Ganapati Upanishad in Oriya:
॥ ଶ୍ରୀଗଣପତ୍ୟଥର୍ୱଶୀର୍ଷୋପନିଷତ୍ ଗଣପତ୍ୟୁପନିଷତ୍ ॥
ଯଂ ନତ୍ୱା ମୁନୟଃ ସର୍ୱେ ନିର୍ୱିଘ୍ନଂ ଯାନ୍ତି ତତ୍ପଦମ୍ ।
ଗଣେଶୋପନିଷଦ୍ୱେଦ୍ୟଂ ତଦ୍ବ୍ରହ୍ମୈବାସ୍ମି ସର୍ୱଗମ୍ ॥
ଓଁ ଭଦ୍ରଂ କର୍ଣେଭିଃ ଶୃଣୁୟାମ ଦେବାଃ । ଭଦ୍ରଂ ପଶ୍ୟେମାକ୍ଷଭିର୍ୟଜତ୍ରାଃ ।
ସ୍ଥିରୈରଙ୍ଗୈସ୍ତୁଷ୍ଟୁବାꣳ ସସ୍ତନୂଭିଃ । ବ୍ୟଶେମ ଦେବହିତଂ ଯଦାୟୁଃ ।
ସ୍ୱସ୍ତି ନ ଇନ୍ଦ୍ରୋ ବୃଦ୍ଧଶ୍ରବାଃ । ସ୍ୱସ୍ତି ନଃ ପୂଷା ବିଶ୍ୱବେଦାଃ ।
ସ୍ୱସ୍ତି ନସ୍ତାର୍କ୍ଷ୍ୟୋ ଅରିଷ୍ଟନେମିଃ । ସ୍ୱସ୍ତି ନୋ ବୃହସ୍ପତିର୍ଦଧାତୁ ॥
ଓଁ ଶାନ୍ତିଃ ଶାନ୍ତିଃ ଶାନ୍ତିଃ ॥
ହରିଃ ଓଁ ନମସ୍ତେ ଗଣପତୟେ । ତ୍ୱମେବ ପ୍ରତ୍ୟକ୍ଷଂ ତତ୍ତ୍ୱମସି ।ତ୍ୱମେବ କେବଲଂ
କର୍ତାସି । ତ୍ୱମେବ କେବଲଂ ଧର୍ତାସି । ତ୍ୱମେବ କେବଲଂ ହର୍ତାସି ।ତ୍ୱମେବ
ସର୍ୱଂ ଖଲ୍ୱିଦଂ ବ୍ରହ୍ମାସି । ତ୍ୱଂ ସାକ୍ଷାଦାତ୍ମାସି ନିତ୍ୟମ୍ ॥ ୧ ॥
ଋତଂ ବଚ୍ମି । ସତ୍ୟଂ ବଚ୍ମି । ଅବ ତ୍ୱଂ ମାମ୍ । ଅବ ବକ୍ତାରମ୍ । ଅବ
ଶ୍ରୋତାରମ୍ ॥ ୨ ॥
ଅବ ଦାତାରମ୍ । ଅବ ଧାତାରମ୍ । ଅବାନୂଚାନମବ ଶିଷ୍ୟମ୍ । ଅବ
ପଶ୍ଚାତ୍ତାତ୍ । ଅବ ପୁରସ୍ତାତ୍ । ଅବୋତ୍ତରାତ୍ତାତ୍ । ଅବ ଦକ୍ଷିଣାତ୍ତାତ୍ । ଅବ
ଚୋର୍ଧ୍ୱାତ୍ତାତ୍ । ଅବାଧରାତ୍ତାତ୍ । ସର୍ୱତୋ ମାଂ ପାହି ପାହି ସମନ୍ତାତ୍ ॥ ୩ ॥
ତ୍ୱଂ ବାଙ୍ମୟସ୍ତ୍ୱଂ ଚିନ୍ମୟଃ । ତ୍ୱମାନନ୍ଦମୟସ୍ତ୍ୱଂ ବ୍ରହ୍ମମୟଃ । ତ୍ୱଂ
