Ishvara Prarthana Stotram in Telugu:
॥ ఈశ్వర ప్రార్థనా స్తోత్రమ్ ॥
శివాయ నమః ||
ఈశ్వరప్రార్థనాస్తోత్రమ్
ఈశ్వరం శరణం యామి క్రోధమోహాదిపీడితః |
అనాథం పతితం దీనం పాహి మాం పరమేశ్వర || ౧||
ప్రభుస్త్వం జగతాం స్వామిన్ వశ్యం సర్వం తవాస్తి చ |
అహమజ్ఞో విమూఢోఽస్మి త్వాం న జానామి హే ప్రభో ||౨||
బ్రహ్మా త్వం చ తథా విష్ణుస్త్వమేవ చ మహేశ్వరః |
తవ తత్త్వం న జానామి పాహి మాం పరమేశ్వర ||౩||
త్వం పితా త్వం చ మే మాతా త్వం బన్ధుః కరుణానిధే |
త్వాం వినా నహి చాన్యోఽస్తి మమ దుఃఖవినాశకః ||౪||
అన్తకాలే త్వమేవాసి మమ దుఃఖ వినాశకః |
తస్మాద్వై శరణోఽహం తే రక్ష మాం హే జగత్పతే ||౫||
పితాపుత్రాదయః సర్వే సంసారే సుఖభాగినః |
విపత్తౌ పరిజాతాయాం కోఽపి వార్తామ్ న పృచ్ఛతి ||౬||
కామక్రోధాదిభిర్యుక్తో లోభమోహాదికైరపి |
తాన్వినశ్యాత్మనో వైరీన్ పాహి మాం పరమేశ్వర ||౭||
అనేకే రక్షితాః పూర్వం భవతా దుఃఖపీడితాః |
క్వ గతా తే దయా చాద్య పాహి మాం హే జగత్పతే ||౮||
న త్వాం వినా కశ్చిదస్తి సంసారే మమ రక్షకః |
శరణం త్వాం ప్రపన్నోఽహం త్రాహి మాం పరమేశ్వర ||౯||
ఈశ్వర ప్రార్థనాస్తోత్రం యోగానన్దేన నిర్మితమ్ |
యః పఠేద్భక్తిసంయుక్తస్తస్యేశః సంప్రసీదతి ||౧౦||
ఇతి శ్రీయోగానన్దతీర్థవిరచితం ఈశ్వరప్రార్థనాస్తోత్రం సంపూర్ణమ్ ||
Also Read:
Ishvara Prarthana Stotram Lyrics in English | Gujarati | Bengali | Marathi | Kannada | Malayalam | Telugu