Mahamrityunjaya Kavacha in Bengali:
॥ মহামৃত্যুঞ্জয়কবচম্ ॥
শ্রী গণেশায় নমঃ ।
ভৈরব উবাচ ।
শৃণুষ্ব পরমেশানি কবচং মন্মুখোদিতম্ ।
মহামৃত্যুঞ্জয়স্যাস্য ন দেয়ং পরমাদ্ভুতম্ ॥ ১ ॥
যং ধৃৎবা যং পঠিৎবা চ শ্রুৎবা চ কবচোত্তমম্ ।
ত্রৈলোক্যাধিপতির্ভূৎবা সুখিতোঽস্মি মহেশ্বরি ॥ ২ ॥
তদেববর্ণয়িষ্যামি তব প্রীত্যা বরাননে ।
তথাপি পরমং তৎবং ন দাতব্যং দুরাত্মনে ॥ ৩ ॥
বিনিয়োগঃ
অস্য শ্রীমহামৃত্যুঞ্জয়কবচস্য শ্রীভৈরব ঋষিঃ,
গায়ত্রীছন্দঃ, শ্রীমহামৃত্যুঞ্জয়ো মহারুদ্রো দেবতা,
ওঁ বীজং, জূং শক্তিঃ, সঃ কীলকং, হৌমিতি তৎবং,
চতুর্বর্গসাধনে মৃত্যুঞ্জয়কবচপাঠে বিনিয়োগঃ ।
চন্দ্রমণ্ডলমধ্যস্থং রুদ্রং ভালে বিচিন্ত্য তম্ ।
তত্রস্থং চিন্তয়েৎ সাধ্যং মৃত্যুং প্রাপ্তোঽপি জীবতি ॥ ১ ॥
ওঁ জূং সঃ হৌং শিরঃ পাতু দেবো মৃত্যুঞ্জয়ো মম ।
ওঁ শ্রীং শিবো ললাটং মে ওঁ হৌং ভ্রুবৌ সদাশিবঃ ॥ ২ ॥
নীলকণ্ঠোঽবতান্নেত্রে কপর্দী মেঽবতাচ্ছ্রুতী ।
ত্রিলোচনোঽবতাদ্ গণ্ডৌ নাসাং মে ত্রিপুরান্তকঃ ॥ ৩ ॥
মুখং পীয়ূষঘটভৃদোষ্ঠৌ মে কৃত্তিকাম্বরঃ ।
হনুং মে হাটকেশনো মুখং বটুকভৈরবঃ ॥ ৪ ॥
কন্ধরাং কালমথনো গলং গণপ্রিয়োঽবতু ।
স্কন্ধৌ স্কন্দপিতা পাতু হস্তৌ মে গিরিশোঽবতু ॥ ৫ ॥
নখান্ মে গিরিজানাথঃ পায়াদঙ্গুলিসংয়ুতান্ ।
স্তনৌ তারাপতিঃ পাতু বক্ষঃ পশুপতির্মম ॥ ৬ ॥
কুক্ষিং কুবেরবরদঃ পার্শ্বৌ মে মারশাসনঃ ।
শর্বঃ পাতু তথা নাভিং শূলী পৃষ্ঠং মমাবতু ॥ ৭ ॥
শিশ্র্নং মে শঙ্করঃ পাতু গুহ্যং গুহ্যকবল্লভঃ ।
কটিং কালান্তকঃ পায়াদূরূ মেঽন্ধকঘাতকঃ ॥ ৮ ॥
জাগরূকোঽবতাজ্জানূ জঙ্ঘে মে কালভৈরবঃ ।
গুল্ফো পায়াজ্জটাধারী পাদৌ মৃত্যুঞ্জয়োঽবতু ॥ ৯ ॥
পাদাদিমূর্ধপর্যন্তমঘোরঃ পাতু মে সদা ।
শিরসঃ পাদপর্যন্তং সদ্যোজাতো মমাবতু ॥ ১০ ॥
রক্ষাহীনং নামহীনং বপুঃ পাৎবমৃতেশ্বরঃ ।
পূর্বে বলবিকরণো দক্ষিণে কালশাসনঃ ॥ ১১ ॥
পশ্চিমে পার্বতীনাথো হ্যুত্তরে মাং মনোন্মনঃ ।
ঐশান্যামীশ্বরঃ পায়াদাগ্নেয়্যামগ্নিলোচনঃ ॥ ১২ ॥
নৈঋত্যাং শম্ভুরব্যান্মাং বায়ব্যাং বায়ুবাহনঃ ।
উর্ধ্বে বলপ্রমথনঃ পাতালে পরমেশ্বরঃ ॥ ১৩ ॥
দশদিক্ষু সদা পাতু মহামৃত্যুঞ্জয়শ্চ মাম্ ।
রণে রাজকুলে দ্যূতে বিষমে প্রাণসংশয়ে ॥ ১৪ ॥
পায়াদ্ ওং জূং মহারুদ্রো দেবদেবো দশাক্ষরঃ ।
প্রভাতে পাতু মাং ব্রহ্মা মধ্যাহ্নে ভৈরবোঽবতু ॥ ১৫ ॥
সায়ং সর্বেশ্বরঃ পাতু নিশায়াং নিত্যচেতনঃ ।
অর্ধরাত্রে মহাদেবো নিশান্তে মাং মহোময়ঃ ॥ ১৬ ॥
সর্বদা সর্বতঃ পাতু ওঁ জূং সঃ হৌং মৃত্যুঞ্জয়ঃ ।
ইতীদং কবচং পুণ্যং ত্রিষু লোকেষু দুর্লভম্ ॥ ১৭ ॥
ফলশ্রুতি
সর্বমন্ত্রময়ং গুহ্যং সর্বতন্ত্রেষু গোপিতম্ ।
পুণ্যং পুণ্যপ্রদং দিব্যং দেবদেবাধিদৈবতম্ ॥ ১৮ ॥
য ইদং চ পঠেন্মন্ত্রী কবচং বার্চয়েৎ ততঃ ।
তস্য হস্তে মহাদেবি ত্র্যম্বকস্যাষ্ট সিদ্ধয়ঃ ॥ ১৯ ॥
রণে ধৃৎবা চরেদ্যুদ্ধং হৎবা শত্রূঞ্জয়ং লভেৎ ।
জয়ং কৃৎবা গৃহং দেবি সম্প্রাপ্স্যতি সুখী পুনঃ ॥ ২০ ॥
মহাভয়ে মহারোগে মহামারীভয়ে তথা ।
দুর্ভিক্ষে শত্রুসংহারে পঠেৎ কবচমাদরাৎ ॥ ২১ ॥
সর্ব তৎ প্রশমং যাতি মৃত্যুঞ্জয়প্রসাদতঃ ।
ধনং পুত্রান্ সুখং লক্ষ্মীমারোগ্যং সর্বসম্পদঃ ॥ ২২ ॥
প্রাপ্নোতি সাধকঃ সদ্যো দেবি সত্যং ন সংশয়ঃ
ইতীদং কবচং পুণ্যং মহামৃত্যুঞ্জয়স্য তু ।
গোপ্যং সিদ্ধিপ্রদং গুহ্যং গোপনীয়ং স্বয়োনিবৎ ॥ ২৩ ॥
। ইতি শ্রীরুদ্রয়ামলে তন্ত্রে শ্রীদেবীরহস্যে
মৃত্যুঞ্জয়কবচং সম্পূর্ণম্ ।
Also Read:
Maha Mrityunjaya Kavacha Lyrics in Sanskrit | English | Marathi | Bengali | Gujarati | Kannada | Malayalam | Oriya | Telugu | Tamil
