୈଵତମଭୀଷ୍ଟତମଂ ନଃ ।
ତଦ୍ଵିଭୂତିଗୁଣଗାନଵିଲୋଲା ଭାରତୀ ଜୟତୁ ମେ ବହୁଲୀଲା ॥ ୧୩୮ ॥
ତେଜସଶ୍ଚ ସହସଶ୍ଚ ଵିଭେଦାଦ୍ୟା ତନୁସ୍ତଵ ଭଵତ୍ୟୁଭୟାତ୍ମା ।
ତଦ୍ଵୟଂ ଚ ମୟି ଚିତ୍ରଚରିତ୍ରେ ଜୃମ୍ଭତାଂ ନରଜଗତ୍କୁଶଲାୟ ॥ ୧୩୯ ॥
ପ୍ରାୟଶୋ ନିଗମଵାଚି ପୁମାଖ୍ୟା ତନ୍ତ୍ରାଵାଚି ଵରଦେ ଵନିତାଖ୍ୟା ।
ପ୍ରାଣିନାଂ ଜନନି ତେ ଵିବୁଧାନାଂ ତତ୍ର ହେତୁରଜରେ ରୁଚିଭେଦଃ ॥ ୧୪୦ ॥
ଅତ୍ର ସିଦ୍ଧିରୁଦିତା ମମ ଦେହେ ଭୂମିକା ଭୁଵନଧାତ୍ରି ତଵାନ୍ୟା ।
ଆହ୍ଵୟତ୍ୟଧିକଶକ୍ତିକୃତେ ତ୍ଵାଂ ତ୍ଵଂ ଚ ସମ୍ପ୍ରଵିଶ ଦେହଗୁହାଂ ନଃ ॥ ୧୪୧ ॥
ଜୃମ୍ଭତାମିୟମିତଃ କୁଲକୁଣ୍ଡାଦନ୍ତରିକ୍ଷତଲତୋଽଵତର ତ୍ଵମ୍ ।
ଉଲ୍ଲସନ୍ତ୍ଵଵଲସନ୍ତୁ ଚ ଦେହେ ଵୀଚୟୋଽତ୍ର ଭଗିନୀଦ୍ଵିତୟସ୍ୟ ॥ ୧୪୨ ॥
କେଵଲଂ ନ ସହସା ମହନୀୟେ ତେଜସା ଚ ଵରଦେଽଵତର ତ୍ଵମ୍ ।
ଅତ୍ର ସିଦ୍ଧିମପି କେଵଲଵୀର୍ୟୋଲ୍ଲାସିନୀଂ ଜନନି ୟୋଜୟ ଭାସା ॥ ୧୪୩ ॥
ଛିନ୍ନମୁଜ୍ଜ୍ଵଲତଟିତ୍ପ୍ରଭନେତ୍ରଂ କଣ୍ଠରକ୍ତ୍ଜଲସୀଂଗ୍ରହପାତ୍ରମ୍ ।
ମସ୍ତକଂ ତଵ ସହେଶ୍ଵରି ଧନ୍ୟଂ ମସ୍ତକଂ ମମ କରୋତୁ ଵିଶୂନ୍ୟମ୍ ॥ ୧୪୪ ॥
ମୋଚିତାଶ୍ରିତଗୁହାନ୍ତରବନ୍ଧଃ ପ୍ରାଣଵାଂସ୍ତଵ ସଵିତ୍ରି କବନ୍ଧଃ ।
ଵାସନାକୁସୁମତଲ୍ପକସୁପ୍ତାଂ ସମ୍ପ୍ରବୋଧୟତୁ ମେ ମତିମାପ୍ତାମ୍ ॥ ୧୪୫ ॥
ଦେଵପୂଜ୍ୟଚରଣା ତଵ ଚେଟୀ ନିର୍ଵିବନ୍ଧକରୁଣାପରିପାଟୀ ।
ଵଜ୍ରପାଣିସଖି ଶୋକଦରିଦ୍ରଂ ଵର୍ଣିନୀ ଭଣତୁ ମେ ବହୁଭଦ୍ରମ୍ ॥ ୧୪୬ ॥
ଚଣ୍ଡଚଣ୍ଡି ତଵ ୟୁଦ୍ଧଵୟସ୍ୟା ୟୋଗିଵେଦ୍ୟନିଜଵୀର୍ୟରହସ୍ୟା ।
ଚେତସଶ୍ଚ ଭୁଜୟୋଶ୍ଚ ସମଗ୍ରଂ ଡାକିନୀ ଦିଶତୁ ମେ ବଲମୁଗ୍ରମ୍ ॥ ୧୪୭ ॥
ମନ୍ମଥେନ ସହ ରାଗରସାର୍ଦ୍ରା ପୂରୁଷାୟିତରତା ରତିରୀଡ୍ୟା ।
ଆସନଂ ତଵ ଵଶୀକୁରୁତାନ୍ମେ ସର୍ଵଲୋକମପି ଵଜ୍ରଶରୀରେ ॥ ୧୪୮ ॥
ଦୃପ୍ୟତାଂ ଵିଷୟଵୈରିଗଣାନାଂ ମର୍ଦନାୟ ରମଣୀୟମୁପାୟମ୍ ।
ଅମ୍ବ ଶୀଘ୍ରମଭିଧାୟ ନୟ ତ୍ଵଂ ମାମିମଂ ଚରଣପଙ୍କଜବନ୍ଧୁମ୍ ॥ ୧୪୯ ॥
ତେଜସା ଚ ସହସା ଚ ଵିଭାନ୍ତୀ ପୁଷ୍କରେ ଚ ୟମିନାଂ ଚ ତନୂଷୁ ।
ସମ୍ମଦଂ ଭଜତୁ ଵାସଵଶକ୍ତିଃ ସ୍ଵାଗତାଭିରମଲାଭିରିମାଭିଃ ॥ ୧୫୦ ॥
ସପ୍ତମ ଇନ୍ଦ୍ରଵଜ୍ରାସ୍ତବକଃ
ଜ୍ଞାନାୟ ହାନାୟ ଚ ଦୁର୍ଗୁଣାନାଂ ଭାନାୟ ତତ୍ତ୍ଵସ୍ୟ ପରସ୍ୟ ସାକ୍ଷାତ୍ ।
ଦେଵୀଂ ପ୍ରପଦ୍ୟେ ସୁରପାଲଶକ୍ତିମେକାମନଂଶାମଭିତୋ ଵିଭାନ୍ତୀମ୍ ॥ ୧୫୧ ॥
ଈଶୋଽଶରୀରୋ ଜଗତାଂ ପରସ୍ତାତ୍ ଦେଵୀ ଖକାୟା ପରିତୋ ଜଗନ୍ତି ।
ପୂର୍ଵୋ ଵିଶୁଦ୍ଧୋ ଗୁଣଗନ୍ଧଶୂନ୍ୟଃ ସ୍ଥାନଂ ଗୁଣାନାମପରାଽଖିଲାନାମ୍ ॥ ୧୫୨ ॥
ଆକ୍ରମ୍ୟ ଲୋକଂ ସକଲଂ ଵିଭାତି ନୋ କେଵଲଂ ଭୂରି ଵିଭୂତିରମ୍ବା ।
ଶୁଦ୍ଧା ପରସ୍ତାଦପି ନାଥଚିତ୍ତି ରୂପା ଵିପାପା ପରିତଶ୍ଚକାସ୍ତି ॥ ୧୫୩ ॥
ତ୍ରୌଲୋକ୍ୟଭୂଜାନିରଣୋରଣିଷ୍ଠସ୍ତସ୍ୟାତ୍ମଶକ୍ତିର୍ମହତୋ ମହିଷ୍ଠା ।
ଏତଦ୍ରହସ୍ୟଂ ଭୁଵି ଵେଦ ୟୋ ନା ତତ୍ତ୍ଵପ୍ରସଙ୍ଗଏଷୁ ନ ତସ୍ୟ ମୋହଃ ॥ ୧୫୪ ॥
ଜ୍ଞାନଂ ପରଂ ଧର୍ମଵଦୀଶତତ୍ତ୍ଵଂ ଧର୍ମାତ୍ମକଂ ଜ୍ଞାନମଜାସ୍ଵରୂପମ୍ ।
ଶକ୍ତୀଶୟୋର୍ଭକ୍ତୁମଶକ୍ୟୟୋରପ୍ୟେଵଂ ଵିଭାଗୋ ଵଚସା ଵ୍ୟଧାୟି ॥ ୧୫୫ ॥
