Anamaya Stotra in Gujarati:
॥ અનામયસ્તોત્રમ્ ॥
તૃષ્ણાતન્ત્રે મનસિ તમસા દુર્દિને બન્ધુવર્તી
માદૃગ્જન્તુઃ કથમધિકરોત્યૈશ્વરં જ્યોતિરગ્ર્યમ્ ।
વાચઃ સ્ફીતા ભગવતિ હરેસ્સન્નિકૃષ્ટાત્મરૂપા-
સ્સ્તુત્યાત્માનસ્સ્વયમિવમુખાદસ્ય મે નિષ્પતન્તિ ॥ ૧ ॥
વેધા વિષ્ણુર્વરુણધનદૌ વાસવો જીવિતેશ-
શ્ચન્દ્રાદિત્યે વસવ ઇતિ યા દેવતા ભિન્નકક્ષ્યા ।
મન્યે તાસામપિ ન ભજતે ભારતી તે સ્વરૂપં
સ્થૂલે ત્વંશે સ્પૃશતિ સદૃશં તત્પુનર્માદૃશોઽપિ ॥ ૨ ॥
તન્નસ્થાણોસ્સ્તુતિરતિભરા ભક્તિરુચ્ચૈર્મુખી ચેદ્
ગ્રામ્યસ્તોતા ભવતિ પુરુષઃ કશ્ચિદારણ્યકો વા ।
નો ચેદ્ભક્તિસ્ત્વયિ ચ યદિ વા બ્રહ્મવિદ્યાત્વધીતે
નાનુધ્યેયસ્તવ પશુરસાવાત્મકર્માનભિજ્ઞઃ ॥ ૩ ॥
વિશ્વં પ્રાદુર્ભવતિ લભતે ત્વામધિષ્ઠાયકં ચેત્
નેહોત્પત્તિર્યદિ જનયિતા નાસ્તિ ચૈતન્યયુક્તઃ ।
ક્ષિત્યાદીનાં ભવ નિજકલાવત્તયા જન્મવત્તા
સિધ્યત્યેવં સતિ ભગવતસ્સર્વલોકાધિપત્યમ્ ॥ ૪ ॥
ભોગ્યામાહુઃ પ્રકૃતિમૃષયશ્ચેતનાશક્તિશૂન્યાં
ભોક્તા ચૈનાં પરિણમયિતું બુદ્ધિવર્તી સમર્થઃ ।
ભોગોપ્યસ્મિન્ ભવતિ મિથુને પુષ્કલસ્તત્ર હેતુઃ
નીલગ્રીવ ત્વમસિ ભુવનસ્થાપનાસૂત્રધારઃ ॥ ૫ ॥
ભિન્નાવસ્થં જગતિ બહુના દેશકાલપ્રભેદાદ્
દ્વાભ્યાં પાપાન્યભિગિરિ હરન્ યોનવદ્ય ક્રમાભ્યામ્ ।
પ્રેક્ષ્યારૂઢસ્સૃજતિ નિયમાદસ્ય સર્વં હિ યત્તત્
સર્વજ્ઞત્વં ત્રિભુવન સૃજા યત્ર સૂત્રં ન કિઞ્ચિત્ ॥ ૬ ॥
ચારૂદ્રેકે રજસિ જગતાં જન્મસત્વે પ્રકૃષ્ટે
યાત્રાં ભૂયસ્તમસિ બહુલે બિભ્રતસ્સંહૃતિં ચ ।
બ્રહ્માદ્યૈતત્પ્રકૃતિગહનં સ્તમ્ભપર્યન્તમાસીત્
ક્રીડાવસ્તુ ત્રિનયન મનોવૃત્તિમાત્રાનુગં તે ॥ ૭ ॥
કૃત્તિશ્ચિત્રા નિવસનપદે કલ્પિતા પૌણ્ડરીકો
વાસાગારં પિતૃવનભુવં વાહનં કશ્ચિદુક્ષા ।
એવં પ્રાહુઃ પ્રલઘુહૃદયા યદ્યપિ સ્વાર્થપોષં
ત્વાં પ્રત્યેકં ધ્વનતિ ભગવન્નીશ ઇત્યેષ શબ્દઃ ॥ ૮ ॥
ક્લૃપ્તાકલ્પઃ કિમયમશિવૈરસ્થિમુખ્યૈઃ પદાર્થૈઃ
કસ્સ્યાદસ્ય સ્તનકલશયોર્ભારનમ્રા ભવાની ।
બાણૌ ખડ્ગઃ પરશુરિદમપ્યક્ષસૂત્રં કિમસ્યેત્
યા ચક્ષાણો હર કૃતવિયામસ્તુ હાસ્યૈકવેદ્યઃ ॥ ૯ ॥
યત્કાપાલવ્રતમપિ મહદ્ પૃષ્ટમેકાન્તઘોરં
મુક્તેરધ્વા સ પુનરમલઃ પાવનઃ કિં ન જાતઃ ।
દાક્ષાયણ્યાં પ્રિયતમતયા વર્તતે યોગમાયા
સા સ્યાદ્ધત્તે મિથુનચરિતં વૃદ્ધિમૂલં પ્રજાનામ્ ॥ ૧૦ ॥
કશ્ચિન્મર્ત્યઃ ક્રતુકૃશતનુર્નીલકણ્ઠ ત્વયા ચેદ્
દૃષ્ટિસ્નિગ્ધસ્સ પુનરમરસ્ત્રીભુજગ્રાહ્યકણ્ઠઃ ।
અપ્યારૂઢસ્સુપરિવૃતં સ્થાનમાખણ્ડલીયં
ત્વં ચેત્ક્રુદ્ધસ્સ પતતિ નિરાલમ્બનો ધ્વાન્તજાલે ॥ ૧૧ ॥
શશ્વદ્બાલ્યં શરવણભવં ષણ્મુખં દ્વાદશાક્ષં
તેજો યત્તે કનકનલિનીપદ્મપત્રાવદાતમ્ ।
વિસ્માર્યન્તે સુરયુવતયસ્તેન સેન્દ્રાવરોધા
દૈત્યેન્દ્રાણામસુરજયિનાં બન્ધનાગારવાસમ્ ॥ ૧૨ ॥
વેગાકૃષ્ટગ્રહરવિશશિવ્યશ્નુવાનં દિગન્તાત્
ન્યક્કુર્વાણં પ્રલયપયસામૂર્મિભઙ્ગાવલેપમ્ ।
મુક્તાકારં હર તવ જટાબદ્ધસંસ્પર્શિ સદ્યો
જજ્ઞે ચૂડા કુસુમસુભગં વારિ ભાગીરથીયમ્ ॥ ૧૩ ॥
કલ્માષસ્તે મરકતશિલાભઙ્ગકાન્તિર્ન કણ્ઠે
ન વ્યાચષ્ટે ભુવનવિષયીં ત્વત્પ્રસાદપ્રવૃત્તિમ્ ।
વારાં ગર્ભસ્ય હિ વિષમયો મન્દરક્ષોભજન્મા
નૈવં રુદ્ધો યદિ ન ભવતિ સ્થાવરં જઙ્ગમં વા ॥ ૧૪ ॥
સન્ધાયાસ્ત્રં ધનુષિ નિયમોન્માયિ સમ્મોહનાખ્યં
પાર્શ્વે તિષ્ઠન્ ગિરિશસદૃશે પઞ્ચબાણો મુહૂર્તમ્ ।
તસ્માદૂર્ધ્વં દહનપરિધૌ રાષદૃષ્ટિપ્રસૂતે
રક્તાશોકસ્તવકિત ઇવ પ્રાન્તધૂમદ્વિરેફઃ ॥ ૧૫ ॥
લઙ્કાનાથં લવણજલધિસ્થૂલવેલોર્મિદીર્ઘૈઃ
કૈલાસં તે નિલયનગરીં બાહુભિઃ કમ્પયન્તમ્ ।
આક્રોશદ્ભિર્વમિતરુધિરૈરાનનૈરાપ્લુતાક્ષૈ-
રાપાતાલાનયદલસાબદ્ધમઙ્ગુષ્ઠકર્મ ॥ ૧૬ ॥
ઐશ્વર્યં તેઽપ્યનૃણતપતન્નેકમૂર્ધાવશેષઃ
પાદદ્વન્દ્વં દશમુખશિરઃ પુણ્ડરીકોપહારઃ ।
યેનૈવાસાવધિગતફલો રાક્ષસશ્રીવિધેય-
શ્ચક્રે દેવાસુરપરિષદો લોકપાલૈકશત્રુઃ ॥ ૧૭ ॥
ભક્તિર્બાણાસુરમપિ ભયત્પાદપદ્ય સ્પૃશન્તં
સ્થાનં ચન્દ્રાભરણ ગમયામાસ લોકસ્ય મૂર્ધ્નિ ।
