Gita - Geetaa

Kashyapa Gita Lyrics in Bengali

Kashyapa Geetaa in Bengali:

॥ কাশ্যপগীতা ॥
অত্রাপ্যুদাহরন্তীমা গাথা নিত্যং ক্ষমাবতাম্ ।
গীতাঃ ক্ষমাবতাং কৃষ্ণে কাশ্যপেন মহাত্মনা । ১ ।

ক্ষমা ধর্মঃ ক্ষমা যজ্ঞঃ ক্ষমা বেদাঃ ক্ষমা শ্রুতম্ ।
য এতদেব জানাতি স সর্ব ক্ষন্তুমর্হতি । ২ ।

ক্ষমা ব্রহ্ম ক্ষমা সত্যং ক্ষমা ভূতং চ ভাবি চ ।
ক্ষমা তপঃ ক্ষমা শৌচং ক্ষময়েদং ধৃতং জগৎ । ৩ ।

অতিয়জ্ঞবিদাংলোকান্ক্ষমিণঃ প্রাপ্নুবন্তি চ ।
অতিব্রহ্মবিদাংলোকানতিচাপি তপস্বিনাম্ । ৪ ।

অন্যেবৈ যজুষাং লোকাঃ কর্মিণামপরে তথা ।
ক্ষমাবতাং ব্রহ্মলোকে লোকাঃ পরমপূজিতাঃ । ৫ ।

ক্ষমা তেজস্বিনাং তেজঃ ক্ষমা ব্রহ্ম তপস্বিনাম্ ।
ক্ষমা সত্যং সত্যবতাং ক্ষমা যজ্ঞঃ ক্ষমা শমঃ । ৬ ।

তাং ক্ষমাং তাদৃশীং কৃষ্ণে কথমস্মদ্বিধস্ত্যজেৎ ।
যস্যাং ব্রহ্ম চ সত্যং চ যজ্ঞালোকাশ্চধিষ্ঠিতাঃ । ৭ ।

ক্ষন্তব্যমেব সততং পুরুষেণ বিজানতা ।
যদা হি ক্ষমতে সর্বং ব্রহ্ম সম্পদ্যতে তদা । ৮ ।

ক্ষমাবতাময়ং লোকঃ পরশ্চৈব ক্ষমাবতাম্ ।
ইহ সন্মানমৃচ্ছতি পরত্র চ শুভাং গতিম্ । ৯ ।

যেষাং মন্যুর্মনুষ্যাণাং ক্ষময়াঽভিহতঃ সদা ।
তেষাং পরতরে লোকাস্তস্মাৎক্ষান্তিঃ পরা মতা । ১০ ।

ইতি গীতাঃ কাশ্যপেন গাথা নিত্যং ক্ষমাবতাম্ ।
শ্রুৎবা গাথাঃ ক্ষমায়াস্ত্বং তুষ্য দ্রৌপদি মাক্রুধঃ । ১১ ।

পিতামহঃ শান্তনবঃ ক্ষমাং সম্পূজয়িষ্যতি ।
কৃষ্ণশ্চ দেবকীপুত্রঃ ক্ষমাং সম্পূজয়িষ্যতি । ১২ ।

আচার্যো বিদুরঃ ক্ষত্তা শমমেব বদিষ্যতঃ ।
কৃপশ্চ সংজয়শ্চৈব শমমেব বদিষ্যতঃ । ১৩ ।

সোমদত্তো যুয়ুৎসুশ্চ দ্রোণপুত্রস্তথৈব চ ।
পিতামহশ্চ নো ব্যাসঃ শমং বদতি নিত্যশঃ । ১৪ ।

সুয়োধনো নার্হতীতি ক্ষমামেবং ন বিন্দতি ।
অর্হস্তত্রাহমিত্যেবং তস্মান্মাং বিন্দতে ক্ষমা । ১৫ ।

এতদাত্মবতাং বৃত্তমেষ ধর্মঃ সনাতনঃ ।
ক্ষমাচৈবানৃশংস্যং চ তৎকর্তাস্ম্যহমংজসা । ১৬ ।

পরৈস্তাডিতস্যাপিতত্তাডনসমর্থস্য
চিতে ক্ষোভানুৎপত্তিঃ ক্ষমা । ১৭ ।

। ইতি কাশ্যপগীতা সমাপ্তা ।

Also Read:

Kashyapa Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil

Add Comment

Click here to post a comment