Panchaka

Rama Pratah Smarana Lyrics in Gujarati શ્રીરામપ્રાતઃસ્મરણમ્ શ્રીરામપઞ્ચકમ્

શ્રીરામપ્રાતઃસ્મરણમ્ શ્રીરામપઞ્ચકમ્ Lyrics in Gujarati:

પ્રાતઃ સ્મરામિ રઘુનાથમુખારવિન્દં
મન્દસ્મિતં મધુરભાષિ વિશાલભાલમ્ ।
કર્ણાવલમ્બિચલકુણ્ડલશોભિગણ્ડં
કર્ણાન્તદીર્ઘનયનં નયનાભિરામમ્ ॥ ૧॥

પ્રાતર્ભજામિ રઘુનાથકરારવિન્દં
રક્ષોગણાય ભયદં વરદં નિજેભ્યઃ ।
યદ્રાજસંસદિ વિભજ્ય મહેશચાપં
સીતાકરગ્રહણમઙ્ગલમાપ સદ્યઃ ॥ ૨॥

પ્રાતર્નમામિ રઘુનાથપદારવિન્દં
વજ્રાઙ્કુશાદિશુભરેખિ સુખાવહં મે ।
યોગીન્દ્રમાનસમધુવ્રતસેવ્યમાનં
શાપાપહં સપદિ ગૌતમધર્મપત્ન્યાઃ ॥ ૩॥

પ્રાતર્વદામિ વચસા રઘુનાથ નામ
વાગ્દોષહારિ સકલં શમલં નિહન્તિ ।
યત્પાર્વતી સ્વપતિના સહ ભોક્તુકામા
પ્રીત્યા સહસ્રહરિનામસમં જજાપ ॥ ૪॥

પ્રાતઃ શ્રયે શ્રુતિનુતાં રઘુનાથમૂર્તિં
નીલામ્બુજોત્પલસિતેતરરત્નનીલામ્ ।
આમુક્તમૌક્તિકવિશેષવિભૂષણાઢ્યાં
ધ્યેયાં સમસ્તમુનિભિર્જનમુક્તિહેતુમ્ ॥ ૫॥

યઃ શ્લોકપઞ્ચકમિદં પ્રયતઃ પઠેદ્ધિ
નિત્યં પ્રભાતસમયે પુરુષઃ પ્રબુદ્ધઃ ।
શ્રીરામકિઙ્કરજનેષુ સ એવ મુખ્યો
ભૂત્વા પ્રયાતિ હરિલોકમનન્યલભ્યમ્ ॥

॥ ઇતિ શ્રીરામકર્ણામૃતાન્તર્ગતમ્ શ્રીરામપ્રાતઃસ્મરણમ્ ॥

Add Comment

Click here to post a comment