Meenakshi

Hymn to Goddess Meenakshi Lyrics in Malayalam

Hymn to Goddess Minakshi in Malayalam:

॥ മീനാക്ഷീസ്തോത്രം ॥
॥ ശ്രീഃ ॥

ശ്രീവിദ്യേ ശിവവാമഭാഗനിലയേ ശ്രീരാജരാജാർചിതേ
ശ്രീനാഥാദിഗുരുസ്വരൂപവിഭവേ ചിന്താമണീപീഠികേ ।
ശ്രീവാണീഗിരിജാനുതാംഘ്രികമലേ ശ്രീശാംഭവി ശ്രീശിവേ
മധ്യാഹ്നേ മലയധ്വജാധിപസുതേ മാം പാഹി മീനാംബികേ ॥ 1 ॥

ചക്രസ്ഥേഽചപലേ ചരാചരജഗന്നാഥേ ജഗത്പൂജിതേ
ആർതാലീവരദേ നതാഭയകരേ വക്ഷോജഭാരാന്വിതേ ।
വിദ്യേ വേദകലാപമൗലിവിദിതേ വിദ്യുല്ലതാവിഗ്രഹേ
മാതഃ പൂർണസുധാരസാർദ്രഹൃദയേ മാം പാഹി മീനാംബികേ ॥ 2 ॥

കോടീരാംഗദരത്നകുണ്ഡലധരേ കോദണ്ഡബാണാഞ്ചിതേ
കോകാകാരകുചദ്വയോപരിലസത്പ്രാലംബഹാരാഞ്ചിതേ ।
ശിഞ്ജന്നൂപുരപാദസാരസമണീശ്രീപാദുകാലങ്കൃതേ
മദ്ദാരിദ്ര്യഭുജംഗഗാരുഡഖഗേ മാം പാഹി മീനാംബികേ ॥ 3 ॥

ബ്രഹ്മേശാച്യുതഗീയമാനചരിതേ പ്രേതാസനാന്തസ്ഥിതേ
പാശോദങ്കുശചാപബാണകലിതേ ബാലേന്ദുചൂഡാഞ്ചിതേ ।
ബാലേ ബാലകുരംഗലോലനയനേ ബാലാർകകോട്യുജ്ജ്വലേ
മുദ്രാരാധിതദൈവതേ മുനിസുതേ മാം പാഹി മീനാംബികേ ॥ 4 ॥

ഗന്ധർവാമരയക്ഷപന്നഗനുതേ ഗംഗാധരാലിംഗിതേ
ഗായത്രീഗരുഡാസനേ കമലജേ സുശ്യാമലേ സുസ്ഥിതേ ।
ഖാതീതേ ഖലദാരുപാവകശിഖേ ഖദ്യോതകോട്യുജ്ജ്വലേ
മന്ത്രാരാധിതദൈവതേ മുനിസുതേ മാം പാഹീ മീനാംബികേ ॥ 5 ॥

നാദേ നാരദതുംബുരാദ്യവിനുതേ നാദാന്തനാദാത്മികേ
നിത്യേ നീലലതാത്മികേ നിരുപമേ നീവാരശൂകോപമേ ।
കാന്തേ കാമകലേ കദംബനിലയേ കാമേശ്വരാങ്കസ്ഥിതേ
മദ്വിദ്യേ മദഭീഷ്ടകൽപലതികേ മാം പാഹി മീനാംബികേ ॥ 6 ॥

വീണാനാദനിമീലിതാർധനയനേ വിസ്രസ്തചൂലീഭരേ
താംബൂലാരുണപല്ലവാധരയുതേ താടങ്കഹാരാന്വിതേ ।
ശ്യാമേ ചന്ദ്രകലാവതംസകലിതേ കസ്തൂരികാഫാലികേ
പൂർണേ പൂർണകലാഭിരാമവദനേ മാം പാഹി മീനാംബികേ ॥ 7 ॥

ശബ്ദബ്രഹ്മമയീ ചരാചരമയീ ജ്യോതിർമയീ വാങ്മയീ
നിത്യാനന്ദമയീ നിരഞ്ജനമയീ തത്ത്വംമയീ ചിന്മയീ ।
തത്ത്വാതീതമയീ പരാത്പരമയീ മായാമയീ ശ്രീമയീ
സർവൈശ്വര്യമയീ സദാശിവമയീ മാം പാഹി മീനാംബികേ ॥ 8 ॥

ഇതി ശ്രീമത്പരമഹംസപരിവ്രാജകാചാര്യസ്യ
ശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീമച്ഛങ്കരഭഗവതഃ കൃതൗ
മീനാക്ഷീസ്തോത്രം സമ്പൂർണം ॥

Also Read:

Hymn-to Goddess Meenakshi Amman Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil