Ashtottara Shatanama

Kakaradi Sri Kurma Ashtottara Shatanama Stotram Lyrics in Telugu

Kakaradi Shri Kurma Ashtottarashatanama Stotram Lyrics in Telugu:

॥ కకారాది శ్రీకూర్మాష్టోత్తరశతనామస్తోత్రమ్ ॥
శ్రీ హయగ్రీవాయ నమః ।
హరిః ఓం

కమఠః కన్ధిమధ్యస్థః కరుణావరుణాలయః ।
కులాచలసముద్ధర్తా కుణ్డలీన్ద్రసమాశ్రయః ॥ ౧ ॥

కఠోరపృష్టః కుధరః కలుషీకృతసాగరః ।
కల్యాణమూర్తిః క్రతుభుక్ప్రార్థనాధృత విగ్రహః ॥ ౨ ॥

కులాచలసముద్భ్రాన్తిఘృష్టకణ్డూతిసౌఖ్యవాన్ ।
కరాలశ్వాససఙ్క్షుబ్ధసిన్ధూర్మిప్రహతామ్బరః ॥ ౩ ॥

కన్ధికర్దమకస్తూరీలిప్తవక్షఃస్థలః కృతీ ।
కులీరాదిపయస్సత్త్వనిష్పేషణచతుష్పదః ॥ ౪ ॥

కరాగ్రాదత్తసమ్భుక్తతిమిఙ్గిలగిలోత్కరః ।
కన్ధిపుష్పద్విరేఫాభః కపర్ద్యాదిసమీడితః ॥ ౫ ॥

కల్యాణాచలతుఙ్గాత్మాగాధీకృతపయోనిధిః ।
కులిశత్పృష్ఠసఙ్ఘర్షక్షీణమూలకులాచలః ॥ ౬ ॥

కాశ్యపీసత్కుచప్రాయమన్దరాహతపృష్ఠకః ।
కాయైకదేశాపర్యాప్తశేషదిగ్గజమణ్డలః ॥ ౭ ॥

కఠోరచరణాఘాతద్వైధీకృతపయోనిధిః ।
కాలకూటకృతత్రాసః కాణ్డదుర్మితవైభవః ॥ ౮ ॥

కమనీయః కవిస్తుత్యః కనిధిః కమలాపతిః ।
కమలాసనకల్యాణసన్ధాతా కలినాశనః ॥ ౯ ॥

కటాక్షక్షతదేవార్తిః కేన్ద్రాదివిధృతాంజలిః ।
కాలీపతిప్రీతిపాత్రం కామితార్థప్రదః కవిః ॥ ౧౦ ॥

కూటస్థః కూటకమఠః కూటయోగిసుదుర్లభః ।
కామహీనః కామహేతుః కామభృత్కంజలోచనః ॥ ౧౧ ॥

క్రతుభుగ్దైన్యవిధ్వంసీ క్రతుభుక్పాలకః క్రతుః ।
క్రతుపూజ్యః క్రతునిధిః క్రతుత్రాతా క్రతూద్భవః ॥ ౧౨ ॥

కైవల్యసౌఖ్యదకథః కైశోరోత్క్షిప్తమన్దరః ।
కైవల్యనిర్వాణమయః కైటభప్రతిసూదనః ॥ ౧౩ ॥

క్రాన్తసర్వామ్బుధిః క్రాన్తపాతాలః కోమలోదరః ।
కన్ధిసోర్మిజలక్షౌమః కులాచలకచోత్కరః ॥ ౧౪ ॥

కటునిశ్శ్వాసనిర్ధూతరక్షస్తూలః కృతాద్భుతః ।
కౌమోదకీహతామిత్రః కౌతుకాకవితాహవః ॥ ౧౫ ॥

కరాలికంటకోద్ధర్తా కవితాబ్ధిమణీసుమః ।
కైవల్యవల్లరీకన్దః కన్దుకీకృతచన్దిరః ॥ ౧౬ ॥

కరపీతసమస్తాబ్ధిః కాయాన్తర్గతవాశ్చరః ।
కర్పరాబ్జద్విరేఫాభమన్దరః కన్దలత్స్మితః ॥ ౧౭ ॥

కాశ్యపీవ్రతతీకన్దః కశ్యపాదిసమానతః ।
కల్యాణజాలనిలయః క్రతుభుఙ్నేత్రనన్దనః ॥ ౧౮ ॥

కబన్ధచరహర్యక్షః క్రాన్తదర్శిమనోహరః ।
కర్మఠావిషయః కర్మకర్తృభావాదివర్జితః ॥ ౧౯ ॥

కర్మానధీనః కర్మజ్ఞః కర్మపః కర్మచోదనః ।
కర్మసాక్షీ కర్మహేతుః కర్మజ్ఞానవిభాగకృత్ ॥ ౨౦ ॥

కర్తా కారయితా కార్యం కారణం కరణం కృతిః ।
కృత్స్నం కృత్స్నాతిగః కృత్స్నచేతనః కృత్స్నమోహనః ॥ ౨౧ ॥

కరణాగోచరః కాలః కార్యకారణతాతిగః ।
కాలావశః కాలపాశబద్ధభక్తావనాభిధః ॥ ౨౨ ॥

కృతకృత్యః కేలిఫలః కీర్తనీయః కృతోత్సవః ।
కృతేతరమహానన్దః కృతజ్ఞః కృతసత్సుఖః ॥ ౨౩ ॥

॥ ఇతి కకారాది శ్రీ కమఠావతారాష్టోత్తరశతమ్ రామేణ పరాభవ
వైశాఖ బహులద్వాదశ్యాం లిఖితమ్ శ్రీ హయగ్రీవాయార్పితమ్ ॥

Also Read:

Kakaradi Sri Kurma Ashtottara Shatanama Stotram Lyrics in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil