Shiva Stavarajah in English:
॥ shivastavaraajaH ॥
shivastavaraajaH |
soota uvaacha ||
ekadaa naarado yogI paraanugrahatatparaH |
vimatsaro vItaraago brahmalokamupaayayau || 1 ||
tatra dRuShTvaa samaasInaM vidhaataaraM jagatpatim |
praNamya shirasaa bhoomau kRutaa~jjalirabhaaShata || 2 ||
naarada uvaacha ||
brahma~jjagatpate taata nato&smi tvatpadaambujam |
kRupayaa parayaa deva yatpRucCaami taducyataam || 3 ||
shrutishaastrapuraaNaani tvadaasyaatsaMshrutaani cha |
tathaapi manmano yaati sandehaM mohakaaraNam || 4 ||
sarvamantraadhiko mantraH sadaa jaapyaH ka uchyate |
sarvadhyaanaadikaM dhyaanaM sadaa dhyeyamihaasti kim || 5 ||
vedopaniShadaaM saaramaayuHshrIjayavardhanam |
muktikaa~gkShaaparairnityaM kaH stavaH paThyate budhaiH || 6 ||
imaM matsaMshayaM taata tvaM bhettaasi na kashcana |
bruhi kaaruNyabhaavena mahyaM shushrooShave hi tam || 7 ||
shrutvaa&~ggajavacho vedhaa hRudi harShamupaagataH |
devadevaM shivaakaantaM natvaa chaaha munIshvaram || 8 ||
brahmovaacha ||
saadhu pRuShTaM mahaapraaj~ja lokaanugraha tatpara |
satsarvaM te pravakShyaami gopanIyaM prayatnataH || 9 ||
praNavaM poorvamuvcchaarya namaHshabdaM samuccaret |
sachaturthyaikavachanaM shivaM chaiva samuccharet || 10 ||
eSha shaivo mahaamantraH ShaDvarNaaKyo vimuktidaH |
sarvamantraadhikaH proktaH shivena j~jaanaroopiNaa || 11 ||
anena mantraraajena naashayituM na shakyate |
tacca paapaM na pashyaami maargamaaNo&pi sarvadaa || 12 ||
ayaM saMsaaradaavaagnirmohasaagaravaaDavaH |
tasmaatprayatnataH putra mantro graahyo mumukShubhiH || 13 ||
maatRuputraadihaa yo&pi vedadharmavivarjitaH |
sakRuduccaraNaadasya saayujyamuktimaapnuyaat || 14 ||
kiM punarvakShyate putra svaachaarapariniShThitaH |
sarvamantraanvisRujya tvamimaM mantraM sadaa japa || 15 ||
dhyaanaM te&haM pravakShyaami j~jaatvaa yanmuchyate&chiraat |
vedopaniShaduktaM cha yogagamyaM sanaatanam || 16 ||
indriyaaNi niyamyaadau yatavaagyatamaanasaH |
svastikaadyaasanayuto hRudi dhyaanaM samaarabhet || 17 ||
naabhinaalaM hRudisthaM cha pa~gkajaM parikalpayet |
raktavarNamaShTadaLaM chandrasooryaadishobhitam || 18 ||
samantaatkalpavRukSheNa veShTitaM kaantimatsadaa |
tanmadhye sha~gkaraM dhyaayeddevadevaM jagadgurum || 19 ||
karpoorasadRushaM chandrasheKaraM shoolapaaNinam |
trilochanaM mahaadevaM dvibhujaM bhasmabhooShitam || 20 ||
paraardhabhooShaNayutaM kvaNannoopuramaNDitam |
saratnameKalaabaddhakaTivastraM sakuNDalam || 21 ||
nIlakaNThaM jaTaavantaM sakirITaM sushobhitam |
graiveyaadiprabandhaaDhyaM paarvatIsahitaM puram || 22 ||
kRupaaluM jagadaadhaaraM skandaadipariveShTitam
indreNa poojitaM yakSharaajena vyajitaM vibhum || 23 ||
pretaraajastutaM nIranaathena naamitaM muhuH |
brahmaNaa gIyamaanaM cha viShNuvandyaM munistutam || 24 ||
dhyaanametanmayaa KyaataM soota vedaantasheKaram |
sarvapaapakShayakaraM jayasaMpattivardhanam || 25 ||
anena sadRushaM taata naasti saMsaarataarakam |
sarvadhyaanaadikaM dhyaanaM gopanIyaM suta tvayaa || 26 ||
kaayavaa~gmaanasotthaM yatpaapamanyacca vidyate |
tatsarve naashamaayaati dhyaanaatsatyaM vacho mama || 27 ||
vedashaastrapuraaNaani setihaasaani yaani cha |
dhyaanasya taani sarvaaNi kalaaM naarhanti ShoDashIm || 28 ||
premNaa kuru mahaabhaaga dhyaanametadvimuktidam |
atha te vacmyahaM yogin stavaM sarvottamaM cha yat || 29 ||
brahmaasyaiva RuShiH prokto&nuShTup ChndaH prakIrtitam |
shivo va daivataM proktaM bIjaM mRutyu~jjayaM matam || 30 ||
kIlakaM nIlakaNThashcha shaktiH proktaa harastathaa |
niyogaH sarvashiddhyarthaM muktikaamaaya vai mataH || 31 ||
shirasyaasye hRudi pade kaTyaaM baahvostu vyaapake |
RuShyaadIni kramaadyu~jjetsaa~gguShThaa~ggulibhiH suta || 32 ||
mantranyaasaM tataH kuryaacCRuNu chaikaagramaanasaH |
ShaDakSharaaNi yu~jjIyaada~gguShThaadya~ggulIShu cha || 33 ||
hRudaye cha shirasyeva shiKaayaaM kavache yathaa |
netratraye tathaa&stre cha varNaa hyevaM cha ShaT kramaat || 34 ||
namaH svaahaa vaShaTR huM cha savauShaT phaTkramo vadet |
mantranyaasamimaM kRutvaa stavanyaasaM samaacharet || 35 ||
shivaM mRuDaM pashupatiM sha~gkaraM chandrasheKaram |
bhavaM chaiva kramaadevama~gguShThaadihRudaadiShu || 36 ||
sarvanyaasaanprayu~jjIta chaturthIsahitaansuta |
namoyutaannamashcaiva shirasaadiShu varjayet || 37 ||
shivaM sarvaatmakaM sarvapatiM sarvajanapriyam |
sarvaduHKaharaM chaiva mohanaM girishaM bhaje || 38 ||
kaamaghnaM kaamadaM kaantaM kaalamRutyunivartakam |
kalaavantaM kalaadhIshaM vande&haM girijaapatim || 39 ||
pareshaM paramaM devaM paraMbrahma paraatparam |
parapIDaaharaM nityaM praNamaami vRuShadhvajam || 40 ||
lokeshaM lokavandyaM ca lokakartaaramIshvaram |
lokapaalaM haraM vande dhIraM shashivibhooShaNam || 41 ||
shivaapatiM giripatiM sarvadevapatiM vibhum |
pramathaadhipatiM sookShmaM naumyahaM shiKilochanam || 42 ||
bhooteshaM bhootanaathaM cha bhootapretavinaashanam |
bhoodharaM bhoopatiM shaantaM shoolapaaNimahaM bhaje || 43 ||
kailaasavaasinaM raudraM phaNiraajavibhooShaNam |
phaNibaddhajaTaajooTaM praNamaami sadaashivam || 44 ||
nIlakaNThaM dashabhujaM tryakShaM dhoomravilochanam |
digaMbaraM dishaadhIshaM namaami viShabhooShaNam || 45 ||
muktIshaM muktidaM muktaM muktagamyaM sanaatanam |
satpatiM nirmalaM shaMbhuM nato&smi sakalaarthadam || 46 ||
vishveshaM vishvanaathaM cha vishvapaalanatatparam |
vishvamoortiM vishvaharaM praNamaami jaTaadharam || 47 ||
ga~ggaadharaM kapaalaakShaM pa~jchavaktraM trilochanam |
vidyutkoTipratIkaashaM vande&haM paarvatIpatim || 48 ||
sphaTikaabhaM janaartighnaM devadevamumaapatim ||
tripuraariM trilokeshaM nato&smi bhavataarakam || 49 ||
avyaktamakSharaM daantaM mohasaagarataarakam |
stutipriyaM bhaktigamyaM sadaa vande haripriyam || 50 ||
amalaM nirmalaM naathamapamRutyubhayaapaham
bhImayuddhakaraM bhImavaradaM taM nato&smyaham || 51 ||
harichakrapradaM yogidhyeyamoortiM suma~ggaLam |
gajacharmaambaradharaM praNamaami vibhootidam || 52 ||
aanandakaariNaM saumyaM sundaraM bhuvaneshvaram |
kaashipriyaM kaashiraajaM varadaM praNato&smyaham || 53 ||
shmashaanavaasinaM bhavyaM grahapIDaavinaashanam |
mahaantaM praNavaM yogaM bhaje&haM dInarakShakam || 54 ||
jyotirmayaM jyotiroopaM jitakrodhaM tapasvinam |
anantaM svargadaM svargapaalaM vande nira~jjanam || 55 ||
vedavedyaM paapaharaM guptanaathamatIndriyam|
satyaatmakaM satyaharaM nirIhaM taM nato&smyaham || 56 ||
dvIpicarmottarIyaM cha shavamoordhaavibhooShaNam |
asthimaalaM shvetavarNaM namaami chandrasheKaram || 57 ||
shoolinaM sarvabhootasthaM bhaktoddharaNasaMsthitam |
li~ggamoortiM siddhasevyaM siddhasiddhipradaayakam || 58 ||
anaadinidhanaaKyaM taM raamasevyaM jayapradam |
yodhaadiM yaj~JabhoktaaraM vande nityaM paraavaram || 59 ||
acintyamachalaM viShNuM mahaabhaagavatottamam |
paraghnaM paravedyaM cha vande vaikuNThanaayakam || 60 ||
aanandaM nirbhayaM bhaktavaa~jCitaarthapradaayakam |
bhavaanIpatimaachaaryaM vande&haM nandikeshvaram || 61 ||
somapriyaM somanaathaM yakSharaajaniShevitam |
sarvaadhaaraM suvistaaraM praNamaami vibhootidam || 62 ||
anantanaamaanamanantaroopamanaadimadhyaantamanaadisattvam |
chidroopamekaM bhavanaagasiMhaM bhajaami nityaM bhuvanaadhinaatham || 63 ||
vedopagItaM vidhusheKaraM ca suraarinaathaarchitapaadapadmam |
karpooragauraM bhujagendrahaaraM jaanaami tattvaM shivameva naanyam || 64 ||
gaNaadhinaathaM shitikaNThamaadyaM tejasvinaM sarvamanobhiraamam |
sarvaj~jamIshaM jagadaatmakaM cha pa~jchaananaM nityamahaM namaami || 65 ||
vishvasRujaM nRutyakaraM priyaM taM vishvaatmakaM vishvavidhootapaapam |
mRutyu~jjayaM bhaalavolochanaM cha chetaH sadaa cintaya devadevam || 66 ||
kapaalinaM sarpakRUtaavataMsaM manovachogocharamambujaakSham |
kShamaambudhiM dInadayaakaraM taM namaami nityaM bhavarogavaidyam || 67 ||
sarvaantarasthaM jagadaadihetuM kaalaj~jamaatmaanamanantapaadam |
anantabaahoodaramastakaakShaM lalaaTanetraM bhaja chandramaulim || 68 ||
sarvapradaM bhaktasuKaavahaM cha puShpaayudhaadipraNatipriyaM cha |
trilokanaathaM RuNabandhanaashaM bhajasva nityaM praNataartinaasham || 69 ||
aanandamoortiM suKakalpavRukShaM kumaaranaathaM vidhRutaprapa~jcham |
yaj~jaadinaathaM paramaprakaashaM namaami vishvaMbharamIshitaaram || 70 ||
ityevaM stavamaaKyaataM shivasya paramaatmanaH |
paapakShayakaraM putra saayujyamuktidaayakam || 71 ||
sarvarogaharaM mokShapradaM siddhipradaayakam |
maa~ggalyaM bhuktimuktyaadisaadhanaM jayavardhanam || 72 ||
sarvastavottamaM viddhi sarvavedaantasheKaram |
paThasvaanudinaM taata premNaa bhaktyaa vishuddhikRut || 73 ||
gohaa strIbaalavipraadihantaanyatpaapakRuttathaa |
vishvaasaghaatachaarI cha KaadyapeyaadidooShakaH || 74 ||
koTijanmaarjitaiH paapairasa~gKyaataishcha veShTitaH
aShTottarashataatpaaThaat shuddho bhavati nishcitam || 75 ||
mahaarogayuto vaapi mRutyugrahayutastathaa |
triMshattadasya paThanaatsarvaduHKaM vinashyati || 76 ||
raajavashye sahasraM tu strIvashye cha tadardhakam |
mitravashye pa~jchashataM paaThaM kuryaatsamaahitaH || 77 ||
lakShapaaThaadbhaveccaiva shiva eva na saMshayaH|
bahunaa kimihoktena bhaavanaasiddhidaayakaH || 78 ||
paarvatyaa sahitaM girIndrashiKare muktaamaye sundare pIThe saMsthitamindusheKaramaharnaathaadisaMsevitam |
pa~jchaasyaM phaNiraajaka~gkaNadharaM ga~ggaadharaM shoolinaM
tryakShaM paapaharaM namaami satataM padmaasanasthaM shivam || 79 ||
iti shrIpadmapuraaNe brahmanaaradasaMvaade shivastavaraajaH saMpoorNaH ||
Also Read:
Shivastavarajah Lyrics in English | Marathi | Gujarati | Bengali | Kannada | Malayalam | Telugu
