Sri Shankara Ashtakam in Kannada:
॥ ಶಂಕರಾಷ್ಟಕಮ್ ॥
ಶ್ರೀಗಣೇಶಾಯ ನಮಃ ।
ಶೀರ್ಷಜಟಾಗಣಭಾರಂ ಗರಲಾಹಾರಂ ಸಮಸ್ತಸಂಹಾರಮ್ ।
ಕೈಲಾಸಾದ್ರಿವಿಹಾರಂ ಪಾರಂ ಭವವಾರಿಧೇರಹಂ ವನ್ದೇ ॥ 1 ॥
ಚನ್ದ್ರಕಲೋಜ್ಜ್ವಲಭಾಲಂ ಕಂಠವ್ಯಾಲಂ ಜಗತ್ತ್ರಯೀಪಾಲಮ್ ।
ಕೃತನರಮಸ್ತಕಮಾಲಂ ಕಾಲಂ ಕಾಲಸ್ಯ ಕೋಮಲಂ ವನ್ದೇ ॥ 2 ॥
ಕೋಪೇಕ್ಷಣಹತಕಾಮಂ ಸ್ವಾತ್ಮಾರಾಮಂ ನಗೇನ್ದ್ರಜಾವಾಮಮ್ ।
ಸಂಸೃತಿಶೋಕವಿರಾಮಂ ಶ್ಯಾಮಂ ಕಂಠೇನ ಕಾರಣಂ ವನ್ದೇ ॥ 3 ॥
ಕಟಿತಟವಿಲಸಿತನಾಗಂ ಖಂಡಿತಯಾಗಂ ಮಹಾದ್ಭುತತ್ಯಾಗಮ್ ।
ವಿಗತವಿಷಯರಸರಾಗಂ ಭಾಗಂ ಯಜ್ಞೇಷು ಬಿಭ್ರತಂ ವನ್ದೇ ॥ 4 ॥
ತ್ರಿಪುರಾದಿಕದನುಜಾನ್ತಂ ಗಿರಿಜಾಕಾನ್ತಂ ಸದೈವ ಸಂಶಾನ್ತಮ್ ।
ಲೀಲಾವಿಜಿತಕೃತಾನ್ತಂ ಭಾನ್ತಂ ಸ್ವಾನ್ತೇಪು ದೇಹಿನಾಂ ವನ್ದೇ ॥ 5 ॥
ಸುರಸರಿದಾಪ್ಲುತಕೇಶಂ ತ್ರಿದಶಕುಲೇಶಂ ಹೃದಾಲಯಾವೇಶಮ್ ।
ವಿಗತಾಶೇಷಕ್ಲೇಶಂ ದೇಶಂ ಸರ್ವೇಷ್ಟಸಮ್ಪದಾಂ ವನ್ದೇ ॥ 6 ॥
ಕರತಲಕಲಿತಪಿನಾಕಂ ವಿಗತಜರಾಕಂ ಸುಕರ್ಮಣಾಂ ಪಾಕಮ್ ।
ಪರಪದವೀತವರಾಕಂ ನಾಕಂಗಮಪೂಗವನ್ದಿತಂ ವನ್ದೇ ॥ 7 ॥
ಭೂತಿವಿಭೂಷಿತಕಾಯಂ ದುಸ್ತರಮಾಯಂ ವಿವರ್ಜಿತಾಪಾಯಮ್ ।
ಪ್ರಮಥಸಮೂಹಸಹಾಯಂ ಸಾಯಂ ಪ್ರಾತರ್ನಿರನ್ತರಂ ವನ್ದೇ ॥ 8 ॥
ಯಸ್ತುಪದಾಷ್ಟಕಮೇತದ್ಬ್ರಹ್ಮಾನನ್ದೇನ ನಿರ್ಮಿತಂ ನಿತ್ಯಮ್ ।
ಪಠತಿ ಸಮಾಹಿತಚೇತಾಃ ಪ್ರಾಪ್ನೋತ್ಯನ್ತೇ ಸ ಶೈವಮೇವ ಪದಮ್ ॥ 9 ॥
ಇತಿ ಶ್ರೀಮತ್ಪರಮಹಂಸಸ್ವಾಮಿಬ್ರಹ್ಮಾನನ್ದವಿರಚಿತಂ ಶ್ರೀಶಂಕರಾಷ್ಟಕಂ ಸಮ್ಪೂರ್ಣಮ್ ।
Also Read:
Shankara Ashtakam Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