ସଚ୍ଚିଦାନନ୍ଦାଦ୍ୱିତୀୟୋଽସି । ତ୍ୱଂ ପ୍ରତ୍ୟକ୍ଷଂ ବ୍ରହ୍ମାସି । ତ୍ୱଂ ଜ୍ଞାନମୟୋ
ବିଜ୍ଞାନମୟୋଽସି ॥ ୪ ॥
ସର୍ୱଂ ଜଗଦିଦଂ ତ୍ୱତ୍ତୋ ଜାୟତେ ।ସର୍ୱଂ ଜଗଦିଦଂ ତ୍ୱତ୍ତସ୍ତିଷ୍ଠତି ।
ସର୍ୱଂ ଜଗଦିଦଂ ତ୍ୱୟି ଲୟମେଷ୍ୟତି । ସର୍ୱଂ ଜଗଦିଦଂ ତ୍ୱୟି ପ୍ରତ୍ୟେତି ।
ତ୍ୱଂ ଭୂମିରାପୋଽନଲୋଽନିଲୋ ନଭଃ ।ତ୍ୱଂ ଚତ୍ୱାରି ବାକ୍ପଦାନି ॥ ୫ ॥
ତ୍ୱଂ ଗୁଣତ୍ରୟାତୀତଃ । ତ୍ୱଂ ଅବସ୍ଥାତ୍ରୟାତୀତଃ । ତ୍ୱଂ ଦେହତ୍ରୟାତୀତଃ ।
ତ୍ୱଂ କାଲତ୍ରୟାତୀତଃ । ତ୍ୱଂ ମୂଲାଧାରସ୍ଥିତୋଽସି ନିତ୍ୟମ୍ । ତ୍ୱଂ
ଶକ୍ତିତ୍ରୟାତ୍ମକଃ ।ତ୍ୱାଂ ଯୋଗିନୋ ଧ୍ୟାୟନ୍ତି ନିତ୍ୟମ୍ । ତ୍ୱଂ ବ୍ରହ୍ମା ତ୍ୱଂ
ବିଷ୍ଣୁସ୍ତ୍ୱଂ ରୁଦ୍ରସ୍ତ୍ୱମିନ୍ଦ୍ରସ୍ତ୍ୱମଗ୍ନିସ୍ତ୍ୱଂ ବାୟୁସ୍ତ୍ୱଂ ସୂର୍ୟସ୍ତ୍ୱଂ
ଚନ୍ଦ୍ରମାସ୍ତ୍ୱଂ ବ୍ରହ୍ମ ଭୂର୍ଭୁବଃ ସ୍ୱରୋମ୍ ॥ ୬ ॥
ଗଣାଦିଂ ପୂର୍ୱମୁଚ୍ଚାର୍ୟ ବର୍ଣାଦିଂସ୍ତଦନନ୍ତରମ୍ । ଅନୁସ୍ୱାରଃ ପରତରଃ ।
ଅର୍ଧେନ୍ଦୁଲସିତମ୍ । ତାରେଣ ଋଦ୍ଧମ୍ । ଏତତ୍ତବ ମନୁସ୍ୱରୂପମ୍ । ଗକାରଃ
ପୂର୍ୱରୂପମ୍ । ଅକାରୋ ମଧ୍ୟମରୂପମ୍ । ଅନୁସ୍ୱାରଶ୍ଚାନ୍ତ୍ୟରୂପମ୍ ।
ବିନ୍ଦୁରୁତ୍ତରରୂପମ୍ ଂଆଦଃ ସନ୍ଧାନମ୍ । ସଂହିତା ସନ୍ଧିଃ । ସୈଷା
ଗଣେଶବିଦ୍ୟା । ଗଣକ ଋଷିଃ । ନିଚୃଦ୍ଗାୟତ୍ରୀ ଛନ୍ଦଃ ।
ଶ୍ରୀମହାଗଣପତିର୍ଦେବତା । ଓଁ ଗଂ ଗଣପତୟେ ନମଃ ॥ ୭ ॥
ଏକଦନ୍ତାୟ ବିଦ୍ମହେ ବକ୍ରତୁଣ୍ଡାୟ ଧୀମହି ।