નહ્યસ્યાપિ ભ્રુકુટિનયનાદગ્નિદંષ્ટ્રાકરાલં
દ્રષ્ટું કશ્ચિદ્વદનમશકદ્દેવદૈત્યેશ્વરેષુ ॥ ૧૮ ॥
પાદન્યાસાન્નમતિ વસુધા પન્નગસ્કન્ધલગ્ના
બાહુક્ષેપાદ્ ગ્રહગણયુતં ઘૂર્ણતે મેઘવૃન્દમ્ ।
ઉત્સાદ્યન્તે ક્ષણમિવ દિશો હુઙ્કૃતેનાતિમાત્રં
ભિન્નાવસ્થં ભવતિ ભુવનં ત્વય્યુપક્રાન્તવૃત્તે ॥ ૧૯ ॥
નોર્ધ્વં ગમ્યં સરસિજભુવો નાપ્યધશ્શાર્ઙ્ગપાણે-
રાસીદન્યસ્તવ હુતવહસ્તમ્ભમૂર્ત્યા સ્થિતસ્ય ।
ભૂયસ્તાભ્યામુપરિ લઘુના વિસ્મયેન સ્તુવદ્ભ્યાં
કણ્ઠે કાલં કપિલનયનં રૂપમાવિર્બભૂવ ॥ ૨૦ ॥
શ્લાધ્યાં દૃષ્ટિં દુહિતરિ ગિરેર્ન્યસ્ય ચાપોર્ધ્વકોટ્યાં
કૃત્વા બાહું ત્રિપુરવિજયાનન્તરં તે સ્થિતસ્ય ।
મન્દારાણાં મધુરસુરભયો વૃષ્ટયઃ પેતુરાર્દ્રાઃ
સ્વર્ગોદ્યાનભ્રમરવનિતાદત્તદીર્ઘાનુયાતાઃ ॥ ૨૧ ॥
ઉદ્ધૃત્યૈકં નયનમરુણં સ્નિગ્ધતારાપરાગં
પૂર્ણેધાદ્યઃ પરમસુલભે દુષ્કરાણાં સહસ્રે ।
ચક્રં ભેજે દહનજટિલં દક્ષિણં તસ્ય હસ્તં
બાલસ્યેવ દ્યૂતિવલયિતં મણ્ડલં ભાસ્કરસ્ય ॥ ૨૨ ॥
વિષ્ણુશ્ચક્રે કરતલગતે વિષ્ટપાનાં ત્રયાણાં
દત્તાશ્વાસો દનુસુતશિરશ્છેદદીક્ષાં બબન્ધ ।
પ્રત્યાસન્નં તદપિ નયનં પુણ્ડરીકાતુકારિ
શ્લાઘ્યા ભક્તિસ્ત્રિનયન ભવત્યર્પિતા કિં ન સૂતે ॥ ૨૩ ॥
સવ્યે શૂલં ત્રિશિખરમપરે દોષ્ણિ ભિક્ષાકપાલં
સોમો મુગ્ધશ્શિરસિ ભુજગઃ કશ્ચિદંશોત્તરીયઃ ।
કોઽયં વેષસ્ત્રિનયન કુતો દૃષ્ટ ઇત્યદ્રિકન્યા
પ્રાયેણ ત્વાં હસતિ ભગવન્ પ્રેમનિર્યન્ત્રિતાત્મા ॥ ૨૪ ॥
આર્દ્રં નાગાજિનમવયવગ્રન્થિમદ્બિભ્રદંસે
રૂપં પ્રાવૃડ્ઘનરુચિમહાભૈરવં દર્શયિત્વા ।
પશ્યન્ ગૌરીં ભયચલકરાલમ્બિતસ્કન્ધહસ્તાં
મન્યે પ્રીત્યા દૃઢ ઇતિ ભવાન્ વજ્રદેહેઽપિ જાતઃ ॥ ૨૫ ॥
વ્યાલાકલ્પા વિષમનયના વિદ્રુમાતામ્રભાસો
જાયામિશ્રા જટિલશિરશ્ચન્દ્રરેખાવતંસાઃ ।
નિત્યાનન્દા નિયતલલિતાઃ સ્નિગ્ધકલ્માષકણ્ઠાઃ
દેવા રુદ્રા ધૃતપરશવસ્તે ભવિષ્યન્તિ ભક્તાઃ ॥ ૨૬ ॥
મન્ત્રાભ્યાસો નિયમવિધયસ્તીર્થયાત્રાનુરોધો
