మాతృపఞ్చకమ్ Lyrics in Telugu:
సచ్చిదానన్దతీర్థవిరచితమ్
మాతః సోఽహముపస్తితోఽస్మి పురతః పూర్వప్రతిజ్ఞాం స్మరన్
ప్రత్యశ్రావి పురాహి తేఽన్త్య సమయే ప్రాప్తుం సమీపం తవ ।
గ్రాహగ్రాసమిషాద్యయా హ్యనుమతస్తుర్యాశ్రమం ప్రాప్తువాన్
యత్ప్రీత్యై చ సమాగతోఽహమధునా తస్యై జనన్యై నమః ॥ ౧॥
బ్రూతే మాతృసమా శ్రుతిర్భగవతీ యద్బార్హదారణ్యకై
తత్త్వం వేత్స్యతి మాతృమాంశ్చ పితృమానాచార్యవానిత్యసౌ ।
తత్రాదౌ కిల మాతృశిక్షణవిధిం సర్వోత్తమం శాసతీ
పూజ్యాత్పూజ్యతరాం సమర్థయతి యాం తస్యై జనన్యై నమః ॥ ౨॥
అమ్బా తాత ఇతి స్వశిక్షణవశాదుచ్చారణప్రక్రియాం
యా సూతే ప్రథమం క్వ శక్తిరిహ నో మాతుస్తు శిక్షాం వినా ।
వ్యుత్పత్తిం క్రమశశ్చ సార్వజనికీం తత్తత్పదార్థేషు యా
హ్యాధత్తే వ్యవహారమప్యవకిలం తస్యై జనన్యై నమః ॥ ౩॥
ఇష్టానిష్టహితాహితాదిధిషణాహౌనా వయం శైశవే
కీటాన్ శష్కులవిత్ కరేణ దధతో భక్ష్యాశయా బాలిశాః ।
మాత్రా వారితసాహసాః ఖలుతతో భక్ష్యాణ్యభక్ష్యాణి వా
వ్యజ్ఞాసిష్మ హితాహితే చ సుతరాం తస్యై జనన్యై నమః ॥ ౪॥
ఆత్మజ్ఞానసమార్జనోపకరణం యద్దేహయన్త్రం విదుః
తద్రోగాదిభయాన్మృగోరగరిపువ్రాతాదవన్తీ స్వయమ్ ।
పుష్ణన్తీ శిషుమాదరాద్గురుకులం ప్రాపయ్య కాలక్రమాత్
యా సర్వజ్ఞశిఖామణిం వితనుతే తస్యై జనన్యై నమః ॥ ౫॥
ఇతి శ్రీమచ్ఛృఙ్గగిరిజగద్గురుచరణసరోహసేవాసమాసదితసారస్వతవిభవలేశస్య
శ్రీశివానన్దతీర్థస్వామిపూజ్యపాదశిష్యస్య శ్రీసచ్చిదానన్దతీర్థస్య
భాష్యస్వామినః చ కృతౌ మాతృపఞ్చకమ్
॥ ఓం తత్సత్॥
