Panchaka

Janakipanchakam Lyrics in Bengali ॥ জানকীপঞ্চকম্ ॥

॥ জানকীপঞ্চকম্ ॥

মাতৃকে সর্ববিশ্বৈকধাত্রীং ক্ষমাং
ত্বাং সুধাং শীতলাং পুত্রপুত্রীনুতাম্ ।
স্নেহবাত্সল্যধারায়ুতাং জানকীং
তাং নমামীশ্বরীং মাতরং প্রেমদাম্ ॥ ১॥

নূপুরানন্দদাং কিঙ্কণীমেখলাং
শাতকুম্ভাঙ্গদাং হাররত্নাকরাম্ ।
কুণ্ডলাভূষণাং মৌলিহীরোজ্জ্বলাং
তাং নমামীশ্বরীং মাতরং প্রেমদাম্ ॥ ২॥

মেঘবৃন্দালকাং মন্দহাসপ্রভাং
কান্তিগেহাক্ষিণী স্বর্ণবর্ণাশ্রয়াম্ ।
রক্তবিম্বাধরাং শ্রীমুখীং সুন্দরীং
তাং নমামীশ্বরীং মাতরং প্রেমদাম্ ॥ ৩॥

পদ্মমালাধরাং পদ্মপুষ্পারিতাং
পদ্যবর্ণাম্বরাং পাণিপদ্মাশ্রয়াম্ ।
পদ্মপীঠস্থিতাং পাদপদ্মাবৃতাং
তাং নমামীশ্বরীং মাতরং প্রেমদাম্ ॥ ৪॥

ভুক্তিমুক্তিপ্রদাং পুষ্টিতুষ্টিপ্রদাং
জ্ঞানবিদ্যাদদাং পুষ্কলানন্দদাম্ ।
শুদ্ধিদাং বুদ্ধিদাং শক্তিদাং সিদ্ধিদাং
তাং নমামীশ্বরীং মাতরং প্রেমদাম্ ॥ ৫॥

ইতি জানকীপঞ্চকং সম্পূর্ণম্ ।

Add Comment

Click here to post a comment