Shonachala Shivanama Stotram Kannada Lyrics:
ಶೋಣಾಚಲಶಿವನಾಮಸ್ತೋತ್ರಮ್
ಗೌತಮಾಯ ಶ್ರೀಶಂಕರೇಣಶಿವಮುಖ್ಯನಾಮ್ನಾಮ್ಪರಿಗಣನಪುರಃಸರಂ
ಪಾರ್ವತೀಕೃತೇ ಗೌತಮ ಪ್ರಶ್ನೇಽರುಣೇಶ್ವರಪ್ರದಕ್ಷಿಣಾಮಾಹಾತ್ಮ್ಯವರ್ಣನಂ
ಗೌತಮ ಉವಾಚ –
ಭಗವನ್ನರುಣಾದ್ರೀಶನಾಮಧೇಯಾನಿತೇಭೃಶಮ್ ।
ವಿಶೇಷಾಚ್ಛ್ರೋತುಮಿಚ್ಛಾಮಿಸ್ಥಾನೇಽಸ್ಮಿನ್ಸುರಪೂಜಿತೇ ॥ 1 ॥
ಮಹೇಶ್ವರ ಉವಾಚ –
ನಾಮಾನಿಶೃಣು ಮೇ ಬ್ರಹ್ಮನ್ಮುಖ್ಯಾನಿದ್ವಿಜಸತ್ತಮ ।
ದುರ್ಲಭಾನ್ಯಲ್ಪಪುಣ್ಯಾನಾಂ ಕಾಮದಾನಿಸದಾಭುವಿ ॥ 2 ॥
ಶೋಣಾದ್ರೀಶೋಽರುಣಾದ್ರೀಶೋ ದೇವಾಧೀಶೋ ಜನಪ್ರಿಯಃ ।
ಪ್ರಪನ್ನರಕ್ಷಕೋ ಧೀರಃ ಶಿವಸೇವಕವರ್ಧಕಃ ॥ 3 ॥
ಅಕ್ಷಿಪೇಯಾಮೃತೇಶಾನಃ ಸ್ತ್ರೀಪುಮ್ಭಾವಪ್ರದಾಯಕಃ ।
ಭಕ್ತಿವಿಜ್ಞಪ್ತಿಸನ್ಧಾತಾ ದೀನಬನ್ದಿವಿಮೋಚಕಃ ॥ 4 ॥
ಮುಖರಾಂಘ್ರಿಪತಿಃ ಶ್ರೀಮಾನ್ಮೃಡೋ ಮೃಗಮದೇಶ್ವರಃ ।
ಭಕ್ತಪ್ರೇಕ್ಷಣಕೃತ್ಸಾಕ್ಷೀ ಭಕ್ತದೋಷನಿವರ್ತಕಃ ॥ 5 ॥
ಜ್ಞಾನಸಮ್ಬನ್ಧನಾಥಶ್ಚ ಶ್ರೀಹಲಾಹಲಸುನ್ದಕಃ ।
ಆಹವೈಶ್ವರ್ಯದಾತಾ ಚ ಸ್ಮರ್ತೃ ಸರ್ವಾಘನಾಶನಃ ॥ 6 ॥
ವ್ಯತ್ಯಸ್ತನೃತ್ಯದ್ಧ್ವಜಧೃಕ್ಸಕಾನ್ತಿರ್ನಟನೇಶ್ವರಃ ।
ಸಾಮಪ್ರಿಯಃ ಕಲಿಧ್ವಂಸೀ ವೇದಮೂರ್ತಿನಿರಂಜನಃ ॥ 7 ॥
ಜಗನ್ನಾಥೋ ಮಹಾದೇವಸ್ತ್ರಿನೇತ್ರಸ್ತ್ರಿಪುರಾನ್ತಕಃ ।
ಭಕ್ತಾಪರಾಧಸೋಢಾ ಚ ಯೋಗೀಶೋ ಭೋಗನಾಯಕಃ ॥ 8 ॥
ಬಾಲಮೂರ್ತಿಃ ಕ್ಷಮಾರೂಪೀ ಧರ್ಮರಕ್ಷೋ ವೃಷಧ್ವಜಃ ।
ಹರೋ ಗಿರೀಶ್ವರೋ ಭರ್ಗಶ್ಚನ್ದ್ರರೇಖಾವತಂಸಕಃ ॥ 9 ॥
ಸ್ಮರಾನ್ತಕಾಽನ್ಧಕರಿಪುಃ ಸಿದ್ಧರಾಜೋ ದಿಗಮ್ಬರಃ ।
ಆಗಮಪ್ರಿಯಈಶಾನೋ ಭಸ್ಮರುದ್ರಾಕ್ಷಲಾಂಛನಃ ॥ 10 ॥
ಶ್ರೀಪತಿಃ ಶಂಕರಃ ಸ್ರಷ್ಟಾ ಸರ್ವವಿದ್ಯೇಶ್ವರೋಽನಘಃ ।
ಗಂಗಾಧರಃ ಕ್ರತುಧ್ವಂಸೋ ವಿಮಲೋ ನಾಗಭೂಷಣಃ ॥ 11 ॥
ಅರುಣೋ ಬಹುರೂಪಶ್ಚ ವಿರೂಪಾಕ್ಷೋಽಕ್ಷರಾಕೃತಿಃ ।
ಅನಾದಿರನ್ತರಹಿತಃ ಶಿವಕಾಮಃ ಸ್ವಯಮ್ಪ್ರಭಃ ॥ 12 ॥
ಸಚ್ಚಿದಾನನ್ದರೂಪಶ್ಚ ಸರ್ವಾತ್ಮಾ ಜೀವಧಾರಕಃ ।
ಸ್ತ್ರೀಸಂಗವಾಮಸುಭಗೋ ವಿಧಿರ್ವಿಹಿತಸುನ್ದರಃ ॥ 13 ॥
ಜ್ಞಾನಪ್ರದೋ ಮುಕ್ತಿದಶ್ಚ ಭಕ್ತವಾಂಛಿತದಾಯಕಃ ।
ಆಶ್ಚರ್ಯವೈಭವಃ ಕಾಮೀ ನಿರವದ್ಯೋ ನಿಧಿಪ್ರದಃ ॥ 14 ॥
ಶೂಲೀ ಪಶುಪತಿಃ ಶಮ್ಭುಃ ಸ್ವಯಮ್ಭುಗಿರಿಶೋ ಮೃಡಃ ।
ಏತಾನಿ ಮಮ ಮುಖ್ಯಾನಿ ನಾಮಾನ್ಯತ್ರ ಮಹಾಮುನೇ ॥ 15 ॥
ಇತಿ ಶ್ರೀಸ್ಕಾನ್ದೇ ಮಹಾಪುರಾಣೇ ಪ್ರಥಮೇ ಮಾಹೇಶ್ವರಖಂಡೇ
ತೃತೀಯಮರುಣಾಚಲಮಾಹಾತ್ಮ್ಯಂ ತತ್ರ ಪೂರ್ವಾರ್ಧಃ ಪ್ರಾರಭ್ಯತೇ
ನವಮೋಽಧ್ಯಾಯಾನ್ತರ್ಗತಾ ಶೋಣಾಚಲಶಿವನಾಮಸ್ತೋತ್ರಂ ಸಮ್ಪೂರ್ಣಮ್ ।
Also Read:
Shonachala Shiva Nama Stotram in Hindi | English | Bengali | Gujarati | Punjabi | Kannada | Malayalam | Oriya | Telugu | Tamil