ଦୃଶ୍ୟସ୍ୟ ସର୍ଵସ୍ୟ ଚ ଭୋଗକାଲେ ଧର୍ମୀ ଚ ଧର୍ମଶ୍ଚ ଵିଭାତି ବୋଧଃ ।
ଅନ୍ତଃ ସମାଧାଵୟମେକରୂପଃ ଶକ୍ତୀଶଭେଦସ୍ତଦସାଵନିତ୍ୟଃ ॥ ୧୫୬ ॥
ଧର୍ମଃ ପରସ୍ତାତ୍ପରମେଶ୍ଵରୀ ୟା ଧର୍ମିତ୍ଵମେଷା ଜଗତି ପ୍ରୟାତି ।
ୟାଵଜ୍ଜଗଜ୍ଜୀଵିତମପ୍ରଣାଶମାକାଶମାଶ୍ରିତ୍ୟ ମହଚ୍ଛରୀରମ୍ ॥ ୧୫୭ ॥
ଵ୍ୟକ୍ତିଂ ଖକାୟାଂ ପ୍ରଜଗୁଃ ପୁମାଂସମେକେ ପରେ କ୍ଲୀବମୁଦାହରନ୍ତି ।
ଅସ୍ମାକମେଷା ପରମାତ୍ମଶକ୍ତିର୍ମାତା ସମସ୍ତସ୍ୟ ଚ କାଽପି ନାରୀ ॥ ୧୫୮ ॥
ଚିଦ୍ରୂପମତ୍ୟନ୍ତସୁସୂକ୍ଷ୍ମମେତତ୍ ଜ୍ୟୋତିର୍ୟଦାକାଶଶରୀରମଗ୍ର୍ୟମ୍ ।
ପ୍ରାଣଃ ସ ଏଵ ପ୍ରଣଵଃ ସ ଏଵ ଵହ୍ନିଃ ସ ଏଵାମ୍ବରଦେଶଵାସୀ ॥ ୧୫୯ ॥
ଵାୟୁଶ୍ଚ ରୁଦ୍ରଶ୍ଚ ପୁରନ୍ଦରଶ୍ଚ ତସ୍ୟୈଵ ଵିଶ୍ଵଂ ଦଧତଃ ପୁମାଖ୍ୟାଃ ।
ଶକ୍ତିଶ୍ଚ କାଲୀ ଚ ମହାପ୍ରଚଣ୍ଡଚଣ୍ଡୀ ଚ ୟୋଷିତ୍ପ୍ରଵରାହ୍ଵୟାନି ॥ ୧୬୦ ॥
ଅତ୍ରାପି ଧର୍ମୀ ପୁରୁଷଃ ପରେଷାଂ ଧର୍ମସ୍ତୁ ନାରୀ ଵିଦୁଷାଂ ମତେନ ।
ଏଷୋଽପି ଵାଚୈଵ ଭଵେଦ୍ଵିଭାଗଃ ଶକ୍ୟୋ ଵିଧାତୁଂ ନ ତୁ ଵସ୍ତୁଭେଦାତ୍ ॥ ୧୬୧ ॥
ତ୍ଵଂ ଦେଵି ହନ୍ତ୍ରୀ ମହିଷାସୁରସ୍ୟ ଶୁମ୍ଭଂ ସବନ୍ଧୁଂ ହତଵତ୍ୟସି ତ୍ଵମ୍ ।
ତ୍ଵଂ ୟୋଗନିଦ୍ରାମଧୁସୂଦନସ୍ୟ ଭଦ୍ରାସି ଶକ୍ତିର୍ବଲଵୈରିଣସ୍ତ୍ଵମ୍ ॥ ୧୬୨ ॥
କାଲସ୍ୟ ଲୀଲାସହଚାରିଣୀ ତ୍ଵଂ ଵାମାଙ୍ଗମସ୍ୟନ୍ଧକଵୈରିଣସ୍ତ୍ଵମ୍ ।
ସିଦ୍ଧିସ୍ତ୍ଵମଶ୍ରାନ୍ତତପୋଭିଗମ୍ୟା ବୁଦ୍ଧିସ୍ତ୍ଵମକ୍ଷୁଦ୍ରମନୁଷ୍ୟନମ୍ୟା ॥ ୧୬୩ ॥
ଵିଦ୍ୟୁତ୍ତ୍ଵମାକାଶପଥେ ଚରନ୍ତୀ ସୂର୍ୟପ୍ରଭା ତ୍ଵଂ ପରିତୋ ଲସନ୍ତୀ ।
ଜ୍ଵାଲା କୃଶାନୋରସି ଭୀମଲୀଲା ଵେଲାତିଗା ତ୍ଵଂ ପରମସ୍ୟ ଚିତ୍ତିଃ ॥ ୧୬୪ ॥
ଭେଦାଃ ସହସ୍ରଂ ତଵ ଦେଵି ସନ୍ତୁ ତ୍ଵଂ ମୂଲଶକ୍ତିର୍ମମ ମାତରେକା ।
ସ୍ତୋତ୍ରାଣି ତେ ବୁଦ୍ଧିମତାଂ ଵିଭୂତିଦ୍ଵାରା ବହୂନୀଵ ଵିଭାନ୍ତି ଲୋକେ ॥ ୧୬୫ ॥
ଉଗ୍ରାଣି ରୂପାଣି ସହସ୍ରଶସ୍ତେ ସୌମ୍ୟାନି ଚାଶେଷସଵିତ୍ରି ସନ୍ତି ।
ଵ୍ୟକ୍ତିତ୍ଵମେକଂ ତଵ ଭୂରିଶକ୍ତିଵ୍ୟକ୍ତୀଃ ପୃଥକ୍ ଚ ପ୍ରଦଦାତି ତେଭ୍ୟଃ ॥ ୧୬୬ ॥
କୁର୍ଵନ୍ତି ତାଃ ପାଵନି ଵିଶ୍ଵକାର୍ୟଂ ସର୍ଵଂ ଚ ଲୋକାମ୍ବ ଵିଭୂତୟସ୍ତେ ।
ସ୍ଵର୍ଵୈରିଣାଂ ଚ ପ୍ରତିସନ୍ଧିକାଲଂ ଗର୍ଵଂ ହରନ୍ତି କ୍ଷଣଦାଚରାଣାମ୍ ॥ ୧୬୭ ॥
ଚଣ୍ଡୀ ପ୍ରଚଣ୍ଡା ତଵ ୟା ଵିଭୂତିଃ ଵଜ୍ରାତ୍ମିକା ଶକ୍ତିରପାରସାରା ।
ସା ସମ୍ପ୍ରଦାୟାତୁଲମମ୍ବ ଵୀର୍ୟଂ ଦେଵୀ କ୍ରିୟାନ୍ମାଂ କୃତଦେଵକାର୍ୟମ୍ ॥ ୧୬୮ ॥
ଆଵିଶ୍ୟ ୟା ମାଂ ଵପୁଷୋ ଗୁହାୟାଂ ଚିତ୍ରାଣି ତେ ଶକ୍ତିରଜେ କରୋତି ।
ସା କା ତଵ ପ୍ରାଜ୍ୟଵିଭୂତିମଧ୍ୟେ ସଦ୍ଧ୍ୟେୟରୂପେ ଵିଶଦୀକୁରୁଷ୍ଵ ॥ ୧୬୯ ॥
ସଂଶୋଧନାୟୈଵ କୃତିଃ କିମସ୍ୟାଃ ସଞ୍ଚାଲନାୟାପି କିମୁ କ୍ରିୟାଣାମ୍ ।
ଶକ୍ତ୍ୟୈ କିମେଷା ଵିଦଧାତି ଚେଷ୍ଟାମାହୋସ୍ଵିଦଚ୍ଛାଂ ଚ ମତିଂ ପ୍ରଦାତୁମ୍ ॥ ୧୭୦ ॥
ପ୍ରାଣପ୍ରଦା ଭୀମତମା ଚ ଶକ୍ତିର୍ୟା କୃତ୍ତଶୀର୍ଷାଂ ସହସାଵିଵେଶ ।
ସା ମେ କ୍ରିୟାତ୍ପ୍ରାଣବଲଂ ପ୍ରଶସ୍ତଂ ହସ୍ତଂ ଚ ମେ କାର୍ୟପଟୁଂ କରୋତୁ ॥ ୧୭୧ ॥
ସନ୍ଦେହଜାଲଂ ପ୍ରଵିଧୂୟ ତେଜଃ ସନ୍ଦାୟିନୀ କୃତ୍ତଶିରାଃ କରୋତୁ ।
ଵୃନ୍ଦାରକାରାଧିତପାଦପଦ୍ମା ଵନ୍ଦାରୁମନ୍ଦାରଲତା ଶୁଭଂ ନଃ ॥ ୧୭୨ ॥
ମାମାଵିଶନ୍ତୀ ଭଵ ଵା ନ ଵା ତ୍ଵଂ ସମ୍ପାଦୟେଷ୍ଟଂ ମମ ଵା ନ ଵା ତ୍ଵମ୍ ।
ଦୁର୍ଜ୍ଞେୟସାରେ ଜନନି ପ୍ରଚଣ୍ଡଚଣ୍ଡି ତ୍ଵମେକା କୁଲଦୈଵତଂ ନଃ ॥ ୧୭୩ ॥
ନାଶଂ ଵିଧାତୁଂ ଵିଷୟଦ୍ଵିଷାଂ ମେ ପାଶତ୍ରୟାନ୍ମୋଚୟିତୁଂ ଚ ଦେହମ୍ ।
ଶେଷାହିଵର୍ଣ୍ୟେ ପଦକିଙ୍କରାୟ ଭାଷସ୍ଵ ୟୋଗଂ ଜନନି ପ୍ରଚଣ୍ଡେ ॥ ୧୭୪ ॥
ସର୍ଵାତ୍ମଶକ୍ତେଃ ପଦବନ୍ଧୁଗୀତାଃ କୁର୍ଵନ୍ତୁ ଭୂୟାଂସମିହ ପ୍ରମୋଦମ୍ ।
ୟୁକ୍ତ୍ସ୍ୟ ଦେଵ୍ୟାସ୍ତଟିତଃ ସମାଧିମତ୍ତସ୍ୟ ଚିତ୍ତସ୍ୟ ମମେନ୍ଦ୍ରଵଜ୍ରାଃ ॥ ୧୭୫ ॥
ଅଷ୍ଟମୋ ଭୟହାରିସ୍ତବକଃ
ଉଗ୍ରତରନାଦାଂ ପାପହରପାଦାମ୍ ।
ନୌମି ଖଲମାରୀଂ ଵଜ୍ରଧରନାରୀମ୍ ॥ ୧୭୬ ॥
ଶକ୍ତକରଣାନାଂ ଗୁପ୍ତଭରଣାନାମ୍ ।
ଧ୍ଵାନ୍ତହରଵିଦ୍ୟୁଦ୍ଵୀଚିକିରଣାନାମ୍ ॥ ୧୭୭ ॥
ନିତ୍ୟକରୁଣାନାଂ ଵ୍ୟୋମଶରଣାନାମ୍ ।
ଅସ୍ମି ଗୁଣଵନ୍ଦୀ ମାତୃଚରଣାନାମ୍ ॥ ୧୭୮ ॥
କାଚନ ଶବର୍ୟାଂ ଦେଵି ମୁନିନାର୍ୟାମ୍ ।
ପୁଣ୍ୟଵଦଧୀତେ ମୋହନକଲା ତେ ॥ ୧୭୯ ॥
କାଚିଦପି ତସ୍ୟାଂ ମୌନିଜନଗୀତେ ।
କୃତ୍ତଶିରସୀଶେ ଭୀଷଣକଲା ତେ ॥ ୧୮୦ ॥
ମଞ୍ଜୁତରଗୁଞ୍ଜାହାରନିକରାୟୈ ।
ଚାପଶରୟୁକ୍ତ୍ପ୍ରୋଜ୍ଜ୍ଵଲକରାୟୈ ॥ ୧୮୧ ॥
ସର୍ଵଜନଚକ୍ଷୁସ୍ତର୍ପଣଵିଭାୟୈ ।
ଜଙ୍ଗମଵିଚିତ୍ରାସ୍ଵର୍ଣଲତିକାୟୈ ॥ ୧୮୨ ॥
ଅଭ୍ରଚିକୁରାୟୈ ଶୁଭ୍ରହସିତାୟୈ ।
ମାଦକମନୋଜ୍ଞସ୍ଵାଦୁଵଚନାୟୈ ॥ ୧୮୩ ॥
ଇନ୍ଦୁଵଦନାୟୈ କୁନ୍ଦରଦନାୟୈ ।
ମନ୍ଦରକୁଚାୟୈ ମନ୍ଦଗମନାୟୈ ॥ ୧୮୪ ॥
ଅଞ୍ଜଲିରୟଂ ମେ କଞ୍ଜନୟନାୟୈ ।
ମୌନିକୁଲନାର୍ୟୈ ପାଵନଶବର୍ୟୈ ॥ ୧୮୫ ॥
ପାଵନଚରିତ୍ରାଂ ମାରମଣପୁତ୍ରାମ୍ ।
ଛିନ୍ନଶିରସଂ ତାଂ ନୌମି ମୁନିକାନ୍ତାମ୍ ॥ ୧୮୬ ॥
ମାତରୟି ଵୀର୍ୟତ୍ରାତଵରଧର୍ମେ ।
ମାଽସ୍ତୁ ହୃଦି ମୋହଃ ସନ୍ନ୍ତିରିପୁର୍ମେ ॥ ୧୮୭ ॥
ଦେଵି ମୁନିଚେତୋ ରଙ୍ଗଲସଦୂର୍ମେ ।
ମାଽସ୍ତୁ ହୃଦି କାମଃ ସୁସ୍ଥିତିରିପୁର୍ମେ ॥ ୧୮୮ ॥
ଦେଵଜନଭର୍ତୁଃ ପ୍ରାଣସଖି ରାମେ ।
ମାଽସ୍ତୁ ହୃଦି ଭୀତିର୍ଵୀର୍ୟଦମନୀ ମେ ॥ ୧୮୯ ॥
ଵ୍ୟୋମଚରି ମାତର୍ଭାମୟି ଵିସୀମେ ।
ମାଽସ୍ତୁ ହୃଦି କୋପୋ ବୁଦ୍ଧିଦମନୋ ମେ ॥ ୧୯୦ ॥
ସାଧ୍ଵଵନଲୋଲେ ଦେଵି ବହୁଲୀଲେ ।
ଅସ୍ତୁ ମମ ଧୈର୍ୟଂ ଚେତସି ସୁଵୀର୍ୟମ୍ ॥ ୧୯୧ ॥
ସର୍ଵତନୁପାକାଧାୟି ତଵ ଭଵ୍ୟମ୍ ।
ଅସ୍ତୁ ଵରତେଜୋ ନେତୃ ମମ ଦିଵ୍ୟମ୍ ॥ ୧୯୨ ॥
ଇଚ୍ଛତି ସଵିତ୍ରୀ ୟତ୍ ପ୍ରିୟସୁତାୟ ।
ତଦ୍ଵିତର ସର୍ଵଂ ଦେଵି ଭଜକାୟ ॥ ୧୯୩ ॥
ଇଚ୍ଛତି ମନୁଷ୍ୟୋ ୟଦ୍ରିପୁଜନାୟ ।
ମତ୍ତଦୟି ଦୂରେ ପାଲୟ ଵିଧାୟ ॥ ୧୯୪ ॥
ଵର୍ଧୟତୁ ତେଜୋ ଵର୍ଧୟତୁ ଶକ୍ତିମ୍ ।
ଵର୍ଧୟତୁ ମେଽମ୍ବା ଵଜ୍ରଭୃତିଭକ୍ତିମ୍ ॥ ୧୯୫ ॥
ଵଜ୍ରମୟି ମାତର୍ଵଜ୍ରଧରଭକ୍ତ୍ଃ ।
ଅସ୍ତୁ ତଵ ଵୀର୍ୟାଦତ୍ର ଭୁଵି ଶକ୍ତ୍ଃ ॥ ୧୯୬ ॥
ନଶ୍ୟତୁ ସମସ୍ତୋ ଵଜ୍ରଧରଵୈରୀ ।
ଏତୁ ଜୟମନ୍ତର୍ଵଜ୍ରଧରନାରୀ ॥ ୧୯୭ ॥
ହସ୍ତଧୃତମୁଣ୍ଡଃ କଶ୍ଚନ କବନ୍ଧଃ ।
ଅସ୍ତୁ ମମ ଭିନ୍ନଗ୍ରନ୍ଥିଚୟବନ୍ଧଃ ॥ ୧୯୮ ॥
ସାଧୟ ମଦିଷ୍ଟଂ ୟୋଗମଭିଧାୟ ।
ଦେଵି ଵିଷୟାରିଵ୍ରାତଦମନାୟ ॥ ୧୯୯ ॥
ସମ୍ମଦୟତାନ୍ମେ ସ୍ଵାଂଶକୃତଶମ୍ବାମ୍ ।
ଚାରୁଭୟହାରିଚ୍ଛନ୍ଦ ଇଦମମ୍ବାମ୍ ॥ ୨୦୦ ॥
ତୃତୀୟଂ ଶତକମ୍
ନଵମୋ ମଦଲେଖାସ୍ତବକଃ
ଵନ୍ଦେ ଵାସଵଶକ୍ତେଃ ପାଦାବ୍ଜଂ ପ୍ରିୟଭକ୍ତ୍ମ୍ ।
ପ୍ରାତର୍ଭାସ୍କରରକ୍ତଂ ପାପଧ୍ଵଂସନଶକ୍ତ୍ମ୍ ॥ ୨୦୧ ॥
ହୁଙ୍କାରାନଲକୀଲାଦଗ୍ଧାରାତିସମୂହାମ୍ ।
ଵିଦ୍ୟୁଦ୍ଭାସୁରଵୀକ୍ଷାନିର୍ଧୂତାଶ୍ରିତମୋହାମ୍ ॥ ୨୦୨ ॥
ଦେଵସ୍ତ୍ରୀନିଟଲେନ୍ଦୁଜ୍ୟୋତ୍ସ୍ନାଲାଲିତପାଦାମ୍ ।
ମେଘଶ୍ରେଣ୍ୟୁପଜୀଵ୍ୟଶ୍ରୋତ୍ରାକର୍ଷକନାଦାମ୍ ॥ ୨୦୩ ॥
ଦୀପ୍ତାଂ ଭାସ୍କରକୋଟିଚ୍ଛାୟାୟାମିଵ ମଗ୍ନାମ୍ ।
ଗାତ୍ରାଲମ୍ବିଵିନୈଵକ୍ଷୌମଂ କିଞ୍ଚିଦିନଗ୍ନାମ୍ ॥ ୨୦୪ ॥
କଣ୍ଠେ କଲ୍ପିତହାରାଂ ମୁଣ୍ଡାନାଂ ଶତକେନ ।
ଜ୍ଞେୟାମୂଲ୍ୟରହସ୍ୟାଂ ନିଵ୍ର୍ୟାଜଂ ଭଜକେନ ॥ ୨୦୫ ॥
ସ୍ଵର୍ଗସ୍ୟ କ୍ଷିତିପାଲଂ ପଶ୍ୟନ୍ତୀଂ ପ୍ରଣୟେନ ।
ଧୁନ୍ଵାନାଂ ଵିବୁଧାନାଂ ଭୀତିଂ ଶକ୍ତଶୟେନ ॥ ୨୦୬ ॥
ଶକ୍ତୀନାମଧିରାଜ୍ଞୀଂ ମାୟାନାମଧିନାଥାମ୍ ।
ଚଣ୍ଡାଂ କାମପିଚଣ୍ଡୀଂ ଗାୟାମ୍ୟଦ୍ଭୁତଗାଥାମ୍ ॥ ୨୦୭ ॥
ଭିତ୍ତ୍ଵା ମସ୍ତକମେତତ୍ ପାଦାଘାତବଲେନ ।
ଆଵିଶ୍ୟାଖିଲକାୟଂ ଖେଲତ୍ପାଵନଲୀଲମ୍ ॥ ୨୦୮ ॥
ଵେଗେନାଵତରତ୍ତେ ତେଜୋନାଶିତପାଶମ୍ ।
ଚଣ୍ଡେ ଚଣ୍ଡି ସମସ୍ତଂ ଗୋପ୍ୟଂ ଭାସୟତାନ୍ମେ ॥ ୨୦୯ ॥
ଅନ୍ତଃ କିଞ୍ଚ ବହିସ୍ତେ ମାତର୍ଦାରିତମସ୍ତେ ।
ମାମାଵୃତ୍ୟ ସମନ୍ତାତ୍ତେଜଃ କର୍ମ କରୋତୁ ॥ ୨୧୦ ॥
ଇନ୍ଦ୍ରାଣୀକଲୟା ୟତ୍କୃତ୍ତାମାଵିଶଦୁଗ୍ରା ।
ଶକ୍ୟଂ ଵର୍ଣୟିତୁଂ ତଦ୍ଦୃଶ୍ୟଂ କେନ ବୁଧେନ ॥ ୨୧୧ ॥
ପ୍ରାଣାପେତଶରୀରାଣ୍ୟାଵେଷ୍ଟୁଂ ପ୍ରଭଵନ୍ତଃ ।
ଭେତାଲାସ୍ତଵ ଭୃତ୍ୟାଶ୍ଚଣ୍ଡେ ଚଣ୍ଡି ଚରନ୍ତଃ ॥ ୨୧୨ ॥
ଛିନ୍ନାଂ ସମ୍ପ୍ରଵିଶନ୍ତୀଵଜ୍ରେଶ୍ଵର୍ୟତିଶକ୍ତା ।
ନିଃଶେଷୈରତିଭୀମୈର୍ଭେତାଲୈରଭିଷିକ୍ତା ॥ ୨୧୩ ॥
ଭେତାଲାଃ ପରମୁଗ୍ରାସ୍ତ୍ଵଂ ତେଷ୍ଵପ୍ୟଧିକୋଗ୍ରା ।
ତସ୍ମାଦାହୁରୟି ତ୍ଵାଂ ଚଣ୍ଡାମୀଶ୍ଵରି ଚଣ୍ଡୀମ୍ ॥ ୨୧୪ ॥
ଆସୀଦ୍ଘାତୟିତୁଂ ତ୍ଵାଂ ସାଧୋର୍ଧୀର୍ଜମଦଗ୍ନେଃ ।
ଭେତାଲପ୍ରଭୁସର୍ଗାୟୋଲ୍ଲଙ୍ଘ୍ୟୈଵ ନିସର୍ଗମ୍ ॥ ୨୧୫ ॥
ଆଦେଷ୍ଟାଶମଵିତ୍ତୋ ହନ୍ତାସାତ୍ତ୍ଵିକମୌଲିଃ ।
ଵଧ୍ୟା ନିଶ୍ଚଲସାଧ୍ଵୀ ଶୋଚ୍ୟେତଶ୍ଚ କଥା କା ॥ ୨୧୬ ॥
ନିର୍ୟଦ୍ରକ୍ତକଣେଭ୍ୟଃ କଣ୍ଠାତ୍ତେ ଭୁଵି ଜାତାଃ ।
ମାର୍ୟାଦ୍ୟାମୟଵୀଜୀଭୂତସ୍ତମ୍ବଵିଶେଷାଃ ॥ ୨୧୭ ॥
କରାଗାରନିଵାସାତ୍ମାହିଷ୍ମପତ୍ୟଧିପସ୍ୟ ।
ଜାତା ଭାର୍ଗଵଶଙ୍କା ହତ୍ୟାୟାସ୍ତଵ ମୂଲମ୍ ॥ ୨୧୮ ॥
ସତ୍ୟଂ ତେଽମ୍ବ ଚରିତ୍ରାଂ ଭଦ୍ମଃ କୋଽପି ନିଗୁହ୍ୟ ।
ତ୍ରାତୁଂ ୟାଦଵକୀତିଂ ମିଥ୍ୟାହେତୁମଵାଦୀତ୍ ॥ ୨୧୯ ॥
ଅନ୍ୟାଗାରନିଵାସେ ହତ୍ୟା ତ୍ୟାଗ ଉତାହୋ ।
ସ୍ତ୍ରୀଣାଂ ଚେତ୍ପରୁଷଂ ଧିଗ୍ଭାଵଂ ପୂରୁଷଜାତେଃ ॥ ୨୨୦ ॥
ସ୍ଵାତନ୍ତ୍ର୍ୟଂ ଵନିତାନାଂ ତ୍ରାତୁଂ ମାତରଧୀଶେ ।
ଦୂରୀକର୍ତୁମପାରଂ ଦୈନ୍ୟଂ ପଞ୍ଚମଜାତେଃ ॥ ୨୨୧ ॥
ଧର୍ମଂ ଵ୍ୟାଜମଧର୍ମଂ ଭୂଲୋକେ ପରିହର୍ତୁମ୍ ।
ଵେଦାର୍ଥେ ଚ ଗଭୀରେ ସନ୍ଦେହାନପି ହର୍ତୁମ୍ ॥ ୨୨୨ ॥
ଘୋରଂ ଵର୍ଣଵିଭେଦଂ କର୍ତୁଂ ଚ ସ୍ମୃତିଶେଷମ୍ ।