ତନ୍ନୋ ଦନ୍ତିଃ ପ୍ରଚୋଦୟାତ୍ ॥ ୮ ॥
ଏକଦନ୍ତଂ ଚତୁର୍ହସ୍ତଂ ପାଶମଙ୍କୁଶଧାରିଣମ୍ । ରଦଂ ଚ ବରଦଂ
ହସ୍ତୈର୍ବିଭ୍ରାଣଂ ମୂଷକଧ୍ୱଜମ୍ । ରକ୍ତଂ ଲମ୍ବୋଦରଂ ଶୂର୍ପକର୍ଣକଂ
ରକ୍ତବାସସମ୍ । ରକ୍ତଗନ୍ଧାନୁଲିପ୍ତାଙ୍ଗଂ ରକ୍ତପୁଷ୍ପୈଃ ସୁପୂଜିତମ୍ ।
ଭକ୍ତାନୁକମ୍ପିନଂ ଦେବଂ ଜଗତ୍କାରଣମଚ୍ୟୁତମ୍ । ଆବିର୍ଭୂତଂ ଚ
ସୃଷ୍ଟ୍ୟାଦୌ ପ୍ରକୃତେଃ ପୁରୁଷାତ୍ପରମ୍ । ଏବଂ ଧ୍ୟାୟତି ଯୋ ନିତ୍ୟଂ ସ
ଯୋଗୀ ଯୋଗିନାଂ ବରଃ ॥ ୯ ॥
ନମୋ ବ୍ରାତପତୟେ ନମୋ ଗଣପତୟେ ନମଃ ପ୍ରମଥପତୟେ ନମସ୍ତେଽସ୍ତୁ
ଲମ୍ବୋଦରାୟ ଏକଦନ୍ତାୟ ବିଘ୍ନବିନାଶିନେ ଶିବସୁତାୟ ଶ୍ରୀବରଦମୂର୍ତୟେ
ନମଃ ॥ ୧୦ ॥
ଏତଦଥର୍ୱଶୀର୍ଷଂ ଯୋଽଧୀତେ । ସ ବ୍ରହ୍ମଭୂୟାୟ କଲ୍ପତେ । ସ
ସର୍ୱବିଘ୍ନୈର୍ନ ବାଧ୍ୟତେ । ସ ସର୍ୱତଃ ସୁଖମେଧତେ । ସ ପଞ୍ଚମହାପାପାତ୍
ପ୍ରମୁଚ୍ୟତେ । ସାୟମଧୀୟାନୋ ଦିବସକୃତଂ ପାପଂ ନାଶୟତି ।
ପ୍ରାତରଧୀୟାନୋ ରାତ୍ରିକୃତଂ ପାପଂ ନାଶୟତି । ସାୟଂ ପ୍ରାତଃ
ପ୍ରୟୁଞ୍ଜାନଃ ପାପୋଽପାପୋ ଭବତି । ଧର୍ମାର୍ଥକାମମୋକ୍ଷଂ ଚ ବିନ୍ଦତି ।
ଇଦମଥର୍ୱଶୀର୍ଷମଶିଷ୍ୟାୟ ନ ଦେୟମ୍ । ଯୋ ଯଦି ମୋହାଦ୍ ଦାସ୍ୟତି । ସ
ପାପୀୟାନ୍ ଭବତି । ସହସ୍ରାବର୍ତନାଦ୍ୟଂ ଯଂ କାମମଧୀତେ । ତଂ ତମନେନ
ସାଧୟେତ୍ ॥ ୧୧ ॥
ଅନେନ ଗଣପତିମଭିଷିଞ୍ଚତି । ସ ବାଗ୍ମୀ ଭବତି । ଚତୁର୍ଥ୍ୟାମନଶ୍ନନ୍
ଜପତି । ସ ବିଦ୍ୟାବାନ୍ ଭବତି । ଇତ୍ୟଥର୍ୱଣବାକ୍ୟମ୍ । ବ୍ରହ୍ମାଦ୍ୟାଚରଣଂ
ବିଦ୍ୟାନ୍ନ ବିଭେତି କଦାଚନେତି ॥ ୧୨ ॥
ଯୋ ଦୂର୍ୱାଙ୍କୁରୈର୍ୟଜତି । ସ ବୈଶ୍ରବଣୋପମୋ ଭବତି । ଯୋ ଲାଜୈର୍ୟଜତି । ସ
ଯଶୋବାନ୍ ଭବତି । ସ ମେଧାବାନ୍ ଭବତି । ଯୋ ମୋଦକସହସ୍ରେଣ ଯଜତି ସ
ବାଞ୍ଛିତଫଲମବାପ୍ନୋତି । ଯଃ ସାଜ୍ୟ ସମିଦ୍ଭିର୍ୟଜତି । ସ ସର୍ୱଂ ଲଭତେ
ସ ସର୍ୱଂ ଲଭତେ ॥ ୧୩ ॥
ଅଷ୍ଟୌ ବ୍ରାହ୍ମଣାନ୍ ସମ୍ୟଗ୍ ଗ୍ରାହୟିତ୍ୱା । ସୂର୍ୟବର୍ଚସ୍ୱୀ ଭବତି ।
ସୂର୍ୟଗ୍ରହେ ମହାନଦ୍ୟାଂ ପ୍ରତିମାସନ୍ନିଧୌ ବା ଜପ୍ତ୍ୱା । ସିଦ୍ଧମନ୍ତ୍ରୋ ଭବତି ।
ମହାବିଘ୍ନାତ୍ ପ୍ରମୁଚ୍ୟତେ । ମହାଦୋଷାତ୍ ପ୍ରମୁଚ୍ୟତେ । ମହାପାପାତ୍
ପ୍ରମୁଚ୍ୟତେ । ମହାପ୍ରତ୍ୟବାୟାତ୍ ପ୍ରମୁଚ୍ୟତେ । ସ ସର୍ୱବିଦ୍ଭବତି ସ
ସର୍ୱବିଦ୍ଭବତି । ଯ ଏବଂ ବେଦ । ଇତ୍ୟୁପନିଷତ୍ ॥ ୧୪ ॥
ଓଁ ଭଦ୍ରଂ କର୍ଣେଭିଃ ଶୃଣୁୟାମ ଦେବାଃ । ଭଦ୍ରଂ ପଶ୍ୟେମାକ୍ଷଭିର୍ୟଜତ୍ରାଃ ।
ସ୍ଥିରୈରଙ୍ଗୈସ୍ତୁଷ୍ଟୁବାꣳ ସସ୍ତନୂଭିଃ । ବ୍ୟଶେମ ଦେବହିତଂ ଯଦାୟୁଃ ।
ସ୍ୱସ୍ତି ନ ଇନ୍ଦ୍ରୋ ବୃଦ୍ଧଶ୍ରବାଃ । ସ୍ୱସ୍ତି ନଃ ପୂଷା ବିଶ୍ୱବେଦାଃ । ସ୍ୱସ୍ତି
ନସ୍ତାର୍କ୍ଷ୍ୟୋ ଅରିଷ୍ଟନେମିଃ । ସ୍ୱସ୍ତି ନୋ ବୃହସ୍ପତିର୍ଦଧାତୁ ॥
ଓଁ ଶାନ୍ତିଃ ଶାନ୍ତିଃ ଶାନ୍ତିଃ ॥
ଇତି ଗଣପତ୍ୟୁପନିଷତ୍ସମାପ୍ତା ॥
Also Read:
Ganapati Atharvashirsha (Ganapati Upanishad) Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil