Brahmana Geetaa in Bengali:
॥ ব্রাহ্মণগীতা ॥
অধ্যায়ঃ ২১
ব্রাহ্মণ উবাচ
অত্রাপ্যুদাহরন্তীমমিতিহাসং পুরাতনম্ ।
নিবোধ দশ হোতৄণাং বিধানমিহ যাদৃশম্ ॥ ১॥
সর্বমেবাত্র বিজ্ঞেয়ং চিত্তং জ্ঞানমবেক্ষতে ।
রেতঃ শরীরভৃৎকায়ে বিজ্ঞাতা তু শরীরভৃৎ ॥ ২॥
শরীরভৃদ্গার্হপত্যস্তস্মাদন্যঃ প্রণীয়তে ।
ততশ্চাহবনীয়স্তু তস্মিন্সঙ্ক্ষিপ্যতে হবিঃ ॥ ৩॥
ততো বাচস্পতির্জজ্ঞে সমানঃ পর্যবেক্ষতে ।
রূপং ভবতি বৈ ব্যক্তং তদনুদ্রবতে মনঃ ॥ ৪॥
ব্রাহ্মণ্যুবাচ
কস্মাদ্বাগভবৎপূর্বং কস্মাৎপশ্চান্মনোঽভবৎ ।
মনসা চিন্তিতং বাক্যং যদা সমভিপদ্যতে ॥ ৫॥
কেন বিজ্ঞানয়োগেন মতিশ্চিত্তং সমাস্থিতা ।
সমুন্নীতা নাধ্যগচ্ছৎকো বৈনাং প্রতিষেধতি ॥ ৬॥
ব্রাহ্মণ উবাচ
তামপানঃ পতির্ভূৎবা তস্মাৎপ্রেষ্যত্যপানতাম্ ।
তাং মতিং মনসঃ প্রাহুর্মনস্তস্মাদবেক্ষতে ॥ ৭॥
প্রশ্নং তু বান্মনসোর্মাং যস্মাত্ত্বমনুপৃচ্ছসি ।
তস্মাত্তে বর্তয়িষ্যামি তয়োরেব সমাহ্বয়ম্ ॥ ৮॥
উভে বান্মনসী গৎবা ভূতাত্মানমপৃচ্ছতাম্ ।
আবয়োঃ শ্রেষ্ঠমাচক্ষ্ব ছিন্ধি নৌ সংশয়ং বিভো ॥ ৯॥
মন ইত্যেব ভগবাংস্তদা প্রাহ সরস্বতীম্ ।
অহং বৈ কামধুক্তুভ্যমিতি তং প্রাহ বাগথ ॥ ১০॥
স্থাবরং জঙ্গমং চৈব বিদ্ধ্যুভে মনসী মম ।
স্থাবরং মৎসকাশে বৈ জঙ্গমং বিষয়ে তব ॥ ১১॥
যস্তু তে বিষয়ং গচ্ছেন্মন্ত্রো বর্ণঃ স্বরোঽপি বা ।
তন্মনো জঙ্গমং নাম তস্মাদসি গরীয়সী ॥ ১২॥
যস্মাদসি চ মা বোচঃ স্বয়মভ্যেত্য শোভনে ।
তস্মাদুচ্ছ্বাসমাসাদ্য ন বক্ষ্যসি সরস্বতি ॥ ১৩॥
প্রাণাপানান্তরে দেবী বাগ্বৈ নিত্যং স্ম তিষ্ঠতি ।
প্রের্যমাণা মহাভাগে বিনা প্রাণমপানতী ।
প্রজাপতিমুপাধাবৎপ্রসীদ ভগবন্নিতি ॥ ১৪॥
ততঃ প্রাণঃ প্রাদুরভূদ্বাচমাপ্যায়যন্পুনঃ ।
তমাদুচ্ছ্বাসমাসাদ্য ন বাগ্বদতি কর্হি চিৎ ॥ ১৫॥
ঘোষিণী জাতনির্ঘোষা নিত্যমেব প্রবর্ততে ।
তয়োরপি চ ঘোষিণ্যোর্নির্ঘোষৈব গরীয়সী ॥ ১৬॥
গৌরিব প্রস্রবত্যেষা রসমুত্তমশালিনী ।
সততং স্যন্দতে হ্যেষা শাশ্বতং ব্রহ্মবাদিনী ॥ ১৭॥
দিব্যাদিব্য প্রভাবেন ভারতী গৌঃ শুচিস্মিতে ।
এতয়োরন্তরং পশ্য সূক্ষ্ময়োঃ স্যন্দমানয়োঃ ॥ ১৮॥
অনুৎপন্নেষু বাক্যেষু চোদ্যমানা সিসৃক্ষয়া ।
কিং নু পূর্বং ততো দেবী ব্যাজহার সরস্বতী ॥ ১৯॥
প্রাণেন যা সম্ভবতে শরীরে
প্রাণাদপানম্প্রতিপদ্যতে চ ।
উদান ভূতা চ বিসৃজ্য দেহং
ব্যানেন সর্বং দিবমাবৃণোতি ॥ ২০॥
ততঃ সমানে প্রতিতিষ্ঠতীহ
ইত্যেব পূর্বং প্রজজল্প চাপি ।
তস্মান্মনঃ স্থাবরৎবাদ্বিশিষ্টং
তথা দেবী জঙ্গমৎবাদ্বিশিষ্টা ॥ ২১॥
ইতি শ্রীমহাভারতে আশ্বমেধিকে পর্বণি অনুগীতাপর্বণি একবিংশোঽধ্যায়ঃ ॥
অধ্যায়ঃ ২২
ব্রাহ্মণ উবাচ
অত্রাপ্যুদাহরন্তীমমিতিহাসং পুরাতনম্ ।
সুভগে সপ্ত হোতৄণাং বিধানমিহ যাদৃশম্ ॥ ১॥
ঘ্রাণং চক্ষুশ্চ জিহ্বা চ ৎবক্ষ্রোত্রং চৈব পঞ্চমম্ ।
মনো বুদ্ধিশ্চ সপ্তৈতে হোতারঃ পৃথগাশ্রিতাঃ ॥ ২॥
সূক্ষ্মেঽবকাশে সন্তস্তে ন পশ্যন্তীতরেতরম্ ।
এতান্বৈ সপ্ত হোতৄংস্ত্বং স্বভাবাদ্বিদ্ধি শোভনে ॥ ৩॥
ব্রাহ্মণ্যুবাচ
সূক্ষ্মেঽবকাশে সন্তস্তে কথং নান্যোন্য দর্শিনঃ ।
কথং স্বভাবা ভগবন্নেতদাচক্ষ্ব মে বিভো ॥ ৪॥
ব্রাহ্মণ উবাচ
গুণাজ্ঞানমবিজ্ঞানং গুণি জ্ঞানমভিজ্ঞতা ।
পরস্পরগুণানেতে ন বিজানন্তি কর্হি চিৎ ॥ ৫॥
জিহ্বা চক্ষুস্তথা শ্রোত্রং ৎবন্মনো বুদ্ধিরেব চ ।
ন গন্ধানধিগচ্ছন্তি ঘ্রাণস্তানধিগচ্ছতি ॥ ৬॥
ঘ্রাণং চক্ষুস্তথা শ্রোত্রং ৎবন্মনো বুদ্ধিরেব চ ।
ন রসানধিগচ্ছন্তি জিহ্বা তানদিঘচ্ছতি ॥ ৭॥
ঘ্রাণং জিহ্বা তথা শ্রোত্রং ৎবন্মনো বুদ্ধিরেব চ ।
ন রূপাণ্যধিগচ্ছন্তি চক্ষুস্তান্যধিগচ্ছতি ॥ ৮॥
ঘ্রাণং জিহ্বা চ চক্ষুশ্চ শ্রোত্রং বুদ্ধির্মনস্তথা ।
ন স্পর্শানধিগচ্ছন্তি ৎবক্চ তানধিগচ্ছতি ॥ ৯॥
ঘ্রাণং জিহ্বা চ চক্ষুশ্ চ ৎবন্মনো বুদ্ধিরেব চ ।
ন শব্দানধিগচ্ছন্তি শ্রোত্রং তানধিগচ্ছতি ॥ ১০॥
ঘ্রাণং জিহ্বা চ চক্ষুশ্চ ৎবক্ষ্রোত্রং বুদ্ধিরেব চ ।
সংশয়ান্নাধিগচ্ছন্তি মনস্তানধিগচ্ছতি ॥ ১১॥
ঘ্রাণং জিহ্বা চ চক্ষুশ্চ ৎবক্ষ্রোত্রং মন এব চ ।
ন নিষ্ঠামধিগচ্ছন্তি বুদ্ধিস্তাম্ অধিগচ্ছতি ॥ ১২॥
অত্রাপ্যুদাহরন্তীমমিতিহাসং পুরাতনম্ ।
ইন্দ্রিয়াণাং চ সংবাদং মনসশ্চৈব ভামিনি ॥ ১৩॥
মন উবাচ
ন ঘ্রাতি মামৃতে ঘ্রাণং রসং জিহ্বা ন বুধ্যতে ।
রূপং চক্ষুর্ন গৃহ্ণাতি ৎবক্স্পর্শং নাববুধ্যতে ॥ ১৪॥
ন শ্রোত্রং বুধ্যতে শব্দং ময়া হীনং কথং চন ।
প্রবরং সর্বভূতানামহমস্মি সনাতনম্ ॥ ১৫॥
অগারাণীব শূন্যানি শান্তার্চিষ ইবাগ্নয়ঃ ।
ইন্দ্রিয়াণি ন ভাসন্তে ময়া হীনানি নিত্যশঃ ॥ ১৬॥
কাষ্ঠানীবার্দ্র শুষ্কাণি যতমানৈরপীন্দ্রিয়ৈঃ ।
গুণার্থান্নাধিগচ্ছন্তি মামৃতে সর্বজন্তবঃ ॥ ১৭॥
ইন্দ্রিয়াণ্যূচুঃ