ଉଲ୍ଲାସଂ ମତିଶକ୍ତ୍ୟୋର୍ମହ୍ୟଂ ଦେହି ମହାନ୍ତମ୍ ॥ ୨୨୩ ॥
ୟୋଗଂ ମେ ଵିଷୟାରୀନ୍ ନିର୍ମୂଲଂ ପରିମାର୍ଷ୍ଟୁମ୍ ।
ଶ୍ରୀମାତଃ କୁରୁ ଚିତ୍ତଂ କାରୁଣ୍ୟେନ ନିଦେଷ୍ଟୁମ୍ ॥ ୨୨୪ ॥
ଚଣ୍ଡ୍ୟାଧ୍ଣ୍ଡତମାୟାଃ ଚିତ୍ତଂ ସଂୟମମତ୍ତମ୍ ।
ଭୂୟଃ ସମ୍ମଦୟନ୍ତାଂ ହୈରମ୍ବ୍ୟୋ ମଦଲେଖାଃ ॥ ୨୨୫ ॥
ଦଶମଃ ପଥ୍ୟାଵକ୍ତ୍ରାସ୍ତବକଃ
ଇନ୍ଦ୍ରାଣ୍ୟାଃ ପରମାଂ ଶକ୍ତିଂ ସର୍ଵଭୂତାଧିନାୟିକାମ୍ ।
ପ୍ରଚଣ୍ଡଚଣ୍ଡିକାଂ ଦେଵୀଂ ଛିନ୍ନମସ୍ତାଂ ନମାମ୍ୟହମ୍ ॥ ୨୨୬ ॥
ଇନ୍ଦ୍ରାଣ୍ୟାଃ ଶକ୍ତିସାରେଣ ପ୍ରାଦୁର୍ଭୂତେ ପରାତ୍ପରେ ।
ପ୍ରଚଣ୍ଡଚଣ୍ଡି ଵଜ୍ରାତ୍ମନ୍ ଵୈରୋଚନି ନମୋଽସ୍ତୁ ତେ ॥ ୨୨୭ ॥
ତ୍ଵଂ ଵିଶ୍ଵଧାତ୍ରି ଵୃତ୍ରାରେଃ ଆୟୁଧସ୍ୟାଧିଦେଵତା ।
ସର୍ଵପ୍ରଚଣ୍ଡଭାଵାନାଂ ମଧ୍ୟେ ପ୍ରକୃତିତଃ ପରା ॥ ୨୨୮ ॥
ସର୍ଵସ୍ମିନ୍ନପି ଵିଶ୍ଵସ୍ୟ ସର୍ଗେଽନର୍ଗଲଵିକ୍ରମେ ।
ତ୍ଵତ୍ତଶ୍ଚଣ୍ଡତମୋ ଭାଵୋ ନ ଭୂତୋ ନ ଭଵିଷ୍ୟତି ॥ ୨୨୯ ॥
ତଟିତଃ ଶକ୍ତିସାରେଣ ଵଜ୍ରଂ ନିର୍ମିତମାୟୁଧମ୍ ।
ଅଭୂତ୍ତଦ୍ଵିନୟଦ୍ଦେଵଂ ତଟିଦେଵ ନିଜାଂଶତଃ ॥ ୨୩୦ ॥
ପର୍ଵତଶ୍ଚ ପୁଲୋମା ଚ ସଜଲୋଽୟଂ ଘନାଘନଃ ।
ପାର୍ଵତୀତି ତଟିଦ୍ଦେଵୀଂ ପୌଲୋମୀତି ଚ ତଦ୍ଵିଦୁଃ ॥ ୨୩୧ ॥
ଶୈଵାନାଂ ଭାଷୟା ଦେଵି ତ୍ଵଂ ତଟିଦ୍ଦେଵି ପାର୍ଵତୀ ।
ଐନ୍ଦ୍ରାଣାଂ ଭାଷୟା ମାତଃ ପୌଲୋମୀ ତ୍ଵମନାମୟେ ॥ ୨୩୨ ॥
ପୂର୍ଵେଷାଂ ଦୟିତଃ ଶବ୍ଦୋ ଦୁର୍ଗେତି ଦୁରିତାପହେ ।
ପ୍ରଚଣ୍ଡଚଣ୍ଡିକାଶବ୍ଦ ଉତ୍ତରେଷାମତିପ୍ରିୟଃ ॥ ୨୩୩ ॥
ଵୈଷ୍ଣଵାନାଂ ଗିରା ଦେଵି ୟୋଗମାୟା ତ୍ଵମଦ୍ଭୁତା ।
ଵାଚା ହୈରଣ୍ୟଗର୍ଭାଣାଂ ସଵିତ୍ରି ତ୍ଵଂ ସରସ୍ଵତୀ ॥ ୨୩୪ ॥
ଦଧାନା ଭୁଵନଂ ସର୍ଵଂ ଵ୍ୟାପିକାପଦ୍ଵିଵର୍ଜିତା ।
ତଟିଚ୍ଛବ୍ଦାୟତେ ଵ୍ୟୋମ୍ନି ପ୍ରାଣିତ୍ୟପି ଵିରାଜତେ ॥ ୨୩୫ ॥
ପ୍ରଚଣ୍ଡଚଣ୍ଡିକା ସେୟଂ ତଟିତ୍ସୂକ୍ଷ୍ମେଣ ତେଜସା ।
ଵିଶ୍ଵସ୍ମିନ୍ନଖିଲାନ୍ଭାଵାନ୍ମାତାଽନୁଭଵତି ସ୍ଵୟମ୍ ॥ ୨୩୬ ॥
ଭାଵାନାମନୁଭୂତାନାଂ ଵାକ୍ୟତ୍ଵେନାଵଭାସନମ୍ ।
ଭଵତ୍ୟଵ୍ୟକ୍ତଶବ୍ଦେଽସ୍ୟାଃ ସର୍ଵଂଵିଜ୍ଞାନଶେଵଧୌ ॥ ୨୩୭ ॥
ୟଦି ସା ସର୍ଵଜଗତାଂ ପ୍ରାଣଶ୍ଚେତଶ୍ଚ ଶେମୁଷୀ ।
ପ୍ରାଣଚେତୋମନୀଷାଣାଂ ତସ୍ୟାଃ କୋ ନାମ ସଂଶୟଃ ॥ ୨୩୮ ॥
ପ୍ରାଣନ୍ତୀ ଚିନ୍ତୟନ୍ତୀ ସା ରାଜନ୍ତୀ ଚ ଵିହାୟସି ।
ତଟିଚ୍ଛବ୍ଦାୟମାନା ଚ ଦେଵୀ ଵିଜୟତେତରାମ୍ ॥ ୨୩୯ ॥
ସେଚ୍ଛୟା ଦଧତୀ ରୂପଂ ମୋହନଂ କୀର୍ତ୍ୟତେ ଶଚୀ ।
ପ୍ରଚଣ୍ଡଚଣ୍ଡିକା ଗୀତା ବିଭ୍ରାଣା ଭୀଷଣଂ ଵପୁଃ ॥ ୨୪୦ ॥
ପିଣ୍ଡେ କୁଣ୍ଡଲିନୀଶକ୍ତିଃ ସୈଵ ବ୍ରହ୍ନାଣ୍ଡଚାଲିକା ।
ନିଦ୍ରାତି ଜଡଦେହେଷୁ ୟୋଗିଦେହେଷୁ ଖେଲତି ॥ ୨୪୧ ॥
ଏଷା ଵୈରୋଚନୀ ଦୁର୍ଗା ଜ୍ଵଲନ୍ତୀ ତପସା ପରା ।
ସମୁଲ୍ଲସତି ୟସ୍ୟାନ୍ତଃ ସ ଜୀଵନ୍ନେଵ ମୁଚ୍ୟତେ ॥ ୨୪୨ ॥
ୟୋଗିନୋ ବୋଧୟନ୍ତୀ ମାଂ ୟୋଗେନ ନିୟତଵ୍ରତାଃ ।
ସର୍ଵାର୍ପକସ୍ୟ ଦେହେ ସା ସ୍ଵୟମେଵ ସମୁଲ୍ଲସେତ୍ ॥ ୨୪୩ ॥
ଶାରୀରଶକ୍ତିମାତ୍ର୍ସ୍ୟ ୟୋଗୀ ସଞ୍ଚାଲକୋ ଭଵେତ୍ ।
ବାହ୍ୟଶାରୀରଶକ୍ତ୍ୟୋସ୍ତୁ ୟୋଗୋ ନାନୁଗ୍ରହଂ ଵିନା ॥ ୨୪୪ ॥
ଚଣ୍ଡନାରୀସ୍ଵରୂପେଣ ତଟିଦ୍ରୂପେଣ ଚାମ୍ବରେ ।
ପିଣ୍ଡେ କୁଣ୍ଡଲିନୀତନ୍ଵା ଚରନ୍ତୀ ଦେଵି ରାଜସେ ॥ ୨୪୫ ॥
ମସ୍ତକସ୍ଥାନମନସୋ ମହାଦେଵି ଵିନାଶନାତ୍ ।
ରେଣୁକାୟାମୁତାଵେଶାତ୍ କୃତ୍ତମସ୍ତେତି ତେ ପଦମ୍ ॥ ୨୪୬ ॥
ୟଦାଵିଶସ୍ତ୍ଵମୁଗ୍ରେଽମ୍ବ ରେଣୁକାମୁଗ୍ରତେଜସା ।
ତଦା ପୃଥଙ୍ମହାଶକ୍ତିଃ ସା ଵ୍ୟକ୍ତିଃ ସମପଦ୍ୟତ ॥ ୨୪୭ ॥
ଵ୍ୟକ୍ତୀନାଂ ଦୁର୍ଜନଘ୍ନୀନାଂ ତ୍ଵତ୍ତେଜୋଭାଗଜନ୍ମନାମ୍ ।
ବହୁତ୍ଵେପି ତ୍ଵମେକୈଵ ମୂଲଶକ୍ତିଃ ସନାତନୀ ॥ ୨୪୮ ॥
ଉପାୟମଭିଧାୟାମ୍ବା ଵିଷୟାରିଵିଦାରଣେ ।
ପ୍ରଚଣ୍ଡଚଣ୍ଡିକା ଦେଵୀ ଵିନୟତ୍ଵଙ୍ଘ୍ରିସେଵିନମ୍ ॥ ୨୪୯ ॥
ରମୟନ୍ତାମୁପଶ୍ଲୋକୟନ୍ତି ୟାନ୍ତି କ୍ତଦନ୍ତରମ୍ ।
ପଥ୍ୟାଵକ୍ତ୍ରାଣି ପାପଘ୍ନୀମେତାନି ଚ୍ଛିନ୍ନସ୍ତକାମ୍ ॥ ୨୫୦ ॥
ଏକାଦଶ ଉପଜାତିସ୍ତବକଃ
ମେରୂପମାନସ୍ତନଭାରତାନ୍ତାଂ ଶକ୍ରସ୍ୟ ଲୀଲାସହଚାରିଣୀଂ ତାମ୍ ।
ହର୍ତୁଂ ସମୂଲଂ ହୃଦୟସ୍ୟ ମୋହଂ ପ୍ରଚଣ୍ଡଚଣ୍ଡୀମଭିଵାଦୟେଽହମ୍ ॥ ୨୫୧ ॥
ଵେଦାଦିବୀଜଂ ଜଲଜାକ୍ଷଜାୟା ପ୍ରାଣପ୍ରିୟା ଶୀତମୟୂଖମୌଲେଃ ।
କନ୍ତୁର୍ଵିଧାତୁର୍ହୃଦୟାଧିନାଥା ଜଲଂ ଜକାରୋ ଦହନେନ ୟୁକ୍ତ୍ଃ ॥ ୨୫୨ ॥
ତୋୟଂ ପୁନର୍ଦ୍ଵାଦଶଵର୍ଣୟୁକ୍ତଂ ତ୍ରାୟୋଦଶେନାଥ ୟୁତଃ କୃଶାନୁଃ ।
ତାଲଵ୍ୟଵର୍ଗପ୍ରଥମୋ ନକାରଃ ତତଧ୍ତୁର୍ଥସ୍ଵରସମ୍ପ୍ରୟୁକ୍ତ୍ଃ ॥ ୨୫୩ ॥
ଏକାଦଶେନାଥ ୟୁତଃ ସମୀରଃ ସ ଷଷ୍ଠବିନ୍ଦୁଃ ସରଣିଃ ସୁରାଣାମ୍ ।
ତଦେଵ ବୀଜଂ ପୁନରସ୍ତ୍ରମନ୍ତେ କୃପୀଟୟୋନେର୍ମନସୋଽଧିନାଥା ॥ ୨୫୪ ॥
ଵିଦ୍ୟା ତ୍ଵିୟଂ ସର୍ଦିଶାକ୍ଷରାଢ୍ୟା ସ୍ଵୟଂ ମହାକାଲମୁଖୋପଦିଷ୍ଟା ।
ଗୋପ୍ୟାସୁ ଗୋପ୍ୟା ସୁକୃତୈରଵାପ୍ୟା ଷଷ୍ଠୀଵିନୁତ୍ୟା ପରମେଷ୍ଠିନାପି ॥ ୨୫୫ ॥
ସ୍ଥାନେ ସହସ୍ରଚ୍ଛଦସାୟକସ୍ୟ ପୁନର୍ୟଦୀଶାନମନୋଧିନାଥା ।
ସର୍ଵାର୍ଥଦଃ ସର୍ଦିଶାକ୍ଷରୋଽନ୍ୟଃ ପ୍ରଚଣ୍ଡଚଣ୍ଡୀ ମନୁରୁତ୍ତମଃ ସ୍ୟାତ୍ ॥ ୨୫୬ ॥
ଵେଦାଦିବୀଜେନ ଵିହୀନମାଦ୍ୟଂ ପୁନର୍ଭଵାନୀଵିୟୁତଂ ଦ୍ଵିତୀୟମ୍ ।
ମନ୍ତ୍ରାଵୁଭୌ ଷୋଡଶଵର୍ଣୟୁକ୍ତୌ ପ୍ରଚଣ୍ଡଚଣ୍ଡ୍ୟାଃ ପଵିନାୟିକାୟାଃ ॥ ୨୫୭ ॥
ମନ୍ତ୍ରେ ତୃତୀୟେ ୟଦି କୂର୍ଚବୀଜଂ ସ୍ଥାନେ ରତେର୍ଜୀଵିତଵଲ୍ଲଭ୍ସ୍ୟ ।
ମନ୍ତ୍ରୋଽପରଃ ଷୋଡଶଵର୍ଣୟୁକ୍ତ୍ଃ ପ୍ରଚଣ୍ଡଚଣ୍ଡ୍ୟାଃ ପଟୁଶକ୍ତିରୁକ୍ତ୍ଃ ॥ ୨୫୮ ॥
ଅୟଂ ହରେର୍ଵଲ୍ଲଭ୍ୟା ଵିହୀନୋ ମନ୍ତ୍ରୋଽପରଃ ପଞ୍ଚଦଶାକ୍ଷରଃ ସ୍ୟାତ୍ ।
କ୍ରୋଧଶ୍ଚ ସମ୍ବୋଧନମସ୍ତ୍ରମଗ୍ନେଃ ସୀମନ୍ତିନୀ ଚେତି ଧରେନ୍ଦୁଵର୍ଣଃ ॥ ୨୫୯ ॥
ଧେନୁଃ କୃଶାନୋହୃଦୟେଶ୍ଵରୀ ଚ ପ୍ରଚଣ୍ଡଚଣ୍ଡୀ ମନୁରଗ୍ନିଵର୍ଣଃ ।
ଏକୈଵ ଧେନୁଃ ସୁରରାଜଶକ୍ତେଃ ଏକାକ୍ଷରଃ କଶ୍ଚନ ମନ୍ତ୍ରରାଜଃ ॥ ୨୬୦ ॥
ଏତେଷୁ ତନ୍ତ୍ରାପ୍ରଣୁତେଷୁ ଭକ୍ତୋ ମନ୍ତ୍ରାଂ ନଵସ୍ଵନ୍ୟତମଂ ଗୃହୀତ୍ଵା ।
ୟଃ ସଂଶ୍ରୟେତାଶ୍ରିତକାମଧେନୁଂ ପ୍ରଚଣ୍ଡଚଣ୍ଡୀଂ ସ ଭଵେତ୍ କୃତାର୍ଥଃ ॥ ୨୬୧ ॥
ଵେଦାଦିରମ୍ଭୋରୁହନେତ୍ରଜାୟା ମାୟାଙ୍କୁଶବ୍ରହ୍ନମନୋଧିନାଥାଃ ।
ଇତୀୟମଵ୍ୟାଜରତିଂ ଜପନ୍ତଂ ପଞ୍ଚାକ୍ଷରୀ ରକ୍ଷତି ରେଣୁକାୟାଃ ॥ ୨୬୨ ॥
ଋଷ୍ୟାଦିସଙ୍କୀର୍ତନମେଷୁ ମାଽସ୍ତୁ କରାଙ୍ଗଵିନ୍ୟାସଵିଧିଶ୍ଚ ମାଽସ୍ତୁ ।
