Shonachala Shivanama Stotram Gujarati Lyrics:
શોણાચલશિવનામસ્તોત્રમ્
ગૌતમાય શ્રીશઙ્કરેણશિવમુખ્યનામ્નામ્પરિગણનપુરઃસરં
પાર્વતીકૃતે ગૌતમ પ્રશ્નેઽરુણેશ્વરપ્રદક્ષિણામાહાત્મ્યવર્ણનં
ગૌતમ ઉવાચ –
ભગવન્નરુણાદ્રીશનામધેયાનિતેભૃશમ્ ।
વિશેષાચ્છ્રોતુમિચ્છામિસ્થાનેઽસ્મિન્સુરપૂજિતે ॥ ૧ ॥
મહેશ્વર ઉવાચ –
નામાનિશૃણુ મે બ્રહ્મન્મુખ્યાનિદ્વિજસત્તમ ।
દુર્લભાન્યલ્પપુણ્યાનાં કામદાનિસદાભુવિ ॥ ૨ ॥
શોણાદ્રીશોઽરુણાદ્રીશો દેવાધીશો જનપ્રિયઃ ।
પ્રપન્નરક્ષકો ધીરઃ શિવસેવકવર્ધકઃ ॥ ૩ ॥
અક્ષિપેયામૃતેશાનઃ સ્ત્રીપુમ્ભાવપ્રદાયકઃ ।
ભક્તિવિજ્ઞપ્તિસન્ધાતા દીનબન્દિવિમોચકઃ ॥ ૪ ॥
મુખરાઙ્ઘ્રિપતિઃ શ્રીમાન્મૃડો મૃગમદેશ્વરઃ ।
ભક્તપ્રેક્ષણકૃત્સાક્ષી ભક્તદોષનિવર્તકઃ ॥ ૫ ॥
જ્ઞાનસમ્બન્ધનાથશ્ચ શ્રીહલાહલસુન્દકઃ ।
આહવૈશ્વર્યદાતા ચ સ્મર્તૃ સર્વાઘનાશનઃ ॥ ૬ ॥
વ્યત્યસ્તનૃત્યદ્ધ્વજધૃક્સકાન્તિર્નટનેશ્વરઃ ।
સામપ્રિયઃ કલિધ્વંસી વેદમૂર્તિનિરઞ્જનઃ ॥ ૭ ॥
જગન્નાથો મહાદેવસ્ત્રિનેત્રસ્ત્રિપુરાન્તકઃ ।
ભક્તાપરાધસોઢા ચ યોગીશો ભોગનાયકઃ ॥ ૮ ॥
બાલમૂર્તિઃ ક્ષમારૂપી ધર્મરક્ષો વૃષધ્વજઃ ।
હરો ગિરીશ્વરો ભર્ગશ્ચન્દ્રરેખાવતંસકઃ ॥ ૯ ॥
સ્મરાન્તકાઽન્ધકરિપુઃ સિદ્ધરાજો દિગમ્બરઃ ।
આગમપ્રિયઈશાનો ભસ્મરુદ્રાક્ષલાઞ્છનઃ ॥ ૧૦ ॥
શ્રીપતિઃ શઙ્કરઃ સ્રષ્ટા સર્વવિદ્યેશ્વરોઽનઘઃ ।
ગઙ્ગાધરઃ ક્રતુધ્વંસો વિમલો નાગભૂષણઃ ॥ ૧૧ ॥
અરુણો બહુરૂપશ્ચ વિરૂપાક્ષોઽક્ષરાકૃતિઃ ।
અનાદિરન્તરહિતઃ શિવકામઃ સ્વયમ્પ્રભઃ ॥ ૧૨ ॥
સચ્ચિદાનન્દરૂપશ્ચ સર્વાત્મા જીવધારકઃ ।
સ્ત્રીસઙ્ગવામસુભગો વિધિર્વિહિતસુન્દરઃ ॥ ૧૩ ॥
જ્ઞાનપ્રદો મુક્તિદશ્ચ ભક્તવાઞ્છિતદાયકઃ ।
આશ્ચર્યવૈભવઃ કામી નિરવદ્યો નિધિપ્રદઃ ॥ ૧૪ ॥
શૂલી પશુપતિઃ શમ્ભુઃ સ્વયમ્ભુગિરિશો મૃડઃ ।
એતાનિ મમ મુખ્યાનિ નામાન્યત્ર મહામુને ॥ ૧૫ ॥
ઇતિ શ્રીસ્કાન્દે મહાપુરાણે પ્રથમે માહેશ્વરખણ્ડે
તૃતીયમરુણાચલમાહાત્મ્યં તત્ર પૂર્વાર્ધઃ પ્રારભ્યતે
નવમોઽધ્યાયાન્તર્ગતા શોણાચલશિવનામસ્તોત્રં સમ્પૂર્ણમ્ ।
Also Read:
Shonachala Shiva Nama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