এবমেতদ্ভবেৎসত্যং যথৈতন্মন্যতে ভবান্ ।
ঋতেঽস্মানস্মদর্থাংস্তু ভোগান্ভুঙ্ক্তে ভবান্যদি ॥ ১৮॥
যদ্যস্মাসু প্রলীনেষু তর্পণং প্রাণধারণম্ ।
ভোগান্ভুঙ্ক্তে রসান্ভুঙ্ক্তে যথৈতন্মন্যতে তথা ॥ ১৯॥
অথ বাস্মাসু লীনেষু তিষ্ঠৎসু বিষয়েষু চ ।
যদি সঙ্কল্পমাত্রেণ ভুঙ্ক্তে ভোগান্যথার্থবৎ ॥ ২০॥
অথ চেন্মন্যসে সিদ্ধিমস্মদর্থেষু নিত্যদা ।
ঘ্রাণেন রূপমাদৎস্ব রসমাদৎস্ব চক্ষুষা ॥ ২১॥
শ্রোত্রেণ গন্ধমাদৎস্ব নিষ্ঠামাদৎস্ব জিহ্বয়া ।
ৎবচা চ শব্দমাদৎস্ব বুদ্ধ্যা স্পর্শমথাপি চ ॥ ২২॥
বলবন্তো হ্যনিয়মা নিয়মা দুর্বলীয়সাম্ ।
ভোগানপূর্বানাদৎস্ব নোচ্ছিষ্টং ভোক্তুমর্হসি ॥ ২৩॥
যথা হি শিষ্যঃ শাস্তারং শ্রুত্যর্থমভিধাবতি ।
ততঃ শ্রুতমুপাদায় শ্রুতার্থমুপতিষ্ঠতি ॥ ২৪॥
বিষয়ানেবমস্মাভির্দর্শিতানভিমন্যসে ।
অনাগতানতীতাংশ্চ স্বপ্নে জাগরণে তথা ॥ ২৫॥
বৈমনস্যং গতানাং চ জন্তূনামল্পচেতসাম্ ।
অস্মদর্থে কৃতে কার্যে দৃশ্যতে প্রাণধারণম্ ॥ ২৬॥
বহূনপি হি সঙ্কল্পান্মৎবা স্বপ্নানুপাস্য চ ।
বুভুক্ষয়া পীড্যমানো বিষয়ানেব ধাবসি ॥ ২৭॥
অগারমদ্বারমিব প্রবিশ্য
সঙ্কল্পভোগো বিষয়ানবিন্দন্ ।
প্রাণক্ষয়ে শান্তিমুপৈতি নিত্যং
দারু ক্ষয়েঽগ্নির্জ্বলিতো যথৈব ॥ ২৮॥
কামং তু নঃ স্বেষু গুণেষু সঙ্গঃ
কামচ নান্যোন্য গুণোপলব্ধিঃ ।
অস্মানৃতে নাস্তি তবোপলব্ধিস্
ৎবামপ্যৃতেঽস্মান্ন ভজেত হর্ষঃ ॥ ২৯॥
ইতি শ্রীমহাভারতে আশ্বমেধিকে পর্বণি অনুগীতাপর্বণি দ্বাবিংশোঽধ্যায়ঃ ॥
অধ্যায়ঃ ২৩
ব্রাহ্মণ উবাচ
অত্রাপ্যুদাহরন্তীমমিতিহাসং পুরাতনম্ ।
সুভগে পঞ্চ হোতৄণাং বিধানমিহ যাদৃশম্ ॥ ১॥
প্রাণাপানাবুদানশ্চ সমানো ব্যান এব চ ।
পঞ্চ হোতৄনথৈতান্বৈ পরং ভাবং বিদুর্বুধাঃ ॥ ২॥
ব্রাহ্মণ্যুবাচ
স্বভাবাৎসপ্ত হোতার ইতি তে পূর্বিকা মতিঃ ।
যথা বৈ পঞ্চ হোতারঃ পরো ভাবস্তথোচ্যতাম্ ॥ ৩॥
ব্রাহ্মণ উবাচ
প্রাণেন সম্ভৃতো বায়ুরপানো জায়তে ততঃ ।
অপানে সম্ভৃতো বায়ুস্ততো ব্যানঃ প্রবর্ততে ॥ ৪॥
ব্যানেন সম্ভৃতো বায়ুস্তদোদানঃ প্রবর্ততে ।
উদানে সম্ভৃতো বায়ুঃ সমানঃ সম্প্রবর্ততে ॥ ৫॥
তেঽপৃচ্ছন্ত পুরা গৎবা পূর্বজাতং প্রজাপতিম্ ।
যো নো জ্যেষ্ঠস্তমাচক্ষ্ব স নঃ শ্রেষ্ঠো ভবিষ্যতি ॥ ৬॥
ব্রহ্মোবাচ
যস্মিন্প্রলীনে প্রলয়ং ব্রজন্তি
সর্বে প্রাণাঃ প্রাণভৃতাং শরীরে ।
যস্মিন্প্রচীর্ণে চ পুনশ্ চরন্তি
স বৈ শ্রেষ্ঠো গচ্ছত যত্র কামঃ ॥ ৭॥
প্রাণ উবাচ
ময়ি প্রলীনে প্রলয়ং ব্রজন্তি
সর্বে প্রাণাঃ প্রাণভৃতাং শরীরে ।
ময়ি প্রচীর্ণে চ পুনশ্ চরন্তি
শ্রেষ্ঠো হ্যহং পশ্যত মাং প্রলীনম্ ॥ ৮॥
ব্রাহ্মণ উবাচ
প্রাণঃ প্রলীয়ত ততঃ পুনশ্চ প্রচচার হ ।
সমানশ্চাপ্যুদানশ্চ বচোঽব্রূতাং ততঃ শুভে ॥ ৯॥
ন ৎবং সর্বমিদং ব্যাপ্য তিষ্ঠসীহ যথা বয়ম্ ।
ন ৎবং শ্রেষ্ঠোঽসি নঃ প্রাণ অপানো হি বশে তব ।
প্রচচার পুনঃ প্রাণস্তমপানোঽভ্যভাষত ॥ ১০॥
ময়ি প্রলীনে প্রলয়ং ব্রজন্তি
সর্বে প্রাণাঃ প্রাণভৃতাং শরীরে ।
ময়ি প্রচীর্ণে চ পুনশ্ চরন্তি
শ্রেষ্ঠো হ্যহং পশ্যত মাং প্রলীনম্ ॥ ১১॥
ব্যানশ্চ তমুদানশ্চ ভাষমাণমথোচতুঃ ।
অপান ন ৎবং শ্রেষ্ঠোঽসি প্রাণো হি বশগস্তব ॥ ১২॥
অপানঃ প্রচচারাথ ব্যানস্তং পুনরব্রবীৎ ।
শ্রেষ্ঠোঽহমস্মি সর্বেষাং শ্রূয়তাং যেন হেতুনা ॥ ১৩॥
ময়ি প্রলীনে প্রলয়ং ব্রজন্তি
সর্বে প্রাণাঃ প্রাণভৃতাং শরীরে ।
ময়ি প্রচীর্ণে চ পুনশ্ চরন্তি
শ্রেষ্ঠো হ্যহং পশ্যত মাং প্রলীনম্ ॥ ১৪॥
প্রালীয়ত ততো ব্যানঃ পুনশ্চ প্রচচার হ ।
প্রাণাপানাবুদানশ্চ সমানশ্ চ তমব্রুবন্ ।
ন ৎবং শ্রেষ্ঠোঽসি নো ব্যান সমানো হি বশে তব ॥ ১৫॥
প্রচচার পুনর্ব্যানঃ সমানঃ পুনরব্রবীৎ ।
শ্রেষ্ঠোঽহমস্মি সর্বেষাং শ্রূয়তাং যেন হেতুনা ॥ ১৬॥
ময়ি প্রলীনে প্রলয়ং ব্রজন্তি
সর্বে প্রাণাঃ প্রাণভৃতাং শরীরে ।
ময়ি প্রচীর্ণে চ পুনশ্ চরন্তি
শ্রেষ্ঠো হ্যহং পশ্যত মাং প্রলীনম্ ॥ ১৭॥
ততঃ সমানঃ প্রালিল্যে পুনশ্চ প্রচচার হ ।
প্রাণাপানাবুদানশ্চ ব্যানশ্ চৈব তমব্রুবন্ ।
সমানন ৎবং শ্রেষ্ঠোঽসি ব্যান এব বশে তব ॥ ১৮॥
সমানঃ প্রচচারাথ উদানস্তমুবাচ হ ।
শ্রেষ্ঠোঽহমস্মি সর্বেষাং শ্রূয়তাং যেন হেতুনা ॥ ১৯॥
ময়ি প্রলীনে প্রলয়ং ব্রজন্তি
সর্বে প্রাণাঃ প্রাণভৃতাং শরীরে ।
ময়ি প্রচীর্ণে চ পুনশ্ চরন্তি
শ্রেষ্ঠো হ্যহং পশ্যত মাং প্রলীনম্ ॥ ২০॥
ততঃ প্রালীয়তোদানঃ পুনশ্চ প্রচচার হ ।
প্রাণাপানৌ সমানশ্চ ব্যানশ্ চৈব তমব্রুবন্ ।
উদান ন ৎবং শ্রেষ্ঠোঽসি ব্যান এব বশে তব ॥ ২১॥
ততস্তানব্রবীদ্ব্রহ্মা সমবেতান্প্রজাপতিঃ ।
সর্বে শ্রেষ্ঠা ন বা শ্রেষ্ঠাঃ সর্বে চান্যোন্য ধর্মিণঃ ।
সর্বে স্ববিষয়ে শ্রেষ্ঠাঃ সর্বে চান্যোন্য রক্ষিণঃ ॥ ২২॥
একঃ স্থিরশ্চাস্থিরশ্চ বিশেষাৎপঞ্চ বায়বঃ ।