ମୂର୍ତିଂ ୟଥୋକ୍ତାମୁତ ଦିଵ୍ୟତତ୍ତ୍ଵଂ ଧ୍ୟାତ୍ଵା ଜପେତ୍ ସିଦ୍ଧିରସଂଶୟଂ ସ୍ୟାତ୍ ॥ ୨୬୩ ॥
ନାଭିସ୍ଥଶୁକ୍ଲାବ୍ଜଗସୂର୍ୟବିମ୍ବେ ସଂସକ୍ତରତ୍ୟମ୍ବୁଜବାଣପୀଠେ ।
ସ୍ଥିତାଂ ପଦେନାନ୍ୟତରେଣ ସମ୍ୟଗୁତ୍କ୍ଷିପ୍ତଦୀପ୍ତାନ୍ୟତରାଙ୍ଘ୍ରିପଦ୍ମାମ୍ ॥ ୨୬୪ ॥
ଦିଗମ୍ବରାମର୍କସହସ୍ରଭାସମାଚ୍ଛାଦିତାଂ ଦୀଧିତିପଞ୍ଜରେଣ ।
କଣ୍ଠସ୍ଥଲୀଭାସୁରମୁଣ୍ଡମାଲାଂ ଲୀଲାସଖୀଂ ଦେଵଜନାଧିପସ୍ୟ ॥ ୨୬୫ ॥
ଛିନ୍ନଂ ଶିରଃ କୀର୍ଣକଚଂ ଦଧାନାଂ କରେଣ କଣ୍ଠୋଦ୍ଗତରକ୍ତ୍ଧାରାମ୍ ।
ଧାରାତ୍ରୟେ ତତ୍ର ଚ ମଦ୍ୟଧାରାଂ କରସ୍ଥଵକ୍ତ୍ରେଣ ମୁଦା ପିବନ୍ତୀମ୍ ॥ ୨୬୬ ॥
ପାର୍ଶ୍ଵେ ସଖୀଂ ଭାସୁରଵର୍ଣିନୀଂ ଚ ପାର୍ଶ୍ଵାନ୍ତରେ ଭୀଷଣଡାକିନୀଂ ଚ ।
ଅନ୍ୟେ ପିବନ୍ତ୍ୟାଵସୃଗମ୍ବୁଧାରେ ନିରୀକ୍ଷମାଣାମତିସମ୍ମଦେନ ॥ ୨୬୭ ॥
ଭୟଙ୍କରାହୀଶ୍ଵରବଦ୍ଧମୌଲିଂ ଜ୍ଵଲଦ୍ୟୁଗାନ୍ତାନଲକୀଲକେଶୀମ୍ ।
ସ୍ଫୁରତ୍ପ୍ରଭାଭାସୁରଵିଦ୍ୟୁଦକ୍ଷୀଂ ଚଣ୍ଡୀଂ ପ୍ରଚଣ୍ଡାଂ ଵିଦଧୀତ ଚିତ୍ତେ ॥ ୨୬୮ ॥
ଗୁଞ୍ଜାଫଲାକଲ୍ପିତଚାରୁହାରା ଶୀର୍ଷେ ଶିଖଣ୍ଡଂ ଶିଖିନୋ ଵହନ୍ତୀ ।
ଧନୁଶ୍ଚ ବାଣାନ୍ଦଧତୀ କରାଭ୍ୟାଂ ସା ରେଣୁକା ଵଲ୍କଲଭୃତ୍ଵିଚିନ୍ତ୍ୟା ॥ ୨୬୯ ॥
ତଟିଜ୍ଝରୀଂ କାମପି ସମ୍ପ୍ରଶ୍ୟନ୍ ଆକାଶତଃ ସର୍ଵତନୌ ପତନ୍ତୀମ୍ ।
ମୌନେନ ତିଷ୍ଠେଦ୍ୟମିନାଂ ଵରିଷ୍ଠୋ ୟଦ୍ୟେତଦମ୍ବାସ୍ମରଣଂ ପ୍ରଶସ୍ତମ୍ ॥ ୨୭୦ ॥
ଦୃଶ୍ୟାନଶେଷାନପି ଵର୍ଜୟିତ୍ଵା ଦୃଷ୍ଟିଂ ନିଜାଂ ସୂକ୍ଷ୍ମମହଃସ୍ଵରୂପାମ୍ ।
ନିଭାଲୟେଦ୍ୟନ୍ମନସା ଵରୀୟାନନ୍ୟୋଽୟମମ୍ବାସ୍ମରଣସ୍ୟ ମାର୍ଗଃ ॥ ୨୭୧ ॥
ଵିନା ପ୍ରପତ୍ତିଂ ପ୍ରଥମୋ ନ ସିଧ୍ୟେତ୍ ମାର୍ଗୋଽନୟୋଃ କେଵଲଭାଵନାତଃ ।
ହୃଦିସ୍ଥଲେ ୟୋଗବଲେନ ଚିତ୍ତେର୍ନିଷ୍ଠାଂ ଵିନା ସିଧ୍ୟତି ନ ଦ୍ଵିତୀୟଃ ॥ ୨୭୨ ॥
ଆରମ୍ଭ ଏଵାତ୍ର ପଥୋର୍ଵିଭେଦଃ ଫଲେ ନ ଭେଦୋ ରମଣୋ ୟଥାହ ।
ସ୍ଥିତୌ ଧିୟୋ ହସ୍ତଗତାପ୍ରପତ୍ତିଃ ପ୍ରପତ୍ତିସିଦ୍ଧୌ ସୁଲଭୈଵ ନିଷ୍ଠା ॥ ୨୭୩ ॥
ଉପାୟମେକଂ ଵିଷୟାରିନାଶଵିଧୌ ଵିଧାୟାଵଗତଂ ମମାମ୍ବା ।
କୃତ୍ଵା ସମର୍ଥଂ ଚ ନିଜାନୁକମ୍ପାଂ ପ୍ରଚଣ୍ଡଚଣ୍ଡୀ ପ୍ରଥୟତ୍ଵପାରାମ୍ ॥ ୨୭୪ ॥
ସଧ୍ୟାନମାର୍ଗଂ ଵରମନ୍ତ୍ରକଲ୍ପଂ ପ୍ରଚଣ୍ଡଚଣ୍ଡ୍ୟାଃ ପରିକୀର୍ତୟନ୍ତ୍ୟଃ ।
ଭଵନ୍ତୁ ମୋଦାତିଶୟାୟ ଶକ୍ତେରୁପାସକାନାମୁପଜାତୟୋ ନଃ ॥ ୨୭୫ ॥
ଦ୍ଵାଦଶୋ ନାରାଚିକାସ୍ତବକଃ
ଵୀର୍ୟେ ଜଵେ ଚ ପୌରୁଷେ ୟୋଷାଽପି ଵିଶ୍ଵତୋଽଧିକା ।
ମାଂ ପାତୁ ଵିଶ୍ଵଚାଲିକା ମାତା ପ୍ରଚଣ୍ଡଚଣ୍ଡିକା ॥ ୨୭୬ ॥
ଶୁଦ୍ଧା ଚିତିଃ ସତଃ ପୁରା ପଶ୍ଚାନ୍ନଭଃ ଶରୀରକା ।
ୟୋଷାତନୁସ୍ତତଃ ପରଂ ମାତା ପ୍ରଚଣ୍ଡଚଣ୍ଡିକା ॥ ୨୭୭ ॥
ପାରେ ପରାତ୍ମନଃ ପ୍ରମା ଖେ ଶକ୍ତିରୁତ୍ତମୋତ୍ତମା ।
ପିଣ୍ଡେଷୁ କୁଣ୍ଡଲିନ୍ୟଜା ମାତା ପ୍ରଚଣ୍ଡଚଣ୍ଡିକା ॥ ୨୭୮ ॥
ନାକେ ଵିଲାସଶେଵଧିର୍ନାଲୀକଲୋଚନା ଶଚୀ ।
ପ୍ରାଣପ୍ରକୃଷ୍ଟଵିଷ୍ଟପେ ମାତା ପ୍ରଚଣ୍ଡଚଣ୍ଡିକା ॥ ୨୭୯ ॥
ଏକସ୍ୟ ସା ମହେନ୍ଦିରା ଦେଵୀ ପରସ୍ୟ କାଲିକା ।
ଅସ୍ମାକମୁଜ୍ଜ୍ଵଲାନନା ମାତା ପ୍ରଚଣ୍ଡଚଣ୍ଡିକା ॥ ୨୮୦ ॥
ରାଜୀଵବାନ୍ଧଵୋ ଦିଵି ହ୍ରାଦିନ୍ୟପାରପୁଷ୍କରେ ।