ગ્રામે ભિક્ષાચરણમુટજે બીજવૃત્તિર્વને વા
ઇત્યાયાસે મહતિ રમતામપ્રગલ્ભઃ ફલાર્થે
સ્મૃત્યેવાહં તવચરણયોર્નિર્વૃતિં સાધયામિ ॥ ૨૭ ॥
આસ્તાં તાવત્સ્નપનમુપરિક્ષીરધારાપ્રવાહૈઃ
સ્નેહાભ્યઙ્ગો ભવનકરણં ગન્ધપુષ્પાર્પણં વા ।
યસ્તે કશ્ચિત્કિરતિ કુસુમાન્યુદ્દિશન્ પાદપીઠં
ભૂયો નૈવ ભ્રમતિ જનનીગર્ભકારાગૃહેષુ ॥ ૨૮ ॥
શુક્તાકારં મુનિભિરનિશં ચેતસિ ધ્યાયમાનં
મુક્તાગીરં શિરસિજટિલે જાહ્નવીમુદ્વહન્તમ્ ।
નાનાકારં નવશશિકલાશેખરં નાગહારં
નારીમિશ્રં ધૃતનરશિરોમાલ્યમીશં નમામિ ॥ ૨૯ ॥
તિર્યગ્યોનૌ ત્રિદશનિલયે માનુષે રાક્ષસે વા
યક્ષાવાસે વિષધરપુરે દેવ વિદ્યાધરે વા ।
યસ્મિન્ કસ્મિન્સુકૃતનિલયે જન્મનિ શ્રેયસો વા
ભૂયાદ્યુષ્મચ્ચરણકમલધ્યાયિની ચિત્તવૃત્તિઃ ॥ ૩૦ ॥
વન્દે રુદ્રં વરદમમલં દણ્ડિનં મુણ્ડધારિં
દિવ્યજ્ઞાનં ત્રિપુરદહનં શઙ્કરં શૂલપાણિમ્ ।
તેજોરાશિં ત્રિભુવનગુરું તીર્થમૌલિં ત્રિનેત્રં
કૈલાસસ્થં ધનપતિસખં પાર્વતીનાથમીશમ્ ॥ ૩૧ ॥
યોગી ભોગી વિષભુગમૃતભૃક્ શસ્ત્રપાણિસ્તપસ્વી
શાન્તઃ ક્રૂરઃ શમિતવિષયઃ શૈલકન્યાસહાયઃ ।
ભિક્ષાવૃત્તિસ્ત્રિભુવનપતિઃ શુદ્ધિમાનસ્થિમાલી
શક્યો જ્ઞાતું કથમિવ શિવ ત્વં વિરુદ્ધસ્વભાવઃ ॥ ૩૨ ॥
ઉપદિશતિ યદુચ્ચૈર્જ્યોતિરામ્નાયવિદ્યાં
પરમ પરમદૂરં દૂરમાદ્યન્તશૂન્યામ્ ।
ત્રિપુરજયિની તસ્મિન્ દેવદેવે નિવિષ્ટાં
ભગવતિ પરિવર્તોન્માદિની ભક્તિરસ્તુ ॥ ૩૩ ॥
ઇતિ વિરચિતમેતચ્ચારુચન્દ્રાર્ધમૌલે-
ર્લલિતપદમુદારં દણ્ડિના પણ્ડિતેન ।
સ્તવનમવનકામેનાત્મનોઽનામયાખ્યં
ભવતિ વિગતરોગી જન્તુરેતજ્જપેન ॥ ૩૪ ॥
સ્તોત્રં સમ્યક્પરમવિદુષા દણ્ડિનાં વાચ્યવૃત્તાન્
મન્દાક્રાન્તાન્ ત્રિભુવનગુરોઃ પાર્વતીવલ્લભસ્ય ।
કૃત્વા સ્તોત્રં યદિ સુભગમાપ્નોતિ નિત્યં હિ પુણ્યં
તેન વ્યાધિં હર હર નૃણાં સ્તોત્રપાઠેન સત્યમ્ ॥ ૩૫ ॥
ઇતિ દણ્ડિવિરચિતમનામયસ્તોત્રં સમ્પૂર્ણમ્ ॥
Also Read:
Anamaya Stotram Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil
