Shonachala Shivanama Stotram Bengali Lyrics:
শোণাচলশিবনামস্তোত্রম্
গৌতমায় শ্রীশঙ্করেণশিবমুখ্যনাম্নাম্পরিগণনপুরঃসরং
পার্বতীকৃতে গৌতম প্রশ্নেঽরুণেশ্বরপ্রদক্ষিণামাহাত্ম্যবর্ণনং
গৌতম উবাচ –
ভগবন্নরুণাদ্রীশনামধেয়ানিতেভৃশম্ ।
বিশেষাচ্ছ্রোতুমিচ্ছামিস্থানেঽস্মিন্সুরপূজিতে ॥ ১ ॥
মহেশ্বর উবাচ –
নামানিশৃণু মে ব্রহ্মন্মুখ্যানিদ্বিজসত্তম ।
দুর্লভান্যল্পপুণ্যানাং কামদানিসদাভুবি ॥ ২ ॥
শোণাদ্রীশোঽরুণাদ্রীশো দেবাধীশো জনপ্রিয়ঃ ।
প্রপন্নরক্ষকো ধীরঃ শিবসেবকবর্ধকঃ ॥ ৩ ॥
অক্ষিপেয়ামৃতেশানঃ স্ত্রীপুম্ভাবপ্রদায়কঃ ।
ভক্তিবিজ্ঞপ্তিসন্ধাতা দীনবন্দিবিমোচকঃ ॥ ৪ ॥
মুখরাঙ্ঘ্রিপতিঃ শ্রীমান্মৃডো মৃগমদেশ্বরঃ ।
ভক্তপ্রেক্ষণকৃত্সাক্ষী ভক্তদোষনিবর্তকঃ ॥ ৫ ॥
জ্ঞানসম্বন্ধনাথশ্চ শ্রীহলাহলসুন্দকঃ ।
আহবৈশ্বর্যদাতা চ স্মর্তৃ সর্বাঘনাশনঃ ॥ ৬ ॥
ব্যত্যস্তনৃত্যদ্ধ্বজধৃক্সকান্তির্নটনেশ্বরঃ ।
সামপ্রিয়ঃ কলিধ্বংসী বেদমূর্তিনিরঞ্জনঃ ॥ ৭ ॥
জগন্নাথো মহাদেবস্ত্রিনেত্রস্ত্রিপুরান্তকঃ ।
ভক্তাপরাধসোঢা চ য়োগীশো ভোগনায়কঃ ॥ ৮ ॥
বালমূর্তিঃ ক্ষমারূপী ধর্মরক্ষো বৃষধ্বজঃ ।
হরো গিরীশ্বরো ভর্গশ্চন্দ্ররেখাবতংসকঃ ॥ ৯ ॥
স্মরান্তকাঽন্ধকরিপুঃ সিদ্ধরাজো দিগম্বরঃ ।
আগমপ্রিয়ঈশানো ভস্মরুদ্রাক্ষলাঞ্ছনঃ ॥ ১০ ॥
শ্রীপতিঃ শঙ্করঃ স্রষ্টা সর্ববিদ্যেশ্বরোঽনঘঃ ।
গঙ্গাধরঃ ক্রতুধ্বংসো বিমলো নাগভূষণঃ ॥ ১১ ॥
অরুণো বহুরূপশ্চ বিরূপাক্ষোঽক্ষরাকৃতিঃ ।
অনাদিরন্তরহিতঃ শিবকামঃ স্বয়ম্প্রভঃ ॥ ১২ ॥
সচ্চিদানন্দরূপশ্চ সর্বাত্মা জীবধারকঃ ।
স্ত্রীসঙ্গবামসুভগো বিধির্বিহিতসুন্দরঃ ॥ ১৩ ॥
জ্ঞানপ্রদো মুক্তিদশ্চ ভক্তবাঞ্ছিতদায়কঃ ।
আশ্চর্যবৈভবঃ কামী নিরবদ্যো নিধিপ্রদঃ ॥ ১৪ ॥
শূলী পশুপতিঃ শম্ভুঃ স্বয়ম্ভুগিরিশো মৃডঃ ।
এতানি মম মুখ্যানি নামান্যত্র মহামুনে ॥ ১৫ ॥
ইতি শ্রীস্কান্দে মহাপুরাণে প্রথমে মাহেশ্বরখণ্ডে
তৃতীয়মরুণাচলমাহাত্ম্যং তত্র পূর্বার্ধঃ প্রারভ্যতে
নবমোঽধ্যায়ান্তর্গতা শোণাচলশিবনামস্তোত্রং সম্পূর্ণম্ ।
Also Read:
Shonachala Shiva Nama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