এক এব মমৈবাত্মা বহুধাপ্যুপচীয়তে ॥ ২৩॥
পরস্পরস্য সুহৃদো ভাবয়ন্তঃ পরস্পরম্ ।
স্বস্তি ব্রজত ভদ্রং বো ধারয়ধ্বং পরস্পরম্ ॥ ২৪॥
ইতি শ্রীমহাভারতে আশ্বমেধিকে পর্বণি অনুগীতাপর্বণি ত্রয়োবিংশোঽধ্যায়ঃ ॥
অধ্যায়ঃ ২৪
ব্রাহ্মণ উবাচ
অত্রাপ্যুদাহরন্তীমমিতিহাসং পুরাতনম্ ।
নারদস্য চ সংবাদমৃষের্দেবমতস্য চ ॥ ১॥
দেবমত উবাচ
জন্তোঃ সঞ্জায়মানস্য কিং নু পূর্বং প্রবর্ততে ।
প্রাণোঽপানঃ সমানো বা ব্যানো বোদান এব চ ॥ ২॥
নারদ উবাচ
যেনায়ং সৃজ্যতে জন্তুস্ততোঽন্যঃ পূর্বমেতি তম্ ।
প্রাণদ্বন্দ্বং চ বিজ্ঞেয়ং তির্যগং চোর্ধ্বগং চ যৎ ॥ ৩॥
দেবমত উবাচ
কেনায়ং সৃজ্যতে জন্তুঃ কশ্চান্যঃ পূর্বমেতি তম্ ।
প্রাণদ্বন্দ্বং চ মে ব্রূহি তির্যগূর্ধ্বং চ নিশ্চয়াৎ ॥ ৪॥
নারদ উবাচ
সঙ্কল্পাজ্জায়তে হর্ষঃ শব্দাদপি চ জায়তে ।
রসাৎসঞ্জায়তে চাপি রূপাদপি চ জায়তে ॥ ৫॥
স্পর্শাৎসঞ্জায়তে চাপি গন্ধাদপি চ জায়তে ।
এতদ্রূপমুদানস্য হর্ষো মিথুন সম্ভবঃ ॥ ৬॥
কামাৎসঞ্জায়তে শুক্রং কামাৎসঞ্জায়তে রসঃ ।
সমানব্যান জনিতে সামান্যে শুক্রশোণিতে ॥ ৭॥
শুক্রাচ্ছোণিত সংসৃষ্টাৎপূর্বং প্রাণঃ প্রবর্ততে ।
প্রাণেন বিকৃতে শুক্রে ততোঽপানঃ প্রবর্ততে ॥ ৮॥
প্রাণাপানাবিদং দ্বন্দ্বমবাক্চোর্ধ্বং চ গচ্ছতঃ ।
ব্যানঃ সমানশ্চৈবোভৌ তির্যগ্দ্বন্দ্বৎবমুচ্যতে ॥ ৯॥
অগ্নির্বৈ দেবতাঃ সর্বা ইতি বেদস্য শাসনম্ ।
সঞ্জায়তে ব্রাহ্মণেষু জ্ঞানং বুদ্ধিসমন্বিতম্ ॥ ১০॥
তস্য ধূমস্তমো রূপং রজো ভস্ম সুরেতসঃ ।
সত্ত্বং সঞ্জায়তে তস্য যত্র প্রক্ষিপ্যতে হবিঃ ॥ ১১॥
আঘারৌ সমানো ব্যানশ্চেতি যজ্ঞবিদো বিদুঃ ।
প্রাণাপানাবাজ্যভাগৌ তয়োর্মধ্যে হুতাশনঃ ।
এতদ্রূপমুদানস্য পরমং ব্রাহ্মণা বিদুঃ ॥ ১২॥
নির্দ্বন্দ্বমিতি যত্ত্বেতত্তন্মে নিগদতঃ শৃণু ॥ ১৩॥
অহোরাত্রমিদং দ্বন্দ্বং তয়োর্মধ্যে হুতাশনঃ ।
এতদ্রূপমুদানস্য পরমং ব্রাহ্মণা বিদুঃ ॥ ১৪॥
উভে চৈবায়নে দ্বন্দ্বং তয়োর্মধ্যে হুতাশনঃ ।
এতদ্রূপমুদানস্য পরমং ব্রাহ্মণা বিদুঃ ॥ ১৫॥
উভে সত্যানৃতে দ্বন্দ্বং তয়োর্মধ্যে হুতাশনঃ ।
এতদ্রূপমুদানস্য পরমং ব্রাহ্মণা বিদুঃ ॥ ১৬॥
উভে শুভাশুভে দ্বন্দ্বং তয়োর্মধ্যে হুতাশনঃ ।
এতদ্রূপমুদানস্য পরমং ব্রাহ্মণা বিদুঃ ॥ ১৭॥
সচ্চাসচ্চৈব তদ্দ্বন্দ্বং তয়োর্মধ্যে হুতাশনঃ ।
এতদ্রূপমুদানস্য পরমং ব্রাহ্মণা বিদুঃ ॥ ১৮॥
প্রথমং সমানো ব্যানো ব্যস্যতে কর্ম তেন তৎ ।
তৃতীয়ং তু সমানেন পুনরেব ব্যবস্যতে ॥ ১৯॥
শান্ত্যর্থং বামদেবং চ শান্তির্ব্রহ্ম সনাতনম্ ।
এতদ্রূপমুদানস্য পরমং ব্রাহ্মণা বিদুঃ ॥ ২০॥
ইতি শ্রীমহাভারতে আশ্বমেধিকে পর্বণি অনুগীতাপর্বণি চতুর্বিংশোঽধ্যায়ঃ ॥
অধ্যায়ঃ ২৫
ব্রাহ্মণ উবাচ
অত্রাপ্যুদাহরন্তীমমিতিহাসং পুরাতনম্ ।
চাতুর্হোত্র বিধানস্য বিধানমিহ যাদৃশম্ ॥ ১॥
তস্য সর্বস্য বিধিবদ্বিধানমুপদেক্ষ্যতে ।
শৃণু মে গদতো ভদ্রে রহস্যমিদমুত্তমম্ ॥ ২॥
করণং কর্ম কর্তা চ মোক্ষ ইত্যেব ভামিনি ।
চৎবার এতে হোতারো যৈরিদং জগদাবৃতম্ ॥ ৩॥
হোতৄণাং সাধনং চৈব শৃণু সর্বমশেষতঃ ।
ঘ্রাণং জিহ্বা চ চক্ষুশ্চ ৎবক্চ শ্রোত্রং চ পঞ্চমম্ ।
মনো বুদ্ধিশ্চ সপ্তৈতে বিজ্ঞেয়া গুণহেতবঃ ॥ ৪॥
গন্ধো রসশ্চ রূপং চ শব্দঃ স্পর্শশ্চ পঞ্চমঃ ।
মন্তব্যমথ বোদ্ধব্যং সপ্তৈতে কর্মহেতবঃ ॥ ৫॥
ঘ্রাতা ভক্ষয়িতা দ্রষ্টা স্প্রষ্টা শ্রোতা চ পঞ্চমঃ ।
মন্তা বোদ্ধা চ সপ্তৈতে বিজ্ঞেয়াঃ কর্তৃহেতবঃ ॥ ৬॥
স্বগুণং ভক্ষয়ন্ত্যেতে গুণবন্তঃ শুভাশুভম্ ।
অহং চ নির্গুণোঽত্রেতি সপ্তৈতে মোক্ষহেতবঃ ॥ ৭॥
বিদুষাং বুধ্যমানানাং স্বং স্বস্থানং যথাবিধি ।
গুণাস্তে দেবতা ভূতাঃ সততং ভুঞ্জতে হবিঃ ॥ ৮॥
অদন্হ্যবিদ্বানন্নানি মমৎবেনোপপদ্যতে ।
আত্মার্থং পাচয়ন্নিত্যং মমৎবেনোপহন্যতে ॥ ৯॥
অভক্ষ্য ভক্ষণং চৈব মদ্য পানং চ হন্তি তম্ ।
স চান্নং হন্তি তচ্চান্নং স হৎবা হন্যতে বুধঃ ॥ ১০॥
অত্তা হ্যন্নমিদং বিদ্বান্পুনর্জনয়তীশ্বরঃ ।
স চান্নাজ্জায়তে তস্মিন্সূক্ষ্মো নাম ব্যতিক্রমঃ ॥ ১১॥
মনসা গম্যতে যচ্চ যচ্চ বাচা নিরুধ্যতে ।
শ্রোত্রেণ শ্রূয়তে যচ্চ চক্ষুষা যচ্চ দৃশ্যতে ॥ ১২॥
স্পর্শেন স্পৃশ্যতে যচ্চ ঘ্রাণেন ঘ্রায়তে চ যৎ ।
মনঃষষ্ঠানি সংয়ম্য হবীংষ্যেতানি সর্বশঃ ॥ ১৩॥
গুণবৎপাবকো মহ্যং দীপ্যতে হব্যবাহনঃ ।
যোগয়জ্ঞঃ প্রবৃত্তো মে জ্ঞানব্রহ্ম মনোদ্ভবঃ ।
প্রাণস্তোত্রোঽপান শস্ত্রঃ সর্বত্যাগসু দক্ষিণঃ ॥ ১৪॥
কর্মানুমন্তা ব্রহ্মা মে কর্তাধ্বর্যুঃ কৃতস্তুতিঃ ।
কৃতপ্রশাস্তা তচ্ছাস্ত্রমপবর্গোঽস্য দক্ষিণা ॥ ১৫॥
ঋচশ্চাপ্যত্র শংসন্তি নারায়ণ বিদো জনাঃ ।
নারায়ণায় দেবায় যদবধ্নন্পশূন্পুরা ॥ ১৬॥
তত্র সামানি গায়ন্তি তানি চাহুর্নিদর্শনম্ ।
দেবং নারায়ণং ভীরু সর্বাত্মানং নিবোধ মে ॥ ১৭॥
ইতি শ্রীমহাভারতে আশ্বমেধিকে পর্বণি অনুগীতাপর্বণি পঞ্চবিংশোঽধ্যায়ঃ ॥
অধ্যায়ঃ ২৬
ব্রাহ্মণ উবাচ
একঃ শাস্তা ন দ্বিতীয়োঽস্তি শাস্তা
যথা নিয়ুক্তোঽস্মি তথা চরামি ।
হৃদ্যেষ তিষ্ঠন্পুরুষঃ শাস্তি শাস্তা
তেনৈব যুক্তঃ প্রবণাদিবোদকম্ ॥ ১॥
একো গুরুর্নাস্তি ততো দ্বিতীয়ো
যো হৃচ্ছয়স্তমহমনুব্রবীমি ।
তেনানুশিষ্টা গুরুণা সদৈব
পরাভূতা দানবাঃ সর্ব এব ॥ ২॥
একো বন্ধুর্নাস্তি ততো দ্বিতীয়ো
যো হৃচ্ছয়স্তমহমনুব্রবীমি ।
তেনানুশিষ্টা বান্ধবা বন্ধুমন্তঃ
সপ্তর্ষয়ঃ সপ্ত দিবি প্রভান্তি ॥ ৩॥
একঃ শ্রোতা নাস্তি ততো দ্বিতীয়ো
যো হৃচ্ছয়স্তমহমনুব্রবীমি ।
তস্মিন্গুরৌ গুরু বাসং নিরুষ্য
শক্রো গতঃ সর্বলোকামরৎবম্ ॥ ৪॥
একো দ্বেষ্টা নাস্তি ততো দ্বিতীয়ো
যো হৃচ্ছয়স্তমহমনুব্রবীমি ।
তেনানুশিষ্টা গুরুণা সদৈব
লোকদ্বিষ্টাঃ পন্নগাঃ সর্ব এব ॥ ৫॥
অত্রাপ্যুদাহরন্তীমমিতিহাসং পুরাতনম্ ।
প্রজাপতৌ পন্নগানাং দেবর্ষীণাং চ সংবিদম্ ॥ ৬॥
দেবর্ষয়শ্চ নাগাশ্চ অসুরাশ্চ প্রজাপতিম্ ।
পর্যপৃচ্ছন্নুপাসীনাঃ শ্রেয়ো নঃ প্রোচ্যতাম্ ইতি ॥ ৭॥
তেষাং প্রোবাচ ভগবাঞ্শ্রেয়ঃ সমনুপৃচ্ছতাম্ ।
ওমিত্যেকাক্ষরং ব্রহ্ম তে শ্রুৎবা প্রাদ্রবন্দিশঃ ॥ ৮॥
তেষাং প্রাদ্রবমাণানামুপদেশার্থমাত্মনঃ ।
সর্পাণাং দশনে ভাবঃ প্রবৃত্তঃ পূর্বমেব তু ॥ ৯॥
অসুরাণাং প্রবৃত্তস্তু দম্ভভাবঃ স্বভাবজঃ ।
দানং দেবা ব্যবসিতা দমমেব মহর্ষয়ঃ ॥ ১০॥
একং শাস্তারমাসাদ্য শব্দেনৈকেন সংস্কৃতাঃ ।
নানা ব্যবসিতাঃ সর্বে সর্পদেবর্ষিদানবাঃ ॥ ১১॥
শৃণোত্যযং প্রোচ্যমানং গৃহ্ণাতি চ যথাতথম্ ।
পৃচ্ছতস্তাবতো ভূয়ো গুরুরন্যোঽনুমন্যতে ॥ ১২॥
তস্য চানুমতে কর্ম ততঃ পশ্চাৎপ্রবর্ততে ।
গুরুর্বোদ্ধা চ শত্রুশ্চ দ্বেষ্টা চ হৃদি সংশ্রিতঃ ॥ ১৩॥
পাপেন বিচরঁল্লোকে পাপচারী ভবত্যযম্ ।
শুভেন বিচরঁল্লোকে শুভচারী ভবত্যুত ॥ ১৪॥
কামচারী তু কামেন য ইন্দ্রিয়সুখে রতঃ ।
ব্রতবারী সদৈবৈষ য ইন্দ্রিয়জয়ে রতঃ ॥ ১৫॥
অপেতব্রতকর্মা তু কেবলং ব্রহ্মণি শ্রিতঃ ।
ব্রহ্মভূতশ্চরঁল্লোকে ব্রহ্ম চারী ভবত্যযম্ ॥ ১৬॥
ব্রহ্মৈব সমিধস্তস্য ব্রহ্মাগ্নির্ব্রহ্ম সংস্তরঃ ।
আপো ব্রহ্ম গুরুর্ব্রহ্ম স ব্রহ্মণি সমাহিতঃ ॥ ১৭॥
এতদেতাদৃশং সূক্ষ্মং ব্রহ্মচর্যং বিদুর্বুধাঃ ।
বিদিৎবা চান্বপদ্যন্ত ক্ষেত্রজ্ঞেনানুদর্শিনঃ ॥ ১৮॥
ইতি শ্রীমহাভারতে আশ্বমেধিকে পর্বণি অনুগীতাপর্বণি ষড্বিংশোঽধ্যায়ঃ ॥
অধ্যায়ঃ ২৭
ব্রাহ্মণ উবাচ
সঙ্কল্পদংশ মশকং শোকহর্ষহিমাতপম্ ।
মোহান্ধ কারতিমিরং লোভব্যাল সরীসৃপম্ ॥ ১॥
বিষয়ৈকাত্যযাধ্বানং কামক্রোধবিরোধকম্ ।
তদতীত্য মহাদুর্গং প্রবিষ্টোঽস্মি মহদ্বনম্ ॥ ২॥
ব্রাহ্মণ্যুবাচ
ক্ব তদ্বনং মহাপ্রাজ্ঞ কে বৃক্ষাঃ সরিতশ্চ কাঃ ।
গিরয়ঃ পর্বতাশ্ চৈব কিয়ত্যধ্বনি তদ্বনম্ ॥ ৩॥
ন তদস্তি পৃথগ্ভাবে কিং চিদন্যত্ততঃ সমম্ ।
ন তদস্ত্যপৃথগ্ভাবে কিং চিদ্দূরতরং ততঃ ॥ ৪॥
তস্মাদ্ধ্রস্বতরং নাস্তি ন ততোঽস্তি বৃহত্তরম্ ।
নাস্তি তস্মাদ্দুঃখতরং নাস্ত্যন্যত্তৎসমং সুখম্ ॥ ৫॥
ন তৎপ্রবিশ্য শোচন্তি ন প্রহৃষ্যন্তি চ দ্বিজাঃ ।
ন চ বিভ্যতি কেষাং চিত্তেভ্যো বিভ্যতি কে চ ন ॥ ৬॥
তস্মিন্বনে সপ্ত মহাদ্রুমাশ্ চ
ফলানি সপ্তাতিথয়শ্ চ সপ্ত ।
সপ্তাশ্রমাঃ সপ্ত সমাধয়শ্ চ
দীক্ষাশ্চ সপ্তৈতদরণ্যরূপম্ ॥ ৭॥
পঞ্চ বর্ণানি দিব্যানি পুষ্পাণি চ ফলানি চ ।
সৃজন্তঃ পাদপাস্তত্র ব্যাপ্য তিষ্ঠন্তি তদ্বনম্ ॥ ৮॥
সুবর্ণানি দ্বিবর্ণানি পুষ্পাণি চ ফলানি চ ।
সৃজন্তঃ পাদপাস্তত্র ব্যাপ্য তিষ্ঠন্তি তদ্বনম্ ॥ ৯॥
চতুর্বর্ণাণি দিব্যানি পুষ্পাণি চ ফলানি চ ।
সৃজন্তঃ পাদপাস্তত্র ব্যাপ্য তিষ্ঠন্তি তদ্বনম্ ॥ ১০॥
শঙ্করাণিত্রি বর্ণানি পুষ্পাণি চ ফলানি চ ।
সৃজন্তঃ পাদপাস্তত্র ব্যাপ্য তিষ্ঠন্তি তদ্বনম্ ॥ ১১॥
সুরভীণ্যেকবর্ণানি পুষ্পাণি চ ফলানিচ ।
সৃজন্তঃ পাদপাস্তত্র ব্যাপ্য তিষ্ঠন্তি তদ্বনম্ ॥ ১২॥
বহূন্যব্যক্তবর্ণানি পুষ্পাণি চ ফলানিচ ।
বিসৃজন্তৌ মহাবৃক্ষৌ তদ্বনং ব্যাপ্য তিষ্ঠতঃ ॥ ১৩॥
একো হ্যগ্নিঃ সুমনা ব্রাহ্মণোঽত্র
পঞ্চেন্দ্রিয়াণি সমিধশ্চাত্র সন্তি ।
তেভ্যো মোক্ষাঃ সপ্ত ভবন্তি দীক্ষা
গুণাঃ ফলান্যতিথয়ঃ ফলাশাঃ ॥ ১৪॥
আতিথ্যং প্রতিগৃহ্ণন্তি তত্র সপ্তমহর্ষয়ঃ ।
অর্চিতেষু প্রলীনেষু তেষ্বন্যদ্রোচতে বনম্ ॥ ১৫॥
প্রতিজ্ঞা বৃক্ষমফলং শান্তিচ্ছায়া সমন্বিতম্ ।
জ্ঞানাশ্রয়ং তৃপ্তিতোয়মন্তঃ ক্ষেত্রজ্ঞভাস্করম্ ॥ ১৬॥
যোঽধিগচ্ছন্তি তৎসন্তস্তেষাং নাস্তি ভয়ং পুনঃ ।
ঊর্ধ্বং চাবাক্চ তির্যক্চ তস্য নান্তোঽধিগম্যতে ॥ ১৭॥
সপ্ত স্ত্রিয়স্তত্র বসন্তি সদ্যো
অবাঙ্মুখা ভানুমত্যো জনিত্র্যঃ ।
ঊর্ধ্বং রসানাং দদতে প্রজাভ্যঃ
সর্বান্যথা সর্বমনিত্যতাং চ ॥ ১৮॥
তত্রৈব প্রতিতিষ্ঠন্তি পুনস্তত্রোদয়ন্তি চ ।
সপ্ত সপ্তর্ষয়ঃ সিদ্ধা বসিষ্ঠপ্রমুখাঃ সহ ॥ ১৯॥
যশো বর্চো ভগশ্চৈব বিজয়ঃ সিদ্ধিতেজসী ।
এবমেবানুবর্তন্তে সপ্ত জ্যোতীংষি ভাস্করম্ ॥ ২০॥
গিরয়ঃ পর্বতাশ্চৈব সন্তি তত্র সমাসতঃ ।
নদ্যশ্চ সরিতো বারিবহন্ত্যো ব্রহ্ম সম্ভবম্ ॥ ২১॥
নদীনাং সঙ্গমস্তত্র বৈতানঃ সমুপহ্বরে ।
স্বাত্ম তৃপ্তা যতো যান্তি সাক্ষাদ্দান্তাঃ পিতামহম্ ॥ ২২॥
কৃশাশাঃ সুব্রতাশাশ্চ তপসা দগ্ধকিল্বিষাঃ ।
আত্মন্যাত্মানমাবেশ্য ব্রহ্মাণং সমুপাসতে ॥ ২৩॥
ঋচমপ্যত্র শংসন্তি বিদ্যারণ্যবিদো জনাঃ ।
তদরণ্যমভিপ্রেত্য যথা ধীরমজায়ত ॥ ২৪॥
এতদেতাদৃশং দিব্যমরণ্যং ব্রাহ্মণা বিদুঃ ।
বিদিৎবা চান্বতিষ্ঠন্ত ক্ষেত্রজ্ঞেনানুদর্শিতম্ ॥ ২৫॥
ইতি শ্রীমহাভারতে আশ্বমেধিকে পর্বণি অনুগীতাপর্বণি সপ্তবিংশোঽধ্যায়ঃ ॥
অধ্যায়ঃ ২৮
ব্রাহ্মণ উবাচ
গন্ধান্ন জিঘ্রামি রসান্ন বেদ্মি
রূপং ন পশ্যামি ন চ স্পৃশামি ।
ন চাপি শব্দান্বিবিধাঞ্শৃণোমি
ন চাপি সঙ্কল্পমুপৈমি কিং চিৎ ॥ ১॥
অর্থানিষ্টান্কাময়তে স্বভাবঃ
সর্বান্দ্বেষ্যান্প্রদ্বিষতে স্বভাবঃ ।
কামদ্বেষাবুদ্ভবতঃ স্বভাবাৎ
প্রাণাপানৌ জন্তু দেহান্নিবেশ্য ॥ ২॥
তেভ্যশ্চান্যাংস্তেষ্বনিত্যাংশ্চ ভাবান্
ভূতাত্মানং লক্ষয়েয়ং শরীরে ।
তস্মিংস্তিষ্ঠন্নাস্মি শক্যঃ কথং চিৎ
কামক্রোধাভ্যাং জরয়া মৃত্যুনা চ ॥ ৩॥
অকাময়ানস্য চ সর্বকামান্
অবিদ্বিষাণস্য চ সর্বদোষান্ ।
ন মে স্বভাবেষু ভবন্তি লেপাস্
তোয়স্য বিন্দোরিব পুষ্করেষু ॥ ৪॥
নিত্যস্য চৈতস্য ভবন্তি নিত্যা
নিরীক্ষমাণস্য বহূন্স্বভাবান্ ।
ন সজ্জতে কর্মসু ভোগজালং
দিবীব সূর্যস্য ময়ূখজালম্ ॥ ৫॥
অত্রাপ্যুদাহরন্তীমমিতিহাসং পুরাতনম্ ।
অধ্বর্যু যতি সংবাদং তং নিবোধ যশস্বিনি ॥ ৬॥
প্রোক্ষ্যমাণং পশুং দৃষ্ট্বা যজ্ঞকর্মণ্যথাব্রবীৎ ।
যতিরধ্বর্যুমাসীনো হিংসেয়মিতি কুৎসয়ন্ ॥ ৭॥
তমধ্বর্যুঃ প্রত্যুবাচ নায়ং ছাগো বিনশ্যতি ।
শ্রেয়সা যোক্ষ্যতে জন্তুর্যদি শ্রুতিরিয়ং তথা ॥ ৮॥
যো হ্যস্য পার্থিবো ভাগঃ পৃথিবীং স গমিষ্যতি ।
যদস্য বারিজং কিং চিদপস্তৎপ্রতিপদ্যতে ॥ ৯॥
সূর্যং চক্ষুর্দিশঃ শ্রোত্রে প্রাণোঽস্য দিবমেব চ ।
আগমে বর্তমানস্য ন মে দোষোঽস্তি কশ্ চন ॥ ১০॥
যতিরুবাচ
প্রাণৈর্বিয়োগে ছাগস্য যদি শ্রেয়ঃ প্রপশ্যসি ।
ছাগার্থে বর্ততে যজ্ঞো ভবতঃ কিং প্রয়োজনম্ ॥ ১১॥
অনু ৎবা মন্যতাং মাতা পিতা ভ্রাতা সখাপি চ ।
মন্ত্রয়স্বৈনমুন্নীয় পরবন্তং বিশেষতঃ ॥ ১২॥
য এবমনুমন্যেরংস্তান্ভবান্প্রষ্টুমর্হতি ।
তেষামনুমতং শ্রুৎবা শক্যা কর্তুং বিচারণা ॥ ১৩॥
প্রাণা অপ্যস্য ছাগস্য প্রাপিতাস্তে স্বয়োনিষু ।
শরীরং কেবলং শিষ্টং নিশ্চেষ্টমিতি মে মতিঃ ॥ ১৪॥
ইন্ধনস্য তু তুল্যেন শরীরেণ বিচেতসা ।
হিংসা নির্বেষ্টু কামানামিন্ধনং পশুসঞ্জ্ঞিতম্ ॥ ১৫॥
অহিংসা সর্বধর্মাণামিতি বৃদ্ধানুশাসনম্ ।
যদহিংস্রং ভবেৎকর্ম তৎকার্যমিতি বিদ্মহে ॥ ১৬॥
অহিংসেতি প্রতিজ্ঞেয়ং যদি বক্ষ্যাম্যতঃ পরম্ ।
শক্যং বহুবিধং বক্তুং ভবতঃ কার্যদূষণম্ ॥ ১৭॥
অহিংসা সর্বভূতানাং নিত্যমস্মাসু রোচতে ।
প্রত্যক্ষতঃ সাধয়ামো ন পরোক্ষমুপাস্মহে ॥ ১৮॥
অধ্বর্যুরুবাচ
ভূমের্গন্ধগুণান্ভুঙ্ক্ষ্ব পিবস্যাপোময়ান্রসান্ ।
জ্যোতিষাং পশ্যসে রূপং স্পৃশস্যনিলজান্গুণান্ ॥ ১৯॥
শৃণোষ্যাকাশজং শব্দং মনসা মন্যসে মতিম্ ।
সর্বাণ্যেতানি ভূতানি প্রাণা ইতি চ মন্যসে ॥ ২০॥
প্রাণাদানে চ নিত্যোঽসি হিংসায়াং বর্ততে ভবান্ ।
নাস্তি চেষ্টা বিনা হিংসাং কিং বা ৎবং মন্যসে দ্বিজ ॥ ২১॥
যতিরুবাচ
অক্ষরং চ ক্ষরং চৈব দ্বৈধী ভাবোঽয়মাত্মনঃ ।
অক্ষরং তত্র সদ্ভাবঃ স্বভাবঃ ক্ষর উচ্যতে ॥ ২২॥
প্রাণো জিহ্বা মনঃ সত্ত্বং স্বভাবো রজসা সহ ।
ভাবৈরেতৈর্বিমুক্তস্য নির্দ্বন্দ্বস্য নিরাশিষঃ ॥ ২৩॥
সমস্য সর্বভূতেষু নির্মমস্য জিতাত্মনঃ ।
সমন্তাৎপরিমুক্তস্য ন ভয়ং বিদ্যতে ক্ব চিৎ ॥ ২৪॥
অধ্বর্যুরুবাচ
সদ্ভিরেবেহ সংবাসঃ কার্যো মতিমতাং বর ।
ভবতো হি মতং শ্রুৎবা প্রতিভাতি মতির্মম ॥ ২৫॥
ভগবন্ভগবদ্বুদ্ধ্যা প্রতিবুদ্ধো ব্রবীম্যহম্ ।
মতং মন্তুং ক্রতুং কর্তুং নাপরাধোঽস্তি মে দ্বিজ ॥ ২৬॥
ব্রাহ্মণ উবাচ
উপপত্ত্যা যতিস্তূষ্ণীং বর্তমানস্ততঃ পরম্ ।
অধ্বর্যুরপি নির্মোহঃ প্রচচার মহামখে ॥ ২৭॥
এবমেতাদৃশং মোক্ষং সুসূক্ষ্মং ব্রাহ্মণা বিদুঃ ।
বিদিৎবা চানুতিষ্ঠন্তি ক্ষেত্রজ্ঞেনানুদর্শিনা ॥ ২৮॥
ইতি শ্রীমহাভারতে আশ্বমেধিকে পর্বণি অনুগীতাপর্বণি অষ্টাবিংশোঽধ্যায়ঃ ॥
অধ্যায়ঃ ২৯
ব্রাহ্মণ উবাচ
অত্রাপ্যুদাহরন্তীমমিতিহাসং পুরাতনম্ ।
কার্তবীর্যস্য সংবাদং সমুদ্রস্য চ ভামিনি ॥ ১॥
কার্তবীর্যার্জুনো নাম রাজা বাহুসহস্রবান্ ।
যেন সাগরপর্যন্তা ধনুষা নির্জিতা মহী ॥ ২॥
স কদা চিৎসমুদ্রান্তে বিচরন্বলদর্পিতঃ ।
অবাকিরচ্ছরশতৈঃ সমুদ্রমিতি নঃ শ্রুতম্ ॥ ৩॥
তং সমুদ্রো নমস্কৃত্য কৃতাঞ্জলিরুবাচ হ ।
মা মুঞ্চ বীর নারাচান্ব্রূহি কিং করবাণি তে ॥ ৪॥
মদাশ্রয়াণি ভূতানি ৎবদ্বিসৃষ্টৈর্মহেষুভিঃ ।
বধ্যন্তে রাজশার্দূল তেভ্যো দেহ্যভয়ং বিভো ॥ ৫॥
অর্জুব উবাচ
মৎসমো যদি সঙ্গ্রামে শরাসনধরঃ ক্ব চিৎ ।
বিদ্যতে তং মমাচক্ষ্ব যঃ সমাসীত মাং মৃধে ॥ ৬॥
সমুদ্র উবাচ
মহর্ষির্জমদগ্নিস্তে যদি রাজন্পরিশ্রুতঃ ।
তস্য পুত্রস্তবাতিথ্যং যথাবৎকর্তুমর্হতি ॥ ৭॥
ততঃ স রাজা প্রয়যৌ ক্রোধেন মহতা বৃতঃ ।
স তমাশ্রমমাগম্য রমমেবান্বপদ্যত ॥ ৮॥
স রাম প্রতিকূলানি চকার সহ বন্ধুভিঃ ।
আয়াসং জনয়ামাস রামস্য চ মহাত্মনঃ ॥ ৯॥
ততস্তেজঃ প্রজজ্বাল রাজস্যামিত তেজসঃ ।
প্রদহদ্রিপুসৈন্যানি তদা কমললোচনে ॥ ১০॥
ততঃ পরশুমাদায় স তং বাহুসহস্রিণম্ ।
চিচ্ছেদ সহসা রামো বাহুশাখমিব দ্রুমম্ ॥ ১১॥
তং হতং পতিতং দৃষ্ট্বা সমেতাঃ সর্ববান্ধবাঃ ।
অসীনাদায় শক্তীশ্চ ভার্গবং পর্যবারয়ন্ ॥ ১২॥
রামোঽপি ধনুরাদায় রথমারুহ্য স ৎবরঃ ।
বিসৃজঞ্শরবর্ষাণি ব্যধমৎপার্থিবং বলম্ ॥ ১৩॥
ততস্তু ক্ষত্রিয়াঃ কে চিজ্জমদগ্নিং নিহত্য চ ।
বিবিশুর্গিরিদুর্গাণি মৃগাঃ সিংহার্দিতা ইব ॥ ১৪॥
তেষাং স্ববিহিতং কর্ম তদ্ভয়ান্নানুতিষ্ঠতাম্ ।
প্রজা বৃষলতাং প্রাপ্তা ব্রাহ্মণানামদর্শনাৎ ॥ ১৫॥
ত এতে দ্রমিডাঃ কাশাঃ পুণ্ড্রাশ্চ শবরৈঃ সহ ।
বৃষলৎবং পরিগতা ব্যুত্থানাৎক্ষত্রধর্মতঃ ॥ ১৬॥
ততস্তু হতবীরাসু ক্ষত্রিয়াসু পুনঃ পুনঃ ।
দ্বিজৈরুৎপাদিতং ক্ষত্রং জামদগ্ন্যো ন্যকৃন্তত ॥ ১৭॥
এব বিংশতিমেধান্তে রামং বাগশরীরিণী ।
দিব্যা প্রোবাচ মধুরা সর্বলোকপরিশ্রুতা ॥ ১৮॥
রাম রাম নিবর্তস্ব কং গুণং তাত পশ্যসি ।
ক্ষত্রবন্ধূনিমান্প্রাণৈর্বিপ্রয়োজ্য পুনঃ পুনঃ ॥ ১৯॥
তথৈব তং মহাত্মানমৃচীকপ্রমুখাস্তদা ।
পিতামহা মহাভাগ নিবর্তস্বেত্যথাব্রুবন্ ॥ ২০॥
পিতুর্বধমমৃষ্যংস্তু রামঃ প্রোবাচ তানৃষীন্ ।
নার্হন্তীহ ভবন্তো মাং নিবারয়িতুমিত্যুত ॥ ২১॥
পিতর ঊচুঃ
নার্হসে ক্ষত্রবন্ধূংস্ত্বং নিহন্তুং জয়তাং বর ।
ন হি যুক্তং ৎবয়া হন্তুং ব্রাহ্মণেন সতা নৃপান্ ॥ ২২॥
ইতি শ্রীমহাভারতে আশ্বমেধিকে পর্বণি অনুগীতাপর্বণি একোনত্রিংশোঽধ্যায়ঃ ॥
অধ্যায়ঃ ৩০
পিতর ঊচুঃ
অত্রাপ্যুদাহরন্তীমমিতিহাসং পুরাতনম্ ।
শ্রুৎবা চ তত্তথা কার্যং ভবতা দ্বিজসত্তম ॥ ১॥
অলর্কো নাম রাজর্ষিরভবৎসুমহাতপাঃ ।
ধর্মজ্ঞঃ সত্যসন্ধশ্চ মহাত্মা সুমহাব্রতঃ ॥ ২॥
স সাগরান্তাং ধনুষা বিনির্জিত্য মহীমিমাম্ ।
কৃৎবা সুদুষ্করং কর্ম মনঃ সূক্ষ্মে সমাদধে ॥ ৩॥
স্থিতস্য বৃক্ষমূলেঽথ তস্য চিন্তা বভূব হ ।
উৎসৃজ্য সুমহদ্রাজ্যং সূক্ষ্মং প্রতি মহামতে ॥ ৪॥
অলর্ক উবাচ
মনসো মে বলং জাতং মনো জিৎবা ধ্রুবো জয়ঃ ।
অন্যত্র বাণানস্যামি শত্রুভিঃ পরিবারিতঃ ॥ ৫॥
যদিদং চাপলান্মূর্তেঃ সর্বমেতচ্চিকীর্ষতি ।
মনঃ প্রতি সুতীক্ষ্ণাগ্রানহং মোক্ষ্যামি সায়কান্ ॥ ৬॥
মন উবাচ
নেমে বাণাস্তরিষ্যন্তি মামলর্ক কথং চন ।
তবৈব মর্ম ভেৎস্যন্তি ভিন্নমর্মা মরিষ্যসি ॥ ৭॥
অন্যান্বাণান্সমীক্ষস্ব যৈস্ত্বং মাং সূদয়িষ্যসি ।
তচ্ছ্রুৎবা স বিচিন্ত্যাথ ততো বচনমব্রবীৎ ॥ ৮॥
অলক উবাচ
আঘ্রায় সুবহূন্গন্ধাংস্তানেব প্রতিগৃধ্যতি ।
তস্মাদ্ঘ্রাণং প্রতি শরান্প্রতিমোক্ষ্যাম্যহং শিতান্ ॥ ৯॥
ঘ্রাণ উবাচ
নেমে বাণাস্তরিষ্যন্তি মামলর্ক কথং চন ।
তবৈব মর্ম ভেৎস্যন্তি ভিন্নমর্মা মরিষ্যসি ॥ ১০॥
অন্যান্বাণান্সমীক্ষস্ব যৈস্ত্বং মাং সূদয়িষ্যসি ।
তচ্ছ্রুৎবা স বিচিন্ত্যাথ ততো বচনমব্রবীৎ ॥ ১১॥
অলর্ক উবাচ
ইয়ং স্বাদূন্রসান্ভুক্ত্বা তানেব প্রতিগৃধ্যতি ।
তস্মাজ্জিহ্বাং প্রতি শরান্প্রতিমোক্ষ্যাম্যহং শিতান্ ॥ ১২॥
জিহ্বা উবাচ
নেমে বাণাস্তরিষ্যন্তি মামলর্ক কথং চন ।
তবৈব মর্ম ভেৎস্যন্তি ভিন্নমর্মা মরিষ্যসি ॥ ১৩॥
অন্যান্বাণান্সমীক্ষস্ব যৈস্ত্বং মাং সূদয়িষ্যসি ।
তচ্ছ্রুৎবা স বিচিন্ত্যাথ ততো বচনমব্রবীৎ ॥ ১৪॥
অলর্ক উবাচ
সৃষ্ট্বা ৎবগ্বিবিধান্স্পর্শাংস্তানেব প্রতিগৃধ্যতি ।
তস্মাত্ত্বচং পাটয়িষ্যে বিবিধৈঃ কঙ্কপত্রভিঃ ॥ ১৫॥
ৎবগুবাচ
নেমে বাণাস্তরিষ্যন্তি মামলর্ক কথং চন ।
তবৈব মর্ম ভেৎস্যন্তি ভিন্নমর্মা মরিষ্যসি ॥ ১৬॥
অন্যান্বাণান্সমীক্ষস্ব যৈস্ত্বং মাং সূদয়িষ্যসি ।
তচ্ছ্রুৎবা স বিচিন্ত্যাথ ততো বচনমব্রবীৎ ॥ ১৭॥
অলর্ক উবাচ
শ্রুৎবা বৈ বিবিধাঞ্শব্দাংস্তানেব প্রতিগৃধ্যতি ।
তস্মাচ্ছ্রোত্রং প্রতি শরান্প্রতিমোক্ষ্যাম্যহং শিতান্ ॥ ১৮॥
শ্রোত্রমুবাচ
নেমে বাণাস্তরিষ্যন্তি মামলর্ক কথং চন ।
তবৈব মর্ম ভেৎস্যন্তি ততো হাস্যসি জীবিতম্ ॥ ১৯॥
অন্যান্বাণান্সমীক্ষস্ব যৈস্ত্বং মাং সূদয়িষ্যসি ।
তচ্ছ্রুৎবা স বিচিন্ত্যাথ ততো বচনমব্রবীৎ ॥ ২০॥
অলর্ক উবাচ
দৃষ্ট্বা বৈ বিবিধান্ভাবাংস্তানেব প্রতিগৃধ্যতি ।
তস্মাচ্চক্ষুঃ প্রতি শরান্প্রতিমোক্ষ্যাম্যহং শিতান্ ॥ ২১॥
চক্ষুরুবাচ
নেমে বাণাস্তরিষ্যন্তি মামালর্ক কথং চন ।
তবৈব মর্ম ভেৎস্যন্তি ভিন্নমর্মা মরিষ্যসি ॥ ২২॥
অন্যান্বাণান্সমীক্ষস্ব যৈস্ত্বং মাং সূদয়িষ্যতি ।
তচ্ছ্রুৎবা স বিচিন্ত্যাথ ততো বচনমব্রবীৎ ॥ ২৩॥
অলর্ক উবাচ
ইয়ং নিষ্ঠা বহুবিধা প্রজ্ঞয়া ৎবধ্যবস্যতি ।
তস্মাদ্বুদ্ধিং প্রতি শরান্প্রতিমোক্ষ্যাম্যহং শিতান্ ॥ ২৪॥
বুদ্ধিরুবাচ
নেমে বাণাস্তরিষ্যন্তি মামলর্ক কথং চন ।
তবৈব মর্ম ভেৎস্যন্তি ভিন্নমর্মা মরিষ্যসি ॥ ২৫॥
ব্রাহ্মণ উবাচ
ততোঽলর্কস্তপো ঘোরমাস্থায়াথ সুদুষ্করম্ ।
নাধ্যগচ্ছৎপরং শক্ত্যা বাণমেতেষু সপ্তসু ।
সুসমাহিত চিত্তাস্তু ততোঽচিন্তয়ত প্রভুঃ ॥ ২৬॥
স বিচিন্ত্য চিরং কালমলর্কো দ্বিজসত্তম ।
নাধ্যগচ্ছৎপরং শ্রেয়ো যোগান্মতিমতাং বরঃ ॥ ২৭॥
স একাগ্রং মনঃ কৃৎবা নিশ্চলো যোগমাস্থিতঃ ।
ইন্দ্রিয়াণি জঘানাশু বাণেনৈকেন বীর্যবান্ ॥ ২৮॥
যোগেনাত্মানমাবিশ্য সংসিদ্ধিং পরমাং যয়ৌ ।
বিস্মিতশ্চাপি রাজর্ষিরিমাং গাথাং জগাদ হ ।
অহো কষ্টং যদস্মাভিঃ পূর্বং রাজ্যমনুষ্ঠিতম্ ।
ইতি পশ্চান্ময়া জ্ঞাতং যোগান্নাস্তি পরং সুখম্ ॥ ২৯॥
ইতি ৎবমপি জানীহি রাম মা ক্ষত্রিয়াঞ্ জহি ।
তপো ঘোরমুপাতিষ্ঠ ততঃ শ্রেয়োঽভিপৎস্যসে ॥ ৩০॥
ব্রাহ্মণ উবাচ
ইত্যুক্তঃ স তপো ঘোরং জামদগ্ন্যঃ পিতামহৈঃ ।
আস্থিতঃ সুমহাভাগো যয়ৌ সিদ্ধিং চ দুর্গমাম্ ॥ ৩১॥
ইতি শ্রীমহাভারতে আশ্বমেধিকে পর্বণি অনুগীতাপর্বণি ত্রিংশোঽধ্যায়ঃ ॥
অধ্যায়ঃ ৩১
ব্রাহ্মণ উবাচ
ত্রয়ো বৈ রিপবো লোকে নব বৈ গুণতঃ স্মৃতাঃ ।
হর্ষঃ স্তম্ভোঽভিমানশ্চ ত্রয়স্তে সাত্ত্বিকা গুণাঃ ॥ ১॥
শোকঃ ক্রোধোঽতিসংরম্ভো রাজসাস্তে গুণাঃ স্মৃতাঃ ।
স্বপ্নস্তন্দ্রী চ মোহশ্চ ত্রয়স্তে তামসা গুণাঃ ॥ ২॥
এতান্নিকৃত্য ধৃতিমান্বাণসন্ধৈরতন্দ্রিতঃ ।
জেতুং পরানুৎসহতে প্রশান্তাত্মা জিতেন্দ্রিয়ঃ ॥ ৩॥
অত্র গাথাঃ কীর্তয়ন্তি পুরাকল্পবিদো জনাঃ ।
অম্বরীষেণ যা গীতা রাজ্ঞা রাজ্যং প্রশাসতা ॥ ৪॥
সমুদীর্ণেষু দোষেষু বধ্যমানেষু সাধুষু ।
জগ্রাহ তরসা রাজ্যমম্বরীষ ইতি শ্রুতিঃ ॥ ৫॥
স নিগৃহ্য মহাদোষান্সাধূন্সমভিপূজ্য চ ।
জগাম মহতীং সিদ্ধিং গাথাং চেমাং জগাদ হ ॥ ৬॥
ভূয়িষ্ঠং মে জিতা দোষা নিহতাঃ সর্বশত্রবঃ ।
একো দোষোঽবশিষ্টস্তু বধ্যঃ স ন হতো ময়া ॥ ৭॥
যেন যুক্তো জন্তুরয়ং বৈতৃষ্ণ্যং নাধিগচ্ছতি ।
তৃষ্ণার্ত ইব নিম্নানি ধাবমানো ন বুধ্যতে ॥ ৮॥
অকার্যমপি যেনেহ প্রয়ুক্তঃ সেবতে নরঃ ।
তং লোভমসিভিস্তীক্ষ্ণৈর্নিকৃন্তন্তং নিকৃন্তত ॥ ৯॥
লোভাদ্ধি জায়তে তৃষ্ণা ততশ্চিন্তা প্রসজ্যতে ।
স লিপ্সমানো লভতে ভূয়িষ্ঠং রাজসান্গুণান্ ॥ ১০॥
স তৈর্গুণৈঃ সংহতদেহবন্ধনঃ
পুনঃ পুনর্জায়তি কর্ম চেহতে ।
জন্ম ক্ষয়ে ভিন্নবিকীর্ণ দেহঃ
পুনর্মৃত্যুং গচ্ছতি জন্মনি স্বে ॥ ১১॥
তস্মাদেনং সম্যগবেক্ষ্য লোভং
নিগৃহ্য ধৃত্যাত্মনি রাজ্যমিচ্ছেৎ ।
এতদ্রাজ্যং নান্যদস্তীতি বিদ্যাদ্
যস্ত্বত্র রাজা বিজিতো মমৈকঃ ॥ ১২॥
ইতি রাজ্ঞাম্বরীষেণ গাথা গীতা যশস্বিনা ।
আধিরাজ্যং পুরস্কৃত্য লোভমেকং নিকৃন্ততা ॥ ১৩॥
ইতি শ্রীমহাভারতে আশ্বমেধিকে পর্বণি অনুগীতাপর্বণি একত্রিংশোঽধ্যায়ঃ ॥
অধ্যায়ঃ ৩২
ব্রাহ্মণ উবাচ
অত্রাপ্যুদাহরন্তীমমিতিহাসং পুরাতনম্ ।
ব্রাহ্মণস্য চ সংবাদং জনকস্য চ ভামিনি ॥ ১॥
ব্রাহ্মণং জনকো রাজা সন্নং কস্মিংশ্চিদাগমে ।
বিষয়ে মে ন বস্তব্যমিতি শিষ্ট্যর্থমব্রবীৎ ॥ ২॥
ইত্যুক্তঃ প্রত্যুবাচাথ ব্রাহ্মণো রাজসত্তমম্ ।
আচক্ষ্ব বিষয়ং রাজন্যাবাংস্তব বশে স্থিতঃ ॥ ৩॥
সোঽন্যস্য বিষয়ে রাজ্ঞো বস্তুমিচ্ছাম্যহং বিভো ।
বচস্তে কর্তুমিচ্ছামি যথাশাস্ত্রং মহীপতে ॥ ৪॥
ইত্যুক্তঃ স তদা রাজা ব্রাহ্মণেন যশস্বিনা ।
মুহুরুষ্ণং চ নিঃশ্বস্য ন স তং প্রত্যভাষত ॥ ৫॥
তমাসীনং ধ্যায়মানং রাজানমমিতৌজসম্ ।
কশ্মলং সহসাগচ্ছদ্ভানুমন্তমিব গ্রহঃ ॥ ৬॥
সমাশ্বাস্য ততো রাজা ব্যপেতে কশ্মলে তদা ।
ততো মুহূর্তাদিব তং ব্রাহ্মণং বাক্যমব্রবীৎ ॥ ৭॥
জনক উবাচ
পিতৃপৈতামহে রাজ্যে বশ্যে জনপদে সতি ।
বিষয়ং নাধিগচ্ছামি বিচিন্বন্পৃথিবীমিমাম্ ॥ ৮॥
নাধ্যগচ্ছং যদা পৃথ্ব্যাং মিথিলা মার্গিতা ময়া ।
নাধ্যগচ্ছং যদা তস্যাং স্বপ্রজা মার্গিতা ময়া ॥ ৯॥
নাধ্যগচ্ছং যদা তাসু তদা মে কশ্মলোঽভবৎ ।
ততো মে কশ্মলস্যান্তে মতিঃ পুনরুপস্থিতা ॥ ১০॥
তয়া ন বিষয়ং মন্যে সর্বো বা বিষয়ো মম ॥ ১১॥
আত্মাপি চায়ং ন মম সর্বা বা পৃথিবী মম ।
