Kashyapa Geetaa in Telugu:
॥ కాశ్యపగీతా ॥
అత్రాప్యుదాహరంతీమా గాథా నిత్యం క్షమావతాం .
గీతాః క్షమావతాం కృష్ణే కాశ్యపేన మహాత్మనా ॥ 1॥
క్షమా ధర్మః క్షమా యజ్ఞః క్షమా వేదాః క్షమా శ్రుతం .
య ఏతదేవ జానాతి స సర్వ క్షంతుమర్హతి ॥ 2॥
క్షమా బ్రహ్మ క్షమా సత్యం క్షమా భూతం చ భావి చ .
క్షమా తపః క్షమా శౌచం క్షమయేదం ధృతం జగత్ ॥ 3॥
అతియజ్ఞవిదాంలోకాన్క్షమిణః ప్రాప్నువంతి చ .
అతిబ్రహ్మవిదాంలోకానతిచాపి తపస్వినాం ॥ 4॥
అన్యేవై యజుషాం లోకాః కర్మిణామపరే తథా .
క్షమావతాం బ్రహ్మలోకే లోకాః పరమపూజితాః ॥ 5॥
క్షమా తేజస్వినాం తేజః క్షమా బ్రహ్మ తపస్వినాం .
క్షమా సత్యం సత్యవతాం క్షమా యజ్ఞః క్షమా శమః ॥ 6॥
తాం క్షమాం తాదృశీం కృష్ణే కథమస్మద్విధస్త్యజేత్ .
యస్యాం బ్రహ్మ చ సత్యం చ యజ్ఞాలోకాశ్చధిష్ఠితాః ॥ 7॥
క్షంతవ్యమేవ సతతం పురుషేణ విజానతా .
యదా హి క్షమతే సర్వం బ్రహ్మ సంపద్యతే తదా ॥ 8॥
క్షమావతామయం లోకః పరశ్చైవ క్షమావతాం .
ఇహ సన్మానమృచ్ఛతి పరత్ర చ శుభాం గతిం ॥ 9॥
యేషాం మన్యుర్మనుష్యాణాం క్షమయాఽభిహతః సదా .
తేషాం పరతరే లోకాస్తస్మాత్క్షాంతిః పరా మతా ॥ 10॥
ఇతి గీతాః కాశ్యపేన గాథా నిత్యం క్షమావతాం .
శ్రుత్వా గాథాః క్షమాయాస్త్వం తుష్య ద్రౌపది మాక్రుధః ॥ 11॥
పితామహః శాంతనవః క్షమాం సంపూజయిష్యతి .
కృష్ణశ్చ దేవకీపుత్రః క్షమాం సంపూజయిష్యతి ॥ 12॥
ఆచార్యో విదురః క్షత్తా శమమేవ వదిష్యతః .
కృపశ్చ సంజయశ్చైవ శమమేవ వదిష్యతః ॥ 13॥
సోమదత్తో యుయుత్సుశ్చ ద్రోణపుత్రస్తథైవ చ .
పితామహశ్చ నో వ్యాసః శమం వదతి నిత్యశః ॥ 14॥
సుయోధనో నార్హతీతి క్షమామేవం న విందతి .
అర్హస్తత్రాహమిత్యేవం తస్మాన్మాం విందతే క్షమా ॥ 15॥
ఏతదాత్మవతాం వృత్తమేష ధర్మః సనాతనః .
క్షమాచైవానృశంస్యం చ తత్కర్తాస్మ్యహమంజసా ॥ 16॥
పరైస్తాడితస్యాపితత్తాడనసమర్థస్య
చితే క్షోభానుత్పత్తిః క్షమా ॥ 17॥
॥ ఇతి కాశ్యపగీతా సమాప్తా ॥
Also Read:
Kashyapa Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
