શ્રીવિઘ્નેશપુરાણસારમુદિતં વ્યાસાય ધાત્રા પુરા
તત્ખણ્ડં પ્રથમં મહાગણપતેશ્ચોપાસનાખ્યં યથા ।
સંહર્તું ત્રિપુરં શિવેન ગણપસ્યાદૌ કૃતં પૂજનં
કર્તું સૃષ્ટિમિમાં સ્તુતઃ સ વિધિના વ્યાસેન બુદ્ધ્યાપ્તયે ॥
સઙ્કષ્ટ્યાશ્ચ વિનાયકસ્ય ચ મનોઃ સ્થાનસ્ય તીર્થસ્ય વૈ
દૂર્વાણાં મહિમેતિ ભક્તિચરિતં તત્પાર્થિવસ્યાર્ચનમ્ ।
તેભ્યો યૈર્યદભીપ્સિતં ગણપતિસ્તત્તત્પ્રતુષ્ટો દદૌ
તાઃ સર્વા ન સમર્થ એવ કથિતું બ્રહ્મા કુતો માનવઃ ॥
ક્રીડાકાણ્ડમથો વદે કૃતયુગે શ્વેતચ્છવિઃ કાશ્યપઃ ।
સિંહાઙ્કઃ સ વિનાયકો દશભુજો ભૂત્વાથ કાશીં યયૌ ।
હત્વા તત્ર નરાન્તકં તદનુજં દેવાન્તકં દાનવં
ત્રેતાયાં શિવનન્દનો રસભુજો જાતો મયૂરધ્વજઃ ॥
હત્વા તં કમલાસુરં ચ સગણં સિન્ધું મહાદૈત્યપં
પશ્ચાત્ સિદ્ધિમતી સુતે કમલજસ્તસ્મૈ ચ જ્ઞાનં દદૌ ।
દ્વાપારે તુ ગજાનનો યુગભુજો ગૌરીસુતઃ સિન્દુરં
સમ્મર્દ્ય સ્વકરેણ તં નિજમુખે ચાખુધ્વજો લિપ્તવાન્ ॥
ગીતાયા ઉપદેશ એવ હિ કૃતો રાજ્ઞે વરેણ્યાય વૈ
તુષ્ટાયાથ ચ ધૂમ્રકેતુરભિધો વિપ્રઃ સધર્મર્ધિકઃ ।
અશ્વાઙ્કો દ્વિભુજો સિતો ગણપતિર્મ્લેચ્છાન્તકઃ સ્વર્ણદઃ
ક્રીડાકાણ્ડમિદં ગણસ્ય હરિણા પ્રોક્તં વિધાત્રે પુરા ॥
એતચ્છ્લોકસુપઞ્ચકં પ્રતિદિનં ભક્ત્યા પઠેદ્યઃ પુમાન્
નિર્વાણં પરમં વ્રજેત્ સ સકલાન્ ભુક્ત્વા સુભોગાનપિ ।
॥ ઇતિ શ્રીપંચશ્લોકિગણેશપુરાણમ્ ॥