Adi Shankaracharya Shiva Bhujanga Prayatha Stotram
Shiva Bhujanga Prayatha Stotram in Bengali:
॥ শ্রীশিবভুজঙ্গম্ অথবা শিবস্তুতিঃ ॥
গলদ্দানগণ্ডং মিলদ্ভৃঙ্গষণ্ডং
চলচ্চারুশুণ্ডং জগত্ত্রাণশৌণ্ডম্ ।
কনদ্দন্তকাণ্ডং বিপদ্ভঙ্গচণ্ডং
শিবপ্রেমপিণ্ডং ভজে বক্রতুণ্ডম্ ॥ ১ ॥
অনাদ্যন্তমাদ্যং পরং তত্ত্বমর্থং
চিদাকারমেকং তুরীয়ং ৎবমেয়ম্ ।
হরিব্রহ্মমৃগ্যং পরব্রহ্মরূপং
মনোবাগতীতং মহঃশৈবমীডে ॥ ২ ॥
স্বশক্ত্যাদিশক্ত্যন্তসিংহাসনস্থং
মনোহারিসর্বাঙ্গরত্নোরুভূষম্ ।
জটাহীন্দুগঙ্গাস্থিশম্যাকমৌলিং
পরাশক্তিমিত্রং নুমঃ পঞ্চবক্ত্রম্ ॥ ৩ ॥
শিবেশানতৎপূরুষাঘোরবামা-
দিভিঃ পঞ্চভির্হৃন্মুখৈঃ ষড্ভিরঙ্গৈঃ ।
অনৌপম্য ষট্ত্রিংশতং তত্ত্ববিদ্যা-
মতীতং পরং ৎবাং কথং বেত্তি কো বা ॥ ৪ ॥
প্রবালপ্রবাহপ্রভাশোণমর্ধং
মরুৎবন্মণিশ্রীমহঃশ্যামমর্ধম্ ।
গুণস্যূতমেতদ্বপুঃ শৈবমন্তঃ
স্মরামি স্মরাপত্তিসম্পত্তিহেতোঃ ॥ ৫ ॥
স্বসেবাসমায়াতদেবাসুরেন্দ্রা-
নমন্মৌলিমন্দারমালাভিষিক্তম্ ।
নমস্যামি শম্ভো পদাম্ভোরুহং তে
ভবাম্ভোধিপোতং ভবানীবিভাব্যম্ ॥ ৬ ॥
জগন্নাথ মন্নাথ গৌরীসনাথ
প্রপন্নানুকম্পিন্বিপন্নার্তিহারিন্ ।
মহঃস্তোমমূর্তে সমস্তৈকবন্ধো
নমস্তে নমস্তে পুনস্তে নমোঽস্তু ॥ ৭ ॥
বিরূপাক্ষ বিশ্বেশ বিশ্বাদিদেব
ত্রয়ীমূল শম্ভো শিব ত্র্যম্বক ৎবম্ ।
প্রসীদ স্মর ত্রাহি পশ্যাবমুক্ত্যৈ
ক্ষমাং প্রাপ্নুহি ত্র্যক্ষ মাং রক্ষ মোদাৎ ॥ ৮ ॥
মহাদেব দেবেশ দেবাদিদেব
স্মরারে পুরারে যমারে হরেতি ।
ব্রুবাণঃ স্মরিষ্যামি ভক্ত্যা ভবন্তং
ততো মে দয়াশীল দেব প্রসীদ ॥ ৯ ॥
ৎবদন্যঃ শরণ্যঃ প্রপন্নস্য নেতি
প্রসীদ স্মরন্নেব হন্যাস্তু দৈন্যম্ ।
ন চেত্তে ভবেদ্ভক্তবাৎসল্যহানি-
স্ততো মে দয়ালো সদা সংনিধেহি ॥ ১০ ॥
অয়ং দানকালস্ত্বহং দানপাত্রং
ভবানেব দাতা ৎবদন্যং ন যাচে ।
ভবদ্ভক্তিমেব স্থিরাং দেহি মহ্যং
কৃপাশীল শম্ভো কৃতার্থোঽস্মি তস্মাৎ ॥ ১১ ॥
পশুং বেৎসি চেন্মাং তমেবাধিরূঢঃ
কলঙ্কীতি বা মূর্ধ্নি ধৎসে তমেব ।
দ্বিজিহ্বঃ পুনঃ সোঽপি তে কণ্ঠভূষা
ৎবদঙ্গীকৃতাঃ শর্ব সর্বেঽপি ধন্যাঃ ॥ ১২ ॥
ন শক্নোমি কর্তুং পরদ্রোহলেশং
কথং প্রীয়সে ৎবং ন জানে গিরীশ ।
তথাহি প্রসন্নোঽসি কস্যাপি কান্তা-
সুতদ্রোহিণো বা পিতৃদ্রোহিণো বা ॥ ১৩ ॥
স্তুতিং ধ্যানমর্চাং যথাবদ্বিধাতুং
