শ্রীহনূমত্ পঞ্চ চামরম্ Lyrics in Bengali:
নমোঽস্তু তে হনূমতে দয়াবতে মনোগতে
সুবর্ণপর্বতাকৃতে নভস্স্বতঃ সুতায় তে ।
ন চাঞ্জনেয় তে সমো জগত্ত্রয়ে মহামতে
পরাক্রমে বচঃকমে সমস্তসিদ্ধিসঙ্ক্রমে ॥ ১॥
রবিং গ্রসিষ্ণুরুত্পতন্ ফলেচ্ছয়া শিশুর্ভবান্
রবের্গৃহীতবানহো সমস্তবেদশাস্ত্র্কম্ ।
ভবন্মনোজ্ঞভাষণং বভূব কর্ণভূষণং
রঘূত্তমস্য মানসাংবুজস্য পূর্ণতোষণম্ ॥ ২॥
ধরাত্মজাপতিং ভবান্ বিভাবয়ন্ জগত্পতিং
জগাম রামদাসতাং সমস্তলোকবিশ্রুতাম্ ।
বিলঙ্ঘ্য বারিধিং জবাত্ বিলোক্য দীনজানকীং
দশাননস্য মানসং দদাহ লঙ্কয়া সমম্ ॥ ৩॥
বিলোক্য মাতরং কৃশাং দশাননস্য তদ্বনে
ভবানভাষত প্রিয়ং মনোহরং চ সংস্কৃতম্ ।
সমস্তদুষ্টরক্ষসাং বিনাশকালসূচনং
চকার রাবণাগ্রতঃ নয়েন বা ভয়েন বা ॥ ৪॥
মহাবলো মহাচলং সমুহ্য চৌষধিপ্রভং
ভবান্ ররক্ষ লক্ষ্মণং ভয়াবহে মহাবহে ।
মহোপকারিণং তদা ভবন্তমাত্মবান্ধবং
সমস্তলোকবান্ধবোঽপ্যমন্যত স্বয়ং বিভুঃ ॥ ৫॥
ভবাংশ্চ য়ত্র য়ত্র তত্ শৃণোতি রামকীর্তনং
করোতি তত্র তত্র ভোঃ সভাষ্পমস্তকাঞ্জলিং ।
প্রদেহি মেঽঞ্জনাসুত ত্বদীয়ভক্তিবৈভবং
বিদেহি মে নিরঞ্জনং চ রামদাসদাসতাম্ ॥ ৬॥
অগণ্যপুণ্যবান্ ভবান্ অনন্যধন্যজীবনঃ
বিমুচ্য মৌক্তিকস্রজং দদৌ ধরাত্মজা মুদা ।
ভবন্তমালিলিঙ্গ য়দ্ রঘূত্তমঃ স্বয়ং বদন্
ইদং হি মে হনূমতঃ প্রদেয়সর্বমিত্যহো ॥ ৭॥
বিদেহরাজনন্দিনীমনোহরে বরে পরে
বিদেহমুক্তিদায়কে বিধেহি মে মনো হরে ।
ক্ষণং ক্ষণং নিরীক্ষণং ভবেদ্ য়থা ময়ি প্রভোঃ
তথা নিবেদয়স্ব মদ্দশাং দশাননান্তকে ॥ ৮॥
ইদং চ পঞ্চচামরং গৃহাণ দাসকল্পিতং
সমীরণাত্মসংভব প্রমোদমানচেতসা ।
রিপূন্ ষডান্তরান্ বিনাশয়াশু দুর্দমান্
পুনর্ভবাখ্যকর্দমাত্ বিমুচ্য পাহি পাহি মাম্ ॥ ৯॥