উষ্যতাং যাবদুৎসাহো ভুজ্যতাং যাবদিষ্যতে ॥ ১১॥
ব্রাহ্মণ উবাচ
পিতৃপৈতামহে রাজ্যে বশ্যে জনপদে সতি ।
ব্রূহি কাং বুদ্ধিমাস্থায় মমৎবং বর্জিতং ৎবয়া ॥ ১২॥
কাং বা বুদ্ধিং বিনিশ্চিত্য সর্বো বৈ বিষয়স্তব ।
নাবৈষি বিষয়ং যেন সর্বো বা বিষয়স্তব ॥ ১৩॥
জনক উবাচ
অন্তবন্ত ইহারম্ভা বিদিতা সর্বকর্মসু । var ইহাবস্থা
নাধ্যগচ্ছমহং যস্মান্মমেদমিতি যদ্ভবেৎ ॥ ১৪॥
কস্যেদমিতি কস্য স্বমিতি বেদ বচস্তথা ।
নাধ্যগচ্ছমহং বুদ্ধ্যা মমেদমিতি যদ্ভবেৎ ॥ ১৫॥
এতাং বুদ্ধিং বিনিশ্চিত্য মমৎবং বর্জিতং ময়া ।
শৃণু বুদ্ধিং তু যাং জ্ঞাৎবা সর্বত্র বিষয়ো মম ॥ ১৬॥
নাহমাত্মার্থমিচ্ছামি গন্ধান্ঘ্রাণগতানপি ।
তস্মান্মে নির্জিতা ভূমির্বশে তিষ্ঠতি নিত্যদা ॥ ১৭॥
নাহমাত্মার্থমিচ্ছামি রসানাস্যেঽপি বর্ততঃ ।
আপো মে নির্জিতাস্তস্মাদ্বশে তিষ্ঠন্তি নিত্যদা ॥ ১৮॥
নাহমাত্মার্থমিচ্ছামি রূপং জ্যোতিশ্চ চক্ষুষা ।
তস্মান্মে নির্জিতং জ্যোতির্বশে তিষ্ঠতি নিত্যদা ॥ ১৯॥
নাহমাত্মার্থমিচ্ছামি স্পর্শাংস্ত্বচি গতাশ্ চ যে ।
তস্মান্মে নির্জিতো বায়ুর্বশে তিষ্ঠতি নিত্যদা ॥ ২০॥
নাহমাত্মার্থমিচ্ছামি শব্দাঞ্শ্রোত্রগতানপি ।
তস্মান্মে নির্জিতাঃ শব্দা বশে তিষ্ঠন্তি নিত্যদা ॥ ২১॥
নাহমাত্মার্থমিচ্ছামি মনো নিত্যং মনোঽন্তরে ।
মনো মে নির্জিতং তস্মাদ্বশে তিষ্ঠতি নিত্যদা ॥ ২২॥
দেবেভ্যশ্চ পিতৃভ্যশ্চ ভূতেভ্যোঽতিথিভিঃ সহ ।
ইত্যর্থং সর্ব এবেমে সমারম্ভা ভবন্তি বৈ ॥ ২৩॥
ততঃ প্রহস্য জনকং ব্রাহ্মণঃ পুনরব্রবীৎ ।
ৎবজ্জিজ্ঞাসার্থমদ্যেহ বিদ্ধি মাং ধর্মমাগতম্ ॥ ২৪॥
ৎবমস্য ব্রহ্ম নাভস্য বুদ্ধ্যারস্যানিবর্তিনঃ ।
সত্ত্বনেমি নিরুদ্ধস্য চক্রস্যৈকঃ প্রবর্তকঃ ॥ ২৫॥
ইতি শ্রীমহাভারতে আশ্বমেধিকে পর্বণি অনুগীতাপর্বণি দ্বাত্রিংশোঽধ্যায়ঃ ॥
অধ্যায়ঃ ৩৩
ব্রাহ্মণ উবাচ
নাহং তথা ভীরু চরামি লোকে
তথা ৎবং মাং তর্কয়সে স্ববুদ্ধ্যা ।
বিপ্রোঽস্মি মুক্তোঽস্মি বনেচরোঽস্মি
গৃহস্থ ধর্মা ব্রহ্ম চারী তথাস্মি ॥ ১॥
নাহমস্মি যথা মাং ৎবং পশ্যসে চক্ষুষা শুভে ।
ময়া ব্যাপ্তমিদং সর্বং যৎকিং চিজ্জগতী গতম্ ॥ ২॥
যে কে চিজ্জন্তবো লোকে জঙ্গমাঃ স্থাবরাশ্ চ হ ।
তেষাং মামন্তকং বিদ্ধি দারূণামিব পাবকম্ ॥ ৩॥
রাজ্যং পৃথিব্যাং সর্বস্যামথ বাপি ত্রিবিষ্টপে ।
তথা বুদ্ধিরিয়ং বেত্তি বুদ্ধিরেব ধনং মম ॥ ৪॥
একঃ পন্থা ব্রাহ্মণানাং যেন গচ্ছন্তি তদ্বিদঃ ।
গৃহেষু বনবাসেষু গুরু বাসেষু ভিক্ষুষু ।
লিঙ্গৈর্বহুভিরব্যগ্রৈরেকা বুদ্ধিরুপাস্যতে ॥ ৫॥
নানা লিঙ্গাশ্রমস্থানাং যেষাং বুদ্ধিঃ শমাত্মিকা ।
তে ভাবমেকমায়ান্তি সরিতঃ সাগরং যথা ॥ ৬॥
বুদ্ধ্যায়ং গম্যতে মার্গঃ শরীরেণ ন গম্যতে ।
আদ্যন্তবন্তি কর্মাণি শরীরং কর্মবন্ধনম্ ॥ ৭॥
তস্মাত্তে সুভগে নাস্তি পরলোককৃতং ভয়ম্ ।
মদ্ভাবভাবনিরতা মমৈবাত্মানমেষ্যসি ॥ ৮॥
ইতি শ্রীমহাভারতে আশ্বমেধিকে পর্বণি অনুগীতাপর্বণি ত্রয়স্ত্রিংচোঽধ্যায়ঃ ॥
অধ্যায়ঃ ৩৪
ব্রাহ্মণ্যুবাচ
নেদমল্পাত্মনা শক্যং বেদিতুং নাকৃতাত্মনা ।
বহু চাল্পং চ সঙ্ক্ষিপ্তং বিপ্লুতং চ মতং মম ॥ ১॥
উপায়ং তু মম ব্রূহি যেনৈষা লভ্যতে মতিঃ ।
তন্মন্যে কারণতমং যত এষা প্রবর্ততে ॥ ২॥
ব্রাহ্মণ উবাচ
অরণীং ব্রাহ্মণীং বিদ্ধি গুরুরস্যোত্তরারণিঃ ।
তপঃ শ্রুতেঽভিমথ্নীতো জ্ঞানাগ্নির্জায়তে ততঃ ॥ ৩॥
ব্রাহ্মণ্যুবাচ
যদিদং ব্রহ্মণো লিঙ্গং ক্ষেত্রজ্ঞমিতি সঞ্জ্ঞিতম্ ।
গ্রহীতুং যেন তচ্ছক্যং লক্ষণং তস্য তৎক্ব নু ॥ ৪॥
ব্রাহ্মণ্যুবাচ
অলিঙ্গো নির্গুণশ্চৈব কারণং নাস্য বিদ্যতে ।
উপায়মেব বক্ষ্যামি যেন গৃহ্যেত বা ন বা ॥ ৫॥
সম্যগপ্যুপদিষ্টশ্চ ভ্রমরৈরিব লক্ষ্যতে ।
কর্ম বুদ্ধিরবুদ্ধিৎবাজ্জ্ঞানলিঙ্গৈরিবাশ্রিতম্ ॥ ৬॥
ইদং কার্যমিদং নেতি ন মোক্ষেষূপদিশ্যতে ।
পশ্যতঃ শৃণ্বতো বুদ্ধিরাত্মনো যেষু জায়তে ॥ ৭॥
যাবন্ত ইহ শক্যেরংস্তাবতোঽংশান্প্রকল্পয়েৎ ।
ব্যক্তানব্যক্তরূপাংশ্চ শতশোঽথ সহস্রশঃ ॥ ৮॥
সর্বান্নানাৎব যুক্তাংশ্চ সর্বান্প্রত্যক্ষহেতুকান্ ।
যতঃ পরং ন বিদ্যেত ততোঽভ্যাসে ভবিষ্যতি ॥ ৯॥
বাসুদেব উবাছ
ততস্তু তস্যা ব্রাহ্মণ্যা মতিঃ ক্ষেত্রজ্ঞসঙ্ক্ষয়ে ।
ক্ষেত্রজ্ঞাদেব পরতঃ ক্ষেত্রজ্ঞোঽন্যঃ প্রবর্ততে ॥ ১০॥
অর্জুন উবাচ
ক্ব নু সা ব্রাহ্মণী কৃষ্ণ ক্ব চাসৌ ব্রাহ্মণর্ষভঃ ।
যাভ্যাং সিদ্ধিরিয়ং প্রাপ্তা তাবুভৌ বদ মেঽচ্যুত ॥ ১১॥
বাসুদেব উবাচ
মনো মে ব্রাহ্মণং বিদ্ধি বুদ্ধিং মে বিদ্ধি ব্রাহ্মণীম্ ।
ক্ষেত্রজ্ঞ ইতি যশ্চোক্তঃ সোঽহমেব ধনঞ্জয় ॥ ১২॥
ইতি শ্রীমহাভারতে আশ্বমেধিকে পর্বণি অনুগীতাপর্বণি চতুস্ত্রিংশোঽধ্যায়ঃ ॥
॥ ইতি ব্রাহ্মণগীতা সমাপ্তা ॥
Also Read:
Brahmana Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
