Deva Danava Krita Shiva Stotram in Kannada:
॥ ಶ್ರೀ ಶಿವ ಸ್ತೋತ್ರಂ (ದೇವದಾನವ ಕೃತಂ) ॥
ದೇವದಾನವಾಃ ಊಚುಃ –
ನಮಸ್ತುಭ್ಯಂ ವಿರೂಪಾಕ್ಷ ನಮಸ್ತೇ ತಿಗ್ಮಚಕ್ಷುಷೇ |
ನಮಃ ಪಿನಾಕಹಸ್ತಾಯ ಧನ್ವಿನೇ ಕಾಮರೂಪಿಣೇ || ೧ ||
ನಮಸ್ತೇ ಶೂಲಹಸ್ತಾಯ ದಂಡಹಸ್ತಾಯ ಧೂರ್ಜಟೇ |
ನಮಸ್ತ್ರೈಲೋಕ್ಯನಾಥಾಯ ಭೂತಗ್ರಾಮಶರೀರಿಣೇ || ೨ ||
ನಮಸ್ಸುರಾರಿಹಂತ್ರೇ ಚ ಸೋಮಾರ್ಕಾನಲಚಕ್ಷುಷೇ |
ಬ್ರಹ್ಮಣೇ ಚೈವ ರುದ್ರಾಯ ನಮಸ್ತೇ ವಿಷ್ಣುರೂಪಿಣೇ || ೩ ||
ಬ್ರಹ್ಮಣೇ ವೇದರೂಪಾಯ ನಮಸ್ತೇ ವಿಶ್ವರೂಪಿಣೇ |
ಸಾಂಖ್ಯಯೋಗಾಯ ಭೂತಾನಾಂ ನಮಸ್ತೇ ಶಂಭವಾಯ ತೇ || ೪ ||
ಮನ್ಮಥಾಂಗವಿನಾಶಾಯ ನಮಃ ಕಾಲಕ್ಷಯಂಕರ |
ರಂಹಸೇ ದೇವದೇವಾಯ ನಮಸ್ತೇ ವಸುರೇತಸೇ || ೫ ||
ಏಕವೀರಾಯ ಸರ್ವಾಯ ನಮಃ ಪಿಂಗಕಪರ್ದಿನೇ |
ಹರ್ತ್ರೇ ಕರ್ತ್ರೇ ನಮಸ್ತುಭ್ಯಂ ನಮಸ್ತ್ರಿಪುರಘಾತಿನೇ || ೬ ||
ಶುದ್ಧಬೋಧ ಪ್ರಬುದ್ಧಾಯ ಮುಕ್ತಿಕೈವಲ್ಯರೂಪಿಣೇ |
ಲೋಕತ್ರಯ ವಿಧಾತ್ರೇ ಚ ವರುಣೇಂದ್ರಾಗ್ನಿರೂಪಿಣೇ || ೭ ||
ಋಗ್ಯಜುಸ್ಸಾಮವೇದಾಯ ಪುರುಷಾಯೇಶ್ವರಾಯ ಚ |
ಅಗ್ರಾಯ ಚೈವ ಚೋಗ್ರಾಯ ವಿಪ್ರಾಯ ಶ್ರುತಿಚಕ್ಷುಷೇ || ೮ ||
ರಜಸೇಚೈವ ಸತ್ವಾಯ ನಮಸ್ತೇ ತಾಮಸಾತ್ಮನೇ |
ಅನಿತ್ಯನಿತ್ಯಭಾಸಾಯ ನಮೋ ನಿತ್ಯಚರಾತ್ಮನೇ || ೯ ||
ವ್ಯಕ್ತಾಯ ಚೈವಾವ್ಯಕ್ತಾಯ ವ್ಯಕ್ತಾವ್ಯಕ್ತಾತ್ಮನೇ ನಮಃ |
ಭಕ್ತಾನಾಮಾರ್ತಿನಾಶಾಯ ಪ್ರಿಯನಾರಾಯಣಾಯ ಚ || ೧೦ ||
ಉಮಾಪ್ರಿಯಾಯ ಶರ್ವಾಯ ನಂದಿವಕ್ತ್ರಾಂಚಿತಾಯ ವೈ |
ಋತು ಮನ್ವಂತಕಲ್ಪಾಯ ಪಕ್ಷಮಾಸದಿನಾತ್ಮನೇ || ೧೧ ||
ನಾನಾರೂಪಾಯ ಮುಂಡಾಯ ವರೂಥಪೃಥುದಂಡಿನೇ |
ನಮಃ ಕಪಾಲಹಸ್ತಾಯ ದಿಗ್ವಾಸಾಯ ಶಿಂಖಡಿನೇ || ೧೨ ||
ಧನ್ವಿನೇ ರಥಿನೇ ಚೈವ ಯತಯೇ ಬ್ರಹ್ಮಚಾರಿಣೇ |
ಶಿವಾಯ ದೇವದೇವಾಯ ನಮಸ್ತುಭ್ಯಂ ನಮೋ ನಮಃ || ೧೩ ||
ಏವಂ ಸುರಾಸುರೈಸ್ಸ್ಥಾಣು-ಸ್ಸ್ತುತ-ಸ್ಸ್ತೋಷಮುಪಾಗತಃ |
ಉವಾಚ ವಾಕ್ಯಂ ಭೀತಾನಾಂ ಸ್ಮಿತಾಂಚಿತಶುಭಾಕ್ಷರಮ್ || ೧೪ ||
ಇತಿ ಶ್ರೀಮತ್ಸ್ಯಪುರಾಣಾನ್ತರ್ಗತ ದೇವದಾನವಕೃತ ಶಿವಸ್ತೋತ್ರಮ್ |
Also Read:
Deva Danava Krita Shiva Stotram Lyrics in Hindi | English | Kannada | Telugu | Tamil