ଅଗ୍ନିର୍ମନୁଷ୍ୟଵିଷ୍ଟପେ ମାତା ପ୍ରଚଣ୍ଡଚଣ୍ଡିକା ॥ ୨୮୧ ॥
ତେଜଃ ସମସ୍ତପାଚକଂ ଚକ୍ଷୁଃ ସମସ୍ତଲୋକକମ୍ ।
ଚିତ୍ତଂ ସମସ୍ତଚିନ୍ତକଂ ମାତା ପ୍ରଚଣ୍ଡଚଣ୍ଡିକା ॥ ୨୮୨ ॥
ଦ୍ୟୌସ୍ତେଜସାଂ ମହାନିଧିଃ ଭୂମିଶ୍ଚ ଭୂତଧାରିଣୀ ।
ଆପଶ୍ଚ ସୂକ୍ଷ୍ମଵୀଚୟୋ ମାତା ପ୍ରଚଣ୍ଡଚଣ୍ଡିକା ॥ ୨୮୩ ॥
ନିର୍ବାହୁକସ୍ୟ ସା କରୋ ନିର୍ମସ୍ତକସ୍ୟ ସା ମୁଖମ୍ ।
ଅନ୍ଧସ୍ୟ ସା ଵିଲୋଚନଂ ମାତା ପ୍ରଚଣ୍ଡଚଣ୍ଡିକା ॥ ୨୮୪ ॥
ପାଣିଂ ଵିନା କରୋତି ସା ଜାନାତି ମାନସଂ ଵିନା ।
ଚକ୍ଷୁର୍ଵିନା ଚ ଵୀକ୍ଷତେ ମାତା ପ୍ରଚଣ୍ଡଚଣ୍ଡିକା ॥ ୨୮୫ ॥
ହସ୍ତସ୍ୟ ହସ୍ତ ଉତ୍ତମଃ ଚିତ୍ତସ୍ୟ ଚିତ୍ତମଦ୍ଭୁତମ୍ ।
ନେତ୍ରାସ୍ୟ ନେତ୍ରାମାୟତଂ ମାତା ପ୍ରଚଣ୍ଡଚଣ୍ଡିକା ॥ ୨୮୬ ॥
ସା ଭାରତୀ ମନୀଷିଣାଂ ସା ମାନସଂ ମହାତ୍ମନାମ୍ ।
ସା ଲୋଚନଂ ପ୍ରଜାନତାଂ ମାତା ପ୍ରଚଣ୍ଡଚଣ୍ଡିକା ॥ ୨୮୭ ॥
ସକ୍ତିଃ ସମସ୍ତବାଧିକା ୟୁକ୍ତିଃ ସମସ୍ତସାଧିକା ।
ଶକ୍ତିଃ ସମସ୍ତଚାଲିକା ମାତା ପ୍ରଚଣ୍ଡଚଣ୍ଡିକା ॥ ୨୮୮ ॥
ଛିନ୍ନାଽପି ଜୀଵଧାରିଣୀ ଭୀମାଽପି ଶାନ୍ତିଦାୟିନୀ ।
ୟୋଷାଽପି ଵୀର୍ୟଵର୍ଧନୀ ମାତା ପ୍ରଚଣ୍ଡଚଣ୍ଡିକା ॥ ୨୮୯ ॥
ମାହେନ୍ଦ୍ରଶକ୍ତିରୁତ୍ତମା ସୂକ୍ଷ୍ମାଽପି ଭାରଵତ୍ତମା ।
ଶାତାପି ତେଜସା ତତା ମାତା ପ୍ରଚଣ୍ଡଚଣ୍ଡିକା ॥ ୨୯୦ ॥
ପୁତ୍ରେଣ କୃତ୍ତମସ୍ତକାମାଵିଶ୍ୟ ରେଣୁକାତନୁମ୍ ।
ସା ଖେଲତି କ୍ଷମାତଲେ ମାତା ପ୍ରଚଣ୍ଡଚଣ୍ଡିକା ॥ ୨୯୧ ॥
ମାମୁଗ୍ରପାପହାରିଣୀ ସର୍ଵପ୍ରପଞ୍ଚଧାରିଣୀ ।
ପାୟାଦପାୟତୋଽଖିଲାନ୍ ମାତା ପ୍ରଚଣ୍ଡଚଣ୍ଡିକା ॥ ୨୯୨ ॥
ଇନ୍ଦ୍ରେସୁରାରିହର୍ତରି ତ୍ରୈଲୋକ୍ୟଭୂମିଭର୍ତରି ।
ଭକ୍ତିଂ ତନୋତୁ ମେ ପରାଂ ମାତା ପ୍ରଚଣ୍ଡଚଣ୍ଡିକା ॥ ୨୯୩ ॥
ନିଷ୍ଠାମନନ୍ୟଚାଲିତାଂ ଶ୍ରେଷ୍ଠାଂ ଧିୟଂ ଚ ସର୍ଵଗାମ୍ ।
ଗୀତା ସୁରୈର୍ଦଦାତୁ ମେ ମାତା ପ୍ରଚଣ୍ଡଚଣ୍ଡିକା ॥ ୨୯୪ ॥
ସତ୍ୟାଂ ଗିରଂ ଦଦାତୁ ମେ ନିତ୍ୟାଂ କରୋତୁ ଚ ସ୍ଥିତିମ୍ ।
ଧୂତାଖିଲାଽଘସନ୍ତତିଃ ମାତା ପ୍ରଚଣ୍ଡଚଣ୍ଡିକା ॥ ୨୯୫ ॥
ସର୍ଵଂ ଚ ମେ କୃତାକୃତଂ କର୍ମାଗ୍ର୍ୟମଲ୍ପମେଵ ଵା ।
ସମ୍ପୂରୟତ୍ଵନାମୟା ମାତା ପ୍ରଚଣ୍ଡଚଣ୍ଡିକା ॥ ୨୯୬ ॥
ତେଜୋଝରସ୍ଵରୂପୟା ଭୂୟାଦୃତସ୍ୟ ଧାରୟା ।
ଵିଶ୍ଵାଵଭାସିକେହ ମେ ମାତା ପ୍ରଚଣ୍ଡଚଣ୍ଡିକା ॥ ୨୯୭ ॥
ସା ମେଽଲ୍ପମର୍ତ୍ୟତାଶ୍ରିତାଂ ହତ୍ଵାଽଧମାମହଙ୍କୃତିମ୍ ।
ଆକ୍ରମ୍ୟ ଭାତୁ ମେ ତନୁଂ ମାତା ପ୍ରଚଣ୍ଡଚଣ୍ଡିକା ॥ ୨୯୮ ॥
ଆତ୍ମାରିନାଶନେ ଵିଧିଂ ସା ମେଽଭିଧାୟଵତ୍ସଲା ।
ସର୍ଵଂ ଧୁନୋତୁ ସଂଶୟଂ ମାତା ପ୍ରଚଣ୍ଡଚଣ୍ଡିକା ॥ ୨୯୯ ॥
ଏତାଭିରୁତ୍ତମାଂଶୁଭିଃ ନାରାଚିକାଭିରୀଶ୍ଵରୀ ।
ସନ୍ତୋଷମେତୁ ଵର୍ଧତାଂ ମାତା ପ୍ରଚଣ୍ଡଚଣ୍ଡିକା ॥ ୩୦୦ ॥
॥ ଇତି ଶ୍ରୀଭଗଵନ୍ମହର୍ଷିରମଣାନ୍ତେଵାସିନୋ ଵାସିଷ୍ଠସ୍ୟ
ନରସିଂହସୂନୋର୍ଗଣପତେଃ କୃତିଃ ପ୍ରଚଣ୍ଡଚଣ୍ଡୀତ୍ରିଶତୀ ସମାପ୍ତା ॥
Also Read Prachandachandi Trishati:
300 Names of Prachanda Chandi Trishati Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
