Shiva Stotram

Chandrashekara Ashtaka Stotram Lyrics in Telugu | Telugu Shlokas

చన్ద్రశేఖర అష్టక స్తోత్రమ్ Lyrics in Telugu:

శివాయ నమః ||

చన్ద్రశేఖరాష్టకస్తోత్రమ్ |

చన్ద్రశేఖర చన్ద్రశేఖర
చన్ద్రశేఖర పాహి మామ్ |
చన్ద్రశేఖర చన్ద్రశేఖర
చన్ద్రశేఖర రక్ష మామ్ ||౧||

రత్నసానుశరాసనం రజతాద్రిశృఙ్గనికేతనం
సిఞ్జినీకృతపన్నగేశ్వరమచ్యుతాననసాయకమ్ |
క్షిప్రదగ్ధపురత్రయం త్రిదివాలయైరభివన్దితం
చన్ద్రశేఖరమాశ్రయే మమ కిం కరిష్యతి వై యమః ||౨||

పఞ్చపాదపపుష్పగన్ధపదాంబుజద్వయశోభితం
భాలలోచనజాతపావకదగ్ధమన్మథవిగ్రహమ్ |
భస్మదిగ్ధకలేబరం భవ నాశనం భవమవ్యయం
చన్ద్రశేఖరమాశ్రయే మమ కిం కరిష్యతి వై యమః ||౩||

మత్తవారణముఖ్యచర్మకౄతోత్తరీయమనోహరం
పఙ్కజాసనపద్మలోచనపూజితాంఘ్రిసరోరుహమ్ |
దేవసిన్ధుతరఙ్గసీకర సిక్తశుభ్రజటాధరం
చన్ద్రశేఖరమాశ్రయే మమ కిం కరిష్యతి వై యమః ||౪||

యక్షరాజసఖం భగాక్షహరం భుజఙ్గవిభూషణం
శైలరాజసుతాపరిష్కృతచారువామకలేబరమ్ |
క్ష్వేడనీలగలం పరశ్వధధారిణం మృగధారిణం
చన్ద్రశేఖరమాశ్రయే మమ కిం కరిష్యతి వై యమః ||౫||

కుణ్డలీకృతకుణ్డలేశ్వర కుణ్డలం వృషవాహనం
నారదాదిమునీశ్వరస్తుతవైభవం భువనేశ్వరమ్ |
అన్ధకాన్తకమాశ్రితామరపాదపం శమనాన్తకం
చన్ద్రశేఖరమాశ్రయే మమ కిం కరిష్యతి వై యమః ||౬||

భేషజం భవరోగిణామఖిలాపదామపహారిణం
దక్షయజ్ఞవినాశనం త్రిగుణాత్మకం త్రివిలోచనమ్ |
భుక్తిముక్తిఫలప్రదం సకలాఘసంఘనిబర్హణం
చన్ద్రశేఖరమాశ్రయే మమ కిం కరిష్యతి వై యమః ||౭||

భక్తవత్సలమర్చితం నిధిక్షయం హరిదంబరం
సర్వభూతపతిం పరాత్పరమప్రమేయమనుత్తమమ్ |
సోమవారిదభూహుతాశనసోమపానిలఖాకృతిం
చన్ద్రశేఖరమాశ్రయే మమ కిం కరిష్యతి వై యమః ||౮||

విశ్వసృష్టివిధాయినం పునరేవ పాలనతత్పరం
సంహరన్తమపి ప్రపఞ్చమశేషలోకనివాసినమ్ |
కీడయన్తమహర్నిశం గణనాథయూథసమన్వితం
చన్ద్రశేఖరమాశ్రయే మమ కిం కరిష్యతి వై యమః ||౯||

మృత్యుభీతమృకణ్డుసూనుకృతస్తవం శివసన్నిధౌ
యత్ర కుత్ర చ యః పఠేన్న హి తస్య మృత్యుభయం భవేత్ |
పూర్ణమాయురరోగతామఖిలార్థసంపదమాదరాత్
చన్ద్రశేఖర ఏవ తస్య దదాతి ముక్తిమయత్నతః ||౧౦||

ఇతి శ్రీచన్ద్రశేఖరాష్టకస్తోత్రం సంపూర్ణమ్ ||