ভজন্নপ্যজানন্মহেশাবলম্বে ।
ত্রসন্তং সুতং ত্রাতুমগ্রে মৃকণ্ডো-
র্যমপ্রাণনির্বাপণং ৎবৎপদাব্জম্ ॥ ১৪ ॥
শিরোদ্দৃষ্টিহৃদ্রোগশূলপ্রমেহ-
জ্বরার্শোজরায়ক্ষ্মহিক্কাবিষার্তান্ ।
ৎবমাদ্যো ভিষগ্ভেষজং ভস্ম শম্ভো
ৎবমুল্লাঘয়াস্মান্বপুর্লাঘবায় ॥ ১৫ ॥
দরিদ্রোঽস্ম্যভদ্রোঽস্মি ভগ্নোঽস্মি দূয়ে
বিষ্ণ্ণোঽস্মি সন্নোঽস্মি খিন্নোঽস্মি চাহম্ ।
ভবান্প্রাণিনামন্তরাত্মাসি শম্ভো
মমাধিং ন বেৎসি প্রভো রক্ষ মাং ৎবম্ ॥ ১৬ ॥
ৎবদক্ষ্ণোঃ কটাক্ষঃ পতেত্ত্র্যক্ষ যত্র
ক্ষণং ক্ষ্মা চ লক্ষ্মীঃ স্বয়ং তং বৃণাতে ।
কিরীটস্ফুরচ্চামরচ্ছত্রমালা-
কলাচীগজক্ষৌমভূষাবিশেষৈঃ ॥ ১৭ ॥
ভবান্যৈ ভবায়াপি মাত্রে চ পিত্রে
মৃডান্যৈ মৃডায়াপ্যঘঘ্ন্যৈ মখঘ্নে ।
শিবাঙ্গ্যৈ শিবাঙ্গায় কুর্মঃ শিবায়ৈ
শিবায়াম্বিকায়ৈ নমস্ত্র্যম্বকায় ॥ ১৮ ॥
ভবদ্গৌরবং মল্লঘুৎবং বিদিৎবা
প্রভো রক্ষ কারুণ্যদৃষ্ট্যানুগং মাম্ ।
শিবাত্মানুভাবস্তুতাবক্ষমোঽহং
স্বশক্ত্যা কৃতং মেঽপরাধং ক্ষমস্ব ॥ ১৯ ॥
যদা কর্ণরন্ধ্রং ব্রজেৎকালবাহ-
দ্বিষৎকণ্ঠঘণ্টাঘণাৎকারনাদঃ ।
বৃষাধীশমারুহ্য দেবৌপবাহ্যং
তদা বৎস মা ভীরিতি প্রীণয় ৎবম্ ॥ ২০ ॥
যদা দারুণাভাষণা ভীষণা মে
ভবিষ্যন্ত্যুপান্তে কৃতান্তস্য দূতাঃ ।
তদা মন্মনস্ত্বৎপদাম্ভোরুহস্থং
কথং নিশ্চলং স্যান্নমস্তেঽস্তু শম্ভো ॥ ২১ ॥
যদা দুর্নিবারব্যথোঽহং শয়ানো
লুঠন্নিঃশ্বসন্নিঃসৃতাব্যক্তবাণিঃ ।
তদা জহ্নুকন্যাজলালঙ্কৃতং তে
জটামণ্ডলং মন্মনোমন্দিরং স্যাৎ ॥ ২২ ॥
যদা পুত্রমিত্রাদয়ো মৎসকাশে
রুদন্ত্যস্য হা কীদৃশীয়ং দশেতি ।
তদা দেবদেবেশ গৌরীশ শম্ভো
নমস্তে শিবায়েত্যজস্রং ব্রবাণি ॥ ২৩ ॥
যদা পশ্যতাং মামসৌ বেত্তি নাস্মা-
নয়ং শ্বাস এবেতি বাচো ভবেয়ুঃ ।
তদা ভূতিভূষং ভুজঙ্গাবনদ্ধং
পুরারে ভবন্তং স্ফুটং ভাবয়েয়ম্ ॥ ২৪ ॥
যদা যাতনাদেহসন্দেহবাহী
ভবেদাত্মদেহে ন মোহো মহান্মে ।
তদা কাশশীতাংশুসঙ্কাশমীশ
স্মরারে বপুস্তে নমস্তে স্মরাণি ॥ ২৫ ॥
যদাপারমচ্ছায়মস্থানমদ্ভি-
র্জনৈর্বা বিহীনং গমিষ্যামি মার্গম্ ।
তদা তং নিরুন্ধন্কৃতান্তস্য মার্গং
মহাদেব মহ্যং মনোজ্ঞং প্রয়চ্ছ ॥ ২৬ ॥
যদা রৌরবাদি স্মরন্নেব ভীত্যা
ব্রজাম্যত্র মোহং মহাদেব ঘোরম্ ।
তদা মামহো নাথ কস্তারয়িষ্য-
ত্যনাথং পরাধীনমর্ধেন্দুমৌলে ॥ ২৭ ॥
যদা শ্বেতপত্রায়তালঙ্ঘ্যশক্তেঃ
কৃতান্তাদ্ভয়ং ভক্তবাৎসল্যভাবাৎ ।
তদা পাহি মাং পার্বতীবল্লভান্যং
ন পশ্যামি পাতারমেতাদৃশং মে ॥ ২৮ ॥
ইদানীমিদানীং মৃতির্মে ভবিত্রী-
ত্যহো সন্ততং চিন্তয়া পীডিতোঽস্মি ।
কথং নাম মা ভূন্মৃতৌ ভীতিরেষা
নমস্তে গতীনাং গতে নীলকণ্ঠ ॥ ২৯ ॥
অমর্যাদমেবাহমাবালবৃদ্ধং
হরন্তং কৃতান্তং সমীক্ষ্যাস্মি ভীতঃ ।
মৃতৌ তাবকাঙ্ঘ্র্যব্জদিব্যপ্রসাদা-
দ্ভবানীপতে নির্ভয়োঽহং ভবানি ॥ ৩০ ॥
জরাজন্মগর্ভাধিবাসাদিদুঃখা-
ন্যসহ্যানি জহ্যাং জগন্নাথ দেব ।
ভবন্তং বিনা মে গতির্নৈব শম্ভো
দয়ালো ন জাগর্তি কিং বা দয়া তে ॥ ৩১ ॥
শিবায়েতি শব্দো নমঃপূর্ব এষ
স্মরন্মুক্তিকৃন্মৃত্যুহা তত্ত্ববাচী ।
মহেশান মা গান্মনস্তো বচস্তঃ
সদা মহ্যমেতৎপ্রদানং প্রয়চ্ছ ॥ ৩২ ॥
ৎবমপ্যম্ব মাং পশ্য শীতাংশুমৌলি-
প্রিয়ে ভেষজং ৎবং ভবব্যাধিশান্তৌ ।
বহুক্লেশভাজং পদাম্ভোজপোতে
ভবাব্ধৌ নিমগ্নং নয়স্বাদ্য পারম্ ॥ ৩৩ ॥
অনুদ্যল্ললাটাক্ষিবহ্নিপ্ররোহৈ-
রবামস্ফুরচ্চারুবামোরুশোভৈঃ ।
অনঙ্গভ্রমদ্ভোগিভূষাবিশেষৈ-
রচন্দ্রার্ধচূডৈরলং দৈবতৈর্নঃ ॥ ৩৪ ॥
অকণ্ঠেকলঙ্কাদনঙ্গেভুজঙ্গা-
দপাণৌকপালাদফালেনলাক্ষাৎ ।
অমৌল়ৌশশাঙ্কাদবামেকলত্রা-
দহং দেবমন্যং ন মন্যে ন মন্যে ॥ ৩৫ ॥
মহাদেব শম্ভো গিরীশ ত্রিশূলিম্-
স্ত্বদীয়ং সমস্তং বিভাতীতি যস্মাৎ ।
শিবাদন্যথা দৈবতং নাভিজানে
শিবোঽহং শিবোঽহং শিবোঽহং শিবোঽহম্ ॥ ৩৬ ॥
যতোঽজায়তেদং প্রপঞ্চং বিচিত্রং
স্থিতিং যাতি যস্মিন্যদেকান্তমন্তে ।
স কর্মাদিহীনঃ স্বয়ঞ্জ্যোতিরাত্মা
শিবোঽহং শিবোঽহং শিবোঽহং শিবোঽহম্ ॥ ৩৭ ॥
কিরীটে নিশেশো ললাটে হুতাশো
ভুজে ভোগিরাজো গলে কালিমা চ ।
তনৌ কামিনী যস্য তত্তুল্যদেবং
ন জানে ন জানে ন জানে ন জানে ॥ ৩৮ ॥
অনেন স্তবেনাদরাদম্বিকেশং
পরাং ভক্তিমাসাদ্য যং যে নমন্তি ।
মৃতৌ নির্ভয়াস্তে জনাস্তং ভজন্তে
হৃদম্ভোজমধ্যে সদাসীনমীশম্ ॥ ৩৯ ॥
ভুজঙ্গপ্রিয়াকল্প শম্ভো ময়ৈবং
ভুজঙ্গপ্রয়াতেন বৃত্তেন কৢপ্তম্ ।
নরঃ স্তোত্রমেতৎপঠিৎবোরুভক্ত্যা
সুপুত্রায়ুরারোগ্যমৈশ্বর্যমেতি ॥ ৪০ ॥
ইতি শ্রীমৎপরমহংসপরিব্রাজকাচার্যস্য
শ্রীগোবিন্দভগবৎপূজ্যপাদশিষ্যস্য
শ্রীমচ্ছঙ্করভগবৎপাদ কৃতৌ
শিবভুজঙ্গং সম্পূর্ণম্ ॥
Also Read:
Shiva Bhujanga Prayatha Stotram Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil
