Ashtottara Shatanama

Mantrasiddhiprada Mahadurga Ashtottarashatanama Stotram Lyrics in Hindi | Sri Durga Devi Slokam

Mantra Siddhiprada Maha Durga Ashtottara Shatanama Stotram Lyrics in Hindi:

मन्त्रसिद्धिप्रदमहादुर्गाष्टोत्तरशतनामस्तोत्रम्
ॐ दुर्गा भवानी देवेशी विश्वनाथप्रिया शिवा ।
घोरदंष्ट्राकरालास्या मुण्डमालाविभूषिता ॥ १ ॥

रुद्राणी तारिणी तारा माहेशी भववल्लभा ।
नारायणी जगद्धात्री महादेवप्रिया जया ॥ २ ॥

विजया च जयाराध्या शर्वाणी हरवल्लभा ।
असिता चाणिमादेवी लघिमा गरिमा तथा ॥ ३ ॥

महेशशक्तिविश्वेशी गौरी पर्वतनन्दिनी ।
नित्या च निष्कलङ्का च निरीहा नित्यनूतना ॥ ४ ॥

रक्ता रक्तमुखी वाणी वस्तुयुक्तासमप्रभा ।
यशोदा राधिका चण्डी द्रौपदी रुक्मिणी तथा ॥ ५ ॥

गुहप्रिया गुहरता गुहवंशविलासिनी ।
गणेशजननी माता विश्वरूपा च जाह्नवी ॥ ६ ॥

गङ्गा काली च काशी च भैरवी भुवनेश्वरी ।
निर्मला च सुगन्धा च देवकी देवपूजिता ॥ ७ ॥

दक्षजा दक्षिणा दक्षा दक्षयज्ञविनाशिनी ।
सुशीला सुन्दरी सौम्या मातङ्गी कमलात्मिका ॥ ८ ॥

निशुम्भनाशिनी शुम्भनाशिनी चण्डनाशिनी ।
धूम्रलोचनसंहारी महिषासुरमर्दिनी ॥ ९ ॥

उमा गौरी कराला च कामिनी विश्वमोहिनी ।
जगदीशप्रिया जन्मनाशिनी भवनाशिनी ॥ १० ॥

घोरवक्त्रा ललज्जिह्वा अट्टहासा दिगम्बरा ।
भारती स्वरगता देवी भोगदा मोक्षदायिनी ॥ ११ ॥

इत्येवं शतनामानि कथितानि वरानने ।
नामस्मरणमात्रेण जीवन्मुक्तो न संशयः ।
पठित्वा शतनामानि मन्त्रसिद्धिं लभेत् धृवम् ॥ १२ ॥

इति मन्त्रसिद्धिप्रदमहादुर्गाष्टोत्तरशतनामस्तोत्रं सम्पूर्णम् ।

Also Read:

Mantrasiddhiprada Mahadurga Ashtottarashatanama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil